GLOPPEN KOMMUNE SAKSPAPIR

Transkript

1 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Kommunestyret /16 Avgjerd av: Kommunestyret Saksbehandlar: Jan Kåre Fure Objekt: Arkiv: 002 Arkivsaknr.: 15/ Kommunereforma: Fastsetting av dato for folkeavrøysting, avrøystingstema og røysterett Ingen vedlegg. Bakgrunn for saka: Kommunane sitt arbeid med kommunereforma går no inn i sluttfasen. For Gloppen sin del står vi att med to alternativ: Ei eventuell samanslåing med Eid kommune Å halde fram som eigen kommune. Når dette er skrive, er forhandlingane om ein intensjonsavtale med Eid kommune ikkje avslutta. Rådmannen legg til grunn at vi blir samde med eidarane om ein avtale om samanslåing, og at spørsmålet om samanslåing blir lagt ut til folkeavrøysting. Vedtak om folkeavrøysting vart gjort i kommunestyret sitt oppstartingsvedtak om kommunereforma (sak 80/14 frå 3. november 2014). Vedtaket, som var samrøystes, har slik ordlyd: 1. Gloppen kommune tek til orientering at regjeringa legg opp til ei omfattande kommunereform og vil vere ein konstruktiv part i det vidare arbeidet med reforma 2. Gloppen kommunestyre merkar seg dei føringane som ligg i føresetnadene for reforma og vil, så langt dette er til beste for innbyggarane i Gloppen, medverke til å realisere desse. Det er avgjerande at framtidig inntektssystem sikrar økonomisk berekraft og handlingsrom, gode løysingar for kommunal organisering og samfunnsutvikling for den nye kommunen som Gloppen eventuelt vil vere ein del av. 3. Kommunestyret ber ordføraren, varaordføraren, ein tillitsvald og rådmannen arbeide vidare med saka, og i første omgang kome med framlegg om kva alternativ i Nordfjord og Sunnfjord som er aktuelle for Gloppen å utgreie nærare. Gloppen som eigen kommune er eit av dei alternativa som er med vidare. Det vidare utgreiingsarbeidet må ta utgangspunkt i kvaliteten i tenestetilbodet og korleis vi kan utvikle desse til å verta betre for innbyggarane.

2 Dei tilsette skal ha god informasjon om arbeidet og dei tillitsvalde vert invitert til å delta i prosessen. Formannskapet skal vere styringsgruppe for arbeidet og kommunestyret skal informerast undervegs. 4. Gloppen kommunestyre vil legge til rette for at innbyggarane vert godt opplyst om kommunereforma og får høve til å engasjere seg og legg difor opp til at dei aktuelle alternativa for samanslåing vert lagt fram i ei rådgjevande folkeavrøysting. Det er naturleg at folkeavrøystinga vert i samband med kommunevalet hausten 2015, alternativt våren 2016 dersom prosessen tek lengre tid. Denne saka gjeld berre gjennomføring av pkt 4 i vedtaket. Saksutgreiing: Rådmannen legg spørsmålet om dato for folkeavrøysting og avrøystingstema fram no fordi neste kommunestyremøte ikkje er før 25. april, og dette er for seint til å førebu ei folkeavrøysting. Dato for avrøysting Kommunane har frist til 1. juli i år til å gjere vedtak om samanslåing eller ikkje. Uavhengig av folkeavrøysting, er det kommunestyret som formelt sett skal gjere kommunen sitt vedtak. Siste kommunestyremøte før sommarferien er fredag 17. juni. 13. juni har formannskapet møte for å kome med si innstilling i saka. Gloppen kommune var fram til desember 2015 med i det såkalla Sunnfjord-samarbeidet. Kommunane som framleis er med her, har fastsett 4. april 2016 som dato for folkeavrøysting. Dette er ein dato som Gloppen ikkje treng å rette seg etter. Derimot må vi samordne datoen med Eid kommune, sjølv om dei ikkje har gjort formelt vedtak om folkeavrøysting. Fleire datoar er omsnakka som aktuelle dagar for folkeavrøysting i andre kommunar. I tillegg til 4. april i Sunnfjord, er 25. april på tale for Vågsøy, Selje og Vanylven, medan 19. mai er aktuell dato for Volda og Ørsta, som Stryn og Hornindal har vore i samtalar med. Rådmannen gjer framlegg om torsdag 19. mai som dato for ei folkeavrøysting i Gloppen. Dette er midt imellom kommunestyremøta i april og juni, og ein dato som alt er aktuell også for andre kommunar. Avrøystingstema Etter at vi no berre har samanslåing med Eid kommune som alternativ, seier avrøystingstemaet seg sjølv: Det blir ja eller nei til samanslåing. Røysterett For dei kommunane i Sunnfjord som skal ha folkeavrøysting er det lagt til grunn at røysteretten gjeld frå og med dei som fyller 16 år i Slik bør det vere også i Gloppen. Dette er eit vedtak som i stor grad gjeld tida som kjem, og det er derfor naturleg å utvide røysteretten til å omfatte også 16- og 17-åringane. I Eid kommune hadde 16- og 17-åringane røysterett også ved kommunestyrevalet hausten Førehandsrøysting Slik møteplanen vår er sett opp, vil intensjonsavtalen med Eid kommune bli lagt fram for kommunestyret den 25. april. Rådmannen legg til grunn at avtalen ikkje blir avvist av kommunestyret i dette møtet.

3 Førehandsrøystinga bør ikkje starte før avtalen har vore i kommunestyret. Første dag for førehandsrøysting blir då tysdag 26. april. Siste dag for førehandsrøysting bør vere fredag 13. mai, som er siste fredagen før valdagen. Mellom denne fredagen og valdagen kjem både pinsehelga og 17. mai. Sidan førehandsrøystinga bør samordnast med Eid kommune ventar rådmannen med å tilrå datoane for denne, og meiner valstyret kan bestemme datoane når dette er avklara med eidarane. --- Som kommunestyret har vedteke, er folkeavrøystinga rådgjevande. Dette følgjer også av kommunelova 39b, nr 1 som lyder slik: 1. Kommunestyret eller fylkestinget kan selv bestemme at det skal avholdes rådgivende lokale folkeavstemninger. 2. ( ) Økonomiske konsekvensar for kommunen: Det er uråd å seie noko sikkert om kva det kostar å gjennomføre ei folkeavrøysting, men vi snakkar om ein stad mellom 50 og kroner. Kostnadene vil i det vesentlege vere knytt til manntalet, trykking av røystesetlar, informasjon og gjennomføring av sjølve valet. Tilskotet frå staten på kroner til informasjon, innbyggarundersøkingar og folkeavrøysting er for Gloppen sin del utbetalt til Sunnfjord-samarbeidet og brukt her. Rådmannen vil legge kostnaden inn i revidert 2016-budsjett. Rådmannen si vurdering: Rådmannen har ikkje spesielle vurderingar i saka. Kvar medlem og/eller gruppe i kommunestyret må sjølvsagt finne ut av korleis dei vil vektlegge valresultatet av den rådgjevande folkeavrøystinga. For rådmannen sin del er det greitt: Mi tilråding vil følgje fleirtalet. Når det gjeld gjennomføring av folkeavrøystinga, bør valstyret få som oppgåve å ta seg av denne og gjere dei vedtak som er nødvendig for gjennomføringa. Det må sjølvsagt leggast til rette for førehandsrøysting her i kommunen, og informerast om høve til «brev-røysting» for dei som ikkje er har høve verken til førehandsrøysting eller røysting på valdagen. Valstyret har dei fullmaktene som er nødvendig for å gjennomføre valet. --- Tilrådinga i saka er sjølvsagt med atterhand om at vi kjem fram til ein avtale med Eid kommune om samanslåing. RÅDMANNEN SI TILRÅDING: 1. Kommunestyret viser til rådmannen si saksutgreiing og vedtek å gjennomføre den rådgjevande folkeavrøystinga om kommunesamanslåing med Eid torsdag 19. mai Avrøystingstema blir ja eller nei til samanslåing av Gloppen og Eid kommunar

4 3. Alle som har røysterett i Gloppen 1. april 2016 etter reglane om kommuneval, pluss alle som er fødde i 1999 og 2000 og er busette i Gloppen kan stemme ved folkeavrøystinga 4. Kommunestyret gjev valstyret i oppgåve å gjennomføre folkeavrøystinga, her under å fastsette tidsrommet for førehandsrøysting FORMANNSKAPET Rådmannen gjorde merksam på at det ikkje er avklara at skjeringsdatoen for manntalet blir 1. april, slik at denne datoen ikkje bør stå i vedtaket. Med denne grunngjevinga endra rådmannen pkt 3 i tilrådinga til: 3. Alle som har røysterett i Gloppen etter reglane om kommuneval, pluss alle som er fødde i 1999 og 2000 og er busette i Gloppen kan stemme ved folkeavrøystinga Framlegg frå Svein-Ottar Sandal (Krf): Nytt pkt 5 skal lyde: Kommunestyret ber ordføraren syte for ei samordning med Eid kommune om tidspunktet for folkeavrøysting og kommunestyrebehandling av saka. 016/16 VEDTAK: Rådmannen si endra tilråding, med tilleggsframlegget frå Svein-Ottar Sandal, vart samrøystes innstilt KOMMUNESTYRET Framlegg frå Per Rune Vereide (Sp): Nytt pkt 6 Kommunestyret ber rådmannen utgreie Gloppen som eigen kommune som eit likestilt alternativ. Kommunestyret ber vidare om å få framlagt eit notat som samanliknar kommunane Eid og Gloppen med omsyn til mellom anna demografi og økonomi. Framlegg frå Hege Lothe (SV): Pkt 1 skal lyde: Kommunestyret viser til rådmannen si saksutgreiing og vedtek å gjennomføre den rådgjevande folkeavrøystinga om kommunesamanslåing med Eid måndag 30. mai Framlegg frå Jeffrey Thomas (Sp): Datoen for folkeavrøysting blir sett til 12. september 2016 etter at inntektssystemet er godkjent sentralt. Det vart røysta slik: 1. Framlegget frå Jeffrey Thomas, som fekk tre røyster 2. Framlegget frå Hege Lothe, som vart samrøystes vedteke. 3. Pkt 2-5 i formannskapet si innstilling, som vart samrøystes vedtekne

5 4. Framlegget frå Per Rune Vereide som fekk 16 røyster. Til slutt vart det røysta samla over alle punkta som fekk fleirtal ovanfor, og alle punkta vart då samrøystes vedtekne. 009/16 VEDTAK: 1. Kommunestyret viser til rådmannen si saksutgreiing og vedtek å gjennomføre den rådgjevande folkeavrøystinga om kommunesamanslåing med Eid måndag 30. mai Avrøystingstema blir ja eller nei til samanslåing av Gloppen og Eid kommunar 3. Alle som har røysterett i Gloppen etter reglane om kommuneval, pluss alle som er fødde i 1999 og 2000 og er busette i Gloppen kan stemme ved folkeavrøystinga 4. Kommunestyret gjev valstyret i oppgåve å gjennomføre folkeavrøystinga, her under å fastsette tidsrommet for førehandsrøysting 5. Kommunestyret ber ordføraren syte for ei samordning med Eid kommune om tidspunktet for folkeavrøysting og kommunestyrebehandling av saka 6. Kommunestyret ber rådmannen utgreie Gloppen som eigen kommune som eit likestilt alternativ. Kommunestryet ber vidare om å få framlagt eit notat som samanliknar kommunane Eid og Gloppen med omsyn til mellom anna demografi og økonomi. Vedtaket var samrøystes.