Vik kommune Sakspapir Saksnr Utval Møtedato 048/14 Formannskapet 08.05.2014 024/14 Kommunestyret 22.05.2014 Sakshandsamar Arkiv Arkivsaksnr. Ottar Wiik K2 - L12 13/375 Reguleringsplan - hytteområde Hagane Rådmannen si tilråding Detaljreguleringsplan for hytteområde Hagane, med plankart datert 22.4 og planomtale og føresegner datert 27.4.2014, vert godkjent med dei endringar som er tilrådde i saksutgreiing frå Rådmannen. Formannskapet - 048/14 FS - vedtak: Saka blir lagt fram for kommunestyret med fylgjande framlegg til vedtak: Detaljreguleringsplan for hytteområde Hagane, med plankart datert 22.4 og planomtale og føresegner datert 27.4.2014, vert godkjent med dei endringar som er tilrådde i saksutgreiing frå Rådmannen. Samrøystes. Kommunestyret - 024/14 KS - vedtak: Detaljreguleringsplan for hytteområde Hagane, med plankart datert 22.4 og planomtale og føresegner datert 27.4.2014, vert godkjent med dei endringar som er tilrådde i saksutgreiing frå rådmannen.
Samrøystes. Vedlegg 000 Illustrasjonsplan 100 Plankart Planomtale Det.reg. hytteomra ède Hagane rev20140427 Vedlegg 1-ROS-analyse Vedlegg 2-Sognekraft kart Fiskeridir. Merknad Hagane Fylkesmannen Merknad Hagane. Bente Vangsnes. Merknad Hagane Kystverket. Høyring Hagane 14 St. Vegvesen Merknad til plan Hagane. FØRESEGNER- Hyttefelt Hagane rev20140427 Kort samandrag Lasse Djupvik og Eivind Lidal som tiltakshavarar har laga framlegg til privat reguleringsplan for området Hagane ca 1 km nord for Djuvik Camping. Området er i gjeldande kommuneplan avsett til fritidsbustader, med krav til reguleringsplan. Føremålet med planen er å leggja til rette for fortetting av området med inntil 5 nye hytter og ei naustgruppe. Etter høyring og offentleg ettersyn er det registrert 5 merknader. 3 av dei gjev grunnlag for nokre mindre endringar i plandokumenta. Rådmannen tilrår godkjenning av planen med endringar. Kommunestyret har mynde til å gjera vedtak om godkjenning. Aktuelle lover, forskrifter, avtalar m.m. Plan- og bygningslova Saksopplysningar Lasse Djupvik og Eivind Lidal som tiltakshavarar har laga framlegg til privat reguleringsplan for området Hagane ca 1km nord for Djuvik Camping. Landdelen av planområdet er areal mellom sjøen og RV13 og utgjer ca 18,5da.
Området er i gjeldande kommuneplan avsett til fritidsbustader, med krav til reguleringsplan. På området står 3 eksisterande hytter, samt uthus/naust. Formålet med planen er å leggja til rette for fortetting av området med inntil 5 nye hytter og ei naustgruppe. Dokumentet Planomtale gjer nærare greie for forhold i planområdet, og for konsekvensar av planforslaget. Plandokument: -Plankart og illustrasjonsplan -Reguleringsføresegner -Planomtale med vedlegg Arkitektfirma Jon Vikøren as er utførande konsulent. Planprosess: Oppstart av planarbeid vart varsla med brev av 14.6.2013 til partar og høyringsinstansar, og med annonse i Sogn Avis. 5 innkomne merknader til oppstartvarselet er kommenterte i plandokumentet Planomtale. Vik Kommune mottok ferdig planframlegg februar 2014. I samsvar med reglane i Pbl 12-10 og 12-11 sende Rådmannen planen til partar og høyringsinstansar i brev av 18.2.2014, og offentleg ettersyn vart kunngjort med annonse i Sogn Avis og på heimesida til Vik Kommune. Merknader etter høyring og offentleg ettersyn. Vurdering. Innan fristen 6.4.2014 kom det inn 5 merknader. Sjå vedlegg. Desse vert kommenterte under. 1. Fiskeridirektoratet Dato: 28.2.2014
Ingen merknader. 2. Statens Vegvesen (STV) Dato: 17.3.2014 STV meiner at omtale av eks. avkjørsle i planen ikkje er korrekt, og at avkjørsle til RV13 ikkje tilfredsstiller gjeldande krav. STV peikar på to måtar å løysa dette på i planen: 1. Planområdet vert utvida slik at heile avkjørsla inkludert frisiktsone vert inkludert i planområdet. 2. Utbyggjar må søkja STV om utvida bruk av avkjørsle, og utbetra avkjørsla i samsvar med gjeldande krav før området vert teke i bruk i samsvar med reguleringsplanen. I tillegg krev STV eit tillegg til reguleringsføresegnene, spesifisert i brevet. Vurdering/tilråding: Plandokumenta vert endra og supplerte for å imøtekoma merknaden: I Planomtalen vert pkt. 6.3 endra Føresegn om avkjørsle spesifisert i brev frå STV vert teken inn føresegnene som nytt pkt.3.6 Det vert lagt til grunn at tiltakshavar søkjer STV om utvida avkjørsleløyve, som omtalt i alt 2 over. 3. Kystverket Dato: 27.3.2014 Ingen merknader 4. Bente Vangsnes. E-post datert 5.4.2014. Eigar av tomt H6. BV opplyser at oppmåling av grense mot 43/2 no er gjennomført.
BV påpeikar at eks. kai på 43/20 ikkje er omtalt i planen og vist på plankartet. BV peikar på at terrengforhold gjer det vanskeleg å få til felles avløpsløysing med H7 og H8. BV meiner det er behov for å opparbeida tilkomstveg til biloppstillingsplass på H6. Vurdering/tilråding: Oppmåling av grense mot 43/2 er gjennomført etter at planen vart oversendt Vik kommune. Grensa er difor ikkje vist på plankart/illustrasjonsplan. Heile den oppmålte tomta ligg innafor område H6. Planomtalen vert retta opp i samsvar med opplysningane om eigedomsgrense og eks. kai. Det er ikkje noko i plandokumenta som hindrar eigen avløpsløysing og tilkomstveg til eigen biloppstilling. 5. Fylkesmannen i Sogn og Fjordane. Dato: 6.4.2014 Ingen avgjerande merknader frå Naturvernavdelinga og Landbruksavdelinga. Avdeling samfunnstryggleik og beredskap( SB) har nokre merknader som gjeld fare for skade på naust ved ekstremvær. SP peikar på at planen ikkje tek høgde for skadeverknad av bylgjer som kan opptre i samband med stormflo, og ber kommunen vurdera å dra nausta høgare opp i terrenget. Vurdering/tilråding: Føresegnene til planen vert justerte for å imøtekoma merknaden: Naustplassering vert ikkje endra, men krav til konstruksjonar som tåler vatn er heva frå 1,8 til 2,5 m over middelvasstand. Det er lagt inn krav om at evt. elektrisk anlegg i naust også skal ha minste høgde 2,5 m.o.h.
Økonomiske konsekvensar. Ingen Konklusjon. Samla vurdering. Merknader frå Statens Vegvesen, Bente Vangsnes og Fylkesmannen gjev grunnlag for nokre rettingar og mindre endringar i plandokumenta, som tilrådd over. Endringane er ikkje av slikt omfang at det utløyser krav til ny utlegging, etter Rådmannen si vurdering. Rådmannen rår til å godkjenna planen med dei tilrådde endringane. Utsende plandokument er retta opp i samsvar med tilrådingane.