Møtetid: 16.12.2010 kl 14:00 Møtestad: Kommunestyresalen Møteinnkalling Kommunestyret Medlemer som ikkje kan møta, må melda frå til Kundetorget tlf 5349 6645 eller e-post: post@stord.kommune.no Varamedlemer møter berre etter nærare avtale. ORIENTERING: Ungdommens forebyggingspris v/slt koordinator Stord, 09.12.2010 Liv Kari Eskeland ordførar Marit Annie Åkra møtesekretær SAKER TIL HANDSAMING GK 3/10 Godkjenning av innkalling, sakliste og møteprotokoll av 02.12.2010 2 Referat og meldingar RS 17/10 Saksprotokoll frå formannskapet 02.12.2010 - sak 52/10 RS 18/10 Lovlegkontroll - Stord - kommunestyrevedtak sak 46/10 - sal av utleigebygget på Sunnhordlandskaien RS 19/10 Møteprotokoll frå Rådet for funksjonshemma 23.11.2010 RS 20/10 Møteprotokoll frå eldrerådet 06.12.2010 Politiske saker PS 77/10 39/97, 39/389 - Reguleringsplan for Kjøtteinsvegen 121 3 PS 78/10 Detaljregulering for Hustredalen motorsportanlegg 15 PS 79/10 Kommunedelplan for Huglo. Slutthandsaming 19 PS 80/10 Forstudie om oppgradering av E39 med tilførselsvegar på strekningen Heiane- Ådland. Handsaming etter høyringa PS 81/10 Organisering og drift av kultur og idrettsanlegg 31 PS 82/10 Stord kulturhus - no og 20 år fram i tid 35 PS 83/10 Sal av Leirvik småbåthamn 38 PS 84/10 Sal av barnehagetomt i Knutsaåsen 44 side 23
GK 3/10 Godkjenning av innkalling, sakliste og møteprotokoll av 02.12.2010 side 2 av 46
Arkivref: 2010/59-12301/2010 Saksh.: Ove Kvalnes Saksframlegg Saksnr Utval Møtedato 56/10 Forvaltningsstyret 28.10.2010 77/10 Kommunestyret 16.12.2010 39/97, 39/389 - REGULERINGSPLAN FOR KJØTTEINSVEGEN 121 Innstilling: Kommunestyret vedtek i medhald av Plan- og bygningslova 27-2 pkt.1 reguleringsplan for Kjøtteinsvegen 121 med tilhøyrande føresegner. Saksprotokoll i Forvaltningsstyret - 28.10.2010 Handsaming Samrøystes vedteke (7 røyster). ----- Før handsaming av saka stilte Inger Åsheim FRP spørsmål om habilitet og trakk seg til sides. Forvaltningsstyret vedtok at Inger nåsheim var inhabil og deltok ikkje i handsaminga. side 3 av 46
Rådmannen, 15.10.2010 Vedlegg Plankart Føresegner Planomtale Utomhusplan Snitt B-B Illustrasjon 1.etasje Illustrasjon 2.etasje Illustrasjonsplan 3.etasje Illustrasjon underetasje Brev frå Ø.Jørgensen AS datert 23.08.10 Oversiktskart Bakgrunn/ faktiske opplysningar: Regulering, byggesak og oppmåling (RBO) mottok 26.02.09 framlegg til reguleringsplan for gnr/bnr 39/91, 97, 389 mfl. Kjøtteinsvegen 121 med føresegner, planomtale og vedlegg. Forslagstiller er Ing. Øyvind Jørgensen AS på vegne av grunneigar av 39/97, 389 Inge Øpstad. Det er halde fleire møte mellom forslagstillar og kommunen. Melding om oppstart av planarbeidet vart kunngjort med brev datert 25.06.08 til offentleg mynde, naboar ol. Oppstart vart annonsert i Bladet Sunnhordland og Haugesunds Avis 25.06.08 og 27.06.08. Det kom inn 3 merknader etter melding om oppstart. Planframlegget vart handsama 1.gong i forvaltningsstyret 25.06.09. Planen var ute til offentleg ettersyn i perioden 03.07.09 18.09.09. Det kom inn 10 merknader til offentleg ettersyn. Desse er oppsummert og kommentert nedanfor. Etter offentleg ettersyn er prosjektet redusert litt i omfang og planframlegget revidert. Talet på leilegheiter er redusert frå 21 til 17, bygningane er redusert i breidde og lengde og senka i terrenget, tilkomstvegen er utvida og gjort litt slakkare og det er føresett ei mindre ombygging av krysset Kjøtteinsvegen/ Bjellandsvegen. Planframlegget vart lagt fram for vedtak i kommunestyret i møte 22.04.2010, sak 16/10. Det vart gjort slikt vedtak: 1. Kommunestyret sender reguleringsplan for Kjøtteinsvegen 121 attende til forvaltningsstyret til ny utgreiing med omsyn til betre trafikale løysingar. 2. Kommunestyret bed også om ei klargjering på korleis utbyggjar vil løysa krava til uteopphaldsareal. Når det gjeld pkt. 1 i vedtaket, har det vore sett nærare på trafikale løysingar og konsekvensar. Det er konkludert med at tilkomst frå Bjellandsvegen slik planframlegget viser er det einaste aktuelle alternativet. Ny avkøyring direkte frå Kjøtteinsvegen via eigedomen 40/71 vil vera ei trafikkmessig dårlegare løysing enn å leggja til grunn at det vert litt meir trafikk i krysset Kjøtteinsvegen/ Bjellandsvegen slik planframlegget gjer. For å få betre grunnlag for å vurdera dei trafikale tilhøva i krysset gjennomførte vegvesenet i veke 23 og 24 trafikkteljing og fartsmåling i Kjøtteinsvegen og Bjellandsvegen. Årsdøgntrafikken i Kjøtteinsvegen vart rekna til 2800 bilar og i Bjellandsvegen til 490 bilar. Dette er noko mindre enn det som har vore lagt til grunn for planarbeidet til no. Gjennomsnittsfarten i Bjellandsvegen vart målt til ca. 30 km/t og i Kjøtteinsvegen til ca. 45 km/t. Desse målingane er lagt til grunn når krav til frisikt er fastsett til 5 X 41m i krysset Bjellandsvegen/ Kjøtteinsvegen basert på fartsgrense 40 km/t i Kjøtteinsvegen. Dette er lagt inn i planframlegget og kan oppnåast utan inngrep på eigedomane som ligg inntil krysset. Målingane er og lagt til grunn for å ta stilling til ønske om å setja ned fartsgrensa til 40 km/t i Kjøtteinsvegen. Vegvesenet vil med grunnlag i dette no gjera vedtak om å setja ned fartsgrensa frå 50 km/t til 40 km/t langs heile Kjøtteinsvegen. Det er elles føresett at stigningstilhøva i nedre del av Bjellandsvegen skal justerast slik at sjølve kryssområdet vert litt slakkare enn i dag. side 4 av 46
Når det gjeld pkt.2 i vedtaket, så set planframlegget krav om min.80 m2 uteopphaldsareal for kvar bueining over 60 m2 og at min. 25 m2 pr. bueining av dette skal vera felles leikeareal. Planframlegget legg til grunn at det kan verta inntil 17 bueiningar totalt i dei to blokkene BB1 og BB2. Kravet til uteopphaldsareal dersom det vert 17 bueiningar over 60 m2 vert då 17 x 80 = 1360 m2 og at 17 x 25 = 425 m2 av dette skal vera felles leikeareal. Planframlegget viser no felles leikeareal FL1 og FL2 på til saman 730 m2. I tillegg må det difor vera anna uteopphaldsareal på til saman 1360 m2 730 m2 = 630 m2 for at krava skal oppfyllast. I uteopphaldsareal kan felles grøntareal som er eigna til og som skal opparbeidast til opphaldsareal, private terrassar, balkongar, altanar, m.v. reknast med i tillegg til felles leikeareal. Planframlegget viser 300 m2 felles grøntareal (FG2) som skal opparbeidast som opphaldsareal og saman med private balkongar på 373,5 m2 i tilknyting til dei enkelte bueiningane vert då kravet til uteopphaldsareal oppfylt. Planframlegget viser elles at blokk BB2 er trekt ca.1,5 m lengre frå eigedomsgrensa mot 40/165 slik at terrassane på denne blokka no kjem ca 6,5 m frå grensa. Planstatus: Kommuneplanens arealdel (2004-2015) vedteken 12.01.06 Planområdet er vist som eksisterande bustadområde i kommuneplanen sin arealdel. Reguleringsplanar Del av planområdet er omfatta av reguleringsplan for Kjøtteinsvegen R-033-000, vedteken 18.04.85. Reguleringsplanen regulerer området til bustad og offentleg veg/ gangveg. Planframlegget: Planområdet har eit areal på om lag 4,5 daa og omfattar eigedomane gnr/bnr 39/3, 39/91, 39/97, 39/159, 39/389, 39/678, 40/2 og 40/225. Det er to bustader med garasjar innanfor planområdet i dag. Eksisterande bustadhus og garasje på 39/97 er føresett rive. Planområdet ligg på vestsida av Kjøtteinsvegen som er ein fylkesveg (fv.65) og på sørsida av Bjellandsvegen som er ein kommunal veg. Reguleringsføremål i planen er byggeområde (bustader med tilhøyrande anlegg B1, frittliggjande bustader FS, konsentrerte bustader BB1 og BB2, offentlege trafikkområde (kjøreveg, gangveg, anna veggrunn), spesialområde (frisiktsone og anna spesialområde), fellesområde (felles avkjørsle, felles gangareal, fellesparkering, felles leikeareal FL, felles grøntanlegg FG, anna fellesareal og felles veg FV) Areal avsett til byggeområde for einebustader B1 er om lag 660 m2 og omfattar eigedomen 39/91. Eigedomane 39/97 og 39/389 som er foreslått regulert til område for konsentrert utbygging, tilkomstveg, fellesareal og grøntareal har til saman eit areal på om lag 3153 m2. Areal avsett til byggeområde for konsentrerte bustader BB1 og BB2 har eit areal på om lag 1000 m2. Føresegnene til planen slår fast at alle nye bygg skal ha eit kvalitativt estetisk uttrykk. Bygga skal utformast i moderne byggeskikk. BB1 Maks T-BRA = 1200 m 2. Balkong med inntil 2 ½ m djupna utanfor byggjeliv skal ikkje leggjast til bruksarealet. Maks 9 bueiningar i bustadgruppe BB1. Bustadene i 2 etg. skal ha universell utforming med livlaupstandard, trinnfritt inngangsparti og handikapparkering nær heis i parkeringshus jf. 2.1.4. Bustad i BB1 skal ha underetasje med bodar og 3 etasjar oppå. BB2 har største tillatne bruksareal (T-BRA) = 2200 m 2, inkludert parkeringshus i underetasje. Fellestrapp, heis og balkong med inntil 2 ½ m djupna utanfor byggjeliv skal ikkje leggjast til bruksarealet. Maks 8 bueiningar i bustadgruppe BB2 jf. 2.1.5. I føresegnene 6.2 står det at ein skal kunna dela utbygginga i to byggetrinn. Utbygging av BB1, veg, parkering og leikeområde 1 (FL1) er byggetrinn ein. Føresegnene slår fast at dersom utbygginga skjer i 2 trinn må søknaden om løyve dokumentera at alle krav i forhold til parkering, leikeområde og uteområde er tilfredstilt. side 5 av 46
Planar for tekniske anlegg for vassforsyning og avløp vil verta avklart i samband med detaljprosjektering. Forslag til løysing er vist i vedlagt teikning 709-0011: Forslag til VA- anlegg. Det vert vurdert at det må inn ein ny hydrant knytt opp mot leidning i Bjellandsvegen. For nærare omtale av planframlegget vert det vist til vedlagte planomtale, reguleringsplankart, føresegner, snitt og illustrasjonar. Innkomne merknader etter offentleg ettersyn: 1. Stord kommune, Kulturtenester skriv i notat datert 21.07.09 at skal fortetting i eksisterande bustadområde verta vellukka er det vesentleg at nye bygg og anlegg tilpassar seg til eksisterande bygningar og bygningsmiljø. Kulturtenester skriv at i dette tilfellet er fortettinga tenkt gjennomført i eit område som ikkje er omfatta av reguleringsplan. Dei skriv at eksisterande bustadeigedomar er romslege samanlikna med dagens standard. Dei skriv at husa er einebustader med store hagar og gode uteplassar. Kulturtenester skriv at av både estetiske omsyn og av omsyn til naboane ville det truleg vera ei betre løysing om fortettinga her skjedde ved at det vart bygd nye einebustader på det ledige arealet i staden for 3 og 2 etasjes blokkene som planane legg opp til. Kulturtenester skriv at med den etter måten store utnyttingsgraden som det vert lagt opp til vil dette verta ganske dominerande bygningskroppar som også i stil vil bryta med dei eksisterande. Kulturtenester skriv at det å få 20 nye bueiningar med medfølgjande biltrafikk vil vera ein heilt ny situasjon for dei som bur der. Kulturtenester skriv at det aktuelle områder ikkje er med i framlegg til kommunedelplan for kulturminne og kulturmiljø, men at området ligg innanfor det som var området for festninga på Bjelland under andre verdskrigen. Dei skriv at innanfor byggeområdet er det to skyttarstillingar frå den tida. Kulturtenester skriv at desse ikkje er med som enkeltobjekt i kulturminneplanen, men at dei bør så langt råd er bevarast som kulturminne frå krigen. Kommentar: Utnyttinga av området er høg, men rådmannen meiner den likevel no er akseptabel med dei endringane som er gjort etter at planframlegget har vore utlagt til offentleg ettersyn. Bygningsvolumet er redusert, talet på leilegheiter er redusert med 4 og bygningane ligg lågare i terrenget og lengre frå naboeigedomane enn i det opprinnelege framlegget. Omkringliggjande område er eit einebustadområde med romslege tomtar. To bustadblokker slik planframlegget viser vil medføra at omkringliggjande eksisterande einebustader i nord og vest misser noko av utsikta og dei næraste bustadane på sørsida vil mista noko av ettermiddagssola dei har i dag. Rådmannen meiner likevel at dei eksisterande bustadane framleis vil ha gode utsikts- og soltilhøve og at med dei endringane som no er gjort er ulempene ikkje større enn det ein kan pårekna ved fortetting i eksisterande bustadområde. Rådmannen meiner det er uråd å ta vare på restane av dei to skyttarstillingane som er på eigedomen dersom området skal byggjast ut slik det er søkt om. Rådmannen meiner det skal leggjast til rette for fortetting i sentrumsnære område der tilhøva ligg til rette for det og har i denne saka ikkje funne det rett å ta omsyn til desse skyttarstillingane. Rådmannen legg då og til grunn at desse ikkje er med i kulturminneplanen og at det er fleire slike skyttarstillingar andre stader i Bjellandsområdet som vert tekne vare på. 2. Hordaland fylkeskommune, Kommunesamarbeid skriv i brev datert 08.10.09 at dei i dag ikkje har kjennskap til automatisk freda kulturminne eller andre verneverdige kulturminne i det aktuelle planområde. Dei gjer merksam på at tiltakshavar har plikt til å visa aktsemd og til straks å melda frå til Hordaland fylkeskommune dersom ein i samband med tiltaket skulle støyta på automatisk freda kulturminne, jf. Kulturminneloven 8 2. Ledd. Dei skriv at slik gransking vil verta utført mindre enn 3 dagar etter at dei har fått melding om moglege funn. Kommentar: Rådmannen viser til føresegnene 1.5 som set krav om stans i arbeidet og melding til fylkeskommunen dersom det i samband med gravearbeidet kjem fram funn eller konstruksjonar. side 6 av 46
3. Stord brannvesen skriv i e-post datert 07.09.09 at dei ikkje kan sjå at tilkomst for brannvesen er ivareteke jf. REN 7-28. Stord brannvesen skriv at her må det utarbeidast betre planar. Dei skriv at slik det ligg føre i dag er brannvesenet tvilande på om den nye vegen er køyrbar for brannvesenet sitt materiell heile året. Dei skriv at planen manglar oppstillingsplass med tanke på brannvesenet sitt stegemateriell (lift). Dei skriv at det også må sjåast på lett tilkomst på sløkkjevatn i område etter Stord kommune sin kommunale forskrift innan VA norm. Kommentar: Planen er endra etter offentleg ettersyn. Tilkomstvegen er utvida og gjort litt slakkare og er no framkommeleg for m.a. brannbil. Kvar uttak av sløkkjevatn skal vera vil verta avklart i samband med detaljprosjektering av tekniske anlegg. 4. Eirik Junge (39/67) skriv i e-post datert 07.09.09 at hovudproblemet er vegen. Han skriv at planen medfører at det kjem 20-30 ekstra biler i tillegg kjem post, boss og det må vera framkommeleg for sjukebil og brannbil. Junge skriv at mellom innkjørsla til Riise og ned til Junge så er det ikkje plass til to bilar. Han skriv at skal det byggjast hus så er det den vegen som først må utbetrast. Junge skriv at vinterstid er det eit problem å kjøre opp/ ned Jungesvingen. Junge skriv at det er snakk om å stenge Jungesvingen slik at alle må kjøre over Bjellandsvegen. Han skriv at han ikkje trur at dei som skal handle på Rema 1000 kjører rundt Vabakken, opp Nydalen og bort til Rema. Han skriv at han trur folk vil kjøre over Marihaugen eller gjennom Tørrisgaren. Han skriv at han trur det vil verte store protester frå alle som sokner til Bjellandsvegen og Marihaugen om det kjem 20 til 25 fleire biler på ein allereie trafikkmessig dårleg veg. Junge skriv at Inge Øpstad berre må bygge hus på sin eigedom, men det er type hus og antal leilegheiter som er det store problemet. Han skriv at det hadde vore betre med to til tre hus. Junge skriv at når det gjeld utsikten så ser det ut som det er Gro Helland og Jarle Aleksandersen som vil miste ein del utsyn. Han skriv at i og med at bustadkomplekset er senka til om lag 1 meter under Øpstad sitt hus så vil det ikkje vera noko hinder for hans utsikt. Junge skriv at han ikkje ynskjer at det vert bygd noko heishus eller vinterhage på toppen av bustadkomplekset. Han skriv til sist at Eilertsen omtrent får øydelagt heile terrassen sin grunna ballbaner og stor trafikk. Kommentar: Omkringliggjande område er eit einebustadområde med romslege tomtar. To bustadblokker slik planframlegget viser vil medføra at omkringliggjande eksisterande einebustader i nord og vest misser noko av utsikta og dei næraste bustadane på sørsida vil mista noko av ettermiddagssola dei har i dag. Rådmannen meiner likevel at dei eksisterande bustadane framleis vil ha gode utsikts- og soltilhøve og at med dei endringane som no er gjort er ulempene ikkje større enn det ein kan pårekna ved fortetting i eksisterande bustadområde. Rådmannen viser m.a. til at det no er ca. 11 m mellom terrassane på blokka på BB2 og baksida av bustadhuset på 46/165 og til at blokkene er senka ytterlegare i terrenget slik at det ikkje lenger skal vera høge murar mot tilliggjande eigedomar. Topp tak på blokk BB1 er kote +50m og topp tak på BB2 er +47m. Til samanlikning er topp møne på eksisterande hus på eigedomen (som skal rivast) kote +47,15m. Rådmannen meiner at ein evt. einebustad i området der blokka BB1 er plassert ville vorte minst like høg og dominerande som den blokka som no er foreslått. Etter endra plan vert det ikkje uteareal på taket av nokon av dei to bustadblokkene. Vertikalkurvaturen i krysset Bjellandsvegen/ Kjøteinsvegen er justert så langt det let seg gjera. Fartsgrensa vil verta sett ned til 40 km/t på heile Kjøtteinsvegen. Det vert fortau langs siste del av Bjellandsvegen fram til eksisterande fortau langs Kjøtteinsvegen. Krysset vert likevel ikkje så godt som ønskeleg. Kommunen vil sjå nærare på kva tiltak som kan gjerast i Kjøtteinsvegen og Bjellandsvegen for å betra trafikktryggleiken i området i samband med revisjon av trafikksikringsplanen. M.a. vil det verta vurdert om det skal byggjast fortau langs resten av den delen av Bjellandsvegen som ikkje har fortau i dag. 5. Gro Helland (39/159) skriv i brev datert 07.09.09 at krysset Bjellandsvegen/Kjøtteinsvegen i dag ikkje er eigna for meir trafikk enn det allereie har. Helland skriv at 21 bueiningar vil gje 42 nye biler som vil nytta krysset. Ho skriv at den føreslegne fartsreduksjonen ikkje vil betre situasjonen, då må det ein fullstendig ombygging av krysset. Ho ber om at det vert føreteke fartsmålingar då side 7 av 46
ho trur bilane i dag held lågare fart enn 40 km/t men at krysset likevel er farleg. Helland skriv at ein burde henta inn uttale frå brøytemannskap som kan fortelja korleis dette krysset er om vinteren. Ho skriv at det også burde gjerast tiltak for dei mjuke trafikantane på vinterstid då krysset vert glatt lenge før andre plassar. Helland skriv at utnyttingsgraden i planen er mykje høgare enn forsvarleg. Ho ber om at det vert dokumentert kor stor del av tomta som er bebygd med hus, veg og parkering. Ho skriv at maks byggehøgd på BB1 settes til kote 48 og at det ikkje kjem noko anlegg over denne høgda. Helland skriv at det ikkje er lekeplass utan at du må kryssa den farlege Kjøtteinsvegen og det er ikkje tilgang til naturlege sykkelstiar og liknande. Ho skriv at dette fører til at vegbana langs Bjellandsvegen vert nytta som leikeareal for born større enn sandkassealder. Ho skriv at det ikkje bør leggjast opp til ein slik tett utbygging utan at også større born vert tilgodesett med opphaldsareal. Helland skriv til sist at ing. Jørgensen AS lova at dei snarast skulle kalla inn til felles møte kor alle naboar skulle få kome med klager og innspel til planframlegget. Ho skriv at dette har dei ikkje følgt opp. Ho skriv at oppmøte på synfaringa og møte etterpå viser at saka opptar mange, men at det ikkje er alle som føler seg klar til å klaga skriftleg. Ho ber om at før saka tas vidare må kommunen pålegge Ing. Jørgensen AS å holde dette møtet. Kommentar: Det vart halde møte med naboane 09.03.10. Her vart det m.a. orientert om dei endringane som var gjort etter at planframlegget har vore utlagt til offentleg ettersyn. Bustadblokka BB1 er gjort litt mindre, men topp tak er kote 50 slik det vart vedteke utlagt til ettersyn. Eigedomen til Helland vil mista litt av utsikta men rådmannen meiner ulempene for Helland eller for dei andre naboane ikkje vil verta urimeleg store. Begge dei foreslåtte bustadblokkene BB1 og BB2 er redusert i lengde og breidde etter offentleg ettersyn og talet på bueiningar er redusert frå 21 til 17. Utnyttinga vert difor litt lågare enn det som opprinneleg var foreslått, avstandane til nabobygga vert litt større og det vert litt meir uteopphaldsareal. Rådmannen meiner området vil få gode bukvalitetar og at foreslått utbygging ikkje vil medføra urimeleg store ulemper for det eksisterande bustadområdet. Når det gjeld trafikktilhøva vert det vist til kommentaren til merknad 4. 6. Lars Aasheim (39/719) skriv i brev stempla inn 04.09.09 at sjølv med føreslått utviding til 5,5 m, opparbeiding av betre frisiktssoner og redusering av fartsgrenser er han usamd i at krysset bjellandsvegen/kjøtteinsvegen vert trafikksikkert. Aasheim meiner dette vil bli eit svært farleg vegkryss. Han grunngjev dette med at Bjellandsvegen er bratt der den går ut i Kjøtteinsvegen. Om vinteren er vegen tidvis glatt. Elles ligg det grus i vegbana. Det er vanskeleg å stoppe for trafikken i Kjøtteinsvegen. Han skriv at Kjøtteinsvegen også er bratt. Han skriv at skuleborn og ungdomar må kryssa den nedste bratte delen av Bjellandsvegen når det skal til/frå skulen. Han skriv at trafikken i Kjøtteinsvegen er til tider veldig stor og opphoping av bilar i Bjellandsvegen som skal ut i Kjøtteinsvegen vert til tider stor. Han skriv at krysset fleire gonger i døgnet ikkje har nok kapasitet til trafikken som er der i dag. Han skriv at ein innkjørsel til 21 bueiningar så nært det farlege krysset vil skapa fleire farlege situasjonar for gåande og kjørande. Aasheim skriv at det er lagt opp til ein svært høg utnytting av utbygginga og nybygga vert like høge i framkant som i bakkant. Han skriv at når småhusbebyggelse ikkje vart valt burde eit terrassebygg som er lågare i framkant vorte valt for å passe inn i terrenget. Han skriv at bygget slik det viser i reguleringsplanen vil få eit formidabelt volum tett inntil tomtegrensa, spesielt område BB2. Her vil det verte store veggar tett inntil tomtegrensa som vil føre til dårlegare sikt og lystilhøve på naboeigedomane. Aasheim skriv at ham meiner totalt sett at bygget slik det er vist i reguleringsplanen vert malplassert i dette bustadområdet. Han skriv at dette vil kunne føre til større kvalitet og verdiforringing av naboeigedomane enn det som ein normalt forventar ved utbygging av nabotomt i eit eksisterande bustadfelt. Kommentar: Bustadblokka BB2 som ligg nærast Aasheim sin eigedom er redusert i lengde og breidde etter offentleg ettersyn og er ikkje høgare enn topp møne på eksisterande bustad som skal rivast. Rådmannen meiner den foreslåtte utbygginga etter endringane som er gjort ikkje vil framstå som særleg ruvande og dominerande. side 8 av 46
Rådmannen viser elles til kommentarane til merknad 3 og 4. 7. Norges handikapforbund Stord (NHFS) skriv i brev datert 01.09.09 at det går fram at alle leilegheitene vil få tilkomst via heis. I tillegg vil felles veranda på toppen av BB2 få tilkomst både via trapp og heis. NHFS skriv at trinnfri inngang og HC parkeringsplassar fyller kravet om universell utforming. NHFS skriv at i Stord kommune er det få leilegheiter som har livslaupstandard, slik at funksjonshemma har lite å velja i. NHFS skriv at det er viktig i eit fleirleilegheitsbygg at rullestolbrukarar kan gå på besøk til naboane. NHFS skriv at Rådmannen antar at tilkomst til leikeplass og rekreasjon er via trapp. NHFS skriv at trapp ikkje er nokon god løysing og bør supplerast med rampe eller sti. NHFS skriv at dei antar at ein vil nytta vegetasjon rundt bustadene som ikkje er allergiframkallande. Dei skriv at planen viser at universell utforming er teke på alvor. Kommentar: Forslagstillar skriv at dei kan få universell utforming på tomta, men at ein ikkje kan få universell utforming inn til tomta og at ein må ha bil fram til hus dersom det er rullestolbrukarar. Det går fram at bustadene i 2. etg. i BB1 skal ha universell utforming med livlaupstandard, trinnfritt inngangsparti og handikapparkering nær heis i parkeringshus jf. 2.1.4. Føresegne 1.6 set krav om at prinsippet om universell utforming skal leggjast til grunn ved opparbeiding av felles leikeområde, felles tun, felles parkering og tilkomst til bustadene. Føresegnene 2.1.10 set krav til at minimum 5 % av parkeringsplassane skal vera dimensjonert for rørslehemma. Reguleringsplanen viser at tilkomstvegen til bustadene (FV1) har stigning på opp til 14 %. Krav til universell utforma vegar er maks 5 % stigning (1/20). Universell tilgjengeleg tilkomst til bustadane vert via heis. Felles leik (FL1) vert planert til kote +38,5 for å få universell utforming på arealet til leik og rekreasjon. 8. Statens vegvesen skriv i brev datert 31.08.09 at dei har vurdert kryssforholda kommunalveg/fylkesveg som lite gunstig med omsyn til vertikal kurven på kommunalveg nr. 1007. Statens vegvesen skriv at etter som ein har registrert er det vanskar med å bygga denne tilfredstillande med omsyn til nærliggjande eigedomar. Statens vegvesen skriv at i alle høver bør vertikalkurven justerast då det er svært vanskelege kjøreforhold især vintertid. Dei skriv til sist at det på fylkesvegen er på gang vurdering om forlenging av fartsgrense 40 km/t fram til Aker. Kommentar: Vertikalkurvaturen i krysset er justert så langt det let seg gjera. Det er likevel uråd å oppfylla vegnormalane sine krav til stigningstilhøve fullt ut. Statens vegvesen vil gjera vedtak om å setja ned fartsgrensa til 40 km/t på heile Kjøtteinsvegen. Det vert bygd fortau langs siste del av Bjellandsvegen fram til eksisterande fortau langs Kjøtteinsvegen noko som vil betra trafikktilhøva i nedre del av Bjellandsvegen og i krysset. 9. Rådet for funksjonshemma (RFF) gjorde følgjande vedtak i møte 04.08.09 sak RFF 15/09. RFF ber utbyggjar om at universell utforming vert lagt til grunn for uteområde og alle bustadene i KB1 og KB2. Universell utforming kan nyttast då alle desse bustadene har tilgang via heis. Stigning inn i bustadene på 1:8 vert løyst med bil, evnt elektrisk rullestol. Fleire leilegheiter i Stor kommune med universell utforming vil gjere det enklare å bu heime ved midlertidig og varige funksjonsnedsettingar innanfor bevegelse, syn, hørsel, astma/allergi og orienteringsevne. Kommentar: Rådmannen viser til kommentar til merknad 7. 10. Elin og Trond Eilertsen (39/91) skriv i brev datert 21.06.09 at dei er sterkt imot byggeplanane på nabotomta. Dei skriv at det er framlagt av ing. Jørgensen som dei er samd i byggeplanane, det side 9 av 46
Vurdering: er feil. Dei skriv at dei ikkje er teke med på råd og at dei føler seg overkjørte. Eilertsen skriv at dersom utbygginga vert gjennomført slik planen er no, vil dei måtte selje hus og heim grunna innsyn på uteplass og dårlegare soltilhøve grunna høge bygningar. Kommentar: Omkringliggjande område er eit einebustadområde med romslege tomtar. To bustadblokker slik planframlegget viser vil medføra at omkringliggjande eksisterande einebustader i nord og vest misser noko av utsikta og dei næraste bustadane på sørsida vil mista noko av ettermiddagssola dei har i dag. Rådmannen meiner likevel at dei eksisterande bustadane framleis vil ha gode utsikts- og soltilhøve og at med dei endringane som no er gjort er ulempene ikkje større enn det ein kan pårekna ved fortetting i eksisterande bustadområde. Rådmannen viser m.a. til at det no er ca. 20 m mellom bustaden på 39/91 og blokka på BB1. Topp tak på blokk BB1 er kote +50m. I øvre kant av blokka er dette ca. 3 4 m over noverande terreng. Terrenget lengre bak nærare Bjellandsvegen går i dag opp mot kote 48. Topp tak på BB2 er +47m. Til samanlikning er topp møne på eksisterande hus på eigedomen (som skal rivast) kote +47,15m. Rådmannen meiner at ein evt. einebustad i området der blokka BB1 er plassert ville vorte minst like høg og dominerande som den blokka som no er foreslått. Rådmannen føreset at det vert sett opp god skjerm i grøntrabatten mellom den nye tilkomstvegen langs 39/91 og 39/91. Overordna planar og mål Kommuneplanen sin arealdel 2004-2015 viser omsøkt planområde som eksisterande bustadområde. Bustadføremål er i tråd med overordna plan. I retningslinene til kommuneplanen for Stord 2004-2015 går det fram at det er ynskjeleg med fortetting i eksisterande bustadområde, særleg nær sentrale strok. Det er ein føresetnad at dette skjer med omsyn til grønstruktur, landskapskarakter, lokal byggeskikk, bumiljø, trafikktryggleik m.m. Fortetting er i tråd med intensjonane i kommuneplanen, men ein må vurdera om fortettinga tek omsyn til dei ovannemnde punkta. I retningslinene går det fram at nybygg skal ha ei god estetisk utforming i samsvar med sin funksjon og ta omsyn til eksisterande tomte- og utbyggingsstruktur, terreng/vegetasjon og tilgrensasne bygg ved plassering, utnyttingsgrad, volum, takform, material- og fargeval. Ved planlegging av byggeområde skal det dokumenterast korleis prosjektet tilfredstillar krav til terrengtilpassing, fjernverknad, byggeskikk og tilpassing til eksisterande bygningar. For større byggeprosjekt kan kommunen krevja at det vert utarbeidd oppriss av fasadar av nybygg og nabobygg og laga modell. Bustadområda Av føresegnene 2.2 går det m.a. fram at dersom ein skal setje opp nybygg på eigedomen 39/91 (B1), må ein plassere huset innafor ny byggegrense. Reguleringsplanen viser ein byggegrensa langs Bjellandsvegen for tomt B1 på 12,5m frå senterline veg. Rådmannen viser til at byggegrenser langs kommunale vegar og fylkesvegar etter veglova skal vera 15 m. Byggegrensa langs kommunale og fylkesvegar var før 12,5 m frå senterline veg. Eksisterande bustadhus på 39/91 ligg nærare enn krava i gamal lov. Rådmannen vurderar at ved eventuell nybygg på eigedomen kan godta at det vert bygd minimum 12,5 m frå senterline veg til kommunal og fylkesveg. Planen set krav til at maks bebygd areal, BYA er 25 % og maks byggehøgde kote +49. Eigedomane 39/97 og 39/389 har eit areal på totalt om lag 3153 m2. Eigedomane har ein høgdeskilnad på om lag 9 m frå grensa mot Bjellandsvegen til eigedomsgrensa mot eigedomane 40/165 og 40/174. Bustadområdet rundt er utbygd med einebustader. Eigedomen er uregulert og er vist som bustadområde i kommuneplanen sin arealdel. Tiltaket er såleis ikkje i strid med planføremålet i arealdelen, men planlagt utnytting er mykje høgare enn på dei omkringliggjande bustadtomtene. For område som er vist som bustadområde i arealdelen, er det krav om at det vert utarbeidd reguleringsplan. I følgje 30 i plan- og bygningslova har grunneigarar m.v. høve til å fremja private reguleringsplanframlegg. Framlegg til reguleringsplan opnar for bygging av konsentrerte bustader med maks byggehøgd i KB1 på kote +50 (u.etg. + 3 etg.) Dersom det skal vera heisbygg kan dette vera opp til 1,5 m høgare. I KB2 er side 10 av 46
maks byggehøgd sett til kote +47 (u.etg. + 2 etg) Dersom det skal vera heisbygg skal dette vera i kjellar. Planframlegget opnar for eit tillate bruksareal på BB1 og BB2 på totalt 3600 m2. Føresegnene 2.1.3 legg opp til at ein skal kunne byggje utanfor byggjegrense dersom det er under terreng nivå og verandaen 2,4 meter over terreng eller er utvendig bod, dersom brannkrav er innfridd. Det går fram at TEK 4-3 som omhandlar måling av avstand mellom byggverk og nabogrense skal følgjast, men dersom nabo samtykkjer kan ein byggje veranda inntil 2 m frå eigedomsgrense. Omkringliggjande område er eit einebustadområde med romslege tomtar. Ein viktig bu kvalitet i einebustadområda er store tomtar, solfylte og skjerma hagar. To bustadblokker slik planframlegget viser vil medføra at omkringliggjande eksisterande einebustader i nord og vest misser noko av utsikta og dei næraste bustadane på sørsida vil mista noko av ettermiddagssola dei har i dag. Rådmannen meiner likevel at dei eksisterande bustadane framleis vil ha gode utsikts- og soltilhøve og at med dei endringane som no er gjort er ulempene ikkje større enn det ein kan pårekna ved fortetting i eksisterande bustadområde. Rådmannen viser m.a. til at det no er ca. 10 m mellom terrassane på blokka på BB2 og baksida av bustadhuset på 46/165 og til at blokkene er senka ytterlegare i terrenget slik at det ikkje lenger skal vera høge murar mot tilliggjande eigedomar. Topp tak på blokk BB1 er kote +50m og topp tak på BB2 er +47m. Til samanlikning er topp møne på eksisterande hus på eigedomen (som skal rivast) kote +47,15m. Rådmannen vurderer at ein evt. einebustad i området der blokka BB1 er plassert kunne vorte minst like høg som den blokka som no er foreslått. I føresegnene 2.1.7 er det sett krav om at ved søknad om tiltak skal det leggjast ved ein detaljert høgdesett utomhusplan i M = 1:200/1:500 som viser plassering av bygg med heis, vegtilkomst, parkering, opparbeiding av grønt og leikeareal, avfallshandtering, skjering, fylling, støttemurar og gjerder. Utomhusplanen skal vera godkjent av kommunen før det vert gjeve løyve til igangsetjing av tiltak/byggeløyve. Det må dokumenterast parkeringsdekning. Illustrasjonane viser flate tak. Takform er sett i føresegnene 2.1.6. Bustadane i KB1 skal ha pulttak eller flatt tak. KB2 skal ha flatt tak. Illustrasjonsplan for BB2 viser at u. etasje skal ligge 6,5 m frå grensa mot 39/67 medan 1. etasje skal ligge ca.8,8 m frå grensa. Terrassane kjem og ca.6,5 m frå grensa. I medhald av plan- og bygningslova 70 nr. 2 skal avstand frå ein bygning til nabogrense tilsvare bygningen sin halve høgde, men ikkje mindre enn 4 m. Grad av utnytting er fastsett i BRA (bruksareal). Berekningsreglane er fastsett i TEK 3-6. Bruksareal for bebyggelsen på ei tomt set ei øvre grense for det samla bruksareal for bygg og konstruksjonar, ope overbygd areal og parkeringsareal/ biloppstellingsplassar som er tillate på ei tomt. Av TEK 3-8 går det fram at dersom ein plan ikkje inneheld uttrykkelege føresegner om berekning av bruksareal under terreng, inngår bruksareal under terreng i sin heilskap i berekningsgrunnlaget. Det skal i konsentrerte bustadområde setjast av minimum 25 m2 leikeareal pr. bustadeining. Minste uteareal (MUA) for kvar bueining over 60 m 2 er min. 80 m 2. I bueiningar som er 60 m 2 og mindre, kan uteareal reduserast til 50 m 2 for kvar bueining. Private verandaer og hagar og andre stader kan takast med i utrekning av uteareal. I planområdet er sett av ca. 730 m 2 uteareal for leik og opphald og 300 m2 felles grøntareal. Rådmannen vurderar at den planlagde utnyttinga av området er høg, men at den likevel er akseptabel med dei endringane som no er gjort etter at planframlegget har vore utlagt til offentleg ettersyn. Bygningsvolumet er redusert, talet på leilegheiter er redusert med 4 og bygningane ligg lågare i terrenget og lengre frå naboeigedomane enn i det opprinnelege framlegget. Universell utforming I regjeringa sine handlingsplanar for personar med nedsett funksjonsevne er målet full deltaking og likestilling. Universell utforming er valt som strategi for å bygge ned fysiske barrierar. Prinsippa for universell utforming av bygg og utomhusareal skal leggjast vekt på. Omgrepet kan forklarast som utforming av bygningar, omgjevnader og produkt på ein slik måte at dei i så stor grad som mogleg kan brukast av alle menneske utan spesiell tilpassing. Rådmannen viser m.a. til Forskrift om krav til byggverk og produkter til byggverk, TEK. side 11 av 46
Forslagstillar skriv at dei kan få universell utforming på tomta, men at ein ikkje kan få universell utforming inn til tomta og at ein må ha bil fram til hus dersom det er rullestolbrukarar. Det går fram at bustadene i 2 etg. i BB1 skal ha universell utforming med livlaupstandard, trinnfritt inngangsparti og handikapparkering nær heis i parkeringshus jf. 2.1.4. Føresegne 1.6 set krav om at prinsippet om universell utforming skal leggjast til grunn ved opparbeiding av felles leikeområde, felles tun, felles parkering og tilkomst til bustadene. Føresegnene 2.1.10 set krav til at minimum 5 % av parkeringsplassane skal vera dimensjonert for rørslehemma. Reguleringsplanen viser at tilkomstvegen til bustadene (FV1) har stigning på opp til 14%. Krav til universell utforma vegar er maks 5 % stigning (1/20). Universell tilgjengeleg tilkomst til bustadane vert via heis. Felles leik (FL1) vert planert til kote +38,5 for å få universell utforming på arealet til leik og rekreasjon. Trafikk, tilkomst, parkering, kommunalteknikk Planområdet ligg på vestsida av Kjøtteinsvegen (fv. 65) og eigedomen 39/97 har i dag tilkomst frå Kjøtteinsvegen. Det ligg føre ein merknad frå nabo som vurderer krysset Bjellandsvegen/ Kjøtteinsvegen som trafikkfarleg. Bjellandsvegen har ei stigning på om lag 13,5 %, i krysset mot Kjøtteinsvegen er stigninga om lag 14-15 %. Både Bjellandsvegen og Kjøtteinsvegen har større stigning enn det vegnormalane set som krav. Planframlegget føreset at sjølve krysset skal gjerast litt slakkare enn i dag, men det går likevel ikkje an å endra krysset slik at det stettar vegnormalane sine krav. I tillegg er det føresett at det skal byggjast fortau langs Bjellandsvegen på denne strekninga. Dette vil gje langt tryggare tilhøve for gåande i kryssområdet. Langs Kjøtteinsvegen fv.65 er det gangveg. Langs Bjellandsvegen er det ikkje gangveg. Eksisterande avkjørsel til 39/97 mot Kjøtteinsvegen vert i framlegget sanert og det vert etablert ny avkjørsel til Bjellandsvegen som også er i tråd med gjeldande reguleringsplan. Forslagstillar hadde møte med Statens vegvesen 29.04.09. Det vart då m.a. diskutert krav til fri sikt i krysset Bjellandsvegen/Kjøtteinsvegen og nedsetjing av fartsgrensa til 40 km/t på Kjøtteinsvegen. Statens vegvesen meinte at Bjellandsvegen måtte regulerast og utvidast til ein asfaltert breidde på 5,5 m pluss fortau. Av innkomen merknad frå Statens vegvesen går det fram at dei har vurdert kryssforholda kommunalveg/fylkesveg som lite gunstig med omsyn til vertikal kurven på Bjellandsvegen og at etter som ein har registrert er det vanskar med å bygga denne tilfredstillande med omsyn til nærliggjande eigedomar. Statens vegvesen skriv at i alle høver bør vertikalkurven justerast då det er svært vanskelege kjøreforhold især vintertid. I planframlegget er Bjellandsvegen regulert til 5,5 m og det er regulert eit fortau på sørsida av Bjellandsvegen med regulert breidde 2m. Siktsona i vegkryss er regulert ut frå ein fartsgrense på Kjøtteinsvegen på 40 km/t. Regulert vegbreidde på felles avkjørsel er 4 m. I tillegg er det no lagt inn breiddeutviding i svingen nedst i vegen. Vegen skal vere tilkomst til 17 bustadeiningar og vil soleis få ein del trafikk. Vegen skal no og vera tilgjengeleg for lastebil og brannbil. Teknisk anlegg (veg, vatn, overflatevatn og spillvatn og evnt gass) skal godkjennast av Stord kommune, før det vert gjeven igangsettingsløyve jf. 2.1.8. I samband med utbygging skal det lagast eit energi- og effektbudsjett, og lagast til for alternativ energi. Alternativ energi er: biobrensel, varmepumpe, jordvarme, gassforsyning etc, jf. 2.1.9. Det skal etablerast parkeringshus i underetasje til BB2 og FL2. Føresegnene 2.1.10 set krav om at det skal vera min. 1,0 parkeringsplass for bueiningar mindre enn 60 m2, min. 1,5 parkeringsplass for bueiningar mellom 60-90 m2 og min. 2,0 parkeringsplassar for bueiningar over 90 m2. Dette er side 12 av 46
minimumskrav og skal også dekkja behov for gjesteparkering. Illustrasjon viser 26 parkeringsplassar i u.etg og 4 plassar ute. Offentleg køyreveg skal ha reguleringsbredde og kurvatur som vist i planen. Offentleg gangveg/ fortau (GV) skal vera asfaltert og skal ha 2 meter vegbredd og kurvatur som vist i planen. Stigning på gangvegen skal vera lik som Bjellandsvegen, jfr. 3.1 og 3.2. Felles veg 1 (FV1) skal vera felles for bustadane i område BB1 og BB2. Vegen skal opparbeidast med 3 meter asfaltert kjørebane og grøftekant på 0,5 m på kvar side, eller ev. mur. jf. 5.2. Felles gangveg 1 (FGV1) skal vera felles for bustadane i område BB1 og BB2. Gangvegen skal tilpassast terrenget og eksisterende kjøretilkomst, med min. 2 meter bredde. Gangvegen skal ha overflate som er fast og jamn jfr. 5.3. Felles område for leik og rekreasjon 1 (FL1) er på bakkenivå og skal vera felles for alle bustadane i planområdet. Innafor dette felles leikeområde skal min. 150 m2 vera opparbeida som sandleikeplass. Sandleikeplassen skal innehalde sandkasse, bord og benkar. Ein kan setje opp mur med gjerde i grense mot nabo. Maks høgde på mur: +38. Denne leikeplassen skal opparbeidast i første byggetrinn. jfr. 5.4. Felles grøntområde (FG1- FG2) skal vera felles for bustadane i område BB1 og BB2. Områda skal gjevast ei tiltalande utforming med tre, buskar jfr. 5.6-5.9. Reguleringsplanen set rekkjefølgjekrav i 6.1 Teknisk anlegg, felles avkjørsle, internvegar, parkering, gangvegar, leikeplassar, frisiktssoner og oppstillingsplassar for renovasjonsdunkar, skal vera ferdig opparbeida før første bustad kan takast i bruk. Energiforsyning Energikrava i forskrift om krav til byggverk og produkter til byggverk (TEK ) er revidert. Endra teknisk forskrift, TEK fastset at byggverk skal utførast slik at dei fremjar lågt energibehov. Byggverk skal lokaliserast, plasserast og/eller utformast med omsyn til energieffektivitet, avhengig av lokale tilhøve. Plassering og lokalisering av bygg må difor vurderast mot terreng/landskap, dominerande vindretning, sol og vegetasjon/lebelte. Bioenergi og varmepumper er særleg aktuelle energikjelder i Stord kommune. Det går fram av planomtalen under kap. 7 at energiforsyning er vurdert. Forslagstillar skriv at ved prosjektering av bygga vil det vera fokus på energiøkonomisering. Det går fram av planomtalen at det er planar om at SKL skal leggje gassleidning i Kjøtteinsvegen og at det av den grunn er realistisk å få naturgass til oppvarming av bustadene. I føresegnene 2.1.8 er det teke med at i samband med utbygging skal det lagast eit energi- og effektbudsjett og leggjast til rette for alternative energi. Dette er i tråd med Klima og energiplanen for Stord som set krav om at for nye byggeprosjekt over 500 m2 skal det lagast eit energi- og effektbudsjett og greiast ut bruk av alternative energikjelder. Dei nye energikrav i TEK Energikrava gjeld alle bygningar med unntak av fritidsbustader med ein brukseining under 50 m2 BRA og lafta einebustader (TEK 8-2). Biologisk mangfald, naturressursar, kulturminne- kulturmiljø Fylkeskommunen kultur- og idrettsavdelinga har i tilbakemeldinga til melding om oppstart stadfesta at det ikkje er kjende automatisk freda kulturminne innanfor planområdet. I føresegnene 1.5 er det teke inn om at dersom det i samband med gravearbeid kjem fram funn eller konstruksjonar, skal arbeidet straks stansast og fylkeskonservatoren få melding for ei nærare gransking på staden. Rådmannen kjenner ikkje til at planframlegget har konsekvensar for biologisk mangfald, naturressursar eller kulturminne-/ kulturmiljø. Barn- og unge sine interesser I rikspolitiske retningslinjer for born og planlegging (RPR) vert kommunane gjeve ansvar for å ivareta interessene til born - og unge i planlegginga. Dei rikspolitiske retningslinjene seier m.a. noko om krav til fysisk utforming av areal og anlegg som born og unge skal nytta. Areal og anlegg skal vera sikra mot forureining, støy, trafikkfare og annan helsefare. Vidare seier dei at det i nærmiljøet skal finnast areal som er store nok og eigna for leik og opphald, gjev moglegheiter for ulike typar leik på ulike årstider og som kan nyttast av ulike aldersgruppe. Areala skal også gje moglegheit for samhandling mellom born, unge og vaksne. side 13 av 46
I nytt rundskriv om Rikspolitiske retningsliner for barn og unge er omsynet til barn og unge sine interesser i planlegginga skjerpa inn. Retningslinene skal handhevast strengare og omsynet til barn og unge og deira trong for aktivitetsfremjande uteareal skal vege tyngre veg veging av ulike interesser i planlegginga enn det hittil har gjort. Det er regulert to felles leikeområde FL1 og FL2 med eit areal på til saman 730 m2. Det er planlagd 17 bustadeiningar og det vert då meir enn 25 m2 felles leikeareal pr. bustadeining slik føresegnene set krav om Føresegnene 2.1.2 seier at minste uteareal MUA for kvar bustadeining over 60 m2 er 80 m2. I bustadeiningar som er 60 m2 og mindre kan uteareal reduserast til 50 m2 for kvar bustadeining. Private verandaer og hagar kan takast med i utrekning av uteareal. Det er sett rekkefølgjekrav for opparbeiding av leikeareala i føresegnene 6.1. Det går fram av planomtalen at næraste offentlege leikeplass ligg på Gullberg om lag 600 m frå planområdet. Konsekvensar for tryggleik og beredskap St.meld 29 (1996-97), Regional planlegging og arealpolitikk seier m.a. følgjande om samfunnssikkerheit: Planleggingen må ha som formål å utforme trygge og robuste lokalsamfunn. Kommunene må derfor utarbeide oversikt over lokale risiko- og sårbarhetsforhold. Det er bare gjennom kartlegging av risikoforhold at det er mulig å ta tilstrekkelig hensyn til slike forhold i planleggingsprosesser. Krav om ROS vurderinger av ny arealbruk er gitt av Retningslinjer for fylkesmennenes bruk av innsigelse i plansaker etter plan- og bygningsloven Sikkerhets- og beredskapsmessige hensyn i den kommunale planlegginga samt tilhørende rundskriv GS-1/01 frå Direktoratet for Samfunnstrygghet og Beredskap (DSB). Planframlegget må syne til ei vurdering av alle tilhøve ved arealet/tiltaket uansett om risikoen er akseptabel. I planutomtalen kap. 7 er det gjort ein grov vurdering av risiko og sårbarheit innanfor planområdet. Det er m.a. vurdert at området ikkje har risiko for flaum eller rashendingar. Forslagstillar skriv i planomtalen at planen medfører at ein må ha ei detaljert prosjektering i høve brann. Forslagstillar skriv m.a. at det må lagast brannplan som skal vera med brannalarmsentral. Dei skriv at det skal etablerast ny brannhydrant i Bjellandsvegen då eksisterande brannhydrant er meir enn 200 m frå bustadene. Forslagstillar skriv at det er svært gode leidningssystem for ny brannhydrant. Bustadane vil liggja slik til at dei ikkje vert særleg utsette for trafikkstøy. Stord kommune målte Radon i bustader i 2000/2001. Resultatet av målingane seier at planområdet ligg i eit område med låg sannsynlegheit for forhøgde radonkonsentrasjonar i bustadene. Konklusjon: Rådmannen viser til vurderingane framfor og rår til at planframlegget vert vedteke. Med dei endringane som er gjort etter offentleg ettersyn og etter at kommunestyret utsette saka meiner rådmannen dei nye bustadane vil få gode bukvalitetar og ei utbygging slik planframlegget no legg til rette for ikkje vil medføra urimeleg store ulemper for tilgrensande eksisterande bustadområde. Rådmannen legg elles til grunn at det skal arbeidast vidare med trafikktilhøva langs Bjellandsvegen i samband med revisjon av trafikksikringsplanen. Framlegg til innstilling Kommunestyret vedtek i medhald av Plan- og bygningslova 27-2 pkt.1 reguleringsplan for Kjøtteinsvegen 121 med tilhøyrande føresegner. side 14 av 46
Arkivref: 2010/1007-13117/2010 Saksh.: Ove Kvalnes Saksframlegg Saksnr Utval Møtedato 58/10 Forvaltningsstyret 25.11.2010 78/10 Kommunestyret 16.12.2010 DETALJREGULERING FOR HUSTREDALEN MOTORSPORTANLEGG Innstilling: Kommunestyret vedtek i medhald av Plan- og bygningslova 12-12 detaljregulering for Hustredalen motorsportanlegg med tilhøyrande føresegner. Saksprotokoll i Forvaltningsstyret - 25.11.2010 Handsaming Samrøystes vedteke. side 15 av 46
Rådmannen, 01.11.2010 Vedlegg Plankart Føresegner Planomtale Oversiktskart Eksisterande og ny banetrase Bakgrunn / faktiske opplysningar Reguleringsplanen for Hustredalen vart vedteken av kommunestyret 10.09.2009. Planen regulerer m.a. eksisterande motocrossbane og planlagt utviding av denne til område for motorsport. Planen set krav om at før vidare bygnings- og anleggstiltak vert sett i verk, skal det utarbeidast utbyggingsplan etter Pbl 28-2 som viser korleis området skal byggjast ut og nyttast. Etter ny planlov er utbyggingsplan no erstatta med detaljreguleringsplan. Melding om oppstart av arbeid med detaljreguleringsplan vart kunngjort 18.03.2010. Planarbeidet er utført av Plan Vest AS på vegne av og i samarbeid med Stord kommune og Stord Motocross. Tidlegare handsaming Forvaltningsstyret vedtok i møte 02.09.2010 å leggja planframlegget ut til offentleg ettersyn. Tidsavgrensingane med omsyn til støy er teke inn i føresegnene slik forvaltningsstyret føresette i vedtaket. Planstatus Området er omfatta av reguleringsplan for Hustredalen, R- 256-00, vedteken 10.09.2009. I arealdelen til gjeldande kommuneplan 2004 2015 som vart vedteken 12.01.2006 er deler av området vist som området for idrett/motosport og deler av området som bandlagt område. I framlegg til ny kommuneplan 2010 2021 som er under arbeid vil den vedtekne reguleringsplanen verta lagt til grunn. Omtale av planområdet Stord Motocrossklubb har hatt bane i området sidan 1990. Banen har vore bygd ut gradvis innanfor område som i kommuneplanen har vore avsett til føremålet. Banen er hovudanlegg for motocross i regionen og vert brukt til trening og konkurransar. Området ligg i Hustredalen ca 800 m inn frå avkøyringa frå Litlabøvegen, Fv 67. Vegen inn til området går forbi SKL sin sekundærstasjon og vidare langs Hustredalsvatnet. Området er mykje nytta til turgåing og friluftsaktivitetar. For vidare omtale av planområdet vert det vist til vedlagt planomtale. Omtale av planframlegget Hovudinnhaldet i planframlegget er plassering av traseen for motocrossbanen, knottebanen, område for serviceanlegg/klubbhus, parkeringsplass, omlegging av bekken, omlegging av skogsvegen som går gjennom området i dag, publikumssoner langs banen og viktige natur- og grøntområde som skal takast vare på. På eige kartvedlegg er både eksisterande banetrase og planlagt banetrase vist. For vidare omtale av planframlegget vert det vist til vedlagt planomtale. side 16 av 46
Innkome innspel til melding om planoppstart Det kom inn 7 innspel/ merknader til melding om oppstart. Desse er omtalt og kommentert i vedlagt planomtale. Innkomne merknader etter utlegging til offentleg ettersyn 1. Fylkesmannen i Hordaland, Miljøvernavdelinga, brev av 19.10.2010, meiner planframlegget er i tråd med nasjonale føringar for arealforvaltning men har likevel nokre merknader. Dei peikar på at grøntstruktur har som føremål å ta vare på vegetasjonsprega område innanfor eit byggeområde, spesielt i tilknyting til by eller tettstad, og meiner at kommunen bør vurdera om det kan vera ei betre løysing å nytta LNF-føremålet på enkelte av områda som i planframlegget er avsett til grøntstruktur. Vidare rår dei til at det vert teke inn føringar i føresegnene som sikrar at kryssingar av bekken vert utforma slik at den naturlege botnsubstraten vert ivareteken og ikkje slik at det fungerer som vandringshinder for fisk. Kryssing av bekken meiner dei må skje med bru eller kulvert der botn i kulverten ligg i same høgda som bekkeløpet. Til slutt peikar dei på at det er viktig at det er kontroll på avløp og overvatn for å hindra uheldig avrenning av olje, vaskemiddel og liknande til vassdraget nedstraums når det skal etablerast servicebygg med mellom anna depot og spylestad for syklar. Dei ber kommunen ta med dette i si vurdering ved etablering av avløpsanlegg. Kommentar: Rådmannen er samd i at dei store samanhangande områda som ligg rundt banen bør visast som LNF-område og ikkje som grøntstruktur. Dette er retta opp. Rådmannen har vidare lagt inn eit tillegg i føresegnene som skal sikra at omsynet til fisk vert ivareteke slik fylkesmannen peikar på. Etablering av avløpsanlegg må søkjast om særskilt og søknaden må visa at det er sikra at det ikkje skal skje uheldig avrenning til vassdraget. 2. SKL, brev av 06.10.2010, peikar på at store deler av motocrossbanen ligg under eller parallelt med deira tre 66 kv linjer i heile banen sin lengde. Etter forskriftene som gjaldt den gongen banen vart bygd kunne linjespenn kryssa motocrossbanar under føresetnad av at det ikkje var spesielle tilskuarplassar under linja. Forskriftene som gjeld i dag tillet ikkje kryssing/ parallell føring med slike anlegg. I dag er det krav til ein minste horisontalavstand til 66 kv linjer på 6,2 m for permanente idrettsanlegg. Dei skriv at dette likevel ikkje får tilbakeverkande kraft på alt eksisterande anlegg, men at det vil gjelda ved vesentleg utviding av anlegg. Dei peikar til slutt på at det i ein anleggsfase er viktig at det vert utøvd varsemd med arbeid i nærleiken av deira høgspent forsyningsanlegg og at kraftlaget skal ha varsel om alt arbeid innanfor ein avstand på 30 m frå anlegga deira. Kommentar: Dei tre 66 kv linene med sikringssoner er lagt inn som omsynssone/ fare på reguleringsplankartet. Utvidinga av banen ligg i hovudsak utanfor denne omsynssona. På planframlegget som har vore på høyring var deler av publikumssonene lagt inn i omsynssona for høgspentanlegget. Publikumssonene er no trekt utanfor omsynssona. Konsekvensar og risiko og sårbarheit Utviding av banen, omlegging av bekken og skogsvegen gjennom området, ny tilkomstveg, nye parkeringsplassar og område for serviceanlegg/ klubbhus er i samsvar med vedteken reguleringsplan. Utarbeidd risiko- og sårbarheitsanalyse, kap.4 i planomtalen, omtalar elveflom, grunnforhold, støy, høgspentlinjer i luft og jord som går gjennom området, bruk av kjemikaliar og ulykker i baneområdet som side 17 av 46