AG Plan og Arkitektur AS Rådgjevande arkitekt og ingeniør arkitektbedriftene Rådgivande ingeniørers forening RIF Ørsta 22.09.2015 Grunneigarar, off. mynde, organisasjonar TILTAK: OPPSTART AV PRIVAT REGULERINGSARBEID I samsvar med 12-1, 12-3, 12-8 og 12-9 i Plan- og bygningslova (27.6.2008) vert det med dette varsla oppstart av følgjande: DETALJPLAN (PBL 12-3) REGULERINGSENDRING FOR LEINE GNR. 26 BNR. 24 i HERØY KOMMUNE VARSEL OM IGANGSETTING AV PRIVAT PLANARBEID, JF. PBL 12-8. I samsvar med 12-8 i Plan- og bygningslova vert det med dette varsla oppstart av arbeid med reguleringsendring for eigedomen gnr. 26 bnr. 24 på Leine i Herøy kommune. Målet med reguleringsendringa er å leggje til rette for fleire bueiningar på eigedomen, inntil 5 stk. I tillegg vil ein endre tilkomsten til tomta. LEINEVIKA Planområde AG Plan og Arkitektur AS Telefon: 70 06 16 00 Sentral Godkjenning: 2002011841 Org.nr: 884 182 042 MVA Webjørn Svendsen gate 12 firmapost@agplan.no 6150 ØRSTA www.agplan.no
Side 2 av 5 Tiltakshavar: Tiltakshavar er Landbruks-bygg AS som er representant for grunneigar Bjørka Kapital AS v/ Bergtor Leine. Utførande konsulent er AG Plan og Arkitektur AS. Planområde: Planområdet er relativt lite og femnar om lag 2,5 daa. Gjeldande kommuneplan: Kommuneplanen sin arealdel for Herøy 2013-2025 skal fortsatt gjelde. Vidare er det vist faresone for ras- og skredfare over eigedomen. Som del av reguleringsarbeidet vil ein gå gjennom Fylkesmannen i Møre og Romsdal si sjekkliste for vurdering av risiko og sårbarhei og her avklare om det er behov for nærare utgreiingar i høve ras- og skredfare. Gjeldande reguleringsplanar: Eigedomen gnr. 26 bnr. 24 inngår i den gjelande reguleringsplanen «Leine 1», som trådde i kraft 29.1.1993. Planidentifikasjonsnummeret er 199301. Eigedomen er regulert som bustadføremål (B7).
Side 3 av 5 Denne varsla reguleringsendringa vil såleis erstatte del av gjeldande reguleringsplan «Leine 1». Sjå bilete under. Bakgrunnen for at del av gnr 26 bnr 62 er teke med er at ein i planområdet vil ha med frisiktlinjer for ny avkøyrsle. Utsnitt av gjeldande reguleringsplan Leine 1 (raud strek er vår plangrense). Litt om bakgrunnen for reguleringsendringa: Ny avkøyrsle er vist med pil, ca plassert. Tiltakshavar ønskjer å bygge om og bygge til eksisterande bustadhus på gnr. 26 bnr. 24. I tilknyting til ombygginga er det planlagt eit garasjebygg med ei leilegheit på toppen. Maks BYA er tenkt 40 % (konsentrert utnytting). Det er planlagt inntil 5 bueiningar på eigedomen. Tilkomst: Tilknyting til offentleg hovudveg, fylkesveg nr. 18, vert via den kommunale vegen Støylavegen. Denne vegen har skilta hastigheit 30 km/t. Tiltakshavar og Herøy kommune ser at dagens tilkomst ikkje er ei hensiktsmessig løysing. Eigedomen deler avkøyrsle og tilkomstveg med naboeigedom i vest, vegen er bratt og avkøyrsle inn på eigedom har krapp sving. Tiltakshavar ønskjer ny avkøyrsle frå Støylavegen aust på tomta med kryssing av gang- og sykkelveg. Denne nye avkøyrsla vil vere oversikteleg og det vil verte mindre trafikk i den bratte felles avkøyrsla eigedomen nyttar i dag. I høve eksisterande tilkomstløysing vurderer ein fordelane med ny avkøyrsle over gang- og sykkelveg som større enn ulempene ny avkøyring medfører med kryssing av gang- og sykkelveg.
Side 4 av 5 Saksgangen hittil: Det blei halde førehandskonferanse med Herøy kommune 27.04.2015. Her kom det fram at utbygginga medførte behov for reguleringsendring. Oppstartsmøte i høve reguleringsarbeid blei halde 10.09.2015. Konklusjonen frå dette oppstartsmøtet var at planarbeidet kunne settast i gong som no forvarsla. Reguleringsføremål: Aktuelle reguleringsføremål er bygningar med tilhøyrande anlegg (konsentrert småhusbusetnad), samferdselsanlegg og teknisk infrastruktur (køyreveg, gang-/sykkelveg) og ev. omsynssoner (frisiktsone, osv.). Fleire føremål kan kome til undervegs i reguleringsprosessen som følgje av saka si gong. Planprosess, medverknad: I planarbeidet vil ein i samarbeid med kommunen drøfte/avklare ev. overordna forhold som vert berørt av utbygginga. Basert på innspel i tilknyting til forvarslinga vil vi vurdere om det er behov for avklaringar opp mot særskilte grupper som: Fellesrådet for eldre og menneske med nedsett funksjonsevne, Ungdomsrådet og Barnerepresentanten. Opp mot grunneigarar og naboar: Det vil bli halde møte med grunneigarar og naboar om det viser seg å vere særskilt behov for det. Type reguleringsplan: Reguleringsplanen vil bli fremja som ein detaljplan etter plan- og bygningslova 12-3. Konsekvensane av planen, jf Plan- og bygningslova 4-1, 4-2 og 4-3: Tiltaket er vurdert til å ikkje vere av eit slikt omfang og av slik karakter at det er naudsynt med planprogram og/eller KU etter PBL 4-1 og 4-2. Det vil bli utarbeidd ei risiko- og sårbarheitsanalyse (ROS) som del av planarbeidet, jf. sjekkliste utarbeidd av fylkesmannen i Møre og Romsdal. Innspel/merknader til varsel om oppstart: Innspel/merknader til planarbeidet skal vere skriftlege og sendast til: AG Plan og Arkitektur AS (e-post): firmapost@agplan.no Frist: 06.11.2015 (postadresse): Webjørn Svendsen gate 12, 6150 Ørsta E-post og ev skriv skal vere merka: REGULERINGSENDRING FOR LEINE GNR. 26 BNR. 24 Eventuelle spørsmål til planarbeidet kan rettast til underteikna.