MELAND KOMMUNE SAKSPAPIR Styre, komite, utval Møtedato Sbh. Saknr Planutvalet 24.08.05 TRH 082/05 Avgjerd av: Planutvalet Saksbeh.: Truls Hansen Ansv. JHB Arkiv: N-504 Arkivsaknr 2004002289 SØKNAD OM DISPENSASJON - DELINGSPLAN PÅ VIKEBØ - GNR 45 BNR 1,8,13 M.FL. Dokumentliste: Nr T Dok.dato Avsendar/Mottakar Tittel 1 I 30.11.04 Olav Oterholm PRIVAT FRAMLEGG TIL - GNR 45 BNR 1,8,13 M.FL. 2 I 18.04.05 Jan Iversen MERKNAD TIL PRIVAT FRAMLEGG TIL. 3 I 19.04.05 Kennet L. Johnsen PRIVAT FRAMLEGG TIL 7 I 20.04.05 Inge Åsebø PRIVAT FRAMLEGG TIL 4 I 21.04.05 Marit T. og Trygve Åsebø PRIVAT FRAMLEGG TIL 8 I 22.04.05 Ingve Fjeldstad PRIVAT FRAMLEGG TIL 5 I 24.04.05 Else-Britt S. og Helge Dalland PRIVAT FRAMLEGG TIL 6 I 24.04.05 Solveig og Kristian Dalland PRIVAT FRAMLEGG TIL 9 I 27.04.05 Olav Oterholm KUNNGJERING OG VARSLING AV OPPSTART OG SØKNAD OM DISPENSASJON FRÅ REGULERINGSPLAN GJENNOM FREMMING AV DELINGSPLAN.
10 I 28.04.05 Trygve Vikebø; Jarle Vikebø AVTALE MELLOM FELLESEIE OG OLAV OTERHOLM. 11 I 08.05.05 Inge og Torill Åsebø; Marit T. og Trygve Åsebø; Else-Britt S. og Helge MERKNADER TIL VARSEL OM OPPSTART AV. Dalland; Solveig og Kristian Dalland; Ingve Fjeldstad; Kennet L. Johnsen; Jan Iversen 12 I 19.05.05 Akuelle naboar NOTAT FRÅ NABOAR TIL PLANLAGT BUSTADFELT. 13 I 01.06.05 Dalland Helge PRIVAT FRAMLEGG TIL - VEDLEGG TIL JNR.POST 05/7011. 14 I 01.06.05 Fylkesmannen i Hordaland Miljøvernavdelinga PRIVAT FRAMLEGG TIL - FYLKESMANNEN SI ROLLE I PLANPROSESSEN. 15 U 11.08.05 Olav Oterholm VEDK. SØKNAD OM DISPENSASJON - DELINGSPLAN PÅ VIKEBØ - GNR 45 BNR 1,8,13 M.FL. 17 I 22.08.05 Olav Oterholm VS: VEDLEGG TIL SAKSPAPIRENE DELINGSPLAN PÅ VIKEBØ - GRN 45 BRN 1,8,13 M.FL. Vedlegg. Saksutgreiing: Det er søkt om dispensasjon for kravet i arealdel av kommuneplanen om reguleringsplan før utbygging av området. Søkjaren ønskjer å byggje ut eit område på Vikebø (gnr 45 bnr 97, 98,1, 7-13 og 1, 8-13) utan reguleringsplan. Som erstatning for slik plan vil han utarbeide ein delingsplan for tomter og veg. Søkjaren har parallelt med dispensasjonssøknaden igangsett varsling av oppstart av reguleringsarbeid. Det er kome inn uttale til oppstartsmeldinga frå naboar, med ulike merknader om framgangsmåte og innhald. Viser til vedlagte kopiar. Fylkesmannen vil tilrå at ein ikkje går bort i frå kravet om reguleringsplan og at heile området vert regulert samstundes.
Vurdering: Administrasjonen har gjennom innleiande samtalar med søkjaren skissert riktig framgangsmåte for å kunne byggje ut området. Ein har gjeve signal om at det må utarbeidast reguleringsplan og at planområdet må ha ei rasjonell avgrensing. Rettleiingsmateriale er utlevert, jf. Startpakke for private planframlegg. Ein har også tilrådd at kompetent plankonsulent vert nytta for å utarbeide planen. Hensikten med å stille krav til reguleringsplan i slike område er: Å sikre gode fellesløysingar for infrastruktur. Å sikre at deling av eigedomar og einskilde byggjetiltak ikkje skapar tilhøve som vanskeleggjer utbygging av området. Å sikre heilskapeleg utbygging med omsyn til t.d. estetikk, landskap, universal utforming og fellesområde, inkludert grøntområde, leikeareal og tilkomstvegar. Å sikre ei arealutnytting av området som er tilpassa overordna rammer for folketilvekst og nye bustader, samt kapasitet i skuler, barnehagar og annan sosial infrastruktur. Administrasjonen tilrår at ein held fast ved kravet om reguleringsplan for området, av følgjande grunnar: Utbygging gjennom dispensasjonar og mindre tomtedelingsplanar medfører stykkjevis og delt utbygging som kan gjere det vanskeleg å utnytte området på ein heilskapeleg måte. Dispensasjonar og delingsplanar tilfredsstiller ikkje krava til offentleg medverknad, som er ein viktig føresetnad for gjennomføring av større tiltak. Delingsplanar er ikkje juridisk bindande på same måte som reguleringsplanar, og er difor dårleg eigna som grunnlag for offentleg styring og privatrettslege tiltak. Innspela til planoppstarten illustrerer behovet for ein skikkeleg plan for området. Dispensasjonar og delingsplanar tek lite omsyn til ålmenne interesser, t.d. verknad i høve til sosial infrastruktur (skule, barnehage etc.) Administrasjonen meiner at heile området som er utlagt til byggjeområde i arealdel av kommuneplanen, bør inn i same reguleringsplan. Dette vil sikre tilstrekkjeleg offentleg medverknad og vere i tråd med intensjonane i kommuneplanen (jf. hensikten ovanfor). Planen kan så delast inn i byggjefelt, med forenkla reguleringsplan for dei områda som ikkje skal utbyggjast med det same. Forenkla reguleringsplan kan t.d. innskrenkast til reguleringsføremål, utnyttingsgrad og krav om utbyggingsplan etter pbl 28-2. Administrasjonen ser samstundes at det vert vanskeleg for einskilde utbyggjarar å utarbeide ein plan for heile området. Kommunen bør difor vurdere å ta ansvaret for eit slikt planarbeid. For å sikre ein heilskapeleg utvikling, bør ein samstundes vurdere om området bør innlemmast i same reguleringsplan som kommunen har under utarbeiding for Ryland-Vikebøområdet. Det bør lagast ei eiga sak til planutvalet med dette tema, der ein også tek opp prioritering av eit slikt arbeid. Konklusjon:
Administrasjonen viser til saksvurderinga og tilrår at Planutvalet gjev avslag på søknaden om dispensasjon. ADMINISTRASJONEN - FRAMLEGG TIL VEDTAK: Planutvalet syner til saksutgreiinga og gjev avslag på søknad om dispensasjon, jf. søknad stempla motteke 28.04.05. Grunngjeving går fram av konklusjon i saksvurderinga. Planutvalet vil så snart som råd vurdere om det skal startast opp kommunalt arbeid med reguleringsplan for heile området. Vedtaket er heimla i plan- og bygningslova 20-6. 24.08.2005 PLANUTVALET Skriv frå Olav Oterholm, dagsett 22.08.05, vart utlevert i møtet. PLU-082/05 SAMRØYSTES VEDTAK: Planutvalet syner til saksutgreiinga og gjev avslag på søknad om dispensasjon, jf. søknad stempla motteke 28.04.05. Grunngjeving går fram av konklusjon i saksvurderinga. Planutvalet vil så snart som råd vurdere om det skal startast opp kommunalt arbeid med reguleringsplan for heile området. Vedtaket er heimla i plan- og bygningslova 20-6. Rett utskrift Dato: Kopi til: Else-Britt S. og Helge Dalland Inge og Torill Åsebø Ingve Fjeldstad
Jan Iversen Kennet L. Johnsen Marit T. og Trygve Åsebø Olav Oterholm Solveig og Kristian Dalland