Deres ref. Vår ref. (bes oppgitt ved svar) Dato Sak nr. 2017/1057 / AOD

Transkript

1 Stavanger turistforening Postboks STAVANGER Deres ref. Vår ref. (bes oppgitt ved svar) Dato Sak nr. 2017/1057 / AOD Delegasjonssak RO 21/2017 SVAR PÅ SØKNAD OM DISPENSASJON TIL HELIKOPTERTRANSPORT I SAMBAND MED UTBETRING AV TURSTI TIL KJERAG I FRAFJORDHEIANE LANDSKAPSVERNOMRÅDE, GNR/BNR, 22/1-6, FORSAND KOMMUNE Viser til søknader datert om helikoptertransport til Kjerag. Forvaltningssekretariatet for Verneområdestyret for Setesdal Vesthei, Ryfylkeheiene og Frafjordheiene har etter delegert mynde fatta det dette vedtaket Med vennleg helsing Alf Odden Verneområdeforvaltar SVR Brevet er godkjent elektronisk og sendast utan underskrift Kopi Forsand kommune Fylkesmannen i Rogaland POSTADRESSE: POSTBOKS 24 N-4748 RYSSTAD BESØKSADRESSE: TELEFON: E-POST: POST@SVR.NO SAKSBEH: ALF ODDEN WEB:

2 Side 2/5 Vedtak I medhald av 2, 3, punkt 5.1 og 3, punkt 5.3a i Forskrift om vern av Frafjordheiane landskapsvernområde får Stavanger turistforening dispensasjon til bruk av helikopter i samband med sikrings- og tilretteleggingstiltak på turstien mellom Øydegardsstøl og Kjerag i Frafjordheiane landskapsvernområde. Løyve gjeld transport frå tre kartfesta lokalitetar for uttak av stein og fram til byggestadane langs turstien. Transportane skal gå frå parkeringsplassen ved Øydegardsstøl, og det skal nyttast landingspunkt som er teikna inn på kart som følgjer saksutgreiinga. Løyvet gjeld for så mange transportar som naudsynt i tidsrommet Løyve blir gjeve med desse vilkåra: Flyginga mellom landingspunkta skal skje etter kortaste rute For å redusere forstyrring av bufe, vilt og fotturistar, skal helikopteret så langt det er råd ikkje flyge lågare enn 300 m over bakken mellom landingspunkta Det må innhentast naudsynt landingsløyve frå grunneigar, samt Forsand kommune. Ein kort rapport over talet på gjennomførte transportar må sendast SVR så snart byggearbeida er ferdige og seinast innan Vedtaket må alltid være med under gjennomføring av transportane. Klagerett Vedtaket kan påklagast til Miljødirektoratet. Klagefristen er tre veker frå den dagen brevet kom fram til påført adressat. Det er nok at klaga er postlagd innan denne fristen. Skriftleg klage skal sendast til SVR, Postboks 24, 4748 Rysstad. Oppgjev kva for eit vedtak det vert klaga på, dei endringane klagar ynskjer og grunngjeving for klaga. Dersom det vert klaga så seint at det kan vere tvil om det er klaga i rett tid, må det opplysast når brevet kom fram. Bakgrunn for søknaden Viser til søknad datert , samt vedtak i AU-sak 21/14, kor det vart gjeve ein tilsvarande dispensasjon. Stavanger turistforening (STF) søker om så mange helikoptertransportar som er nødvendig for å gjennomføre sikrings og tilretteleggingstiltak på turstien mellom Øydegardsstøl og Kjerag. Søknaden gjeld løyve til å transportere stein til byggearbeida frå tre lokalitetar og fram til stien. Transportstrekninga frå uttaksstadane for stein er om lag 500m. Søknaden gjeld for tidsrommet Kart over landingspunkt

3 Side 3/5 Stien mellom Øydegardsstøl og Kjerag er om lag 5 km, og 4.5 km ligg inne i Frafjordheiane landskapsvern område. Kjerag er eit svært populært turmål for både norske og utanlandske turistar, og ein reknar med at så mange som nytta stien i Basert på utviklinga på Preikestolen og Trolltungareknar ein og med at trafikken vil auke ytterlegare i åra framover. Mykje av stien går på bart fjell og tålar såleis mykje slitasje, men på stader med lausmassar er det store erosjonsskadar i terrenget. Her er det planlagt steintrapper og steinsettingar som samlar ferdsla på ein sti. Den nye stien er planlagt med ein bredd opptil cm. Steinen til byggearbeida vil bli henta frå tre steinurer i nærleiken av stien, og to av desse ligg inne i verneområde. Deler av stien vart utbedra i tidsrommet , men ennå står det att parti som må utbetrast. Stavanger turistforening fekk løyve til å gjennomføre sikrings- og tilretteleggingstiltaka på stien til Kjerag i AU sak 61/2013. Formell bakgrunn for vurdering og vedtak Forskrift om vern av Frafjordheiane landskapsvernområde av Forvaltningsplan for verneområda i Setesdal Vesthei, Ryfylkeheiane og Frafjordheiane, godkjent 2015 Naturmangfaldslova Heimelsgrunnlag Frafjordheiane landskapsvernområde og deitilgrensande naturreservata Ørestø og Migaren vart oppretta ved Kronprinsregenten sin resolusjon Direktoratet for naturforvaltning vedtok ei mindre endring i verneforskrifta Føremålet med opprettinga av Frafjordheiane landskapsvernområde er etter 2 mellom anna: - å ta vare på eit representativt, særprega og vakkert landskap, med bratte fjord- og dalsider via lågheiar opp til glattskurt høgfjell. - å ta vare på vatn og vassdrag, viktige leveområde for eit særmerkt plante-og dyreliv, geologiske landskapsformer, samt beite- og stølslandskap med automatisk freda og nyare tids kulturminne. Vidare heter det at Allmenta skal ha høve til naturoppleving gjennom utøving av tradisjonelt og enkelt friluftsliv med lita grad av teknisk tilrettelegging. Motorisert ferdsel i verneområdet vert regulert av verneforskrifta 3, punkt 5.1. Her heter det at motorferdsel er forbode på land og i vatn. I 3, punkt 5.3a. heter det vidare at forvaltningsstyresmakta kan etter søknad gje løyve til bruk av båt med motor, motorkjøretøy på frosen eller snødekt mark, eller luftfartøy i samband med.. transport av materialar til vedlikehald og byggearbeid på hytter, klopper o.l. Omsøkte tiltak kjem etter vårt syn inn under 3 punkt 5.1 og krev derfor dispensasjon for å kunne gjennomførast, jamfør 3, punkt 5.3.a. Verneområdestyret for Setesdal Vesthei, Ryfylkeheiane og Frafjordheiane har forvaltningsmynde for Frafjordheiane landskapsvernområde. Arbeidsutvalet har i AU sak 11/2013, delegert avgjerdslemynde for dispensasjonssøknadar om ferdsle etter verneføreskriftene til verneområdeforvaltarane. Vurdering Naturmangfaldlova Etter 7 i Naturmangfaldlova skal dei miljørettslege prinsippa i 8 til 12 leggast til grunn som retningslinjer ved utøving av offentleg myndigheit. Forvaltingsstyresmakta må ved alle tiltak som vedkjem naturmangfaldet, vurdere søknadane etter desse paragrafane.

4 Side 4/5 Innverknad på verneverdiar og verneføremål Det omsøkte landingspunktet ved Kjerag ligg om lag 900 m.o.h i eit til dels kupert landskap dominert av fjell i dagen og elles skrinn vegetasjon. Denne delen av Frafjordheiane blir i liten grad brukt av villreinen og denne låge bruken har vore mønsteret ei tid. Dette blir og stadfesta av resultata frå NINA sitt GPSmerkeprosjekt (NINA rapport 694/2011). Her er det dokumentert at ingen av dei ni simlene som har nytta sørområdet har vore i nærleiken av Kjerag den tida dei hadde sendar. Heller ikkje nyare gps data frå har observasjonar av villrein i området. I Norsk Villreinsenters rapport Kartlegging av villreinens arealbruk i Setesdal Vesthei-Ryfylkeheiene og Setesdal Austhei (NVS rapport 6/2010) er det ikkje registrert villreintrekk i dette området. Kunnskap om naturmangfaldet i området baserar seg og på Miljødirektoratet sin naturdatabase med innsyn til sensitiv informasjon ( og tilsvarande informasjon frå Temakart Rogaland. Så langt forvaltningsstyresmakta kjenner til etter søk i Naturbase, er det ikkje registrert informasjon om prioriterte arter, trua eller nær trua arter på Norsk rødliste for arter 2015 eller andre verdifulle arter. Det er heller ikkje registrert informasjon om utvalte naturtypar, trua eller nær nær trua naturtypar på Norsk rødliste for naturtypar 2011 eller andre verdifulle nær trua naturtypar. Det er heller ikkje komme fram andre opplysningar som tyder på at det finns slike arter og/eller naturtypar i det aktuelle område som kan ta skade av den omsøkte motorferdsla. I følgje Fylkesmannen i Rogaland (2001) er områda rundt Kjerag gjennomgåande artsfattige. Det er svært mykje ferdsle i dette området i samband med fotturisme, med om lag besøkande på årsbasis. Helgene i august og september er ein del av hovudsesongen og ein må rekne med at det oppheld seg mange fotturistar på Kjerag i delar av byggeperioden. Kunnskap om kulturminne i området baserar seg på Riksantikvaren sin kulturminnebase ( Det er ikkje registrert kulturminne i nærleiken som kan ta skade av den omsøkte motorferdsla. Kunnskapsgrunnlaget ( 8) som ligg føre for å vurdere dei omsøkte tiltaka si innverknad på verneverdiar og verneføremål, må derfor vurderast som tilstrekkeleg til at forvaltningsstyresmakta kan fatte vedtak i saka. 9 om Føre var prinsippet vil derfor bli tillagt mindre vekt i dei følgjande vurderingane. 10 tek føre seg den samla belastninga av økosystemet i området. På veg inn til Kjerag er det ikkje andre inngrep enn turstien og ulike sikrings- og tilretteleggingstiltak i tilknyting til denne. Ferdsla inn til Kjerag er svært omfattande og tal frå Lysefjorden Utvikling tydar på at Kjerag hadde om lag besøkande i 2016 sesongen. Ein reknar med at talet på fotturistar vil auke med om lag 15% kvart år framover. Det er gjeve to andre løyve for helikoptertransport til Kjerag Dette gjeld for «Heliboogie 2017» og bygginga av nødbua langs stien. Tilsaman vil dei to løyva omfatte om lag 250 helikoptertransportar. Det samala omfanget av fotturisme og motorferdsel er svært høg langs stien til Kjerag. På grunn av det svært sparsomme dyrelivet i området vil skadeverknadane likevel bli avgrensa og motorferdsla vil i liten grad medføre ein alvorleg belastning av økosystemet i området. Det er fare for at dei fotturistane som er på veg til Kjerag under byggeperioden vil kunne få ei redusert naturoppleving. I og med at det ikkje er registrert andre sårbare artar og naturtypar i på staden, vil den omsøkte helikoptertransporten, etter forvaltningssekretariatet si vurdering, ikkje føre til større belastning på økosystemet i område. 12 omhandlar miljøforsvarleg teknikkar, driftsmetodar og lokalisering. I høve til transportbehovet som er skissert i søknaden, meiner forvaltningsstyresmakta at bruk av helikopter er det einaste alternativet. Forvaltningsstyresmakta vurderar dei omsøkte sikrings- og tilretteleggingstiltaka som heilt nødvendige med omsyn til den svært omfattande bruken av område. Slitasje- og erosjonsskadane er stadvis omfattande med dagens sti, og tryggleiken til fotturistane er problematisk i dårleg vær. Etter forvaltningsstyresmakta si vurdering vil dei omsøkte tiltaka redusere slitasjen på terrenget nær stien og betre tryggleiken for dei besøkande på Kjerag.

5 Side 5/5 11 legg til grunn at eventuelle kostnader ved miljøforringing skal bærast av tiltakshavar. Tiltakshavar er fullt og heilt ansvarleg for ei miljømessig god løysing. Konklusjon Dei omsøkte helikoptertransportane har berre i liten grad ein negativ innverknad på verneverdiane i Frafjordheiane landskapsvernområde og kjem ikkje i strid med verneføremålet. Dei omsøkte tiltaka vil til ein viss grad fremme verneføremålet og verneverdiane, ved å redusere skadar på vegetasjon og landskap, og ved å betre tryggleiken til dei besøkande på Kjerag.