Austevoll kommune TILLEGGSINNKALLING Utval: UTVAL FOR PLAN OG BYGGESAK Møtestad: KOMMUNESTYRESALEN Møtedato: 20.08.2013 Kl. 15.00 Eventuelt forfall skal meldast til tlf. 55 08 10 00 Offentleg servicekontor. Varamedlemmar møter berre etter nærare innkalling frå administrasjonen. Møte er ope for tilhøyrarar. Saksdokument er lagde ut til offentleg gjennomsyn på Offentleg servicekontor. SAKLISTE Sak nr. Saktittel 111/13 Gnr 43 Bnr 0618 Storebø. Søknad om dispensasjon frå reguleringsplansentrumsplanen: gesimshøgde og til 3 mannsbustad. Storebø,16.august 2013 Helge Andre Njåstad Leiar Side 1 av1
SAKSFRAMLEGG Saksnr Utval Møtedato Sakshandsamar 111/13 UTVAL FOR PLAN OG 20.08.2013 Kari Berge BYGGESAK Jørgensen Arkivsaknr. 12/973 Arkiv: GBNR-43/0618, FA-L42, FA- L51 Gnr 43 Bnr 0618 Storebø. Søknad om dispensasjon frå reguleringsplansentrumsplanen: gesimshøgde og til 3 mannsbustad. Tilråding frå rådmannen: Utval for plan- og byggesak i Austevoll kommune har vurdert søknad om dispensasjon frå reguleringsføresegner i Sentrumsplanen for Storebøområdet punkt 2.2 Bustader med tilhøyrande anlegg motteke 07.08.2013. Det vert søkt om oppføring av 3 mannsbustad på 3 etasjar med ei gesimshøgd frå planert terreng på 8,1m og bustad med 3 bueiningar på 3 etasjar på gnr. 43 bnr 618 Storebø, slik som vist på illustrerte teikningar og situasjonskart, motteke 07.08.2013. Det vert søkt om dispensasjon for følgjande forhold :! Auka gesimshøgd! Bustad med 3 bueiningar på 3 etasjar. Dispensasjon: Med heimel i pbl. 19-2 vert det gjeve dispensasjon frå reguleringsplanen for Storebø sentrum av 18.02.2005 punkt 2.2. om punkt 2.2 i den storleik det er søkt om. Den byggtekniske delen av søknaden vil verte handsama i etterkant av dispensasjonssøknaden sitt vedtak Vedtaket vert sendt til Fylkesmannen i Hordaland, Hordaland fylkeskommune, Statens vegvesen for klagevurdering. Vedtaket er såleis ikkje endeleg før klagefristen på 3 veker er gått ut.
Vedlagte saksdokument: Dok.dato Tittel 13.08.2013 Fasader med terrengsnitt 13.08.2013 omsøkt tiltak -vist i reguleringsplan 13.08.2013 Situasjonskart-teikningar 12.08.2013 Gnr. 43 Bnr. 0618 Storebø. Søknad om dispensasjon - gesimshøgde 09:50:33 12.08.2013 Gnr. 43 Bnr. 0618 Storebø. Søknad om dispensasjon - etasjeantall 09:50:30 Bakgrunn for saka: Byggesak frå tiltakshavar kom inn den 07.08.2013 søknad om oppføring av bustad med 3 bueingar, på 3 etasjer. Bustad: BYA 110m² med ei gesimshøgd frå gjennomsnitt planert terreng på 8,1 m jf teikning 3711. Tomten er skrånande, og noko av første etasje vert gravd ned i terrenget. Og denne vert betrakta som underetasje, og huset vil dermed ikkje virka så spesielt stort. For å få ein hensiktsmessig utnytting av tomten, er det omsøkte storleik mest ynskjeleg for tiltakshaver. Tiltakshaver ber om snarleg behandling, då han har entreprenør som kan starte med tiltaket omgåande. Søkjar/tiltakshavar: Jørgen Juhlin Kjellevold Tiltak: Det vert søkt om dispensasjon for oppføring av 3 mannsbustad på 3 etasjar, med tilhøyrande garasje og parkeringsareal. Tiltaket har ei gesimshøgd frå planert terreng på 8,1m og bustaden har 3 bueiningar på 3 etasjar på gnr. 43 bnr 618 Storebø, slik som vist på illustrerte teikningar og situasjonskart, motteke 07.08.2013. Førehandskonferanse: Ja. 04.05.2012. Nabovarsel: Det ligg ikkje føre merknader frå varsla naboar. Naboar vart varsla rekommandert den 31.07.13. Søkjar si grunngjeving for søknad om dispensasjon, utdrag: Ein av strategiane som KP legg opp til er at Austevoll kommune skal gjennom planlegging og i samarbeid med privat utbyggingselskap og planlegginsaktørar leggja tilrette for meir variert bustadstruktur i Austevoll, ein skal fortette sentrum, For å nå dette må ein regulere inn fleire typar bustader, meinar ansvarleg søkjar. Omsøkt bustad er 3 etasjar og vil bidra til meir variert bustadstruktur og fortetting av området. Tomten er skrånande, og noko av første etasje vert gravd ned i terrenget. Og denne vert betrakta som underetasje, og huset vil dermed ikkje virka så spesielt stort. Bustaden vil ikkje øydeleggja havutsikta for naboar/gjenbuarar, då plasseringa av bustaden ikkje ligg i deira siktsone. For å få ein hensiktsmessig utnytting av tomten, er det omsøkte storleik mest ynskjeleg for tiltakshaver. Landskapet vert ikkje skadelidande som følgje av omsøkt tiltak.
Likebehandlingsprinsippet, då et er fleire tiltaket innanfor same plan med gesimshøgd over 6m. Ein dispensasjon vil ikkje føra til redusert estetisk oppleving i området. Saka har vore på uttale til følgjande fagorgan: Saka har ikkje vore på uttale til overordna mynde. Hos fylkesmannen har dei endra praksis i dispensasjonssaker frå 01.03.12. Dette betyr at dei ikkje treng å gje uttale til saker som klart ikkje vedkjem nasjonale og regionale omsyn. Omsøkt tiltak ligg i eit område som er regulert til bustadføremål. Vurderingar utifrå: Natur og miljø, naturmangfaldlova 8-12: Området er vurdert i reguleringsplanen for Storebø sentrum. Det er ikkje kjende registreringar. Det er tvilsamt om naturmangfaldet vert svekka av det omsøkte tiltaket. Planstatus: Reguleringsplan for Storebø sentrum av 18.02.2005 Dispensasjon: Tiltaket kjem i strid med reguleringsføresegnene i sentrumsplanen for Storebø 2 punkt 2.2 i bustadområde kan det byggjast bustader der med ein etasje pluss innreia kjellar og loft eller 2 etasjar utan innreia loft. Maksimal gesimshøgde skal vere 6m over planert terreng For at dispensasjonssøknaden skal kunne stettast, vert det kravd iht. pbl 2008 19-2 at hensynene bak bestemmelsen det dispenseres fra, eller hensynene i lovens formålbestemmelse, ikke blir vesentlig tilsidesatt. I tillegg må fordelene ved å gi dispensasjon være klart større enn ulempene etter en samlet vurdering. Hovudomsynet bak føresegna er at det skal byggjast bustad med ei bustadeining og maksimal gesimshøgde skal vere maks 6m over planert terreng. Tiltaket skal og og vurderast i forhold til naturgjevne og bygde omgjevnader. Ein skal ikkje tillata tiltak som kan gjere at ei framtidig omregulering av området vert vanskelig, samt at utnyttinga av eigedomen skal vere i tråd med føresegnene i reguleringsplanen som gjeld bustadområde 2 Området er i reguleringsplanen er satt av til bustader med tilhøyrande anlegg og det er gjeve føresegner om lovleg storleik og gesimshøgd på bustader. Bakgrunnen for å avgrensa storleiken må sjåast i samanheng med bustaden sin funksjon og eit ynskje om å avgrensa storleiken mht at bygningane ikkje skal øydeleggja utsikt og solforhold til naboar/gjenbuarar. Det er i denne saka ikkje snakk om å dispensera frå sjølve bustadføremålet, men frå føresegnene om storleik dvs antal etasjar/ antal bueiningar og gesimshøgde. Ei auke i storleik vil føra til høgare bygg og auka antall bueiningar. I denne saka er det snakk om eit så lite avvik frå føresegn 2.2 at ein neppe kan snakka om ei vesentleg tilsidesetjing av omsyna bak reguleringsplanen. Det omsøkte tiltaket og den aktuelle eigedomen er avsett til bustadføremål og kommunen sin visjon for sentrum er å leggja til rette for variert bustadstruktur og fortetta sentrum om områder som allereie er regulert til bustader. Det omsøkte tiltaket er i samsvar med overordna plan og kommunen sitt ynskje for dette området. Det aktuelle tiltaket er lite komplisert og omfattande, og rådmannen kan ikkje sjå at den konkrete dispensasjonen vil vanskeleg gjere seinare planlegging eller utbygging i området. Tiltaket vert vurdert å ikkje komma i strid med dei omsyna som føresegnene skal ivareta.
Fordelane ved å innvilga dispensasjon frå føresegna punkt 2.2 er at på eigedomen vert bygd tiltak som vert nytta til bustadføremål, pga det er stor etterspurnad etter bustader i Austevoll, føremålet er såleis i tråd med planen, dvs bustadføremål. Det omsøkte tiltaket bryt ikkje vesentleg med eksisterande utbyggingsstruktur, det vil heller ikkje føra til endra eller utvida bruk og hinder for framtidig omregulering av området eller at det grip ikkje inn i naturområder. Området er sikra med infrastruktur (vatn, avlaup, straum og nytta eksisterande vegtilkomst.) Rådmannen kan ikkje sjå at det er ulemper ved å innvilga dispensasjon så lenge infrastrukturen vert oppgradert i tråd med myndigheita sine krav, samtidig at tiltaket er i tråd med føresegnene i godkjend reguleringsplan. Ved ei heilskapleg vurdering vil etter rådmannen si vurdering fordelane ved tiltaket være klart større enn ulempene. Konklusjon: Etter Rådmannen si vurdering er det ein klar overvekt av omsyn som talar for dispensasjon samt at omsyna bak føresegna det dispenserast frå, eller omsyna i lova sin føremålsføresegn, ikkje bli vesentleg tilsidesett. Med heimel i pbl. 2008 19-2 vert det gjeve dispensasjon frå reguleringsplanen 2 Byggjeområde punkt 2.2 Bustader med tilhøyrande anlegg.