Stavanger turistforening Postboks 268 4001 STAVANGER Deres ref. Vår ref. (bes oppgitt ved svar) Dato Sak nr. 2017/8333 / AOD 30.08.2017 Delegasjonssak RO 40/2017 SVAR PÅ SØKNAD OM DISPENSASJON TIL HELIKOPTERTRANSPORT TIL TURISTHYTTENE KVANNDALEN OG BLESKESTADMOEN I KVANNDALEN OG DYRAHEIO LANDSKAPSVERNOMRÅDER, GNR/BNR, 68/1 OG 67/3, SULDAL KOMMUNE Viser til søknad datert 25.08.2017 om dispensasjon til helikoptertransport av ved, materialar og utstyr til Kvanndalen og Bleskestadmoen i Kvanndalen og Dyraheio landskapsvernområder. Forvaltningssekretariatet for Verneområdestyret for Setesdal Vesthei, Ryfylkeheiene og Frafjordheiene har etter delegert mynde fatta det dette vedtaket 28.08.2017. Med vennleg helsing Alf Odden Verneområdeforvaltar SVR Brevet er godkjent elektronisk og sendast utan underskrift Kopi Suldal kommune, Fylkesmannen i Rogaland POSTADRESSE: POSTBOKS 24 N-4748 RYSSTAD BESØKSADRESSE: TELEFON: E-POST: POST@SVR.NO SAKSBEH: ALF ODDEN WEB: WWW.SVR.NO
Side 2/5 Vedtak l medhald av kapittel Ill og kapittel IV, punkt 3. 1 i Forskrift om vern av Kvanndalen landskapsvernområde Dyraheio landskapsvernområde, får Stavanger turistforening løyve til å bruke helikopter til transport av ved, materialar og utstyr til turisthyttene Kvanndalen Løyvet gjeld for tidsrommet 28.08-11.09.2017. Alle transportane skal starte frå Kvanndalsdammen og skal følge flygerutene på kartet som følgjer saksutgreiinga. Dispensasjonen gjeld for inntil 2 helikoptertransportar til kvar av turisthyttene. Løyve blir gjeve med desse vilkåra Flyginga mellom landingspunkta skal skje etter kortaste rute For å redusere forstyrring av bufe, vilt og fotturistar, skal helikopteret så langt det er råd ikkje flyge lågare enn 300m over bakken mellom landingspunkta Det må innhentast naudsynt landingsløyve frå grunneigar, samt Bykle og Suldal kommunar. Dispensasjonen må alltid være med under flygingane. Klagerett Vedtaket kan påklagast til Miljødirektoratet. Klagefristen er tre veker frå den dagen brevet kom fram til påført adressat. Det er nok at klaga er postlagd innan denne fristen. Skriftleg klage skal sendast til SVR, Postboks 24, 4748 Rysstad. Oppgjev kva for eit vedtak det vert klaga på, dei endringane klagar ynskjer og grunngjeving for klaga. Dersom det vert klaga så seint at det kan vere tvil om det er klaga i rett tid, må det opplysast når brevet kom fram. Bakgrunn for søknaden Syner til søknad datert 25.08.2017. Stavanger turistforening søker om dispensasjon til helikoptertransport av ved, materialar og utstyr til Kvanndalen og Bleskestadmoen i Kvanndalen og Dyraheio landskapsvernområder. På grunn av den kalde og våte sommaran er lagarane av ved og gass tomme og må fyllast opp for resten av sesongen. Stavanger turistforening har innhenta samtykke frå grunneigarane. Flygeruta Kvanndalsdammen-Kvanndalen er på 4 km og 3 km ligg i verneområdet. Flygeruta Kvanndalsdammen-Bleskestadmoen er på 8 km og 2 km ligg i verneområde. Kart over flygeruter mellom Oddatjønndammen og turisthyttene Stranddalen, Krossvatn, Vassdalstjønn og Hovatn.
Side 3/5 Formell bakgrunn for vurdering og vedtak Forskrift om vern av Kvanndalen landskapsvernområde med biotopvern av 26.09.1997 Forskrift om vern av Dyraheio landskapsvernområde med biotopvern av 26.09.1997 Forvaltningsplan for verneområda i Setesdal Vesthei, Ryfylkeheiane og Frafjordheiane, godkjent 2015 Naturmangfaldslova Heimelsgrunnlag Dyraheio landskapsvernområde med biotopvern og Kvanndalen landskapsvernområde med plantelivsfreding, vart oppretta ved kongeleg resolusjon 26.09.1997. I kapittel III i verneføreskriftene heiter det at: Føremålet med landskapsvernet er å ta vare på eit særmerkt fjellområde med urørt natur, rikt planteliv med m.a. bergjunker, verdifulle stølsområde og beitelandskap, eldre og nyare kulturminne etter støling, heibeiting, jakt, fiske og fangst. Føremålet er også å ta vare på viktige leveområde for viltet, spesielt å sikre eit samanhengande fjellområde og delar av livsgrunnlaget for den sørlegaste villreinstamma i Europa. Motorisert ferdsel i dei to verneområda blir regulert av verneforskrifta kapittel IV, punkt 3.1. Her heiter det at motorisert ferdsel i utmark og vassdrag, samt landing med luftfartøy i utgangspunktet er forbode. Vidare heiter det at forvaltningsstyresmakta likevel kan gje løyve til motorferdsel i særskilte høve. Omsøkte tiltak kjem etter vårt syn inn under kapittel IV, punkt 3.1, og krev derfor dispensasjon for å kunne gjennomførast. Verneområdestyret for Setesdal Vesthei, Ryfylkeheiane og Frafjordheiane har forvaltningsmynde for Dyraheio landskapsvernområde. Arbeidsutvalet har i AU sak 11/2013, delegert avgjerdslemynde for dispensasjonssøknadar om motorferdsel etter verneføreskriftene til verneområdeforvaltarane. Vurdering Naturmangfaldlova Etter 7 i Naturmangfaldlova skal dei miljørettslege prinsippa i 8 til 12 leggast til grunn som retningslinjer ved utøving av offentleg myndigheit. Forvaltingsmyndigheita må ved alle tiltak som vedkjem naturmangfaldet, vurdere søknadane etter desse paragrafane. Innverknad på verneverdiar og verneføremål Landingsplassane ved Kvanndalen og Bleskestadmoen ligg om lag 700 moh. Landskapet er prega av store opne stølsvollar, myrar og område med bjørkeskog. Dei lågareliggande skogsområda i Kvanndalen og
Side 4/5 Dyraheio landskapsvernområde blir normalt lite nytta av villreinen. Samstundes har desse områda tidlegare vore brukt som vinterbeite i periodar med nedising og/eller ei stor villreinstamme. Resultata frå NINA sitt GPS-merkeprosjekt (NINA rapport 694/2011) og nyare data frå www.dyreposisjoner.no, dokumenterar at villreinen med jamne mellomrom oppheld seg i områda ved Bleskestadmoen. I Norsk Villreinsenters rapport Kartlegging av villreinens arealbruk i Setesdal Vesthei -Ryfylkeheiene og Setesdal Austhei (NVS rapport 6/2010) er det ikkje registrert viktige villreintrekk i dette område. Lokalt SNO personell bekreftar desse opplysningane. Det held og til ein liten elgstamme i områda rundt både Kvanndalen og Bleskestadmoen. Kunnskap om naturmangfaldet i området baserar seg og på Direktoratet for naturforvalting sin naturdatabase med innsyn til sensitiv informasjon (www.naturbase.no) og tilsvarande informasjon i Temakart Rogaland. Så langt forvaltningsstyresmakta kjenner til etter søk i Naturbase, er det ikkje registrert informasjon om prioriterte arter, trua eller nær trua arter på Norsk rødliste for arter 2015 eller andre verdifulle arter. Det er heller ikkje registrert informasjon om utvalte naturtypar, trua eller nær trua naturtypar på Norsk rødliste for naturtypar 2011 eller andre verdifulle naturtypar. Det er heller ikkje komme fram andre opplysningar som tyder på at det finns slike arter og/eller naturtypar i det aktuelle område som kan ta skade av den aktuelle motorferdsla. Kunnskap om kulturminne i området baserar seg på Riksantikvaren sin kulturminnebase (www.askeladden.no). Her er det ikkje registrert kulturminne i nærleiken som kan ta skade av den aktuelle motorferdsla. Kunnskapsgrunnlaget ( 8) som ligg føre for å vurdere dei omsøkte tiltaka si innverknad på verneverdiar og verneføremål, må derfor vurderast som tilstrekkeleg til at forvaltningsstyresmakta kan fatte vedtak i saka. 9 om Føre var prinsippet vil derfor bli tillagt mindre vekt i dei følgjande vurderingane. 10 tek føre seg den samla belastninga av økosystemet i området. Det står ei turisthytte og eit stølshus ved Kvanndalen, og turistløypa mellom Kvanndalshytta og Haukeliseter går forbi staden. Kvart år er det om lag 100 overnattingar på turisthytta. Det er ikkje gjeve andre løyver til helikoptertransport i område. På Bleskestadmoen står det to turisthyttar, eit stølshus og ei løe, samt to mindre bygningar. Det kjem tre turistløyper inn til Bleskestadmoen, og turisthytta har om lag 450 overnattingar i året. Det er ikkje gjeve andre helikopterløyve i denne delen av verneområdet. Etter forvaltningsstyresmakta si vurdering er den samla belastninga på økosystemet i området låg. Dei omsøkte helikoptertransportane vil bli gjennomført i løpet av ein dag, og vil berre skape ei minde og forbigåane forstyrring. 12 omhandlar miljøforsvarleg teknikkar, driftsmetodar og lokalisering. I høve til transportbehovet som er skissert i søknaden vurderer forvaltningsmyndigheita bruk av helikopter som det beste alternativet. 11 legg til grunn at eventuelle kostnader ved miljøforringing skal bærast av tiltakshavar. Tiltakshavar er fullt og heilt ansvarleg for ei miljømessig god løysing. Konklusjon Dei omsøkte tiltaka vil berre i liten grad ha ein negativ innverknad på verneverdiane i Kvanndalen og Dyraheio landskapsvernområder, og kjem derfor ikkje i konflikt med verneføremålet for dei to verneområda.
Side 5/5