Lærdal kommune Sakspapir Saksnr. Utval Møtedato 054/17 Formannskapet 27.03.2017 015/17 Kommunestyret 30.03.2017 Sakshandsamar: Monika Lysne Arkiv: Arkivsaksnr. 17/300-1 Etablering av ny kai/hamn i Lærdal - vidare arbeid Kort samandrag: Administrasjonen har utarbeida vurdering av etablering av ny kai/hamn i Lærdal, knytt til behov, funksjon og lokalitet. Arbeidet er gjort i tråd med kommunestyret sitt vedtak i møte 09.02.17. Rådmannen si tilråding: Kommunestyret vedtek at administrasjonen arbeider vidare med etablering av ny kai/hamn i Lærdal slik: Førebu ein planprosess for å utgreiie alternativ til lokalitet i Bermålsviki vidare. Planprosessen skal starte med ein Områdereguleringsplan med konsekvensutgreiing som kommunal plan. Kommunestyret får sak om oppstart av Områdereguleringsplan med Planprogram for prosessen til neste kommunestyremøte. Dersom Områdereguleringsplan for Bermålsviki vert vedteken, vert det sett krav om Detaljreguleringsplan for å få gjennomførd tiltaket. Aktuelle utbyggjarar må då fremje framlegg til Detaljreguleringsplan for å få gjennomføre utbygging.
27.03.2017 Formannskapet Framlegg frå Trond Øyen Einemo (H): Lærdal, ber Formannskapet om at det blir det blir arbeida vidare med om dette er avgjerande Formannskapet ynskjer at det blir arbeida vidare med to av områda for lokalisering: Erdal Formannskapet ynskjer vidare utredningar på nemnte lokaliseringar. Her under avklaringar Framlegg frå Kåre Mentz Lysne(AP): Med bakgrunn i den overordna kartlegging, mogelegheitar og behov som er vurdert i framlagt rapport, så ynskjer kommunestyret at det blir gjennomført eit eige forprosjekt. Der ein får vurdert meir i detalj behov, økonomi, løysingar og realisme ved etablering av ein tømmerkai/hamn med tilhøyrande næringsareal. Forprosjektet skal avgrensast til områda Erdal, Revsnes og Bermålsviki.Forprosjektet skal være grunnlaget for val av eit område for gjennomføring av ein områdereguleringsplan med konsekvensutgreiing.kommunestyre føresett at aktuelle grunneigarar blir godt involvert og informert i den vidare prosess. Røysting: Tilrådinga frå rådmannen : Ingen røyster Framlegget frå Trond Øyen Einemo: 3 røyster Framlegget frå Kåre Mentz Lysne: 2 røyster Framlegget frå Trond Øyen Einemo vart vedteke med 3 mot 2 røyster FS-054/17 Vedtak: Lærdal, ber Formannskapet om at det blir det blir arbeida vidare med om dette er avgjerande Formannskapet ynskjer at det blir arbeida vidare med to av områda for lokalisering: Erdal Formannskapet ynskjer vidare utredningar på nemnte lokaliseringar. Her under avklaringar
30.03.2017 Kommunestyret Framlegg frå AP/SV: Før kommunestyret avgjer plassering av ny hamn/kai i Lærdal, må det gjerast ei grundig utgreiing av behov, kostnad og eigarskap med eit slikt anlegg. Dette må også sjåast i samanheng med revidering av overordna planar. Styringsgruppe for dette arbeidet vert eit utvida formannskap. Tilleggsframlegg frå Trond Øyen Einemo(H): Tilrådinga frå Formannskapet med følgjande tillegg: Tilleggsframlegg frå Kåre Mentz Lysne: Framlegget frå AP/SV med følgjande tillegg: Røysting: Framlegget frå AP/SV med tilleggsframlegg frå Kåre Mentz Lysne : 7 røyster Tilrådinga frå Formannskapet med tilleggstramlegg frå Trond Øyen Einemo: 10 røyster Tilrådinga frå Formannskapet med tilleggsframlegg vart vedteke med 10 mot 7 røyster KS-015/17 Vedtak: Lærdal, ber Kommunestyret om at det blir det blir arbeida vidare med om dette er avgjerande Kommunestyret ynskjer at det blir arbeida vidare med to av områda for lokalisering: Erdal Kommunestyret ynskjer vidare utredningar på nemnte lokaliseringar. Her under avklaringar
Vedlegg: Behov, funksjon og lokalisering.pdf Aktuelle lover, forskrifter, avtalar m.m. Plan- og bygningslova Saksutgreiing Det har det siste året vore fleire innspel til kai- og hamneetableringar i Lærdal. Det har vore nemnd både cruisehamn, Nasjonal godshamn, tømmerkai og behov for kommunal kai. Det kom i januar 2017 ein konkret søknad frå EcoInoWaste AS om å få etablere ei tømmerkai med lagringsplass for pellets og avfall ved kaia, knytt til deira etablering med pelletsfabrikk og forbrenningsanlegg for avfall i Håbakken. EcoInoWaste fremja då framlegg om oppstart av ein reguleringsplanprosess i Erdal. Det vart i kommunestyret i møte 09.02.2017 vedteke fylgjande: Kommunestyret stiller seg positiv til framtidig etablering av hamneanlegg og tilhøyrande næringsareal i Lærdal. Kommunestyret ber om at det blir vurdert lokalisering av eit slikt anlegg. Kommunestyret ber vidare om det blir lagt til rette for oppstart av planarbeid med frist til neste møte i kommunestyret. Administrasjonen sette raskt saman ei arbeidsgruppe som har fulgt opp vedtaket i kommunestyret, som har bestått av rådmann, planleggjar, leiar for tekniske tenester, Jan Petter Vadheim i LNU og rådgjevar plan og bygg. Administrasjonen har no utarbeida «Etablering av ny kai i Lærdal vurdering av behov, funksjon og lokalisering». Ein har her teke for seg dei innspela som er komne om ulike funksjonar for kai/hamn i Lærdal, og har vurdert desse opp mot behovet. Ein har så sett på ulike aktuelle lokalitetar langs eit definert analyseområde. I ein vurdering av eignaheit, har ein sortert i dei ulike lokalitetane og kome fram til område som er meir eigna og aktuelle enn andre. Ein av dei områda som er sett på som aktuell er Bermålsviki på Strendene. Det er her moglegheit for å sjå på sambrukskai med tømmer og anna vare, som f.eks grus, asfalt, stein osv. Det er naturleg å då tenkja seg moglegheit for sambrukskai der ein kan vurdera å knyta til seg eksport av stein frå Muggeteigen masseuttak. Administrasjonen har vore i kontakt med EcoInoWate og tiltakshavar på Muggeteigen masseuttak, og dei ynskjer å vurdere sambruk av ei kai på Strendene, dersom dette vert vedteke i kommunestyret. Økonomiske konsekvensar Kostnadar knytt til konsekvensutgreiing på Områdereguleringsplan-nivå. Administrasjonen utfører prosessen, og utarbeider reguleringsplan og ROS-analyse sjølve. Vurdering Administrasjonen har gjennom arbeidet med å følgje opp vedtak i førre kommunestyremøte,
gjort ein vurdering av ulike lokalitetar. Bermålsviki har peika seg ut som eit aktuelt alternativ for etablering av ny kai i Lærdal med tilhøyrande baklager (næringsreal) og infrastruktur. For bakgrunn for vurderingane som er gjort, vert det vist til vedlagde rapport i sin heilheit. Grunneigarane for det aktuelle område i Bermålsviki er informert om vurderingane som er gjort. Det kjem då fram at fleire av grunneigarane naturleg nok ikkje er samde i etablering av kaianlegg her. Det er viktig i den vidare prosessen at grunneigarane vert godt informert og involvert i prosessen. Då tiltaket er eit omfattande prosjekt som ikkje er forankra i overordna planverk, meiner administrasjonen at kommunen fyrst bør utarbeide ein Områdereguleringsplan for Bermålsviki med ein overordna konsekvensutgreiing. Dette for å sjå om det i det heile teke er mogleg å gå vidare med prosjektet i dette området. Kommunen tek då heile planarbeidet. Dersom Områdeplanen vert vedteken, må det settast krav om Detaljreguleringsplan som oppfylging, der tiltakshavar sjølve står for utarbeiding av denne. Administrasjonen meiner kommunestyret fyrst må gjere vedtak om lokalitet som skal arbeidast vidare med, og kva prosess det skal vere for det vidare arbeidet. Kommunestyret vil dermed få sak om oppstart av planarbeid med framlegg til Planprogram i neste kommunestyret.