INFORMASJONSHEFTE FOR STUDENTAR I LYEFJELL BARNEHAGE

Transkript

1 INFORMASJONSHEFTE FOR STUDENTAR I LYEFJELL BARNEHAGE Alle vaksne i Lyefjell barnehage arbeider for at det enkelte barn opplever at: Du er aktiv og tydelig for meg Du veit at leik og venner er viktige for meg Du gjer meg meistringsopplevingar Du viser glede og ler med meg Du har tid til meg Kjære student! Velkommen til oss som student. Me gleder oss til denne praksisperioden saman med deg. For å hjelpa deg i gang og gjera det tydeleg kva som forventast av deg ynskjer me at du les dette heftet og får ei lita innføring i vår kvardag. Innhald: Praktiske opplysningar - Den første dagen - Foreldresituasjon - Foreldresamtalar - Foto/film - Klede - Måltid - Møter - Protokoll og beskjedar - Røyking - Sjukdom - Teieplikt - Vakter - Veiledning 1

2 Velkommen til Lyefjell Lyefjell barnehage vart opna hausten Den har kort avstand til turområdar og idrettshall. Det vert vektlagt å ha eit ute og innemiljø som stimulerer til aktivitet, leik og undring, som kan endrast etter behov i barnegrupper og pedagogiske fagområdar, og som kan ivareta HMS for barn og vaksne. Lyefjell barnehage har adresse : Sentervollen 29. tlf: Barnehagen ligg rett ovanfor Lyehallen og barneskulen. Lyefjell barnehage har to avdelingar : Nøtteliten (0-3 år), og Askeladden (3-5 år). Lyefjell barnehage er praksisbarnehage for universitetet i Stavanger. Hovedinngang/personalinngang PRAKTISKE OPPLYSNINGAR Den fyrste dagen Når du kjem til barnehagen blir du møtt av mange barn og vaksne. Den fyrste dagen er det viktigaste at du blir kjent med barna på den avdelinga du skal vera og lærer namna deira. Då forventar me at du sjølv tar initiativ til å søkje kontakt med barna og leikar med dei. Det kan vere å pusle, byggje, kjøre bilar og teikne. Kva du ein måtte velje er det viktigaste at du blir kjent med barna slik at dei kan bli trygge på deg. Praksislærar vil ta ein runde med studentane slik at de får sjå barnehagen og helsa på dei ansatte. Etter ein dag eller to i barnehagen er det naturleg at du tek del i praktiske gjeremål, ta gjerne initiativ og spør kva du kan hjelpe med. Me er kjempenøgde om du kjem og spør om ting du lurer eller er usikker på, i staden for å gå og ikkje veta heilt kva du skal gjera. Ingen spørsmål er for dumme! Spør praksislærar, styrar eller dei som er på avdelinga! Me er opptekne av at studentane skal føle seg inkluderte og vere ein av teamet i barnehagen medan dei har praksis sjå oss Praksislæraren din og også resten av personalet vil rettleie deg og forklare deg kva me ynskjer at du skal gjera, men me forventar og at du tek initiativ og ser kor det kan vera behov for deg. Sjå kor behovet er og hjelp til der det er nødvendig. 2

3 Foreldresituasjonar Møte med foreldra i hente- og leveringssituasjonar er svært viktig. For foreldra blir mykje av inntrykket av barnehagen danna her. Me ynskjer derfor at alle føresette skal bli tekne i mot på ein god måte og oppleve at dei og barnet deira blir sett. Når du kjem som ny i barnehagen forventar me at du sjølv tar initiativ til å presentere deg for foreldra. Det er då naturleg at du seier kva du heiter og at du er student her i barnehagen. Det er også forventa at du lager ein presentasjon av deg sjølv med bilde og henger opp i garderoben på oppslagstavla i yttergang. Foreldresamtalar Me inviterar foreldre til 2 faste samtalar i året. Har me studentar i denne tida ønskjer me at dei deltek. Foreldrene gjer då evt. samtykke til dette før foreldresamtalane. Foto og filming Det er ikkje tillatt at studentar tek bilete/filmar i barnehagen. Klede I Lyefjell barnehage finnes ikkje dårleg vær, berre dårlege klede. Me er ute både i sol, regn og snø, og det er derfor nødvendig å ha med passande klede etter gradestokken og nedbørsmengde. Du har sjølv ansvar for å ha med det du måtte trenge for å halde deg varm og tørr. Måltid Til lunsj kan du velje om du vil eta medbrakt matpakke eller om du vil smøre deg noko i barnehagen. Dersom du vel å eta lunsj i barnehagen kan du ete saman med barna på de gruppe, eller ta med deg maten på pausen. Dette kostar 10 kroner per dag og inkluderer te eller kaffi. Møter I barnehagen har me avdelingsmøter annakvar veke. Pedagogisk leiarmøte har me 3 gonger i månaden, og assistentmøte ca ein gong i månaden. Personalmøter er ca. ein gong i månaden. Studentane vert invitert med på møta. Protokoll og beskjedar Inne på kvar avdeling finn du ei protokollbok og ei avkryssingsbok. I avkryssingsboka på Nøtteliten set me ein skråstrek etter kvart når barna kjem om morgonen / og om ettermiddagen når dei går heim sett me eit X. Dersom nokon er sjuke S eller har fri F noterer me dette også i boka. Då har me til ei kvar tid oversikt over kor mange barn som er i barnehagen og kor mange som har gått heim. Dette er svært viktig dersom det brenn i barnehagen eller dersom nokon av barna skulle komme seg bort. På krysselistene noterer me ned dagsbeskjeder om barnet. Me har og ei bok på avdelinga der me noterer ned viktige beskjeder frå foreldra som personalet skal informerast om og signera på etter kvart. Beskjeder som gjeld personalet noterast i almanakken. På denne måten sikrar me at alle får nødvendig informasjon. Røyking Det er ikkje lov å røyke i og utanfor barnehagen i arbeidstida 3

4 Sjukdom Dersom du er sjuk og ikkje kan koma i barnehagen, må du ringja barnehagen ( ) og gje beskjed så snart som mogleg. Teieplikt Personalet i barnehagen er underlagt teieplikt i følgje lov om barnehagen 20. Dette inneber at me er forplikta til å teie om opplysningar me får om barn og deira familie. Vakter På Nøtteliten(småbarnsavd.) er me 4 vaksne og 13 barn. Me har ulike vakter, tidlig, mellom 1, mellom 2 og seinvakt. Kvar vakt har ulike arbeidstider og ulike oppgåver, oppgåvene vil variere noko frå avdeling til avdeling. - Det henger oppslag om dette på avdelinga. - Studentane fylgjer stort sett praksislærar sine vakter - Studentane går 6,5 time pr. dag (inkludert ein halv time pause kvar dag) Veiledning Studenten får min. 2 timer veiledning kvar veke. Praksislærar forventer at det vert levert veiledningsgrunnlag minst ein dag før veiledning RUTINAR PÅ SMÅBARNSAVDELINGA Frukost Me serverar frokost i barnehagen til barna. Tysdag og torsdag er menyen havregraut. Dei andre dagane et me brød og pålegg. Open frukost har me frå kl Barn som kjem etter kl 8.50 bør ha ete frokost heime. Leik/aktivitet: Ca kl Lunsj Ca kl har me smørjemåltid i barnehagen. Då får barna brødmat, mjølk og vatn. Me lagar også varme måltid med jamne mellomrom. (Me bytar ofte bleie for dei barna som bruker det før lunsj på Nøtteliten, og lar dei som er store nok sitje på do, då vert me snarare klare til å gå ut med barna etter maten). Fruktmåltid Kl (14.30 på Askeladden) får barna frukt, kavring/skjeva og vatn. Tysdagar får alle barna servert youghurt. Klede Me ynskjer at barna som er i stand til å kle seg sjølv, skal få gjera mest mulig sjølv. Me oppmuntrar barna til å mestre sjølv og hjelpa andre barn som tykkjer det er vanskeleg. 4

5 DAGEN PÅ NØTTELITEN Kl Aktivitet Barnehagen opnar Frokost vert servert i barnehagen Samling (Ikkje tysdag og torsdag) Aktivitet Lunsj smørjemåltid Uteleik/sovetid Fruktmåltid Barnehagen stenger Igjen velkommen til oss som student! Me håper at du vil trivast her i Lyefjell barnehage. Ikkje vær redd for å spørje dersom det er noko du lurer på. Heimesida vår : w.w.w.minbarnehage/lyefjell.no 5