M Ø T E P R O T O K O L L for KONTROLLUTVALET I VÅGSØY KOMMUNE MØTETID: 22. september 2015 kl. 09.00 10.30. MØTESTAD: Vågsøy rådhus, Einevarden MØTEDELTAKARAR: Kontrollutvalet: Jorunn Sandal, leiar Jetmund Nyvang, nestleiar Paul-Inge Angelshaug Hans Ole Eide, vara Dessutan møtte: Vågsøy kommune: Vest kontroll: Kommunerevisjonen i Nordfjord: Forfall: Møtet var leia av: Jostein Støylen, dagleg leiar Torill Monsen, revisor Elsa Iversen Sverre Solibakke Ikkje meldt avbod Jorunn Sandal Side 1
SAKLISTE SAK 23/15 GODKJENNING AV INNKALLING OG SAKLISTE. MØTEPROTOKOLLEN SAK 24/15 GODKJENNING AV MØTEPROTOKOLLEN FRÅ SISTE MØTE SAK 25/15 MØTEPROTOKOLLAR TIL GJENNOMGANG 2015 SAK 26/15 MELDINGAR SAK 27/15 EVALUERING KONTROLLUTVALET 2011-2015 SAK 28/15 BUDSJETT FOR KONTROLLUTVALET 2016 SAK 29/15 TILSYNSRAPPORT SAMHANDLING OM UTSKRIVING AV PASIENTAR FRÅ SPESIALISTHELSETENESTA TIL KOMMUNEN SAK 30/15 ORIENTERING OM FORVALTNINGSREVISJONSPROSJEKTET SAMHANDLINGSREFORMA Side 2
SAK 23/15 GODKJENNING AV INNKALLING OG SAKLISTE. MØTEPROTOKOLLEN 1. Innkalling og sakliste vert godkjent. 2. Til å skrive under møteprotokollen saman med leiaren vert vald Paul Inge Angelshaug. SAK 24/15 GODKJENNING AV MØTEPROTOKOLLEN FRÅ SISTE MØTE Møteprotokollen frå møtet den 26.05.2015 vert godkjent. SAK 25/15 GJENNOMGANG AV MØTEPROTOKOLLAR 2015 Møteprotokollar til gjennomgang: Kommunestyret: 18.06, 03.09 Formannskapet: 04.06, 18.06, 27.08 Helse og omsorgsutvalet: 01.06, 31.08 Oppvekst og kulturutvalet: 02.06, 01.09 Råd for funksjonshemma: 17.06 Eldrerådet: 15.06 Valstyret: 18.06 Kontrollutvalet har, på noverande tidspunkt, ingen merknader til gjennomgådde møtebøker. SAK 26/15 MELDINGAR Vedlegg 1. Kommunal rapport: «Bernt svarer: Du har plikt til å forklare deg til kontrollutvalget» 2. Kommunal økonomi: «Ventetiden er over!» 3. Kommunal økonomi: «Skatteinnkrevingen i Norge forblir kommunal NKK har vunnet frem med sine argumenter» 4. Vikebladet vestposten: «- Ikkje utan vidare gode barnevern 5. Melding om vedtak: Årsavslutning rekneskap og Årsmelding 2014 for Vågsøy kommune 6. Melding om vedtak: Økonomimelding I 2015 Vågsøy kommune Meldingane vert tekne til orientering. Side 3
SAK 27/15 EVALUERING KONTROLLUTVALET 2011-2015 I og med dette truleg er siste møte i noverande valperiode, evaluerer vi (kontrollutvalet, sekretariatet og revisjonen) arbeidet i perioden. Dette for å kunne bli endå betre i den nye valperioden. Dette kom fram i møtet: Sms eller ringe i forkant av møtet, bør fortsetje. Påminning rett før møtet er viktig. Telefon aller best. Medlemer med faste oppgaver, bør rapportere til kontrollutvalet om resultatet før møtet, om dei ikkje kan møte. Oppgaver bør fortsatt fordelast av omsyn til ansvar. Bør fortsetje med å ta med kopi av sakene til møtet. Oppgaver som utvalet har til kommunestyret, bør presenterast i møtet. Helst av leiar, nestleiar. Samarbeidet med sekretariatet er godt. Samarbeidet med revisjonen er godt. Litt meir skriftleg informasjon er ynskjeleg. Den munnlege informasjonen i tillegg til den skriftlege er flott. Ein ynskjer meir framdrift i forvaltningsrevisjon. Kontrollutvalet viser til det som kjem fram under saksopplysningane. SAK 28/15 BUDSJETT FOR KONTROLLUTVALET 2016 Styret for Vest kontroll vedtek selskapet (samarbeidet) sitt budsjett. Når vedtak er fatta vert melding om kommunen sitt tilskot sendt rådmannen, som legg dette inn i kommunen sitt budsjett. Sekretariatet er det utøvande lekk for kontrollutvalet. I tillegg til budsjett for sekretariat er det nødvendig at kontrollutvalet, som utval, har sitt eige budsjett som skal dekke: Opplæring/kurs, litteratur m.m. Kommunal- og moderniseringsdepartementet skriv bl.a. dette i Kontrollutvalsboka (2011) om opplæring: «Kommunestyret er ansvarleg for at kontrollutvalsmedlemmene og varamedlemmene får tilstrekkeleg opplæring i sine kontroll- og tilsynsoppgåver.» «Kontrollutvalet bør sørgje for at medlemmene (både faste og vara) får tilstrekkeleg opplæring. Det vil vere nytting at utvalet held seg orientert om arrangement i regi av bransjeorganisasjonar og foreiningar, og sjølv tek initiativ til kurs medlemmene har trong for» For å få tilstrekkeleg opplæring er det nødvendig at det vert løyvd midlar. Hausten 2015 vil eit nytt kontrollutval vere valt på i konstituerande kommunestyremøte (nye valreglar for kontrollutval frå valet 2015). Dette inneber at opplæringa kjem i gong hausten Side 4
2015 og vil også gå vesentleg inn i 2016. Dette gjer at kontrollutvalet må be kommunestyret om budsjett i 2016 på same nivå som vart lagt fram for 2015, kr 40.000. For større særskilde tiltak/saker (som gransking, større forvaltningsrevisjonar) må framleis hovudregelen vere at kontrollutvalet først går til kommunestyret for å få løyvd nødvendige midlar til formålet. Viser til Kontrollutvalsboka som er utgitt av Kommunaldepartementet i 2011 side 25: «Det er berre kommunestyret som kan endre budsjettframlegget frå kontrollutvalet. Grunnen til at budsjettet til kontrollutvalet er i ei særstilling, er at utvalet skal vere fritt og uavhengig av dei organa som utvalet skal kontrollere. Det er uheldig om administrasjonen eller eit organ som kontrollutvalet skal kontrollere og ha tilsyn med, til dømes formannskapet eller administrasjonsutvalet, får innverknad på budsjettramma til tilsynsorganet. Formannskapet kan likevel, i sitt samla budsjett, føreslå eit lågare beløp enn det kontrollutvalet føreslår. Budsjettframlegget til kontrollutvalet skal likevel uendra følgje det samla budsjettframlegget til kommunestyret, slik at kommunestyret ved budsjetthandsaminga har informasjon om både kontrollutvalet sitt framlegg og formannskapet si innstilling til budsjett.» Kontrollutvalet ber kommunestyret løyve minimum kr 40.000,- til fri disposisjon for kontrollutvalet i budsjettet for 2016. Leiar og møtegodtgjersle må kome i tillegg. SAK 29/15 TILSYNSRAPPORT SAMHANDLING OM UTSKRIVING AV PASIENTAR FRÅ SPESIALISTHELSETENESTA TIL KOMMUNEN Vedlegg Rapport frå tilsyn: Samhandling om utskriving av pasientar frå spesialisthelsetenesta til kommunen Fylkesmannen i Sogn og Fjordane har gjennomført tilsyn med samhandling om utskriving av pasientar frå spesialisthelsetenesta til kommunen. Fylkesmannen undersøkte om kommunen ved systematisk styring sikrar forsvarleg mottak av og helsehjelp til pasientar som blir skrivne ut til eigen bustad at pasientar/pårørande får nødvendig informasjon og medverknad ved utskriving slik dei har krav på Rapporten omtalar funn ved tilsynet. Ved tilsynet blei det ikkje avdekt forhold som er i strid med helselovgjevinga. Kontrollutvalet tek tilsynsrapporten til vitende. Side 5
SAK 30/15 ORIENTERING OM FORVALTNINGSREVISJONSPROSJEKTET SAMHANDLINGSREFORMA Revisjonen orienterar om arbeidet med forvaltningsrevisjonsprosjektet samhandlingsreforma. Kontrollutvalet tek orienteringa frå revisjonen til vitende. Møtet slutt. Jorunn Sandal Paul Inge Angelshaug Møteprotokollen går til: Kommunestyret som melding Kontrollutvalet til godkjenning i neste møte Side 6