TENESTESTANDARD OG KVALITETSMÅL

Transkript

1 TIME KOMMUNE TENESTESTANDARD OG KVALITETSMÅL RUSVERNTENESTER 1. FORMÅL Formålet med tenesta er å oppnå rusmeistring hos brukaren og fremja sjølvstende og evne til å meistra eige liv med utgangspunkt i brukaren sine ressursar, ønskje og mål. 2. LOVGRUNNLAG Lov om sosiale tenester. Lokale retningsliner: Ruspolitisk handlingsplan 3. MÅLGRUPPE Personar over 18 år i Time kommune som står i fare for å utvikla misbruk, eller som er avhengige av rusmiddel. 4. KVALITETSMÅL Gi rusavhengige personar over 18 år rett hjelp til rett tid Den enkelte skal oppleva å bli høyrt og møtt med respekt og likeverd 5. TENESTEFORM Tenester blir gitt etter søknad. Når søknaden er motteken skal tenesta innan 3 veker avtala ein vurderings- eller kartleggingssamtale for å kunne gjera eit vedtak. Skriftleg svar på søknaden skal føreliggja seinast 4 veker etter at søknaden er motteken Tenester blir tildelte ved enkeltvedtak der omfanget og innhaldet av tenestetilbodet går fram Tenestetilbodet vert gitt på dagtid (kl ) i brukaren sin heim eller i tenesteeininga sine lokale. Eit enkeltbesøk/samtale er på 45 minutt Ved oppstart av tenestetilbodet får brukaren ein fast kontaktperson Tenesta viser brukaren til spesialisthelsetenesta, til dømes poliklinisk behandling, behandling i heildøgns rusinstitusjon eller legemiddelassistert rehabilitering (LAR), ved behov I påvente av rusbehandling i spesialisthelsetenesta eller som skjerming/ skadereduksjon, kan det søkjast om plass i privat omsorgsinstitusjon. Tenesta vil ha kontakt med brukar, og følgja opp under og etter institusjonsopphaldet. Brukar får beskjed dersom det i vedtaksperioden blir endringar i avtalt tid for hjelp 6. TENESTETILBOD Tenesta er i utgangspunktet frivillig for brukaren, og består av: Å skapa utvida innsikt i brukaren sin situasjon og motivera for behandling Hjelp til å strukturera kvardagen med utgangspunkt i brukaren sine ressursar, ønskje og mål

2 Å motivera, etablera og følgja opp behandlingsopplegg og/eller tiltakskjede med sikte på at brukaren skal redusera eller halda seg borte frå misbruk av rusmiddel som alkohol, medikament eller illegale rusmiddel Hjelp til å finna meiningsfulle aktivitetar for den einskilde Hjelp til medisinhandtering Å etablere ansvarsgruppe der det er behov for å samordna tenester og tiltak Samarbeid med til dømes fastlege, spesialisthelsetenesta, rusinstitusjonar og private tiltak Å utarbeida individuell plan (IP) for den som har behov for langvarige tenester frå fleire instansar Rådgjeving og rettleiing til pårørande etter samtykke frå brukar Skadereduksjon etter omfattande rusmiddelmisbruk Å vurdera innlegging i institusjon utan eige samtykke/fremma sak i fylkesnemnda dersom ein set si eiga fysiske og/eller psykiske helse i fare ved omfattande rusmiddelmisbruk Ansvar for tiltak overfor gravide rusavhengige, mellom anna ved å vurdera/fremja sak i fylkesnemnda dersom det er aktuelt med innlegging i institusjon utan eige samtykke ved fare for skade på foster Å undersøkja saka nærare ved melding frå nære pårørande om omfattande rusmiddelmisbruk. Tenesta legg vekt på størst mogleg grad av brukarmedverknad, og tek utgangspunkt i brukaren sine eigne ressursar. Brukaren skal oppleva kontinuitet og kjenna seg trygg. 7. EIGE ANSVAR Vera deltakande og ta ansvar for eigne problem Delta aktivt i samarbeidet med rusvernet og andre involverte instansar Gi tenesta skriftleg samtykke til å samarbeida med andre hjelpeinstansar for å oppnå ei heilskapleg behandling Gi beskjed om ein ikkje kan møta til avtalt tid Gi tilbakemelding dersom ein ikkje er nøgd med tenestetilbodet Visa forståing dersom personalet ved avdelinga må prioritera akutte hendingar 8. PRIS Tilbodet frå rusverntenesta er gratis. Eigendel ved opphald i omsorgsinstitusjon følgjer reglane om vederlag for opphald i institusjon. 9. SØKNAD Brukar kan få kontakt med rusverntenesta gjennom å senda/levera eigensøknad. Søknadsskjema finn du på Time kommune si heimeside: under søknad om omsorgstenester, eller ved å oppsøkja servicetorget i Time rådhus. I tillegg til eigensøknad ønskjer me utfyllande opplysningar frå behandlar eller fastlege. Søknaden skal sendast til Time kommune, tenesteeining psykisk helse og rusvern, postboks 38, 4349 Bryne. Han kan også leverast på servicetorget i rådhuset. Ved å søkja gir ein samtykke til at tenesteeininga kan innhenta nødvendige opplysningar for å behandle søknaden, samt at opplysningar vert registerte og sende anonymt til statistisk sentralbyrå.

3 10. KLAGE Du kan klaga på vedtaket innan tre veker frå du har motteke dette. Klager på psykiske helsetenester skal sendast til: Time kommune v/tenesteeininga psykisk helse og rusvern, boks 38, 4349 BRYNE. I klagen skal du beskriva kva du ønskjer å endra i vedtaket, og grunngi dette. Du kan få rettleiing av den som har behandla saka i samband med klage. Klageinstans er Fylkesmannen eller kommunen sitt eige klageorgan. Før klagen vert sendt dit, vil tenesteeininga psykisk helse og rusvern vurdera om det er grunn til å endra på vedtaket. Dersom dette vert oppretthalde, blir saka sendt til Fylkesmannen eller til utval for Levekår i Time (kommunen sitt klageorgan), alt etter kva lov vedtaket er heimla i.

4 Vedlegg: rusverntenester Kvalitetsmål I: Gi rusavhengige personar over 18 år rett hjelp til rett tid Indikator Delindikator Målepunkt Rett hjelp til rett tid Tilrettelegging Eg opplever at eg får rett hjelp ut frå dei behova eg har. Eg får hjelpa når eg treng det. Eg får hjelp til å greia meg sjølv. Eg får god informasjon om mine rettar og moglegheiter. Mine ressursar blir vektlagde. Tilvising/nært samarbeid med spesialisthelsetenesta og private organisasjonar. Eg får ein fast kontaktperson som kan formidla hjelp og fylgja meg opp gjennom tenestetilbodet i kommunen og andre instansar. Tenesteytar set av nok tid i forhold til mine behov. Tilgjengeleg Føreseieleg Tenesteytar ringjer tilbake dersom eg har prøvd å ringja. Eg opplever at tenesteytar ikkje er tilgjengeleg for andre når eg er i samtale. Eg kan sjølv velja kor eg skal treffa tenesteytaren. Tenesteytar kjem til avtalt tid. Eg får beskjed dersom det er endringar. Eg opplever at tenesteytar held teieplikta og ikkje kontaktar andre instansar utan mitt samtykke. Tenesteytar har god kompetanse på omsorgs- og rusfeltet. Kompetanse Tenesteytar har god kjennskap til hjelpeapparatet.

5 Tvang Eg vert orientert dersom tenesteeininga vurderer bekymringsmelding til barnevernstenesta el. innlegging i institusjon utan mitt samtykke. Kvalitetsmål II: Den enkelte skal oppleva å bli høyrt og møtt med respekt og likeverd. Bli høyrd Indikator Delindikator Målepunkt Brukarmedverknad Det eg seier og meiner blir lytta til og lagt vekt på. Respekt og likeverd God oppleving i møte med tenesteytar. Tenesteytar er tolmodig overfor meg. Eg opplever at tenesteytar og eg har same mål. Eg møter forståing for problema mine. Tenesteytar viser ei ikkje dømande haldning overfor meg. Eg får aksept for den eg er. Tenesteytar ser mine ressursar. Eg føler meg trygg på at tenesteytar orienterer om meldeplikt til barnevern og tvangsinnlegging dersom slike tiltak blir vurderte.

6