SVAR PÅ SØKNAD OM OPPSTART AV REGULERINGSPLAN NAUSTOMRÅDE PØYLA 110/329 M.FL. ALVSVÅG PLANID

Transkript

1 Vår dato: Vår referanse: Sak nr D / /2017 Vår saksbehandlar: Direkte telefonnr.: Dykkar dato: Dykkar referanse: Linda Djuvik PLANLEGG BØMLO AS Fylkesnesvegen BREMNES SVAR PÅ SØKNAD OM OPPSTART AV REGULERINGSPLAN NAUSTOMRÅDE PØYLA 110/329 M.FL. ALVSVÅG PLANID Bømlo kommune, Utval for areal og samferdsel handsama søknad om oppstart av detaljreguleringsplan for naustområde Pøyla 110/329 m.fl. Alvsvåg i møte sak PS 57/17. Utval for areal og samferdsel gjorde samrøystes slikt vedtak: 1. I samsvar med 12-3 i Plan- og bygningslova vil rådmannen rå til at gnr.110, bnr. 329 m.fl. Alvsvåg i Bømlo vert teke opp til regulering til naustføremål med tilhøyrande småbåtanlegg, kai, trafikkareal og parkeringsplassar. Forslagsstillar skal melde oppstart av planarbeidet i samsvar med Plan- og bygningslova Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS-analyse i arealplanlegging i Bømlo kommune dato gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 3. Bømlo kommune set ikkje krav om konsekvensutgreiing av reguleringsplanen jf. 3 i forskrift om konsekvensutgreiing. Saksutgreiinga ligg ved. Faktura på gebyr vert sendt Lars Mæland i eigen sending. Ber om at kopi av vedtak og saksutgreiing frå politisk møte vert sendt til alle høyringspartar i samband med oppstartsmelding. Med helsing Bømlo kommune Linda Djuvik Sakshandsamar arealplan Dette brevet er godkjent elektronisk og har derfor inga underskrift Adresse: Rådhuset, Leirdalen 1, 5430 BREMNES Telefon: Organisasjonsnr.: postmottak@bomlo.kommune.no Telefax: Bankgiro: Postgiro for skatt:

2 Side 2 av 6 Saksutgreiing til folkevalde organ Dato: Arkivref: / /2017 / 504 Saksbehandlar: Linda Djuvik linda.djuvik@bomlo.kommune.no Sak nr i møte Utval Møtedato 57/17 Utval for areal og samferdsel PRINSIPPSØKNAD FOR Å MELDE OPPSTART AV REGULERINGSPLAN NAUSTOMRÅDE PØYLA 110/329 M.FL. ALVSVÅG PLANID Rådmannen sitt framlegg til vedtak: 1. I samsvar med 12-3 i Plan- og bygningslova vil rådmannen rå til at gnr.110, bnr. 329 m.fl. Alvsvåg i Bømlo vert teke opp til regulering til naustføremål med tilhøyrande småbåtanlegg, kai, trafikkareal og parkeringsplassar. Forslagsstillar skal melde oppstart av planarbeidet i samsvar med Plan- og bygningslova Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS-analyse i arealplanlegging i Bømlo kommune dato gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. 3. Bømlo kommune set ikkje krav om konsekvensutgreiing av reguleringsplanen jf. 3 i forskrift om konsekvensutgreiing. Saksprotokoll i Utval for areal og samferdsel Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Planlegg Bømlo AS v/vidar Onarheim dato Bakgrunn for saka: I brevet av står det:

3 Side 3 av 6 På vegne av grunneigar Lars Mæland m.fl sender me med dette prinsippsøknad for oppstart av detaljregulering av ovannemnde område ved Alvsvåg i Bømlo kommune. I gjeldande kommuneplan er området i hovudsak disponert til noverande naustføremål, noverande spredt boligbebyggelse (LNF-KAN), noverande bruk og vern av sjø og vassdrag med tilhøyrande strandsone. Ein søkjer å planlegga detaljregulering av område for utbygging av naust med tilhøyrande infrastruktur samt parkeringsareal. I kommuneplanen sine føresegner vert det stilt krav til detaljregulering for område der det er plass til meir enn 4 naust i rekkje, og det er på denne bakgrunn at ein ynskjer oppstart av detaljregulering av området. Utsnitt frå kommuneplanen viser aktuelt utbyggingsområde i brunt Utbyggingsområdet området omfattar g.nr 110, b.nr 75, 94, 170, 225, 247, 256 og 329. I samråd med planavdelinga i Bømlo Kommune er det tatt med eit større område i planarbeidet for å få ein meir heilhetleg plan. Her vert det også inkluder tilførselsveg o g eksisterande bebyggelsesområde samt sjøområde som ligg mellom utbyggingsområda.

4 Side 4 av 6 Planområdet Føremålet med detaljreguleringsplanen er å planleggja for bygging av inntil 15 naust. Innanfor planområdet vert det tilrettelagt for naudsynt trafikkareal, parkering, kaiar, flytebrygger, småbåtanlegg i sjø og friområde i sjø. Planen si avgrensing mot nordaust ligg hovudsakeleg i grensa satt i kommuneplanen for naustområde, men er utanfor vika ved 110/329 justert litt ut for å få tilstrekkeleg areal for ev. brygger. Ein ser for seg å laga felles parkeringsareal på oppsida av Alvsvågsvegen. Håpar på rask og positiv handsaming av søknaden. Vurderingar: Det omsøkte området er på gnr. 110, bnr. 329 m.fl. Pøyla på Alvsvåg. Søknaden gjeld løyve til oppstart av detaljreguleringsplan for å regulere området til inntil 15 stk. nye naust. I planområdet tek ein også med tilgrensande nausteigedomar i nord og sør, samt eksisterande kommunal tilkomstveg, Alvsvågvegen. Dette er gjort med bakgrunn i ei planfagleg vurdering for å få klare føringar for område i sjø med tanke på grenser og avklaring i høve til behov for parkeringsareal, veg og ein total samla heilhet ved utbygging. Jmf. føresegner til kommuneplan som seier «Kommunen definerer plangrensene, men kan administrativt overlate dette til tiltakshavar der planavgrensing er uproblematisk». Plangrensa er difor sett av kommunen. Planområdet utgjer ca. 7,5 daa.

5 Side 5 av 6 Området er ikkje regulert tidlegare. I gjeldande kommuneplan er området vist som naust. I sjø er ein liten del av planområdet vist som bruk og vern av sjø og vassdrag med tilhøyrande strandsone. Parkeringsplassar og eksisterande tilkomstveg ligg i LNF-område for spreidd bustadbygging. Tiltaket vil såleis vera i samsvar med gjeldande kommuneplan. Sidan det er plass til meir enn 4 naust på eigedomen utløyser tiltaket krav til reguleringsplan jmf. føresegner til kommuneplan «I eksisterande naustområde skal det utarbeidast detaljplan før utbygging av område der det er plass til meir enn 4 naust i rekkje». Ein ynskjer å nytte eksisterande tilkomstveg Alvsvågvegen og regulere inn nye parkeringsplassar på vestsida av vegen. Utbyggjar må dokumentere naudsynt areal til parkeringsplassar i henhold til kommuneplan. Planen skal utarbeidast som detaljregulering jmf i plan-og bygningslova. Etter vår vurdering utløyser ikkje detaljreguleringsplanen krav om konsekvensutgreiing etter forskrift om konsekvensutgreiing 4, bokstav a-d. Kommunen har vurdert denne planen til å ikkje ha vesentleg virkning for miljø og samfunn. 1-8 i plan- og bygningslova har eit generelt forbod mot tiltak i 100-metersbeltet langs sjø og vassdrag. Forbodet gjeld så langt ikkje anna byggegrense er fastsett i kommuneplanens arealdel eller i reguleringsplan. Føresegner til kommuneplan seier dette om avstand til sjø: «For arbeid og tiltak i nye og eksisterande naustområde, samt frådeling til slike føremål, følgjer byggjegrensa langs sjø føremålsgrensa for naustområde». Det må leggjast inn byggegrense langs sjø for naustområde i reguleringsplan. Føresegner til kommuneplan seier dette om flytebryggje: «Innanfor føremålet sett av til naust kan det byggjast naust, landfast flytebryggje m/landgang, utliggar og kai. Naust og tilhøyrande kai kan ikkje byggjast lengre ut enn 3 m frå kystkonturen. Flytebryggja kjem i tillegg til dette og kan ha maks storleik på inntil 15m² og maks breidde 2,5m. Den skal ikkje hindre fri ferdsel». Føresegner til kommuneplan seier dette om utforming og estetikk: «I nye naustområde skal det etablerast felles løysingar for småbåtanlegg. I eksisterande naustområde kan det opnast for enkeltbryggjer der det ikkje er rom for felles løysingar». Dette må takast omsyn til i planarbeidet. Planavgrensing er utvida litt i høve føremålsgrensa for naustområde. Dette er gjort for å regulere inn eksisterande flytebryggjer. Omsøkt areal grensar ikkje til eksisterande vedtekne planar. Nord for planområdet ligg gjeldande reguleringsplan R-32 Delar av Alvsvåg, Mæland nordre, Mæland søre og Gilje. Sør-aust for planområdet ligg gjeldande reguleringsplan R-18 Mælandsvågen. Sør for planområdet er det pågåande planarbeid, reguleringsplan for bustadfelt Alvsvåg 110/44 m.fl. Føresegner til kommuneplan skal følgjast i planarbeidet. Rådmannen rår til at det vert gjeve løyve til oppstart av detaljreguleringsplan for dette området på Alvsvåg som omsøkt.

6 Side 6 av 6 Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige viltområder eller naturtypar i området. Kulturminne: Det er ikkje registrert kulturminne i planområdet. Beredskap- og samfunnstryggleik: Som ein del av arbeidet med detaljreguleringsplanen skal det i samsvar med sjekklistene vist i Akseptkriterium ROS-analyse i arealplanlegging i Bømlo kommune dato gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til detaljreguleringsplanen og takast omsyn til ved utbygging. Folkehelse: Vert omtala i reguleringsplanen. Oppsummering og konklusjon: I kommuneplan for Bømlo er det sett av eit område til naust, Pøyla på Alvsvåg. No har Planlegg Bømlo AS v/vidar Onarheim på vegne av Lars Mæland m.fl. søkt om løyve til å starte opp arbeidet med detaljreguleringsplan for området. Sidan området er avsett til naustføremål i kommuneplan er det ikkje trong for konsekvensutgreiing av reguleringsplan. Rådmannen finn å tilrå oppstart av arbeidet med detaljreguleringsplan for dette området.