Framlegg til Områdeplan for del av Vartdal sentrum Ørsta kommune

Rådgjevande arkitekt og ingeniør arkitektbedriftene Rådgivande ingeniørers forening RIF Ørsta 26.09.2019 Ørsta kommune Formannskapet 6150 Ørsta Framlegg til Områdeplan for del av Vartdal sentrum Ørsta kommune Planområde Telefon: 70 06 16 00 Sentral Godkjenning: 2002011841 Webjørn Svendsen gate 12 Org.nr: 884 182 042 MVA 6150 ØRSTA www.agplan.no Besøksadr: Webjørn Svendsen gate 12 firmapost@agplan.no 6150 ØRSTA

Side 2 av 44 Nasjonal arealplan-id: 2017001 Oppdraget sitt namn: Dokumentet sitt namn: Områdereguleringsplan for del av Vartdal sentrum Planomtale Saksnr: 2258 Nasjonal arealplan-id: 1520-2017002 Oppdragsgjevar: Oppdragsgjevar sin representant: Ørsta kommune Plansjef Gunnar Wangen*) : Oppdragsleiar: Kåre Gjengedal (sivilingeniør/planleggar) Medarbeidar: Sivilarkitekt Jorunn Beate Lillebø Lande *) I samarbeid med grunneigarane: Gnr. 99, bnr. 3, 5, 10, 41 og 58 26.09.2019 45 KG JBL Rev.nr Dato Tall sider rapport (+ appendix) Utarbeida Kontrollert Godkjent Signert rapport original er arkivet hjå Oppdragsnr. Dokumentnr Filnavn 2258 1 P:prosjekt/2258 Bustadfelt Vartdal_Grønnevet/Prosjektmappe (regulering/ PLANDATA_TEKSTDOKUMENT/PLANOMTALE/2258- Planomtale.doc

Side 3 av 44 Nasjonal arealplan-id: 2017001 1. Samandrag... 6 2. Nøkkelopplysningar... 7 3. Bakgrunn... 8 3.1. Føremålet med planen... 8 3.2. Tiltakshavar, konsulent, eigarforhold... 8 3.3. Tidlegare vedtak i planen... 8 3.4. Krav om konsekvensutgreiing... 8 4. Planprosessen... 8 4.1. Medverknad, oppstart, ev. planprogram... 8 5. Planstatus og rammevilkår... 9 5.1. Overordna plan... 9 5.2. Gjeldande reguleringsplanar... 11 5.3. Temaplanar... 11 5.4. Statlege planretningslinjer/rammer/føringar... 11 6. Skildring av planområdet... 12 6.1. Plassering... 12 6.2. Dagens arealbruk og tilstøytande arealbruk... 13 6.3. Området sin karakter... 14 6.4. Landskap... 14 6.5. Kulturminne og kulturmiljø... 15 6.6. Naturverdiar... 16 6.7. Rekreasjonsverdi, uteområde... 16 6.8. Landbruk... 16 6.9. Trafikkforhold... 16 6.10. Born sine interesser... 16 6.11. Sosial infrasktrur... 17 6.12. Universell tilgjengelegheit... 17 6.13. Teknisk infrastruktur... 17 6.14. Grunnforhold... 17 6.15. Støyforhold... 18 6.16. Luftforureining... 18 6.17. Risiko- og sårbarheit (ROS)... 18 6.18. Næring... 18 6.19. Analysar/utgreiingar... 19 7. Skildring av planforslaget... 19

Side 4 av 44 Nasjonal arealplan-id: 2017001 7.1. Planlagt arealbruk... 19 7.2. Reguleringsføremål... 20 7.3. Gjennomgang av aktuelle reguleringsføremål og beskriving av løysningane... 22 7.4. Byggeområde plassering/utforming... 29 7.4.1. Høgder... 29 7.4.2. Grad av utnytting... 29 7.4.3. Tal bustadar, leilegheitsfordeling (nye)... 29 7.4.4. m 2 næringsareal, arbeidsplassar... 30 7.5. Bustadmiljø... 30 7.6. Parkering... 31 7.7. Tilknyting til infrastruktur... 31 7.8. Trafikkløysing... 31 7.8.1. Køyretilkomst... 31 7.8.2. Utforming av vegar... 31 7.8.3. Varelevering... 33 7.8.4. Tilgjengelegheit for gåande/syklande... 34 7.8.5. Felles tilkomstvegar, eigedomsforhold... 34 7.9. Miljøoppfølging... 34 7.10. Planlagde offentlege anlegg... 34 7.11. Universell utforming... 34 7.12. Uteopphaldsareal... 34 7.13. Kollektivtilbod... 34 7.14. Kulturminnemiljø/kulturminne... 34 7.15. Sosial infrastruktur... 35 7.16. Plan for avfallshenting/søppelsug... 35 7.17. Avbøtande tiltak/ løysingar risiko og sårbarheit (ROS)... 35 7.18. Avbøtande tiltak/ løysingar Naturmangfaldlova... 35 7.19. Rekkjefølgjebestemmingar... 36 8. Konsekvensutgreiing (KU)... 36 8.1. Samandrag... 36 8.2. Grunngjeving for ikkje KU... 36 9. Verknadane/konsekvensane av planframlegget... 37 9.1. Overordna planar... 37 9.2. Landskap... 37 9.3. Planområdet sin karakter... 37 9.4. Byggjeform og estetikk... 37

Side 5 av 44 Nasjonal arealplan-id: 2017001 9.5. Kulturminne/kulturmiljø, ev. verneverdi... 37 9.6. Forholdet til krav i Naturmangfaldlova... 38 9.7. Rekreasjonsinteresser... 38 9.8. Uteområde... 38 9.9. Trafikkforhold... 38 9.10. Born sine interesser... 38 9.11. Sosial infrastruktur... 38 9.12. Universell tilgjengelegheit... 38 9.13. Risiko- og sårbarheit (ROS)... 39 9.14. Jordressursar/landbruk... 39 9.15. Teknisk infrastruktur... 39 9.16. Økonomiske konsekvensar for kommunen... 39 9.17. Konsekvensar for næring... 40 9.18. Interessemotsetningar, jf. også Lov om oreigning av fast eigedom, 2... 40 9.19. Avveging av verknadar... 40 10. Innkomne innspel... 41 10.1. Merknader/innspel kom inn som følgje av forvarsling/annonsering... 41 10.2. Oppsummering korleis innspela er tekne omsyn til i planframlegget... 42 11. Avsluttande kommentar... 42 Vedlegg A: Vedlegg B: (Teikningar) A1: Vurdering av innspel/merknader A2: Innkomne skriv Referat frå folkemøte 16.4.2018 Føresegner Plankart (2258-100 og 2258-101) Normalprofil tilkomst-/samlevegar (2258-102) Vedlegg C: Vedlegg D: Uprenta Sjekkliste ROS, C1 Sjekkliste naturmangfald, C2 Geoteknisk data- og vurderingsrapport, dok 18024-RIGO01, C3 Utsendte dokument i samband med forvarsling Utsende dokument i samband med utviding av planområde

Side 6 av 44 Nasjonal arealplan-id: 2017001 1. Samandrag Målet med planarbeidet er å utarbeide ein områdereguleringsplan som skal avklare arealbruken i området, eventuelle krav til detaljreguleringsplanar for delområda og eventuelle krav til utbyggingsavtalar og rekkefølgjekrav. Reguleringsplanen vert fremja som ein områdeplan iht. PBL 12-2. Området er i kommunedelplanen sin arealdel i hovudsak lagt ut til senterområde, bustadområde og næringsområde. Prosjektet er eit samarbeid mellom Ørsta kommune og eigarane av gnr. 99, br.nr. 3, 5, 10, 41 og 58. er planfagleg konsulent. Ørsta kommune er forslagsstillar og tiltakshavar. Tiltaket er vurdert etter Forskrift om konsekvensutgreiing etter plan- og bygningslova. Ein har konkludert med at planlagde tiltak ikkje kjem inn under regelverket og at det såleis ikkje er naudsynt med konsekvensutgreiing og heller ikkje planprogram. Spørsmålet om utbyggingsavtale vert å handsame som eiga sak i tilknyting til søknad om tiltak. Planarbeidet er utført av med Kåre Gjengedal (KG) som fagansvarleg. Jorunn Beate Lillebø Lande (JBLL) har assistert KG i arbeidet. Føremål Areal (daa) Bygningar og anlegg 55,4 Bustader frittliggjande småhusbusetnad 30,2 Bustadar - konsentrert småhusbusetnad 8,6 Garasjeanlegg bustader 1,2 Leikeplass 3,5 Bustader/forretning/kontor/tenesteyting 2,7 Næringsbygg 9,2 Samferdselsanlegg og teknisk infrastruktur 25,4 Køyreveg 10,9 Gang-/sykkelveg, fortau, gangareal 4,8 Torg 0,3 Gatetun 1,1 Parkering (i tilknyting til Bustader/forretning/ 2,1 kontor/tenesteyting) Anna vegareal teknisk anlegg 5,8 Grønstruktur 1,6 Grønstruktur 0,9 Vegetasjonsskjerm 0,7 Landbruk 4,3 Bruk og vern av vassdrag 2,9 Sum areal planframlegg 89,4

Side 7 av 44 Nasjonal arealplan-id: 2017001 2. Nøkkelopplysningar Kommunedel: Stad/adresse: Forslagstillar: Eksisterande planstatus: Vartdal 6155 Ørsta Ørsta kommune I kommunedelplanen sin arealdel: Senterområde, bustadområde, næringsområde, vegar Planområdet sitt areal i daa: ca. 89,4 Viktigaste fremma reguleringsformål: Aktuelle problemstillingar: Frittliggjande - og konsentrert småhusbusetnad, garasjeanlegg, leikeplassar, kombinert arealbruk for bustader/forretning/kontor/tenesteyting, køyrevegar, gang-/sykkelveg, fortau, gangareal, torg, gatetun, anna trafikkareal, jordbruk, bruk og vern av vassdrag, vernesoner og omsynssoner mv. Storleik areal til senterområde (jf. kommunedelplanen sine areal til slike føremål, merka S i kommunedelplanen), avstand til leikeplass (jf. FM «Leikeplassar») Kunngjering, dato (avis): 25.02.2017 Varslingsdato berørte partar (brev): Frist for merknad: 22.02.2017 og 13.06.2018 (gjeld utviding av planområdet for gangsti) 08.04.2017 og 28.07.2018 (gjeld utviding av planområdet for gangsti) Medverknad utover varsling: Folkemøte på Vartdal 16.04.2018 Krav om konsekvensutgreiing: Nei

Side 8 av 44 Nasjonal arealplan-id: 2017001 3. Bakgrunn 3.1. Føremålet med planen Målet med planarbeidet er å utarbeide ein områdereguleringsplan som legg til rette for utvikling av planområdet i hovudsak i samsvar med dei målsettingane som er gitt i kommunedelplan for Vartdal. Ein viktig del av arbeidet har vore å definere nærare arealbehovet for nytt senterområde og disponere om delar av senterområde til bustadføremål. Dette for å bygge opp tenlege og framtidsretta føresetnader for senterutvikling, attraktiv bustadbygging, god samlokalisering med den nye skulen, det nye idrettsanlegget, barnehagen og det etablerte bustadmiljøet. Ei viktig målsetting med planarbeidet er å etablere gode og varierte bustadtilbod for unge i etableringsfasa og ein aukande del eldre. Som følgje av dette også regulere inn eit velfungerande vegnett med standard tilpassa tida sine krav. 3.2. Tiltakshavar, konsulent, eigarforhold Tiltakshavar er Ørsta kommune. Planarbeidet er utført av med Kåre Gjengedal (KG) som planleggar/fagansvarleg. 3.3. Tidlegare vedtak i planen Det er gjort vedtak om at planabeidet kan startast, jf. kapittel 4.1 i planomtalen. 3.4. Krav om konsekvensutgreiing Tiltaket ligg inne i gjeldande kommunedelplan og er avklara på overordna nivå der. Det er såleis ikkje krav om konsekvensutgreiing, men kommunedelplanen si målsetjing om framtidig sentrumsdanning skal særskilt drøftast i planomtalen. 4. Planprosessen 4.1. Medverknad, oppstart, ev. planprogram Det vart halde oppstartsmøte med Ørsta kommune 10.06.2016. Spørsmål om oppstart var her avgrensa til Grønnevetmarka (S3-S6 i KDP) og omdisponering av senterområde til bustadområde. Tilbakemelding frå kommunen i dette møtet var at ein etter lova ikkje skal nytte detaljreguleringsplan for å endre eit hovudgrep i overordna plan. Kommunen rådde til at forslagsstillar inngikk plansamarbeid med fleire grunneigarar i området og kommunen for å utarbeide ein områdereguleringsplan for eit større område, der ein kan ta opp spørsmål om lokalisering og storleik for sentrumsføremålet. Grunneigarar i områda ikring vart førespurde om eit plansamarbeid for å kunne legge til rette for utvikling av sine areal. Grunneigar i nordaustre del av planområdet ønskte då også å delta i plansamarbeidet for å regulere område avsett til bustader, med plankrav. I høve avgrensing av planområde også del av Myrevegen teken med fram til barnehagen samt areal for gangforbindelse frå planområde til Vartdal skule. Det er inngått avtale mellom grunneigarar og Ørsta kommune om plansamarbeidet som sikrar kommunen sitt overordna ansvar for- og styring med planarbeidet. Det vert her vist til møte mellom grunneigarar og Ørsta kommune 4.11.2016. Det blei varsla oppstart av planarbeidet ved annonse i avisa Møre-nytt 25.02.2017 og skriv til berørte partar datert 22.02.2017, med frist for å kome med innspel sett til 8.04.2017. Det kom inn totalt 8 merknader/innspel, viser elles til kapittel 9 i planomtalen.

Side 9 av 44 Nasjonal arealplan-id: 2017001 Som følgje av merknad frå Møre og Romsdal fylkeskommune vart det gjennomført arkeologiske registreringar. På arbeidsmøte med grunneigar, kommunen og plankonsulent 03.04.2018 kom det fram at kommunen såg behov for å utvide planområdet for å få med ein gangforbindelse frå planområdet og gjennom eksisterande bustadområde i sørvest mot Myrevegen. Utviding av planområdet vart varsla med skriv til berørte partar datert 13.06.2018, med frist for å kome med innspel sett til 28.07.2018. Det kom inn totalt 4 merknader/innspel, viser elles til kapittel 9 i planomtalen. Som fylgje av planen sin storleik og innhald vart det avhalde folkemøte på forsamlingshuset Soltjeld på Vartdal tysdag 16. april 2018. Det vert vist til vedlagt referat frå folkemøtet, bygdefolket stilte opp og saka vart godt belyst. 5. Planstatus og rammevilkår 5.1. Overordna plan I kommunedelplanen for Vartdal sin arealdel (godkjent 20.04.2006) er planområdet sett av til eksisterande og framtidige bustadar, næringsareal, grøndrag langs bekken på Sætre samt eit større areal sett av til senterområde (S4-S6). Eksisterande bustadar er vist som område der reguleringsplan framleis skal gjelde. Plankartet angir linjeføring for samleveg og tilkomstveg (raude linjer) samt grense for utbyggingsrekkefølgje (stipla svart linje). Kommunedelplanen for bumiljø viser krav/råd om m.a. vegstandard.

Side 10 av 44 Nasjonal arealplan-id: 2017001 Utsnitt frå kommunedelplan for Vartdal (RTK-0110) frå 2006. Planområdet vist med stipla raud linje gjeld 1. varsel. Areal vist med svart rutenett er område der reguleringsplan framleis skal gjelde, jf. 5.2. Henta frå planomtalen til kommunedelplan for Vartdal: Senterområde «. Det har vore ein del uvisse knytt til storleiken på eit nytt senter på Vartdal. Fleire innspel, m.a. frå referansegruppa, har gått på at ein må setje av stort nok areal til eit funksjonelt og framtidsrette sentrum. Dette er viktig slik at bustadbygging på områda ikring ikkje stenger for eit framtidig utvikling av senteret. På grunn av storleiken på det avsette arealet, må sentrumsutbygginga styrast gjennom ei utbyggingsrekkefølgje. Dette er innpassa i planframlegget. Det må gjennom arbeidet med detaljplanar leggast vekt på å få til eit utbyggingsmønster der ein oppnår eit urbant og intimt sentrum, med bygningar plassert langs med/inntil hovudvegsystemet som også utgjer hovudaksane i det nye sentrumsområdet. For å oppnå denne intimiteten, bør parkeringsareal leggast i bakkant av dei einskilde tomtene og ikkje inn til vegane. Ein overordna ide er at bygningane vert lagt slik at det blir fritt utsyn over fjorden i forlenginga av den nord-sørgåande hovudaksen. Dette kan m.a. styrast med byggegrenser. Sentrumsgatene må regulerast med tosidig fortau.»

Side 11 av 44 Nasjonal arealplan-id: 2017001 5.2. Gjeldande reguleringsplanar Planområdet inngår i eldre reguleringsplan Sentralområde Vartdal (RTK-8512-1) frå 1988. Reguleringsplanen vil framleis gjelde for område i kommunedelplanen vist med svart skråstilt rutenett, innan planområdet gjeld dette for eksisterande bustadar. Utsnitt av eldre reguleringsplan Sentralområde Vartdal (RTK-8512-1) med planområde vist stipla. Nord for planområdet er det eit pågåande planarbeid, detaljreguleringsplan for Grønnevetbakkane. Planen omfattar delar av hellinga mellom Myrevegen og E39. Planarbeidet med detaljreguleringsplan for Grønnevetbakkane er samordna med plansamarbeidet om områdeplan for delar av Vartdal sentrum vedkomande Myrevegen. 5.3. Temaplanar Ørsta kommune: Kommunedelplan for bumiljø. 5.4. Statlege planretningslinjer/rammer/føringar RPR for samordna areal- og transportplanlegging Arealet inngår i kommunedelplanen til planlagt føremål. Arealet ligg sentralt i høve tettstaden og i høve det regionale kollektivtilbodet. Planen er del av ei utbygging/omlegging av hovudsamleveg inn mot sentrale delar av Vartdal med skule, barnehage og idrettsanlegg mm. I tillegg inngår nye samlevegar og tilkomstvegar for dei nye utbyggingsområda som inngår i planen. Slik sett er vegen del av ei samordning mellom arealbruk og transport. RPR for å styrke born og unge sine interesser i planlegginga

Side 12 av 44 Nasjonal arealplan-id: 2017001 Konkret er det spesielt pkt. 5 som går på krav til fysisk utforming som vil være aktuell i denne plansaka: Følgjande skal visast spesiell merksemd: a) Areal og anlegg som skal brukast av born og unge skal være sikra mot forureining, støy og trafikkfare. b) I nærmiljøet skal det finnast areal der barn kan utfalde seg og skape sitt eige leikemiljø. Det føreset blant anna at areala: - Er store nok og eigner seg for leik og opphald - Gir moglegheit for ulike typar leik på ulike årstider - Kan brukast av ulike aldersgrupper, og gir høve for samhandling mellom born, unge og vaksne Born og unge er ivaretekne i hht dei krav som er nedfelt i kommuneplanen. Arealet til leik er godt eigna til føremålet. Det visast elles til fylkesmannen i Møre og Romsdal sine råd i plansaker: Leikeplassar lokalisering og utforming. 6. Skildring av planområdet 6.1. Plassering Planområdet ligg sentralt i bygdelaget Vartdal i Ørsta kommune. Mot nord ligg planområdet inntil etablert gang- og sykkelveg langs sørsida av E39. Frå Vartdal er det 20 km til kommunesenteret Ørsta og 16 km til Festøy med ferjesamband mot Ålesund. Planområdet gjeld eigedomar/areal vist innanfor plangrensa (raud stipla strek). Arealet omfattar ca.. 90 daa

Side 13 av 44 Nasjonal arealplan-id: 2017001 Planområde vist på kartgrunnlag med kommunedelplan. (svart stipla strek er 1. varsel, raud stipla strek er 2. varsel utvida område). 6.2. Dagens arealbruk og tilstøytande arealbruk Arealet består i hovudsak av dyrka mark, men med noko innslag av skog lengst sør. Av eksisterande busetnad inngår einebustadar og gardstun samt eit større næringsbygg der verksemda MC-deler AS held til. Ein bekk renn gjennom planområdet og avgrensar den såkalla Grønnevetmarka frå Sætre. Tilstøytande arealbruk er bustadar i sør, vest og aust, dyrka mark og gardstun mot søraust og E39 i nord. Det kan elles visast til at Vartdal skule har blitt opp gradert med nye skulebygg, idrettshall der også funksjonar og bruk for grendelaget og idrettslaget er bygd innbygd. Endeleg er det bygd nytt idrettsanlegg (kunstgrasbane).

Side 14 av 44 Nasjonal arealplan-id: 2017001 6.3. Området sin karakter Planområdet står fram som ei nord/vestvendt flate avgrensa av vegar mot vest, nord og aust, mot søraust inngår planområdet i eit større samanhengande område med dyrka mark. I vestre del (Grønnevetmarka) ser planområdet ut til å ha ein høgdeskilnad på ca. 5 m frå lågaste til høgaste punkt i terrenget, på Sætre er høgdeskilnaden noko meir inntil ca. 10 m. Området orienterer seg mot nord/nordvest og Vartdals fjorden. E39 går langs nordsida av planområde. Nærleiken til E39 gjev utfordringar i høve støy (gul sone) for nokre nærliggande areal. Området inngår i tettstaden sitt landskapsrom som grøntområde/dyrka mark omkransa av busetnad. 6.4. Landskap Arealet er nord/vestvendt og ligg på toppen av det skrånande terrenget mellom dei store flatene (II) og fjøra/elva (I), sjå illustrasjon under. Sidan planområdet ligg på brinken/ i starten på dei store flatene har planområdet likevel ope og vidt utsyn over Vartdals fjorden. Soltilhøva reknast å vere gode, spesielt i høve kveldssol. Klimatisk ligg området langs ein lengre fjord og vert påverka av dei vindtilhøva som går inn fjorden, nordavinden er fram herskande vindretning.

Side 15 av 44 Nasjonal arealplan-id: 2017001 Illustrasjon som syner 3 karakteristiske landskapstypar i det store landskapsromet som utgjer Vartdal. Henta frå planomtalen til kommunedelplanen. Planområde vist med raud markering. I: Flatene langs Storelva (0 20 moh), II: Dei store flatene som ligg oppå brinken på begge sider av elva (20 40 moh), III: Dei skrånande liene ( 40 80 moh.). Planområdet m/ forvarsla plangrense vist på ortofoto 6.5. Kulturminne og kulturmiljø Kulturminne Innan planområdet er det kjende kulturminne. Aust i planområdet, like inntil fv 61 til Årsetdalen finn ein Bodordshella (idnr 6453-1). Arkeologiske registreringar utført i 2017 i samband med planarbeidet gav også funn av eit større område med kokegroper og fleirfasa fossile dyrkingslag like aust for Bodordshella (idnr 231270). Vest for bekken vart det også gjort funn av dyrkingslag (idnr 231269-0). Sjå kartutsnitt under.

Side 16 av 44 Nasjonal arealplan-id: 2017001 Kartutsnitt frå riksantikvaren sin kartdatabase, Askeladden, syner kulturminne innan planområdet. Kulturmiljø Innan planområdet er einaste SEFRAK-registrering våningshuset i Pegarden på Sætre, like sør for Bodordshella. Bygningen er registrert som bygning før 1900. Det ligg ingen kulturminne frå nyare tid innanfor planområdet. Våningshus (SEFRAK nr. 1520-0015-012) Ingen av bygningane vert direkte råka av tiltak i planen. 6.6. Naturverdiar Det er så langt vi kan sjå ikkje avdekka særskilte naturverdiar i planområdet. Planområdet grensar i dag til m.a. utmark. Planen øydelegg ikkje, så langt vi kjenner til, etablerte turdrag/stiar i området. 6.7. Rekreasjonsverdi, uteområde Planområdet har ikkje anna rekreasjonsverdi utover generell fri ferdsel (allemannsretten). 6.8. Landbruk I følgje www.skogoglandskap.no er arealet innanfor planområdet klassifisert som fulldyrka jord. Landbruksarealet vert i dag slege. Det er avklara i kommunedelplanen at arealet kan omdisponerast til utbyggingsområde. 6.9. Trafikkforhold Området er knytt til riksveg E39 via den kommunale vegen Myrevegen og fv 67, ringveg i Årsetdalen. Myrevegen er gjennomkøyringsveg som bind saman E39 og fv 67. 6.10. Born sine interesser Planområdet har i dag ikkje areal tilrettelagte tilbod for born og unge.

Side 17 av 44 Nasjonal arealplan-id: 2017001 6.11. Sosial infrasktrur Området vil høyre til Vartdal skule som er både barne- og ungdomsskule. Skulekrinsen utgjer bygdelaga, Vartdal, Nordre Vartdal og Barstadvik. Skulen ligg langs Myrevegen. Avstanden frå ca. midt i planområdet (krysset vegane mellom SKV3 og SKV6) er ca. 350 m. Vartdal barnehage er for dei same bygdelaga og ligg like vest for skulen. Både skulekapasitet og barnehagedekning er tilfredsstillande i forhold til utbygginga. Planområdet må seiast å ha særs god sosial infrastruktur. 6.12. Universell tilgjengelegheit Området er i dag ikkje universelt tilgjengeleg, men den slake hellinga er godt eigna for slik tilrettelegging. 6.13. Teknisk infrastruktur Over er vist eksisterande kommunalt VAanlegg (etter kartdata frå kommunen). Gjennom planområdet går spillvass- og overvassleidningar i ulik dimensjon. 6.14. Grunnforhold Lausmassane i området består av tjukk morene (lausmassekart frå NGU). Arealet ligg under marin grense. I hht. NVE sin rettleiar «Sikkerhet mot kvikkleireskred (7-2014)» må forhold kring fare for skred utgreiast. ERA Geo vart engasjert for å greie ut saksforholdet og då slik at utgreiinga skulle stette dei krav som rettleiaren stiller i høve saksområdet knytt opp mot reguleringsplan/byggesaksnivå. I rapporten «Detaljreguleringsplan for Grønnevetbakkane på Vartdal/ Områdeplan for deler av Vartdal sentrum. Geoteknisk data- og vurderingsrapport.» datert 3.1.2019 går det fram at :

Side 18 av 44 Nasjonal arealplan-id: 2017001 Utsnitt av lausmassekart frå NGU syner at planområdet består av tjukk morene. «Sammendrag Det er utført grunnundersøkelser for Detaljreguleringsplan for Grønnevetbakkane på Vartdal og Områdeplan for deler av Vartdal sentrum. Det er gjennomført befaring av geotekniker samt grunnundersøkelser i til sammen 6 posisjoner. Maksimal registrert løsmassemektighet er 27,9 m. Totalsonderingene indikerer meget faste masser, muligens grus, under et tynt topplag av forholdsvis bløtere masser, trolig topplag av matjord. Det er ikke truffet på berg under grunnundersøkelsene. Det er ikke funnet sprøbruddmateriale i planområdet. Planområdet ligger heller ikke i utløpssonen av andre områder med fare for områdeskred. ERA Geo anser hele planområdet som sikkert mtp. områdestabilitet og kvikkleireskred.» 6.15. Støyforhold Planområdet ligg inn til E39 og noko areal er utsett frå støy (gul sone) frå trafikken her. Fartsgrense er på 50 km/t og ein årsdøgntrafikk på 2320 køyretøy i døgnet. 6.16. Luftforureining Planområdet er ikkje utsett for luftforureining i nemnande grad. 6.17. Risiko- og sårbarheit (ROS) Det blir her vist til eige vedlegg. Radonmåling er utført i bustadhus i Myrevegen 14 like nord for planområdet, målerapport er vedlagt og viser årsmiddelverdi under tiltaksgrensa. Lokaliseringa Myrevegen 14 er vurdert som representativ for planområdet. Så langt vi elles ved gjennomgang av fylkesmannen si sjekkliste, så er ikkje planområdet utsett for risiko- og sårbarheit av betydning for planarbeidet. 6.18. Næring Så langt vi kjenner til er det ei verksemd innan planområdet, dette er MC-deler som held til ved avkøyrsle frå E39 til Myrevegen (område i kommunedelplanen merka som E12).

Side 19 av 44 Nasjonal arealplan-id: 2017001 6.19. Analysar/utgreiingar I samband med planarbeidet er det utarbeidd slike analysar/utgreiingar: - Arkeologi: rapport frå den arkeologiske registreringa utført i 2017. - Geoteknikk/rasfare: Geoteknisk rapport vedkomande rasfare januar 2019. - Utover dette kan det visast til Skredfarevurdering for Ørsta utgitt av NVE i 2015 7. Skildring av planforslaget 7.1. Planlagt arealbruk Målet med planframlegget er å legge til rette for vidare utbygging på Vartdal og då mykje i tråd med den meininga som er nedfelt i kommunedelplanen. Siktemålet er at Vartdal som bygd skal vere levedyktig og at det vert lagt til rette for ein arealbruk som kan fremje bulyst, gode vilkår for sosiale relasjonar og at sentrumsfunksjonar (forretnings-, kontor og tenesteyting) også kan etablerast i eit nytt område utanfor areal knytt til E39.

Side 20 av 44 Nasjonal arealplan-id: 2017001 Kommunedelplanen legg opp til at sentrumsfunksjonar både skal ligge langs E39 og til sørsida(oppsida) av europavegen med lokalisering på Grønnevetmarka, jf. areala S2 langs E39 og areala S3 S6 på Grønnevetmarka. Sentrumsfunksjonar og dei arealføremål som følgjer med er såleis eit viktig tyngdepunkt i kommunedelplanen. Planområdet er vidare eit sentralt område på Vartdal som er attraktivt for bustadbygging, og planframlegget argumenterer for mindre sentrumsareal og meir bustadareal enn det som er vist i kommunedelplanen. Det kom også fram på folkemøtet at sentrumsareala i kommunedelplanen er alt for store og at det trengst attraktive bustadtomter. Viser elles til nærmare omtale av storleiken på «sentrumsarealet». Det er lagt til rette for framtidig bustadbygging med eit spekter av bustadtypar tilpassa det uttalte bustadbehovet på Vartdal og dei bustadane som allereie er i planområdet. Det kom klart fram på folkemøtet at tida er rett for å satse på å gje unge eit mangfaldig bustadtilbod. Dette særleg sett i lys av «nye» Vartdal skule med alle dei tilboda som er der og som kan utviklast vidare og det nye idrettsanlegget med kunstgrasbane. Yngre finn i dag ikkje gode tomtetilbod og det har vore ein viss «flukt» frå bygda til andre tettstader i kommunen (særleg Ørsta). Dei unge ønskjer gode tilbod på einebustadtomter og i noko grad attraktive konsentrerte buformer. Det vart på folkemøtet elles vist til at fleire eldre har flytta til Ørsta grunna manglande eigna bustadtilbod på Vartdal. For å få bygd ut planområdet må Myrevegen dels oppgraderast og det må etablerast nye vegar og gangforbindelsar. Nye vegar er søkt plasserte og organiserte slik at det ligg til rette for trinnvis utbygging og fleksibilitet i forhold til kva utbyggingsområde som skal kome fyrst. I hht. kommunedelplanen tek planlagde vegar også høgde for tilknyting til ev. framtidig utbyggingsområde i søraust. Næringsareala er lokalisert nærmast E39 og Myranevegen. Særleg i nord vil areala (BKB3 og BKB4) til ei viss grad fungere som ein buffer mellom E39 og bustadar. Det er i planframlegget lagt vekt på eit sikkert trafikkmiljø. Det er lagt inn gangstiar/-vegar langs eksisterande bekk gjennom området, og kulturminna som er komne fram gjennom planarbeidet er søkt ivareteke på ein god måte (etter drøfting med kulturmynde på fylke). Eitt kulturminne vert søkt frigitt også etter drøfting med kulturmynde på fylke. Det er innarbeidd leikeareal i hht rettleiarar. Eit avvik er fylkesmannen sitt råd om gangavstand mellom bustad og leikeplass der avstanden 50 meter er endra til 100 meter. Ein områdeleikeplass er lokalisert på areal som inngår i verne- og omsynssone knytt til kulturminne. Det er knytt vilkår for opparbeiding av leikearealet. Langs bekker er sett av eit breidt belte «vern av sjø og vassdrag» som vil i vareta både nødvendig kapasitet og eit vegetasjonsbelte langs bekken. 7.2. Reguleringsføremål Hovudføremåla er knytt til sentrumsbusetnaden og bustadføremål. Areala er delt i følgjande type område: Arealbruk BFS: Frittliggjande småhusbusetnad, maks BYA=30%. På kvar tomt: Einebustad eller tomannsbustad med likeverdig bustadareal og med tilhøyrande anlegg som garasje, bod og liknande Område Storleik, Tal tomter/maks Område Storleik, Tal tomter/maks

Side 21 av 44 Nasjonal arealplan-id: 2017001 daa bueiningar daa bueiningar BFS1 3,2 3 tomter, inntil 6 bueiningar BFS3 1,9 2 tomter, inntil 4 bueiningar BFS5 3,1 3 tomter, inntil 6 bueiningar BFS2 1 1 tomt, inntil 2 bueiningar BFS4 5,4 5 tomter (2 utbygde), inntil 8 bueiningar BFS6 0,1 Tilleggsareal BFS7 0,3 Tilleggsareal BFS8 1,4 2 tomter, inntil 4 bueiningar BFS9 1,4 2 tomter, inntil 4 bueiningar BFS10 3,4 2 tomter, utbygde BFS11 1,3 1 utbygd tomt BFS12 1,6 2 tomt, inntil 4 bueiningar BFS13 1,5 2 tomt, inntil 4 bueiningar BFS15 0,9 1 tomt, inntil 2 bueiningar BFS17 1,6 2 tomter (1 utbygde), inntil 3 bueiningar BFS14 1,1 1 utbygd tomt BFS16 0,7 1 utbygd tomt Sum BFS Sum tomter: 30 30.119 m 2 Inntil 52 bueiningar Arealbruk: BKS - Konsentrert småhusbusetnad/einebustadar i kjede, maks BYA=40%. På kvar tomt: konsentrerte bustader med tilhøyrande anlegg som garasje, bod og liknande Område Storleik, daa ca.. tal bueiningar Område Storleik, daa Tal tomter/maks bueiningar BKS1 2 4-6 BKS2 1,8 4-6 BKS3 2,9 6 BKS4 1,9 4 Sum BFS Sum tomter: 20-22 8.599 m2 Inntil 52 bueiningar Arealbruk: BKB1 og BKB2: Bustad, forretning, kontor, tenesteyting. Maks BYA=90%. BKB3 og BKB4: Forretning, kontor, tenesteyting. Maks BYA=90%. Parkeringsareal knytt til BKB1 og BKB2. Område Storleik, daa ca. tal bueiningar Maks mønehøgde/ Gesimshøgde (m). Område Storleik, daa Maks mønehøgde/ Gesimshøgde (m).

Side 22 av 44 Nasjonal arealplan-id: 2017001 BKB1 1.114 8-12 BKB3 5.250 9m/9m 8m/9m BKB2 1.483 10-14 BKB4 3.971 9m/9m 11,5/11,5 SPA1 823 SPA2 1.247 Sum BKB3 og BKB4: 9.221 m 2 Sum BKB1, BKB2, SPA1, og SPA2: 4.697 m2 Føremål Areal (daa) Bygningar og anlegg 54,9 Bustader frittliggjande småhusbusetnad 30,1 Bustadar - konsentrert småhusbusetnad 8,6 Garasjeanlegg bustader 1,2 Leikeplass 3,5 Bustader/forretning/kontor/tenesteyting 2,3 Næringsbygg 9,2 Samferdselsanlegg og teknisk infrastruktur Køyreveg 25,6 Gang-/sykkelveg, fortau, gangareal 4,8 Torg 0,3 Gatetun 1,1 Parkering (i tilknyting til Bustader/forretning/ 2,1 kontor/tenesteyting) Anna vegareal teknisk anlegg 6,2 Grønstruktur 1,3 Grønstruktur 0,9 Vegetasjonsskjerm 0,7 Landbruk 4,3 Bruk og vern av vassdrag 2,9 Sum areal planframlegg 89,4 7.3. Gjennomgang av aktuelle reguleringsføremål og beskriving av løysningane Bygningar og anlegg (PBL 12-5, nr.1) Frittliggjande småhusbusetnad BFS Areal vist som frittliggjande småhusbusetnad, BFS, omfattar eksisterande og framtidige bustadar. Nye tomter har storleik 0,7 1,0 daa. Terrenget i planområdet er forholdsvis flatt i høve Sunnmørsk topografi. Det ligg såleis til rette for god utnytting av tomtene då det ikkje er naudsynt å ta opp høgdeskilnadar i særleg grad, mellom anna går det vekk lite areal til fyllingar og skjeringar. Det er difor lagt opp til ein noko mindre tomtestorleik enn det som er det vanlege i regionen. Lengst sør i planområdet er noko restareal kring trase for gang- og sykkelveg mot skulen vist som FS-område, areala kan vere tilleggsareal for tilstøytande bustadtomter utanfor planområdet.

Side 23 av 44 Nasjonal arealplan-id: 2017001 Konsentrert småhusbusetnad BKS Areal vist som konsentrert småhusbusetnad, BKS, er sett av til fleirmannsbustadar i form av til dømes korsdelt 4-mannsbustad og einebustadar i kjede. Det må utarbeidast heilskaplege situasjonsplanar for dei einskilde KS-områda før utbygging kan starte. Sentrumsføremål - arealbehov Ein vesentleg del av planarbeidet har vore å definere arealbehov for framtidig senterområde. I kommunedelplanen er det sett av eit større område på ca. 29 daa til senterområde. Som det går fram av planomtalen til kommunedelplanen har det vore ein del uvisse knytt til storleik på eit nytt senter på Vartdal. Vurdering av arealbehov for framtidig senterområde baserer seg på ei framskriving av innbyggjartalet på Vartdal og Vartdalstranda inkludert Nordre Vartdal og Barstadvika. Basert på kjøpekraft for dette innbyggjartalet og erfaringstal for næringslokale har ein kome fram til eit meir konkret arealbehov. Vi viser elles til Fylkesplanen 2017-2020 der det m.a. heiter: «Møre og Romsdal skal ha levande lokalsamfunn med lokalt forankra næringsliv og gode bu- og oppvekstmiljø» Vartdal si rolle vert i hovudsak å dekke dei handel-, kontor- og tenestetilboda som ut frå Vartdalstranda si regionale rolle kan påreknast etablert der. Så langt vi kan sjå vil ei fornuftig areal dimensjonering måtte vere basert på folketalet og den omsetninga som kan påreknast ut frå dette sett over tid. Innbyggjartal no: Vartdal ca. 590, Nordre Vartdal ca. 190 = samla ca. 800. «Langsiktig prognose» + 15% vekst = 920 personer Kjøpekraft: Kjøpekraft/total omsetning pr. person kr 75.000,- (alle typar varer og tenester, tal henta frå: varehandelsstatestikken for Møre og Romsdal) Dette gjev ei samla omsetning/kjøpekraft på Vartdalstranda på 69 mill. kr. Legg ein vidare til grunn at del detaljhandel pr. person utgjer ca. kr. 25-30.000,- og at slik handel skal kunne føregå i Vartdal sentrum vert samla omsetning kr. 28 mill. Den estimerte detaljhandelen skal vidare fordelast på eksisterande og framtidige næringsområde. På Vartdal har ein Spar-butikk på område i KDP vist som E5 like nord for E39. Eksisterande næringsområde: E5 Spar-butikken, omsetning: 20 mill. (+ handel frå gjennomgangstrafikk ca. 9 mill. kr.) Framtidige næringsområde/ senterområde: S2- senterområde sør for E39: Stipulert omsetning: Bruksareal 500 m 2 / kr 30.000 pr. m 2. (Bruksarealet går fram av revidert framlegg til reguleringsplan for Grønnevetbakkane som er under handsaming). Omsetnad på ca. 15 mill.kr. S3 og S4 senterområde innan planområdet: Resterande del av omsetnaden som kan leggast til S3 og S4: 35 mill. kr. 1,2 daa bruksareal. For BKB1: BYA=90%, BKB2: BYA=100% 1,3 daa brutto byggeareal, jf. over. Handel på 1. etg. plan:

Side 24 av 44 Nasjonal arealplan-id: 2017001 Område Areal 1. etg., netto (Areal x BYA) Areal 1. etg., brutto Omsetning handel etter storleik - kapasitet, mill. kr. (S3) BKB1 1030 m 2 1144 m 2 30 (S4) BKB2 1483 m 2 1483 m 2 44 Sum 2.513 m 2 2.627 m 2 74 (S3 og S4)/BKB1 og BKB2, Areal 1. etg., brutto: 2.627 m 2 SPA1 og SPA2 (parkering) (reserve 34 mill. kr/1.200 m 2 ) Tillagt brutto parkeringsareal: 2.070 m 2 Sum bruttoareal i planframlegget: BKB1, BKB2, SPA1 og SPA2: 4.670 m 2 Konklusjon arealbehov sentrumsområde: Utrekninga syner eit vesentleg mindre behov for senterområde enn det kommunedelplanen legg opp til med S3-6. Dette trass i at det er lagt til grunn at innbyggjarane på Vartdalstranda skal gjere all detaljhandel lokalt og det er lagt inn ein buffer (reserveareal) på ca. 50% av slikt berekna framtidig behov. Denne konkretiseringa av arealbehov for senterområde på Vartdal vert lagt til grunn for å vise eit redusert areal for senterområde. Like fullt ser ein viktigheita av at senterområde får plassering, tilgjengelegheit og muligheit for bebyggelse som legg til rette for realisme i etablering av eit nytt senterområde. Senterområdet må vere lett tilgjengeleg for gåande, syklande og køyrande for at framtidige tilbod i senterområdet skal vere så tilgjengeleg som råd og slik gjere framtidig næringsverksemd levedyktig. Bygningar må vere plassert og ha ein storleik og form som legg til rette for næringsbygg det kan vere realistisk å oppføre på Vartdal. Utforming av senterområde Med utgangspunkt i berekna arealbehov er det arbeidt ein del med prinsipp for utforming av senterområdet. Det er avgjerande for senterområdet at det har ei organisering som i stor grad spelar saman med i kringliggjande ferdselsårar og busetnad både for å få innbyggjarane til å nytte seg av framtidig vare- og tenestetilbod, og slik gi næringsgrunnlag for verksemdene, samtidig som eit framtidig senterområde bør søkje å tilføre kvalitetar til området som kan virke samlande og tilføre bukvalitetar.

Side 25 av 44 Nasjonal arealplan-id: 2017001 Forslag til utbygging av senterområde. Utsnitt av illustrasjonsplan for disponering av planområdet. Areal avsett til senterområde og skissert disponering av arealet, legg til grunn at folk på Vartdal brukar bilen utanom den nære bebyggelsen. Parkering og næringslokale plasserast godt synleg og tilgjengeleg frå Myrevegen som vil vere den mest trafikkerte vegen i planområdet og i nærområdet. I senterområdet er biltrafikk og mjuke trafikantar tydeleg skilde med eigne ferdselsårar. Tilkomstvegar er plasserte i utkanten av senterområdet og har ikkje fortau medan gåande og syklande er gitt plass i ei 10 m brei gågate/ grøn akse gjennom sentrum vist som gatetun (SGT). Kring denne grøne aksen er det plassert møteplassar som leikeplass og torg saman med næringslokale og parkering på bakkeplan for å aktivisere sentrum ikkje berre på dagtid men også ettermiddag/kveld. Kommunedelplanen har intensjonar om ei hovudgate med siktlinje mot fjorden, dette er ivareteke med denne grøne aksen. Aksen sørgjer for ei viss kontakt med fjorden, men samstundes vil større sentrumsbygg med lengderetning langs Myrevegen stengje for kontakt med fjorden for bakanforliggande busetnad. Plassering av sentrumsbusetnaden i planframlegget baserer seg på ei avveging av næringslokale sine behov for eksponering, behov for skjerming mot nordavinden, ønske om utsikt mot fjorden og forhold knytt til det å aktivisere sentrum. Sentrumsbusetnaden (BKB-areala) er føreslått disponert med næringslokale på gateplan, i 2. etasje (kontorlokale/ tenesteyting). Innan BKB1 er bustadar tillate i 2. etg. Innan BKB2 er det kunn 3. etasje som kan nyttast til bustadføremål. Slik 3. etasje skal vere trekt tilbake frå sørvest og nordaust av omsyn til kontakt med fjorden for bakanforliggande busetnad. Planframlegget gjev rom for at det kan etablerast garasjeanlegg i underetasje under BKB2, del av SPA2 og ST. Nedkøyringsrampe/tilkomst etablerast på areal SPA2 og som

Side 26 av 44 Nasjonal arealplan-id: 2017001 garasjeanlegg BG2. Som del av garasjeanlegget kan etablerast tekniske rom, boder for bustadene og ev. mindre lagerrom for næringsareala i bygget. Kombinert føremål bustad/ forretning/ kontor/ tenesteyting (BKB): Sentrumsbusetnaden (BKB) er vist som kombinert føremål bustad, forretning, kontor og tenesteyting for å gi romslege og fleksible rammer for innhald i bygningane. Der føremålsgrense ikkje gjeld som byggegrense er det vist byggegrense på bakkeplan på BKB1 samt byggegrense for 3. etasje på BKB2-området. Det siste for å sikre tilbaketrekt 3. etasje frå sørvest og nordaust. Underetasje kan etablerast og kan då innehalde næringsføremål (t.d. lager for næringsdelen i bygget), parkering og/eller boder for sentrumsbustadar. Garasjeanlegg (BG): Areal vist som BG-område er sett av til etablering av garasjeanlegg for bustadar. BG1 og BG2 er garasjeanlegg for sentrumsbustadane innan områda BKB, uteareal kan disponerast for utvendige parkeringsplassar på bakken. Tilkomst til etasje under BKB-areala, SPA1-, ST- og del av SGT1 arealet kan etablerast. BG3 er vidareføring av eksisterande garasje på gnr. 99 bnr 381 med innkøyring frå Myrevegen. Som følgje av oppgradering av Myrevegen vil store delar av eigedomen verte nytta til vegareal samt også delar av bygningen. Eigar ynskjer å oppretthalde garasje med denne plassering. Planframlegget legg opp til at det vert oppretta ny eigedom for slik garasje på delar av næringsareal vist i KDP som del av makebyte mot tilleggsareal ved/langs bekken. Vidare må eksisterande garasje flyttast og få tilkomst frå søraust via gangveg SGS6 og SKV6. Næringsbusetnad (BN): Næringsområda avsette langs E39 omfattar eksisterande og framtidig næringsareal og vil vere godt synlege for trafikk på E39. På BN1 er det næringsverksemd i dag og området har tilkomst frå Myrevegen. Etter innspel frå verksemda legg planframlegget opp til ei utviding av næringsarealet i høve areal vist i KDP, arealet er utvida med 6 meter mot bekken. Arealet er også justert slik at føremålsgrense fell saman med eigedomsgrense mot 99/363 samt noko justering kring BG3 og tilstøytande vegar. Næringsarealet BN2 er ei vidareføring av næringsareal avsett i kommunedelplanen med ei mindre justering av føremålsgrense mot vest, området får tilkomst frå E39 via fv67 (Årsetdalen) til ny veg SKV3. Areal som i planframlegget er avsett til BN er plasserte mellom E39 og bustadområde og er dei byggeområda i planområdet som er mest utsette for vegtrafikkstøy frå E39. Deler av arealet ligg i gul sone. Til ei viss grad vil bygg på området fungere som støymessig buffer mellom bustadområda og E39. Planframlegget gjev visse føringar for BN-områda i høve interessekonfliktar mellom næringsområda og bustadområde til dømes at areal mellom byggegrense og føremålsgrense mot bustadområde ikkje skal nyttast som utvendig lager men plantast til tiltalande. Næringsareal har storleik (4-5 daa) og utnyttingsgrad som legg til rette for større etableringar samstundes som det kan etablerast fleire mindre verksemder innan kvart felt. Leikeplass (BLK): Det er sett av eigne areal til nærleikeplassar og kvartalsleikeplassar. Nærleikeplassane er plasserte med maks 100 m avstand frå bustad og det er sett av areal til fem slike leikeplassar innan planområdet. I høve avstandskravet er det valt å fylgje tilråding i

Side 27 av 44 Nasjonal arealplan-id: 2017001 Ørsta kommune sin høyringsuttale til «Fylkesmannen sine råd om leikeplassar i plansaker» datert 4.12.2017. Her vert det argumentert for at avstandskravet for område med frittliggjande småhus i kommunane på søre Sunnmøre bør vere 100 m då eit avstandskrav på 50 m i praksis vil medføre at ein må legge ein leikeplass for annakvar kvar tomt, noko som verken er arealeffektivt eller effektivt m.t. drift/vedlikehald. Det vert vidare argumentert med planområdet si lokalisering på Vartdal (ikkje urban utbygging), at gangavstand 50 meter vil vere krevjande å få til. Ut frå omdisponeringsomsyn (frå jordbruk til byggeareal) må det kunne leggast til grunn lengre gangavstand då det i planen er lagt opp til gode og sikre gangsamband frå dei ulike bustadområda til leikeareala. Areala som er avsette til nærleikeplass har ein storleik på minimum 200 kvm med minimum breidde 10 m. Det er lagt til rette for at minst halvparten av leikearealet skal kunne ha sol kl. 15 ved vårjamdøger. Samtlege leikeareal ligg i tilnærma flatt terreng med ei svært slak halling mot nordvest. Leikeareala er så langt som råd plasserte i tilknyting til overordna gangforbindelsar og det er lagt opp til at det skal vere trygg gangforbindelse frå leikeplass til dei bustadane som soknar til leikeplassen, jf. 100 gangavstand. Der areala grensar mot trafikkareal/parkering mm. skal det etablerast skjerming. Viser elles til rettleiar H-2300B «Grad av utnytting». For kvartalsleikeplass vert det vist til uteområdet kring Vartdal skule berre 200 m frå søndre del av planområdet samt idrettsanlegget like ved. Utover dette er det lagt inn eit større areal for leik (BLK6) på Sætre. Det er gjort arkeologiske funn der kvartalsleikeplassen er plassert og i samråd med kulturavdelinga i Møre og Romsdal fylkeskommune har ein kome fram til at kvartalsleikeplass kan kombinerast med vern. Det kan såleis ikkje etablerast tiltak slik som faste fotballmål, klatrestativ etc., området vert å bruke som eit ope areal for leik i nærområdet. Aktivitetar kan til dømes vere skigåing vinterstid og ball-løkke sommartid. Området ligg godt skjerma for vegane ikring og har fine kvalitetar knytt til bekken som renn langs vestsida av leikeområdet og den planlagde turvegen. Leikeplassen har såleis andre kvalitetar og bruksområde enn skuleområdet og idrettsanlegget. I tillegg vil gatetunet det er lagt opp til ved sentrumsområdet kunne brukast til ulike former for leik. Samla sett vil kvartalsleikeplassane det vert vist til gje ei variert og utfyllande tilbod for innbyggjarane i planområdet. Samferdselsanlegg og teknisk infrastruktur (PBL 12-5, nr.2) For køyrevegar (SKV), fortau (SF), gatetun (SGT), gang- og sykkelvegar (SGS) og gangvegar/gangareal (SGG) sjå punkt 7.8 Torg (ST): Areal vist som ST-område er sett av til torg i sentrumsområde. Torget er lokalisert slik at det er skjerma mot nord av sentrumsbusetnaden, men opnar seg mot sør for gode soltilhøve. Torget kan fungere som ei lokal utviding av den «grøne aksen» gjennom sentrum, ein kan då få ei flate på 20x30m (600kvm) som kan nyttast til ulike arrangement og til tradisjonelt torg i periodar. Torget inngår i areal som kan nyttast under grunnen, jf. eige plankart. Annan veggrunn teknisk anlegg (SVT) Gjeld nødvendig sideareal/ grøfter kring køyrevegar og gang- og sykkelvegar. Parkeringsplassar (SPA): Areal vist som SPA-område er parkeringsareal for sentrumsbusetnaden BKB. Parkeringsområdet SPA1 inngår i areal som kan nyttast under grunnen, jf. eige plankart. Grønstruktur (PBL 12-5, nr.3)

Side 28 av 44 Nasjonal arealplan-id: 2017001 Grønstruktur (G) Gjeld grøntareal langs bekken på Sætre. Grøntarealet vil fungere som eit sideareal til gangvegen gjennom og langs bekken i området. Grøntområdet, gangvegen og vassdraget vil til ei viss grad fungere som ein samla grøn korridor mellom kystlinja og utmarka. Breidde G- arealet er 2 meter og inngår i ei samla breidde langs bekken på 11 27 meter. Vegetasjonsskjerm (GV) Arealet skal fungere som vegetasjonsskjerm mellom næringsbebyggelse og bustadbebyggelse. Det er krav om samtidig opparbeiding av vegetasjonsskjermen og bygging på område næringsarealet BN2. Landbruks-, natur- og friluftsområde (PBL 12-5, nr.5) Jordbruk (J) Gjeld eit større areal på Sætre der det er gjort funn av automatisk freda kulturminne, sjå punkt om kulturminne under. Arealet er sett av til jordbruk og er planlagt nytta som i dag - som dyrka mark. Bruk og vern av vassdrag (PBL 12-5, nr.6) Bruk og vern av vassdrag (V) Gjeld bekken som renn gjennom området er saman med areal sett av til gangveg og grøntområde - gitt breidd i hht kommunedelplanen. Unnataket er utvidinga av næringsarealet BN1 der dette arealet er utvida ca. 6 meter inn på vassdraget sitt areal. Dette er m.a. dels kompensert ved at område G2 er utvida med ca. 4 meter. Omsynssoner (PBL 11-8, jf. 12-6) Sikringssone (PBL 11-8 a, 1, jf. 12-6) Frisiktsone (H140) i vegkryss må ikkje nyttast slik at det på noko tidspunkt hindrar fri sikt. Areal innanfor frisiktsone skal planerast ned til 0,5 m over tilgrensande vegar sitt nivå. Støysone (PBL 11-8 a, 2, jf. 12-6) Støysone (H220) for vegtrafikkstøy frå E39. Sona angir område med utandørs støynivå over 55 db, gul sone jf. vegleiar T-1442. Infrastruktursone (PBL 11-8 b, jf. 12-6) Infrastruktursone H430 med krav om opparbeiding av fortau og gang- og sykkelvegar og H450 med krav om opparbeiding av leikeplassar med tilhøyrande anlegg, gatetun, torg og parkering. Omsynssone PBL 11-8 c 8, jf. 12-6) Omsynssone (H570) kring automatisk freda kulturminne, såkalla c-sone. Bandleggingssone PBL 11-8 d 8, jf. 12-6) Bandleggingssone (H730) kring funn av automatisk freda kulturminne, såkalla d-sone. Gjeld aktivitetsområde på Sætre og Bodordshella. Gjennomføringssone PBL 11-8 e, jf. 12-6) Krav om felles planlegging (H810) for gatetun, torg og nærleikeplass. Føresegnsområde PBL 12-7

Side 29 av 44 Nasjonal arealplan-id: 2017001 Vilkår for bruk av areal. Gjeld dispensasjon i høve kulturminnelova for automatisk freda kulturminne på Grønnevetmarka, lokalisert ved FS3. 7.4. Byggeområde plassering/utforming 7.4.1. Høgder BFS: Gesims og mønehøgde skal ikkje overstige plan- og bygningslova sine krav (gesims maks 8 meter og møne maks 9 m). Ark kan tillatast i inntil 40% av byggets lengde. BKS: Gesims og mønehøgde skal ikkje overstige plan- og bygningslova sine krav (gesims maks 8 meter og møne maks 9 m). For hus med pulttak skal gesimshøgd i flukt med yttervegg ikkje overstige 9m. Parkeringsanlegg i underetasje kan tillatast innanfor rammene byggehøgde gir. BKB: Byggehøgder er i planomtalen omtalt med etasjar. Det er lagt til grunn etasjehøgde på inntil 4,5 m på bakkeplan som fylgje av bygningane sin funksjon, for øvrige etasjar er 3,5 m etasjehøgde lagt til grunn. Dette gjev gesimshøgd for BKB1 på 8 m og for BKB2 på 11,5 m. Gesimshøgd er gitt i høve gjennomsnittleg planert terreng kring bygningane. Det kan etablerast underetasje under bakken på BKB-områda. Ev. kan underetasje i BKB koplast saman med forbindelse under SGT. BN: Gesims og mønehøgde skal ikkje overstige plan- og bygningslova sine krav (gesims maks 8 meter og møne maks 9 m). 7.4.2. Grad av utnytting Maksimum tillaten BYA er set til 30 % for BFS-områda. Maksimum tillaten BYA er sett til 40 % for BKS-områda. Maksimum tillaten BYA er sett til 90% for BKB1. For BKB2 er maksimum tillaten BYA sett til 100%. Utnyttingsgrad for sentrumsbusetnaden/bkb-areala er høg då tilhøyrande uteareal slik som parkering, garasjeanlegg og uteopphaldsareal i form av torg, gatetun og leikeareal er skilt ut som eigne areal. Maksimum tillaten BYA er sett til 70 % for BN1-området og 60% for BN2-området. Både bygning og parkering inngår her i BYA. Det er lagt inn ein vegetasjonsskjerm på 4 meter mellom BN-arealet og nærliggjande bustadområde. 7.4.3. Tal bustadar, leilegheitsfordeling (nye) Planframlegget legg til rette for inntil 54 (75) nye bustadar i planområdet i tillegg kjem 8 allereie utbygde einebustadtomter som i prinsippet har mulegheit for etablering av tomannsbustad. Nye bustadar fordeler seg på ulike bustadtypar slik: Einebustadtomter 21 nye tomter 21 nye einebustadar(inntil 42 bustadar i tomannsbustad) Fleirmannsbustad BKS1 og 4 Inntil 10 nye bueiningar Einebustadar i kjede BKS 2 og 3 Inntil 10 nye bueiningar Sentrumsbustadar BFKT1 og 2 Inntil 13 nye bueiningar

Side 30 av 44 Nasjonal arealplan-id: 2017001 Totalt 54 nye bueiningar (inntil 75 nye bueiningar ved etablering av tomannsbustadar i BFS) 7.4.4. m 2 næringsareal, arbeidsplassar Lagt til grunn at bustadareal vert realisert i 2. etg. i BKB1 og i 3. etg. i BKB2 og at næringsareala BN vert fullt ut utnytta. Arealoppstilling under syner eit overslag over næringsareal innan planområdet. BKB1 BKB2 BN1 Inntil 1.030 m 2 bruksareal Inntil 2x1.483 m 2 bruksareal Inntil 3.675 m 2 ut frå BYA Tilsvara ca. 2500 m 2 bruksareal bygg og 50 utvendige p-plassar BN2 Inntil 2.382 m 2 ut frå BYA Tilsvara ca. 1.600 m 2 bruksareal bygg og 50 utvendige p-plassar For BKB-områda kan det etablerast areal for forretning, kontor og/eller tenesteyting i 1. og 2. etasje, det er såleis vist mulig bruksareal for dette arealet. For BKB-områda skal parkering løysast på tilstøytande område eller i underliggande parkeringskjellar. For BN-områda skal parkering reknast med i BYA, det er rekna BYA bygning med tilhøyrande tal p-plassar. Kor mange arbeidsplassar dette kan gje er vanskeleg å konkretisere og vil variere etter type næring. Samla bruksareal til næring vert ca. 8.100 m 2 og bør kunne danne grunnlag for eit betydeleg tal arbeidsplassar. 7.5. Bustadmiljø I planframlegget er det lagt vekt på å legge til rette for ei bustadutbygging som er realistisk for Vartdal spesielt med omsyn til kva bustadtypar som er etterspurt av dei som ynskjer å busette seg i bygda. Gjennom planprosessen har det vore presentert forslag med ein høgare del av fleirmannsbustadar og også innslag av blokkbusetnad for å oppnå høg arealutnytting. Tilbakemelding på slike forslag har vore tydeleg på at hovudtyngda av bustadar bør vere einebustadar. Dette er bakgrunnen for at to KS-område er viste som einebustadar i kjede, på denne måten vil ein større del av bustadar får bukvalitetar tilsvarande einebustad. Denne bustadforma og bygningstypen harmonerer også godt opp i mot utbygde einebustadområde. I planprosessen har det også kome fram at det er viktig at der er eit tilbod om leilegheiter på Vartdal når til dømes pensjonistar sel einebustaden til barnefamiliar. Det er viktig også for bygda at pensjonistane og andre med ynskje om ein mindre bustad vert buande og ikkje flyttar til kommunesenteret. Sentrumsbustadane og bustadar i fleirmannsbustadar vil kunne gi eit slikt tilbod.

Side 31 av 44 Nasjonal arealplan-id: 2017001 Andre bukvalitetar som har vore vektlagde har vore tilgang på rekreasjonsområde. Saman med dei nære omgivnadane til planområdet legg planframlegget opp til eit rikt spekter i høve rekreasjonsområde. Nærleikeplassane utgjer dei mest private områda medan torget i tilknyting til gatetunet vil vere eit offentleg rom felles for heile Vartdal-bygda. Dei planlagde nye gangforbindelsane av ulik karakter knyt seg på overordna gangforbindelsar og vil gi turmuligheiter og slik også møteplassar. I høve bukvalitetar vil også nærleik til E39 vere viktig samt nærleik til funksjonar som daglegvarebutikk, skule, barnehage, idrettsanlegg med meir. 7.6. Parkering Parkeringskrav areal for kontor-/ næring- /tenesteyting: 1 p-plass pr. 50 kvm bruttoareal. Einebustadar og konsentrert småhusbusetnad: 2 p-plassar, min 1 i carport eller garasje. Sentrumsbustadar: 1,5 P-plass per bustad, min. 1 i overbygd parkeringsanlegg. For sentrumsbustadane tal parkeringsplassar pr. bueining noko mindre då tal bueiningar som er felles om parkeringsanlegget er høgare og ein då får ei større grad av sambruk. 7.7. Tilknyting til infrastruktur Som del av vegbygginga må det etablerast drenering av dei ulike areala og vidareføring av overvatnet som samlar seg som følgje av vegbygginga. Overvatnet leiast til eksisterande vassvegar. Som det går fram av pkt. 6.13 må deler av VA-leidningane flyttast til no regulerte off. vegareal. Dette legg vi til grunn vert avklara nærare i utbyggingsavtale mellom utbyggar og kommunen. Det vil elles i nødvendig grad bli bygd nye leidningar og kablar i samband med feltutbygginga. Dette er forhold som ikkje trengst regulerast i denne planen. 7.8. Trafikkløysing 7.8.1. Køyretilkomst Tilkomst inn i byggeområdet vil vere frå E39 via den kommunale vegen Myranevegen eller fylkesveg 67 på Sætre. I hht planframlegget skal Myranevegen gjevast høgre standard med gang- og sykkelveg langs søraustsida. I kommunedelplanen er gang- og sykkelveg plassert langs nordvestsida av vegen, men i samband med arbeid med planframlegg for Grønnevetbakkane nord for planområdet, er det kome fram til at plassering av gs-veg mot nytt sentrumsområde søraust for vegen vil vere meir tenleg. SKV 2 og 3 utgjer hovudvegane gjennom byggeområda som inngår i planområdet, SKV har avkøyrsle frå Myrevegen og SKV3 frå fv 67. SKV5 er areal sett av til framtidig tilkomstveg mot evt. framtidig utbygging i tilstøytande LNF-område. Inntil slik utbygging evt. skjer skal SKV4 vere tilkomstveg for tilstøytande bustadtomter i planområdet. Utover dette vil SKV 6 og 7 vere tilkomstvegar i utbyggingsområdet, det vert også opna for køyretilkomst over gangveg til eksisterande bustadeigedomar. 7.8.2. Utforming av vegar Køyrevegane sin standard følgjer kommunen sin «Kommunedelplan for Bumiljø» og statens vegvesen si handbok N100 i høve breiddeutviding. Regulert standard i varetek såleis krava som vert stilte av Ørsta kommune.

Side 32 av 44 Nasjonal arealplan-id: 2017001 SKV1 Myrevegen med gang- og sykkelveg SKV1 er offentleg veg og dimensjonert som samleveg med fortau frå E39 til forbi SKV2. Her er breidd på vegen som vist i snitt under. Vidare mot skulen/barnehagen har regulert fortau og vegen vert snevra noko inn ved at fortausbreidda vert endra til 3 m og vegen si breidd vert 5,75 m. Viser til målsetting på plankart et. Eksisterande veg vert utbetra med endra kurvatur i hht. kommunedelplanen samt vegar i planframlegg for tilstøytande område Grønnevetbakkane. Her er det lagt opp til at vegen vert retta noko opp frå avkøyrsle frå E39 og fram til svingen ved Grønnevetbrauta. Fortauet til SKV1 er knytt til gang-/sykkelvegen langs E39. Skisse normalprofil vegane SKV1, SKV2, SKV3 og SKV4: SKV2 er tilkomstveg mellom SKV1 og SKV3 samt tilkomstveg til langsliggande tomter.. SKV3-SKV4 tilkomstvegar SKV3 og SKV4 er veg med fortau. SKV3 er del av gjennomgåande veg mellom skulen og til fylkesvegen. Her inngår fortau langs vegen. SKV4 vil vere tilkomstveg for inntil liggande tomter, men er tenkt å kunne forlengast vidare sør/austover om det arealet vert aktuelt som byggeområde seinare.

Side 33 av 44 Nasjonal arealplan-id: 2017001 SKV8 fylkesvegen Vegprofilet til fylkesvegen følgjer i prinsippet profilet til veg SKV1, men har utvida køyreveg til breidd 6,5 m. Det ligg fortau langs vegen på vestsida. Fortauet er knytt til gang- /sykkelvegen langs E39. Fortau (SF) Det er lagt inn fortau langs SKV1 langs eksisterande bebyggelse i Myrane, langs SKV3, SKV4 og SKV8 (fylkesvegen) frå E39 til krysset med SKV3 inn i feltet. Fortaua saman med gang-sykkelvegane skal vere del av overordna gangforbindelsar på Vartdal. Siktemålet er at det skal gi betre gangforbindelse frå Sætre-sida mot skulen og anlegga ikring skulen. I sør vil fortauet knyte seg til ny gangveg mot skulen og i nord fylkesveg 67 mot Årsetdalen. Gang- og sykkelveg (SGS) Som del av oppgradering av Myrevegen er det vist gang- og sykkelveg (SGS) langs søraustsida av vegen fram til Grønnevetbrauta. SGS5 er gang- og sykkelveg frå planområdet og fram til Vartdal skule. Del av tilkomstveg til eksisterande bustadområde på Grønnevetmarka, med noverande avkøyrsle frå Myrevegen, er vist som gang- og sykkelveg. Gangvegen skal vere køyretilkomst til garasje på BG3 via SKV6. Gangvegar (SGG) interne stiforbindelsar/gangareal Areal vist som SGG utgjer i hovudsak interne gangforbindelsar mot nær leikeplassar og som tilknyting til overordna gangsystem. For tilkomst til nærleikeplass BLK4 skal det etablerast gangveg med bru over bekken. Gangvegen langs bekken gjennom planområdet er ein viktig del av kommunikasjonsvegane på Vartdal i tillegg til sjølve opplevinga/nærheita til denne vassvegen/grøntområdet. Denne vegen er også tilkomst til områdeleikeplassen BLK6. Gatetun (SGT) «grøn akse» gjennom «sentrumsområda - BKB» Gatetunet som er lagt inn som ein grøn akse gjennom sentrumsområdet er ei vidareføring av siktlinja frå KDP og følgjeleg ei målsetting å halde arealet fritt for visuelle hindringar slik at ein kan sjå utover fjorden. Aksen har ei breidde på 10 m og skal innehalde gangveg med fast dekke i minimum 3 m breidde frå gang- og sykkelvegen langs Myrevegen til SKV3 samt kople seg til kryssande gangforbindelsar. Gatetunet skal fungere som gangveg, som sosial møteplass og vere ålment tilgjengeleg for alle brukargrupper. Innslag med sitjeplassar, vatn, lav vegetasjon og kunst skal inngå. Gatelys skal etablerast som del av utbygginga. Det må utarbeidast ein heilskapleg utomhusplan for gatetunet SGT, torget GT og leikeplassen BLK2 før opparbeiding. Gatetunet skal vere køyrbart for redningskøyretøy. 7.8.3. Varelevering Vegane inn i området er dimensjonerte for tilkomst med liten lastebil (jf. kommunedelplanen for bumiljø) og gjev tilkomst til samtlege felt i planområdet. Utover

Side 34 av 44 Nasjonal arealplan-id: 2017001 dette må tilkomst for varelevering gå fram av situasjonsplan i samband med byggesak. 7.8.4. Tilgjengelegheit for gåande/syklande I planframlegget er det lagt inn gang- og sykkelveg/fortau langs fleire av vegane, i tillegg er det lagt inn nye stiar og gangvegar for gåande og syklande, det er lagt vekt på å knyte nye tiltak til eksisterande gang-forbindelsar. Ved utbygging bør det etablerast gangfelt for å syte for samanheng i dei overordna gangforbindelsane. 7.8.5. Felles tilkomstvegar, eigedomsforhold «Hovudvegane» er offentlege vegar. Vegane SKV6 og SKV7 er mindre bustadvegar som er felles. 7.9. Miljøoppfølging Tiltaka i planframlegget medfører ikkje inngrep i eller konsekvensar for viktige deler av naturmiljøet. Tiltaket medfører heller ikkje særskild ureining. Det er difor ikkje lagt til grunn at særskilde miljøtiltak skal gjennomførast som følgje av inngrep planen fører med seg. 7.10. Planlagde offentlege anlegg Det er i planframlegget ikkje planlagt noko offentlege anlegg, med unnatak av vegar med tilhøyrande tekniske anlegg som følgje av feltutbygginga. 7.11. Universell utforming Planen omfattar ikkje arealbruk som det er stilt særskilte krav til i høve universell utforming, men terrengtilhøva legg godt til rette for trinnfri tilkomst til bustadar og andre funksjonar på bakkeplan, dette bør utnyttast. Bustader i 3. etg. innan område BKB2 må vurderast i hht TEK når utbygging skal skje. Vert det der krav om heis, vil kravet om universell utforming slå inn. Det same vil då gjeld tilgrensande leikeplass. Utvendige areal kring sentrumsbusetnaden bør vere universelt utforma for å gi tilgjenge for alle i sentrale område. Vi viser generelt til TEK. 7.12. Uteopphaldsareal Det vert vist til omtale av leikeareal i punkt 7.3. Einebustadar og BKS-område skal ha uteopphaldsareal på eigen grunn, dette skal gå fram av situasjonsplan i samband med byggesak. For sentrumsbustadane (BKB-områda) skal private takterrassar større enn 25 kvm reknast med i MUA i tillegg kan det visast til gatetun som felles uteopphaldsareal for bustadane dersom naudsynte kvalitetar er innarbeidde i planen for denne utbygginga. 7.13. Kollektivtilbod Det er ikkje teke inn busslommer i vegplanane. Det vert vist til at dagens kollektivtilbod er langs E39. 7.14. Kulturminnemiljø/kulturminne Det er utført arkeologiske registringar, sjå pkt. 6.5. Dei nye funna av kokegroper mm. som vart registrerte i nærleiken av Bodordshella er innarbeidde i planforslaget med tilhøyrande omsynssone H-570_1 (Bevaring kulturmiljø). Kulturmynde held fram at her har vi eit kulturmiljø mellom elva, den arkeologiske lokaliteten og bodordshella som er fint tilrettelagt for oppleving. Viser elles til punkt 7.3 og omtale av kvartalsleikeplass og grønstruktur.

Side 35 av 44 Nasjonal arealplan-id: 2017001 Funnområdet vest for bekken med funn av dyrkingslag vert søkt frigitt gjennom forenkla dispensasjon ved offentleg ettersyn og er merka som rpbo-område #1. 7.15. Sosial infrastruktur Skulekapasitet og barnehagedekning vert vurdert å vere tilfredsstillande. 7.16. Plan for avfallshenting/søppelsug Det er ikkje sett krav om felles løysing for returpunkt for avfall. Plassering av slike punkt skal gå fram av situasjonsplan for det aktuelle delområdet. For frittståande bustadtomter er avfallshenting basert på at bustadvegen inngår i «henterunda» til bossbil og at avfallet vert plassert i avkøyrslene til dei enkelte eigedomane for henting. Det visast elles til reinhaldsverket sine til ei kvar tid gjeldande reglar for avfallshenting. 7.17. Avbøtande tiltak/ løysingar risiko og sårbarheit (ROS) Støy Område utsett for støy frå E39 med meir enn 55 db går fram av plankartet. Nye bustadområde er med byggegrense sikra m ot bygging i denne sona. Delar av næringsområda BN, ligg innanfor område utsett for støy. Det er ikkje lagt inn bruksføremål som er støyømfintlege slik at det er ikkje sett særlege krav her. Det visast til rettleiar T-1442. Fare for utgliding Av ROS-skjema går det fram at planområdet ligg under marin grense og at fare for kvikkleireskred ikkje kan avskrivast. Det er gjort ei nærare vurdering i høve fare for kvikkleireskred. Slik fare er ikkje til stades. Vi viser til eigen rapport som følgjer saka. Andre forhold Så langt vi kan sjå av offentlege databaser er det ikkje forhold knytt til risiko eller sårbarhet som skulle tale i mot fremja arealbruk. Det følgjer vedlagt ei generell ROS-vurdering, jf. skjema C1. 7.18. Avbøtande tiltak/ løysingar Naturmangfaldlova 7 i Naturmangfaldlova omhandlar prinsipp for offentleg avgjerdstaking i 8-12. Paragrafane omhandlar kunnskapsgrunnlaget, føre-var-prinsippet, den samla belastninga på økosystemet, kostnader ved miljøverknader som skal berast av tiltakshavar og miljøforsvarlege teknikkar og driftsmetodar. Vedlagt følgjer sjekkliste for naturmangfald, jf. vedlegg C. Sjekklista har ikkje avdekka konfliktpunkt, jf. også kommuneplanen sine dokument. Kunnskap ( 8): Vi oppfattar kunnskapsgrunnlaget i nasjonale databasar som tilfredsstillande for vurderingar etter naturmangfaldlova. Førevar prinsippet ( 9): Dei tiltaka som vert foreslått gjeld utbygging som kommunen gjennom regelverket vil ha kontroll med skjer i ordna former, jf. handtering av utslepp. Det vil bli lagt vekt på at ureining i området ikkje skjer. Samla belastning ( 10): Planframlegget medfører ikkje vesentlege ulemper for naturmangfaldet.

Side 36 av 44 Nasjonal arealplan-id: 2017001 Overvaking ( 11): Så langt vi kan sjå vil det ikkje vere naudsynt med ytterlegare overvaking av naturmiljøet enn det som allereie er etablert per i dag. Alternativ lokalisering ( 12): Det har ikkje kome fram opplysningar som tilsei at det innanfor planområdet i dag finst verdifulle eller trua artar. I høve naturmangfaldet er det såleis ikkje behov for alternative lokaliseringar. Konklusjonen er at den samla belastninga av tiltaket på Vartdal ikkje medfører vesentleg skade på naturmangfaldet i strid med forvaltningsmåla for naturtypar og økosystem ( 4) og artar ( 5). 7.19. Rekkjefølgjebestemmingar - Minste uteopphaldsareal (MUA) innanfor det aktuelle tomtearealet skal opparbeidast samtidig med bustadhusa. - For nærleikeplassane kan det gjevast bruksløyve for inntil 2 nye bustadar før det vert stilt krav om opparbeiding av tilhøyrande nærleikeplass med evt. tilhøyrande gangsti. - Leikeplassane BLK1-BLK5 med tilhøyrande gangstiar skal vere ferdigstilt med funksjonskrav før det vert gjeve bruksløyve for tilhøyrande bustadar. - Leikeplass BLK6 og gangsti o_sgg11 skal ferdigstillast med funksjonskrav når 1/3 av bustadane innan planområdet er gitt bruksløyve. - SKV1, SKV2 og SKV3 kan byggjast ut trinvis. Sameleis tilhøyrande fortau og gangog sykkelveg. Dei ulike byggetrinna skal avklarast gjennom utbyggingsavtale. - Vegetasjonsskjerm GV skal etablerast samtidig med utbygging på BN2-området. Utbyggingsavtale Før utbygging vert sett i verk skal kommunen vedta utbyggingsavtale mellom kommunen og tiltakshavar vedkomande dei tekniske anlegga som er naudsynt for utbygginga. Slik avtale skal omfatte vegar, leidningsnett til vatn-, avløps- og overvassanlegg, samt El- og teleforsyning. Dette gjeld m.a. vegar, gatelys, stiar, VA- og El-/tele- og kabelnett og overvasskanalar/-basseng. Utbyggingsavtalen skal sikre forsvarleg rekkjefølgje i høve til tekniske anlegg. I avtalen skal takast med at kommunen skal godkjenne prosjekterte tekniske anlegg før arbeid med desse vert sett i verk. Kulturminne Før iverksetjing av tiltak heimla i planen, skal det gjennomførast ei arkeologisk utgraving av det automatisk freda kulturminnet, ID 231269-0 som er merka som område for føresegn #1, i plankartet. Tiltakshavar skal ta kontakt med Møre og Romsdal fylkeskommune i god tid før tiltaket skal gjennomførast slik at omfanget av granskinga kan fastsettast. 8. Konsekvensutgreiing (KU) 8.1. Samandrag Det er ikkje krav om KU for denne planen. 8.2. Grunngjeving for ikkje KU Arealbruken er avklara som del av arbeidet ved kommunedelplanen.

Side 37 av 44 Nasjonal arealplan-id: 2017001 9. Verknadane/konsekvensane av planframlegget 9.1. Overordna planar Planframlegget byggjer i hovudsak på vedteken kommunedelplan for Vartdal frå 2006. Avviket er ei nærmare vurdering og drøfting av arealet til sentrumsbusetnad. Det er lagt opp til eit redusert areal til sentrumsbusetnad. 9.2. Landskap Avgrensinga av byggeområdet er avklara i kommunedelplanen. Vegane er tilpassa terreng og i kringliggande vegar så langt råd. Etter kommundelplanen skal tilgrensande areal i stor grad nyttast til bustadføremål. Det samla «landskapsinntrykket» vil først kome fram som følgje av bustadbygging i området. Myrevegen vert utvida og utbetra med ny linjeføring samt gang- og sykkelveg og fortau. Vegen vil såleis vise meir igjen i terrenget, men vil få sitt naturlege uttrykk som følgje av utbygginga i planområdet. Sett i samanheng med kringliggande busetnad på vil ikkje den nye busetnaden gje volum som bryt vesentleg med hovudlinjene i terrenget. 9.3. Planområdet sin karakter Planområdet består i dag av opa mark og eldre gardstun med relativt nye bustadhus. Rundt planområdet er det busetnad mot nord, sør og vest, mot søraust er det eit ope landbruksområde med dyrka mark. Planen endrar ikkje på eksisterande busetnad, men legg opp til fortetting rundt busetnaden med ulike former for frittliggjande og konsentrert småhusbusetnad. Planområdet står i dag fram som lite tilgjengeleg for ålmenta, planlagde gangforbindelsar av ulik karakter gjennom planområdet vil endre på dette. 9.4. Byggjeform og estetikk Den nye bygningsmassen vil ha høgder som vanlege bustadhus og innan ramma av kva plan- og bygningslova sin «grunnregel» tillèt. Voluma vil variere med tal bustadeiningar på tomtene og dei konsentrerte areala. Dei vanlege bustadtomtene vil kunne ha hybel i tillegg til 1 fullverdig bustadeining. Tomtestorleiken for nye tomter varierer frå 0,7 til 1 daa, akseptable storleikar i tilnærma flatt terreng og med sentral lokalisering når kravet om høg arealutnytting veg tungt. Planlagt sentrumsbusetnad og næringsbusetnad vil skilje seg frå øvrig busetnad med bygningstype og storleik, men ikkje i større grad enn det ein må kunne forvente ved innføring av desse arealføremåla. På det konsentrerte arealet kan det byggjast konsentrerte småhus, rekkjehus, vertikaldelte og/eller horisontaldelte hus. Rekkjehus kan ha inntil 4 bustadeiningar i kvar (vertikalt delt). Bustader som er både vertikalt og horisontalt delte kan ha inntil 4 bustadeiningar. I tillegg til bustadhus kjem garasje/carport og utomhus bod. Byggehøgd (møne- og gesimshøgde) skal vere innan plan- og bygningslova sine generelle rammer. I høve den konkrete utforminga vil vi elles vise til plan- og bygningslova sine generelle reglar samt at kommunen sin estetikkrettleiar vert lagt til grun for forming av bygningar og utomhusareal. Med innslaget av grøntareal og vist plassering i planen vil planområdet framstå som eit ope område. Vi kan ikkje sjå negative konsekvensar av planen i høve byggeform, estetikk, utsikt eller for landskapsrommet. 9.5. Kulturminne/kulturmiljø, ev. verneverdi Løysingane som er vist i høve kulturminne er komne fram til i samråd med kulturmynde i Møre og Romsdal fylkeskommune. Eit større areal er sett av til vern. Her har ein vektlagt

Side 38 av 44 Nasjonal arealplan-id: 2017001 prinsippet «vern gjennom bruk», det er viktig med ei form for formidling av historia. Her er det lagt opp til at området skal brukast som leikeareal og turområde, det er også lagt til rette for at det i området kan etablerast oppslag som fortel om kulturminnet. Eit anna kulturminne vert søkt frigitt også dette etter tilråding frå kulturmynde. 9.6. Forholdet til krav i Naturmangfaldlova Tiltaka som følgjer planen grip ikkje inn i vesentlege forhold knytt til natur og miljø. Plansjekk av naturmangfald har ikkje avdekka vesentlege moment. Konklusjonen er at den samla belastninga av planframlegget ikkje medfører vesentleg skade på naturmangfaldet i strid med forvaltningsmåla for naturtypar og økosystem ( 4) og artar ( 5). Viser elles til kapittel 7.19. i planomtalen. 9.7. Rekreasjonsinteresser Så langt vi kan sjå rører ikkje tiltak i planframlegget ved viktige rekreasjonsområde. 9.8. Uteområde I høve leikeplassar er det sett av i overkant av 50 m 2 pr. bueining i planområdet. I tillegg skal det etablerast uteopphaldsareal på tomtene og gatetun og torg skal opparbeidast. Det er også sett av areal til områdeleikeplass/balløkke. Planområdet er elles knytt til utmarksområder og gjev gode forhold for leik og fritidsutøving. Skulen med gode leikeareal og Vartdal idrettsanlegg ligg i nærleiken. Planen medfører ikkje nedbygging av areal som tidlegare er tilrettelagt eller nemnande brukt som opphaldsareal/leik eller som friluftsområde i dag. 9.9. Trafikkforhold Utbetring av Myrevegen vil gi betre og tryggare tilkomst til Vartdal skule med meir og bustadane ikring. Som følgje av planområdet si lokalisering nær E39 vil trafikkbelastinga på tilstøytande område vere lita. 9.10. Born sine interesser Iht. T-2/08 vurderer vi planframlegget som tilfredsstillande for born og unge, jf. elles krava i kommunedelplanen. Det er gjort greie for kvifor det er lagt til grunn eit avstandskrav på 100 m frå bustad til nærleikeplass og ikkje 50 m som i Fylkesmannen sine leikeplassråd. Det vert argumentert med planområdet si lokalisering på Vartdal (ikkje urban utbygging), at gangavstand 50 meter vil vere krevjande å få til ut frå effektiv arealbruk og at det i planen er lagt opp til sikre gangsamband frå dei ulike bustadområda og til leikeareala. Planframlegget legg opp til utbygging av gang- og sykkelvegar, fortau og andre gangforbindelsar som sikrar born og andre sin ferdsel i planområdet. 9.11. Sosial infrastruktur Kapasiteten til skule og barnehage i nærområdet er vurdert å ha tilfredsstillande kapasitet for utbygging av planområdet. 9.12. Universell tilgjengelegheit Terrengtilhøva legg mellom anna til rette for stigningsgrad på vegar og gangforbindelsar som er akseptabel i høve universell utforming. Tiltaket krev ikkje universell utforming, men det er likevel stilt krav om at uteareal og inngangsparti for bygningar i BFKT-områda skal vere universelt utforma. Dette for å legge til rette for at avsett sentrumsområde skal vere tilgjengeleg for samtlege innbyggjarar på Vartdal.

Side 39 av 44 Nasjonal arealplan-id: 2017001 9.13. Risiko- og sårbarheit (ROS) Det er ikkje påvist vesentlege konsekvensar i høve ROS. Støy skal takast hand om i tilfelle det oppstår trafikkmengder som medfører støy over grenseverdiane. Byggegrenser er lagde utanfor sone for vegtrafikkstøy over 55 db. 9.14. Jordressursar/landbruk Ikkje relevant. Avklart i kommunedelplan. 9.15. Teknisk infrastruktur Området kan knytast til eksisterande infrastruktur i Myrevegen og fv 67. Avsett vegareal kan nyttast til å byggje ut anna nødvendig infrastruktur i området. Under er vist eksisterande VA-anlegg på plankartet (etter VA-kartdata frå kommunen). Deler av anlegget må byggast om som følgje av planframlegget. Dette kan gjerast ved å nytte offentleg vegareal som lokalisering av nye trasear. 9.16. Økonomiske konsekvensar for kommunen Som utgangspunkt for gjennomføringa av planen legg vi til grunn at utviding av Myranevegen inkl. bygging av gang- og sykkelveg og fortau, samt bygging av fortau langs fylkesvegen vert eit delt ansvar mellom kommunen og utbyggar. Myranevegen er ein gjennomgangsveg/samleveg mellom fylkesvegen og europavegen og har behov for ei oppgradering. Ansvar for opparbeiding av nye vegar avklarast i utbyggingsavtale. Storleik på økonomisk bidrag drøftast i samband med avklaringar av utbyggingsavtalen, men handsamast som eiga sak i kommunestyret

Side 40 av 44 Nasjonal arealplan-id: 2017001 Det vert elles lagt til grunn at det vert søkt om tilskot frå fylket for bygging av fortau langs fylkesvegen. Grunneigarane vil for eigen del stille seg positiv til grunnavståing i hht framlegg til reguleringsplan. Grunneigarane stiller seg også positiv til å yte anleggsbidrag for realisering av gang- og sykkelveg og fortau på strekningar som er direkte knytt til tilkomstvegar til feltet. Bygging av fortau langs gjennomgangsvegen SKV3 vil også vere eit tiltak som vil vere eit gode for ålmenta og som difor må takast med i vurderinga av storleiken på bidrag utbyggar skal yte samla sett. Det vert lagt til grunn at kommunen tek over alle vegar som i reguleringsplanen er offentlege. Konsekvensane for kommunen vil ført kunne avklarast som følgje av utbyggingsavtalen og som følgje av semje om partane sine bidrag til dei aktuelle tiltaka. 9.17. Konsekvensar for næring Ved utbetring av Myrevegen vil verksemda MC-deler få noko betra tilkomst. Næringsarealet i nord i planområdet vil få god tilkomst og vil kunne gje rom for fleire typar verksemd. Senterområdet er dimensjonert for framtida, men legg til grunn at eksisterande forretning nede langs E39 og nytt forretningsareal langs E39 vert del av det samla «sentrumsarealet». Det er elles å merke at eksisterande forretning «Skipsen» har gjort vesentlege investeringar siste åra og slik sett er budd på god drift i mange år. Drivarane erfarer at forretninga er avhengig av «gjennomgangshandelen» - ca. 1/3-del av omsetninga - som avgjerande for framhaldande drift. Omsetninga er i dag på slikt nivå at varetilbodet kan haldast på eit så høgt nivå. Så langt vi kan sjå vil konsekvensane for næring vere positive og gje framhaldande muligheiter for drift og utvikling. 9.18. Interessemotsetningar, jf. også Lov om oreigning av fast eigedom, 2 Det er kome fram ulike syn på etablering av gangsti frå planområdet og inn i utbygd einebustadområde sørvest for planområdet. Gangsti er plassert i utkanten av eigedomen gnr. 99 bnr 325, og grunneigar ynskjer makebyte for å avstå grunn til gangsti. Saka vert å avklare som del av grunnavtalen. Ved Myranevegen vil ein mindre eigedom med oppført garasje kome i konflikt med planlagt utbetring av Myrevegen. Det er føreslått at eigedomen vert flytta og at tilsvarande tomteareal vert etablert utanfor vegarealet. Vidare er det føreslått at garasje vert flytta og som fylgje av planlagt endra vegtilkomst vert snudd slik at den har tilkomst/garasjeport mot søraust. Lov om oreigning av fast eigedom krev at «Vedtak eller samtykke kan ikkje gjerast eller gjevast utan det må reknast med at inngrepet tvillaust er til meir gagn enn skade». Så langt vi kan sjå kan ikkje visast til ulemper som medfører at byggjetiltak vert umoglege eller vesentleg redusert. I planframlegget er det ein eigedom som har fått på seg regulert «bygg som skal fjernast». Dette gjeld ein garasje høyrande til eigedomen 99/271. Her viser planen ei ny løysing som gjer at garasjefunksjonen kan re etablerast og då med ny tilkomst via gangveg SGS6 og veg SKV6. Dette tiltaket synest naudsynt ut frå funksjonen til Myranevegen slik den no er planlagt. 9.19. Avveging av verknadar Så langt vi kan sjå vil ikkje planframlegget ha vesentlege verknader for samfunnet sine interesser eller vesentlege verknader for dei grunneigarane som elles vert råka. Vi kan

Side 41 av 44 Nasjonal arealplan-id: 2017001 ikkje sjå at verknadene er så vesentlege at gjennomføring av planen ikkje skulle kunne tillatast. 10. Innkomne innspel Viser til vedlegg A1/A2 for nærmare vurderingar av dei ulike innspela. 10.1. Merknader/innspel kom inn som følgje av forvarsling/annonsering Følgjande merknader/innspel er komne inn som følgje av forvarslinga/annonseringa: 1) Ørsta kommune, Eldrerådet dat. 24.03.2017 2) Fylkesmannen i Møre og Romsdal dat. 06.04.2017 3) MC-Deler AS v/hans Andre Søvik dat. 07.04.2017 4) Hildegunn Barstad dat. 06.04.2017 5) Møre og Romsdal fylkeskommune dat. 07.04.2017 5a) MRFK Fråsegn etter arkeologisk registrering dat. 22.01.2018 6) Noregs vassdrags- og energidirektorat dat. 06.04.2017 7) Ørsta kommune, Råd for likest. av funksjonshemma dat. 29.03.2017 8) Statens vegvesen dat. 06.03.2017 Som følgje av innføring av ny gangsti inn i bustadområde våren 2018 måtte planområdet utvidast. Utvidinga er varsla i hht. plan- og bygningslova med skriv til grunneigarar, naboar og offentlege kommunale og statlege mynde dat. 13.06.2018. Frist for merknad er sett til 28.07.2018. Følgjande merknader/innspel er komne inn som følgje av varsel om utviding av planområde for gangsti inn i bustadområde: 9) Fylkesmannen dat. 18.07.2018 10) Møre og Romsdal fylkeskommune dat. 17.07.2018 11) NVE dat. 27.06.2018 12) Carola Hensel og Maik Witkowski dat. 21.06.2018 Oppsummering dei viktigaste innspela som vedkjem planen I det utlagde arealet som no skal verte «det nye Vartdal sentrum», er det særs viktig at dei eldre òg må kunne finne sin plass her. I det «nye Vartdal sentrum» er det viktig å legge til rette for «små pusterom»: grøntareal med beplantning, benkar, leikeapparat for små og store. Det må leggast til rette for gangveg og fortau Det går ein bekk gjennom området. Denne, og kantsona, må takast vare på Deler av planområdet ligg innanfor gul støysone. Når ein bygger ned dyrkajord må ein økonomisere med arealet og legge opp til høg utnytting Tilstrekkeleg areal må setjast av til sentrumsfunksjonar, kommunen må tenke langsiktig

Side 42 av 44 Nasjonal arealplan-id: 2017001 Ein må sikre gode og store nok leikeareal MC-deler har dei siste åra opplevd sterk vekst Veksten har medført plassproblem vi har planar om å setje opp ein isolert plasthall på vår eigedom 99/356 Vi er uroa over ein lang og krevjande planprosess. Vi ber kommunen vurdere om vårt areal kan takast ut av planområdet. Heilt konkret kan det vere aktuelt å søkje dispensasjon for å bryte ein grønkorridor som går langs elva på nordaustre side av tomta. Vi vurderer planområdet til å ha potensial for automatisk freda kulturminne. Vi vil på grunnlag av dette stille krav om arkeologisk registrering Deler av planområdet ligg innanfor faresone for skred i NVE atlas. Fareområde for skred må innarbeidast i planen og synast som omsynssone (jf. PBL 12-6) og ha tilhøyrande føresegner som sikrar akseptabel tryggleik før utbygging kan finne stad. 10.2. Oppsummering korleis innspela er tekne omsyn til i planframlegget Det vert gjennom planen lagt til rette for eit variert bustadtilbod som også vil passe for eldre. Arealet som planen omfattar har i seg sjølv kvalitetar som gjer at område vil fungere universelt. Med eit mangfald av typar husvære vil alle aldersgrupper kunne finne seg til rette og såleis kan det etablerast eit levande bumiljø med leike- og møteplassar, gangvegar/-stiar og fortau. Bekken gjennom planområdet er med mindre avvik sikra i hht kommunedelplanen. Det er ikkje planlagt støyømfintlege byggetiltak innan gul sone, jf. rettleiar T-1442. Arealet er gitt høg utnytting. Omfanget av «sentrumsarealet» er «drøfta/avklara» gjennom ei overordna vurdering av framtida sine behov. Bygging innan «sentrumsområdet» må skje i hht. god byggjeskikk og på slik måte at overordna forhold vert tekne vare på. Plasthallar er ikkje akseptabel «byggjeskikk» i eit sentrumsområde. Korkje for «landskapet/bygda eller kringliggande eksisterande- og planlagt bebyggelse. For sikring av grøntområdet langs bekken er det sett av areal til vegetasjon og tilkomst for drift og vedlikehald. Eigedomen 99/356 (MC-Deler AS) er teken med i planen. Dette har vore viktig både for å kvalitetssikre utbygginga på eigedomen (saman med 99/305), for å sikre ei forsvarleg løysing på arealet til og langs bekken gjennom planområdet og for å sjå samanhengen i grønstruktur/stiar/leikeareal samla i planen. Kanalen si breidde er vurdert ut frå nedbør i dimensjonerande returperiode (200 år), nedslagsfelt, fallforhold, sikring av born, drifsforhold, grøntstruktur mv. Arkeologiske registreringar er gjennomført og tiltak innarbeidd i planframlegget i hht avklaringar med kulturmynde. Fareområdet (utløpsområde for skred) er vist med omsynssone. Tiltak i strid med fareområdet er ikkje foreslått i planframlegget. 11. Avsluttande kommentar Arbeidet med planen vart starta opp med kunngjering 25.02.2017, brev til berørte partar 22.02.2017 og med frist for merknad 8.04.2017. Utvida varsel vart sendt ut 13.06.2018 og med frist for merknad 28.07.2018. Det vart halde folkemøte på Vartdal 16.04.2018. Planarbeidet er ei oppfølging av tiltak fastsett i kommunedelplanen for Vartdal sentrum. Så langt vi kan sjå ligg det ikkje vesentlege konfliktar i planframlegget. Vegføringar og vegstandard følgjer av kommunedelplanen for Vartdal og av kommunedelplanen for bumiljø. I drøftinga av storleiken på «sentrumsareal» er det lagt til grunn at eksisterande forretning («Skipsen») skal oppretthaldast og at sentrumsarealet i neste del av Grønnevetbakkane (som vist i kommunedelplanen) skal inngå som del av denne arealtypen (jf. elles pågåande reguleringsarbeid for Grønnevetbakkane). Samla finn vi at summen av sentrumsareal vil vere dekkande for dei behov Vartdalstranda treng også på lang sikt.

Side 43 av 44 Nasjonal arealplan-id: 2017001 Framlegg til plan gjev eit breidt tilbod på bustadtomter og med muligheit for eit breidt tilbod type bustader. Bustadtilbodet vil dekke dei behova som unge i etableringsfasen treng, familiar vil finne gode muligheiter og eldre som ønskjer å busetje seg i «enkle» husvære vil kunne få gode tilbod/muligheiter. Bustadtilbodet som planframlegget gjev vil vere eit positivt verkemiddel for å stanse fråflytting både av unge og eldre. Med «ny» skule, nytt idrettsanlegg og «ny giv» i bygda vil framtida kunne ha naudsynte rammevilkår for busetnad og levekår. Kåre Gjengedal Siv.ing./planleggar, RIF rådgivar Sakshandsamar og fagansvarleg innan areal-, infrastruktur- og samferdselsanlegg Utsnitt av plankarta på dei to neste sidene, nedskalert Sosi-nivå 2: På grunnen

Side 44 av 44 Nasjonal arealplan-id: 2017001 Sosi-nivå 1: Under grunnen. Gjeld kjellarnivået under «sentrumsarealet».