SAKSUTGREIING ETNE KOMMUNE Utval Møtedato Saknr Komite Forvaltning 10.09.2015 059/15 Etne kommunestyre 29.09.2015 058/15 Sakshandsamar: Arkiv: Arkivsaknr Roar Bævre PlanID - 201402, N - 504 15/1726 DETALJREGULERING FOR HOLMEN 2. GONGS HANDSAMING. TILRÅDING FRÅ RÅDMANNEN: Med heimel i Plan- og bygningslova 12-12 vert framlegg til detaljregulering for Holmen, plan id 201402, godkjend slik det ligg føre. Plankartet er dagsett 31.08.2015 og føresegnene er dagsett 31.08.2015 10.09.2015 Komite Forvaltning Tollef Rullestad (Ap) ba om å få vurdert habiliteten sin. RØYSTING: Samrøystes inhabil. Solveig Håheim (Ap) stilte som vara i saka. KF- 059/15 Vedtak: TILRÅDING FRÅ KOMITE FORVALTNING TIL KOMMUNESTYRET: samrøystes Med heimel i Plan- og bygningslova 12-12 vert framlegg til detaljregulering for Holmen, plan id 201402, godkjend slik det ligg føre. Plankartet er dagsett 31.08.2015 og føresegnene er dagsett 31.08.2015
29.09.2015 Etne kommunestyre Tollef Rullestad (Ap) ba om å få vurdert habiliteten sin. RØYSTING: Samrøystes inhabil. K- 058/15 Vedtak: Samrøystes Med heimel i Plan- og bygningslova 12-12 vert framlegg til detaljregulering for Holmen, plan id 201402, godkjend slik det ligg føre. Plankartet er dagsett 31.08.2015 og føresegnene er dagsett 31.08.2015 SAKSUTGREIING: Innleiing (bakgrunn for saka) 2. gongs handsaming av Detaljregulering for Holmen. Gnr / bnr: 9/2 med mange fleire. Planen blei 1. gongs handsama i komité forvalting i sak 003/15 den 05.02.2015. og blei lagt ut til offentleg høyring med merknadsfrist 07.04.2015, Det har kome inn 13 merknader, som inkluderer ein motsegn frå vegvesenet med ein samordna uttale angåande motsegn frå fylkesmannen. 8 var frå offentlege instansar, 5 frå private der ein merknad kjem frå fleire grunneigarar. På grunn av motsegn som gjaldt tilkomsten til det nye omsorgssenteret blei det ordna med ein ny 1. gongs handsaming i sak 047/15 den 04.06.2015. Det blei gjort ei endring etter vegvesenets ønskje. På grunn av konsekvensane endinga vil få for dei som er brukarar av kommunevegen blei endringa lagt ut på høyring med merknadsfrist 27.07.2015. det kom 4 merknader, alle frå offentlege instansar. Vegvesenet aksepterer vår løysing og trekkjer sin motsegn i brev dagsett 26.06.2015. Problemstilling I denne handsaminga vil det bli presentert merknader frå både den første og andre utlegginga. Frå 1. gongs utlegging: Fylkesmannen i Hordaland 24.02.2015 Fylkesmannen hadde ingen merknader til planen. Fylkesmannen i Hordaland 07.04.2015 Fylkesmannen vidaresendte ei motsegn frå vegvesenet.
Sjå vår kommentar til vegvesenet. NVE 27.03.2015 NVE har merka seg at det i planforslaget har vert nytta data for ein 500 års flaum i planforslaget. Dette er det høgaste flaummålet som visast på det flaumsonekartet frå 2003 som Etne kommune har nyta. Nve påpeikar at ein i følgje TEK10 skal nytte 1000 års flaum for omsorgsbustader. Dei har laga utkast for eit nytt flaumsonekart for Etne som syner nivå for 1000 års flaum. Dei tilrår at føresegnene blir endra for å nytte det oppdaterte kartet og at ein legger på ein tryggleiksmargin på 0,3 meter over flaummåla i kartet. Det gamle kartet frå 2003 syner at flaumhøgda er på om lag 6.2 meter ved ein 500 år flaum der ein tenkjer å sette opp det nye omsorgssenteret. Vi la på 0,3 meter sikkerheitsmargin og fikk da 6.5 meter som lågaste golvhøgde for nybygget. På det nye kartet frå NVE som syner ein 1000 års flaum så må ein interpolere verdien mellom to høgdekurver som syner flaumhøgde. Den eine er på 6 meter og den andre er på 6,25 meter. Omsorgssenteret vil ligge om lag midt i mellom. Vår interpolerte verdi er 6.10. NVE tilrår ein sikkerheitsmargin på 0,3 meter. Dette gjer 6,4 som lågaste golvhøgde for nybygget. Føresegnene er oppdaterte med den nye informasjonen. Fikse Næringsutvikling 26.03.2015 Dei meiner at det uheldig at jordbruksareal blir nedbygd og ser helst at omsorgssenteret blir bygd ein annan stad der det ikkje vil gå med så mykje jordbruksjord. Problematikken rundt bruken av dette arealet blei avgjort i KDP for Etnesjøen. Detaljreguleringa for Holmen er i tråd men den planen. Riksantikvaren 24.03.2015 Riksantikvaren hadde ingen merknad til planen og minner om at det er fylkeskommunen som gir uttale angåande kulturminneforvalting. HIM Haugaland Interkommunale Miljøverk IKS 31.03.2015 «HIM ønsker ut fra trafikksikkerhetshensyn ikke å renovere eiendommer inne i planområdet fra E134 og FV34. For at å unngå dette må følgende forhold følges opp: 1) Veg, V4 må utvides til 5 meter og må ha snuplass for renovasjonsbilen. 2) Det må tilrettelegges for snuplass i enden av V2. 3) For alle boliger, eksisterende som nye, må det avsettes arealer for avfallhåndtering. 4) For bygg med flere boenheter som følge av fortettings-politikk, krever HIM felles oppsamlingsenheter.» 1 Ein så stor utviding av V4 vil neppe væra aktuelt. Det er betre at bueiningane som skal dele denne vegen setter frå seg bossdunkane ved kommunevegen. 2 Det er ikkje praktisk eller fornuftig å ha ein snuplass på enden av V2 der V3 startar. Det er der den nye hovudinngangen til det nye omsorgssenteret kjem. Det er ei betre løysing å nytte dei snu muligheitene V3 har på enden av vegen ved vareleveringa. 3 Det blir litt lite praktisk viss vi skal regulere inn kor kvar einskilt bustad skal sette frå seg avfallsdunkar. Ein bør heller oppmoda dei til å finne ein god plass som passar for både dei og HIM. 4 Det er ikkje planer om å fortette i dette området i noverande tidspunkt.
Statens vegvesen 07.04.2015 Vegvesenet påpeikar at i merknaden til oppstarten for Holmen bad de oss om å vurdere bruk av eksisterande åtkomst frå Fv34 til det nye bygget. Dette har ikkje blitt gjort sidan vårt planforslag kunn viste åtkomst frå E134. Dei varslar difor motsegn på grunnlag av dette. Vegvesenets ønskje er grunna i at ein ikkje ønskjer for mange åtkomstar direkte til europavegen. Vi presenterer eit nytt forslag der ein nyttar avkjørsle frå Fv34 for både ny og gammal del av omsorgssenteret. Vårt forslag til kryss rett vest for kontrollplassen blir værande men da som ein jordbruksavkjørsle fram til ny E134 er på plass. Fram til då vil denne innkjørselen bli stengd med ein låst bom som skal brukast av bønder med vegrett. Dagens landbruksavkjørsle blir med andre ord opprettheldt. Når nyvegen er på plass kan dette krysset bli ny innkjørsle til det nye omsorgssenteret. Hordaland fylkeskommune 07.04.2015 «Senterutvikling Hordaland fylkeskommune er positiv til omsorgsbustader i dei sentrumsnære områda i kommunesenteret i Etne. Lett tilkomst til offentlege tenester er viktig for befolkninga sin trivsel og livskvalitet, og er med på å med på å byggje opp under attraktive senterområde med mangfald og aktivitet. Landskap, arkitektur og estetikk All utbygging har verknad på landskapet. Planlegginga må difor sikre at byggjetiltak og infrastruktur innordnar seg dei fysiske omgjevnadane. Planområdet grensar til Etneelva, som er eit viktig landskapselement og eit mykje nytta fiskeområde. Lokaliseringa av planområdet gjer at det vert viktig at ein har særleg omsyn til arkitektur, materialvalg og korleis ein vel å gjennomføre terrenginngrep. I planframlegget er det gjett føresegner for takform. Vi rår til at føresegnene vert tydelige på at det skal leggast vekt på heilskap og kvalitet i arkitektur og materialbruk. Barn og unges interesser Planlegginga skal ta vare på barn og unges interesser og sikre gode og trygge oppvekstvilkår. Å sikre tilkomst til grøntareal, friluftsområde og grønnstruktur må bli vektlagt i alt planarbeid. Slik planen ligg føre har ein ikkje føringar som sikrar uterom og areal for leik i bustadområda. Hordaland fylkeskommune rår til at dette vert sikra gjennom føresegnene. Areala må være av god kvalitet og store nok til å egne seg for leik og opphald for barn i ulike aldersgrupper til ulike årstider. Universell utforming Universell utforming, deltaking for alle er eit viktig permiss i arealplanlegging. Gjennom planlegging kan ein sikre funksjonelle og estetiske løysingar for dette. Omsynet til universell utforming er særskild viktig ved utforming av offentlege bygg. Vi ber om at omsynet til universell utforming vert sikra gjennom føresegnene. Folkehelse og friluftsliv Slik planen ligg føre vil dei nye bygningsmassane i O1 i hovudsak vende seg mot vegen i søraust. Det hadde vore positivt dersom ein også kan sikre gode løysingar for uterom mot elva i nordaust, slik at ein kan gjere områda langs elva attraktive for ålmentas ferdsel og opphald. Klima og energi Det hadde vore positivt dersom planen hadde lagt opp til gode løysingar for klima og energi, til dømes gjennom føresegner som sikrar sykkelparkering og ladeplass for el-bil. Samferdsel
Hordaland fylkeskommune rår til at det vert sett rekkjefølgjekrav for G1, slik at ein sikrar opparbeiding av trafikksikker tilkomst til planområdet. Kulturminne og kulturmiljø Hordaland fylkeskommune, Kultur- og idrettsavdelinga, har vurdert saka som regional sektorstyresmakt innan kulturminnevern. Ut frå våre arkiv har vi ikkje kjennskap til automatisk freda kulturminne eller andre verneverdige kulturminne i det aktuelle planområdet. I samband med arkeologiske registreringar i 2009 knytt til planarbeidet for Etne sentrum aust, blei store delar av arealet undersøkt. Det blei ikkje påvist automatisk freda kulturminne, og det resterande arealet blir vurdert til å ha lågt potensiale for funn av uregistrerte kulturminne i marka. Vi har difor ingen avgjerande merknader i saka, men gjer merksam på meldeplikta etter kulturminnelova 8, 2. ledd. Dersom automatisk freda kulturminne som gjenstandsfunn, flekkar med trekol eller konstruksjonar blir avdekt under gjennomføring av tiltaket, må dette straks meldast til Hordaland fylkeskommune, og alt arbeid stansast til rette forvaltningstyresmakt har vurdert funnet. Slik gransking vil bli utført mindre enn tre dagar etter at vi har fått melding om mogelege funn.» Universell utforming blir sikra gjennom føresegnene. Vi er litt usikre på det med rekkjefølgjekrav sidan bustadområdet blei ferdig utbygd for lenge sidan. Føresegnene er endra og har no auka vekt på heilskap og kvalitet i arkitektur og materialbruk. Bustadområdet i denne planen er etablert for fleire tiår sidan. Det er vanskeleg å legge til eit godt leikeareal i dag. Enge skule har leikeareal med ballbingar og ligg like nord for planområdet. Bustadane har store hagar der dei minste kan boltre seg. Teknisk sett er det vanskeleg å etterkomme fylkeskommunens ønskje om uterom og leikeareal. I dag er det vanleg for fiskarar å parkere nede ved elva der ho svingar nordover. Denne moglegheita blir vidareførd etter bygginga av omsorgssenteret. Vegen som skal gå rundt nybygget vil komme nærme elva. Denne vegen går i dag litt leger frå elva, dermed vil dette tiltaket gje ein større nærleik til elva enn dagens vegtrase. Elles er det vanskeleg å lage eit godt uterom på nordsida til nybygget. Avstanden til elva er ikkje så stor og mesteparten blir brukt til den nemnte vegen og parkerings og servise areal. Den delen av nybygget som kjem nærmast elva vill være tre etasjar høg og vil gje ein del skugge ved elvekanten. Sykkelparkering og ladeplass for elbil blir sikra gjennom føresegnene. Hovudformålet med dette planarbeidet er å legge til rette for at ein kan starte bygging av nytt omsorgssenter for Etne. Resten av planområdet er med for å rydde op i gamle planar og legge til rette for bygging av fortau / gang- sykkelveg. Det blir feil å legge inn rekkjefølgjekrav til bygging av G1 sidan omsorgssenteret og G1 er to forskjellige prosjekt der midlane kjem frå kvar sin kant. Ein mogleg forsinka utbygging av G1 bør ikkje hemme utbygginga av nytt omsorgssenter. Advokat Odd Eirik Osmundsen for Bjørn M. Karlsen og Marit Blok Holst 17.03.2015 Karlsen og Blok Holst er eigarar av gnr / bnr 10/20. Denne eigendomen blir nytta til både bustad og næring i form av tannlegekontor. Dei påpeikar at dette er ein eigedom med særpreg og at det er investert stort i både hus og hage. Dei er sers negative til både gang- og sykkelvegen og den nye vegen på baksida (V4 i plankartet). Dei hevder at gang- og sykkel vegen vil redusere verdien på eigendomen. Vegen på baksiden frykter dei skal rasere hagen. I motsetning til dei som bur lenger austover har dei ikkje moglegheit til å få tilleggsjord for eventuelt tap av areal til gang og sykkelveg. Det blir også brukt som argument at E134 om nokre år skal leggast om og at det da ikkje er så stort behov for gang- og sykkelveg. Dei har eit forslag til alternativ løysing som inneber bruk av areal på sørsida av E134 til
utviding av gang- og sykkelveg. I Detaljreguleringa R-43 Etnesjøen del 1 frå 1999 blei ein mykje av arealet langs nordsida av E134 regulert til vegareal. gnr / bnr 10/20 er hardt råka av dette. Reguleringsforslaget slik det no ligg føre vil redusere dette, dei vil difor tene på dette planforslaget sidan mindre areal av eigendomen no blir regulert til noko anna enn bustad og næring. Det kan ta mange år før den nye E134 kjem. Minst ti år kan det ta på det raskaste viss ein får nødvendige midlar på første forsøket. Det vil alltid være eit behov for eit tilbod til gåande og syklande på både sider av E134 gjennom sentrum. Sjølv om trafikken vil bli redusert når nyvegen kjem vil det fortfarande være noko trafikk. Mange som skal frå bustadområda i Etne for å nytta nyvegen vil i stor grad nytta det nye krysset ved Mo og vil såleis kjøre forbi planområdet. Tungtrafikken som skal inn til tongane vil væra den same som i dag. Å flytte på vegen sørover for å få bygd gang- og sykkelvegen langs nordsida utan å ta noko frå dei som bur der blir av vegvesenet sett på som eit veldig dyrt og vanskeleg tiltak å gjennomføre. Ei slik løysning vil ta av parkeringa til dei som driv bedrifter på sørsida av vegen, noko som vil gjere det vanskelegare å etablere eit eige tilbod for gåande og syklande på den sida av vegen. Frå det vestlege krysset inn til Etne senter og vestover er det per i dag ikkje noko spesielt tilrettelagt tilbod for gåande og syklande. I staden blir mjuke trafikantar og bilar blanda, noko som er ugunstig for alle. Det borde difor vore laga eit tilbod for gåande og syklande her og. Tiltaket vil også endre kurvatur (svingradius) på vegen, noko som får konsekvensar for vegen i eit langt strekke og vil råke mange eigendomar. Midtrabatt og skilt stativ må også flyttast. Dersom det skulle bli aktuelt med flytting av vegen sørover så må det skje i ein større samanheng og det er vegvesenet som må vurdere dette. Det er også vegvesenet som må ta stilling til om ein kan bryte vegnormen ved å gjere fortauet smalare enn normen viss det blir aktuelt. Vegvesenet kan ikkje stille noko krav til at gang- og sykkel vegen blir bygd men har allereie stilt krav om sanering av avkjørsler som er vendt ut mot E134. Bebuarar innafor B1 har i den forbinding fått tilbod om tilleggsjord langs kommunevegen. Bygging av gang- og sykkelveg vil i tillegg til den positive trafikksikkerheitsmessige effekten gjere det lettare å få gjennomførd sanneringa av avkjørsler. Det er administrasjonens oppfatning at direkte åtkomst frå ein gang- og sykkelveg samt eigen veg inn til eigendomen på baksida vil auke verdien av eigendomen og ikkje omvendt slik som dei hevdar. Ei får ein tryggare tilkomst både med bil og til fots. Dette tel positivt i ei verdivurdering. Litt verditap blir det med tap av areal. Dette tiltaket ligger inne i haugalandspakken. Dette betyr at finansiering blir ordna om ikkje så lenge. Sjå også vår kommenar til grunneigarar Oddgeir Brekke med fleire Pål Steinar Rullestad og Ingrid Børretzen 23.03.2015 Dei er eigarar av gnr / bnr 10 / 74, som ligg på sørsiden av krysset Fv34 og kommunevegen in til omsorgssenter. I mange år har det vert regulert inn ein liten veg som gjer moglegheit for naboane som ligg ved E134 å «snu» innkjøringa frå E134 til kommunevegen. Denne vegen har namnet V4 i plankartet for Holmen. I merknaden er dei negative til denne vegen da den vil føre til noko trafikk forbi eigendomen og vegen er per i dag er delvis teikna inn på deira eigedom. Dei ønskjer å få flytta innkjørselen til vegen litt aust innpå bustadskipinga sin eigedom for å få litt avstand til vegen. Dei ønskjer å ta over det området som blir mellom deira eigedom og den nye vegen. Som motyting er dei villege til å avstå grunn til den indre del av vegen.
Forslaget er innarbeidt i planforslaget men vegen blir ikkje flytta så mykje som dei ønskjer. Vi har lagt vegen klar av 10/74 si grense ved kommunevegkrysset og den går klar av bustadskipinga sin nordvestelege parkering. I dette området vil bustadskipinga miste noko grønt areal på om lag 2,5 meters bredde. Det er ikkje gjort nokon endringar på den andre enden av denne vegen. Tormod Hustveit Mo 29.03.2015 Han er eigar av gnr / bnr 9/128, og vill bli råka av eventuell bygging av gang- og sykkelveg / fortau. Han er ikkje villig til å avstå noko grunn til foreslått gang- og sykkelveg. Gang og sykkelveg langs nordsida av E134 blir sett på som eit godt og naudsynt trafikksikringstiltak. På denne delen av strekka er det ikkje noko moglegheit til å flytte vegen sørover for å avbøte eigendomane i nord. Sjå også våre kommentarar til dei andre grunneigarane. Gunvor Opheim 29.03.2015 Hun er eigar av gnr / bnr. 10 / 14. Den nye tilkomstvegen (V4) Ho er relativt positiv til V4 for sin eigen del så lenge kommunen byggjer og står for vintervedlikehald av vegen. Det kan også væra til nytte for henne visst ho kan kjøre både på denne nyvegen og i tillegg nytta utkjøringa mot E134. Elles meiner ho at vegen er uheldig for naboane og er negativ til å sjølv stå for vedlikehald av vegen. Ho påpeikar at tannlegeverksemda til naboen vil kunne generere ein del trafikk og at denne delen av eigendomen er den einaste usjenerte sida av eigendomen. Ho er ikkje lyst til å bli innesperra av ein støyskjerm. Gang- og sykkelveg Ho er veldig negativ til den regulerte gang- og sykkelvegen og meiner at det er plass til den på andre sida av europavegen. Det er ikkje meininga at kommunen skal bygge og vedlikehalde vegen. Vegen vil gje ein tryggare tilkomst til eigendomane sidan ein ikkje treng å kjøre direkte innpå E134. Det er meininga et alle utkjøringar mot E134 skal sanerast og at den nye vegen da vil bli ei erstatning for den sanerte utkjørsla. For vår kommentar angåande gang- og sykkelvegen, sjå våre kommenar til grunneigarar Oddgeir Brekke med fleire og Advokat Odd Eirik Osmundsen for Bjørn M. Karlsen og Marit Blok Holst. Det er per i dag ingen planar frå vegvesenet eller kommunen om å lage ein støyskjerm langs strekninga. Grunneigarar, Oddgeir Brekke m fleire 07.04.2015 Dette brevet er signert ti personar som er grunneigarar som bur langs E134 i planområdet og som blir råka av eventuell bygging av gang- og sykkelveg / fortau. Tre av dei har sendt inn eigne merknader til planen. Dei er negative til forslaget om å bygge ein gang- og sykkelveg på nordsida av E134. Dei meiner at gang- og sykkel veg på sørsida samt kommunevegen frå omsorgssenteret til kryss Fv34 burde være tilstrekkeleg. Å nytta kommunevegen mellom Fv34 og dagens omsorgssenter som einaste tilbod for dei som vil ferdast på nordsida av E134 til fots og sykkel er ikkje heilt gunstig. Fortauet langs denne vegen er smalt og vegen vil oppleve auka trafikk etter bygginga av det nye
omsorgssenteret. Folk likar ikkje omvegar og denne vegen vil for ukjende virke som eit dårleg alternativ sidan ein ikkje kan sjå kor ein er i forhold til E134 når ein ferdast her. Er ein på gjennomfart er det ikkje bra med slike omvegar sidan ein fort føler at ein har rota seg bort. Lokale folk veit jo om denne vegen og kor den endar hen, men også dei kan oppfatte den som ein omveg viss dei ikkje har noko dei skal langs denne vegen. Det har sidan 1999 vore teikna inn ein gang- og sykkelveg langs E134 frå den austlegaste bustadeigenomen og vestover til bustadskipinga. I planteikningane over dette området er europavegen teikna for smal. Når ein no rettar opp dette må gang- og sykkelvegen teiknast litt lenger nord enn den var i teikningane frå 1999. Det er dette som er den feilen i kartmaterialet som er nemnt i planomtalen som medfører at det går med litt meir hekker, gjerder og hage enn ein først trudde. Sjå også vår kommentar til merknaden frå Advokat Odd Eirik Osmundsen for Bjørn M. Karlsen og Marit Blok Holst. Etne bonde og småbrukarlag 07.04.2015 «Etne Bonde og småbrukarlag er uroa over arealdisponeringa i etne kommune. Beste matjorda vel ein å byggja ned. Etne Bonde og småbrukarlag meinar at ein må erstatta tilsvarande fulldyrka areal som blir bygt ned.dette for å ta vare på den gode matjorda som er i Etne Kommune.» Problematikken rundt bruken av dette arealet blei avgjort i KDP for Etnesjøen. Detaljreguleringa for Holmen er i tråd men den planen. Det er ingen planar som går ut på å erstatte det tapte jordbruksarealet. Frå utlegging etter ny 1 gongs handsaming: Fylkesmannen i Hordaland 26.06.2015 Dei har ingen merknader til endringa i planforslaget NVE 22.06.2015 Dei har ingen merknader til endringa i planforslaget. Mattilsynet 18.06.2015 Dei har ingen spesielle merknader til endringa i planforslaget. Vegvesenet 26.06.2015 Vegvesenet er nøgde med det nye planforslaget og motsegna er difor trekt.
Over: Utsnitt frå det gamle planforslaget. Over: Endringa som er gjort etter merknadshandsaminga. Vurdering: Sidan 1. gongs og ny 1. gongs handsaming er det gjort følande endringar på planforslaget:
Hovudåtkomsten til det nye omsorgssenteret blei etter motsegn frå vegvesenet flytta til kommunevegen i staden for eigen åtkomst aust for B1 der kontrollplassen ligg. Ei ny føresegn ( 3.5) sikrar moglegheita for at åtkomsten som vegvesenet ikkje aksepterte kan brukast den dagen E134 er lagt om. Dette førde også til endringar på vegen V3, den fikk direkte forbinding til V2. Desse Endringane blei handsama separat og lagt ut til ny 1. gongs høyring og løysinga er blitt akseptert av alle. Sjå innleiinga til saksutgreiinga for fleire detaljer. Landbruksavkjøringa som i det siste plankartet som låg ute til høyring etter ny 1. gongs handsaming skiftar namn frå V4 til V5 i plankartet. V4 blir no brukt om den korte vegen som er regulert inn i nordvest ved gnr/bnr 10/74. Den vegen hadde det namnet på det originale plankartet frå den fyrste 1. gongs handsaminga. Vegen V4 er justert og flytt på etter ønskje og forslag frå eigar av gnr/bnr 10/74. Det inneber at krysset V4 og kommunevegen er flytta om lag 2,5 meter austover for å få litt avstand til eit bustadhus. Etne Bustadskiping blir lettare råka av dette på grunn av bortfall av deler av eigendomen i nordvest. Ønska som går på fjerning eller flytting av regulert fortau langs nordsida av E134 er ikkje teke til følgje. Det er ikkje gjort nokon endringar her sidan 1. gongs handsaming. Sjå våre kommentarar til grunneigarane for grunngjeving. To nye føresegner er lagt til. Den eine er allereie nemn i vurderinga. Det gjeld 3.5 som omhandlar ny framtidig hovudåtkomst for det nye omsorgssenteret. 2.9 gjeld parkering for sykkel og lading av elbil. Dette etter ønske frå fylkeskommunen. 2 føresegner er endra. 7.1 er endra etter NVE sitt ønskje. Golvhøgde og flaumsikring er no justert etter nye kart som viser 1000 års flaum i staden for gammalt kart som ikkje viste noko større enn 500 års flaum. Planforslaget er no dermed i tråd med TEK10. 2.1 har fått lagt til ei setning angåande arkitektur og universell utforming. Etter merknadane som kom etter den nye 1. gongs høyringa er det ikkje gjort nokon endringar i planforslaget. Innkomne merknader er handsama, og planframlegget er justert i tråd med desse, slik at det no kan gjerast endeleg vedtak for detaljregulering for Holmen. Vedlegg i saka: Dok.dato Tittel Dok.ID 31.08.2015 Føresegner Holmen 201402_31_08_2015 1334898 31.08.2015 Plankart Holmen 201402_31_08_2015_A1 1334899 Saksgang: Komité forvalting for 2 gongs handsaming.
Kommunestyret for endeleg vedtak. Utskrift til: Sakshandsamar for utsending av vedtak.