Informasjonsbrosjyre til føresette ved skular som deltek i Two Teachers

Størrelse: px

Begynne med side:

Download "Informasjonsbrosjyre til føresette ved skular som deltek i Two Teachers"

Kjell Larsen
8 år siden
Visninger:

1 Informasjonsbrosjyre til føresette ved skular som deltek i Two Teachers

Alle foto: Elisabeth Tønnessen Kjære føresette Barnet ditt skal byrje i første klasse på ein skule som har takka ja til å vere med i forskingsprosjektet Two Teachers.

2 Alle foto: Elisabeth Tønnessen Kjære føresette Barnet ditt skal byrje i første klasse på ein skule som har takka ja til å vere med i forskingsprosjektet Two Teachers. Du får denne brosjyren for at du skal kunne lese meir om dette forskingsprosjektet og kva det inneber å delta i det. Two Teachers blir leidd av Lesesenteret ved Universitetet i Stavanger, på initiativ frå Kunnskapsdepartementet og med midlar frå Noregs forskingsråd.

3 Kort om Two Teachers: 300 klassar ved 150 norske skular deltek i Two Teachers. Prosjektet blir leidd av Lesesenteret ved Universitetet i Stavanger, med støtte frå Noregs forskingsråd. Two Teachers undersøkjer effekten av å ha fleire lærarar i leseog skriveopplæringa dei første skuleåra. Alle førsteklassingane på deltakarskulane i 2016 blir inviterte til å delta i prosjektet. Deltakarskulane får midlar til å tilsetje ein ekstra lærar i leseog skriveopplæringa frå august Den ekstra læraren skal følgje ein av klassane frå 1. til 4. trinn. Prosjektet følgjer elevane frå starten av 1. trinn hausten 2016 til dei går ut av vidaregåande skule. Elevane skal løyse oppgåver knytte til lesing og læring årleg fram til utgangen av 4. trinn. Lærarane får tilbod om kursing og anna kompetanseheving. Det å delta i prosjektet fører på ingen måte til at nokre klassar eller elevar får færre ressursar enn dei elles ville ha fått.

4 Bakgrunnen for prosjektet Opplæringslova seier at det skal vere fleire lærarar på 1. til 4. klassetrinn, men norsk skule veit lite om korleis lærarar bør jobbe for at auka lærartettleik skal ha best mogleg effekt på læringa og læringsmiljøet til elevane. Two Teachers søkjer å gi fleire og betre svar på dette knytt til norsk skule. Prosjektet blir leidd av Nasjonalt senter for leseopplæring og leseforsking (Lesesenteret) ved Universitetet i Stavanger (UiS) i samarbeid med Læringsmiljøsenteret og Handelshøgskulen, UiS. Andre samarbeidspartnarar er forskarar ved Universitetet i Oslo, Universitetet i Bergen, Texas A&M University og Universitetet i Jyväskylä. Prosjektet er støtta av Noregs forskingsråd på initiativ frå Kunnskapsdepartementet. Korleis er studien lagt opp? Gjennom tilfeldig utval blir deltakarskulane delte inn i tre forskjellige grupper: Skulane i gruppe 1 får ein ekstra lærar inn i leseog skriveopplæringa. Skulane i gruppe 2 får ein ekstra lærar inn i leseog skriveopplæringa i tillegg til at lærarane på 1. til 4. trinn skal arbeide systematisk med å utvikle sin eigen kompetanse knytt til lesing og skriving. Skulane i gruppe 3 får ein ekstra lærar, lærarane på 1. til 4. trinn skal arbeide systematisk med å utvikle sin eigen kompetanse knytt til lesing og skriving, og skulane får òg føringar for korleis leseog skriveopplæringa skal gjennomførast.

Kva vil dette seie for barnet mitt? Two Teachers ønskjer å få så god informasjon som mogleg om effekten av å ha fleire lærarar knytte til lese- og skriveopplæringa i norske klasserom.

6 Kva vil dette seie for barnet mitt? Two Teachers ønskjer å få så god informasjon som mogleg om effekten av å ha fleire lærarar knytte til leseog skriveopplæringa i norske klasserom. Barna som deltek i prosjektet, kjem derfor til å bli bedne om å løyse nokre oppgåver knytte til lesing og skriving årleg fram til utgangen av 4. trinn. Dei blir òg bedne om å svare på eit spørjeskjema om motivasjon og læringsmiljøet i klassen. Det blir lagt vekt på at barna skal føle seg trygge og varetekne i denne prosessen, og at dei får ei positiv oppleving av å delta. Vi bruker mellom anna spelliknande appar på nettbrett til delar av kartlegginga. Alle som skal vere saman med barna i samband med kartlegginga, får grundig opplæring. Dersom det er ønskjeleg, kan foreldra få sjå oppgåvene og spørjeskjema som barna skal svare på For at vi skal få fullt utbyte av informasjonen som blir gitt frå deltakarane i prosjektet, kjem vi til å hente inn enkelte opplysningar frå offentlege register, inkludert utdanninga, inntekta og fødelandet til mor og far. Vi hentar òg inn informasjon

7 om eleven sine resultat frå nasjonale prøvar på 5. og 8. trinn og opplysningar om eleven fullfører vidaregåande skule. I tillegg ønskjer vi å undersøkje om større lærartettleik i leseopplæringa verkar inn på engasjementet og innsatsen til elevane. Læraren skal derfor svare på spørsmål om kvar enkelt elev sitt engasjement i timane knytt til leseopplæringa. Vi er interesserte i å finne ut om det å vere fleire lærarar endrar lærarane sin undervisingspraksis. Lærarane må derfor jamleg svare på spørsmål om korleis dei underviser, og om læringsmiljøet i klassen. Vi kjem òg til å observere undervisinga i utvalde klassar. Desse observasjonane blir filma. Personvern Prosjektet blir gjennomført i tråd med føresegnene i personopplysingslova. Alle som deltek i prosjektet, har teieplikt. Alle data som blir samla inn om barnet, blir handsama konfidensielt. Namnet på barnet blir bytt ut med ein kode i datamaterialet. Det er frivillig å delta i studien. Samtykket kan når som helst trekkjast utan at det er nødvendig å oppgi grunn. Alle opplysningar om elevar som forlèt prosjektet undervegs, blir sletta. Kvifor vere med? Det blir brukt store midlar på auka lærartettleik i norske klasserom, utan at vi veit noko om i kor stor grad dette kjem elevane til gode. Det er derfor viktig å finne ut korleis skule og lærarar kan jobbe best mogleg slik at auka lærartettleik gir den enkelte eleven større moglegheit for å få tilpassa opplæring. Ved å delta i Two Teachers gir skulen, foreldre og elevar eit svært verdifullt bidrag til forsking som har mykje å seie for norsk utdanningspolitikk. Dersom skulen deltek i Two Teachers, får skulen auka ressursar samt faglege og forskingsbaserte innspel til skulen sitt arbeid med leseopplæringa. Lesesenteret bidreg med kursing av personale ved deltakarskulane.

8 Vil du vite meir om undersøkinga? Du kan få meir informasjon om Two Teachers på nettsidene til Lesesenteret: lesesenteret.uis.no/two_teachers/ Du kan òg følgje prosjektet på Facebook: facebook.com/twoteachers. Prosjektleiar Oddny Judith Solheim, Lesesenteret, Universitetet i Stavanger.

Like dokumenter

Informasjonsbrosjyre til foresatte ved skoler som deltar i Two Teachers

Informasjonsbrosjyre til foresatte ved skoler som deltar i Two Teachers Alle foto: Elisabeth Tønnessen Kjære foresatte Barnet ditt skal begynne i første klasse på en skole som har takket ja til å være