SAKSPAPIR Styre, komite, utval Møtedato Saknr Saksansvarleg Giske formannskap 25.06.2012 103/12 SIST Saksbehandlar Sigmund Strand Arkiv: K1-031, K2- Arkivsaknr 12/52-9 DRIFT I BALANSE 2012-2015 - RAPPORTER. Vedlegg: Dok.dato Tittel Dok.ID 20.06.2012 SAMLERAPPORT 184656 20.06.2012 RAPPORT - POLITISK ORGANISERING 184657 20.06.2012 REGLEMENT FOR GODTGJERSLE TIL FOLKEVALDE 184658 Saksutgreiing: BAKGRUNN Vedtak K-sak 169/2011 Giske kommunestyre vedtek at det skal gjerast ein gjennomgang av drift, organisering og tenestetilbod som kan skape balanse mellom kommunal verksemd og kommunen sine økonomiske rammer. Det skal sparast inn minimum 10 millioner kroner på årsbasis, og tiltaka skal gjennomførast i løpet av dei siste tre åra i økonomiplanperioden 2013 2015 Giske kommunestyre godkjenner mandat, organisering og framdrift for arbeidet slik det kjem fram i rådmannen sitt saksframlegg. Innsparing på 10 million kroner på årsbasis er lagt inn som føresetnad i Giske kommune sin økonomiplan for 2013 2014 2015.
I Giske kommune sitt budsjett for 2012 er lagt inn fylgjande innsparing i høve til gjeldande bemanningsplaner og meldt behov for å oppretthalde drifta: - Stab/øvrige: kr. 700.000 - Oppvekst 3.500.000 - Barn familie helse omsorg 2.700.000 Det er i 2012 innført full stillingsstopp i Giske kommune og ledige stillingar skal berre lysast ut etter nærare vurdering av rådmann og kommunalsjefar. Unntak er stillingar fullfinansiert av staten eller andre. Giske kommune har ei høg lånegjeld og det er lagt opp til ytterlegare store investeringar dei komande åra med tilhøyrande auke av rente- og avdragsutgifter. Auka utgifter til barnehagesektoren særleg tilskot til private barnehagar Auka utgiftsbehov i m.a. omsorgsektoren og undervisningsektoren. Momskompensasjon frå investeringar blir lagt inn i driftsrekneskapet slik: (gjeld alle kommuner). 40 % i 2012 20 % i 2013 0 i 2014 Auke i pensjonsutgifter. Gjeld alle kommuner. Auke i premieavvik. Amortisering redusert for 15 til 10 år. Gjeld alle kommuner Giske kommune har generelt for høge driftsutgifter i i høve til driftsinntektene. Dette er i stor grad utlikna ved høg avkastning på kapitalplasseringar. 10 mill. kroner i innsparing tilsvarer ein reduksjon i samla budsjettrammer for 2012 på om lag 2,9 %. Giske kommune sitt rekneskap for 2011 viste eit negativt netto driftsresultat på 25,3 mill. kr. Kommunen brukte i 2011 27,3 mill. kr. av fritt disposisjonsfond for å få rekneskapen i balanse. Pr. 01.01.2012 står det då att 11,3 mill. kr., og av dette er igjen 6,1 mill.kr. brukt for å balansere 2012-budsjettet. Kommunestyret har i møte 14.06.2012 gjort positivt vedtak om å bygge ny barneskule på Valderøya med ei kostnadsramme som ligg 122,8 mill. kr. over sist vedteken økonomiplan med eit auka lånebehov på ca. 93 mill. kr. ********* Det er no utarbeidd rapporter frå dei 3 arbeidsgruppene som ligg ved denne saka. Frå arbeidsgruppene sine rapportar kan ein trekke fylgjande samandrag:
Arbeidsgruppe 1. Politisk organisering. Arbeidsgruppa gjer framlegg om endre den politisk organiseringa slik at det blir to komitear i staden for dagens fire komitear: Namn på komiteane: Teknisk, plan, kultur og miljø: Komite for miljø, kultur og tekniske saker Oppvekst, helse, sosial, omsorg: Komite for oppvekst og helse Samansetjing Medlemmene av formannskapet og dei to komiteane skal vere medlemmer av kommunestyret. Minst ein av medlemmene i kontrollutvalet skal vere medlem av kommunestyret. Varamedlemmene til komiteane skal vere medlemmer eller varamedlemmer til kommunestyret. Minst ein av medlemmene i komiteane skal vere medlem av formannskapet, og dette skal ikkje vere leiar. Ansvarsområde for komiteane Komite for teknisk, plan, kultur, miljø: Kultursaker Plansaker Byggjesaksbehandling Delingssaker Veg, vatn og kloakk Hamnesaker Renovasjon Brann Forureining Oljevern Trafikktrygging Komite for oppvekst, helse, sosial, omsorg: Skule Sfo Barnehage PPT teneste Helsestasjon Miljøretta helsevern Skulehelseteneste Førebyggjande helsevern Pleie- og omsorg Sosialteneste Fullmakter og oppgåver vert som no. Komiteane skal utforme tilrådingar til kommunestyret. Saker med budsjettmessige konsekvensar skal behandlast av formannskapet før dei går til kommunestyret. Komite for teknisk, plan, kultur og miljø har avgjerslemynde på dei områda som komiteane for teknisk og plan og for kultur og miljø har i dag. Saksordførar I saker som komiteane legg fram for kommunestyret skal der vere saksordførarar som er oppnemnde av komiteane. Saksordførar er ansvarleg for å framføre komiteen si tilråding i den aktuelle saka i kommunestyremøte, og det skal orienterast om debatten og problemstillingar som har vore framme i komiteen. Sjølv om dette kan vere ei krevjande form, vil dette og vere med på å gi meir djupnekunnskap for dei folkevalde.
Funksjonen som saksordførar skal gå på omgang blant komitemedlemmene. Det er komiteleiar sitt ansvar å utpeike kven som skal vere saksordførar. Fordelane ved å nytte saksordførar er at fleire blir involverte og det vil skape større politikarengasjement. I små og enkle saker treng ein ikkje nytte saksordførar. For saker som går direkte frå formannskapet til kommunestyret har ordføraren eit ansvar for å peike ut ein saksordførar. Fordelar ved færre komitear: Enklare og meir oversiktleg struktur. Større politisk innverknad. Fleire kommunestyremedlemmer får meir djupnekunnskap om fleire saker. Totalt færre personar i komiteane og kun folkevalde medlemmer. Den politiske prosessen blir oppstramma og ein oppnår breiare og grundigare behandling i komiteane. Generell effektivisering for administrasjonen. Færre politiske møte. Oppnår større fleksibilitet ved å kunne oppnemne ad hoc utval for tema/større saker der administrasjonen og innbyggarar også kan vere med. Meir kontinuitet og breiare kunnskap om fleire saker for kommunestyremedlemmene. Felles retningsliner for komitearbeidet. Ulemper ved færre komitear: Større saksmengde for kvar komite. Komiteane kan bli for store til å få ein dynamisk diskusjon og få alle med i diskusjonen. Iverksetjing Kommuestyret må vurdere om omorganiseringa skal gjelde frå 1. januar 2013, eller om ein skal vente til valet i 2015. Ulempa er at ei omorganisering midt i perioden kan skape støy, og at ein vil få mindre kontinuitet i arbeidet til noverande komitear. Innsparing er eit argument for at endringa blir iverksett frå 1. januar 2013. Arbeidsgruppe 2. Struktur Gruppa samla seg om å arbeide med følgjande tiltak som kan gi innsparing og/eller betre ressursutnytting og tenestetilbod: Oppvekstsenter på Giske og Vigra Eigedomsavdeling - boligkontor omorganisering av vaktmeistertenesta Omorgansering av pleie og omsorgstenesta Vurdering av natt-tenesta innan pleie og omsorg Tildelingskontor Akuttseng 2016
Ny barneskule på Valderøya Ein ungdomsskule i Giske kommune Interkommunalt samarbeid innan PPT, barnevern Strukturgruppa konkluderer med at ein bør greie ut følgjande tiltak i eigne saker: Skulestruktur ein ungdomsskule. Eigedomsavdeling med bustadskontor der vaktmeistertenesten vert innlemma. Oppvekstsenter Giske og Vigra. Tenestetildelingskontor kan kanskje også vere aktuelt å utgreie. Interkommunalt samarbeid må ein sjå i samanheng med utviklinga innan Sunnmøre regionråd. Arbeidsgruppe 3. Drift Maksimalt reknar arbeidsgruppa med at summen av alle innsparings- og innteningstiltak i heile kommuneapparatet kan bli om lag 4-5 mill kr føresett politisk godkjenning av alle innsparingsforslag. I tillegg kjem mulege innsparingar ved omorganisering av tenesteområda (sjå eigen rapport). Direkte og indirekte verknader for forvaltninga, tilsette og brukarar av kommunale tenester i form av endra tenestegrad, brukaroppfølging og utslag på HMS-skalaen er ikkje medrekna. Tiltak ved ei rekkje av dei tenester som er omtalt, må greiast ut. Driftsgruppa har drøfta fylgjande: REDUSERE TENESTENIVÅ Praktisk bistand, stenge symjebasseng, vakante stillingar, mindre vikarbruk, bruke multidose, fjern gratis frukt i skulane, redusere reinhald, avvikle kulturtenester, senke vedlikehald. INNSPARINGSPOTENSIALE: CA. KR. 1.800.000 Brukarar - red. praktisk bistand betyr strengare kriterium for tildeling og høgare eigenandel. Fjerne kulturtenester får langsiktige verknader. Teneste prakt. bistand betyr meirbelastning for heimesjukepleien. Lovpålagte tenester fell vekk. Tilsette - ingen verknader eller lågare bemanning/oppseiingar HMS kan gje høgare stressnivå
Lovpålagte tenester fell vekk. Nokre tenesteområder innen helse vil få meirbelastning med å ta over arbeidet. Elevar får dårlegare skuletilbod - spesielt dei med særlege behov, pasientar får høgare eigenandel eller må kjøpe private tenester. PERSONELLTILTAK Redusere overtidsbruk, fjerne velferdsgoder (tilbod om trening på jobb, betalt lunchpause, seniortiltak), tilsett.stopp/ red.personellressursar INNSPARINGSPOTENSIALE: CA. KR. 220.000 Brukarar - kan bety dårlegare tenester der ein elles måtte bruke overtid. Teneste - kortare opn.tider eller avvikling Tilsette auka sannsynlegheit for AFP-uttak blant eldre HMS meir slitne tilsette og muleg auka sjukefråver Velferdsgoder er positivt for helse og bemanning - fjerning verkar demotiverande. Kan miste senior-kompetanse gjennom AFP-ordninga. Tilsett.stopp/ lågare bemanning slit på dei som vert att,om same tenestekvalitet skal haldast oppe. TEKNISKE TILTAK ENØK-fokusering, e-handel, IKT-kommunikasjon (epost, -dokument mm.) gjev portoinnsparing. INNSPARINGSPOTENSIALE: UKJENT Brukarar - lite verknader, men når berre dei med eigen PC/lesebrett Teneste meir effektiv utnytting av IKT-system, Tilsette meir fokus på ENØK gjer alle delaktive i innsparingstiltak HMS ingen Realistisk å setje fokus, men usikkert innteningspotensiale med ny stilling for ENØK-styring. IKT-tiltak bør nyttast ut
ORGANISERING Outsourcing (Reinhald på anbod), færre kontaktlærarar, fjern miljøterapeutstillingar, redusere vaktmestertenesta, prosjektfinansiering av kulturdrift INNSPARINGSPOTENSIALE: CA. KR. 850.000 Brukarar - mindre tid på kvar elev. Auka foreldrepress, Teneste større grupper med lågare kvalitet på opplæring og meir teori. Kulturdrift v/prosjektmidlar er uhaldbart Tilsette meir arbeidskrevjande skulearbeid, oppseiing av stillingar, HMS svakare arbeidsmiljø mht. stress, reinhald, øydelagt utstyr / bygn.masse. Dårlegare arbeidsmiljø, lengre tid for naudsynte reparasjonar, oppseiingar / omplasseringar. ØKONOMI-TILTAK Investeringsstopp, auke gebyr og inntekter (bygg-/ oppmålingsgebyr, utleigesatsar, tenestesal), fjerne leasingbilar, senkje driftsnivå barn/unge INNSPARINGSPOTENSIALE: CA. 1.700.000 1.900.000 KR. Brukarar - dårlegare vedlikehalde bygg, auka eigenbetaling for kommunale tenester, innføring av betaling for barn/unge i komm. idrettsbygg. Senka tenestekvalitet. Teneste dyrare tenester Tilsette meir fokus på eigeninntening HMS ingen Gebyrsatsane bør vere på nivå med samanliknbare kommunar. Fokus på negative verknader v/tenestenivå. Eigedomsskatt. *******
I prosjektet Drift i balanse er også spørsmålet om innføring av eigedomsskatt også eit sentralt tema. Inntektspotensialet og spørsmålet om eigedomsskatt må nærare utgreiast. I rådmannen sitt framlegg til økonomiplan for 2012 2015 var det antyda ei inntekt det første året på 5 mill. kr. med auke til 7 og 9 mill. kr. åra deretter. Vurdering: Rådmannen sine merknader: INNSTILLING: Giske formannskap tek dei utarbeidde rapportane for Drift i balanse 2012 2015 til vitande og sender rapportane ut på høyring. Den politiske arbeidsgruppa sin rapport blir å sende til dei politiske partia til høyring / uttale. Dei administrative arbeidsgruppene sin samlerapport blir å sende til dei politiske partia og arbeidsplassane i stab og einingar til høyring / uttale. Tiltak som gjeld redusert bemanning må vurderast av einingsleiarar og rådmann i høve til rammer for årsbudsjett 2013. Giske formannskap vil tilrå at andre tiltak som arbeidsgruppene har gjort framlegg om - samt spørsmålet om innføring av eigedomsskatt i Giske kommune blir utgreidd i løpet av hausten 2012 våren 2013.