Acos 08/ Vedteke i K- styret 18.juni Arbeidsgjevarpolitikk for Årdal kommune

Transkript

1 Arbeidsgjevarpolitikk for Årdal kommune Strategisk plan

2 1. Arbeidsgjevarpolitikk i Årdal kommune ÅRDAL KOMMUNE VISJON MÅL UTFORDRINGAR FOR KOMMUNEN SIN ORGANISASJON ARBEIDSGJEVARPOLITIKKEN SI FORANKRING OG VERDIAR Roller og ansvar TILSETTE I ÅRDAL KOMMUNE LEIARAR I ÅRDAL KOMMUNE POLITISKE LEIARAR Identitet, organisasjonskultur og omdømme MÅL OG ANSVAR VERKEMIDDEL FORVENTNINGAR TIL ÅRDAL KOMMUNE Rekruttere og behalde tilsette MÅL LIVSFASETILPASSA PERSONALPOLITIKK REKRUTTERING AV TILSETTE SENIORPOLITIKK Kompetanseutvikling MÅL KOMPETANSEKARTLEGGING VERKEMIDDEL Lokal lønspolitikk MÅL AVTALEVERK PRINSIPP FOR LØNSPOLITIKK LØNSPOLITISKE VERKEMIDDEL Informasjon og kommunikasjon MÅL EKSTERN OG INTERN INFORMASJON

3 1. Arbeidsgjevarpolitikk i Årdal kommune 1.1 Årdal kommune Visjon Årdal skal vere ein god og trygg stad å bu, leva og arbeida. 1.2 Mål Arbeidsgjevarpolitikken skal gje politikarar, leiarar og tilsette tydelege føringar om kva haldningar, handlingar og verdiar arbeidsgjevar praktiserer og står for i sitt forhold til dei tilsette i Årdal kommune. Kommunen sin arbeidsgjevarpolitikk skal vere eit verktøy for å sikre tenesteproduksjon, møta framtidige utfordringar i Årdal kommune og stimulera til utvikling og resultatoppnåing. Lokal arbeidsgjevarpolitikk skal byggja på lokale behov, og skal utarbeidast i samarbeid med tillitsvalde. Kommunen som tenesteprodusent og arbeidsgjevar skal vere kjenneteikna av: fokus på brukarane og tenestene ei leiing som bevisst legg til rette for sjølvstendige og myndiggjorte tilsette tillit til eigne tilsette sin kompetanse læring og utvikling på arbeidsplassen fornuftig bruk av tildelte økonomiske ressursar 1.3 Utfordringar for kommunen sin organisasjon kommunen skal vere i stand til å levere tenester av tilstrekkeleg omfang og med høg kvalitet, samstundes som krava til effektivitet og kvalitet aukar rekruttere, utvikle og halde på leiarar og tilsette med rett kompetanse omdømme, identitet og organisasjonskultur 1.4 Arbeidsgjevarpolitikken si forankring og verdiar Årdal kommune vil ha ein organisasjon som byggjer på respekt for kvarandre og har tillit til kvar og ein sine ressursar. Det er innsatsen til den einskilde medarbeidar og samspelet mellom einskildpersonar og organisasjonseiningar som er avgjerande for at Årdal kommune skal nå måla sine. All kommunikasjon og samhandling er forankra i verdiar. Årdal kommune har valt fylgjande verdiar som styrande for arbeidsgjevarpolitikken: Lojalitet Medverknad Dialog Verdiar Delegering Openheit Lojalitet: Dei tilsette i Årdal kommune pliktar å arbeide aktivt for å nå kommunen sine vedtekne mål. Det betyr at alle må vere lojale mot dei politiske og administrative vedtak som er fatta, og følgje lover, forskrifter og reglement. Dialog: I Årdal kommune skal det vere rom for meningsutveksling med mål om å skape forståing og å utjamne motsetningar. Openheit: Årdal kommune skal vere open for innspel, forslag og konstruktiv kritikk. Openheit er å la dei tilsette ta del i avgjerder og vurderingar. Delegering: Delegeringsreglementet gjev klare retningsliner for ansvar og mynde og korleis ein skal opptre på vegne av kommunen. Medverknad: Alle tilsette skal på ein strukturert måte kunne medverke til endringar og tilpassingar som kan gjere Årdal kommune til ein betre tenesteytar og arbeidsplass. 3

4 2. Roller og ansvar 2.1 Tilsette i Årdal kommune Tilsette i Årdal kommune skal vera løysingsorienterte, lojale og ha ei ansvarsbevisst haldning. Alle tilsette skal medverke til at oppgåvene vert løyste best mogeleg innafor sitt ansvarsområde og tildelte rammer. Dette føreset samarbeid i og mellom avdelingane. Følgjande gjeld for tilsette i Årdal kommune: ta ansvar for eiga utvikling innstille seg på omstilling og nytenking sette brukaren i fokus vil samarbeide og bidra til eit godt arbeidsmiljø vere lojale overfor administrative og politiske vedtak 2.2 Leiarar i Årdal kommune Leiarane i Årdal kommune skal leggja vekt på å skapa eit ope og godt arbeidsmiljø, syna dei tilsette tillit, respekt og stimulera til ansvarleggjering og nytenking. Dei skal vera tydelege i forventningane sine overfor tilsette og legge vekt på at tilsette følgjer med i den faglege utviklinga. Det er leiaren sitt ansvar å setja mål og saman med tilsette nå dei måla som er etablerte. Leiaren må stilla krav både til seg sjølv og tilsette. Alle har krav på ei leiing som kan skapa resultat gjennom gode haldningar og engasjement for kommunen sine mål og strategiar. Det er eit leiaransvar å sjå til at det er utarbeidd gode rutinar for HMT-arbeid. Følgjande leiingsprinsipp gjeld i Årdal kommune: legge vekt på samordning vise tilsette tillit og respekt skape motivasjon og arbeidsglede vere brukarorienterte synleg leiing Arbeids- og ansvarområde for administrativ leiing: oppfølging av politiske vedtak personalansvar for sine definerte ansvarsområde strategi, plan- og utvikling verksemdstyring og resultatorientering arbeidsgjevarpolitikk og organisasjonsutvikling kommunal beredskap informasjonssystem systemansvar for kompetanseutvikling systemansvar for HMT Arbeids- og ansvarsområde for tenesteleiarane: tenesteyting, drift og service personalarbeid inkl. fullmakt til å tilsetta og å ta avgjerder etter regelverk nedfelt i personalreglementet fagleg utviklingsarbeid økonomistyring og budsjettansvar systematisere HMT-arbeid for eige ansvarområde og syte for oppfølging i tråd med internkontrollforskrifta kompetansekartlegging, planlegging og fagutvikling for eige tenesteområde 2.3 Politiske leiarar Kommunestyret er overordna arbeidsgjevarorgan for tilsette i Årdal kommune. Kommunestyret skal syta for å sikra innbyggjarane gode og likeverdige tenestetilbod både med omsyn til kvalitet og økonomi. Kommunestyret har vedteke delegeringsreglement. 4

5 3. Identitet, organisasjonskultur og omdømme 3.1 Mål og ansvar Årdal kommune skal ha ein organisasjonskultur der alle er med å skapa Tryggleik, Utvikling og Kvalitet. Omdømmet skal vere slik at me me vert oppfatta som ein god arbeidsplass og tenesteytar. Identitet handlar om å høyre til og vere ein del av heilskapen. Uavhengig av tenestestad og distanse er me alle tilsette på same arbeidsstad. Det handlar om: Me i Årdal kommune. Alle, både tilsette og politikarar, har medansvar. 3.2 Verkemiddel Årdal kommune ynskjer ein tilbakemeldingskultur som eit ledd i vidareutvikling gjennom: o Arbeidsmiljøkartlegging, brukarkartelegging og oppfølging o IA-arbeid o HMT-system positiv profilering på alle nivå i organisasjonen kommunikasjon - kva bodskap, korleis, til kven og når lagånd resultatoppnåing brukarfokus 3.3 Forventningar til Årdal kommune Forventningar som brukarane og samarbeidsparta har til Årdal kommune sine lovnadar, levering, aktivitetar og produkt, må vere i fokus hjå politikarar og tilsette. Det er ikkje berre oppleving av kva kommunen leverer som avgjer omdømmet, men også kva som faktisk vert forventa levert. 4. Rekruttere og behalde tilsette 4.1 Mål Årdal kommune skal framstå som ein god arbeidsplass som gjer oss attraktive på arbeidsmarknaden. Det skal òg leggast til rette for at alle tilsette vert tekne godt vare på og at kompetanse og eigenskapar vert nytta til det beste for kommunen som tenesteprodusent. 4.2 Livsfasetilpassa personalpolitikk Personalpolitikken i Årdal kommune skal vere livsfaseorientert. Det handlar om å sjå medarbeidaren i alle livsfasane og så langt det let seg gjere leggja til rette for individuelle behov. Det kan vere permisjonar, kompetanseutvikling, tilrettelegging av arbeidet og omplassering. Årdal kommune sitt reglement for livsfasetilpassa personalpolitikk og seniorpolitikk er styrande. 4.3 Rekruttering av tilsette Årdal kommune skal ha ei overordna styring og totaloversyn over kva kompetansebehov ein har og treng til ei kvar tid. Dette må sjåast i samanheng med brukarbehovet. 4.4 Seniorpolitikk Årdal kommune ynskjer å behalda seniorane sin verdifulle kompetanse ved å motivere dei til å velja arbeid framfor pensjon. Grunnlaget for dette er ei haldning om at vaksne arbeidstakarar representerer ein viktig ressurs som Årdal kommune treng. Seniorpolitikken skal ha eit livsfaseperspektiv. 5

6 5. Kompetanseutvikling 5.1 Mål Alle kompetanseutviklingstiltak skal ta utgangspunkt i Årdal kommune sine overordna målsetjingar og satsingsområde. Tiltaka skal samsvare med noverande og framtidig tenestebehov og dei tilsette sin kompetanse pr. idag. 5.2 Kompetansekartlegging Kommunen sitt personalsystem er oppbygd på ein slik måte at det skal vere mogeleg å framskaffa totaloversyn over kompetansesamansetjinga til ei kvar tid. Alle tilsette skal vere registrerte i systemet. Leiarar må ha kjennskap til kva kompetanse som finst i si personalgruppe. Dei må òg ha kjennskap til kva område som treng kompetanseutvikling. 5.3 Verkemiddel Det skal utarbeidast årlege og langsiktige kompetanseplanar på alle nivå. Medarbeidarsamtalen kan nyttast til å ta opp tema om kompetanseutvikling. For å stimulere til kompetanseutviking har kommunen gode stipendordningar og lønstillegg for etterog vidareutdanning over eit visst nivå. 6. Lokal lønspolitikk 6.1 Mål Årdal kommune sin lønspolitikk skal stimulere til å rekruttere, behalde og utvikle tilsette på alle nivå i organisasjonen. 6.2 Avtaleverk Lokal lønspolitikk i Årdal kommune er utarbeida med grunnlag i den til einkvar tid gjeldande Hovedtariffavtalen og Hovedavtale for kommunal sektor og staten. 6.3 Prinsipp for lønspolitikk sikre langsiktig og overordna styring gje administrasjonen retningsliner og føringar for prioriteringar gje grunnlag for dialog med arbeidstakarorganisasjonane om mål og verkemiddel løn skal vere i samsvar med ansvar, oppgåver og utdanningskrav 6.4 Lønspolitiske verkemiddel Årdal kommune skal til einkvar tid ha eit lønsnivå innan dei ulike stillingskategoriane som er konkurransedyktige med samanliknbare verksemder/sektorar. Dette gjeld stillingsgrupper der Årdal kommune konkurrerer om å rekruttere og behalde personale. Vurdering av kva type yrkesgruppe dette er skal inngå som ein del av drøftingane i framkant av lønstingingane. 6

7 7. Informasjon og kommunikasjon 7.1 Mål Overordna mål for all kommunal informasjon er å formidle rett bodskap, til rett person eller instans, til rett tid, gjennom rett kanal. 7.2 Ekstern og intern informasjon Ekstern informasjon rettar seg mot innbyggjarane i kommunen, det lokale næringsliv, media og offentlege myndigheiter. Intern informasjon er retta mot dei tilsette og dei folkevalde. Informasjon er eit verktøy for å forankre arbeidsgjevarpolitikken i alle ledd i kommunen sin organisasjon. God og rett informasjonsflyt kan vere med på å skape tryggleik i det daglege arbeidet, og tillit mellom tilsette og leiing. Den einskilde tilsette har ansvar for aktivt å søkje og gje informasjon. Kommunen skal bruke internett som ein informasjonskanal som marknadsfører og profilerer kommunen og likeins bruke intranett som intern informasjonskanal. 7