NAV Arbeidslivssenter Hjelp til å redusere sjukefråværet, styrkje jobbnærværet og betre arbeidsmiljøet
Din samarbeidspartnar for eit inkluderande arbeidsliv NAV Arbeidslivssenter finst i alle fylke og er ressurs- og kompetansesenter for eit inkluderande arbeidsliv (IA). Sentra er eit viktig verkemiddel og samarbeider tett med verksemder som har valt å inngå samarbeidsavtale med NAV. Arbeidslivssenteret i fylket ditt kan hjelpe verksemda di med å nå måla ho har sett seg for sitt eige IA-arbeid. Som IA-verksemd kan de ha god nytte av kompetansen rådgivarane har innanfor fagfelt som leiing og organisasjon, prosjektleiing, sjukefråværsoppfølging, tilrettelegging for personar med redusert funksjonsevne, helsefremjande arbeidsplassar og god seniorpolitikk. Kontaktperson ved NAV Arbeidslivssenter Som IA-verksemd har de ein fast kontaktperson, også kalla IA-rådgivar, ved Arbeidslivssenteret. Hovudoppgåva til denne kontaktpersonen er å gi fagleg støtte og bidra til at partane i verksemda jobbar godt og kontinuerleg med IA-arbeidet. Kontaktpersonen skal hjelpe leiarar, IA-kontaktpersonar, tillitsvalde og verneombod med å arbeide målretta og resultatorientert for å utvikle ein meir inkluderande arbeidsplass. I tillegg skal rådgivaren koordinere støtta frå NAV, bidra til å utløyse IA-verkemiddel raskt og effektivt og samarbeide med bedriftshelsetenesta i verksemda.
Foto: Snøball Film Strukturen i IA-arbeidet Hovudoppgåva vår er å hjelpe verksemda med å setje seg klare mål og utvikle gode handlingsplanar i tråd med samarbeidsavtalen. Vi er òg gjerne med på å evaluere arbeidet undervegs og utvikle ytterlegare tiltak dersom resultata ikkje er blitt slik partane i verksemda hadde håpt på. På denne måten ønskjer vi å bidra til eit systematisk førebyggjande og helsefremjande HMS-arbeid. Vi sender gjerne informasjon som kan komme til nytte i IA-arbeidet. Kva kan vi hjelpe med?
Krevjande enkeltsaker Nokre gonger kan det vere formålstenleg å kunne drøfte ei utfordring med ein utanforståande. Kontaktpersonen frå Arbeidslivssenteret kan belyse ulike grep du som leiar eller tillitsvald kan gjere i konkrete situasjonar. Rådgivaren har òg oversikt over støtteapparatet som kan hjelpe deg vidare, og kan koordinere kontakt med det lokale NAV-kontoret dersom det er behov for det. Verkemiddelbruk NAV Arbeidslivssenter kan informere om og rettleie leiarar og tillitsvalde i korleis dei kan bruke gode verkemiddel for å få til eit meir inkluderande arbeidsliv. Rådgivaren kan òg hjelpe til med å utløyse økonomiske midlar som det kan vere behov for i dette arbeidet. Tilpassa behova til verksemda For at ein skal nå måla for IA-arbeidet, er det viktig at hjelpa støttar opp under måla, strategiane og kjerneaktiviteten til verksemda. IA-arbeidet bør vere ein integrert del av den operative drifta til verksemda.
No veit vi meir om kva moglegheiter vi har. Tone Lillevik er styrar i ein privat barnehage i Namsos, med 60 plassar og 16 fast tilsette medarbeidarar. Bjørum barnehage var tidlegare sjukehusbarnehage og IA-verksemd og har vidareført IA-arbeidet også etter at han blei privat. Dei siste åra har vi hatt ein fast kontaktperson ved det lokale NAV Arbeidslivssenteret, og det fungerer veldig fint. Ho hjelper oss å ha fokus på IA, kjenner arbeidsplassen vår og veit kva vi held på med og kva utfordringar vi har. Det gjer det mykje enklare å finne gode løysingar. Vi har brukt kontakten vår på personalmøte, og når det er noko eg lurer på, er det berre å ringje. Vi har fokus på sjukefråværet, som til tider er høgt. Å arbeide i barnehage kan vere tungt, med mykje belasting på mellom anna nakke og rygg. Det er viktig å kunne leggje til rette der det er mogleg, både ved fare for sjukmelding og ved gradert sjukmelding. IA-kontakten vår har hjelpt oss med å setje oss mål og lage ein handlingsplan for IA-arbeidet. Når vi veit meir om kva moglegheiter vi har, er det lettare å ha fokus på inkluderande arbeidsliv. Tone Lillevik Styrar Bjørum barnehage
Ola Folladal er dagleg leiar i Fosdalen Industrier A/S, ei verkstadbedrift som konstruerer, produserer og monterer stålkonstruksjonar til industrien. Vi har jobba tett med det lokale Arbeidslivssentret i mange år for å nå IA-måla våre. Spesielt har vi har vore opptekne av ungdom og folk som av ein eller annan grunn har falle utanfor arbeidslivet. IA-arbeidet gir ein dobbel gevinst. Vi får inn godt motivert arbeidskraft, og samtidig gir vi nokon som ønskjer det, sjansen til å komme i arbeid. Det handlar om å ta eit samfunnsansvar, men det er òg i eiga interesse. Det synest eg bedrifter og leiarar bør vere bevisste på. Dette bør leiarar vere bevisste på. Samarbeidet med den IA-kontakten vi har, er veldig bra. Arbeidslivssenteret tilfører oss ein god del kunnskap, både når det gjeld dei enkelte arbeidsforholda og generelt, til dømes om det som no heiter livsfasepolitikk, eit område som vil bli ganske viktig i åra framover. Ola Folladal Dagleg leiar Fosdalen Industrier
Tone Wanderås er hovudverneombod i Helse Nord- Trøndelag. Ho deler arbeidstida si i to: 60 prosent som ombod og 40 prosent som sjukepleiar. Det gjer at ho ser IA-arbeidet frå fleire sider. Eg har god kjennskap til NAV Arbeidslivssenter gjennom ei IA-gruppe eg er med i. Tilrettelegging er veldig relevant for sjukepleiaryrket, som er fysisk tungt. Erfaring viser at mange på sengepostane kan ha problem med musklar og skjelett i periodar. Då kan det fort bli ei sjukmelding, og det er fint å unngå. Det er langt betre om den det gjeld, kan arbeide heilt eller delvis med tilrettelagde oppgåver, og Arbeidslivssenteret kan bidra med råd om korleis det kan gjerast. Det er viktig at leiarane er klar over denne sjansen, og at dei bruker han. Det er ikkje noka god kjensle å vere sjukmeld. Eg hamna sjølv i denne situasjonen for ei tid sidan på grunn av eit ryggproblem, og tilrettelegging fungerte veldig godt for meg. Det var ein situasjon eg ikkje var førebudd på vi trur jo gjerne at vi skal vere friske og raske bestandig! Greitt å hugse på at det kan vere deg sjølv det gjeld neste gong. Tone Wanderås Hovedverneombud Helse Nord-Trøndelag
Tilleggstenester Arbeidslivssenteret tilbyr òg desse tilleggstenestene som verksemda di kan nytte dersom det er nedfelt i handlingsplanen verksemda har for IA-arbeidet. Systemretta sjukefråværsoppfølging Utvikling av verksemda sitt IAarbeid innanfor delmål 1* Rollene, pliktene og ansvaret til arbeidsgivaren og arbeidstakaren i sjukefråværsoppfølginga Utvikling av grunnleggjande system og rutinar knytte til sjukefråværsoppfølginga. Dialogmøte 1 kva, korleis, kvifor? IA-web tilgang til detaljert statistikk og analyse av det innrapporterte sjukefråværet til verksemda *Reduksjon i sjukefråværet med 20 prosent (på landsbasis) IA-leiing Kompetanseheving og rådgiving om leiing i eit IA-perspektiv for leiarar og tillitsvalde Kommunikasjon og samtaletrening Førebyggjande og helsefremjande arbeid Informasjon til leiarar og tillitsvalde om kva det vil seie å jobbe førebyggjande og helsefremjande med arbeidsmiljøet Konkrete verktøy og metodar for korleis det kan gjerast i praksis Arbeid og psykisk helse Ser deg i morgon Inkludering av personar som står utanfor arbeidslivet Utvikling av verksemda sitt IA-arbeid innanfor delmål 2* Rekrutterings- og haldningsarbeid Verkemiddel som fremjar inkludering og tilrettelegging Informasjon om lover som gjeld likestilling og diskriminering Inkluderingskompetanse i praksis. Seniorpolitikk i eit livsfaseperspektiv Utvikling av verksemda sitt IA-arbeid innanfor delmål 3* Vi og dei andre motivasjon, haldningar og kultur på arbeidsplassen Mytar og fakta om seniorar og arbeid Informasjon om lover og avtaleverk om alder i arbeidslivet Verktøy og metodar for å få til gode prosessar i verksemda *Yrkesaktivitet etter fylte 50 blir forlengd med 6 månader (på landsbasis) Kontakt IA-rådgivaren din for å få meir informasjon Opplæring, rettleiing og anna hjelp bestiller du hos kontaktpersonen din ved NAV Arbeidslivssenter. IA-rådgivaren kan òg involvere andre rådgivarar der det gir best mogleg nytte for verksemda. *Rekruttere og halde på personar med nedsett funksjonsevne
Meir informasjon finn du på www.nav.no/arbeidslivssenter. Sjå www.idebanken.org og www.seniorpolitikk.no for å finne gode døme på korleis ein kan jobbe med inkluderande arbeidsliv.