Halvtårsrapport grøn gruppe haust 2017

Transkript

1 Halvtårsrapport grøn gruppe haust 2017 Grøn gruppe har hausten 2017 bestått av 15 barn og 4 vaksne. Pedagogisk leiar; Ragnhild Omvik Bratseth, barne og ungdomsarbeider Elisabeth.A. Olsen, Assistent Signy Maraas Moldskred og Lærling Ester Karin Hatlevik. Frå og med november flytta 3 barn over til gul gruppa, så nå er me 12 barn. Me har ei fin og kjekk barnegruppe. Nokre av barna var heilt nye i barnehagen frå hausten av, og resten av barna var to grupper som vart slått saman til ei. Me brukte august på å bli godt kjent og markere at me er blitt grøn gruppa. Det har vore mykje fin leik, og me har delt oss masse i mindre grupper. På den måten får me rom og tid til leik, vennskap og språk og spel. Kvar dag i samling snakkar/syng me om dei som er her, og ungane savne dei som ikkje er der, og me har ein runde på det. Det er godt å vite at når eg ikkje er der, kjem dei til å savne meg i barnehagen. Me har hatt førstehjelpsveka, brannvernveka og FN- veka. Og me har hatt små prosjekt som «fisk og fisketur» og «Thomas toget». Me har studert blomar og småkryp, og me har jobba med «Snakkepakken» som inneheld mange kjekke eventyr. Eventyra har me høyrt, leika, dramatisert, og nokre gonger framført i fellessamlinga. Me har hatt mykje fellesopplevingar i desember med øving i barnehagekoret, Lucia, foreldrekaffi, grautfest og juleverkstad. Me på grøn har og brukt masse tid på leik, og me har kvar dag tid til kvile og roleg leik eller lesing. Ein opplevingsrik haust. Me har fått ny Rammeplan i haust, og me har vore gjennom desse fagområda:

2 Kommunikasjon, språk og tekst Me har brukt Snakkepakken med eit nytt eventyr kvar månad. Der lærer me nye ord og omgrep. Me leikar eventyret og får øvd oss på å fortelje det sjølv i leiken. Me har og framført for gruppa og barnehagen. Dei som vågar og huskar har til og med hatt replikkar i skuespelet. Språket blomstrar og me blir stadig betre på å fortelje. Me får øvd oss i samling der den som vil får fortelje litt. Elles har me gode samtalar med ein vaksen og vennskap dannes og utvikles. Kropp, bevegelse, mat og helse Me har vore masse på tur der me har fått klatra og brukt kroppen. Me kjenner på det å klatra, og kva eg klarer. Me øver, og har støttende venner eller vaksne og tilslutt er alle oppe. Me koser oss med maten. Eg smøre sjølv det eg vil og det smaker veldig godt i godt selskap med gode venner. Treng eg hjelp får eg det av gode venner eller vaksne. Kunst, kultur og kreativitet Me har malt og brukt ulike teknikkar med maling. Alle fekk utdelt ein gaffel og maling. Gaffel? Forundringa var stor men kreativiteten blomstra. Når me då i tillegg fekk middagsris oppi malingen vart konsistensen på malingen ein heilt anna. Mange vil og bruke hendene og kjenne på malingen. Me har markert Samedagen og blitt litt kjent med at dei har eit anna språk og andre eventyr. Me har fulgt tradisjonane i norsk kultur og barnehagen og hatt masse og gleda oss til i desember. Med lucia, julepresangar og grautfest med nissen på besøk.

3 Natur, miljø og teknologi Me har vore mange turar. Ved å ha gode opplevingar i naturen byggjer ein opp relasjon til naturen og vilje til å ta vare på miljøet. Me har plukka bringebær. Det blei til og med så mykje at me kunne laga oss ei lita skål med syltetøy til skivene. Me har fått sett litt på kino, googla litt i høve prosjekt. For eksempel så har me funne Thomas toget på YouTube, og teksten til sangen på internett. Me har og brukt drill til å fiksa hyller og leikekassen. Fotoapparatet er spennande og me får prøva det innimellom. Det er mest interessant med bilete av meg sjølv. I kvilestund høyrer me på musikk frå cd og mobil. Mengde, rom og form Me har spelt spel, vore med og målt i bakegrupper. Gruppa likar seg godt på konstruksjonsrommet. Der me for eksempel opplev at tårnet raser dersom det er smalt og ustabilt. Med mange forsøk, og kanskje ein vaksen eller større barn som modell, prøver me forskjellige måtar å bygge på. Modellkitt har og vore populært denne hausten. Der får me erfaring med tredimensjonale uttrykk. Me lagar makkar og bilar og monster. Me lager mange like ballar og me har mange forskjellige størrelsar. Det er og mange tall i eventyra for eksempel 3 senger i Gullhår.

4 Etikk, religion og filosofi Gruppa er oppteken av smådyr, og me har erfart at av og til døyr insekt/dyra etter uhell eller litt røff behandling. Dette er eit fint høve til å snakke om å ta vare på alle ting, og dei små. Det er ikkje alt me vaksne kan fikse med lim og synål. Makken blir ikkje heil igjen dersom den blei flat eller mista halen. Me trena oss og på bordskikk. Det er høfleg og fint å sende fruktfatet eller smøret. Det blir kjekt for alle viss eg spør fint i staden for til dømes å skrike og forlange. Me har mange lange koselige måltid der ungane koser seg. Og dei er flinke å hjelpe kvarandre både ved måltidet og ved påkledning m.m. Nærmiljø og samfunn Me har vore på turar i nærmiljøet. Mangen turar til Rabbafossen, på stranda ved Hybelsneset og Skjepåsen. Me utvida radiusen litt etter kvart. Me har samtalar med «jobbemannane» i barnehagen og dei me møter på vegen. Me har fått sitje i gravemaskinen til «jobbemannen». Postmannen traff me fleire gongar på tur. Alle fekk post. Fleire av barna kjenner nokon som jobbar på Kværner,og me står og ser på kranen og snakkar om jobb. Me opplev å være ein del av grøn gruppe, som igjen er ein del av Trodlahaugen barnehage. Me har hatt fleire framsyningar for dei andre gruppene.

5 Me er i lag i barnehagen. Me har felles opplevingar. Me deler på leikene. Me spring i lag. Me utforskar i lag. Me dansar i lag. Me leikar i lag. Me teiknar i lag. Me spelar i lag.

6 Me klarar sjølv. Me øver oss. Me hjelper til. Me prøver nye ting. Eg klarar sjølv! Eg kan vaska meg sjølv. Eg kan smøre sjølv. Eg kan kle meg sjølv. Eg ryddar etter meg sjølv. Eg klatrar høgt. Eg smakar nye ting. Eg utforskar. Og det er alltid ein vaksen der viss eg treng hjelp.

7

8 På tur i skogen og på leikeplassen i Rabbafossen. Kor er det lurt å tenne bål. Me veit det er farlig med flammene. Gjørma er klissete og støvlane heng nesten fast. Det er glatt og me må passa på så me ikkje snublar. Pølser grilla på sjølvspikka pinnar smaker ekstra godt. «Opplevingar og erfaringar i naturen kan fremje forståing for eigenarten til naturen og barna sin vilje til å verne om naturressursane, bevare det biologiske mangfaldet og bidra til berekraftig utvikling.» Rammeplanen s.52