Referat frå møte i Internasjonalt forum

Transkript

1 Referat frå møte i Internasjonalt forum Når: Tysdag 31.januar kl.12 Stad: Foss, stort møterom Til stades: Terje Bjelle, Bjarne Gjermundstad, Kari Thorsen, Åge Wiberg Bøyum, Ane Bergersen, Erik Kyrkjebø, Gunnar Yttri, Rasmus Stokke, Sigrun Moe, Ingve Lende (ref). Saker DEL 1: Kl Fellesgrader Det er stort politisk fokus på fellesgrader. Staten ønskjer at norske høgskular og universitet samarbeider tettare med dei viktigaste handelspartnarane til Noreg. I Noreg er det eit liberalt regelverk når det gjeld fellesgrader, likevel er norske institusjonar med i få fellesgrader. KTH i Sverige er med i fleire fellesgrader åleine enn det norske institusjonar er med i til saman. Gjennomføring av fellesgrader krev mykje erfaring og vilje, og per no er det nok viktigare for HiSF å skaffa seg meir erfaring med studentutveksling på bachelornivå. Førebels er det viktigare for HiSF å bygga opp eit internasjonalt nettverk for dei nye masterane me har fått dei siste åra. Fellesgrader kan verta aktuelt for eventuelle nye mastergrader, men det ligg ikkje føre nokon planar om dette per no. Rapport og planar internasjonalisering Rapport kommentarar: Styringsparameter 3, studietilbod: ALI har nokre nordiske studentar som tek emner innan friluftsliv. Bør ikkje dette tilbodet også reknast med? Styringsparameter 4, fagleg mobilitet: HiSF må få avtalar på plass for stipendiatar som reiser ut. Er truleg ein del mørketal når det gjeld fagleg mobilitet og det trengs betre rutinar for å få registrert aktiviteten. Styringsparameter 11, attraktiv samarbeidspartnar: AIN har ein del faste samarbeidspartnarar og har gode rutinar for korleis samarbeidet føregår. Ved ALI er tilrettelegginga avhengig av enkeltindivid. Fagmiljøa har vore flinke og invitert fagpersonar til HiSF, har eit aktivt miljø på idrett og eit attraktivt laboratorie. Styringsparameter 12: Viktig å få fram nyansane i dette punktet. Ny plan kommentarar: Tiltak 4: Dei siste åra har studentorganisasjonane engasjert seg meir i arbeidet med dei internasjonale

2 studentane, men her er det truleg meir å henta. Studentorganisasjonane må stimulerast betre slik at me får utløyst dei frivillige kreftene. Bruk av ressursar HiSF brukar to årsverk for å tilby engelskspråklege emne. På nokre av emnene er det få studentar, og det er vanskeleg å få norske studentar til å velja emnene. ASF tilbyr for tida fleire studiepoeng enn det dei får tildelt av midlar og ønskjer å sjå på om nokre av emnene HiSF tilbyr kan slåast saman. Welfare in Norway og About Norway in Norway kan med fordel komprimerast. Då kan ein få frigjort ressursar og oppretta andre tilbod. Det vert sett ned ei gruppe som skal sjå på dette saman. Gunnar og Rasmus sender namn på dei som skal vera med i gruppa til Ingve. Miljøkoordinator for internasjonale studentar Ordninga med miljøkoordinator for internasjonale studentar vart diskutert. Det var semje om at stillinga må halda fram, men at det er rom for forbetring. Miljøkoordinatoren er svært viktig i oppstarten og studentane har hatt stor nytte av miljøkoordinatoren i byrjinga av semesteret Ane har fått tilbakemeldingar frå fleire av dei internasjonale studentane som tyder på at miljøkoordinator er lite synleg og ikkje fungerar slik som det var tenkt SISOF etterlyser tettare kontakt mellom miljøkoordinator, husvertane og SISOF. SISOF har nyleg tilsett ein husøkonom som også bør ha tett kontakt med miljøkoordinator. Miljøkoordinator må følgja opp studentorganisasjonane tettare. Sidan stillinga vart oppretta har studentorganisasjonane blitt flinkare til å inkludera internasjonale studentar, men her er det framleis mykje potensial som ikkje vert nytta I dag er det i stor grad opp til miljøkoordinator sjølv og dei internasjonale studentane å bestemma kva aktivitetar og arrangement som skal gjennomførast. HiSF bør ha sterkare styring her og det må utarbeidast ein plan for kva oppgåver miljøkoordinator skal ha ansvar for, kva arrangement som skal gjennomføra og eit årshjul over dei ulike aktivitetane Internasjonaliseringskonferansen i Oslo 8.-9.mars Matthias og Ingve er påmeldt. Håpar alle avdelingane stiller med ein representant Ny strategiplan frå SIU ute på høyring HiSF har ingen merknader til strategiplanene. Ingve sender tilbakemelding til SIU. Nytt frå avdelingane ALI: Arrangerte internasjonal dag 12.januar. Vellukka, har skapt større engasjement for internasjonalisering på avdelinga. Ane har vore på Nordplus nettverksmøte i Växjö. Ny søknadsrunde med søknadsfrist 1.mars, vil prøva

3 å få med baltiske land i nettverket. 11 HiSF-studentar reiser til Zambia i samband med Global Knowledge, 5 frå ASF og 6 frå ALI. AHF: Sender 7 studentar til Zambia, Åge og Eva Marie reiser ned etter påske Har to innreisande britiske studentar som tek praksisen sin her Fire studentar skal til Danmark på utveksling ASF Unni og Svanhildur reiser til Zambia i mars Treng ei avklaring om studietilbodet til neste år SISOF Prioriterar nye studentar når det gjeld hybel neste år. Skal prøva å leggja til rette for studentar som reiser på utveksling slik at dei har hybel også når dei kjem tilbake. DEL 2: Kl Opptak av kvotestudentar til studieåret Det har også i år vore vanskeleg å finna nok praksisplassar til kvotestudentane ved ASF. Må sikra oss at me ikkje tek inn fleire studentar enn det me kan finna praksisplassar til. Ingve tek opp saka med Gunnar og får ei avklaring. HiSF har fått tildelt 14 kvoteplassar for neste studieår. Kvotestudenten frå Kina er ferdig med si utdanning til sommaren slik at denne plassen også vert ledig. Forutan kvotestudentar frå Zambia vil ALI prøva å rekruttera ein kvotestudent frå Palestina. ALI: 4-5 stk. Ane reiser ned i februar AHF: 3-4 stk. Reiser ned i april ASF: 4-5 stk. Reiser ned i mars Sigrun og Ingve går gjennom den skriftlege informasjonen som vert sendt ut til kvotestudentane. Ingve skal også gjennomgå informasjonen saman med kvotestudentane som er her no for å få innspel om kva som manglar og kva som bør forbetrast.