(Sjå dei 2 siste sidene i saka)

Transkript

1 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Kvam formannskap /01 ASGJ Kvam formannskap /02 ASGJ Kvam formannskap /02 HMAA Avgjerd av: Saksh.: Vidar Østerbø Arkiv: 585 Objekt: Jnr 120/01 Arkivsaknr FSK sak 059/02 Søknad om dispensasjon frå kommuneplan og reguleringsplan for del av Oma til deling av bustadtomt. Klage (Sjå dei 2 siste sidene i saka) Samandrag: Eigar av gnr 135 bnr 1, Nils Bruhjell, søkjer dispensasjon frå Kommuneplanen og reguleringsplan for del av Oma til frådeling av tomt til bustadføremål på Omastrand Heile det omsøkte arealet ligg som planlagd byggjeområde for industri i Kommuneplan for Kvam herad, vedteken Deler av omsøkte areal, arealet på nord-austsida av bekken/elva i området, er regulert til industriområde i reguleringsplan for del av Oma, vedteken Kvam formannskap som det faste utval for plansaker vedtok i saknr 153/01 å gje dispensasjon til omsøkte føremål. Saka vart deretter sendt på høyring. Hordaland Fylkeskommune og Fylkesmannen i Hordaland ser på arealet som eit byggjeområde jmf. vedtekne planar. Det vert opp til kommunen sjølv å fastleggja kva type byggjeområde. Pga. manglande løysing på byggjegrense og avkøyrsle til Rv 49, kan ikkje Hordaland vegkontor tilrå omsøkte deling. Rådmannen finn ikkje at det føreligg nokon særlege grunnar for å dispensera etter 7 i PBL. Den økonomiske grunngjevinga må reknast for å vera ein generell grunn som vil gjelda for fleire gardsbruk i området der Kommuneplanen gjeld. Ein dispensasjon på dette grunnlag kan skapa presedens. Rådmannen finn ikkje å kunna dispensera frå industriføremål til bustadføremål. Dette inneber ei vesentleg endring av føremål i gjeldande plan. Ynskjer Kvam formannskap likevel å gjennomføra omsøkte tiltak, tilrår rådmannen at endringa frå industri- til bustadføremål skjer som ei reguleringsendring. Dette fordi å dispensera frå industri- til bustadføremål medfører ei vesentleg endring av gjeldande plan, utan at planen og m.a. trongen for industri- og bustadareal er vurdert i ein større samanheng. Dispensasjon for omsøkte deling medfører eit redusert industriareal i Kvam Herad. Kvam formannskap som det faste utval for plansaker bør drøfta delingssaka på gnr 135 bnr 1 i ljos Side 70

2 av behovet for ledig industriareal i kommunen. Det er verdt å merka seg at ved å vedtaka ei bustadtomt som tilgrensande nabo til eit industriområde, inneber det aksept for ein ny bustad med sine rettar og krav til omgjevnadane (sjå vurderinga). Rådmannen sitt framlegg til vedtak: Kvam formannskap, som det faste utval for plansaker, avslår søknaden om dispensasjon for frådeling av tomt til bustadhus gnr 135 bnr 1, Omastrand. Heimel for avslaget er Kommuneplan for Kvam herad, vedteken og reguleringsplan for del av Oma, vedteken Kvam formannskap Fellesframlegg: Kvam formannskap, som det faste utval for plansaker, vil gje dispensasjon etter 7 i Plan og bygningslova for ein mindre vesentleg endring av reguleringsplan for industri. Det vert og gjeve dispensasjon frå kommuneplan for omsøkte tiltak. Særlege grunnar for dispensasjon er å styrkja busetnaden i ei grend. Planutvalet fann ikkje offentleg interesser som tilseier at tiltaket ikkje kan gjennomførast. Røysting: Fellesframlegget fekk 8 røyster og vart samrøystes vedteke. FSK-020/02 Vedtak: Kvam formannskap, som det faste utval for plansaker, vil gje dispensasjon etter 7 i Plan og bygningslova for ein mindre vesentleg endring av reguleringsplan for industri. Det vert og gjeve dispensasjon frå kommuneplan for omsøkte titak. Særlege grunnar for dispensasjon er å styrkja busetnaden i ei grend. Planutvalet fann ikkje offentleg interesser som tilseier at tiltaket ikkje kan gjennomførast. Vedlegg: 1. Kart over omsøkte deling på gnr 135 bnr 1, m/kommuneplankart. 2. Brev med særlege grunnar for dispensasjon, eit vedlegg til delingssøknaden datert Kvam Herad Uttale frå Hordaland Fylkeskommune, motteke Uttale frå Fylkesmannen i Hordaland, motteke Uttale frå Hordaland Vegkontor, motteke Side 71

3 Saksopplysningar: Eigar av gnr 135 bnr 1, Nils Bruhjell, søkjer dispensasjon frå Plan- og bygningslova (PBL) 7 og Kommuneplanen for frådeling av tomt til bustadhus på Omastrand Arealet utgjer om lag m². Heile arealet ligg som planlagd byggjeområde for industri i Kommuneplan for Kvam herad, vedteken Arealet på nord-austsida av bekken/elva i det omsøkte området er i reguleringsplan for del av Oma, vedteken , regulert til industriområde Omsøkte areal er ynskt som ei sjølvstendig brukseining for bustadhus. Det er vedlagd ei grunngjeving frå søkjar om dei særlege grunnane for dispensasjon. Det er ikkje motteke merknadar til delinga frå varsla naboar. Rådmannen førebudde dispensasjonssaka til politisk handsaming i Kvam formannskap som det faste utval for plansaker den Rådmannen instillte på avslag, og saka vart difor ikkje sendt på høyring før handsaminga i planutvalet. Kvam formannskap som det faste utval for plansaker vedtok i møte , Saksnr 153/01, å gje dispensasjon for å dela i frå omsøkte tomt til bustadføremål. Saka vart sendt på høyring til Hordaland Fylkeskommune, Fylkesmannen i Hordaland og Hordaland vegkontor den Vurdering: Samandrag av uttalen frå Hordaland Fylkeskommune: Området inngår i eit areal avsett til byggjeområde for industriføremål, men er søkt frådelt som bustadføremål. Dette tiltaket er ikkje i konflikt med regionale interesser eller kjende kulturminne. Samandrag av uttalen frå Fylkesmannen i Hordaland: Uttalen er generell og overlet til kommunen å avgjera saka. Pr telefon får me opplyst at frå Fylkesmannen si side er arealet allereie regulert til byggjeføremål og det vert med det opp til kommunen sjølv å avgjera om ein skal halda fast på føremålet industri eller å dispensera til føremålet bustad. Samandrag av uttalen frå Hordaland Vegkontor: Av brevet framgår det at vegkontoret ikkje har fått førelagt seg nokon byggjeavstand til riksvegen eller ein plan/skisse på korleis avkøyrsletilhøvet mot Rv 49 er tenkt løyst. På dette grunnlaget kan ikkje vegkontoret rå til at det vert gjeve dispensasjon. 8 Samla vurdering Omsøkte deling inneber søknad om dispensasjon frå industriføremål til bustadføremål. Dei særlege grunnane for dispensasjon vert grunngjeve med økonomiske tilhøve; gardsbruket må setjast i pant for å kunna føra opp eit hus nr 2 på garden. For ikkje å hefta garden med bygging av eit hus nr 2, ynskjer søkjar å dela ifrå tomta. Rådmannen finn ikkje at det føreligg nokon særlege grunnar for å dispensera etter 7 i PBL. Dette pga at den økonomiske grunngjevinga vil vera generell for fleire gardsbruk. Det er generelle grunnar som føreligg, og ikkje særlege grunnar! Ein dispensasjon på dette grunnlaget kan skapa presedens, og rådmannen finn ikkje å kunna tilrå det. Side 72

4 Frå tid til anna er det diskusjon om Kvam Herad har tilstrekkeleg areal til industriføremål. Seinast i fjor var det ledige industriområdet på Omastrand høgst aktuelt for kommunen i høve planlegging av eit industrianlegg. Kvam formannskap som det faste utval for plansaker bør drøfta delingssaka på gnr 135 bnr 1 i ljos av behovet for ledig industriareal i kommunen. Ynskjer Kvam formannskap likevel å gjennomføra ynskte tiltak, tilrår rådmannen at endringa frå industri- til bustadføremål skjer som ei reguleringsendring. Dette fordi å dispensera frå industri- til bustadføremål medfører ei vesentleg endring av gjeldande plan, utan at trongen for industri- og bustadareal er vurdert i ein større samanheng. Det er verdt å merka seg at ved å vedtaka bustadtomt som tilgrensande nabo til eit industriområde, inneber det aksept for ein ny bustad med sine rettar og krav til omgjevnadane. Dette kan innebera at industriområdet får meir begrensningar i høve t.d. trafikk, støy, etc. enn utan tilgrensande bustadar. Konfliktar kan lett oppstå i samband med industri og bustad, døme på dette kan ein finna andre stader i kommunen. NYE OPPLYSNINGAR I SAKA Statens vegvesen, Hordaland klagar på vedtak i Kvam formannskap i brev dagsett, (vedlagt) Saksutgreiing: Vegkontoret sine merknader til den generelle situasjonen i saka er: Saka er mangelfullt utgreidd Det er ein føresetnad at tilkomst til industriområde må skje innanfor reguleringsgrensenen og at område må få felles avkøyrsle Avkøyrsla må utformast i samsvar med bruken av område og trafikkemengde Skal bruken av avkøyrsla tilretteleggjast for større køyrety vil dette vere dimensjonerande for utforming av avkøyrsla Spesielt om denne saka Er klart i strid med intensjonane i rikspolitiske retningslinjer for samordna areal og transport Usamd i at saka kan handsamast som mindre vesentleg reguleringsendring Ser ikkje i høve til særlege grunnar ved søknad om dispensasjon er tilstrekkjeleg. Dei skildra momenta er av generell karakter, og kan ikkje reknast som særlege grunnar i dette tilfellet. Omsynet til 0-visjonen for trafikktryggleik krev at trafikksystem for planalgt område må vere basert på heilskap og høg prioritet for born og mjuke trafikkantar. Den omsøkte tomta er ikkje i tråd med slike krav. Vidare heiter det i klagen: Vegkontoret meiner kommunen ikkje tek omsyn til nasjonale interesser når dei dispenserer frå reguleringsplanen utan at saka er tilstrekkjeleg opplyst og formål som vedkjem trafikksituasjonen ikkje er vurdert. Vegkontoret kan ikkje godkjenne avkøyrsle får eit regulert industriområdet til å ligge utanfor området. Då vil deler av hensikten med reguleringsplan vere borte og det blir vanskeleg å vurdere bruken av avkøyrsla opp mot utnytting av området. Vi meinar det ikkje føreligg særlege grunnar for å gje dispensasjon frå reguleringsplan og kommuneplanen sin arealdel. Vi ber kommunen om å avslå søknad om bygging av bustad som omsøkt. Grunngjevinga bør vere at området må sjåast i samanheng og at reguleringsplanen må reviderast i samsvar med samfunnsmessige interesser og behov. Side 73

5 Vurdering: Det er rett, som Statens vegvesen, Hordaland, påpeikar at det her ikkje er teke stode til avkøyrsleproblemet i tidlegare utgreiing. Ved søknad om avkøyrsle til Statens Vegvesen, Hordaland, kom det fram opplysningar som viser at avkøyrsla er tenkt lagt utanom det område det er søkt frådeling for. Såleis er saka utvida og dispensasjonen som vart gjeven av det faste utval for plansaker Kvam formannskap løyser ikkje søkjar sine problem i høve til frådelinga. Planleggjing skal ivareta offentlege interesser og vere konfliktførebyggjande. Slik saka står no er har den utløyst ein konflikt mot vegstyresmaktene i høve til sikker tilgjenge til riksveg. Om heradet vurderer føremålet industri som ikkje tenleg i område, er løysinga for arealbruken her å føreta ei systematisk endring i reguleringsplanen, jfr. rullering av kommuneplanen sin arealdel for å skapa gode løysingar for samvevnaden industri, trafikk og busetnad i område. Føresetnadene som låg til grunn i formannskapet sitt vedtak er ikkje tilstades. Det vil ikkje verta gitt samtykke frå vegstyresmakta. Det vil difor vera ein naturleg konsekvens å ta klagen til fylgje. I motsett fall må ein krevja at Fylkesmannen overprøver den faglege grunngjevinga som Statens vegvesen har gjeve i denne saka. ADMINISTRASJONEN - FRAMLEGG TIL VEDTAK: Frådeling av parsellen krev samtykke frå vegstyresmakta. Slikt samtykke føreligg ikkje. Kvam formannskap, som det faste utval for plansaker, tek klagen frå Statens vegvesen, Hordaland, til følgje og avslår søknaden om dispensasjon for frådeling av tomt til bustadhus gnr 135 bnr 1, Omastrand. Heimel for avslaget er Kommuneplan for Kvam herad, vedteken og reguleringsplan for del av Oma, vedteken Side 74