LANDSLAGET FOR NORSKUNDERVISNING. Årsmøte fredag 20. mars 2009

Transkript

1 LANDSLAGET FOR NORSKUNDERVISNING Årsmøte fredag 20. mars 2009 Saker: 1: Konstituering. Val av møteleiar og referentar 2: Årsmelding 3: Arbeidsprogram 4: Rekneskap 5: Kontingent 6: Budsjett : Godkjenning av revisor 8: Innkomne saker 9: Val

2 Sak 1 Konstituering. Val av møteleiar og referentar Forslag til vedtak: Årsmøtet vel Marianne Dahl til møteleiar Årsmøtet vel Marianne Bentsen og Ingrid Jacobsen til referentar Årsmøtet vel i tillegg to personar som skal underskrive årsreferatet: Sak 2 Årsmelding 1)Organisasjon 2)Medlemstal og vervekampanjar 3)Økonomi 4)Samarbeid og nettverk 5)Fagleg arbeid og etterutdanning 6)Fagpolitisk arbeid 7)Norsklæraren 8)Skriftserien/Norskbokklubben 9)Nordisk samarbeid 1) Organisasjon LNU er organisert på same måte som presentert på årsmøtet Den einaste endringa er at redaktørstillinga er auka frå 40% til 50%. Årsmøtet Styret: Leiar 4 styremedlem Skriftestyreleiar Redaktør Norsklæreren Norsklæreren Skriftstyre Redaktør Leiar 4 medlem i redaksjonsrådet 4 styremedlem Dagleg leiar i 50 % stilling Sekretær Fagbokforlaget 1 representant i Nordspråk Fellesrådet for kunstfagene i skolen (fks) 1 representant i styret

3 Styret har hatt denne samansetjinga og arbeidsdelinga i perioden : Christian Bjerke: Leiar Marianne Dahl: Styremedlem og nestleiar Marianne Bentsen: Styremedlem Hallvard Kjelen: Styremedlem Ingrid Jacobsen: Styremedlem Jan Kr. Hognestad: Vara Anne Lise Jomisko: Vara i perioden Etter at Anne Lise Jomisko trakk seg, har det bare vore ein vararepresentant i styret. Kjersti Rognes Solbu er tilsett som dagleg leiar i 50% stilling. Ho jobba frå til , då gjekk ho ut i permisjon. Berit Oksfjellelv har vore vikar frå og fram til no. Berit bur i Bleikvasslia og har difor heimekontor. Kontordagane hennar er og har vore måndag, onsdag og fredag. Det er venta at Kjersti Solbu kjem tilbake i jobb i juli/august Dei samla tilsetjingane til LNU utgjer no eit heilt årsverk (100%). LNU-styret har hatt fem møte sidan førre årsmøte i Bergen i Oslo todagars arbeidsmøte i Oslo i Oslo i Oslo LNU disponerer gratis møtelokale hjå Fagbokforlaget båe i Bergen og Oslo. To av møta i Oslo har vore haldne i lokala til Latter Aker brygge, då det ikkje har vore ledig kapasitet hjå Fagbokforlaget. Møtelokalet på Latter har òg vore gratis. Møta har stort sett same struktur, og faste postar har vore landskonferansen, økonomi, FKS, fagpolitisk arbeid, nordisk samarbeid, Norsklæraren og skriftserien. Vi har lagt inn ein intern vurdering av kvart nummer av Norsklæraren. Ein i styret har hatt eit særskilt ansvar for å vurdere det til einkvar tid siste nummeret av bladet, og det har ført til gode diskusjonar. Arbeidet med vurdering har gått på omgang i styret. Vi har òg bestemt å gå vidare med eitt møte i året som går over to dagar. Fleire har privat overnatting i Oslo, og det blir ikkje så mykje dyrare enn å dra heim same dagen. 2) Medlemstal og vervekampanjar LNU hadde i januar medlemmer. Det er ein reduksjon på 24 medlemmer sidan desember Det er slik at dei fleste utmeldingane vi får, kjem i januar månad, det er då giroen med medlemskontingenten blir utsend. I 2008 har 199 meldt seg ut og 247 har meldt seg inn. Styret har diskutert ulike vervestrategiar i året som har gått, og det vi ser er at det ikkje lenger berre held å sende ut ulike skriv og ha kampanjar. Dei gongene vi har drive oppsøkjande verksemd, har det hatt god verknad. Mellom anna har redaktøren for Norsklæraren, Astrid Kleiveland, fleire gonger vore på UiO og snakka med norskdidaktikkstudentar, og resultatet har vore oppløftande. Styret kjem til å nytte denne strategien meir i året som kjem.

4 Styret har freista å spreie vervemateriell når vi har vore på kurs og konferansar rundt om i landet. Vi har òg freista å få i gang eit nettverk av folk rundt på høgskolar og universitet som kan fungere som hjelparar til å spreie vervemateriell og anna nytt frå LNU. Dette nettverket dekkjer store delar av landet, og arbeidet vil bli vidareført i ) Økonomi Styreleiar er den i styret som har hovudoppsyn med økonomien. Resultatet av drifta i 2008 er pluss kr ,-. Årsmøtet 2008 gjekk for at LNU kunne styre mot ein minus på kr ,-. Grunnen til at vi ikkje når dette målet, er auke i sal av annonsar og auke i inntekt frå medlemsavgift. Kr ,- er resultatet etter at redaktøren har fått utbetalt ekstralønn for å kompensere for ekstraarbeid med særleg det siste nummeret av Norsklæraren, nummeret om norsk på yrkesfag. Dette var eit særs tungt nummer å få ut. LNU har etter 2008 ein eigenkapital på kr ,-. LNU mottok kr ,- i stønad over statsbudsjettet, noko som gjer det mogleg å ha ein dagleg leiar i 50% stilling. Dagleg leiar er tilsett med føresetnad om at LNU framleis får støtte over statsbudsjettet. 4) Samarbeid med andre organisasjonar og nettverk Oversikta under viser kven som representerer LNU eller arbeider opp mot/ saman med dei organisasjonane vi samarbeider med: - FKS Christian Bjerke - Nordspråk Kjersti Rognes Solbu, Hallvard Kjelen i Kjersti sin permisjon - Tidsskriftforeningen Astrid Kleiveland - Musikk i Skolen Christian Bjerke - NOLES Christian Bjerke - Utdanningsdirektoratet Christian Bjerke - Norsk forfattersentrum - NFF - Språkrådet Astrid Kleiveland og Kirsten Kalleberg LNU er medlem i FKS (Fellesrådet for kunstfag i skolen), og det er styreleiar som representerer LNU i FKS-styret, nestleiar er vara. Det er no fire organisasjonar som er med i FKS, Landslaget for drama i skolen, Landslaget for medieundervisning, Dans i skolen og LNU. Gjennom medlemskapen i FKS er LNU med på å synleggjere at norskfaget er lang meir enn eit reiskapsfag. Vi får utvida nettverket vårt og får fleire samarbeidspartnarar. FKS arbeider like mykje opp mot kulturdepartementet, og sånn sett får LNU kontaktar også der. Ny dagleg leiar i FKS er NinaVestby som arbeider mykje med å byggje nettverk og å kople folk og organisasjonar saman. Medlemsskapen i FKS gir LNU samarbeidspartnarar og kompetanse. LNU har ein representant i Nordspråk, og sommaren 2009 skal den årlege Nordspråkkonferansen haldast i Brønnøysund. Kjersti Rognes Solbu har vore LNU sin representant, i hennar permisjon er det Hallvard Kjelen som har ansvaret. Norsk tidsskriftforening er ein samarbeidsorganisasjon for politiske, allmennkulturelle og litterære tidsskrift i Noreg. LNU har gjennom redaktør Astrid Kleiveland mellom anna vore

5 med på å arrangere ein temadag på litteraturhuset i Oslo. Fleire tidsskrift-representantar heldt foredrag, og LNU fekk Jonas Bakken til å representere Norsklæraren. Han heldt eit innlegg på 45 minutt om bruk av tidsskrift i undervisninga i vgs. Musikk i skolen er ikkje med i FKS, og LNU har gjennom styreleiar oppretta kontakt og jobba saman med organisasjonen. LNU er støttespelar på konferansen Skapende læring 2009/ Syng for livet, men har ikkje vore aktivt med på å arrangere sjølve konferansen. LNU er òg, på initiativ frå Øystein Gjetne (Norsk-Nytt), med på eit bokprosjekt/nettbasert prosjekt om bruk av norske musikkvideoar i ungdomsskolen. Prosjektet er eit samarbeid mellom Musikk i skolen, Landslaget for medieundervisning og LNU. LNU er ikkje inne i dette prosjektet med pengestøtte. Gjennom styreleiar er har no òg LNU fått ein representant i NOLES-nettverket. Dette er eit nettverk for norskfaget med vekt på lese og skriveopplæring som er oppretta av Utdanningsdirektoratet. Nettverket er bygd opp av representantar frå Universitets og høgskolesektoren. LNU har inga formell rolle i nettverket, men vi blir synlege og får ut informasjon om kva vi jobbar med. Utdanningsdirektoratet skal på oppdrag frå Kunnskapsdepartementet lage rettleiing til fagplanane i LK06. Arbeidet med rettleiinga til norskplanen skal vere avslutta Ei gruppe på fire personar skal lage eksempel på lokalt læreplanarbeid. LNU er gjennom styreleiar med i gruppa. Rettleiinga skal vere nettbasert. LNU held fram med samarbeidet med Norsk forfattersentrum. I 2008 bidrog NFS i samband med forfattarinnslaga på landskonferansen til LNU. LNU har gjennom Astrid Kleiveland og Kirsten Kalleberg lagt ned eit stort arbeid for å løfte norsk sakprosa fram i skolen. Språkrådet stiller med økonomisk støtte til dette arbeidet, og representantar for språkrådet er òg med i juryen som skal kåre ein sakprosakanon for skolen. LNU har innleidd samarbeid med Norsk faglitterær forfatter og oversetterforening (NFF) i samband med kåringa av ein sakprosakanon for skolen. Vi vil halde fram dette samarbeidet i ) Fagleg arbeid og etterutdanning LNU har drive fagleg arbeid gjennom Norsklæraren, Skriftserien (Norskbokklubben), landskonferansen, nordiske kurs, konferansar og lokale kurs i vurdering i Trondheimsregionen. Norsklæraren og skriftserien med Norskbokklubben blir omtalde i punkt 7 og 8. Landskonferansen Unorsk i norsk? Språklig og kulturelt mangfold i norskfaget blei arrangert i Oslo var eit markeringsår for kulturelt mangfold i Noreg, og LNU sin landskonferanse omhandla korleis mangfoldet av elevar møter norskfaget, og kva for premiss eit fleirkulturelt samfunn set for innhaldet i norskfaget. Bidragsytarar på konferansen var Torild Steinfeld, Rita Hvistendahl, Lars A. Kulbrandstad, Elisabeth F. Solberg, Kari Tenfjord, Per T. Andersen, Knut Kjeldstadli, Per H. Uppstad, Dagrun Skjelbred, Anne Golden, Siri Lappegård, Ann Kavli og Jonas H. Khemiri. Konferansen blei åpna av styreleiar Arne Johannes Aasen. Kulturelt innslag ved rap-gruppa Minoritet 1. Konferansen hadde ca 100 deltakarar.

6 I LNU-regi har Henning Fjørtoft halde 5 kurs i vurdering for lærarar i Trondheimsregionen. Kursa har vore godt mottekne, og dei har vore god reklame for LNU. Fjørtoft deler ut vervemateriell, og han nyttar LNU-logo på power point-presentasjonen. Han har halde styret løpande orientert om arbeidet, og vi ser på dette som ei god investering for LNU. Fjørtoft har òg skrive ein artikkel i Norsklæraren om vurdering. Arbeidet med Landskonferansen 2009 har sett i gong eit omfattande arbeid med ei kåring av ein sakprosakanon for ungdomsskolen og vgs. Redaktør Astrid Kleiveland og skriftsyreleiar Kirsten Kalleberg har leia arbeidet og fått på plass ein jury som skal kåre dei beste tekstane. Denne kåringa vil etter alt å døme føre med seg eitt eller fleire bokprosjekt der NFF, Språkrådet og andre organisasjonar er med. Kleiveland og Kalleberg jobbar òg i skrivande stund med å få på plass avtalar og søkje prosjektstøtte til dette. I samband med ein temadag som Norsk tidsskriftforening hadde på Litteraturhuset i Oslo, har Jonas Bakken, i LNU-regi, halde foredrag om korleis ein kan nytte tidsskrift i undervisninga. LNU samarbeider med Øystein Gjetne, Musikk i skolen og Landslaget for medieundervisning om eit undervisningsopplegg om norske musikkvideoar for ungdomsskulen. Prosjektet ligg no litt på is, men arbeidet er venta å ta til igjen våren Styret har òg starta arbeidet med å lage ein ressursbank med idear til undervisningsopplegg på nettsidene våre. Det er tenkt at når ressursbanken er stor nok, skal alle medlemmar få eit passord, sånn at det berre er dei som har betalt medlemsavgift som får kome inn på ressursbanksidene. Det vil ta tid å lage ein slik ressursbank. LNU skal vere med å arrangere konferansen norskfaget frå vogge til disputas, ein konferanse som skal sjå på heilskapen i norskfaget i skolen. Fokuset ligg på heile det trettenårige skoleløpet og utfordringar knytta til det. Konferansen er i samarbeid med Språkrådet og Utdanningsakademiet. 6) Fagpolitisk arbeid LNU har sidan førre årsmøte levert fire høyringssvar,og styreleiar har halde innlegg i ei open høyring i KUF-komiteen. Dei fire høyringane har vore: - høyring på forslag til justert læreplan for Kunnskapsløftet læreplan i norsk. - høyring på forslag om utvida timetal på barnetrinnet Høyring: forskrift til opplæringslova: Kravet om språkleg parallellutgåve. -Høyring: forskrift til opplæringslova og privatskolelova: Vurdering Den opne høyringa i KUF-komiteen omhandla Stortingsmelding 23(2007/2008) Språk bygger broer. LNU gav her mellom anna sin stønad til eit nasjonalt senter for skriving, og at det skulle leggjast til HiST. LNU har gjennom styreleiar kome med innspel til gruppa som har jobba med stortingsmelding om ny lærarutdanning, Stortingsmelding 11 ( ). Gjennom FKS har LNU støtta eit brev til Kunnskapsdepartementet der vi har satt fokus på plassen til kunstfaga i grunnskolelærarutdanninga.

7 Landskonferansen er ein viktig del av det fagpolitiske arbeidet til LNU, i og med at organisasjonen får bestemme eit fokus på eit bestemt tema. I 2006 var temaet dei nye læreplanane. I 2007 var temaet lesing, og i 2008 var det mangfoldsåret som gjorde det naturleg å fokusere på korleis mangfoldet av elevar møter norskfaget, og av kva for premisser eit fleirkulturelt samfunn set for innhaldet i norskfaget. Det store fokuset på sakprosa og sakprosa i skolen er tema for landskonferansen 2009, og dette temaet kjem til å gje ringverknad ut i skriftserien i form av nye bøker og artiklar i norsklæraren. Vi vurderer òg å setje i gong med kurs i bruk av sakprosa i skolen for lærarar. Utdanningsdirektoratet skal på oppdrag frå Kunnskapsdepartementet lage rettleiing til fagplanane i LK06, LNU er gjennom styreleiar Christian Bjerke med i gruppa. Arbeidet med rettleiinga til norskplanen skal vere avslutta LNU har kontakt med ulike folk i KUF-komiteen, Utdanningsdirektoratet og Kunnskapsdepartementet, og har framleis som eit hovudmål å få til ei politisk og heilskapleg satsing på norskfaget. 7) Norsklæraren Norsklæraren har vore gjennom ei omfattande omlegging dei to-tre siste åra, og står i dag fram som eit moderne og tidsriktig blad. Omlegginga gjer redaktørjobben meir omfattande, difor har styret utvida redaktørstillinga frå 40% til 50%. Norsklæraren har også i 2008 freista å formidle nytt fagstoff til LNU sine medlemmer og jobba for å halde dei informerte om politiske innspel, læreplanar, relevante kurs og aktuell faglitteratur. Fagstoffet har vore dels av teoretisk, dels av praktisk karakter. Kvart nummer har hatt eit eige tema, i tillegg til den faste emneinndelinga i litteratur, språk, didaktikk og faste spalter. Siktemålet har vore å spegle noko av det som skjer i norskfaget frå grunnskule til universitet, samt å stimulere til diskusjon om fagpolitikk og didaktikk i dei ulike norskmiljøa. Også i 2008 har Kunnskapsløftet og dei grunnleggjande dugleikane stått sentralt i dette arbeidet. Den nordiske breidda er ivaretatt gjennom kontakt med morsmålstidsskrifta. Redaktøren har bestilt ein stor del av bidraga som har blitt trykt i bladet. I 2008 blei det gitt ut fire nummer. Redaktøren har, i samarbeid med redaksjonsråd, kome fram til tema for numra. Tema i 2009 har vore (0108) Kjønn, (0208) Språkleg og kulturelt mangfald i norskfaget, (0308) Wergeland og (0408) Norsk på yrkesfaga. Dei fire utgivingane har utgjort den 32. årgangen av Norsklæraren. Redaktør for utgivingane var Astrid Elisabeth Kleiveland. Inga-Hilde Breivik (Skue design) har hatt ansvaret for satsproduksjon, og Fagbokforlaget for å sende filer til trykkeri og distribusjon. Trykkeri har vore Bryne Offset. Ingrid Ugelvik, Sture Nome og Jonas Bakken har halde fram i redaksjonsrådet til Norsklæraren i året som gikk. I desember kom Ingrid Oos Hove inn som nytt medlem av redaksjonsrådet. Ho arbeider som lektor ved Rosenvilde vidaregåande skule. Samarbeidet mellom redaktør og redaksjonsråd har fungert godt, men har stort sett gått føre seg via telefon og e-post. Norsklæraren fekk i 2008 heilt ny layout og tidsskriftet skifta trykkeri. Redaktør og settar arbeidde på nyåret fram eit nytt uttrykk for bladet, med gjennomgåande fargebruk, nye fontar og fleire bilete. Bladet har òg blitt limfesta i ryggen. Redaktøren er svært nøgd med arbeidet til settar Inga-Hilde Breivik og har fått mange positive meldingar på oppgraderinga frå

8 lesarane. Samarbeidet med Fagbokforlaget om trykking og distribusjon har blitt betra, men redaktøren må følgje opp Fagbokforlaget tett for å unngå forseinkingar. I 2008 har tidsskriftet gjennomgått enda fleire av endringane som blei signaliserte med redaktørskiftet hausten Bladet satsar på å nå norsklærarar og norskfaglege i ulike miljø gjennom breidd og variasjon i stoffet. Innhaldet er ei blanding av faste spalter, korte artiklar og intervju, samt fleire lengre artiklar med vitskapleg og teoretisk tilsnitt i kvart nummer. Skribentane er dels lærarar i skulen, dels studentar, forskarar og lærarar på høgskular og universitet. LNU og Norsklærarens nettside: har i året som gjekk blitt oppdatert av redaktør og dagleg leiar. Redaktøren har hatt ansvar for å leggje ut nokre artiklar og innhaldsoversyn frå nye nummer av tidsskriftet. Redaktøren har i tillegg starta eit samarbeid med Inga-Hilde Breivik og Buy and Read, for å få lagt ut gamle nummer av Norsklæraren på nett. Målet er at desse skal bli tilgjengelege i I 2008 har det vore ei svært positiv utvikling i annonsesalet. Kjersti Rognes Solbu stod for annonsesalet dei tre første numra, medan Berit Oksfjellelv var ansvarleg for siste nummeret. Samla annonseinntekt var på kroner. Norsklæraren er framleis medlem av Den Norske Fagpresses Forening og står oppført i Fagpressekatalogens nettutgåve for Norsklæraren er òg medlem av Tidsskriftforeningen, og redaktør Astrid Elisabeth Kleiveland har vore medlem av styret i denne foreininga i Redaktøren har i 2008 presentert organisasjonen og tidsskriftet på ulike arrangement, som Aschehoug sine kurs og på førelesing for norskstudentar på Blindern. 8) Skriftserien / Norskbokklubben Skriftstyret - medlemmer og møteverksemd Samansetjinga av skriftstyret har vore uendra i perioden etter siste årsmøte i mars 2008: Eva Maagerø, Toril Opsahl, Leif Anker Andersen og Kirsten Kalleberg. Redaktør i Fagbokforlaget er Kristin Eliassen. Skriftstyret har hatt 5 møte i perioden: 27/2, 21/4, 15/9 og 12/11 i 2008 og 11/2 i 2009, alle i Oslo. Utgjevingar Vi har gjeve ut 4 bøker i skriftserien i 2008 (nummeret viser nummer i skriftserien): 171: Louise Bjar (red.): Det er språket som bestemmer! Læring og språkutvikling i grunnskolen 172: Per Henning Uppstad, Åse Kari Wagner og Sven Strömqvist: Det flerspråklige mennesket. En grunnbok om skriftspråklæring 173: Eivind Tjønneland (red.): Opplysningens tidsskrifter. Norske og danske periodiske publikasjoner på 1700-tallet 174: Per Thomas Andersen: Modernisme tverrestetiske peilinger i musikk, billedkunst og litteratur Desse fire utgjevingane har ein god breidde med omsyn til emne. Bjar si antologi dekkjer ei rekkje fagfelt, frå språkvitskap til sosiologi, alle med ein didaktisk profil, medan Uppstad, Wagner og Strömqvist si bok formidlar forsking på kva språk og fleirspråklegheit er, og

9 føreslår korleis ein kan forbetre språkopplæringa for fleirspråklege elevar i skulen. Dei to første bøkene har det til felles at dei, riktig nok i ulik grad, handlar om den fleirspråklege skulekvardagen vår, og at norske og svenske forskarar har samarbeidd om bøkene. Antologien til Tjønneland handlar om norsk tidsskrift- og sakprosahistorie på 1700-talet det ikkje tidlegare har vore skrive så mykje om, medan boka til Andersen handlar om visuell kunst, musikk og litteratur i modernisme-epoken, med vekt på tverrestetiske spørsmål. Bjar (red.): Denne boka handlar om språkutvikling på grunnskulenivå, og er dermed eit resultat av eit ønske frå vår side om å gje ut bøker for denne målgruppa innimellom. Med sine mange artiklar som dekkjer ei rekkje fagfelt, viser redaktøren og forfattarane den mangefasetterte oppgåva det er å forstå- og fremje språkutviklinga til barn og unge. Vi håper boka vil nå eit større publikum gjennom å komme ut i norsk språkdrakt, og at ho vil komme inn på pensumlister på lærerutdanningane, der dei nyttar den svenske utgåva no. Boka har bidrag frå både svenske og norske forskarar. Rita Hvistendal har vore fagkonsulent med omsyn til norske forhold. Uppstad, Wagner og Strömqvist: Per Henning Uppstad og Åse Kari H. Wagner arbeider på Lesesenteret ved Universitetet i Stavanger. Sven Stömqvist har hovudstillinga sin ved Universitetet i Lund, og er professor II ved Lesesenteret. Denne boka er forskingsformidling av nye funn og presenterer nye synspunkt på både kva fleirspråklegheit er, kva det vil seie «å ha eit språk» og, som ein konsekvens av desse funna, korleis språkopplæringa i skulen bør bli forandra og forbetra. Forfattarane hevdar at det er mogleg å forbetre språkopplæringa for fleirspråklege elevar, sjølv innanfor strenge økonomiske rammar (som ofte er ein realitet i skulen). Boka skal no omsetjast til svensk og bli publisert på eit svensk forlag. Tjønneland (red.): Det er ikkje publisert mykje om danske og tyske tidsskrift i opplysningstida, så Tjønnelands antologi, med bidragsytarar frå mange fagfelt og lærestader, er ei viktig utgjeving i så måte. Professor Kjell Lars Berge ved Universitetet i Oslo skriv i si melding av boka i avisa Klassekampen (2008) at forfattarane har overtydd han om at desse tekstane er heilt sentrale når ein skal forstå denne epoken i norsk og dansk historie. Med omsyn til læreplanen i norskfaget kan denne utgjevinga knytast til både litteraturhistoriedelen i Vg2, og forståinga av «det moderne prosjektet» i Vg3. Boka markerer også satsinga til LNU på sakprosa i skulen. Andersen: Modernismen er eit sentralt læreplanmål for Vg3, og no skal ein også snakke om internasjonal litteratur når ein har om denne epoken. Mange lærarar etterlyser av den grunn etterutdanningskurs om modernisme. Andersen gir i denne boka ein lettlest og fagleg sterk gjennomgang av både norsk og internasjonal kunst, der han både trekkjer store linjer og dukkar ned i ein rekke konkrete eksempel. Boka gjer ei forståing av ei epoke som ikkje er enkelt å summere. Boka er også unik ved at han handsamar musikk så grundig, noko som ikkje er vanleg i bøker med tverrestetiske perspektiv/interart. Modernisme tverrestetiske peilinger i musikk, billedkunst og litteratur er rikt illustrert. Salstal: 2008: Så langt er det Uppstad, Wagner og Strömqvist si bok som har selt mest. Andersen si bok kom sist, i desember, men vi kan alt no sjå at han har hatt eit godt førsteuttak i bokklubben, har selt bra til bokhandel, og vi reknar med at ho vil selje bra, og bli brukt som pensumbok ved universitet og høgskolar. Bjar si bok har selt tilfredsstillande, og har potensial som pensumbok ved lærarutdanningsinstitusjonar, så vi har tru på at tala vil bli bra for også denne. Tjønneland si bok er ikkje ei bok vi reknar med vil selje like mykje som dei andre tre,

10 og salstala på denne er då også dei lågaste når vi ser på dei fire 2008-utgjevingane i skriftserien. Backlist: Fleire av utgjevingane har gode salstal, til dømes Lise Iversen Kuldbrandstad: Lesing i utvikling (den reviderte utgåva er no utsett til 2009), Marianne Lillevangstu, Elise Seip Tønnessen og Marianne Dahll-Larssøn (red.): Inn i teksten ut i livet. Nøkler til leseglede og litterær kompetanse har selt bra i året som gjekk. Andre som peikar seg ut er Eli Glomnes: Skriv bedre!, Yngve Hågvar: Forstå avisa, Sture Nome og Arne Johannes Aasen (red.): Det nye norskfaget og Anne Løvland: På mange måtar. Tal på utgjevingar: Med 4 utgjevingar er målsetjinga om å gje ut mellom 5 og 7 bøker i året er ikkje nådd i Samarbeid med forlaget: Samarbeidet med vår nye redaktør har fungert utmerkt. Vi har fått ein medspelar med høg kompetanse, som engasjerer seg aktivt i alle utgjevingar, noko som bidreg til å gjere bøkene betre. Også tidsfristar og anna praktisk administrasjon fungerer betre no enn før. Når det gjeld utsjånaden på bøkene er vi svært nøgde, vi meiner at vi no har vakrare bøker enn tidlegare, noko den nye redaktøren har heile ansvaret for. Me opplever at samarbeidet med forlaget er klart forbetra på grunn av den nye redaktøren. Samsvar utgjeving/medlemsblad: Ved hjelp av godt samarbeid med redaktøren har vi i 2008 klart å halde godt samsvar mellom utsending av medlemsblad og utgjevingsdato for bøkene i skriftserien. Medlemstal: Her er det ikkje store endringar sidan sist. Å rekruttere fleire medlemmer til LNU generelt og dermed også til Norskbokklubben bør vere ein prioritet i åra som kjem. Vervekampanje: Det har vore gjennomført ein vervekampanje i år. Han har gjeve resultat, men både LNU og bokklubben burde kunne få til auka medlemstal. 9) Nordisk samarbeid Nordspråks sommarkurs i 2008 fann stad på Bornholm i Danmark august. Kurset hadde namnet "Fiktionens virkelighed", og tok føre seg biografiske og dokumentariske aspekt ved ny nordisk romankunst. Kjersti Rognes Solbu, dagleg leiar i LNU, deltok på kurset. Det årlege arbeidsmøtet for Nordspråk vart arrangert i september 2008 i Uppsala. Frå LNUstyret deltok Hallvard Kjelen. På møtet vart Nordspråks nye leiar presentert. Lis Madsen er pedagogisk konsulent i Undervisningsministeriet. Madsen overtar etter Hanne Rocholz. Finansieringsordninga for Nordspråk er no noko endra i og med at Nordisk Ministerråd tildeler pengar for tre år i gongen. Totalt ser den økonomiske situasjonen til organisasjonen ut til å bli noko dårlegare, men det er likevel semje om at dei jamt over kostbare sommerkursa, som ofte er lagde til "eksotiske" stader, skal halde fram som før. Signala frå Ministerrådet går på at kurs med språklege tema vil bli prioritert. Av dei kursa som vart planlagt i Uppsala er to allereie i hamn: -Kurset "På sporet av nordisk børnelitteratur" gjekk føre seg på Schæffergården i København januar Kurset fokuserte på tilhøvet mellom fiksjon og røyndom, og i kva grad ein kan snakke om fellesnordiske trekk i barnelitteraturen. Mellom innleiarane var Nina Goga, Jon Ewo og Per Nilsson. -Eit trilateralt kurs for dansklærarar på Færøyene, Island og Grønland februar 2009 som tok føre seg dansk som framandspråk i Vest-Norden. Sak 2 Årsmelding

11 Forslag til vedtak: Årsmøtet godkjenner årsmeldinga. Sak 3 Arbeidsprogram 1) Organisasjonen Styret vil halde fram med den strukturen det har no. 2) Medlemstal og vervekampanjar Det er viktig at vi no snur den negative trenden i medlemstal. Norsklæraren er kanskje det viktigaste andletet LNU har ut til medlemmene. Etter omlegginga som blei starta av det førre styret, framstår no Norsklæraren som eit meir moderne blad. Styret vil vurdere å få inn ein fagfellevurdert artikkel i kvart nummer. Styret har i det siste erfart at oppsøkjande verksemd gir resultat med tanke på å verve medlemmer. Særleg har redaktør Astrid Kleiveland vore aktiv i å oppsøkje studentar på norskstudium på UiO, og det kan sjå ut som at vi har verva omlag 30 studentar på 3 vitjingar. Styret vil satse meir på dette i året som kjem. I tillegg vil vi vidareføre vervekampanjen som er gjennomført i samarbeid med fagbokforlaget der det har blitt sendt ut informasjon om LNU og vervemateriell til skolar og skoleeigarar. Styret er òg i gang med å opprette eit kontaktnett rundt om på høgskolar og universitet. Det er tenkt at dette nettverket skal spreie informasjon som styret ynskjer skal nå ut til sektoren og studentane. Ei utfordring er å halde på dei medlemma som melder seg inn, og styret har tru på at Norsklæraren, nettsida med ein ressursbank for lærarar, gode konferansar og eit LNU som er meir synleg i media i etterkant av sakprosakåringa vil hjelpe til med det. Det skal òg gå ut eit brev med ei personleg helsing saman med giroen til alle nye og gamle medlem. 3) Økonomi LNU har som mål å drive i samsvar med budsjettet for Eventuell ekstra aktivitet skal ha inntekter som er like høge eller høgare enn utgiftene. For å sikre organisasjonen har styret som mål å auke inntektene gjennom å verve fleire medlemmer, men også å utvikle potensialet som ligg i annonsesal i Norsklæraren og søking om offentleg støtte. Det kan sjå ut som om at landskonferansen kjem til å gå med eit overskot, kor mykje er det ennå for tidleg å seie eksakt. Auka i stillingsprosent for redaktøren av Norsklæraren frå 40% - 50% vil seie at utgiftene til løn blir større (omlag kroner). 4) Samarbeid med andre organisasjonar og nettverk. LNU skal framleis vere med i FKS, men styret vil òg utvikle samarbeid med andre kunstfaglege organisasjonar som ikkje er med i FKS, som til dømes musikk i skolen. Desse organisasjonane er solide og kunnskapsrike og tilfører LNU kunnskap og erfaring. Nordspråk er ein viktig samarbeidspartnar for å synleggjere det nordiske perspektivet på norskfaget. Meir om Nordspråk under punkt 7 i dette arbeidsprogrammet.

12 Gjennom styreleiar har LNU no også fått ein representant i NOLES-nettverket. Dette er eit nettverk for norskfaget med vekt på lese og skriveopplæring som er oppretta av Utdanningsdirektoratet. Nettverket er bygd opp av representantar frå Universitets og høgskolesektoren. LNU har inga formell rolle i nettverket, men vi blir synlege og får ut informasjon om kva vi jobbar med. LNU held fram samarbeidet med Utdanningsdirektoratet. Utdanningsdirektoratet skal på oppdrag frå Kunnskapsdepartementet lage rettleiing til fagplanane i LK06. Arbeidet med rettleiinga til norskplanen skal vere avslutta Ei gruppe på fire personar skal lage eksempel på lokalt læreplanarbeid, LNU er gjennom styreleiar med i gruppa. Rettleiinga skal vere nettbasert. Samstundes er LNU i uformelle samtalar med Utdanningsdirektoratet om eit norskfagleg kompetansenettverk og korleis dette kan organiserast. Tanken er at eit slikt nettverk skal koordinere arbeidet til dei nasjonale sentra, men korleis eit slikt nettverk skal utformast og eventuelt kor det skal ha base, er i skrivande stund ikkje klart. LNU har innleia samarbeid med Norsk faglitterær forfatter og oversetterforening (NFF) i samband med kåringa av ein sakprosakanon for skolen. Vi vil halde fram dette samarbeidet i Norsk språkråd har vore viktig for sakprosakåringa på landskonferansen, og LNU vil halde fram samarbeidet i 2009, og skal mellom anna samarbeide med språkrådet om konferansen norskfaget frå vogge til disputas, ein konferanse som skal sjå på heilskapen i norskfaget. 5) Fagleg arbeid og etterutdanning LNU vil halde fram med å drive fagleg arbeid gjennom Norsklæraren, skriftserien (Norskbokklubben), kurs og Landskonferansen.Vi har som mål å bidra i forhold til det som trengst i skolen. Mellom anna skal LNU arrangere fleire kurs og konferansar for norsklærarar. Slike aktivitetar vil gjere det mogleg å profilere LNU på ein god måte, og kan òg bli ei kjelde til inntekter. Styret er i gong med å lage ein ressursbank på nettsida vår Dette skal vere ein bank med idear til undervisningsopplegg som medlemma kan kome inn på med eit passord. Her ligg òg artiklar og lenkjer som kan vere av interesse for norsklærarar. 6) Fagpolitisk arbeid LNU vil halde fram arbeidet med å få til ei nasjonal satsing på norskfaget som skal vere bestemt av stortinget. Vi legg framleis rapporten om framtidas norskfag til grunn, og vi vil jobbe for at enkelte av forslaga i Stortingsmelding 23 ( ) Språk bygger broer skal gjennomførast. Der føreslår Kunnskapsdepartementet mellom anna å sjå på høve til å starte eit norskfagleg kompetansenettverk som skal sjå på heilskapen i norskfaget. LNU vil jobbe aktivt for eit slikt nettverk. LNU er høyringsinstans for reformar og innstillingar frå Utdanningsdirektoratet og vil prioritere å svare på dei som er relevante for medlemmene våre. Vi svarer òg på høyringar som vi ikkje er invitert med på, om det er sånn at vi ser dei som relevante for medlemmene våre. 7) Norsklæraren

13 Ei hovudmålsetjing i 2009 er at Norsklæraren må vere eit samlingspunkt for norskfagleg interesserte på alle område og nivå. Bladet vil halde fram med å trykkje gode artiklar av høg fagleg kvalitet og søkje å spegle det som går føre seg i norskfaget på ulike nivå. Samstundes er det eit eksplisitt mål å nå fleire lesarar blant norsklærarane i ungdomsskule og vidaregåande skule. Norsklæraren vil i 2009 gi ut fire nummer. Tema for desse numra vil være (0109) Hamsun (0209) Sakprosa (0309) Det nordiske og (0409) Norskfaget og lærarutdanninga. Redaktørstillinga er frå auka til 50%. Dette er gjort for at stillingsprosenten skal samsvare meir med arbeidsmengd og ansvar. Hovudfokus for bladet vil framleis vere norskdidaktikk, norskfaget og Kunnskapsløftet, samt å få til ein nyansert og brei fagleg diskusjon om korleis norskfaget vil sjå ut i teori og praksis i framtida. Nokre viktige område vil vere det nordiske, lærarutdanninga og fokus på rammevilkåra for norsklærarar. Det er ei målsetjing å få til ein balanse mellom nynorsk og bokmål i bladet. I 2009 er det òg viktig å få til ei betre fordeling av stoff som tar opp litteraturfaglege emne og språklege emne. Det er no ei overvekt av litteraturfaglege emne og artiklar i bladet. I tillegg har LNU lagt opp til at 2009 skal bli det store sakprosaåret i norskfaget. Gjennom konferansen Rett på sak, sakprosakåring for norskfaget, temanummer om sakprosa og planar om ulike bokprosjekt i kjølvatnet av konferanse og kåring ynskjer organisasjonen å få til eit nasjonalt løft for sakprosaundervisinga. Redaktøren er, saman med Kirsten Kalleberg, ansvarleg for den store sakprosakåringa. Resultatet av denne vil bli offentleggjort på landskonferansen. Målsetjinga er å få til debatt og auka merksemd kring denne delen av faget, samt å få fram fleire og betre tekstar til bruk i undervisinga. Mykje av redaktørarbeidet med tidsskriftet og LNU vil vere prega av dette arbeidet i året som kjem. Eit anna hovudmål i 2009 er å gjere Norsklæraren til eit teljande tidskrift. Redaktøren vil vidareutvikle kontaktene med fagmiljøa på universitet og høgskular, og ynskjer å få til betre kontakt med desse. Derfor vil redaktøren besøke ulike lærestader i løpet av året. Det er ei målsetjing å få til fagfellevurdering på ein eller to artiklar i kvart nummer i Redaktør og redaksjonsråd vil dermed jobbe med å utvikle tidsskriftet til å bli det einaste fagfellevurderte og teljande tidsskriftet for norskdidaktikk. Norsklæraren held i 2009 fram med Inga-Hilde Breivik og Skue design, samt med Bryne trykkeri. Nettstaden, bør oppgraderast i året som kjem og redaktøren vil jobbe for dette. Redaktøren ser det som særs viktig å nå noverande og framtidige lesarar på nett, og vil jobbe saman med Breivik for å få lagt ut gamle årgangar på nettet. Dagleg leiar vil halde fram med annonsesalet i Målet er å få til eit om lag like godt resultat som i Redaktøren vil også i 2009 presentere organisasjonen og tidsskriftet i ulike samanhengar, mellom anna for studentar og på konferansar og kurs.

14 8) Skriftserien og norskbokklubben Vi ønskjer å setje i gang bokprosjekt på sentrale område der vi meiner at det trengst, til dømes knytt til fagutvikling, samfunnsutvikling, nye læreplanar, osb. Skriftstyret vil òg følgje med på nye større forskingsprosjekt som er relevante for norskfaget og knyte til oss forskarar som kan setje i gang bokprosjekt/utgje bøker som formidlar frå desse. Ei konsekvens av dette er at vi i neste periode vil vi følgje opp satsinga til LNU på sakprosa i skulen i 2008 og 2009 ved å arbeide for å få i gang fleire utgjevingar innanfor dette feltet. Eit anna siktemål vi har for kommande periode, er å å knyte til oss høgt kvalifiserte forfattarar like mykje som konkrete bokprosjekt. Det er viktig å få auka salstala på skriftseriebøkene ytterlegare, mellom anna gjennom å få fleire utgjevingar inn som pensumbøker. Samstundes vil vi òg bidra til nokre utgjevingar som tilhører grunnforskinga innanfor norskfaget, sjølv om desse skulle selje mindre enn det vi ønskjer fleirtalet av bøkene våre skal gjere. Det er og viktig å få fleire medlemmer i Norskbokklubben og å auke salet av backlist-bøker, mellom anna gjennom vervekampanjar og andre kampanjar.. Når det gjeld praktiske omstende ved drifta av bokklubben, ønskjer vi å forenkle rutinane mellom anna ved å gå over til elektronisk utsending av medlemsbladet. Dette er både praktisk for oss, og bra med tanke på miljøomsyn. Dette må skje over ein lengre periode, der vi er sikre på at medlemmene ønskjer dette og at vi har ein korrekt e-postdatabase. Dette vil også gje oss betre oversikt over kven medlemmene våre er. I kommande periode må vi også få på plass betre rutinar for utsending av bøker og medlemsblad til styre, skriftstyre, meldarar og andre. Vi har hatt problem med dette i denne perioden, og det er noko som ikkje fungerer optimalt per i dag. 9) Nordisk samarbeid Årets sommarkurs er lagt til Brønnøysund på Helgeland. Kurset skal ta føre seg det fantastiske i den nordiske forteljinga, og innleier såleis ei rekkje på tre sommarkurs som skal handle om ulike aspekt ved den nordiske forteljinga. Til Brønnøysund kjem mellom andre den danske forfattaren Josefine Ottesen, og Sólrún Michelsen frå Færøyene. Berit Oksfjellelv (vikar for dagleg leiar) og Hallvard Kjelen har hovudansvaret for arrangementet, som går føre seg august oktober blir det nordisk konferanse om tekst- og skrivekompetanse på Voksenåsen, og eit kurs om sms-språk er under planlegging, men her er verken dato eller stad klart i skrivande stund. - I september er det planlagt nytt arbeidsmøte på Lysebu i Oslo. Sak 3 Arbeidsprogram Forslag til vedtak: Årsmøtet godkjenner arbeidsprogrammet

15 Sak 4 Rekneskap RESULTATREKNESKAP MOT BUDSJETT FOR LNU PER 31/12/2008 INNTEKTER Regnskap Budsjett Medlemsavgift Annonseinntekter Royalty Off. og priv. Støtte Honorar kurs 0 0 Renteinntekter Litteraturkonferanseinntekter 0 0 Landskonferanseinntekter FKS-Arrangement inntekter 0 0 SUM INNTEKTER UTGIFTER Prod. Norsklæreren Honorar styreleder/skriftstyreleder Honorar daglig leder Litteraturkonferanseutgifter 0 0 Landskonferanseutgifter FKS-arrangement utgifter 0 0 Styremøter Lønn sekretær Nordisk samarbeid (Nordspråk) Revisjon Leie av kontor 0 0 Andre driftskostnader Vikarutgifter (frikjøp av styremedl.) Informasjonsarbeid mot skolene Kompetanseløftet 0 0 Redesign 0 0 Hjemmeside Deltakelse ved konferanser Pensjonssparing ansatte SUM UTGIFTER OVERSKUDD

16 Sak 4 Rekneskap Forslag til vedtak: Årsmøtet godkjenner rekneskapet Sak 5 Kontingent Forslag til vedtak: Kontingent for medlemsskap i LNU vil i 2009 vere 350 kroner for vanlege medlemmer, 175 kroner for studentar og 700 kroner for institusjonar. Sak 6 Budsjett for 2009 BUDSJETT FOR LNU 2009 INNTEKTER Rekneskap Budsjett Budsjett Medlemsavgift Annonseinntekter Royalty Off. og priv. Støtte Renteinntekter Litteraturkonferanseinntekter Landskonferanseinntekter FKS-Arrangement inntekter Overføring frå Oppsparte midlar SUM INNTEKTER UTGIFTER Prod. Norsklæraren Honorar styreleiar/skriftstyreleiar Honorar dagleg leiar

17 Litteraturkonferanseutgifter Honorar kursheldarar Landskonferanseutgifter FKS-arrangement utgifter Styremøte Lønn sekretær Nordisk samarbeid (Nordspråk) Revisjon Leie av kontor Andre driftskostnader Vikarutgifter (frikjøp av styremedl.) Informasjonsarbeid mot skulane Redesign Heimeside Marknadsføringsmateriell Deltaking ved konferanser Pensjonssparing for tilsette SUM UTGIFTER OVERSKOT Sak 6 Budsjett Forslag til vedtak Årsmøtet godkjenner budsjettet Sak 7 Godkjenning av revisor PriceWaterHouseCoopers Forslag til vedtak: Årsmøtet godkjenner revisor Sak 8: Innkomne saker

18 Sak 9: Val Innstilling frå valnemnda: Styresamansetjing: Christian Bjerke, leiar (ikkje på val) Marianne Dahl (ikkje på val) Ingrid Jakobsen (ikkje på val) Hallvard André Kjelen (attval) Marianne Bentsen (attval) Vararepresentant: Eva Frisk (ny) Jan Kristian Hognestad (ikkje på val) Ettersyn: Elisabeth Ringdal (ny) Vidar Waag Forslag til vedtak: Årsmøtet godkjenner valnemnda si innstilling. Styret føreslår desse som ny valnemnd: Arne Johannes Aasen (leiar) og Live Løveid Forslag til vedtak: Årsmøtet godkjenner styret si innstilling. Styret føreslår desse som representantar i Fellesrådet for kunstfagene i skolen: Christian Bjerke som styremedlem i FKS og Marianne Dahl som vara. Forslag til vedtak Årsmøtet godkjenner styret si innstilling til representasjon i FKS.