Jondal kommune Sakspapir SAKSGANG Utval Møtedato Saksnr. i utval Hovudutvalet for Teknisk og Næring 31.03.2009 022/09 Saksbeh: Ole Gisle Vassel Saka vert avgjort av: Det faste utval for plansaker Arkiv: GBNR- 11/4, N-504 Arkivsaknr. 08/9 PRIVAT FORSLAG OM REGULERING Dokument i saka: Dok.nr. T Dok.dato Namn Tittel 1 I 04.01.2008 Ing. Ulvund AS SPØRSMÅL OM REGULERING - PRIVAT FORSLAG OM REGULERING 3 U 30.01.2008 Ing. Egil Ulvund AS PRIVAT FORSLAG OM REGULERING 4 I 22.04.2008 Ing. Egil Ulvund as VARSEL OM OPPSTART AV PRIVAT PLANARBEID MED REGULERINGSPLAN FOR DEL AV GNR 11, BNR 4 VIK I JONDAL KOMMUNE. 5 I 12.05.2008 K ystverket Vest VARSEL 0M OPPSTART AV PRIVAT PLANARBEID MED REGULERINGSPLAN GNR11 BNR4 VIK I HERAND- JONDAL KOMMUNE -HORDALAND 6 I 22.05.2008 Stiftelsen Bergens Sjøfartsmuseum MERKNAD TIL VARSEL OM OPPSTART AV PRIVAT PLANARBEID MED REGULERINGSPLAN FOR DEL AV GNR.11 BNR.4 VIK I HERAND, JONDAL KOMMUNE 8 I 07.03.2009 Ing. Egil Ulvund AS REGULERINGSPLAN 7 I 09.03.2009 Egil Ulvund FRAMLEGG TIL PRIVAT REGULERINGSPLAN DEL AV GBNR 11/4
Aktuelle lover, forskrifter, avtalar m.m.: Plan- og bygningslova 27-1 og 30. Arealdelen av gjeldande kommuneplan for Jondal. Framlegg til reguleringsplan Plasset Tveiten. Saksopplysningar: Jondal kommune har motteke spørsmål om privat regulering i samsvar med Plan- og bygningslova 30 frå planleggjar Ing. Egil Ulvund AS. Reguleringa gjeld del av gnr 11 bnr 4 Vik i Herand for eigarar Morten B. Aasbø og Anne Marie Eiken Aasbø. Planområdet er synt på vedlagde oversiktskart og dekkjer eit område på land og eit område i sjø på ca 16 dekar. Planarbeidet skal utførast av Ing. Egil Ulvund AS. Jondal kommune har utarbeidd framlegg til reguleringsplan for deler av Herand, planen er ikkje vedteken. Planarbeidet vart stoppa i 2005 grunna krav om arkeologiske undersøkingar. Området forslagsstillar no søkjer regulert er innanfor planområdet for denne planen. Reguleringsføremålet Hytter/camping for landarealet vert ikkje endra i høve til nemnde planframlegg. Herand Båtlag har behov for framtidig utviding av kapasiteten og treng nye sjøområde for å stetta trongen for nye båtplassar. I denne samanheng får deler av sjøområdet ved Vikeskjer nytt føremål, frå Fiske-, ferdsel- og friluftsområde i sjø til Privat småbåtanlegg, i høve til planframlegget frå 2005. Vurdering: Rådmannen ser positivt på at det vert starta arbeid med privat framlegg til reguleringsplan for deler av gnr 11 bnr 4 Vik i Herand. Prosjektet Sjømiljøet i Vik som fleire av grunneigarane i Vik i samarbeid med Herand Bygdelag er engasjert i arbeider med rehabilitering av bryggjer, naust, krambu, kyrkjebåtnaust o.a. i området. Rådmannen tilrår at desse vert kontakta for å avklare eventuelt behov for ein felles plan for eit større område av Vik både på land og i sjø. Framlegget til reguleringsplan for deler av Herand som vart stoppa i 2005 vart utarbeidd for kommunen av Ing. Egil Ulvund AS. Det er same planleggjaren som no er engasjert for å utarbeida dette nye planframlegget. For handsaming av planen vert kravd eit gebyr på kr 12.400, dette vert fakturert før 1. gongs handsaming av planframlegget. TILRÅDING FRÅ RÅDMANN: 1. Det faste utval for plansaker tilrår at det kan utarbeidast privat framlegg til reguleringsplan for del av gnr 11 bnr 4 Vik i Herand. 2. Naboar, Herand Bygdelag og andre som er involvert i prosjektet Sjømiljøet i Vik bør orienterast om planarbeidet for å kartleggja eit eventuelt behov for ein felles reguleringsplan for eit større område av Vik. 3. Oppstart av planarbeidet skal kunngjerast i samsvar med Plan- og bygningslova 30, tredje lekk og 27-1 nr 1, andre lekk. 4. Det vert kravd ei gebyr på kr 12.400 for handsaming av planen.
Aud Mari Eitrheim / rådmann 24.01.2008 Hovudutvalet for Teknisk og Næring Jon Larsgard gjorde framlegg om at punkt 2 vart endra til: Naboar, Herand Bygdelag og andre som er involvert i prosjektet Sjømiljøet i Vik bør orienterast av tiltakshavar om planarbeidet for å kartleggja eit eventuelt behov for ein felles reguleringsplan for eit større område av Vik. Framlegget frå Jon Larsgard vart sett opp mot tilråding frå rådmannen, Jon Larsgard sitt framlegg vart samrøystes vedteke. Rådmannen sitt framlegg fekk ingen røyster. HTN-007/08 SAMRØYSTES VEDTAK: 1. Det faste utval for plansaker tilrår at det kan utarbeidast privat framlegg til reguleringsplan for del av gnr 11 bnr 4 Vik i Herand. 2. Naboar, Herand Bygdelag og andre som er involvert i prosjektet Sjømiljøet i Vik bør orienterast av tiltakshavar om planarbeidet for å kartleggja eit eventuelt behov for ein felles reguleringsplan for eit større område av Vik. 3. Oppstart av planarbeidet skal kunngjerast i samsvar med Plan- og bygningslova 30, tredje lekk og 27-1 nr 1, andre lekk. 4. Det vert kravd ei gebyr på kr 12.400 for handsaming av planen. NYE OPPLYSNINGAR I SAKA KA 23.03.09: Jondal kommune har motteke privat framlegg til reguleringsplan for del av gnr 11 bnr 4 Vik i Herand, Jondal kommune til 1. gongs handsaming. Nye dokument i saka er planskildring med føresegner datert 7. mars 2009 og plankart nr 312-1 datert 7. mars 2009. Forslagsstillar er Morten Børre Aasbø og Anne Marie Eiken Aasbø. Spørsmål om regulering vart handsama i det faste utval for plansaker i sak 007/08 i møte 24.01.08, der det vart gjeve løyve til utarbeiding av privat reguleringsplan for området. I samband med varsel om oppstart av planarbeidet er det kome innspel frå: Stiftelsen Bergens Sjøfartsmuseum Kystverket Statens vegvesen Fylkesmannen i Hordaland, Miljøvernavdelinga Fiskeridirektoratet, Region Vest Hordaland fylkeskommune, Kultur- og idrettsavdelinga
Innspela er kommentert i planskildringa frå forslagsstillar og teke omsyn til ved utarbeiding av føresegnene. Stiftelsen Bergens Sjøfartsmuseum og Hordaland fylkeskommune, Kultur- og idrettsavdelinga har sett fram krav om arkeologisk undersøking av planområdet (i sjø og på land). Forslagsstillar tar sikte på å få dette utført før planen vert lagt ut til offentleg ettersyn. Planframlegget regulerer i hovudtrekk område for utleigehytter, servicebygg, veg, parkering, bubiloppstilling, jordbruk, friområde og småbåthamn. Samla reguleringsareal (i sjø og på land) er ca 16 dekar. Jondal kommune har utarbeidd framlegg til reguleringsplan for Herand, planarbeidet kom så langt at planen låg ute til offentleg ettersyn i perioden 14.03 25.04.05. Med bakgrunn i krav frå Hordalad fylkeskommune om arkeologiske undersøkingar av deler av planområdet vart det avsluttande planarbeidet utsett. Planframlegget for del av gnr 11 bnr 4 er i tråd med dette kommunale planframlegget for Herand frå 2005. Vurdering: Deler av planområdet grensar i aust mot eit bevaringsverdig område med bryggjer, naust, sjøhus og andre bygningar. Det er vesentleg for kommunen at utbygginga i planområdet tek omsyn til dette og at det vert gjennomført ei tilpassa utbygging slik planframlegget med føresegner legg opp til. Jondal kommune har både landbruk/jordbruk og turisme som satsingsområde og ynskjer slik å bidra til å oppretthalda og auka busetnad og aktivitet i bygdene. Ei moderat utbygging slik forslagstillar legg opp til i framlegget bidreg til at både veg- og sjøturistar vil stopp opp i Herand og medverke til at private kan få fleire bein å stå på. Rådmannen tilrår at framlegg til reguleringsplan med planskildring og føresegner vert lagt ut til offentleg ettersyn. TILRÅDING FRÅ RÅDMANN: 1. Med heimel i Plan- og bygningslova 27-1 og 30 vedtek Det faste utval for plansaker at privat framlegg til reguleringsplan for Gnr 11 bnr 4 Vik i Herand, Jondal kommune vert lagt ut til offentleg ettersyn. 2. Før utlegging av planframlegget skal forslagsstillar gjennomføra arkeologiske undersøkingar i samsvar med krav frå Stiftelsen Bergens Sjøfartsmuseum og Hordaland fylkeskommune.
3. Resultata av dei arkeologiske undersøkingane skal leggjast ut til offentleg ettersyn saman med planframlegget. 4. Høyringsfristen vert sett til 6 veker etter at utlegginga er kunngjort og aktuelle instansar og naboar er varsla skriftleg. Aud Mari Eitrheim / rådmann 31.03.2009 Hovudutvalet for Teknisk og Næring Røysting: Tilrådinga frå rådmannen vart samrøystes vedteke. HTN-022/09 VEDTAK: 1. Med heimel i Plan- og bygningslova 27-1 og 30 vedtek Det faste utval for plansaker at privat framlegg til reguleringsplan for Gnr 11 bnr 4 Vik i Herand, Jondal kommune vert lagt ut til offentleg ettersyn. 2. Før utlegging av planframlegget skal forslagsstillar gjennomføra arkeologiske undersøkingar i samsvar med krav frå Stiftelsen Bergens Sjøfartsmuseum og Hordaland fylkeskommune. 3. Resultata av dei arkeologiske undersøkingane skal leggjast ut til offentleg ettersyn saman med planframlegget. 4. Høyringsfristen vert sett til 6 veker etter at utlegginga er kunngjort og aktuelle instansar og naboar er varsla skriftleg.