HÅ KOMMUNE MOTLAND SKULE

Transkript

1 HÅ KOMMUNE MOTLAND SKULE Kjære foreldre/føresette ved Motland skule. Informasjon april Informasjon Skulen sin telefon: SFO: og og 4. e-post: kommune.no Internettadresse: Kulturscena i Hå/samarbeid med Hå kulturtorg Siste helga i mars var det store kulturarrangement på skulen. Hå kulturtorg i samarbeid med korpsa på Nærbø arrangerte ABBA konsert. I tillegg sette og kulturskulen opp ANNIE, både opne førestillingar og tre skuleførestillingar. I løpet av dei dagane var det over 2000 som var innom hallen på Motland! Vi meiner det er viktig for skulen å leggje til rette for slike samarbeidsprosjekt. I tillegg til desse store oppsetningane har det vore både kor og symfonikonsert i aulaen på skulen. Rektor: Eivind Galtvik / Lagleiarar: Ann Merete Erga Bergljot G. Aunet Liv Årrestad Bø Vaktmeister: Erlend Høyland Sekretær: Beathe H. Fjeldheim Bibliotek: Kari Thu Helsesøster: Ingvild Lye Skretting Tannlegekontor Nærbø: PPT: Her ser vi at hallen på Motland er gjort om til ei flott scene med lys og sceneteppe. Øverste bilete er frå ANNIE og det nederste er frå ABBA.

2 Informasjon SFO Etter at vi delte elevgruppa i to deler på ettermiddagane (1. og 3. klasse er saman og 2. og 4. klasse er saman), opplever personalet at det er lettare å få gjennomført ulike aktivitetar med elevane. Derfor ønskjer vi å halde fram med den organiseringa. Viss de som foreldre/føresette har synspunkt på dette, vil vi gjerne at de tek kontakt med skulen. Det er no sendt ut påmelding til alle elevane som byrjar i 1.klasse hausten 09. Dersom elevar i klasse vil byrja i SFO, får de påmeldingsskjema på kontoret eller på heimesida. Dei av dykk som har tilbod og ønskjer å behalda tilbodet likt som dette skuleåret, treng ikkje levere ny påmelding. Alle som svarer innan fristen vil få plass. Dette skuleåret er det fullt på SFO, så det er viktig å søkje før fristen for å vere sikra plass. Fristen for svare er 30. april. Det er og sendt ut påmelding for SFO i feriedagane i mai og juni. Søknadsskjema ligg på heimesida. SFO opnar igjen 3. august etter ferien. Påmelding til desse dagane kjem i løpet av mai. I feriedagane må det alltid vere minst 10 påmeldte for at det skal verte tilbod. Det er bindande påmelding og vi tek ikkje imot elevar som ikkje er påmeldte. I alle feriedagar er SFO på Bø skule og opningstida er frå Fredag 19 juni er det tilbod om SFO på Motland. 17. mai Nasjonaldagen nærmar seg med stormskritt. Torsdag 14. mai kjem skulekorpset hit for å øve på marsjering. Dei vil vere her frå Ellers vert det tradisjonell feiring på Motland mellom barnetoget og folketoget. Kunnskap og innovasjonsleiing I tillegg til å vere rektor på Motland driv eg å studerer, eg tek eit studie som heiter kunnskap og innovasjonsleiing. Det er eit masterstudie som Høgskulen i Nord Trøndelag har i samarbeid med Learning Lab Denmark og Copenhagen Business school. Studiet handler om kunnskapsleiing, organisasjonsutvikling, strategival og innovasjon. Frå sommaren skal eg skrive ei masteravhandling saman med rektor på Varhaug skule, Jan Harald Forsmo. Den kjem til å handle om korleis vi best kan utvikle dei to skulane. Håper og trur det fører med seg positiv utvikling for Motland skule. Kompetanseheving og etterutdanning er eit nasjonalt satsingsområde. På Motland har vi mange av dei tilsette som tek vidareutdanning innan spesialpedagogikk, engelsk, meistring og utvikling, rettleiing av nytilsette og vikingstudie. Vi er og opptekne av å ha kunnskapsutvikling i eigen organisasjon. Erstatning på skadeverk FAU og skulen har bestemt at viss elevar øydelegg skulen sitt utstyr, skal dette erstattas. Viss dette skjer vert heimen kontakta og får deretter rekning frå kommunekassen. Rekninga vil vere i samsvar med øydelegginga, men vil ikkje overstige 1000 kroner.

3 Brukarundersøkingar Det er no tid for å gjennomføre den årlege foreldreundersøkinga. Det er viktig for skulen å få tilbakemeldingar frå dykk som foreldre på kva de meiner om skulen. Foreldreundersøkinga er ei undersøking som alle skulane i landet tek. Vi kan samanlikne resultata frå år til år, og samanlikne oss med andre skular i kommunen og landet elles. For at tala som kjem fram skal gje oss så mykje informasjon som mogleg er det viktig at alle svarar på undersøkinga. Håper alle tek seg tid til å gå inn på udir.no. De må svare innan 30. april, då stenger nettportalen. For dei av dykk som har fleire elevar på skulen, skal de ta ei undersøking pr. elev. Alle elevane i gjennomfører elevundersøkinga på skulen. Lærarane gjennomfører lærarundersøkinga. Tala frå desse tre undersøkingane er viktig i arbeidet med å utvikle Motland skule til å bli ein endå betre skule. Avslutningsfest for 7. trinn Det er tradisjon for å ha ein fest for elevane som går ut 7. klasse. I år er festen sett til tysdag 16. juni. Meir informasjon vil koma etterkvart, men det vert ein fest som er arrangert i samarbeid mellom klassekontaktane på 7. trinn og lærarane på 7. trinn. Parkering ved arrangement Når det er store arrangement på skulen som føregår på kveldstid, kan de nytte uteområdet på skulen som parkeringsplass. Abonnement på skulemåltid, frukt og mjølk Fristen for oppseiing/endring til neste skuleår er 1. juni. Elevaktivitetar utover våren og sommaren Både mai og juni er prega av ein del ekskursjonar og mindre turar for elevane. Vi har og tradisjon for å ha aktivitetsdag og ballturnering på denne tida av året. Vi synes det er flott viss de som foreldre kjem og deltek på desse aktivitetane/turane. Følg med på arbeidsplanane til elevane og på skulen si heimeside for å sjå kor tid dei ulike aktivitetane skal føregå. Kom mai du skjønne milde I skrivande stund er vi kome i slutten av april. Vi har allereie fått kjent på nokre sommardagar der temperaturen har vore opp mot 20 grader. Det er ei flott tid framover med lange og lyse dagar. På skulen bruker elevane uteområdet og nærområdet meir, det er ekskursjonar, turneringar og aktivitetsdagar. I tillegg til alt dette ønskjer skulen å halde læringstrykket oppe heilt fram til skulen sluttar. I desse dagar har dei minste elevane (1. og 2. trinn) hatt nasjonal kartlegging i lesing og rekning. Dette er ein del av den nasjonale satsinga på meir kartlegging og rapportering. Eivind Galtvik

4

5

6