Aurland kommune Sakspapir Saksnr. Utval Møtedato 030/12 Plan og utvikling 07.05.2012 047/12 Kommunestyret 24.05.2012 Saksansvarleg: Jan Olav Møller Arkivsaknr.: Arkiv Sakshandsamar Dato 12/367-2 K2-L12 Jan Olav Møller, 57 63 29 73 27.04.2012 Reguleringsplan(detaljregulering) for Framigarden i Flåm - oppstart av planarbeid Kort samandrag Frå arkitekt Jarle Sandvik ligg det på vegne av Terje Hilstad føre førespurnad om oppstart av reguleringsplan(detaljregulering) for Gnr 38 bnr 2 og 8, Framigarden. Føremålet med reguleringsplanen er å regulera område til fritids- og turistføremål/utleigehytter. Rådmannen si tilråding: Kommunestyret vedtek med heimel i Plan- og bygningslova 12-8, å starte ein reguleringsplanprosess for Framigarden. Føremålet med planarbeidet er å laga ein reguleringsplan(detaljregulering) som regulerar området til fritids- og turistføremål. Planarbeidet utløyser ikkje krav om konsekvensutgreiing(ku). Vedlegg: Vedlegg: J.dato Tittel 22.03.2012 Førespurnad om oppstart av reguleringsplan for Framigarden i Flåm 25.04.2012 Kart 15.03.2012 Byggjearbeid på gbnr 38/2 - referat frå møte 15.03.2012 07.05.2012 PLAN OG UTVIKLING Side 1 av 6
PUT-030/12 VEDTAK: Kommunestyret vedtek med heimel i Plan- og bygningslova 12-8, å starte ein reguleringsplanprosess for Framigarden. Føremålet med planarbeidet er å laga ein reguleringsplan(detaljregulering) som regulerar området til fritids- og turistføremål. Planarbeidet utløyser ikkje krav om konsekvensutgreiing(ku). Samrøystes.. 24.05.2012 KOMMUNESTYRET KS-047/12 VEDTAK: Kommunestyret vedtek med heimel i Plan- og bygningslova 12-8, å starte ein reguleringsplanprosess for Framigarden. Føremålet med planarbeidet er å laga ein reguleringsplan(detaljregulering) som regulerar området til fritids- og turistføremål. Planarbeidet utløyser ikkje krav om konsekvensutgreiing(ku). Samrøystes.. Side 2 av 6
Aktuelle lover, forskrifter, avtalar m.m. - Plan- og bygningslova 12-8. - Naturmangfaldlova - Kommuneplan for Aurland, av 18.06.2009. Saksutgreiing Frå arkitekt Jarle Sandvik ligg det på vegne av Terje Hilstad føre førespurnad om oppstart av reguleringsplan(detaljregulering) for Framigarden. Terje Hilstad ynskjer å regulera del av Gnr 38 Bnr 2 og 8 for å leggje til rette for inn på tunet gardsturisme. Føremålet med reguleringsplanen er å regulera område til fritids- og turistføremål/utleigehytter. Området er i kommuneplan for Aurland, av 18.06.2009, sett av til LNF-område. Planområdet er om lag 11 daa stort. Det vart halde oppstartsmøte for reguleringsplanarbeidet med tiltakshavar, 15.03.2012. Syner til referat frå møte, som vedlegg i saka. Vurdering I fylgje 12-3 i Plan- og bygningslova har private, tiltakshavar, organisasjonar og andre myndigheiter rett til å fremja framlegg til detaljregulering, herunder utfyllande regulering, for konkrete byggje- og anleggstiltak og arealendringar, og til å få kommunen sin handsaming av og standpunkt til reguleringsspørsmålet som vert teke opp i det private framlegget. Private planframlegg må innhaldsmessigt fylgje opp hovudtrekk og rammer i kommuneplanen sin arealdel og føreliggjande områdereguleringar. Reguleringsplanen skal utarbeidast av fagkyndige. Planen vil vera ein privat reguleringsplan(detaljregulering), der tiltakshavar sjølv finansierar arbeidet, fram til planen skal til offentleg ettersyn, og vert sendt på høyring. Kommunen tek då over planen og står for handsaming og kunngjering av planen. Det vert lagt til grunn at Arkitekt Jarle Sandvik er fagkyndig og erfaren innan utarbeiding av reguleringsplanar, og det er difor ingen merknadar til sjølve valet av forslagsstillar/plankonsulent. Ved ein endeleg vedteken plan, skal ein feilfri SOSI-fil sendast til kommunen. Administrasjonen vil spesielt peike på at SOSI fila for planen bør delast opp etter laga(omsynssoner m.m), slik at dette vert lettare å importera inn i det digitale planregisteret. Side 3 av 6
ROS-analyse(Risiko- og sårbarheisanalyse) Det skal utarbeidast detaljregulering med ROS-analyse for området, jf 4-3 i Plan- og bygningslova. Resultatet frå analysen skal kome til uttrykk i planen. Det er viktig at tema i ROS-analysen ikkje vert for innskrenka. For at kravet om ROS-analyse skal vera oppfylt, må det gjerast eit systematisk arbeid som gir oversikt over risiko og sårbarheit. Det må gå tydeleg fram kven som har utført ROS-analysen, og kva kjelder som har vore brukte. Ei sjekkliste er eit godt utgangspunkt for å velje ut hendingar som skal analyserast vidare. Ei sjekkliste åleine er ikkje å sjå på som ein ROS-analyse. ROS-analysen bør ha spesielt fokus på: - Jordbruk fulldyrka jord: Dersom fulldyrka jord skal regulerast til fritids- og turistføremål, bør det vera konkrete planar. Det bør vidare vurderast at 12 i jordlova, framleis skal gjelde for fritids- og turistføremål, slik at ikkje areal kan frådelast frå garden. Ein vil då sikre at dei nye hyttene vert ei styrking for garden. Ved utbygging på fulldyrka jord bør også rekkjefølgekrav vurderast. Ved evt regulering av fulldyrka jord bør vurderingar av alternativ plassering av hytter, vera utgreidd. - Flaum/overvatn/klimaendringar. - Skred(fritidshytter er plassert i tryggleiksklasse 2, jf 7-3 i Byggteknisk forskrift). - Avstand til verna vassdrag: 15 meters vegetasjonsbelte langs Flåmsvassdraget, i kommuneplan for Aurland, bør leggjast til grunn i planlegginga. Naturmangfaldlova(NML): NML set sterkare krav til vurderingar av tema som t.d biologisk mangfald ved sakshandsaming etter Plan- og bygningslova. Av NML 7 går det fram at vurderinga av dei såkalla miljørettslege prinsippa i 8-12, skal gå fram av vedtaket. Denne vurderinga skal liggja føre i planen ved utlegging til offentleg ettersyn. Kommunen vil her syne til 8 om kunnskapsgrunnlaget. Ved private reguleringsplanar har forslagsstillar ansvar for å framskaffa opplysningar/kunnskap, som skal liggja til grunn for kommunen sin vidare handsaming av planen(ved høyring og vedtak). Administrasjonen vil anbefale at vurderingar i høve Naturmangfaldlova vert innarbeidd i ROS-analysen. Planomtale: I ny Plan- og bygningslov er det krav om planomtale, som skal gjere greie for verknadane planen vil kunne få for ulike interesser og omsyn, jf 4-2 i Plan- og bygningslova. Lokale tilhøve som krev særleg vektlegging/utgreiing: - Jordvern- og landbruksfag - Biologisk mangfald - Kulturlandskap og kulturminne/kulturmiljø - Vassdrag(verna vassdrag). - Miljøvernfaglege vurderingar - Folkehelse (ureining mv) Side 4 av 6
Konekvensutgreiing(KU): Det skal i oppstartsfasen avklarast om planen vert omfatta av krav om planprogram og konsekvensutgreiing. Om reguleringsplanen fell inn under 3 i KU-forskrifta, men er vurdert til ikkje å skulle konsekvensutgreiiast, skal dette gå fram av varsel og kunngjering om oppstart av planarbeidet. Ei detaljregulering med føremål for å omregulere areal til fritids- og turistføremål, er omfatta av 3 i KU forskrifta, pkt b: reguleringsplanar som inneheld tiltak nevnt i vedlegg II, 2: Detaljregulering av hytte- og boligområder der planen avviker frå kommuneplan eller områdeplan. Tiltaket må difor vurderast i høve kriteriar for vurdering av vesentlege verknadar for miljø og samfunn. Planar og tiltak etter 3 skal handsamast etter forskrifta dersom dei: a. Er lokalisert i eller kjem i konflikt med område med særlig verdifulle landskap, naturmiljø, kulturminner eller kulturmiljø som er verna eller freda, mellombels freda eller freda eller føreslege verna eller freda, eller kor det finst eller er stor sannsynlegheit for å finne automatisk freda kulturminne som inngår i eit kulturmiljø med stor tidsdybde? Nei, ingen kjente. Nye bygningar må tilpassast eksisterande bygningsmiljø på garden, men bygningsmiljø vert ikkje rekna som særleg verdifullt. b. Er lokalisert i eller kjem i konflikt med viktige inngrepsfrie naturområde eller utgjer ein trussel mot trua naturtyper, trua artar eller dei sine leveområde, mot prioriterte artar eller deira funksjonsområde, mot utvalgte naturtypar, eller mot andre område som er særlege viktig for naturen sitt mangfald? Nei, tiltaka kjem i tilknyting til eksisterande bygningsmasse/gardstun. c. Er lokalisert i større naturområde som er særlege viktige for utøving av friluftsliv, herunder markaområde, eller i viktige vassdragsnære område som ikkje er sett av til utbyggingsføremål eller i overordna grønnstrukturer, eller i viktige vassdragsnære områder som ikkje er avsatt til utbyggingsføremål eller i overordna grøntstrukturar og viktige friområde i byar og tettstadar, og kor planen eller tiltaket kjem i konflikt med friluftsinteresser? Nei, tiltaka kjem i tilknyting til eksisterande bygningsmasse/gardstun. d. Kjem i konflikt med gjeldande rikspolitiske retningslinjer eller regionale/statlege planbestemmelsar? Nei e. Kjem i konflikt med reinsdriftinteresser? Nei f. Inneber større omdisponering av LNF område eller område regulert til landbruk, og som er av stor betydnad for landbruksverksemda? MIndre omdisponering er aktuelt, men føremålet er inn på tunet gardsturisme, og tiltaket er meint å vera ein styrke for gardsdrifta. g. Gjev vesentleg auke i tal personar som vert utsett for høg belastning av luftforrureining, støy, lukt, eller kan føre til forurrureining til jord, vatn eller sedimentar, eller kan føre til auka i utslipp av klimagassar, eller vestentleg stråling? Nei h. Fører til risiko for alvorlege ulykker, ras, skred og flaum? Nei, skred- og flaum problematikken er kartlagt for området, gjennom <<Flaumsonekartlegging for Flåmsvassdraget av Norconsult AS, samt <<Skredfarevurdering for Haugen Flåm kyrkje>> av COWI AS. i. Kan få konsekvensar for befolkningens helse eller helsa si fordeling blant innbyggjarane? Nei j. Kan få konsekvensar for innbyggjarane si tilgjenge til uteområde, bygningar og tenester? Nei k. Kan få vesentlege miljøverknadar i ein annan stat? Nei Side 5 av 6
Etter ein samla vurdering finn administrasjonen at reguleringsplanen, som fell inn under 3 i forskrift om konsekvensutgreiing, ikkje fell inn under kriteriane i 4. Tiltaket vil ikkje føre til vesentlege konsekvensar for miljø og samfunn.. Planarbeidet utløyser difor ikkje krav om konsekvensutgreiing(ku). Gebyr for private detaljreguleringar: For handsaming av private reguleringsplanar(detaljreguleringar) vert det fakturert eit gebyr på kr 16 004,- jf gebyrregulativ av 15.12.2011, sak 132/11. Gebyret skal dekke kostnadar for kunngjeringar ved offentleg ettersyn og vedtak av plan, samt sakshandsaminga. Etter administrasjonen si vurdering ligg det til rette for at reguleringsplan(detaljregulering) for Framigarden, kan settast i gang. Side 6 av 6