GLOPPEN KOMMUNE SAKSPAPIR

Transkript

1 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kommunestyret /15 Avgjerd av: Kommunestyret Saksbehandlar: Jan Kåre Fure Objekt: Arkiv: 002 Arkivsaknr.: 14/ Kommunereforma: Ein statusrapport til avtroppande kommunestyre Ingen vedlegg. Bakgrunn for saka: Kommunestyret gjorde den 3. november 2014 i sak 80/14 slikt samrøystes oppstartingsvedtak i arbeidet med kommunereforma: 1. Gloppen kommune tek til orientering at regjeringa legg opp til ei omfattande kommunereform og vil vere ein konstruktiv part i det vidare arbeidet med reforma 2. Gloppen kommunestyre merkar seg dei føringane som ligg i føresetnadene for reforma og vil, så langt dette er til beste for innbyggarane i Gloppen, medverke til å realisere desse. Det er avgjerande at framtidig inntektssystem sikrar økonomisk berekraft og handlingsrom, gode løysingar for kommunal organisering og samfunnsutvikling for den nye kommunen som Gloppen eventuelt vil vere ein del av. 3. Kommunestyret ber ordføraren, varaordføraren, ein tillitsvald og rådmannen arbeide vidare med saka, og i første omgang kome med framlegg om kva alternativ i Nordfjord og Sunnfjord som er aktuelle for Gloppen å utgreie nærare. Gloppen som eigen kommune er eit av dei alternativa som er med vidare. Det vidare utgreiingsarbeidet må ta utgangspunkt i kvaliteten i tenestetilbodet og korleis vi kan utvikle desse til å verta betre for innbyggarane. Dei tilsette skal ha god informasjon om arbeidet og dei tillitsvalde vert invitert til å delta i prosessen. Formannskapet skal vere styringsgruppe for arbeidet og kommunestyret skal informerast undervegs. 4. Gloppen kommunestyre vil legge til rette for at innbyggarane vert godt opplyst om kommunereforma og får høve til å engasjere seg og legg difor opp til at dei aktuelle alternativa for samanslåing vert lagt fram i ei rådgjevande folkeavrøysting. Det er naturleg at folkeavrøystinga vert i samband med kommunevalet hausten 2015, alternativt våren 2016 dersom prosessen tek lengre tid. Ved utgangen av denne kommunestyreperioden er dette status i vårt arbeid med kommunereforma:

2 I samsvar med pkt 3 i kommunestyrevedtaket frå 3. november i fjor har vi arbeid med to alternativ for kommunesamanslåing: Eitt mot Sunnfjord og eitt Nordfjord-alternativ. Sunnfjord-alternativet «Firda kommune» Formannskapet bad i sak 120/14 om å få vere med i prosessen som SiS-kommunane Jølster, Førde, Naustdal, Gaular og Flora hadde starta, og invitert andre kommunar inn i. (SiS står for «Samarbeidsforum i Sunnfjord» og er eitt av dei fire regionråda i fylket.) SiS godkjende Gloppen som deltakar i deira utgreiingsarbeid, og kommunestyret godkjende i sak 10/15 kommunen si deltaking i arbeidet. Vedtaket vart då gjort mot fire røyster. Mindretalet ville at Gloppen ikkje skulle delta vidare i Sunnfjord-samarbeidet. I mandatet som SiS vedtok og som kommunestyret i Gloppen slutta seg til var det bestemt at tre alternativ skulle utgreiast: Ei samanslåing av Jølster, Førde, Gaular og Naustdal (såkalla liten SiS) Ei samanslåing av Jølster, Førde, Gaular, Naustdal og Flora (SiS) Ei samanslåing av SiS og alle kommunane som «melde seg på» og som SiS godkjende som deltakarar. I tillegg til Gloppen vart Askvoll, Fjaler og Hyllestad teken opp. Desse tre kommunane utgjer ¾ av HAFS-samarbeidet, og den fjerde kommunen Solund vart med i utgreiinga som observatør. Sidan heile HAFS dermed var med i arbeidet, vart det bestemt at HAFS skulle utgreiast som eige alternativ i tillegg til det tre alternativa som er omtala ovanfor. Opplegget var altså frå starten av at Gloppen berre var med i det store alternativet. Vi fekk ikkje gjennomslag for å utgreie Gloppen + liten SiS, som vel var det alternativet vi helst ville sjå på. I alle fall var dette rådmannen sitt primære syn. Arbeidet med Sunnfjord-alternativet har gått fort og vore godt organisert, og det er dette arbeidet som er kome lengst i vårt fylke. Det er utarbeidd tre rapportar som ligg til grunn for dei intensjonsavtalane som er inngått: 1. Storkommune utfordringar og moglegheiter 2. Politisk og administrativ organisering 3. Analyse og kartlegging innan økonomi. Fire intensjonsavtalar er inngått ein for kvar av alternativa som er utgreidde. Gloppen er part i intensjonsavtalen om Firda kommune, som er ei samanslåing av ti kommunar: Gloppen, Jølster, Førde, Gaular, Naustdal, Flora, Askvoll, Fjaler, Hyllestad og Solund. Intensjonsavtalen vart godkjent av kommunestyret i sak 41/15, mot seks røyster. I avtalen er det slått fast at Førde blir kommunesenter i Firda kommune. Fase to av Sunnfjord-samarbeidet er no nettopp starta opp. Alle kommunane i samarbeidet har godkjent intensjonsavtalane, men av dei kommunane som er involvert i fleire avtalar, er det berre Jølster som har prioritert avtalane. Dei har Firda kommune som sitt førsteval. Rådmannen vil vere forsiktig med å vurdere dei ulike løysingane no, men Sjølv om Sunnfjord-alternativet er kome lengst i fylket, er det mykje som står att før vi veit om det blir noko av dette. Kva Flora kommune bestemmer seg for, vil avgjere kva det blir til i Sunnfjord. Rådmannen er også litt uroleg over at dei kommunane i samarbeidet som ikkje

3 skal utgreie andre alternativ (gjeld Førde, Gaular og Naustdal) førebels ikkje vil prioritere kva alternativ dei helst vil ha. For Gloppen sitt vedkomande er det viktig med ei rask avklaring av korleis Sunnfjordalternativet til slutt blir sjåande ut. Det ser no ut til at vi ikkje får denne avklaringa med det første. Det vil vere avgjerande for Gloppen korleis dei interkommunale samarbeida vi er med på i Nordfjord blir handterte viss vi går inn i Firda kommune. I klartekst må det finnast ei fornuftig løysing for Nordfjord Miljøverk. Nordfjord-alternativet Etter at Stryn og Hornindal kommunar sa nei til å greie ut heile Nordfjord som eitt alternativ, og Nordfjordrådet ikkje ville ha noko rolle i arbeidet med kommunereforma, kom vi våren 2015 i gang med ei utgreiing som omfattar kommunane Gloppen, Eid, Stryn og Hornindal. Eit framlegg til utfordringsmandat som i hovudsak gjev same bakgrunnsinformasjonen som dei tre utgreiingane i Sunnfjord-alternativet er på det næraste ferdig, og arbeidet med intensjonsavtalane er starta opp. Nordfjord-alternativet har som utgangspunkt ei samanslåing av alle dei fire kommunane, men ser også på løysingar med to eller tre av kommunane. Stryn og Hornindal kommunar køyrer ein felles prosess parallelt med arbeidet dei er med på i lag med Gloppen og Eid. Alternativa for oss i Nordfjord er no: Ei samanslåing av Gloppen, Eid, Stryn og Hornindal Ei samanslåing av Gloppen og Eid Ei samanslåing av Gloppen, Stryn og Hornindal. I Nordfjord blir det også arbeid med eit alternativ i midte og ytre, som inkluderer Eid, Vågsøy og Selje. I dette alternativet er Bremanger og Vanylven inviterte inn. Ein viktig skilnad mellom Nordfjord- og Sunnfjord-alternativet er regionrådet si rolle. Bak Sunnfjord-alternativet står SiS, medan Nordfjordrådet ikkje vil involvere seg i Nordfjord. Dette har seinka arbeidet, men er ikkje avgjerande for om vi får til noko. Nordfjord ser annleis ut enn Sunnfjord og Sogn. Vi kan derfor ikkje «kopiere» intensjonsavtalane frå Sunnfjord på t.d. eit så sentralt punkt som kommunesenter. Det er likevel viktig å raskt få avklare dei vanskelege punkta i ein Nordfjord-kommune: Kvar skal den politiske og administrative leiinga plasserast (altså: kvar skal kommunesenteret vere)? kva skal kommunen heite? korleis skal oppgåver og funksjonar fordelast? Det kan sjølvsagt seiast at dette berre delvis er på plass i intensjonsavtalen for Firda kommune. Rådmannen vil stille spørsmål om alle alternativa våre i Nordfjord er aktuelle å gå vidare med. Ser vi for oss eit alternativ i Nordfjord utan Eid? Viss ikkje bør vi berre melde inn at alternativet med Stryn og Hornindal kan leggast vekk. Gloppen som eigen kommune (0-alternativet)

4 Når saka om kommunereforma skal leggast fram for glopparane i ei folkeavrøysting, må sjølvsagt eitt av alternativa vere å halde fram som eigen kommune. I fylket er det berre Bremanger som har som utgangspunkt at dei så langt ikkje vil slå seg saman med nokon. Deira «utgreiing» om dette blir klar etter valet. Alternativet med Gloppen som eigen kommune også etter kommunereforma, skal vere klar i god tid før folkeavrøystinga. Drøftingane rådmannen har hatt med sine sektor- og einingsleiarar viser at det i dag ikkje er mange saksområde som kommunen ikkje greier å handtere på eiga hand. Heller ikkje er det mange tenester som dyre å drive for kommunen fordi vi er «små». Til sjuande og sist blir økonomien avgjerande. Vi vi i løpet av det komande halvåret får vite korleis regjeringa vil finansiere kommunesektoren i framtida. Når vi ser desse reknestykka, har vi eit betre grunnlag for å meine noko om 0-alternativet. Her vil rådmannen legge til at det heller ikkje er avklara korleis økonomien blir i framtida for dei kommunane som slå seg saman. Med ein andreplass på «Kommunebarometeret» er det utfordrande å finne gode argument for at vi skal slå oss i lag med nokon for å få betre kommunale tenester. Det er likevel ikkje tenestene rådmannen er mest uroleg for ved ei kommunesamanslåing, men lokalsamfunnsutviklinga. Anten vi likar det eller ikkje, er det kommunesentera som står for folketalsveksten i dei fleste kommunane våre. Kva vil skje med Sandane som tettstad og «motor» i utviklinga av Gloppensamfunnet den dagen utviklinga blir styrt frå Førde eller frå Eid for den sags skuld? Dette seier utgreiingane om kommunesamanslåing lite om så langt. Det er rådmannen si vurdering at oppgåvemeldinga som skal fortelje kva nye oppgåver ein ny kommunestruktur skal ta seg av ikkje i seg sjølv er eit godt argument for kommunesamanslåing. Prosessen Dette blir rådmannen si vurdering: Det er ikkje lett å skape entusiasme for arbeidet med kommunereforma. Det er ikkje noko «kiosk-veltar» for å bruke ordføraren sine ord. Rådmannen meiner likevel at vi har gjort fleire aktive og gode tiltak for å få fram kva dette dreier seg om: Vi har: jamleg orienterte formannskapet og fått avisomtale på dette orientert glopparane gjennom Firda Tidend og kommunen si heimeside gjennomført innbyggarkartlegging for å teste «stemninga» blant innbyggarane involvert dei tilsette både i prosjekta vi er med på og gjennom intern informasjon til alle. Dei som har prøvd seg på folkemøte, melder tilbake at dette ikkje har vore nokon stor suksess. Vår i alle fall rådmannen si haldning har vore å vente med folkemøta til vi har noko konkret å melde. Førebels er det vi har ikkje konkret nok. Tonen og klimaet i samarbeidet med både sunnfjordingane og nordfjordingane har vore open og god, og nye relasjonar har laga seg til. ---

5 Kommunereforma har vore, og vil bli, arbeidsam både for ordføraren og rådmannen (m/fleire). Rådmannen håpar derfor på avklaringar undervegs. Dessverre er det på nokre område andre kommunar som må kome med sine avklaringar før vi får vite kva alternativ som går vidare til finalen. Viss det er noko vi kan avklare som reduserer arbeidet, bør vi gjere dette. Eitt slikt punkt kan vere å seie nei til å gå vidare med «Gloppen, Stryn og Hornindalalternativet». --- Rådmannen vil legge denne saka med nødvendig oppdatering også fram for det nye kommunestyret. RÅDMANNEN SI TILRÅDING: Kommunestyret tar saka til orientering KOMMUNESTYRET 051/15 VEDTAK: Kommunestyret tar saka til orientering. Vedtaket var samrøystes.