SAKSPAPIR. Saksnr Utval Type Dato 71/2015 Formannskap/plan- og økonomiutvalet PS /2015 Kommunestyret PS

Transkript

1 Vaksdal kommune SAKSPAPIR Saksnr Utval Type Dato 71/2015 Formannskap/plan- og økonomiutvalet PS /2015 Kommunestyret PS Sakshandsamar Arkiv ArkivsakID Trine Pettersen Grønbech FE - 002, HistSak - 13/972 14/1972 KOMMUNESTRUKTUR - PROSJEKTPLAN FOR SONDERINGSFASEN - ENDELEG HANDSAMING Vedlegg: kunnskapsgrunnlag Samnanger Vaksdal Osterøy og Bergen Prosjektrapport Sonderingsfasen juni 2015 Rådmannen sitt framlegg til vedtak: Kommunestyret ynskjer å gå vidare med alternativ.. samsvar med K- sak 89/2014 Formannskap/plan- og økonomiutvalet - Sak 71/2015 FPØ - Behandling: Framlegg frå Eirik Haga, AP: 1. Greia ut moglegheitene for / konsekvensane med å halde fram som eigen kommune (som no) eventuelt med Modalen kommune. 2. I lag med rådmann i Osterøy, Samnanger og Bergen greia ut ein felles kommune. Ei eventuell tilknyting til Bergen må omfatta: Framlegg frå Helge Gullbrå, KRF: Saka vert oversendt til kommunestyret utan tilråding frå formannskapet.

2 Røysting: Det vart først røysta over om formannskapet skal gje tilråding til kommunestyret: 5 røysta for dette (AP, H). Framlegget frå Eirik Haga vart vedteke mot 2 røyster (Helge Gullbrå, KRF og Sigmund Simmenes, SP). FPØ - Tilråding: 1. Greia ut moglegheitene for / konsekvensane med å halde fram som eigen kommune (som no) eventuelt med Modalen kommune. 2. I lag med rådmann i Osterøy, Samnanger og Bergen greia ut ein felles kommune. Ei eventuell tilknyting til Bergen må omfatta: samsvar med K- sak 89/2014 Kommunestyret - Sak 52/2015 KOM - Behandling: Tilleggsframlegg frå Boris Groth, FRP: Tillegg til siste setning:..., og sikra at alle Vaksdal kommune sine innbyggjarar får best moglege kommunale tenester i framtida. Framlegg frå Helge Gullbrå, KRF: Kjem det spørsmål frå Voss om felles utgreiing om samanslåing med Voss/Vaksdal vert dette fremja for og avgjort av formannskapet. Framlegg frå Kjartan Haugsnes, SV: Siste del av punkt 1 i formannskapet si tilråding (eventuelt med Modalen kommune) vert stroke. Røysting: Det vart først røysta over formannskapet si tilråding: Samrøystes vedteke Framlegget frå Kjartan Haugsnes fekk 1 røyst (SV) og fall Tilleggsframlegget frå Boris Groth fekk 8 røyster (KRF, SP, FRP, SV og Helge Risnes og Ann Karin Bukkestein frå AP) og fall Framlegget frå Helge Gullbrå fekk 9 røyster (KRF, SP, FRP og Heidi Rongved, Fred Bjørnberg, Magne Hestad og Anders Jin Risnes frå AP) og fall

3 KOM - Vedtak: 1. Greia ut moglegheitene for / konsekvensane med å halde fram som eigen kommune (som no) eventuelt med Modalen kommune. 2. I lag med rådmann i Osterøy, Samnanger og Bergen greia ut ein felles kommune. Ei eventuell tilknyting til Bergen må omfatta: samsvar med K- sak 89/2014. Saksopplysningar: Målet for sonderingsfasen er: å avgjere kva for alternativ det er aktuelt å ta vidare in i ein utgreiingsfasen maksimalt tre alternativ etter ein overordna gjennomgang utarbeide mandat for utgreiingsfasen Bakgrunn Kommunestyret vedtok i sak 21/2015 «Kommunestruktur prosjektplan for sonderingsfasen» at: 1. Kommunestyret slutter seg til Prosjektrapport for Sonderingsfasen slik den ligg føre. 2. Sonderingsfasen vert ikkje avslutta. Det vert ny handsaming av status for sonderingsfasen i samband med økonomiplan Det vert gjort to presiseringar: a. Rådmannen startar arbeidet med å greie ut alternativet «ei oppdeling av Vaksdal kommune» og kan i det arbeidet knytte til seg ekstern bistand. b. Vaksdal kommune deltek i arbeid med å utarbeide kunnskapsgrunnlag for kommunane Vaksdal, Osterøy, Samnanger og Bergen i regi av Bergen kommune, og i Bergensalliansen kjem og gjev greie for prosessen som foregår i utgreiingsarbeidet for kommunane» I samsvar med føresetnadene i førre sak, ligg no felles Kunnskapsgrunnlag for kommunereformprosess for kommunane Samnanger, Vaksdal, Osterøy og Bergen føre. Dokumentet er eit faktagrunnlag som ser på fellestrekk og ulikskapar mellom kommunane. Dokumentet presenterer statistikk og prognosar med supplerande berekningar. Det er i stor grad Bergen kommune sitt apparat som har gjort det mogeleg å vise til supplerande berekningar. Materialet har også ein regional dimensjon og viser både statistikk for kommunane Samnanger, Vaksdal, Osterøy og Bergen, samt +11- alternativet som er dei kommunane som Bergensalliansen utarbeidar eit kunnskapsgrunnlag for. Siste del av kunnskapsgrunnlaget viser aktuelle tema som det er naudsynt å følgje opp viss kommunane ynskjer å gå vidare i utgreiing og forhandlingar. Eit viktig tema er prinsipp

4 for framtidig styringsmodell og kommunen som demokratisk arena. Dokumentet innheld ikkje vekting av informasjonen eller vurderingar, men er ei oppstilling av tilgjengeleg og relevant statistikk. Dokumentet er lagt ved saka her, saman med oppdatert prosjekrapport. Det vert elles vist til dokumenta i sak 21/2015. Vurdering Effektmåla i sonderingsfasen er følgjande: Vurdere alternativa opp i mot ekspertutvalet sine kriterier for framtidig kommunestruktur Fange opp relevante haldningar, kjensler, realistiske mogelegheitar Sikre mest effektiv ressursbruk Tilrå vegen vidare Tilrå korleis arbeidet skal organiserast i utgreiingsfasen Målsetnaden er å ta stilling til kva for alternativ som ein ynskjer å ta vidare inn i ein utgreiingsfase. Utgreiingsarbeidet er eit monaleg stort arbeid og det er viktig å sikre at tidsbruken er mest mogeleg effektiv og samstundes gje eit mest mogeleg realistisk bilete av kva for alternativ ein vil stå att med til når det er tid for å gjere endeleg vedtak. Val av alternativ er utprega politisk og saka har freista gje den informasjon som er tilgjengeleg etter ein overordna gjennomgang, slik det står i andre mål for sonderingsfasen. Saka vert no lagt fram for formannskapet som styringsgruppe for arbeidet før kommunestyret får ho til endeleg handsaming Spørsmåla om korleis arbeidet skal organiserast i utgreiingsfasen Det ligg som ein føresetnad for arbeidet at kommunestyret skal ha tilstrekkeleg eigarskap til korleis arbeidet i utgreiingsfasen er organisert. I saka om organisering av arbeidet fram mot endeleg vedtak om ny kommunestruktur i desember 2014 vedtok kommunestyret å organisere arbeidet i dei ulike fasane som prosjekt. Det heiter i saka at: «Arbeidet vert organisert som eit prosjekt. Kommunestyret er prosjekteigar, formannskapet er styringsgruppe, ordførar er prosjektansvarleg og rådmannen er prosjektleiar. Det kan nyttast ekstern bistand der det er turvande. Det gjeld særleg for utgreiingsfasen og gjennomføringsfasen. Det opprettast fleire ressursgrupper etter kva som er turvande for dei ulike fasane, jf interessentanalyse. Arbeid i ressursgruppene blir ein del av saksgrunnlaget før kommunestyret tek avgjerd. Ressursgruppene tek i vare omsynet til medverknad. For kvar fase vert det utarbeidd prosjektplan og prosjektrapport som blir vedteke av kommunestyret. Prosjektplanen skal innehalde mål for den aktuelle fasen, ein enkel interessentanalyse, aktivitetsplan, føresegn om organisering av arbeidet, risikovurdering, plan for medverknad og kommunikasjon og milepælsplan.» Utgreiinga må svare på ulike typer spørsmål: Det er reint faglege spørsmål, det er spørsmål som er viktige for det politiske nivå, det er spørsmål som er viktige for tillitsvalte og tilsette, det er spørsmål som er viktige for næringslivet og lag-/organisasjonar og det er spørsmål som er viktige for innbyggjarane. Samstundes vert me avhengig av samarbeid med dei kommunane Vaksdal kommunestyre ynskjer å

5 gå inn i utgreiingsfase saman med. Mandat, ramme og organisering av arbeidet lyt i så fall bli utarbeidd av dei aktuelle rådmanna i fellesskap og så lagt fram for handsaming i kommunestyra samstundes. Rådmannen ser uansett for seg at det er turvande å utarbeide prosjektplan for kvart utgreiingsarbeid. Då vil me så godt som råd få oversikt og klår arbeidsfordeling administrasjonane imellom og mellom politikk/administrasjon. Tida er knapp, og det kan vere turvande å diskutere korleis ein både skal få tilstrekkeleg prosess for administrativ utgreiing og politiske forhandlingar. Dette må styringsgruppa ta stilling til og tilrå for kommunestyret. Representasjon ved utgreiing av alternativet ein oppdeling av Vaksdal kommune Kommunestyret vedtok i sak 21/2015 at rådmannen kan starte arbeidet med å greie ut ein oppdeling av Vaksdal kommune. Prosjektplan for dette alternativet er under arbeid og vil bli lagt fram for kommunestyret snarast råd etter sommarferien. I arbeidet etablerer rådmannen ei administrativ arbeidsgruppe. Her er Hovudvernombodet og representant for dei tillitsvalde invitert med inn. Det er i samsvar med vanleg praksis for store prosjekt som også omfattar dei tilsette. Endeleg prosjektplan vil bli utarbeidd saman med denne arbeidsgruppa. Konklusjon Val av alternativ er utprega politisk og saka har freista gje den informasjon som er tilgjengeleg etter ein overordna gjennomgang, slik det står i andre mål for sonderingsfasen. Saka vert no lagt fram for formannskapet som styringsgruppe for arbeidet før kommunestyret får ho til endeleg handsaming I det vidare arbeidet vert sak om organisering av arbeidet fram mot endeleg vedtak om kommunestruktur førande. Kommunestyret får såleis eigarskap til prosessane heile vegen. Me lyt planleggje for prosessane saman med dei kommunane det er aktuelt å samarbeide med.