Vi lever av kunnskapen Bergsøy skule, Herøy, Møre og Romsdal (1 7) Av Mari-Anne Mørk Med prosjektet Vi lever av kunnskapen har Bergsøy skule valt å knyte undervisning i informasjonskompetanse til dei lokale ressursane i kystkommunen Herøy. Det har lagt grunnlag for elevprosjekt som engasjerer både elevar og lærarar. Bergsøy skule har to avdelingar: Blåhaugen, som husar 1. 4. trinn, og Borga med 5. 7. trinn ein kort spasertur unna. Dei to avdelingane har til dels kvar sin kultur og måte å arbeide på, noko prosjektgruppa såg som ei utfordring då dei blei med i Program for skulebibliotekutvikling. To skular éin institusjon I ressursskuleprosjektet set skulen som hovudmål å få dei to avdelingane til å fungere som éin institusjon med ei felles pedagogisk plattform. Prosjektgruppa såg biblioteket som ein nøkkel for å nå dette målet og har utvikla ein felles idé for bruk av skulebiblioteket. Difor deltok både 3. og 4. trinn frå Blåhaugen og 5. og 6. trinn frå Borga i utviklingsprosjektet.
2 Vellukka undervisningsopplegg Vegen til ein felles plan for bruk av skulebiblioteket starta på Blåhaugen førre skuleåret då avdelinga var åleine om å vere prosjektskule. Med prosjektet Vi lever av kunnskapen rydda og omorganiserte skulen medieteket på Blåhaugen samtidig som dei utvikla undervisningsopplegg i informasjonskompetanse og bibliotekkunnskap. Undervisningsopplegga, som tek opp sentrale tema som alfabetisering, katalogsøk, innhaldsliste, stikkordregister, nettsøk, kjeldekritikk og nettlesing, har vore så vellukka at dei dette skuleåret har blitt utvida til også å omfatte 5. og 6. trinn. Planen er at opplegga neste skuleår også skal gjennomførast på 1., 2. og 7. trinn. Plan for informasjonskompetanse på 3. trinn Bergsøy skule Innhald Ansvar Kvar Når Kva Organiseringa i skulebiblioteket skjønnlitteratur faglitteratur Å bruke fagboka/internett Kjeldekritikk For lærarane Kriterium for ei god fagbok/nettside Prosjekt: Fiskeri Haust Øvingsark alfabetisering bokjakt Desember Heile året Små faktabøker innhaldsliste stikkordregister Nettside meny søkefelt Fagbøker tittel, forfattar, år Nettstad kven, når Lærarsamling Haust Øvingsark vurdere fagbok vurdere nettside Februar Lage problemstilling Søke informasjonen Bearbeide informasjonen Presentere
3 Nyttar havet som læringsressurs Bergsøy skule vil at skulebiblioteket skal vere ein ressurs i fleire fag, og elevane på kvart trinn skal årleg gjennomføre eit tverrfagleg prosjekt der ressursane i havet ligg i botnen. I prosjektet, som har tittelen Med havet som leveveg, skal elevane lage problemstilling, nytte læringsstrategiar, utøve kjeldekritikk, jobbe med informasjon og presentere arbeidet sitt for andre. Arbeidet tek utgangspunkt i førsteamanuensis Elisabeth Tallaksen Rafste sin modell for undervisning i informasjonskompetanse (sjå faktaboks). Elevane skal søke i fagtekstar frå skulebiblioteket og på Internett. Dei skal òg nytte dei lokale læringsressursane kystkommunen Herøy har å by på for å finne ut meir om følgjande tema: 1. og 2. trinn: Livet i fjøra 3. trinn: Fisk/fiskeri i Herøy 4. trinn: Offshoreverksemd 5. trinn: Fuglane på Runde; Næringsgrunnlaget i havet 6. trinn: Frå padleåre til joystick frå stokkebåt til x-bow; Utvikling av båtane gjennom tidene 7. trinn: Energi med hovudvekt på olje- og offshoreverksemda
4 Illustrasjonen som viser Elisabeth Tallaksen Rafste sin modell for informasjonskompetanse, er henta frå artikkel skriven av Siri Ingvaldsen i heftet 'Lesing i skolebiblioteket' (2010). Stavanger : Lesesenteret. Positive resultat Som ressursskule har Bergsøy skule merkt seg at elevane har fått tydeleg betre bibliotekkunnskap. Spesielt har dei erfart at dei elevane som er inne i det andre året med undervisning i informasjonskompetanse, har fått ei heilt anna tilnærming til fagbøker og tekstar på nett. en er berre éin dag i veka på kvar avdeling, men har gjennom prosjektet blitt meir ein del av det pedagogiske personalet. Lærarane og skulebibliotekaren planlegg prosjektet i lag, og skulebibliotekaren finn fram høvelege tekstar i bøker og på nett. I tillegg informerer skulebibliotekaren om det elevane har lært i bibliotek- og datatimane, slik at lærarane kan følgje opp. Å utvikle samarbeidet mellom skulebibliotekar og lærarar vidare er eit satsingsområde for skulen. Deler erfaringar Herøy kommune har skulebibliotekkoordinator for alle skulane i kommunen. Det er skulebibliotekaren ved Bergsøy skule som har denne funksjonen, og ho syter for at dei andre skulane får informasjon om og rettleiing i det arbeidet som Bergsøy skule gjer. Skulen deler også sine erfaringar utover kommunegrensa, mellom anna på samling for skuleleiarar på Sunnmøre.
5 Leseveke og leseverkstad Bergsøy skule har årlege leseveker, både på Borga og på Blåhaugen. I leseveka arbeider elevane på Borga med ei bok i to skuletimar kvar dag, i tillegg til at dei mellom anna skriv biodikt og lagar eit utfyllande persongalleri heime. På Blåhaugen har kvart trinn eit fast opplegg med ei bok som dei les og arbeider med. Forfattaren Bjørn Sortland har vore på besøk på 5. trinn hos alle skulane i kommunen i regi av den Kulturelle skulesekken. Dette var eit vellukka og inspirerande besøk for både elevar og lærarar. I tillegg har skulen leseverkstad på 7. trinn der elevane skal lese minst fire bøker frå november til april. Alle bøkene skal vere skjønnlitterære og éi må vere i fantasysjangeren. Etter at elevane har lese ei bok, løyser dei ulike oppgåver knytte til boka. arrangerer leseløype for 6. og 7. trinn i slutten av april. Dette er eit populært opplegg etter idé av Foreningen!les. Elevane går frå post til post, ca. fem minutt på kvar post. Dei får spørsmål og oppgåver frå litteratur og idrett. Hektisk og morosamt. Rektor Agnes Kirste Bergsøy skule (1 7), Herøy kommune, Møre og Romsdal 286 elevar, 26 lærarar, skulebibliotekar 11 timar per veke Ressursskule på: Samordna arbeid med leseopplæring og informasjonskompetanse.