Fjell kommune Arkiv: 7/1 Saksmappe: 2011/ /2016 Sakshandsamar: Lene Takvam Dato: SAKSDOKUMENT

Transkript

1 Fjell kommune Arkiv: 7/1 Saksmappe: 2011/ /2016 Sakshandsamar: Lene Takvam Dato: SAKSDOKUMENT Utvalsaksnr Utval Møtedato 110/16 Komité for plan og utvikling Framlegg til detaljreguleringsplan for Tveita gnr 7/21 m.fl. Ulveset. 1. gangs handsaming. Tiltakshavar: Nitor Bygg og Anleggstjenester AS Samandrag av saka: Stracon AS har på vegner av Nitor Bygg og Anleggstjenester AS utarbeidd framlegg til detaljreguleringsplan for Tveita gnr 7/21 m.fl. Ulveset (planid: ). Planområdet er 27 daa, og ligg på Tveita, sør for Uveset. Området er sett av til LNF- og LNF område med spreidd busetnad i Kommuneplanens arealdel Planen legg til rette for oppføring av 20 bustadeiningar i eine- og tomannsbustader. Det vert lagt til rette for 2 leikeplassar, grøntareal, interne gangveger og gang- og sykkelveg langs fv 205. Rådmannen tilrår at planen vert lagt ut til offentleg ettersyn, med dei endringar som går fram av saksutgreiinga. Innstilling: Komité for plan og utvikling vedtek: I medhald av plan- og bygningslova 12-10, godkjenner Komité for plan og utvikling at framlegg til detaljreguleringsplan for Tveita gnr 7/21 m.fl. Ulveset, med plankart datert , føresegner datert , og planskildring datert , vert lagt ut til offentleg ettersyn, i samsvar med dei endringane som går fram av saksutgreiinga. Straume, den Steinar Nesse Rådmann Berit Karin Rystad Plan- og utbyggingssjef

2 Handsama i Komité for plan og utvikling : Arealplanleggjar Lene Takvam orienterte om planen. Innstillinga vart samrøystes vedteken. Vedtak i Komité for plan og utvikling : Komité for plan og utvikling vedtek: I medhald av plan- og bygningslova 12-10, godkjenner Komité for plan og utvikling at framlegg til detaljreguleringsplan for Tveita gnr 7/21 m.fl. Ulveset, med plankart datert , føresegner datert , og planskildring datert , vert lagt ut til offentleg ettersyn, i samsvar med dei endringane som går fram av saksutgreiinga. Dokument vedlagt saka: A. Plankart, datert B. Føresegner, datert C. Planskildring, datert D. Illustrasjonsplan, datert E. Snitt, datert F. 3D modell, datert Saksopplysningar: Stracon AS har på vegne av Nitor Bygg og Anleggstjenester AS utarbeidd framlegg til detaljreguleringsplan for bustadfelt med 20 nye einingar på Tveita gnr 7/21 m.fl. Ulveset (planid: ). Bakgrunn for saka og planstatus Førespurnad om regulering av bustadfelt på Tveita vart første gang fremma i Førespurnaden vart godkjent av KPU og gjaldt 8 daa regulert til åtte bustadar i LNF-spreidd område. I 2013 har tiltakshavar sendt ein ny førespunad om å få utvide planområdet til 41,5 dekar og regulere til 40 bustadeiningar. KPU avslo førespurnaden. I samband med ny kommuneplan, der KPU var styringsgruppe, vart det sendt innspel om å gjere om arealformålet til bustad. Innspelet vart delvis teke til følgje då området i nord vart omgjort frå LNF til framtidig LNF- med spreidd bustadbygging. Det vart utarbeidd konsekvensutgreiing for innspel til kommuneplanen i Området inngår i si heilheit i denne utgreiinga og det vart ikkje avdekka vesentleg negative konsekvensar i høve til miljøog samfunn.

3 godkjenner KPU ny førespurnad om å regulere 20 dekar til maks 20 bueiningar i LNF/LNF-spreidd område på Tveita. Ny kommuneplan vart vedteke og område ligg som LNF, LNF- med spreidd bustadbygging og framtidig LNF-spreidd. Det vart varsla oppstart av planarbeidet i Vestnytt den Eksisterande situasjon Planområdet er 27 daa, og ligg på Tveita, ca 700m sør for Uveset skule. Det er opparbeida gang- og sykkelveg fram til skule og barnehage. Busshaldeplass ligg ca. 50m i sør frå planområdet og det er ført fram kommunalt vatn, avlaup og elektrisk kraft til området. Det ligg 2 eksisterande einebustader i planområdet, som elles er eit utmarksområde som er noko kupert med lokale variasjonar og søkk. Det er eit karakteristisk høgdedrag som går gjennom området frå nord til sør. Terrenget er stigane frå Ulvesetvatnet og inn i planområdet. Planområdet består av myr, lynghei og område med tynt vegetasjonsdekke. Planframlegg Busetnad Det er planlagt småhusbusetnad i området. Totalt 20 nye einingar er fordelt på 12 einebustader og 4 tomannsbustader. BYA er sett til 25% med eit minste uteopphaldsaral (MUA) på 250m 2 pr eining. Det er krav til 2 p-plassar pr eining inne på tomta. Planområdet skal byggjast ut i to etappar. I første etappe inngår bustadfelta BFS2, tomt 8 og 9 i BFS 3 samt BFS4-BFS6. I andre etappe inngår bustadfelt BFS1 og tomtene 12 og 14 i BFS3. Leike- og uteopphaldsareal Det skal opparbeidast 2 leikeplassar i planområdet. Den store leikeplassen, f_blk2, er felles for alle bustadene i planen og er om lag 440m 2. Leikeplassen ligg i nær tilknyting til naturområde og er omgitt av grønntstruktur f_g1. Leikeplassen f_blk2 skal opparbeidast med sitjegrupper og fleire leikeapparat, der 50 % av arealet for leik skal vere utforma universelt. Minst av 10% av leikeplassen skal såast til. Områda rundt leikeareala skal om mogleg oppretthalde sin naturlege vegetasjon. Opparbeiding av leikeplassen skal gjerast med minst mogleg terrenginngrep. Nærleikeplass, f_blk1, er 184 m 2 og plassert slik at dei nærliggande bustadar vil ha god tilgjengelegheit til leikeareala. f_blk1 skal minimum romme ei fugleredehuske og ein benk. Veg f_sv1 er tilkomstvegen inn i feltet planlagt som privat kjørevei. Vegen er planlagt etter A1- standard, etablert med 3,0 meters bredde med 0,25 meter skulder på kvar side og maksimal stigning 1:10. Det skal opparbeidast fortau med 2 m breidde frå kryssområdet og til leikeplass f_blk2 i vest. Det vert også opparbeidd gangvegar som gjev effektiv kommunikasjon til utmark og fv 201. Det vert lagt til rette for felles gjesteparkering på f_spp1-2. Kryss mot fv201 vert utbetra i samsvar med handbok N100 (V121), der gang- og sykkelveg skal trekkast 5 meter inn i kryssområdet. Vatn, avlaup og overvatn Det er utarbeidd VA-rammeplan for planområdet. Naturmangfald Det er ikkje registrert artar eller naturtypar i naturbasen eller artskart.no i planområdet. Det er heller ikkje registrert trekkvegar for vilt i området. Eit stykke vest og sør for planområdet er det registrert spelplass for orrfugl.

4 Vurdering: I kommuneplanen er området avsett til LNF, LNF- med spreidd bustadbygging og framtidig LNF- med spreidd bustadbygging. Det er i plan- og bygningslova mogleg å regulere til spreidd LNF-busetnad, og kommuneplanen gjev rom for tolking i høve til kor grensa mellom bustadfelt og spreidd busetnad går. Planframlegget tek i vare ein del av dei krav som er sett til busetnad i LNF-spreidd, t.d. uteopphaldsareal (250m 2 ) og type bygg (eine- og tomannsbustader). Det kan likevel ikkje være tvil om at planframlegget legg til rette for eit klassisk bustadfelt, der omsyn til landbruk, natur og friluftsliv ikkje er hovudformål. Planframlegget har også ei noko høgare utnytting (25%BYA) enn det som er opna for i LNFspreidd (20% BYA). Nokon av dei regulerte tomtane er også mindre enn det som er opna for i LNF-spreidd (1000m 2 ). I følgje kommuneplanen vil eventuelle reguleringsplanar innanfor LNF-spreidd ta av byggekvotene. For Midtre Fjell (Skoge, Åse, Ulveseth, Tveita, Bratten, Nordvika, Nese, Ekren og Fjell) er kvoten sett til 30 bustadeiningar. Rådmannen meiner det planlagde bustadfeltet tek ein uforholdsmessig stor del av kvota. Konsekvensen kan bli at ein avgrense høve for etablering av spreidd busetnad i bygdene, som er intensjonen med LNF-spreidd områda. Rådmannen meiner at bustadfeltet i seg sjølv legg til rette for eit godt bumiljø. Området har ei god avtrapping med terrenget, og det er sett krav til utforming og materialval som gjer at fjernverknader vert minimert. Bustadområdet har med ein ope struktur som gjer rom for mye grøntareal og det skal opparbeidast gangvegar som gjev effektiv kommunikasjon til utmark og fv 201. Generelt for planområdet Det er sett krav til mønehøgde og planeringshøgde for bustadene. Rådmannen tilrår at det vert presisert at dette er maks høgde, dvs. at busetnad det kan leggast lågare i terrenget av omsyn til terrengtilpassing. Det er 2 eksisterande einebustader i planområdet, det må lagast føresegn også for desse bustadene (t.d. %BYA og MUA). Føresegnene bør være tilsvarande det som gjeld for resten av feltet. Med bakgrunn i førespurnad der bueiningar er avgrensa til 20, samt inngrep i LNF-spreidd kvota, vil rådmannen tilrå at det vert presisert at det ikkje er høve til å etablere sekundæreiningar i feltet. Nedre del av tilkomstveg f_sv1 ligg i ein krapp sving. Rådmannen er usikker på om dette gjev ei god løysing, og vil tilrå at det vert gjort ein ny vurdering av moglegheita for å utvide vegen i dette området. Rekkefølgjekrav Det er i føresegnene sett krav til kva som skal være opparbeidd før det vert gjeve bruksløyve. Krav til opparbeiding av f_sv3 er sett til utbyggingsetappe 2 ( 3.4). Rådmannen vil tilrå at areal som berre kan opparbeidast via f_sv3 eller som skal nyttast i fase 2 av utbygginga også vert knytt til 3.4 og ikkje til etappe 1 (t.d. f_blk1 og f_sgg4 og f_sgg1). BFS2 kan i følgje 4.3 opparbeidast i etappe 1. Ettersom arealet har tilkomst via f_sv3 som skal opparbeidast i etappe 2 må enten rekkefølgjekrav eller kva etappe området skal opparbeidast i endrast. Naturmangfald Det går fram av naturmangfaldlova (nml) 7 at prinsippa i 8 til 12 skal leggast til grunn ved utøving av offentlig mynde. Vurderinga skal gå fram av vedtaket.

5 Spillplass for orrfugl ligg i god avstand til planområdet, og ettersom det allereie er busetnad som ligg nærare spillplassen, vurderer rådmannen det som sannsynleg at utbygginga ikkje vil påverke spillaktivitet i området. Rådmannen vurderer at endringane det vert lagt opp til i planen, ikkje vil føre til at særskilt verdefull natur vert råka, eller at naturmangfaldet vert påverka i vesentleg grad. Ein finn at 8 i nml om kunnskapsgrunnlaget og 9 i nml om førevar-prinsippet er i oppfylt. Med den kunnskap som finnes om naturtypar og artar i området er det ikkje grunn til å tru at tiltaket vil få konsekvensar når vurderer tiltaket opp mot 10 om økosystemtilnærming og samla belastning. Rådmannen legg til grunn at det med bakgrunn i ovannemnde ikkje er naudsynt å foreta vurderingar etter dei andre miljøprinsippa Oppsummering: Rådmannen tilrår at planen vert lagt ut til offentleg ettersyn når følgjande er retta opp/vurdert: 1. Areal som berre kan opparbeidast via f_sv3 eller som skal nyttast i fase 2 av utbygginga vert knytt til 3.4 og ikkje til 3.3 og fase 1 (t.d. f_blk1 og f_sgg4 og f_sgg1). 2. Krav til utbyggingsetappe for BFS2 må endrast slik at dette er i samsvar med rekkefølgjekrav i B1-2 må få føresegne tilsvarande resten av bustadfeltet. 4. Nedre del av tilkomstveg f_sv1 vert vurdert utvida. 5. Det vert presisert at mønehøgde og planeringshøgde i plankartet er maks høgde. 6. Det skal presiserast i føresegnene at det ikkje er høve til å etablere sekundæreiningar i feltet.