Samarbeidsmeteorolog 2017: Kva tenkjer ungdomane i Vest-Telemark om eit felles ungdomsråd?

Størrelse: px

Begynne med side:

Download "Samarbeidsmeteorolog 2017: Kva tenkjer ungdomane i Vest-Telemark om eit felles ungdomsråd?"

Jan-Erik Agnar Holm
6 år siden
Visninger:

1 Samarbeidsmeteorolog 2017: Kva tenkjer ungdomane i Vest-Telemark om eit felles ungdomsråd? Gunhild Kvålseth

2 Innhald Innleiing... 3 Formålet med undersøkinga... 3 Status i dag... 3 Framgangsmåte... 3 Feilkjelder... 4 Resultat... 4 Konklusjon... 6 Anbefaling... 6 Vedlegg... 7 Kjelder/Litteratur... 7

3 Innleiing Oppgåva mi som samarbeidsmeteorolog var å «ta tempen» på kva ungdomane i Vest- Telemark meinte om samarbeidet mellom kommunane. Ut frå dette valde eg å finne ut om det var interesse for eit felles ungdomsråd i Vest-Telemark. Formålet med undersøkinga Informere ungdom om kor viktig det er at alle får lov til å ha, og uttrykkje sine eigene meiningar. Finne ut om ungdom har interesse av å etablere eit eige ungdomsråd. Status i dag Per i dag er det ikkje noko ungdomsråd i nokon av kommunane i Vest-Telemark. Det var eit ungdomsråd i Fyresdal fram til 2015/2016, men det vart ikkje organisera på nytt, på grunn av omorganisering i kommunen. Framgangsmåte For å vekke interesse for eit felles ungdomsråd i Vest-Telemark, valde eg å lage ein spørjeundersøking (vedlegg 2) på facebook sida: «Samarbeidsmeteorolog 2017: Felles ungdomsråd i Vest-Telemark?» (vedlegg 1). På denne sida hadde eg informasjon om kva eit ungdomsråd er, slik at dei som valde å svare på undersøkinga fekk litt meir informasjon før dei byrja å svare. På denne måten fekk eg meir ordentlege svar. For å spreie at eg hadde ei undersøking, valde eg å sende e-post om dette til alle rektorane på ungdomsskulane i Vest- Telemark. Eg bruka og nokre av dei same spørsmåla til å spørje vaksne munnleg. Onsdag , reiste eg til Åmot og snakka med 9. klasse. Eg forklara dei kvifor eg var der, og kva eit ungdomsråd er, før dei svara på undersøkinga. Etter at dei var ferdige valde eg å snakke litt om, og spørje litt rundt dei same spørsmåla som var på undersøkinga på nett. På denne måten fekk eg nokre munnlege svar, og fekk dei til å tenkje over kva som kan vera nyttig med eit ungdomsråd. Då eg hadde samla inn alle svara analysera eg dei, og fann ut kva ungdomane meinte. Samtidig sat dei opp mot dei vaksne sine svar.

4 Feilkjelder For at resultata skulle ha vore endå meir presise, burde eg ha hatt litt lengre tid til å marknadsføre, informere og vekkje interesse blant ungdommane. Ei undersøking som dette kan ta litt tid å svare på i forhold til at ein må tenkje seg godt om, og vita litt om temaet før ein byrjar å svare. Det har og vore ein vaksen som har svara på undersøkinga på nett, men det verka som om den vaksne hadde ganske like meiningar som ungdomane hadde. Berre elevar frå Åmot og Kviteseid har svara. Svarprosenten er då så låg et eg ikkje kan trekkje nokon klar konklusjon på kva alle ungdomane i Vest-Telemark meiner, men det er tydeleg kva dei som har svara ynskjer. Resultat På spørjeundersøkinga på nett var det 21 som svara, 66,7% av desse var jenter, medan 33,3% var gutar. Det var flest frå Kviteseid, 71,5% som svara medan det var 28,5% frå Åmot om svara. Elevar frå 9. klasse ugjorde 81% av dei svarande, elevar frå 8. klasse utgjorde 9,5%, elevar frå 10. klasse utgjorde 4,8% og andre utgjorde 4,8%. Dersom ein ser elevtalet på alle ungdomsskulane i Vest-Telemark, ser ein at svarprosenten er svært låg. Det er ikkje nokon av ungdomane som har svara «ja» på at dei ville ha prioritera eit ungdomsråd framfor fritidsaktivitetane sine. Svara «veit ikkje» og «nei» er det som er mest bruka. (figur 1)

5 Figur 1 Ungdomane har litt blanda meiningar på om eit felles ungdomsråd er viktig eller ikkje, dei fleste har svara «ja» eller «veit ikkje». Dei som har svara ja meiner at det er viktig for ungdom å ha ein felles møteplass der dei kan diskutere sakar ungdomane brenn for. På spørsmålet «Er det noko som er til hinder for eit ungdomsråd?» kom det fleir utfyllande svar enn på «Kva er det som er positivt med eit ungdomsråd?». Mange meinte at «dei vaksne» var eit hinder. Det verkar som om mange av ungdomane eg fekk svar frå er nervøse for at dei vaksne ikkje kjem til å akseptere, og høyre på kva ungdomane har å seie. Andre hinder som vart nemnd var: lang avstand, lite engasjement og lite deltaking. Det ungdomane meiner er positivt med eit ungdomsråd er at det er sosialt, at ungdomane kan lære å bli sjølvstendige, at det er mogleg å vere med å bestemme kva som skal skje i distriktet og at ein lærer å ta ansvar. Dei fleste ungdomane eg har snakka med, er godt nøgde med å bu i Vest-Telemark, men dersom dei skulle endre på noko eller ynskt seg noko, hadde det vore ein felles møteplass for ungdom. Eg har og fått svar frå 10 vaksne. Dei vaksne meiner at eit felles ungdomsråd i Vest-Telemark er fornuftig, og at det er viktig at ungdomane skal få seie meiningane sine. Elles meiner mange av dei vaksne, at kommunale tenester er noko Vest-Telemark kommunane kan samarbeide betre på. Andre meiner at det ikkje er så mykje som kan

6 endrast på, medan nokon tenkjer at det skjer mange sosiale «happeningar» på ein gong og ynskjer at kommunane snakkar meir saman før dei arrangerer arrangement. Konklusjon Difor kan ein konkludere med at eit ungdomsråd kan vera ein veldig nyttig del av ein tettstad eller distrikt. Det verkar som om ungdommen i Vest-Telemark har lyst til å seie meiningane sine, men vel heller fritidsaktivitetar framfor eit ungdomsråd. Om ein då skal ha eit felles ungdomsråd må ein finne dei som interesserer seg for politikk, og vel dette som ein hobby framfor mykje anna. Det er nok eit ynskje og ei framtid for eit felles ungdomsråd i Vest- Telemark, men fyrst må ungdommane få meir informasjon. Kanskje fyst då kan dei sjå kor viktig det er i eit demokrati, at alle skal få seie meininga si. Som informera er ikkje denne undersøkinga representativt for alle ungdomane i Vest- Telemark. Få har svara, men ut frå svara kunne ein hente ut interessant informasjon. Anbefaling For å prøve å engasjere ungdom er det viktig å informere, og gjere eit ungdomsråd attraktivt. Dersom ein får til eit ungdomsråd er det lurt å ikkje gjere det for omfattande slik at ungdommane vel andre fritidsaktivitetar framfor ungdomsrådet. Det gjeld å finne ungdommar som er interessera, frå både større tettstader og små bygder. Dersom ein set opp resultatet av svara både frå dei vaksne og ungdomane som har svara, verkar som om dei vaksne er meir positive til eit ungdomsråd enn det ungdomane er sjølve. Difor er det kanskje lurt å vente til ungdomane sjølv finn ut at dei ynskjer eit felles ungdomsråd. Å nå ungdom på deira arena, er viktig. Difor kan bruk av internett for å finne, og få informasjon vere ei god løysing på å finne ut kva ungdom meiner om samarbeidet i Vest- Telemark.

7 Vedlegg Kjelder/Litteratur Internett: Ukjend forfattar, 2015, Råd og utval ved Seljord ungdomsskule, henta frå: Vedlegg 1: Vest-Telemark / Vedlegg 2: _of_culgg/viewform?usp=sf_link Vedlegg 3: 07/a/me_har_eit_aktivt_ungdomsrad_som_har_lyst_til_a_seie_meininga_var_og_sa_fekk_ me_ein_midt_i_fleisen/d0c7c9a Lesedato: 15. juni Ukjend forfattar, 2015, Ungdomsrådet, henta frå: Lesedato: 15. juni Bilete: Lesedato: 16. juni 2017.

Like dokumenter

Kvifor likar me å høyre på forskjellig musikk?

Kvifor likar me å høyre på forskjellig musikk? Innlevert av 6 & 7 ved Fister skule og barnehage (HJELMELAND, Rogaland) Årets nysgjerrigper 2012 Årets nysgjerrigper vart ein suksess på Fister skule. Hypotesene,