VESTNES KOMMUNE Saksframlegg Arkiv: 212 Arkivsaksnr.: 2016/1 Saksbehandlar: Magne Værholm/Tone Roaldsnes (del 2) Dato: 14.03.2016 Driftsrapport pr. 1. kvartal 2016 Utval Møtedato Utvalssak Formannskapet Kommunestyret Administrasjonssjefen si innstilling 1. Vestnes kommunestyre tek driftsrapport pr 1. kvartal 2016 til orientering. 2. Vestnes kommunestyre godkjenner følgjande budsjettendringar: - Tilskott til ressurskrevjande brukarar (ansvar 8401) vert redusert med 3,0 mill. kr - Pensjonsutgifter (fordelt på alle ansvar) vert redusert med 3,0 mill. kr. - Rammeoverføring (ansvar 8400) vert auka med kr 900.000,- - Kjøp av skattetenester (ansvar 1204) vert auka med kr 800.000,- - Fellesutgifter barnehage (ansvar 2302) vert auka med kr 100.000,- 3. Vestnes kommunestyre viser til at kommunen vert trekt i rammeoverføringane for den innsparinga redusert arbeidsgjevaravgift gjev, og at reell arbeidsgjevaravgift for kommunen såleis er 14,1 %. Kommunestyret meiner difor ein kan bruke denne satsen når refusjon for ressurskrevjande brukarar skal utreknast. Administrasjonssjefen vert bedt om å ta dette opp med Kommunal- og moderniseringsdepartementet. 4. Vestnes kommunestyre godkjenner oppfølging av politiske vedtak som skissert i saksutgreiinga del 2.
SAKSUTGREIING: 1. Innleiing Driftsbudsjett for 2016 vart godkjent av kommunestyret i sak KST 112/15, investeringsbudsjett i sak KST 111/15 og kommuneplanens handlingsdel med økonomiplan 2016-2019 i sak KST 113/15. I tillegg vart det i sak KST 31/16 godkjent overført ubrukte løyvingar frå tidlegare år til 2016. Økonomiplan og budsjett er oversendt til Fylkesmann. Sidan vi ikkje lenger er innmeldt på ROBEK lista treng, vi ikkje godkjenning derifrå. Vi plar få tilbakemelding med kommentarar til budsjettet, dette har vi ikkje fått enno. 2. Oppsummering pr. 1. kvartal 2016 Drifta i 2016 vert også vanskeleg og krevjande slik som var tilfelle i 2015. I driftsbudsjettet er det innarbeidd ei rekkje sparetiltak, sjå pkt. 3. Dei fleste tiltak skal vi klare å gjennomføre, men nokre av tiltaka kjem vi venteleg ikkje til å klare å gjennomføre, sjå seinare i driftsrapporten. Administrasjonssjefen vurderer om ein må føreslå andre tiltak for å dekke inn dei tiltak som ikkje vert gjennomført slik som vedtatt. Dette vil ein komme tilbake til i seinare driftsrapport. Eksterne inntekter ser ut til å bli lavare enn budsjettert. Det er spesielt tilskott til ressurskrevjande brukarar og skatteinntekter som vert lavare. Sistnemnde grunna nedgang i innbyggjartal i 2015. Sjølve drifta vurderer vi pr. i dag skal gå i balanse. Budsjett til barnevern er nok klart underbudsjettert, men det kan være andre område som kan få litt innsparing. Avdrag som må betalast i 2016 kan bli 2,0 mill. kr lavare enn budsjettert. Effekten av ekstra nedbetaling på låna våre i desember 2015 gav større effekt enn vi hadde rekna med. Slik vi vurderer økonomisituasjonen pr. i dag, reknar vi med at vi skal klare å holde budsjettet i 2016. Dette under føresetnad av at det ikkje kjem uforutsette utgifter eller at inntektene vert mindre enn rekna med.
3. Tiltak Driftsbudsjett 2016 vart vedteke av kommunestyret i sak KST 112/15. I administrasjonssjefens framlegg til driftsbudsjett var det føreslått ei rekkje tiltak for å få budsjettbalanse. Kommunestyret godkjente dei fleste, og det gjeld m.a.: Sparetiltak Tiltak 2016 Pleie- og omsorg, redusert institusjonsplassar 2 000 Sentraladm/servicekontor, - vakanse 300 - vakant kommunalsjef stilling 1 000 Eigedomsdrift, - redusert energikostnad 500 - redusert vedlikehald 500 Grunnskule, redusert ressurs framandspråklege elevar 750 Barnehage, - Skorgen lagt organisatorisk under Helland frå 01.01.16 350 - red. 1 årsverk Helland barnehage 300 - red. avsetning til barn m/nedsatt funksjonsevne 300 Helse, - vakanse, redusert forbrukskjøp og auka ref. frå legane 600 Kulturskulen, - auka sal av tenester 200 Tekniske tenester, - div m.a red. kurs brannvern 300 Bu- og habilitering, - redusert dagtilbud 2 årsverk 1 000 - ekstra sparetiltak 1 000 Vike brannstasjon lagt ned 200 Redusert løyving kurs 300 Rusert løyving inventar og utstyr, 20 % 500 10 100 I tillegg til det administrasjonssjefen hadde føreslått vedtok kommunestyret også: Grunnskulen, ekstra reduksjon i budsjettramma 1,0 mill. kr Generell reduksjon i sjukefråværet 1,0 mill. kr Innsparing innanfor helse, BUT, institusjonsomsorg m.m. 2,5 mill. kr I sak KST 7/16 vart kommunestyret orientert om kva tiltak administrasjonssjefen meinte måtte gjennomførast for å klare å gjennomføre dei sparetiltaka kommunestyret vedtok. I hovudsak vart det godkjent at Bu- og habiliteringstenestene ikkje kan tildele husvære til nye brukarar før ein ser at vedtekne sparetiltak kan gjennomførast. Vestnes sjukeheim skal redusere med 5 plassar på post 2. Tresfjord trygdeheim skal redusere med 8 plassar så snart det er praktisk mogeleg. Viser til sak KST 7/16 for meir detaljert informasjon og konsekvensar av føreslåtte tiltak. Seinare i driftsrapporten, pkt 5,2, vert det kommentert korleis gjennomføringa av dei vedtekne sparetiltaka går.
4. Budsjett 2016 samanlikna mot forbruk 2015 Rekneskap Budsjett Endring 2015-2016 Formål 2 015 2 016 kroner i % Politisk verksemd 6 310 6 209-101 -1,6 Sentraladm/servicektr/fellesutg * 18 362 32 362 14 000 76,2 Grunnskule 76 777 76 743-34 0,0 Barnehage 37 387 37 130-257 -0,7 Kulturskulen, almen kultur og fritid 12 618 13 586 968 7,7 Barne- og ungdomstenestene 29 454 27 429-2 025-6,9 Helse, omsorg og velferd 127 955 132 744 4 789 3,7 Bu- og habiliteringstenestene 109 949 115 501 5 552 5,0 Eigedomsdrift 27 129 26 098-1 031-3,8 Teknisk sektor 13 125 14 024 899 6,8 Kjøp tenester Tremek 2 720 2 600-120 -4,4 Sum driftsutgifter 461 786 484 426 22 640 4,9 * Inkl. 7,0 mill. kr til å dekke årets lønsoppgjer Budsjettet i år er 22,6 mill. kr høgre enn tilsvarande forbruk i 2015, ein auke på 4,9 %. Dette er noko meir enn forventa løns- og prisauke. Kan tyde på at budsjett 2016 er realistisk på driftssida, tross innarbeidde sparetiltak. Barne- og ungdomstenestene har rimeleg stor reduksjon, og som ein kjem tilbake til seinare reknar vi med meirforbruk på barnevern. 5. Driftsbudsjett 5.1 Inntekter Rekneskap Budsjett Prognose 2015 2016 2016 Avvik Driftsinntekter eksterne Skatt og inntektsutjamning 167 968 178 000 175 000-3 000 Rammeoverføring 142 573 147 000 147 900 900 Ekstra skjønnstilskott 2 450 1 000 1 000 0 Vertskommunetilskott 102 000 102 600 103 000 400 Ressurskrevande brukarar 22 600 26 000 23 000-3 000 Asyl og integreringstilskott 10 256 10 700 12 000 1 300 Eigedomsskatt 9 112 9 500 9 300-200 Komp eldreutb/skule m.m. 2 892 3 000 3 000 0 Bruk av overskott 2014 4 700 Driftsinntekter 464 551 477 800 474 200-3 600 Finnansinntekter Avkastning "kraftfondet" 447 0 Utbytte VEAS 4 800 4 000 4 000 0 Kalkulatoriske inntekter 28 016 28 000 28 000 0 Finansinntekter 33 263 32 000 32 000 0 Sum eksterne inntekter 497 814 509 800 506 200-3 600
Skatt og inntektsutjamning, var budsjettert som oppgitt i statsbudsjettet. Det er føresett at skatteinntektene skal auke med 6 % i 2016, vi har budsjettert med ein auke på 10,0 mill. kr. Skatteinntektene dei 2 første månadene har svært liten auke, berre kr 300.000,-, eller 1,4 %. Det er imidlertid for tidleg å trekke bestemte slutningar etter berre to månader. Inngangen vil nok auke allereie frå mars. Det er no offentleggjort innbyggjartal pr. 01.01.16. Vestnes hadde stor nedgang i 2015 og det medfører at KS sin prognose for skatt og inntektsutjamning er redusert med 3,0 mill. kr. Vi synast dette kan verke vel mykje, men får sjå korleis skatteinngangen utviklar seg utover året. Rammeoverføring Regjeringa hadde i sitt framlegg til statsbudsjett for i år føreslått at skatttekrevjarfunksjonen skulle overførast frå kommunane til staten frå 01.06.16. I sluttforhandlingane om budsjettet i Stortinget vart dette trekt tilbake. Rammeoverføringane som tidlegare var redusert for dette vart auka att, i tillegg litt ekstra til nokre endringar i barnehagesektoren. Vestnes får auka rammeoverføringane med kr 900.000,-, som vi rår til vert avsett til kjøp av skattetenester, kr 800.000,-, og resten til barnehagesektoren. Ressurskrevjande brukarar er budsjettert for høgt. Dette skuldast m.a. feil i vårt eige utrekningsgrunnlag (enkeltvedtak) og delvis endring i regelverk. Kanskje er strengare revisjon også ei medverkande årsak. Då arbeidsgjevaravgifta vart redusert frå 14,1 % til 10,6 % vart rammeoverføringa til kommunen samstundes redusert tilsvarande det vi sparte i arbeidsgjevaravgift. Det var Kommunaldept. sitt synspunkt at det berre var næringslivet som skulle nyte godt av reduksjonen, ikkje kommunen. Då vi sette opp krav for ressurskrevjande brukarar for 2015 (skal innsendast innan 1. april i år) har administrasjonen kravd 14,1% arbeidsgjevaravgift. Helsedirektoratet og Kommunaldepartementet er ikkje samd i dette. Det utgjer evt. eit tap på om lag kr 700.000,-. Administrasjonssjefen rår kommunestyret til å klage til departementet på denne avgjerda. Dersom kommunen ikkje medhald, vil det også bety lågare inntekt både i 2016 og i fleire år framover. Asyl og integreringstilskott, her vert antyda ei meirinntekt på 1,3 mill. kr. Bakgrunn for dette er at det truleg vert busett nokre fleire flyktningar enn tidlegare rekna med. Ein vi begynne på 2017 kvoten i slutten av 2016. Det kan hende at budsjettet til flyktningteneste må aukast noko som følgje av dette.
5.2 Driftsutgifter Rekneskap for 1. kvartal er enno ikkje ferdig ført og vi kan difor ikkje samanlikne forbruk i år mot same periode i 2015. Men pr. februar var forbruket i år 17,3 % av totalbudsjettet. Tilsvarande var forbruket i 2015 17,6 %. Ser vi på lønsutbetalingane pr. 1. kvartal så var dei i år 26,7 % av totalbudsjett, tilsvarande 27,2 % i 2015. I 2015 greidde vi å holde drifta innanfor budsjettramma, med ei innsparing på 3,2 mill. kr (0,7%) Driftsutgiftene har pr. 1. kvartal i år noko lågare forbruk enn i tilsvarande periode i 2015. Budsjetta til dei einskilde driftseiningane (med få unnatak) er i utgangspunktet realistisk budsjettert. Under føresetnad av at vi klarer å gjennomføre det meste av sparetiltaka som planlagt, og at det ikkje kjem nye større uforutsette kostnader vurderer vi pr. i dag at vi skal klare å holde drifta i balanse. 5.2.1 Nokre kommentarar til drifta: Gjennomføring av sparetiltak Pleie og omsorg Det var stort press på institusjonsplassar første 2 månadane i år, både frå sjukehus og heimebuande. Ved å bruke institusjonsplassar, har vi ikkje fått døgnbøter frå sjukehus eller heildøgnsbemanning ute i einskilde heimar. Dette ville vore dyrare for kommunen. No i mars er situasjonen noko annleis. Presset på institusjonsplassane er mindre, og det er ledige rom. På sjukeheimen vert det gjort flyttingar slik at korttidsavdelinga blir det den skal vere, nemleg at plassane på aktivitetsbygget vert korttidsavdeling. Det krevst at langtidspasientar vert flytta over i sjukeheimen. Spareltaket med reduksjon på 5 plassar ved sjukeheimen bør kunne gjennomførast, men det vil ikkje gje heilårseffekt. Når det gjeld sparetiltaket med å legge ned 8 plassar ved Tresfjord trygdeheim, vert det pr. i dag vurdert at ein ikkje vil klare det. Det vert ikkje vurdert som fagleg forsvarleg å legge ned så mange institusjonsplassar på så kort tid. Ein prøver i staden å unngå vikarinntak så langt det er fagleg forsvarleg og prøve å dekke inn sparetiltak på den måten.
Bu- og habiliteringstenestene Driftseininga skal redusere med 2 årsverk på dagtilbud og ein mill. kr i tillegg (uspesifisert). Pr. i dag har ein greidd å redusere med litt over eitt årsverk ved dagsenteret, men har vanskar med å ta meir. Men det vert tatt reduksjonar på ein del bueiningar istaden. Driftsleiar reknar med at dei skal klare å ta sparetiltaka, og halde budsjettet. Barnevern (BUT) Budsjettet til barnevernsutgifter er 11,4 mill. kr. Utgiftene var 14,7 mill. kr i 2015, ein budsjettreduksjon på 3,3 mill. kr. Her er nok underbudsjettert. Det er fleire nye plasserte barn i 2016, ein del særs kostnadskrevjande tiltak, og store utgifter på juridisk bistand. I tillegg til dette byggjer staten ned ein del av sine tiltak og dei varslar at kommunal barnevernteneste må kompensere dette ved å byggje opp sine tiltak lokalt. Utgiftene til barnevern vert høgre enn budsjettert. Enno for tidleg å være sikker på sum, men vi kan antyde minst 3,0 mill. kr. Lønsoppgjer Det var avsett 8,1 mill. kr til å dekke årets lønsoppgjer og lønstillegg gitt i 2015 som ikkje var avslutta når budsjettet vart utarbeidd og såleis ikkje innarbeidd i sektorane sine budsjett for 2016. - Det er att 7,0 mill. kr til å dekke årets lønsoppgjer - Dette kan dekke eit tillegg på knapt 3,0 % frå 01.05.16. - Normalt er dette alt for liten sum, men signala er at det skal være låge tillegg i år. - Vestnes kommune har ein større andel av dei tilsette i lågløntgruppene enn snittet for kommunane og dersom det vert gitt større tillegg her vil vi få større %-vis auke enn snittet. Pensjonskostnadar Auken i pensjonskostnadene varierer mykje frå år til år, avhengig av løns- og trygdeoppgjer og kor mykje som vert ført som premieavvik (overført til seinare års inndekking). Vi har ikkje noko påverknad på kor stor sum som skal utgiftsførast, vi får avrekning frå KLP og Statens pensjonskasse. Det er utgiftsført følgjande i pensjonskostnader siste åra: År Sum Auke i % Rekneskap 2010 31 560 000 6,4 2011 32 500 000 3,0 2012 32 600 000 0,3 2013 40 000 000 22,7 2014 42 000 000 5,0 2015 45 900 000 9,3 Budsjett 2016 54 000 000 17,6 I tillegg kjem arbeidsgjevaravgift. Pensjonskostnadane auka mindre i 2015 enn det vi hadde rekna med når budsjett 2016 vart utarbeidd. Det er difor truleg budsjettert noko høg pensjonskostnad i 2016. Administrasjonssjefen rår til at pensjonsutgiftene vert redusert med 3,0 mill. kr og brukt til å dekke inn forventa mindreinntekt på tilskott til ressurskrevjande brukarar.
Avskriving uteståande krav Kommunen har ein del eldre utståande krav både på trygderefusjon, husleige, barnehage, SFO m.m.. Dette er inntekter som er bokført tidlegare år. Vi må i år vurdere om desse krava fortsatt er realistisk å få inn. Truleg må ein del avskrivast som tap. Det betyr i praksis at vi må føre det i drifta som ei utgift, som ikkje er budsjettert. Vi kjem tilbake til dette i seinare driftsrapportar. 6. Renter og avdrag I desember 2015 vedtok kommunestyret at vi skulle avvikle plassering av midlar i fond. I staden vart låna nedbetalt med 112,0 mill. kr og resten vert brukt til å redusere bruken av kassekreditt. Det betyr at vi i år vil betale mindre i renter og avdrag enn i 2015, sjølv om vi i år må ta opp eit større lån til investeringar. Ved berre å betale avdrag tilsvarande det som vert rekna som minimumsavdrag vil vi kunne redusere avdragsbetalinga med 2,0 mill. kr meir enn det som er budsjettert. Dette har sjølvsagt samanheng med at vi nedbetalte så mykje ekstra på låna i desember 2015. Rente og avdrag vil holde seg innanfor budsjettert sum, med ei mogeleg innspaing som nemnt ovanfor. 7. Budsjettendringar Administrasjonssjefen føreslår at det i denne omgang vert gjort følgjande budsjettendringar: Tilskott til ressurskrevjande brukarar (ansvar 8401) vert redusert med 3,0 mill. kr Pensjonsutgifter (fordelt på alle ansvar) vert redusert med 3,0 mill. kr. Rammeoverføring (ansvar 8400) vert auka med kr 900.000,- Kjøp av skattetenester (ansvar 1204) vert auka med kr 800.000,- Fellesutgifter barnehage (ansvar 2302) vert auka med kr 100.000,- 8. Investeringsbudsjett Kommunestyret vedtok i sak KST 111/15 eit investeringsbudsjett på 65,9 mill. kr, og i sak KST 31/16 vart det godtkjent overført 50,3 mill. kr. Samla er det i år eit investeringsbudsjett på 116,3 mill. kr. Det er mykje meir enn det som har vore vanleg dei seinare år. Reknar med at vi må ta opp lån på rundt 50,0 mill. kr i år. Administrasjonssjefen har hatt møte med driftsleiarane i tekniske tenester og eigedomsdrift, som har ansvar for gjennomføring av dei fleste investeringsprosjekta, for å fordele kven som har ansvar for dei einskilde prosjekt og forventa framdrift. Vi kjem tilbake med detaljert status i neste driftsrapport.
9. Evaluering av rekneskapsavtale med Molde kommune Vestnes kommune gjekk frå hausten 2014 over til å kjøpe all rekneskapsteneste frå Molde kommune og ikkje lenger har slik avdeling i Vestnes. Bakgrunnen for dette var at vår rekneskapsansvarlege slutta i kommunen og dei to andre på rekneskapsavdelinga gjekk av med pensjon. Vi fann det krevjande å etablere heilt nytt fagpersonale i Vestnes og byggje opp ny rekneskapsavdeling her. Då kommunestyret vedtok driftsbudsjett for 2016 i sak KST 112/15 gjorde dei i pkt 13 følgjande vedtak: Før det vert gjort ei styrking av økonomiavdelinga i sentraladministrasjonen, skal det gjerast ei evaluering av rekneskapsavtale inngått med Molde kommune. I løpet av 2015 var det fleire forhold som ikkje fungerte så godt som vi hadde føresett. Spesielt vart rekneskapen for seint oppdatert, noko som skapte problem i vår rekneskapsrapportering og ikkje minst for dei som skulle følgje opp om uteståande krav var betalt. Vi fekk ikkje sendt purringar tidsnok. Til Molde sitt forsvar må vi opplyse at grunnen til at ein kom i denne situasjonen var at det vart fleire lengre sjukefråvær på rekneskapsavdelinga i 2015 og at ein ikkje greidde å få kvalifiserte vikarar tidsnok. Vi sendte brev til Molde kommune 26.08.15 og tok opp dette og konkluderte med at dette var ein situasjon som ikkje kunne fortsette. Etter det var det fleire møte med rekneskapsavdelinga i Molde der vi gjekk gjennom situasjonen og drøfta tiltak for å betre på forholda. Molde tok problemet vi tok opp svært alvorleg. Den 1. desember 2015 hadde administrasjonssjef og kommunalsjef økonomi i Vestnes møte med rådmann, økonomisjef og rekneskapssjef i Molde for å evaluere korleis stoda var. Molde kommune hadde då sett i verk ei rekkje tiltak for å komme a jour med rekneskapsføringa, m.a. tilsett meir personale og omdisponert personale frå andre einingar som skulle ha ansvar for oppfølgjing av Vestnes. Det meste fungerte då langt betre. Den 17.02.16 hadde administrasjonen i Vestnes møte med rekneskapsavdelinga i Molde for å ta statusrapport. Konklusjonen var at no fungerer det meste slik som føresett og forventa. Når dette er sagt må vi sterkt understreke at problema Molde har hatt skuldast, som før nemnt, vakanse og sjukdom i rekneskapsavdelinga. Vi har heile tida hatt intrykk av at dei vil gjere sitt ytterste for å utføre jobben for oss på ein fagleg god og forsvarleg måte. Då leiinga i kommunen vart kjent med problema, tok dei det svært alvorleg og sette straks i verk tiltak, det vart prioritert å avsette ekstra personale til å følgje opp Vestnes.
Driftsrapport - del 2 Endring i innbyggjartal i 2015 Innbyggjartal pr. 31.12.15 var 6.611, det er ein nedgang på 97 frå året før. Dette er mykje, men vi må sjå det litt i samanheng med at det for nokre år tilbake var tilsvarande auke i folketalet. Endringa i innbyggjartall skuldast følgjande: Endring Folketal 01.01.15 6708 i 2015 Fødde 62 Døde 64 Fødselsunderskott -2 Innvandring 116 Utvandring 30 Nto. Innvandring 86 Innflytting innanlands 151 Utflytting innanlands 332 Nto. innanlands -181 Netto endring i innbyggjartal 2015-97 Folketal 31.12.15 6 611 Vi har eit lite fødselsunderskott. Dette er eit negativt signal for framtidig vekst og utvikling. Vi har stor nto. innflytting frå utlandet og det er det som gjer at innbyggjartalet ikkje er redusert endå meir. Langt fleire flyttar ut frå kommunen til andre kommunar i landet enn det som flyttar tilbake, det er nok hovudårsak til nedgangen i folketalet. Endring i aldersgrupper var som følgjer: 2015 2016 Personar Personar Endring 0 år 60 61 1 1-5 år 339 319-20 6-12 år 542 543 1 13-15 år 232 236 4 16-19 år 390 357-33 20-44 år 2 043 1 951-92 45-66 år 2 026 2 048 22 67-79 år 756 774 18 80-89 år 252 252 0 90 år eller eldre 68 70 2 6 708 6 611-97
Nedgang i barn under skulepliktig alder, kan være medverkande årsak til at det ikkje er press på barnehageplassar. MEN dette vil plante seg vidare opp i aldersgruppene og redusere barnetalet i grunnskulen ytterlegare (dersom det t.d. ikkje vert busett mange flyktningar med barn) Elles er det i aldersgruppene 16 45 år det er nedgang i folketalet. Dette er også den aldersgruppa som får barn og er yrkesaktiv. Eldre aukar, men enno ikkje gruppa over 80 år. Men det vil komme etterkvart. Dette må vi også ha med oss i langtidsplanlegging av både tilbod innan grunnskule og helse- og omsorg. Fordeling på alder, kjønn i 2015: Kvinner Menn 2015 2016 Endring 2015 2016 Endring 0 år 35 27-8 25 34 9 1-5 år 175 170-5 164 149-15 6-12 år 269 273 4 273 270-3 13-15 år 108 114 6 124 122-2 16-19 år 193 179-14 197 178-19 20-44 år 934 866-68 1109 1085-24 45-66 år 943 968 25 1083 1080-3 67-79 år 377 384 7 379 390 11 80-89 år 146 141-5 106 111 5 90 år eller eldre 44 50 6 24 20-4 3224 3172-52 3484 3439-45 Kvinner i aldersgruppa 16 44 år har stor reduksjon og er ein vesentleg årsak til nedgang i folketalet i kommunen. Det er nok også medverkande årsak til lågt fødselstal. Også med tanke på framtidig fødselstal er dette ei negativ utvikling. Menn har nedgang i nesten alle aldersgrupper. At det er så stor nedgang av kvinner bryt litt med det vi trudd tidlegare - at det er arbeidarar innan skipsindustri som har flytta og asylantar frå asylmottaket (med godkjent opphaldstillatelse i Norge) som har flytta. Desse er vel i overvekt menn. Det kan være meir djuptgripande årsaker enn vi har trudd. Nedgangen i innbyggjartal får også økonomiske konsekvensar for kommunen. Prognosen for skatteinntekter i 2016 er redusert med nær 3,0 mill. kr. Rammetilskott for 2017 vert rekna ut etter innbyggjartal pr. 01.07.16. Dersom innbyggjartalet ikkje aukar att fram til då vil vi få redusert rammeoverføring med over 2,0 mill. kr.
Oppfølging av politiske vedtak Kommunestyret gjorde den 22.mai 2014, i sak 33/14, følgjande vedtak: Rapportering som gjeld oppfølging av politiske vedtak blir heretter lagt til driftsrapportane til kommunestyret. Politiske vedtak som ligg att etter førre rapportering (til og med september 2015) - og som ikkje er gjennomførte: Utval Saksnr KST 57/2015 KST 68/2015 KST 76/2015 Kva saka gjeld Status Vidare framdrift Kommunal eigedomsmasse KST bad om å få lagt fram eiga sak om bruken av Myraområdet Reserveløysing oppvarming av kommunale bygg Arealplan Legge fram sak om naust Ei stor og omfattande sak som vil krevje mykje saksførebuing. Ikkje ferdig Heng saman med investeringane i Vestnes Bioenergi AS Arbeider med saka. 6 mnd frist frå KST Usikker på om denne kan leggast fram i 2016. Usikker om sak vert lagt fram vår eller haust. Vert lagt fram våren 2016 Politiske vedtak i perioden september 2015 til og med februar 2016 som ikkje er gjennomførte: Utval/dato Saksnr KST 17.desember 112/2015 Driftsbudsjett 2016 pkt 9 KST 17.desember 112/2015 Driftsbudsjett 2016 pkt 12 KST 17.desember 117/2015 Pkt 8 Kva saka gjeld Status Vidare framdrift Gjennomgang av organisasjonen til Vestnes kommune Evaluering av noverande legevaktsamarbeid Rullering av temaplan for idrett mm Sak om evt oppretting av eigne hallstyre Vedtaket har frist til hausten 2016 Adm.sjef har ikkje iverksett prosess. Haust 2016 Må avklare politiske forventningar til type evaluering. Under førebuing Vår 2016
Tilsyn I denne saka blir ikkje saksområde der kommunen sjølv har tilsynsmynde omtala. Dette gjeld tilsyn med barnehagane og tilsyn innan brannvern/feiing. Administrasjonssjefen omtalar her eksterne tilsyn overfor kommunen der kommuneorganisasjonen er tilsynsobjekt. Arbeidstilsynet Ingen tilsyn sidan sist rapportering. Ingen avvik som ikkje er lukka. Fylkesmannen: Ingen nye tilsyn sidan førre rapportering. Tidlegare avvik innan Bu- og habiliteringstenestene - eit stort tilsyn med internkontrollsystem for begrensing av tvang og makt for utviklingshemma. Eit stort arbeid å lukke avviket. Vedtak om tvang og makt kan gjerast for periodar på 3, 6 eller 12 mnd. Vedtaka skal overprøvast av Fylkesmannen, og fornyast innan fastsett frist. Det føreligg formelle systemkrav på området som vi førebels ikkje oppfyller fullt ut. Vi har også utfordringar med å fylle stillingar med formalkrav til høgskuleutdanning. Vi har system for opplæring av ufaglærte, men Fylkesmannen ønskjer klargjering og eit auka opplæringopplegg. Det blir arbeidd kontinuerleg med dette. Fylkesmannen har endå ikkje lukka avviket, men det er forventa at ein har lukka avviket no i april. Ingen andre avvik som ikkje er lukka. Revisjonen sine forvaltningsrevisjonar: Det vart i 2015 gjennomført ein brei forvaltningsrevisjon på Vestnes kommune si gjennomføring av samhandlingsreforma. Revisjonsrapporten vart lagt fram for kommunestyret som eiga sak. Kontrollutvalet følgjer opp saka. Rapportering av sjukefråver: Rapportering og oppfølging av sjukefråver blir lagt til Arbeidsmiljøutvalet og Administrasjonsutvalet. Desse organa skal følgje opp dette temaet med tiltak og evaluering av tiltak. Kommunestyret får ei noko enklare rapportering i driftsrapportane. I tillegg inneheld kvar årsmelding ei oversikt over kva som blir gjort for å redusere sjukefråveret. Eit eige kapittel omhandlar Vestnes kommune som arbeidsgjevar. I driftsrapporten blir det rapportert berre på hovudtal for heile organisasjonen. Sjukefråver 1.termin 2015: 11,1 % Sjukefråver 2.termin 2015: 9,1 % Sjukefråver 3.termin 2015: 8,7 % Kommunestyret bad administrasjonssjefen vere ekstra merksam på sjukefråveret då akutte sparetiltak starta seinhaustes 2015. I Vestnes kommune er 82 % av dei tilsette kvinner. På landsbasis har menn eit sjukefråvær som utgjer rundt 60 prosent av kvinner sitt sjukefråver. Dette må takast med i vurderingane av sjukefråveret i Vestnes kommune.
For nærmare vurderingar av årsaker til langtidsfråver viser administrasjonssjefen til møte i administrasjonsutvalet den 16.februar 2016. Tiltak for å redusere sjukefråveret: Sjukefråveret er for høgt. Det er semje om dette på alle nivå, både administrativt og politisk. Dette har stort fokus og det er lagt vekt på systematisk arbeid der mange instansar arbeider saman: leiarar, tilsette, tillitsvalde, vernetenesta, legetenesta, NAV, Arbeidslivssenteret, bedriftshelsetenesta. Mål og satsingsområde er nedfelt i vår eigen plan for IA-arbeidet. Det vil føre for langt å ta alle tiltak inn i ein driftsrapport. For nærare informasjon: sjå Administrasjonsutvalet den 16.februar 2016. http://81.26.40.252/einnsyn/utvalg/utvalgmoetedetail?umoeteid=617 Kommunestyret kan sjølvsagt når som helst be om å få ein eigen rapport og dialog om administrasjonssjefen si oppfølging av sjukefråver og systematisk HMS-arbeid. Særutskrift til: