Vestnes eit lokalsamfunn for framtida

Transkript

1 Vestnes eit lokalsamfunn for framtida Foto: Roar Nerheim

2 Eit Lokalsamfunn for framtida Vestnes Arbeiderparti vil utvikle Vestnes til eit lokalsamfunn for framtida der sterke fellesskapsløysingar gir større tryggleik, fleire moglegheiter og plass for alle. I Vestnes skal alle trivast og kunne realisere idear og draumar, anten det gjeld familieliv, fritidsaktivitetar, skule eller arbeid. Saman med næringsliv og frivillige må vi skape eit mangfald av moglegheiter her heime for at færre skal flytte ut og for alle dei som ser moglegheitene ved å busette seg i Vestnes. Foto: Roar Nerheim

3 Eldre ein aktiv ressurs å ta vare på Eldreomsorg skal vere best mogleg, ikkje billegast mogleg. Vi vil ha fleire tilsette med fagkompetanse, fast jobb og høg stillingsbrøk. Vi vil innføre 2 timars individuelt aktivitetsføgje kvar veke for alle som har behov og ønskje om hjelp til å kome seg ut. Vi vil innføre eit max-tal på kor mange heimhjelparar kvar enkelt møter. Du skal vite kven det er som kjem inn i heimen din. Velferdsteknologi kan gjere det enklare å leve eit aktivt og sjølvstendig liv. Dei moglegheitene må vi utnytte. Vi er der når du treng det! Kvar helsekrone skal nyttast til betre tenester ikkje til profitt. Vi vil innføre gratis tannlege til du er 21 og halv pris til du er 25. Vi vil styrke bustadtilbodet for vanskelegstilte. Alle skal ha ein god stad å bu. Mobbing og psykiske problem må fangast opp tidleg, difor vil vi auke ressursane til skulehelsetjenesta.

4 Trygge og gode jobbar! Vestnes treng eit meir variert næringsliv. Kommunen skal vere ein god og langsiktig partnar. Vi må jobbe systematisk med å vidareutvikle nærings og organisasjonslivet vi har og tiltrekke nye verksemder. Alle ønskjer å føle seg trygge på framtida og å ha råd til å ta dei vala dei vil. Då er det viktig med eit organisert arbeidsliv, at folk får fast jobb, høg stillingsbrøk og løn til å leve av. Kommunen må gå i front og tilby fleire lærling- og praksisplassar innanfor eiga verksemd og verksemder vi samarbeider med. Foto: Roar Nerheim

5 Stolte av å produsere mat! I Vestnes produserar vi mat både på gardane og i sjøen. Vi må halde dyrka mark i hevd og legge til rette for berekraftig oppdrett. Vi vil vidareutvikle Gjermundnes ved å bidra til å realisere eit grønt kompetansesenter i tilknytting til skulen. Vil også jobbe for å etablere ei linje innan akvakultur. Foto: Roar Nerheim

6 Framtidsretta samferdsel God samferdsel må til for å vidarutvikle kommunen og gjere kvardagen enklare. «Hent me i Vestnes!» når du vil reise, kjem det ein minibuss og hentar deg. Det har vore gjort andre stader, vi vil prøve det her. Eksportvegen er viktig for næringslivet vårt. Den må utbetrast. Vestnes er ein pendlarkommune. Vi treng krabbefelt over ørskogfjellet, hurtigbåt og vi må utgreie alternative måtar å krysse Romsdalsfjorden på. Det bør vere ein makstakst per døgn på bompengar. Foto: Dagur Sveinbjørnsson/Statens Vegvesen

7 Borna skal leike, lære og trivast! Vi vil bygge felles ungdomskule med Newton-rom. Nyskulen vil hjelpe oss å rekruttere dei beste lærarane og Newton-rommet skal dra nytte av kompetansen innan skipsindustri og landbruk. I gode læringsmiljø blir alle born og elevar sett. Vi må ha ha fleire lærarar med riktig fagkompetanse i skule og barnehage. Vi skal ha fokus på tidleg innsats. Born som har faglege, emosjonelle og sosiale vanskar må få tidleg og nødvendig hjelp. Mette born lærer betre. Difor innfører vi gratis skulemat.

8 Klima og miljø vi må gjere vårt! Verda må kutte CO2-utslippa med 50 prosent frå i dag til Vi vil lage eit klimabudsjett for kommunen som er i tråd med dette. Ferjer og hurtigbåt må bli utslippsfrie! Bompengesatsane må vere lågare for el-bilar enn fossilbilar. Naturen skal opplevast. Vi skal betre marknadsføringa av moglegheiter for naturopplevingar til lands og til vanns. Vi vil også vidareutvikle turstiane våre. Mykje og leve av og mykje å leve for Alle treng både noko å leve av og noko å leve for. Gjennom frivillig arbeid og eit mangfaldig kulturliv skapar vi møteplassar for alle innbyggjarane. Kulturskuletilbodet skal vere rikt og tilgjengeleg for alle born og unge. Vi vil sikre at alle born kan delta på fritidsaktivitetar. Vi vil vere med å planlegge eit større idrettsanlegg i Vestnes.

9 Eit romsleg og internasjonalt lokalsamfunn Over 70 nasjonalitetar er representerte i Vestnes. Innvandring held folketalet oppe. Innvandrarar er heilt uvurderleg arbeidskraft i mange sektorar, ikkje minst innan omsorg og skipsbygging. Vi vil samarbeide med arbeidsgjevarar og frivillige om å utarbeide ein heilskapleg plan for integrering og inkludering slik at alle nye innbyggarar trivst. Vi skal bidra til at flyktningar og migrantar får naudsynt norsk språkopplæring, samfunnskunnskap og arbeidstilgang. Les meir om politikken vår på

10 Les meir om politikken vår på Vil du bli med på laget? BLI MEDLEM SEND <AP> TIL 2077 Dei politiske partia er grunnmuren i demokratiet og samfunnet vårt. Det at vanlege folk engasjerer seg i partia, for å diskutere og bestemme stort og smått, er avgjerande for at Noreg er eit av verdas aller beste land å bu i. Som medlem av Arbeiderpartiet kan du vere med på å prege den politikken vi i felleskap skal kjempe for. Vi treng alle som har gode tankar å kome med. Du kan sjølvsagt også vere medlem for å støtte våre verdiar, utan å delta aktivt. Du deltek akkurat så mykje du vil.