Halvtårsrapport for raud gruppe Vår 2017

Transkript

1 Halvtårsrapport for raud gruppe Vår 2017 Dette halvåret har me jobba mykje med fugleprosjektet vårt, som dekker dei fleste områda i rammeplanen. Legg ved alle månadsbrev frå dette halvåret, som viser til kva me har jobba med frå rammeplanen. I tillegg til arbeidet med rammeplanen har det vært fokus på overgang bhg-skule. Her har me arbeida mykje med sjølvstendiggjering og sjølvbilete, samt praktiske ting og planar knytt til overgangen. Det har vært gjennomført barnesamtalar med alle barna, og me har hatt markeringar knytt til avslutninga i barnehagen. Vaksne på gruppa: Tina Almås pedagogisk leiar Berit Nylund assistent Antall barn: 11

2 Månadsbrev for Januar Januar månad går mot slutten, og me sit igjen med mykje flotte opplevingar. Etter ein desember månad med mange ting på planen, var det godt for store og små å starte januar med blanke ark. Me hadde på førehand bestemt oss for at me ynskja å starta opp med prosjektarbeid, men at me ville ta utgangspunkt i noko som interessera barna. På ein tur i Skjepåsen fann me akkurat det! På bakken låg det ein død fugl, og denne var barna veldig interessert i. Me tok opplevinga med oss heim, snakka om det, teikna, undersøkte kva fugl me fann, og snakka om kva me trur vil skje vidare med fuglen. Interessa vaks vidare, så me har sida då blitt kjent med mange forskjellige fuglar, blant anna dompap, stjertmeis, blåmeis, stjertmeis og rødstrupe. Me les bøker om fuglar, høyrer på fuglelydar og har fantastiske filosofiske samtalar om emnet. Dette prosjektet jobbar me vidare med, så lenge interessa er der. I januar har me gjort nokre eksperiment, både små, korte eksperiment og eit langvarig. Me har hatt fellessamling om synking og flyting, der barna fekk legge forskjellige ting i eit stort kar med vatn. Me har leika med smaks- og luktesansen ved å ha bind framfor augene når me smaka og lukta på forskjellige matvarer. Dette var ei spanande oppleving, og me fekk oss nokre overraskingar. Tenk at sjokolade kan kjennas så merkelig i munnen når me ikkje veit kva det er?

3 Me har brukt den taktile sansen vår (berøringssans i huden) i varm og kaldt vatn. Me hadde ei hand i kaldt vatn, og ei i varmt vatn. Etter ei lita stund tok me begge hendene i lunka vatn. Kva skjer med hendene då? Me fekk mange gode svar frå barna, og nokon fann til og med fasiten. Den handa som var i kaldt vatn blir varm i det lunka vatnet, og den handa som var i varmt vatn blir kald i lunka vatn. Det er ganske imponerande at 5åringar klarar å setja ord på slike opplevingar. Det eksperimentet som tar lengst til held me på med enda. Me la eit halvt eple, ei halv banan og ei halv brødskive i små glass, og lukka dei. Desse står i utstillingsboksen på torget om de har lyst å følgje med saman med oss. Me studerar dei med jevne mellomrom. Kva har skjedd? Går det fortare med ein av dei enn dei andre? I slutten av januar starta me opp att med leseprosjektet som var i fjor på same tid. Alle barna har mogelegheit til å låna med seg bøker heim. Målet med leseprosjektet er å spreie leseglede og gje gode leseopplevingar for barn og vaksne saman. Det er med på å styrke språkutviklinga og auka barnet sitt ordforrådet. Leseprosjektet varar til glaset med melkekorkar er fullt. Ei lest bok gir ein melkekort i glaset. Me avsluttar med ein «korkefest»! Å lese i saman gir rom for gode samtalar. Me håpar dykk nyttar dykk av lånetilbudet, og at de opplev gode lesestunder saman med barnet dykkar.

4 I starten av månaden gjekk me tur til biblioteket. Me lånte mange kjekke fuglebøker til prosjektet vårt, i tillegg til boka om Emil i Lønneberget. På heimvegen gjekk me gjennom Landåsen og Skjepåsen, og dei 5år gamle beina til ungane fortsett med å imponere oss! Me har gått turar til Langelandskogen, stranda og Skjepåsen denne månaden. Me har kost oss med både suppe og popcorn på tur, og me har samla naturmateriale som me skal bruke til å lage namnet vårt med. Me har for fullt starta opp med språkgrupper, der me fokuserer på å ha få barn med om gangen. Me leikar me språket med rim, regler, bokstavar og ord. Me variera innhaldet etter barna sitt utgangspunkt, slik at kvart enkelt barn skal få best mulig utbytte av tida i språkgruppa. Det viktigaste me gjer er å ha leik og tryggleik som ramme for språkgruppa. Her skal me leika, prøve oss fram, og me fokusera på at me er forskjellige og at det er rom for alle. Me gjer ting etter tur, slik at alle får prøve, og det gir god øving i å vente på tur, samt det å gi rom for andre og å øve på å lytte. Me opplev god respekt, tålmodighet og toleranse mellom barna.

5 Barna har laga pannekaker. Me fulgte oppskrift, og barna målte opp, rørte saman og var med og steikte dei. Barna får kjennskap til ulike måleformar, og får erfaring med å lage mat frå bunnen av. Og tenk! Me fekk nokre dagar med snø! Dei nytta me det til fulle med å gå ut grytidlig for å ake, lage snømenn og leika. Me håpar me får meir snø denne vinteren Me takkar for ein fin månad! Helsing Berit og Tina

6 Månadsbrev for Februar Februar månad er over, og me har fått opplevd mykje forskjellig. Me starta månaden med eit lite kunstprosjekt. Naturmateriale henta me på tur, og la til tørk. Me mala namnet vårt på eit stort lerret med dei fargane me ynskja. Nokon ville ha hjelp til å skrive bokstavane, mens andre ynskja og prøve sjølv. Etterpå fekk dei lima på det dei ville av naturmaterialet dei hadde funne. Resultatet blei 11 kjempe flotte kunstverk som heng på atelieet og konstruksjonsrommet. «Gjennom arbeidet med kunst, kultur og kreativitet skal barnehagen bidra til at barna tek i bruk fantasi, kreativ tenking og skaparglede» - Rammeplanen for innhaldet i og oppgåvene til barnehagen I starten av månaden, 6 februar, markerte me samedagen. Me hadde fellessamling der me fekk sjå dramatisering av villrein og tamrein, me song, såg flagg og fekk høyra forteljing. Heile veka fekk me fargelegge det samiske flagget, og me hadde oppe lavvoen. Den brukte me til både forteljingsstunder og til lunsj.

7 Fugleprosjektet vårt held me framleis på med, og me brukte nokre dagar på å laga vår eigen fuglemat. Me starta me at me alle fekk mala sin eigen melkekartong, før me dagen etterpå kokte opp fett og blanda inn frø. Me lukta og kjente på frøa, snakka om kva fuglane et, og hadde ei ganske så fin stund rundt bordet. Dagen etterpå hang me opp fuglematen. Nokre heng utanfor barnehagen, og nokre heng i Langelandskogen. Me merkar interessa for bokstavar veks, og at fleire veit at det ikkje er lenge til skulestart. Me opplev spente, nyfikne og interesserte barn. Det me «skuletrening» og oppgåver står me enda fast på at me ikkje ynskjer å gjere. Interessa for bokstavar ynskjer me derfor å gjera til ein leik. Me skreiv bokstavar på mange melkekorkar. Desse leikar barna med på det litle bordet på atelieet. Dei ser på bokstavane og orda som heng på veggen, og så lagar dei ord med melkekartongane. Desse melkekartongane er tilgjengelige når barna ynskjer å leike med dei. Minnar om at barnehage «biblioteket» fremdeles kan brukast, og me håpar at de nyttar de av tilbodet Me gler oss til korkefest!

8 I februar har me vaksne auka fokuset på leik, vennskap og fellesskap som gruppe. Alle treng og ynskjer nokon å leika med, og me vaksne kan væra ein inkluderande person i leiken. Ungane på rød gruppe er så store no at dei veit godt kven dei ynskjer å leike med, og kva dei vil leike. Me vaksne vil ikkje tvinge nokon til å leike saman, men me vaksne kan leike saman med dei. Me jobbar no førebyggande for at ikkje nokon skal stå aleine, og håpar de foreldre og vil snakke med barnet ditt om korleis det kan følast å ikkje ha nokon å leika med. «Eit leikefellesskap legg grunnlaget for vennskap. Å få delta i leiken og få venner er grunnlaget for at barn trivst og opplever barnehagen som noko meiningsfullt.» -Rammeplanen I 5 veker er me så heldige at me har ein 2.klasse student frå Høgskulen på Vestlandet på rød gruppe. Ho har hatt fleire samlingar med oss, der me blant anna har blitt kjent med handdokka «Rebecca». Eva Marie, studenten, tar oss med på ulike regelleikar, hu spelar gitar saman med oss, og er ein god vaksen i barnehagen.

9 Me har hatt ei magisk samlingsstund der me leste ei bok. Rommet vart forandra til landskapet i frå boka, og me lagde det magisk og stemningsfult med musikk. Samlinga var prega av spenning, magi, undring og fantasi. I lag med Mi Sun har me hatt mange kjekke leikar, og hu arrangerte ein heilt eigen leikedag saman med oss. Her fekk me læra mange nye regelleikar, og me hadde det veldig kjekt! Rødhette og ulven eventyret forsvann me inn i, og byta på kven som hadde dei ulike rollene.

10 I slutten av månaden var me heldige og blei invitert på teater på HVL (tidligare HSH). Her fekk me sjå eit teaterstykke «Tutomaten», som var laga av studentane, og det fall verkeleg i smak. Me lo, smilte, gapte og gispa. Stykket var både morosamt og spanande. Etterpå fekk me helsa på alle figurane, og me fekk sjå oss rundt og prøve instrumenta. Tusen takk til foreldre som bidrog med køyring! I veka før fastelavenssøndag måtte me sjølvsagt førebu oss litt. Me har baka bollar saman med «lyseblå», dei yngste i barnehagen. Fastelavensris har me sjølvsagt også lagt. Bjørkerisen plukka me sjølv på turdagen vår. På fredagen hadde me fellessamling der me fekk høyre meir om fastelaven og karneval, og me åt bollar med krem og syltetøy til lunsj! Takk for ein flott månad! Helsing Berit, Mi Sun, Eva Marie og Tina

11 Månadsbrev for mars Mars månad er over og me har skrudd klokka ein time fram. Våren er endeleg her! Ein innhaldsrik månad er forbi, og me har opplevd mykje kjekt. Starten av månaden har vore prega av mykje musikk, då dette er eit fokusområde studenten vår jobba med. Me har hatt fleire samlingar med musikk og handdukke, og fått laga to forskjellige instrument; Rytmeinstrument og trommeinstrument. Me har blitt kjent med gitar og althorn, og lært oss nye songar. «Personalet må skape nok rom for både vaksenleidde og barnestyrte aktivitetar og sørgje for at barna dagleg har tilgang til bøker, bilete, instrument, utstyr til å kle seg ut med og rikeleg, variert materiale og verktøy for skapande verksemd» Rammeplanen 14. Mars markerte me barnehagedagen saman med dei andre 5åringane i kommunen. Tredje klasse studentane ved HVL hadde laga eit spennande opplegg. I år var temaet boka «Pers nye klær» i tida Me las boka på førehand, samt brevet me fekk frå Per.

12 På museumet fekk me møta Per, og mange av venane hans. Me fekk karde garn, spinne ull om til garn, farge garnet, stable ved, treffe skreddaren, sjå skuespel, mate hønene til Per, handle i den gamle butikken og leike gamle tradisjonsleikar. Det heile vert avslutta med at Per fekk seg ei ny jakke, då han hadde vekse ut av kleda sine. «Gjennom arbeidet med nærmiljø og samfunn skal barnehagen bidra til at barna blir kjende med nokre historiske endringar i lokalmiljøet og samfunnet» Rammeplanen Me har starta opp med Nærmiljøprosjektet som me tar del i. Her er målet at barna si stemme skal bli høyrt, og prosjektet skal munne ut i ei utstilling på Rådhuset før sumaren. Me snakkar om kva me likar å leike, kva stadar som er kjekke og kvar me likar å gå tur. Prosjektet skal inn i den nye kommuneplanen.

13 Me har hatt nokon flotte turar saman med Gul gruppe, blant anna til Skjepåsen. Ein dag kosa me oss med kjempe gode «skattekister». Me pakka fisk og grønnsaker i folie, saman med litt smør og krydder. Etter ei stund på bålet blei dette eit velsmakande måltid. Me har og vore på fleire turar i nærmiljøet i forbindelse med nærmiljøprosjektet, samt tur til biblioteket for å finne fleire bøker til fugleprosjektet vårt. Fugleprosjektet har skutt fart. Ungane er engasjerte og nyfikne, og veldig gode utforskarar. Me har lytta til fuglelydar i boka, og kjent igjen nokre av desse ute på tur. Eit stort felles fuglebilete har me jobba med eit par veker, og resultatet blei utrulig flott. Ungane har sjølv valt materiale dei vil lima på, og ingen visste korleis resultatet ville bli før det var ferdig. Bilete bær preg av 11 forskjellige sett med kreative barnehender.

14 Mot slutten av månaden valte alle barna kvar sin fugl dei ville vera. Alt i frå Noregs minste fugl, fuglekongen, til papegøyen frå Afrika, til havørna er representert. Ungane har valt heilt fritt ut i frå eigne interesser og ynskje. Me har jobba med dei fuglane me valte, blant anna teikna dei, lest om dei, både fakta og forteljing, og høyrt på fuglelydane. Ein dag sjekka me størrelsen på alle fuglane, og samanlikna dei. Me fann store forskjellar, og fekk samstundes erfaring med centimeter som måleeining. «Gjennom arbeidet med tal, rom og form skal barnehagen bidra til at barna erfarer ulike typar storleikar, former og mål gjennom å sortere og samanlikne» Rammeplanen Helsing Berit, Mi Sun og Tina

15 Månedsbrev for April April månad suste forbi med alle dei røde fridagane midt i månaden. Me har hatt ein travel og spanande månad. I forbindelse med påske hadde me med oss ein journalist på tur i Ekornskogen. Her hadde me i utgangspunktet ein fargejakt, men så fann me så mange fine egg i skogen. Me fabulerte kring desse egga, og samstundes fekk me høyre eit lite eventyr om påskeharen. Me prøvde å farga ekte egg med rødbetar i skogen, men etter litt prøving konkluderte me med at me ikkje hadde nok rødbetar i. Kokevatnet blei først rosa, så ein flott rødfarge, men egga var fortsatt kvite når me tok dei opp frå det flotte vatnet. Under ser de bilete av nokre av dei knuse egga me fann i skogen, og kartongane me måla til fargejakta.

16 Før påskeveka laga me mykje fin påskepynt. Me sydde vår eigen påskekylling, sådde karse og laga nokon fine pyntegjenstandar. Fellessamlinga handla om høna som samla inn påskeegg for påskeharen. Barna fekk seg ein god latter når dei fekk sjå vaksne i eit flott hønekostyme. Nokre barn fekk og være høner. Me avslutta veka med ein felles påskelunsj med nybakte rundstykker, masse godt pålegg, sjølvsagt litt sjokoladekos og masse egg.

17 «Barna skal få utfolde skaparglede, undring og utforskertrang. De skal lære å ta vare på seg sjølv, hverandre og naturen. Barna skal utvikle grunnleggende kunnskaper og ferdigheter». Barnehageloven 1 Me var heldige som vart invitert til Kulturdag i regi av kulturskulen. Her fekk me oppleva to teaterstykke, song, instrumentspeling og orkesterkonsert. Me var og i lokalet til ballettdansarane, og der fekk me læra oss litt ballett. Mot slutten av månaden hadde Berit bursdag. På barnas initiativ ordna me ei lita overrasking for ho. Me klarte alle saman å halde det hemmeleg over helga, men mest imponerande lurte me Berit på sjølve dagen. Me luska oss rundt med kakebaking, kortlaging og kronepynting. Me hysja på kvarandre og oss sjølv, og passa på at Berit ikkje var rundt oss når me snakka om det. Til slutt gjømte me oss i

18 legokroken, og venta på Berit. Ho vart veldig overraska, og me var fornøyde med eigen innsats. Ein flott dag, som igjen viser kor mykje omsorg det bur i barna. Alt var deira idear, og dei ynskja dette sterkt. «Omsorg i barnehagen handlar både om relasjonen mellom personalet og barna og om omsorga barna viser kvarandre. Å gi barn sjansen til å gi og ta imot omsorg for kvarandre er grunnlaget for å utvikle sosial kompetanse og eit viktig bidrag i eit livslangt læringsperspektiv». Rammeplanen Me har starta opp med eit lite «sideprosjekt» i tillegg til fugleprosjektet me framleis jobbar med. Det nye miniprosjektet handlar om avfall, gjenbruk, resirkulering og pant. Det har dukka opp interesse for flaskepant, og

19 engasjementet for bossplukking i nærområdet er stort. Me har allereie plukka mange bæreposar med boss, og har planar om å rydde meir. Me ynskjer også og besøke ein butikk og sjå korleis panterommet ser ut, og kanskje ein tur til SIM på heiane. Mogelegheitene er uendelege, så me må berre prioritere kva me ynskjer mest Me har begynt å planleggje innslaget til sommarfesten, og ideane er mange og gode! Me har sikta oss inn mot eit lite eventyr som me skriv om til våre eigne tankar og idear, og det heile er knytt til fugleprosjektet. Me har difor begynt å lage våre eigne kostymer. Her må me klippe, sy, samanlikne, studere, hjelpe, undre, planleggje, prøve og feile. Resultatet blir utan tvil heilt fantastisk! Månaden vert runda av og avslutta med bokfest. Endelig var glaset med korkar fullt, og det betyr fest! Me hadde fellesamling der me fekk møte Fader Jakob. Han

20 veit ikkje korleis me les bok, og trengte hjelp frå oss. Etter samlinga var me ute, og det var felles grilling av pølser og fiskekaker. Alle kassane med kostymer vart tatt fram, og alle som ynskja fekk lov å kle seg ut. Musikken var på ute, og stemninga var til å ta og føle på. Ein magisk dag i barnehagen, både for liten og stor. Helsing Berit & Tina Månadsbrev for mai I starten av månaden nytta me flotte solskinnsdagar samstundes som me førebudde oss til 17. mai. Kva gjer me på 17. mai? Kvifor feirar me denne dagen? Kva er forhistoria? Me vart kjent med historia om Norge og Danmark, og dette dramatiserte me i fellessamling for heile barnehagen. På denne måten fekk me bli godt kjent med historia, samstundes som me klarte å knyta den til dagleglivet. Og ikkje minst fekk me mala flagg i ansiktet! Me laga vårt eige flagg, som me limte fast på pinnar. Flagget brukte med i toget vårt på markeringa 16.mai, og alle fekk lov og ta sitt med seg heim. Flagget tegna me med frihand, og det kreves god konsentrasjon og auge for detaljar. Det vart 11 flotte og unike flagg i raudt, kvitt og blått!

21 Den 16.mai hadde me fellessamling i barnehagen, og me fekk sjå to forskjellige bunadar. Me snakka om kvifor bunadar er forskjellige, og me dramatiserte historia om Norge og Danmark. Nasjonalsongen måtte me sjølvsagt synge, og den hadde me allereie øvd litt på i forkant. Etter fellessamlingar var me ute, der gjekk me først i tog med kornett i front, før me leika «17.mai-leikar» som sykkelløp og potetløp. Det heile runda me av med pølse og is. Til tross for regn denne dagen hadde me ein kjekk, innhaldsrik og lærerik dag. Ein heilt vanleg fredag heiv me oss i bilane, for me ville nemleg ut på fjelltur igjen! Denne gang gjekk turen til Dyvikesåto, som var ein flott tur i varierande terreng. Alma var med oss, og me byta på å gå med ho i band heilt fremst. I løpet av turen møtte me utfordringar der me måtte klatra litt, både opp og ned. Nokre gongar kom det tankar frå barna om korleis dei skulle klare og gå ned igjen same veg. Mange kjente nok på meistringskjensla denne dagen

22 Me har fått kjenna på flotte vårdagar, og nytt dei ute. Me ser at dei raude likar veldig godt å spele fotball på grusbanen, og dette vel mange omtrent kvar dag. Med våren kjem det insekt og blomster, og desse er kjekke og utforske! Me har blant anna eksperimentert litt med løvetann i vatn, og funne mange spennande blomster, makkar, biller og småkryp. Flotte dagar må og nytast i sjøkanten. Me har vore på tur til stranda på Sæbø Gard, og der koste me oss i fjæra heile dagen. Gjennom arbeidet med fagområde «Natur, miljø og teknikk» skal personalet «bruke nærmiljøet for at barna skal kunne observere og lære om dyr, fiskar, fuglar, insekt og plantar».

23 Rammeplanen s. 45 Sommarfesten nærmar seg med stormskritt, og me har brukt månaden på å førebu oss. Kostyma våre lagar me sjølv, og det har vært ein lang og spennande prosess. Kva fargar treng eg? Finn eg stoffet eg vil bruka? Korleis lagar me hetta vår? Korleis ser fuglen min ut? Me har jobba jamt og trutt med sying og maling. Ein gong i veka har me hatt songøving, og det har vakse fram eit nydeleg barnekor som skal syngja for dykk! VELKOMMEN TIL SOMMARFEST OG OVERNATTING TORSDAG 8 JUNI

24 Helsing Berit og Tina Månadsbrev for juni Juni månad går mot slutten, og det gjer også barnehageåret. Tenk, enda eit barnehageår er over, og no skal dei raude snart over på skulen. Vil minna om at alle har plass i barnehagen fram til 15 august, så me håpar at me ser ein del igjen her etter ferien. Månaden har vært travel, innhaldsrik og spanande. Me har avslutta fugleprosjektet vårt med ei flott førestilling på sommarfesten. Det var ein travel innspurt med kostyma våre, men jaggu vart dei vel ikkje utruleg flotte! Fugleprosjektet er no ferdigdokumentert, og ligg tilgjengelig på nettsida. Her kan de sjå alt me har jobba med, og dokumentet legg eit flott grunnlag for gode samtalar mellom deg og barnet ditt.

25 "Å vere saman om kulturelle opplevingar og gjere eller skape noko felles, bidreg til samhøyrsle" Rammeplan for barnehagen s. 36 I forbindelse med «vårreingjeringa» fram mot 17. mai dukka det opp ei stor interesse for panteflasker blant ein del av barna. Dette tok me med oss videre, og starta med å samle panteflasker på turane våre. Etter sommarfesten kontakta me Coop Extra, og der fekk me lov til å komme på besøk og sjå i panteautomaten. Me hadde med oss alle flaskene som me har samla, pluss nokre me fekk frå foreldre. Nokon panta, mens nokon var inne og såg på baksida. Her var det mykje spennande og store maskinar, og me fekk sjå oss rundt. Resultatet blei ein pantelapp som me bytta inn i pengar, og me fekk råd til is til alle, og ein pakke med kjeks Overnattinga i barnehagen var månadens store augeblink. Me laga våre eigne pizzaer, leika inne og ute, rigga oss til med soveposane våre, og kosa oss med film og snacks. Spenninga var til å ta og føle på, men me sovna alle mann

26 Me var også på ein oppdagingsstur til Gullberg. Me gjekk gjennom ein «jungel», og i den skogen fann mykje ramslauk. Me lukta på den, smaka og snakka om den. Nokre tok med seg litt for å ha på brødskiva. Vel framme i Gullberg leika me i klatretaua, utforska strandsona og blei kjent med område. Me fekk og lov å gå gjennom den eine gruva. Den var trong og mørk, og det var både spannande og skummelt. Me gjekk gjennom i smågrupper, slik at me varetok sikkerheita.

27 «Barn er nysgjerrige, kunnskapstørste og lærelystne. Barn kan lære gjennom alt dei opplever og erfarer på alle område.» Rammeplanen for barnehagen, s. 33. Me ynskjer å takke for eit flott år. Takk for at me fekk låne barnet dykkar i så mange år, og at me fekk tilbringe dagane saman med dei. Me har nytt kvar og ein av dagane. Takk for eit flott foreldresamarbeid, og for alle innspel. Ikkje minst ynskjer me alle lukke til på skulen. Me sender i frå oss 11 stk som har tru på seg sjølv, er kreative og omsorgsfulle, rause og sprudlande, og som

28 er klare for skulen. Me håpar de kjem innom av og til God sommar! Helsing Berit og Tina