Trygg og framtidsretta

Transkript

1 Trygg og framtidsretta

2 INNLEIING Time kommune har som visjon å vera trygg og framtidsretta og som mål å gje innbyggjarane rette tenester til rett tid. Time kommune sin rolle som samfunnsutviklar skal også ivaretas gjennom å vera ein internasjonalt orientert, aktiv og attraktiv kommune. Dette er den overordna målsettinga for Time kommune sitt internasjonale engasjement. Målområda for Time kommune sin internasjonale strategi er: 1) GLOBALISERING 2) RAMMEVILKÅR 3) INTERNASJONALE RELASJONAR 4) NÆRINGSUTVIKLING 5) INTERKOMMUNALT PERSPEKTIV I DEI KOMMUNALE TENESTENE 6) MELLOMFOLKELEG FORSTÅING 7) KVALITETSUTVIKLING I EIGEN ORGANISASJON 2

3 1) GLOBALISERING Time er ein del av ein region som har eit globalt perspektiv, både når det gjeld befolkningsutvikling og næringsliv. Det globale engasjementet vil i framtida krevja ei satsing på kompetanse både når det gjeld fag, kultur og språk. Time kommune har ansvar for å leggja til rette for at befolkninga og næringslivet får tilgang på denne kompetansen. Barn og unge sin medverknad skal vera ein viktig del av det kommunale plan- og utviklingsarbeidet. Løysingane på dei utfordringane kommunane står ovanfor vil i framtida ikkje bare finnast lokalt, men også globalt. Det er difor viktig at barn og unge får kjennskap til og kompetanse på å forstå den globaliserte verda. Det er ein viktig del av tilrettelegginga for næringslivet at kompetanse som blir nødvendig som ein konsekvens av internasjonaliseringa av marknadene er tilgjengeleg lokalt. Mellom anna vil dette gjelda tilgang til offentlege tenester for arbeidstakarar med utanlandsk bakgrunn, slik at ein legg til rette for internasjonal rekruttering. Det vil også vera viktig å ha kjennskap til rammer og spelereglar næringslivet møter internasjonalt. Time kommune ønskjer at barn og unge i kommunen gjennom skule og frivillig organisasjonsliv kan tileigna seg kulturell og språkleg kompetanse i møtet med det internasjonale samfunnet. Time kommune vil delta i internasjonale kompetanseprosjekt som gjev elevar i grunnskulen internasjonal kontakt, språk-og kulturkunnskap og forståing av den internasjonale samfunnsdimensjonen. Time kommune vil leggja til rette for ein internasjonal dimensjon i kommunen sitt ungdomsarbeid gjennom utveksling med vennskapskommunar og samarbeidande kommunar internasjonalt. Time kommune vil leggja til rette for næringslivet gjennom at offentlege tenester er tilgjengelege, med fleksible tilbod om norskopplæring for vaksne, eit mangfald i kulturtilbodet og språkleg tilrettelegging av informasjon. 3

4 2) RAMMEVILKÅR Kommunale rammevilkår blir mellom anna påverka av EU gjennom EØS-avtalen. Det er viktig å vera oppdatert på rammer og moglegheiter internasjonalt, og å ta opp spørsmål som gjeld kommunane med organisasjonar som deltek i høyringsprosessar i samband med utviklinga av direktiv og konvensjonar. Time kommune skal vera godt orientert om endringar i avtalar og regelverk i EU og EØS-avtalen som får påverknad på den kommunale forvaltninga. Gjennom organisasjonar som kommunen er medlem av vil kommunen søkja å påverka beslutningar der dette er viktig for kommunen sine rammevilkår. Time kommune skal delta i tilbod om kompetanseheving som gjeld område der kommunen må vera oppdatert på internasjonale regelverk. Time kommune vil ta opp aktuelle spørsmål og bidra til høyringar om spørsmål som gjeld kommunane og EU gjennom medlemsskapen i KS og Stavangerregionens Europakontor. 4

5 3) INTERNASJONALE RELASJONAR Samarbeidet med vennskapskommunar og annan internasjonal kontakt mellom kommunar kan vera kjelde til gode relasjonar mellom innbyggjarar, organisasjonar og næringsliv i kommunane. Særleg viktig er det å sjå muligheiter for kompetansedeling i arbeidslivet og samarbeid mellom frivillige organisasjonar som ein viktig del av vennskapssamarbeidet. Solidaritetssamarbeid med ein kommune kan gje ein viktig sosial dimensjon til vennskapssamarbeidet. I Time kommune skal vennskapskommunesamarbeidet leggja til rette for utveksling mellom innbyggjarar, organisasjonar, næringsliv, politikarar og administrasjon. I tillegg må det leggjast til rette for internasjonal kontakt knytt til tema og utfordringar som kan danna grunnlag for samarbeid. For å etablera kontakt med ein kommune i eit utviklingsland må det etablerast eit eige prosjekt. Gode relasjonar kan auka sjansane for økonomisk og sosial kontakt og samarbeid, og gje internasjonal og sosial innsikt og kompetanse. Time kommune vil gjennom å delta aktivt i Greater Stavanger og KS sitt kontaktarbeid og vertskapsarbeid profesjonalisera den internasjonale kontakten og byggja relasjonar som er viktige for innbyggjarar og næringsliv. Time kommune vil revidera avtalane med vennskapskommunane med sikte på å konkretisera målet med samarbeidet med kvar av kommunane. Time kommune vil vurdera å etablera internasjonalt vennskapssamarbeid gjennom KS og Vennskap Nord-Sør, som eit solidaritets- og demokratiarbeid som er særleg knytt mot barn og unge gjennom skule, barnehage, fritidssektoren og barn og unges kommunestyre. 5

6 4) NÆRINGSUTVIKLING Me vil ta aktiv del i det regionale samarbeidet for å styrka det lokale næringslivets tilgang på internasjonale marknader og arbeidskraft. Eit internasjonalt fokus gjev nye muligheiter og vektspotensial. Det er ikkje eit mål i seg sjølv å vera internasjonalt orientert, men at det internasjonale utsynet gjev ein verdi. Dette vil vera eit moment både i næringslivet og kommunen si satsing på internasjonalisering. Time kommune vil ta i bruk nettverk og arenaer som gjev kompetanseheving og utvikling innan innovasjon og mobilitet. Næringslivet i Time har eit sterkt internasjonalt engasjement, både gjennom kunderelasjonar og plassering av delar av verksemda internasjonalt. Time kommune si rolle som tilretteleggjar for næringslivet kan også her ivaretas gjennom medlemskapet i Greater Stavanger, Stavangerregionen Næringsutvikling og gjennom samarbeidet med Rogaland fylkeskommune, som har som mål å leggja til rette for næringslivet si internasjonale satsing. Her vil også representasjon og kulturutveksling stå sentralt. Time kommune vil leggja til rette for næringslivet sin internasjonale kontakt ved å stilla til rådvelde aktuelle kommunale arenaer og kompetanse ved behov. Time kommune vil gjennom medlemskapen i Greater Stavanger etablera internasjonale relasjonar som er nyttige for næringslivet i Time. Time kommune vil gjennom medlemskapen i Stavangerregionens Europakontor halda seg orientert om og delta i kompetanseheving innan relevante fagområde. Time kommune vil vera ein tilretteleggjar for næringslivet i kommunen også når det gjeld internasjonale relasjonar. 6

7 5) INTERNASJONALT PERSPEKTIV I DEI KOMMUNALE TENESTENE Menneske frå ulike delar av verda kjem i aukande grad for å besøkja eller busetja seg i kommunen. Gjennom å framstå som eit godt vertskap legg kommunen eit godt grunnlag for å ivareta framtidige behov for rekruttering av utanlandsk arbeidskraft. Internasjonale nettverk kan gje kunnskap som kan bidra til innovativ tenesteutvikling, og ivareta mål om internasjonal kontakt til dømes i skulesektoren. Internasjonale satsingsområde som mobilitet, innovasjon og kulturutveksling kan mellom utviklast gjennom erfaringsutveksling og samarbeidsprosjekt mellom tenester i vennskapskommunar. Leggja til rette for god kommunikasjon med og informasjon til gjester i kommunen, mellom anna gjennom fleirspråklege nettsider og eit sentralt plassert turistmottak med høg kompetanse. Involvera innbyggjarane i vertskapsarbeid når det kjem internasjonale gjester til kommunen. Fremja det gode vertskapet i den kommunale organisasjonen både ovanfor innbyggjarar og medarbeidarar med utanlandsk bakgrunn. Stortingsmelding 14 (2008/2009) Internasjonalisering av utdanning set fokus på internasjonaliseringa av grunnopplæringa og læring gjennom internasjonal kontakt. Besøkjande og tilflyttarar frå andre delar av verda skal føla seg velkomne i Time og bli inviterte inn i og inkluderte i ulike aktiviteter i lokalsamfunnet avhengig av kor langvarig opphaldet i kommunen er. Tenesteeiningane i kommunen skal aktivt oppsøka internasjonale arenaer som kan bidra til innovasjon og tenesteutvikling. Oppretthalda eit godt apparat for mottak av det antallet flyktningar kommunen til ei kvar tid har avtale om, med mål om kulturforståing og samfunnsdeltaking. Skulane i Time skal i større grad ta i bruk internasjonale utdanningsprogram og -nettverk. Det same gjeld andre sektorar som helse og omsorg, plan og kultur, som kan ta i bruk internasjonale muligheiter til tenesteutvikling og kompetanseheving. 7

8 6) MELLOMFOLKELEG FORSTÅING For å vera internasjonalt aktiv og internasjonalt orientert er møtet mellom menneske og nettverk på tvers av grenser viktig. Dette kan ivaretas gjennom både langvarige og kortare internasjonale engasjement. Dette ønskjer me å få til: Time kommune vil leggja til rette for kontakt mellom innbyggjarar, organisasjonar og institusjonar, for å auka den mellomfolkelege forståinga og byggja internasjonale relasjonar. Time kommune har mål om å vera ein open, inkluderande kommune. Ein viktig del av dette arbeidet er å fremja den mellomfolkelege forståinga. Dette kan mellom anna skje gjennom efaringsog kulturutveksling med samarbeids- og vennskapskommunar. Time kommune vil ha eit aktivt samarbeid med vennskapskommunane, og arbeida for ein synergi mellom vennskapssamarbeid og målsettingar for kommunen si internasjonale satsing. Gjennom KS har Time kommune høve til å bidra til internasjonalt solidaritetsarbeid og kontakt med kommunar som har behov for bistand for å utvikla samfunnsstrukturar og lokaldemokrati. Eit slikt samarbeid kan vera viktig mellom anna i skulen sitt arbeid med internasjonal forståing og kontakt, men kan også vera eit viktig fokus for andre tenesteområde som omsorg, planutvikling og kultur. Dersom kommunen skal ha eit solidaritetsarbeid, må det setjast av særskilte ressursar. Time kommune vil bidra til å skapa nettverk som kan danna ramme for internasjonale prosjekt som gjev samarbeid, erfaringsutveksling og auka kulturell kompetanse hos innbyggarar og organisasjonar. 8

9 7) KVALITETSUTVIKLING I EIGEN ORGANISASJON I utviklinga av trygge og framtidsretta kommunale tenester vil internasjonal erfaringsutveksling og samarbeid vera nyttige redskap. Eit internasjonalt samarbeid om tenesteutvikling vil i tillegg kunna gjera kommunen attraktiv som arbeidsgjevar. Det er viktig at eit internasjonalt engasjement blir knytt opp mot dei overordna måla ogplanstrukturane i kommunen, og at internasjonale prosjekt blir evaluert i høve til desse og resultata implementerte i kommunen sin administrative praksis og politikk. Kommunen skal etablera og delta i internasjonale nettverk som gjev kontakt og erfaringsutveksling og som er nyttige i tenesteutviklinga innan kommunen sine kjerneområde. Time kommune vil leggja til rette for at tilsette i ulike sektorar deltek i internasjonale kurs og kompetansenettverk for å innhenta kunnskap og sikra eit innovativt perspektiv på tenesteutviklinga. Time kommune vil gjennom internasjonalt kommunesamarbeid leggja til rette for erfaringsutveksling som kan gje nye perspektiv på kommunal oppgåveløysing. 9

10 Det må så vera. Dei unge må ut. Alltid på nytt: Ut. Drøyma stort og fara vida. Arne Garborg Postboks 38, 4349 Bryne Tlf , Faks E-post: