REGULERINGSENDRING FOR DYRDAL

REGULERINGSENDRING FOR DYRDAL Framlegg til reguleringsendring for del av gnr. 67, bnr. 2 og 9, Dyrdal i Aurland 26. september 2012

Prosjekt: Oppdragsgjevar: Utarbeidd av: Sakshandsamar: Reguleringsendring Aurland Hamnevesen KF 5745 Aurland Tlf.: 57 63 33 12 Mob.: 976 27 382 e-post: post@aurlandhavn.no Siv.ark. mnal Jarle Sandvik Postboks 55 5741 Aurland Tlf.: 57 63 31 73 Mob.: 412 00 594 Fax: 57 63 33 78 e-post: ark.js@online.no Aurland kommune Jan Olav Møller 5745 Aurland Tlf.: 57 63 29 73 Mob.: 95 98 46 56 Fax: 57 63 29 01 e-post: janolav.moller@aurland.kommune.no Forord I det etterfølgjande er det medteke ein omtale av planområde og planløysning for reguleringsområdet. I omtalen er det gjort greie for verknader planen vil kunne få for ulike interesser og omsyn. I tillegg til planomtalen er det utarbeidd ROS-analyse for området. Denne er lagt til grunn for utarbeidning av planen. Aurland, 26. september 2012 Jarle Sandvik Siv.ark. mnal Jarle Sandvik -1- Reguleringsendring

INNHALD Innleiing side 3 Omtale av planområdet 3 Tilhøve til eksisterande planar 4 Planområdet i dag 4 Landskap og naturmiljø 4 Markslag (bonitet), vegetasjon, flora og fauna 4 Friluftsliv 5 Eksisterande bygningar på området 5 Kulturminne 5 Tilkomst 5 Skredfare 5 Planløysning 6 Naust 6 Landbrukskai 6 Landbruks- og naturområde 7 Friluftsområde, sti 7 Friluftsområde i sjø 7 Skredfareområde 7 Høgspentline, straumtilførsel 7 Vatn og avlaup 7 Reguleringsføreseger til reguleringsendring for Dyrdal 8 Merknader til oppstartvarsel 10 Siv.ark. mnal Jarle Sandvik -2- Reguleringsendring

Innleiing Siv.ark. mnal Jarle Sandvik har fått i oppdrag av Aurland Hamnevesen KF å utarbeide ein reguleringsplan for landbrukskai på del av gnr. 67, bnr. 2 og 9 Dyrdal i Aurland kommune. Kommunestyret i Aurland har i møte 15. desember 2011 vedteke å starte ein reguleringsplanprosess for reguleringsendring. Føremålet med planarbeidet er å lage ein detaljreguleringsplan vedrørande område for landbrukskai i Dyrdal. Planarbeidet vart annonsert 20. desember 2011 og oppstarta i februar 2012. I planen er området vist som kai, uthus/naust, landbruks-/naturområde, friluftsområde og turveg. Planarbeidet er utført av siv.ark. mnal Jarle Sandvik. OMTALE AV PLANOMRÅDET. Planområdet er ein del av gnr. 67 bnr. 2 og 9 i Dyrdal. Området er på ca. 3,5 daa, og ligg sør-vest for ferjekaien i Dyrdal. Området har tidlegare vore nytta til naustområde. Det er gangtilkomst til området frå ferjekaien. Tiltakshavaren ynskjer å regulere området til landbrukskai. I tillegg til området for landbrukskai er det i reguleringsplanområdet medteke plass for naust. Området ligg sør-vest for ferjekaien i Dyrdal. Siv.ark. mnal Jarle Sandvik -3- Reguleringsendring

Tilhøve til eksisterande planar Planområdet er i reguleringsplan regulert til landbruksområde og friluftsområde. Planområdet i dag Området ligg vendt mot sør-aust - mot Nærøyfjorden. Planområdet er i dag ubebygt, med unntak av ei privat kai med påståande uthus/naust. Landskap og naturmiljø Området grensar inntil Nærøyfjorden Landskapsvernområde i sør og vest. Dette tilseier varsemd ved tiltak særleg ved etablering av kai. Utfylling i fjorden vil vere uheldig og vil ikkje verte tillete. Området har status som nasjonalt viktig kulturlandskap. Etablering av landbrukskai vil medverke til tradisjonell bruk av området og ivaretaking av kulturlandskapet. Det skal ikkje byggast veg gjennom området. Fjorden er nasjonal laksefjord. Planlagde tiltak vil ikkje medføre konsekvensar i høve til dette. Markslag (bonitet), vegetasjon, flora og fauna Bonitetskart Området består av strandområde, beitemark og noko lauvskog i øvre del av området mot nord. Området er kontrollert i høve til Naturmangfoldslova. Det er ingen registreringar for flora eller fauna i området. Det er ein del hjort i Dyrdalsområdet, og dessutan sau på beite i sommarhalvåret. Siv.ark. mnal Jarle Sandvik -4Reguleringsendring

Friluftsliv Området er registrert som lokalt viktig friluftsområde, og bør vere tilgjengeleg for allmenn ferdsel. Ein sti som fører til Salthella går gjennom området. Strandområdet bør regulerast som friluftsområde og stien haldast open for allmenn ferdsel. Lokalt viktig friluftsområde Eksisterande bygningar på området Reguleringsområdet er i dag ubebygt, med unntak av ei privat kai med påståande naust. Kulturminne Sefrak-registreringane syner 4 ruiner etter bygningar på området. Det er ikkje registrert automatisk freda kulturminne innanfor planområdet. Tilkomst Det vert ikkje lagt opp til køyretilkomst til området. Opplasting av dyr som skal transporterast til beite skal skje på parkeringsplassen ovanfor området. Skredfare I det aktuelle planarbeidet er tryggleik mot skred ei aktuell problemstilling. I skrednett (www.skrednett.no) sine aktsemdskart er planområdet definert som potensielt fareområde for steinsprang og snøskred. Planområdet ligg og innanfor NGI sine aktsemdskart for stein- og snøskred. I samband med reguleringsplanarbeidet har Asbjørn Rune Aa, på oppdrag frå Fylkesmannen i Sogn og Fjordane, utarbeidd skredfarevurdering for området. Det er gjort vurdering for snøskred, steinsprang, stein- og fjellskred, jordskred og flaumskred/snøsørpeskred. Vurderinga byggjer på topografisk kart, berggrunnskart, kvartærgeologisk kart, flyfoto, aktsemdkart frå Skrednett.no, hellingskart og synfaring den 17.04.2012. I Dyrdal er det berggrunn som forvitrar lett. I det bratte terrenget gir dette aktive steinsprang, og ur er den dominerande lausmassen. Dette gjeld også planområdet som kan vere utsett for steinsprang frå eit bratt parti ca. 200 m o..h. Siv.ark. mnal Jarle Sandvik -5- Reguleringsendring

Landbrukskaien er planlagd i ei grensesone for slike steinsprang. Anlegget vil likevel, så langt ein kan vurdere, fylle kravet ifølgje klasse S1, mindre enn eit skred pr. 100 år. Ei årsak er at mindre steinsprang som det er flest av, blir fanga opp i vegsvingen og parkeringsplassen over planområdet. Dei fleste steinspranga har også kortare rekkevidde enn til kaien. Fareområde for steinsprang, etter kravet i tryggleiksklasse S1. Det planlagde naustet, som berre vil vere naust og utan opphaldsrom, ligg innafor rekkevidda av skred etter kravet ifølgje S1. Det gamle naustet vart i si tid flytta pga. faren for steinsprang. Der må ein tilrå ei form for sikring for å oppfylle dette kravet. Det kan enten vere skredvoll eller sikringsnett nærast mogeleg inntil naustet. Ein voll med same høgde og breidde som bakveggen, og plassering heilt inntil veggen, kan gje ei viss sikring mot steinar av typen ein ser på staden no. Eit anna alternativ kan vere eit høgare nett med same plassering. Eit høgt nett kunne også sikre nausttaket. Med enten skredvoll eller sikringsnett blir tomta vurdert til å oppfylle kravet S1. PLANLØYSNING Naust Det er lagt til rette for oppføring av nytt naust på eksisterande steinmur etter tidlegare naust. Naustet skal vere eit reint båtnaust utan høve for innreiing for opphald/ bueining. Det er stilt krav i føresegnene til storleik og utforming som skal sikre omsyn til landskap og god estetikk. Det er likeeins stilt krav til maksimum bebygt areal og mønehøgd for å styre bygningsvolumet. Landbrukskai Ny landbrukskai skal etablerast på plassen der det tidlegare har vore kai og båtstø. Det skal nyttast enklast mogeleg konstruksjonar for kaien for å minimere tyngre inngrep i strandkanten og ut i sjøen, og for å sikre omsyn til landskap og estetikk. Siv.ark. mnal Jarle Sandvik -6- Reguleringsendring

Prinsippskisse for kai Landbruks- og naturområde Området som på Reguleringsplan var avsett til landbruksareal, og som ikkje vert berørt av naust eller kai, skal vere landbruks- og naturområde. Det vert teke sikte på å ta vare på kulturlandskapet som det er i dag. Skjøtselsplan er under utarbeiding av Aurland Naturverkstad. Friluftsområde, sti Området er registrert som lokalt viktig friluftsområde. Eit belte langs strandlina er avsett til friluftsføremål for å sikre allmenn tilkomst. Stien til Salthella går gjennom dette området. Friluftsområde i sjø Eit belte langs land - ut til grensa mot Landskapsvernområdet 5 m frå land - er avsett til friluftsområde for å sikre allmenn tilkomst frå sjøen. Skredfareområde Skredfareområdet er i planen medtek som omsynsområde/fareområde. Krav til etablering av sikring samstundes med oppføring av naust er medteke i føresegnene. Høgspentline, straumtilførsel Ei 6 kv høgspent luftline går over nordre del av området. Tryggleiksavstanden frå lina er 6 m til begge sider. Dette arealet er markert som fareområde på planen. Dersom det er trong for det, vil området kunne få straumtilførsel frå kraftlina som passerer området. Tilførselskabel kan leggast frå trafo eller frå eksisterande bygningar. Vatn og avlaup Det vil ikkje vere faste installasjonar i området med trong for vatn og avlaup. Siv.ark. mnal Jarle Sandvik -7- Reguleringsendring

REGULERINGSFØRESEGNER TIL REGULERINGSENDRING FOR DYRDAL Reguleringsplankart dagsett 26. september 2012 Føremålet med reguleringsplanen er å legge til rette for landbrukskai og naust. 1.0 Generelt. 1.1 Reguleringsføresegnene gjeld for det området som er merka av med reguleringsgrense på reguleringsplankartet i målestokk 1:1000, dagsett 26. september 2012. 2.0 Arealføremål Området er regulert til følgjande føremål: Pbl 12-5.1 BEBYGGELSE OG ANLEGG - Uthus/naust Pbl 12-5.2 SAMFERDSELSANLEGG OG TEKNISK INFRÅSTRUKTUR - Kai Pbl 12-5.3 GRØNSTRUKTUR - Turveg Pbl 12-5.5 LNFR-FØREMÅL - Landbruks- og naturføremål - Friluftsføremål Pbl 12-5.6 BRUK OG VERN AV SJØ OG VASSDRAG, MED TILHØYRANDE STRANDSONE - Friluftsområde i sjø og vassdrag - 3.0 Omsynssoner Pbl 12-6 (11-8 a) FARESONER - Ras- og skredfare - Kombinert ras- og skredfare/ høspenningsanlegg 4.0 Uthus/naust Området omfattar naust og uthus i tilknytning til sjø. UN1 eksisterande naust. UN2 er nytt naust. 4.1 Nytt naust på område UN2 skal ha storleik som samsvarar med eksisterande murar, med maks. grunnflate på 40 m2 og maks. mønehøgd på 4,5 m. Det skal ha skråtak med takvinkel > 26,5 gr. og vere tekt med taktekkings-materiale som ikkje reflekterer sollyset. Fargebruken skal vere dempa. 4.2 Naust og uthus i tilknytning til sjø skal ikkje innehalde andre funksjonar enn dei som naturleg er tilknytta aktiviteter på sjø og for landbruksdrift. Nausta skal ikkje vere innreidde for opphald/med bueining. 4.3 Det kan kun gjevast løyve til oppføring av uthus/naust dersom tilfredsstillande sikringstiltak vert ferdigstilt samtidig. Jfr. pkt 9.2. 5.0 Kai Området omfattar offentlege og private kaiar: LK1 Ny landbrukskai. Siv.ark. mnal Jarle Sandvik -8- Reguleringsendring

PK1 Privat kai for bnr. 67/2 og 69/1. 5.1 Ny landbrukskai skal ha god tilpasning til terrenget og fortrinnsvis byggjast som enkel trekai event. med stålskinner kledd med treplank i front. Unødig utfylling i fjorden vil ikkje verte tillete. 5.1 På og ved landbrukskaien skal det ikkje vere lagra materiell og utstyr, fortøya eller oppankra båtar som kan vere til hinder for bruken som landbrukskai. 5.3 Kaiar skal haldast i slik stand at det ikkje oppstår fare for person eller eigedom, og slik at dei ikkje verkar skjemmande i seg sjølv eller i høve til omgjevnadane. 5.4 Dersom ein under arbeid i sjøområdet finn marine kulturminne, må arbeidet stoppast straks og ikkje iverksetjast att før Bergens Sjøfartsmuséum har undersøkt og frigjeve området. 6.0 Turveg Området omfattar sti/turveg som fører til Salthella. 6.1 Turvegen kan opparbeidast til ei breidd på 75 cm. 6.2 Turvegen skal vere open for allmenn fersel. 7.0 Landbruks- og naturføremål Området omfattar landbruksareal m/ dyrka jord, innmarksbeite, skog og anna areal. 7.1 Landbruksareal skal i størst mogeleg grad haldast i hevd. 7.3 Forbod mot bygging i 100-metersbeltet i strandsona gjeld ikkje for oppføring av landbruksbygg i område regulert til LNF-område. 8.0 Friluftføremål (på land) FR1 og FR2. Områda omfattar friluftsområde for allmenn bruk. 8.1 Eksisterande terreng og vegetasjon skal i størst mogeleg grad takast vare på utan inngrep, med unntak av ordinær skjøtsel. 8.2 Det er ikkje tillete å oppføre bygg eller anlegg som er til hinder for bruk av området som friluftsområde. 8.3 Oppsetjing av telt er berre tillete etter løyve frå grunneigar. 9.0 Friluftsområde i sjø/vassdrag FRS 1 og FRS 2. Område FRS1 FRS2 omfattar sjøareal langs stranda. 9.1 Friluftsområda i sjø/vassdrag skal i størst mogeleg grad takast vare på utan inngrep. 10.0 Ras- og skredfare. Området omfattar areal med ras- og skredfare. 10.1 Det kan kun oppførast bygningar og anlegg i samsvar med Forskrift om tekniske krav til byggverk, 7-3. 10.2 Det kan kun gjevast løyve til oppføring av bygningar og anlegg dersom tilfredsstillande sikringstiltak vert ferdigstilt samtidig. Ein viser her til ROSanalysen. Planar for sikringstiltak skal sendast til Fylkesmannen på høyring, m.a. for vurdering av inngrepa i høve til verdsarvstatusen. Siv.ark. mnal Jarle Sandvik -9- Reguleringsendring

11.0 Omsynssone kombinert ras- og skredfare/høgspenningsanlegg Området omfattar område med høgspent kraftline som kjem innanfor faresone for skredfare. 11.1 For området gjeld Forskrift for elektriske forsyningsanlegg. Sikringstiltak mot skred må ikkje kome i konflikt med sikringsavstanden til kraftlina. 11.2 For øvrig gjeld føresegnene for område H310_1. MERKNADER TIL OPPSTARTVARSEL Det er kome inn 3 merknader i samband med oppstarting av planarbeidet. Under følgjer ein gjennomgang av merknaden med kommentar. Fylkesmannen i Sogn og Fjordane: Brev av 26.01.2012 Miljøvernavdelinga - Planomtalen skal bl.a. gjere greie for verknadene planen vil kunne få for ulike interesser og omsyn. Kommunen har lista opp tema som må vektleggast i planarbeidet. I tillegg vil miljøvernavdelinga peike på landskap som eit aktuelt tema. - I og med at dette er ein detaljreguleringsplan går dei ut frå at både naust og kai vert nøyaktig plassert i plankartet. - Miljøvernavdelinga føreset at naustet skal vere eit reint båtnaust, utan høve til opphald/bueining. Dei oppmodar om at det vert lagt stor vekt på god terrengog landskapstilpassing av naustet, og at det vert stilt krav til storleik og utforming som sikrar omsyn til landskap og god estetikk. Dei går ut frå at det er snakk om eit mindre naust med ein etasje, og tilrår å stille krav i form av bebygd areal i kvadratmeter (BYA) for naustet, kombinert med høgde for å styre bygningsvolumet. - Dei tilrår å nytte enklast mogeleg konstruksjonar for landbrukskaien for å minimere tyngre inngrep i strandkanten og ut i sjøen, og for å sikre omsyn til landskap og estetikk. Dei tilrår å stille krav i føresegnene som sikrar dette. Kommentar: I planen er det lagt vekt på å ta vare på ulike interesser og omsyn, m.a. friluftsinteresser og allmenn ferdsel. Omsyn til landskap og vegetasjon er medteke i føresegnene. Naust og kai er så langt råd er nøyaktig plassert i plankartet. Krav til storleik og utforming av naustet er medteke i føresegnene. Det vert ikkje gjeve løyve til å tilrettelegge for opphald/bueiningar. Krav til konstruksjon og utforming av kaien er medteke i føresegnene. Beredskapseininga - Det er krav om ROS-analyse ved utarbeiding av planar for utbygging. For at kravet om ROS-analyse skal vere oppfylt, må det gjerast eit systematisk arbeid somgjev oversikt over risiko og sårbarheit. Funn og tilrådingar frå analysen skal følgjast opp og innarbeidast i planen. ROS-analysen kan knyte seg til arealet slik det er frå naturen si side, menneskeleg aktivitet og bruken av arealet, samt klimaendringar. - Det må gå tydeleg fram kven som har utført ROS-analysen, og kva kjelder Siv.ark. mnal Jarle Sandvik -10- Reguleringsendring

som har vore brukte. Kommentar: Det er utarbeidd ROS-analyse. Funn og tilrådingar frå analysen er innarbeidd i planen. Landbruksavdelinga - Ein ny kai vil lette arbeidet arbeidet med å frakte dyr til og frå Dyrdal, og såleis vere eit viktig tiltak for å oppretthalde beitebruken i dette området. Dei har ellers ikkje merknader til planarbeidet. Kommentar: Ingen. Noregs vassdrags- og energidirektorat, Region vest: Brev av 23.12.2011 - I det aktuelle planarbeidet er tryggleik mot skred ei aktuell problemstilling. I skrednett (www.skrednett.no) sine aktsemdskart er planområdet definert som potensielt fareområde for steinsprang og snøskred. Planområdet ligg og innanfor NGI sine aktsemdskart for stein- og snøskred. Det må gjerast ei nærare vurdering av skredfaren i samband med planarbeidet. Til dette arbeidet må det nyttast tilstrekkeleg fagleg kompetanse og det må definerast faresonegrenser i samsvar med tryggleikskrava i Byggteknisk forskrift (TEK10). Eventuelle fareområde må innarbeidast i planen og synast som omsynssoner (jf PBL 12-6) og ha tilhøyrande føresegner som sikrar akseptabel tryggleik før utbygging kan finne stad. Dersom det er trong for sikringstiltak eller restriksjonar på arealbruk for å oppnå tilstrekkeleg tryggleik rår dei til at det aktuelle området vert teke inn i planen. Kommentar: I samband med reguleringsplanarbeidet har Asbjørn Rune Aa, på oppdrag frå Fylkesmannen i Sogn og Fjordane utarbeidd skredfarevurdering for området. Eventuelle fareområder vil bli medtekne i planen. I følgje skredfarevurderinga kan naudsynte sikringstiltak utførast innanfor planområdet. Bergens Sjøfartsmuséum: Brev av 20.12.2011 - Muséet kjenner ikkje til kulturminne på sjøbotnen i planområdet. Dei har heller ingen klare indikasjonar på at området har vore nytta som ankringsstad i elder tid. Muséet har difor ingen merknader til planarbeidet. - Det er likevel mogeleg at det ligg kulturminne i det aktuelle området. Tiltakshavar pliktar å gje melding til muséet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn stoppast straks. og verksemda ikkje oppattstartast før muséet har undersøkt og frigjeve området. Kommentar: I føresegnene er det medteke påbod om stopp i arbeidet, dersom det vert gjort funn av marine kulturminne. Siv.ark. mnal Jarle Sandvik -11- Reguleringsendring