VURDERINGSRAPPORT GLESNES SKULE Vurderingsveka : veke 14; 4. 7.april 2011 1
1 FØREORD Regionalt samarbeid om vurdering og kvalitetsutvikling Fjell, Øygarden og Sund (FØS) har etablert eit samarbeid om ekstern skulevurdering; med start våren 2008. I dette samarbeidet er økonomiske og personlege ressursar samla og nytta på tvers av kommunegrensene på ein god og effektiv måte. Ut frå forskrift 2-1- knytt til Opplæringsglova 14-1, fjerde ledd: Skolen skal jamleg vurdere i kva grad organiseringa, tilrettelegginga og gjennomføringa av opplæringa medverkar til å nå dei mål som er fastsette i den generelle delen av læreplanen og dei enkelte læreplanane for fag. Kommunen har ansvar for å sjå til at vurderinga blir gjennomført etter føresetnadene. I Opplæringsslova 13-10,2.ledd heiter det også: Kommunen skal ha eit forsvarleg system for vurdering av om krava i lova og forskriftene blir oppfylte. Det vart i 2007 vedteke av skulesjefane/skulefagleg ansvarlege i FØS at det skulle etablerast eit vurderingsnettverk i regionen. Mål: Ei vurderingsgruppe på tvers av kommunegrensene skal vera til hjelp i arbeidet med pedagogisk kvalitetsutvikling i skulane. Føremålet er mellom anna: Knyta saman god praksis i regionen. Vedkjenna oss at skulen både treng, og kjem til å få «auge utanfrå». Nytta ekstern hjelp i vurderingsarbeidet og utvikla vurderingskompetanse. Oppfylla kravet i Opplæringslova om kommunane sitt ansvar for å sjå til at skulane jamleg vurderar si eiga verksemd. Kven er vurderar? 22 personar i regionen er medlem i vurderingsnettverket, - 13 vurderarar og 9 hospitantar. Dei har brei og variert pedagogisk bakgrunn, og skal vurdera dei 31 grunnskulane i regionen innan 3 år, dvs. om lag 10 skular for kvart skuleår. 2-3 medlem frå nettverket gjennomfører vurdering på ein skule, og ingen vurderer skular i eigen kommune. Denne gongen vil til saman 5 skular verta vurderte. Det vert ein ny vurderingsrunde hausten 2011 og då med 5-6 nye skular. Alle skulane i regionen har vorte vurdert ein gong. Våren 2011 startar andre vurderingsrunde. 2
Om prosessen Skulen vel eit fokusområde for vurdering, i samråd med skuleeigar Fokusområdet må ha utviklingspotensiale. Fokusområdet vert meld inn til prosjektkoordinator. Vurderarane førebur sjølve vurderinga gjennom eit samarbeid med skulen, med utarbeiding av kriterium, og metodeval og verktøy tilpassa det området skulen ynskjer fokus på. Skulevitjing med kartlegging, observasjon og samtalar Vurderinga vert gjennomført. Våren 2011 vil vurderinga verta gjennomført i veke 14 og 15. Rapporten Vurderarane skriv rapport om resultatet av vurderinga. Rapporten trekkjer både fram verksemda sine sterke sider innanfor vurderingsområdet, og kva utfordringar skulen har framover. Den gjev også informasjon om rammene for vurderinga tidsbruk, metodeval, verktøy m.m. Vurderinga tek ikkje mål av seg til å gje eit fullstendig bilete av skulen, men kanskje eit bidrag til kva ein skal arbeida vidare med innan det fokusområdet som er vurdert. Det er eit ynskje at dei reiskapar og metodar som har vore nytta, kan overførast til det interne vurderingsarbeidet skulen årleg arbeider med. Rapporten vert gjort offentleg på kommunen si web-side om lag ein månad etter at den er lagt fram for skulen og skuleeigar. 2 FAKTA OM SKULEN Glesnes skule er ein barneskule med 73 elevar fordelt på 5 klassar. Det er ein fådelt skule der 2. og 3. klasse og 5. og 6. klasser er slått saman. Skulen har 7 lærarar og 3 assistentar, ein sekretær i 25% stilling. Skulen har ny rektor, han underviser i 4 t i veka. Skulebygget vart oppført i 1950. Elevane på Glesenes skule kjem frå Glesnes, Golta og Kausland. Skulen har eit flott nærområde med kort veg til sjø, og til stiar / merka løyper i skog og mark. Glesnes skule har ei engasjert foreldregruppe. Frå verksemdsplanen: Sund kommune sin visjon: Vi finn løysingar i lag. Verdiane våre: Tilgjengeleg, Raus, Kompetent og Løysingsfokusert. 3
3 VURDERINGSTEMA Glesnes skule har valt følgjande tema for den eksterne vurderinga: VARIERT UNDERVISNINGSMETODIKK. Då Glesnes skule hadde skulevurdering våren 2008 var dette temaet eit av utviklingsområda nemnt i rapporten. Dette har vore utgangspunktet for skulen sitt val av tema. I løpet av skuleåret har skulen og gjennomgått ei kursrekkje der det har vore mykje fokus på ulike arbeidsmetodar. Temaet er mellom anna forankra i prinsipp for opplæringa, s. 4, tilpassa opplæring og likeverdige føresetnader: Tilpassa opplæring for kvar einskild elev er kjenneteikna ved variasjon i bruk av lærestoff, arbeidsmåtar og læremiddel og variasjon i organisering av og intensitet i opplæringa. Elevane har ulike utgangspunkt, bruker ulike læringsstrategiar og har ulik progresjon i forhold til nasjonalt fastsette kompetansemål. Læringsplakaten punkt 6, skulen skal fremje tilpassa opplæring og varierte arbeidsmåtar. 4
4 KRITERIUM/KVALITETSKRAV Kriterium tyder her krav til kjenneteikn på god kvalitet. Dei fastsette kriteria er henta frå lov, regelverk, rettleiingar, læreplanverk og skulen sine eigne planar. Når vurderarane gjennomfører ei vurdering, vert kriteria og teikn på god praksis jamført med den informasjon som er samla inn om temaet; gjennom intervju, observasjon o.a. på skulen. Kriteria speglar ønskja om å finna ut om kvar skulen står i dag med omsyn til vurderingstemaet. Kriterium i denne rapporten er utforma av vurderarane, og godkjende av skulen. KRITERIUM Skulen er ein lærande organisasjon TEIKN PÅ GOD PRAKSIS Leiinga kjenner til korleis undervisninga blir gjennomført Leiinga observerer undervisninga og gjev tilbakemelding til lærar Leiinga legg til rette for erfaringsutveksling og refleksjon Skulen har ein overordna pedagogisk plattform med undervisningsmetodikk som eit utvalt fokusområde Lærarane brukar tid til å dele gode arbeidsmåtar/undervisningsopplegg Leiinga prioriterar tid til kompetanseutvikling for lærarane Skulen vurderar jamleg resultatet av arbeidsmåtar og aktivitetar sett i forhold til læringsutbyttet 5
Elevane brukar ulike arbeidsmåtar i skulekvardagen Elevane lærar gjennom ulike arbeidsmåtar i alle fag Elevane når læringsmåla gjennom variert undervisningsmetodikk i alle fag Elevane får uttrykke seg gjennom ulike aktivitetar og ta i bruk ulike sansar i alle fag Elevane får rettleiing i kva arbeidsmåtar som fungerar best for dei Elevane er med å vurdere eiga læring Eleven får moglegheit til å velje den arbeidsmåten som passar best for han i alle fag Lærarane legg opp til varierte arbeidsmåtar Lærarane tek omsyn til at elevane lærar på ulike måtar Lærarane er oppdaterte og har kunnskap om ulike arbeidsmåtar Lærarane vel arbeidsmåtar som er knytt til innhaldet i læringsmåla Lærarane ser elevane kvar dag Skulen har tilgang til variert undervisningsmateriell Undervisningsrom er innreia slik at det ligg til rette for variert undervisning 6
Heimen har kjennskap til dei ulike arbeidsmåtane elevane nyttar Ulike arbeidsmåtar er tema på foreldremøte Ulike arbeidsmåtar er tema i utviklingssamtalane med foreldra Foreldre/føresette får oppdatert informasjon om kva arbeidsmåtar elevane nyttar Foreldra/føresette opplev at terskelen for å ta kontakt med lærar/skulen er låg. Foreldra/føresette kjenner læringsmåla til elevane 7
Interne 5 DELTAKARAR I VURDERINGA - Elevrådet - Lærarane ved skulen - Rektor - FAU Eksterne vurderarar: Hege Høyland og Terje Jensen Hospitantar: Karen Storesund og Olaug Lønningen Vurderingstemaet er eit tema som er viktig i all pedagogisk verksemd. Dei ansvarlege for undervisninga; lærarane og brukarane; elevane, har detaljoversikten over korleis undervisninga er til dagen. Difor er det naturlege informantar. Rektor har hovudansvaret for alle sider ved verksemda og er med det ein naturleg informant. Foreldra har og stort innblikk i korleis borna deira har det på skulen og korleis læringsarbeidet fungerer for kvar einskild. FAU vart denne gongen valt som eit representativt utval av foreldra. 6 TIDSBRUK Det er avsett ei veke (5 arbeidsdagar) til å vurdera ein skule. Med i dette er også ein startdag der vurderarane møter skulen for fyrste gong - for avklaringar og planlegging. Møtet vert kalla Førehandsmøtet. Under sjølve vurderinga, er vurderarane på skulen i inntil 4 dagar. Skulen får rapporten siste dagen. I forkant og undervegs førebur vurderarane informasjon, metodar, verktøy, driv vurdering av informasjon og har oppsummeringar. Å gjennomføra ei kvalitetsvurdering på 3 dagar er knapp tid, og inneber ei avgrensing av vurderinga. 8
Tidsplan, Glesnes skule. Vurdering i veke 14 04. - 07. april 2011 TID TILTAK ANSVAR Før tysd 25.jan Frist for å melda inn vurderingstema: 25.02 Skulen Før fred 04.febr Møte koordinator rektorar + skriftleg materiell: Koordinator Før 11.febr - Nettverksmøte veke 6: arbeidsdeling og vurderingskriteria,.. Koordinator - Gjera avtale om førehandsmøte med rektor og personale Vurderarane Vekene 06-10 - Gjennomgang og fordjuping i vurderingstema. - Møte med rektor på Glesnes tysdag 22.02.11 kl. 14.30 - Laga framlegg til kriterium / glansbilete og endeleg tidsplan Vurderarane Vurderarane møter personalet/rektor ved skulen måndag 07.03.11 kl. 13.00 - Gjera event. ytterlegare avklaringar i tema - Info om metodebruk og kven vi ynskjer som informantar Innan 10; dvs 11.mars - Presentera framlegg til kriteria og teikn på god praksis; dvs. glansbiletet - Invitera til og å setja frist for tilbakemeldingar om kriteria - Informasjonsbrev til foreldra - Koma med ynskjemål til rektor om timeplan for vurderingsveka Vurderarane/ rektor Innan veke 11: Fredag 18.mars Innan veke 12: Dvs fred 25.mars Veke 14 04.-07.04 11.april Innan 15.april - Be om relevant materiell frå skulen til bruk i vurd.arbeidet - Skulen drøftar kriteria og kjem med evt. framlegg til endringar og/eller tillegg. - Event. utsending av påstandsskjema og avtale om tid for retur - Førebuingar: endeleg val av metodar, dokumentanalyse, observasjonsskjema, samtaleguidar og timeplan for vurd.veka. - Oppsummering av event. påstandsskjema - Observasjon, intervju med personale, elevar og leiing - Gjennomføring av foreldremøte. - Endeleg utarbeiding av rapport onsdag og torsdag. - Presentasjon torsdag kl. 14.30 Frist for skulen: innspel om faktiske feil + skulen sin frist for evaluering Endeleg rapport vert sendt skule/ kommune og vert lagt ut på nettet Vurderarane/ rektor Vurderarane og admin. ved skulen Alle Skulen Vurderarar, skule og kommune 9
7 METODAR Tema og tid til rådvelde verkar inn på val av metode. Vanlege metodar er dokumentanalyse, spørjeskjema, krysskjema, individuelle samtalar og gruppesamtalar, møte og observasjon. I denne vurderinga er følgjande metodar nytta: Dokumentanalyse Skulen sende vurderarane diverse relevante dokument: Verksemdsplan, årsmelding, vekeplanar, halvårsplanar, plan for stasjonsarbeid og oversikt over undervisningsopplegg Kriterium og teikn på god praksis Vurderarane utarbeidde kriterium og teikn på god praksis med utgangspunkt i Kunnskapsløftet og lovverket. Vurderarane og hospitantane gjennomførte eit førehandsmøte med skulen i veke 10. Saman med skulen utarbeidde vurderarane og hospitantane glansbiletet. Spørjeskjema/Påstandsskjema Ved denne vurderinga valde vi ikkje å nytte oss av påstandsskjema. Observasjon I løpet av veka har vi hatt observasjonsøkter i alle klasser i tilfeldig valde fag Verktøy for vidare informasjonsinnhenting For å kunna gjera djupdykk i temaet, laga vurderarane intervjuguidar for intervju med dei tilsette og elevane. Glansbiletet var grunnlaget for utarbeiding av desse. Vi laga guidar tilpassa elevar, lærarar og rektor. Tema for spørsmåla var knytte opp til kriteria. Det vart og utarbeidd spørsmål til bruk på foreldremøtet. Vurdering Vurderarane føretok ei vurdering, med grunnlag i observasjon, dokumentanalyse, spegling av utsegna frå tilsette, elevar og føresette mot utarbeidde kriterium og teikn på god praksis. Utifrå vurderinga vart det trekt konklusjonar. 10
8 SKULEN SINE STERKE SIDER INNAN VURDERINGSOMRÅDET Skulen er ein lærande organisasjon Gjennom intervju av rektor, lærarane og elevar kjem det fram at rektor besøker med jamne mellomrom alle klassane. Sund kommune har hatt fokus på skulevandring og dette er noko Glesnes skule har gjennomført. I følgje lærarane og rektor, gjev rektor tilbakemelding på det han har observert både på ein formell og uformell måte. I følgje lærarar og rektor er det ikkje sett av tid til eit systematisk arbeid med erfaringsutveksling og refleksjon i personalet. Det er likevel noko som skjer i stor grad i kvardagen. Dette gjeld også lærarane si tid til å dele gode arbeidsmåtar/undervisningsopplegg. Leiinga prioriterar tid til kompetanseutvikling for lærarane. I tillegg til ei kursrekkje i Norconsult sin regi, har leiinga sytt for at før og etterarbeidet til kvart kurs har blitt gjort. Han har og lagt til rette for at personalet kan delta på andre kurs. Lærarane legg opp til varierte arbeidsmåtar På bakgrunn av observasjon, intervju og dokumentanalyse ser vi at lærarane tek omsyn til at elevane lærar på ulike måtar. Undervisninga er variert, og elevane nyttar mange ulike arbeidsmåtar. Gjennom intervju har vi også fått informasjon om at lærarane har vore gjennom ei kursrekkje der ulike arbeidsmetodar har blitt presentert. Vi vurderer lærarane som særs oppdaterte og kunnskapsrike innafor emnet varierte arbeidsmåtar. Sjølv om det er stor variasjon i bruk av arbeidsmåtar, ser vi i mindre grad at val av arbeidsmåtar er knytt til læringsmåla. Gjennom intervju får vi informasjon om at det er andre faktorar som er styrande i val av arbeidsmetodar. Lærarane nemner i stor grad ytre faktorar som til dømes tid eller tilgjengelege ressursar som styrande. Vi observerte at det er god kultur på skulen for å vise at lærarane ser elevane kvar dag. Elevane er derimot ikkje eintydig samde i dette. 11
Vi har ikkje funne at skulen har stor tilgong til variert undervisningsmateriell, og vi har funne store variasjonar frå klasserom til klasserom i høve til konkretiseringsmateriell som ligg framme. Det kjem fram i intervju at lærarane i stor grad lagar undervisningsmateriell sjølve. Lærarane gir uttrykk for at mangel på lagringsplass og systematisering senkar dei, og til dels hindrar bruk av det dei har. Gjennom intervju og observasjon kom det fram at klasseromma var innreia slik at det er lett å endre frå individuell-, til par- og gruppearbeid. Vi observerte i svært varierande grad andre teikn på at innreiinga var lagt til rette for variert undervisning. Heimen har kjennskap til dei ulike arbeidsmåtane elevane nyttar. Det kjem tydeleg fram gjennom intervju med FAU og lærarane at ulike arbeidsmåtar er tema på foreldremøte, og foreldra har fått oppdatert informasjon om kva arbeidsmåtar elevane nyttar. Det kjem derimot ikkje like tydelig fram at ulike arbeidsmåtar er tema i utviklingssamtalane mellom lærarane og foreldra. Her har lærarane ulik praksis. Gjennom observasjon og intervju kjem det fram at foreldra ofte er i kontakt med skulen og at terskelen for å ta kontakt opplevast som låg. I intervju med FAU, elevane og lærarane, og gjennom dokumentanalyse kjem det fram at skulen informerer godt om læringsmåla og at informasjonen kjem fram til foreldra/føresette. 12
9 SKULEN SINE UTVIKLINGSOMRÅDE INNAN VURDERINGSOMRÅDET Skulen er ein lærande organisasjon Glesnes skule har ikkje ei overordna pedagogisk plattform med undervisningsmetodikk som eit utvalt fokusområde. Gjennom dokumentanalyse og intervju har vi fått bekrefta det heller ikkje er ein del av planverket til skulen. Det kom fram gjennom intervju og dokumentanalyse at skulen ikkje jamleg vurderer resultat av arbeidsmåtar og aktivitetar sett i forhold til læringsutbyttet. Men vi ser at einskildlærarar reflekterer over dette sjølv om det ikkje er sett i system. Elevane brukar ulike arbeidsmåtar i skulekvardagen Sjølv om all dokumentasjon peikar mot at elevane lærer gjennom ulike arbeidsmåtar i alle fag, kan vi ikkje dokumentere at elevane når læringsmåla gjennom variert undervisningsmetodikk. Det har i liten eller ingen grad kome fram dokumentasjon som syner at det har vore fokus på samanhengen mellom undervisningsmetodikk og måloppnåing. Gjennom intervju har det kome fram at ikkje alle elevane får rettleiing i kva arbeidsmåtar som fungerer best for dei, men dei får uttrykt seg gjennom ulike aktivitetar. Gjennom observasjon har vi i liten grad sett at elevane får bruke ulike sansar i alle fag. Skulen har eit system for vurdering med sterke fellestrekk. Kva som blir vurdert er noko varierande. Mykje av det som blir vurdert er rutinar, orden og sjølve oppgåveløysinga. Vi finn i mindre grad at det er måloppnåinga som blir vurdert. Sjølv om elevane i stor grad får bruke ulike arbeidsmetodar, finn vi i liten grad at elevane får moglegheit til å velje arbeidsmåtar ut i frå kva som fungerer best for den einskilde. Gjennom observasjon og intervju kjem det fram at elevane i varierande grad får vurdere eigen læring. Vi har ikkje funne teikn på at dette er sett i system. 13
10 IDEAR TIL VIDARE ARBEID Utviklingsområde Skulen er ein lærande organisasjon Idear Skulen kan setje ein betre samanheng mellom drifta av verksemda og dei overordna planane. Det kan gjerast ved å få fokusområdet undervisningsmetodikk med i verksemdsplanen. Dette kan vere med å rettferdiggjere ressursbruk og halde engasjementet oppe. Rydde bort materiell og inventar som ikkje er i bruk. På den måten kan de nytte både lager og undervisningsromma betre. Skulen kan setje av periodar i året der lærarar og rektor vurderar arbeidsmåtar og undervisningsmetodikk i samanheng med resultat på faste kartleggjingsprøvar og nasjonale prøver. Elevane brukar ulike arbeidsmåtar i skulekvardagen Når lærarane skal setje opp læringsmål, kan dei ha eit auka medvit i val av arbeidsmetode knytt til desse. Gjerne bruka praktiske arbeidsmetodar med element henta frå MI pedagogikken. Lærarane har gjennom kursrekkja med Norconsult lært mange ulike arbeidsmetodar. Målet framover kan vere å velje ut arbeidsmetodar som er tilpassa den einskilde elev. Dette vil også gjere det enklare for læraren å legge til rette for at eleven skal 14
velje den metoden som passar best for han. Skulen har eit godt system for elevvurdering. Framtidig kan ein auke fokus på arbeidet med å bryte ned læringsmåla slik at ein lettare kan vurdere læringsutbyttet. 6 månadar etter at skulevurderinga finn stad, vil rektor rapportera attende til skulesjef/skulefagleg ansvarleg korleis skulen har arbeidd med utviklingsområda sine. Det politiske fagutvalet vil få ei orientering. Glesnes skule 07.04-2011 vurderar vurderar hospitant hospitant FØS vurderingsnettverk FØS vurderingsnettverk FØS vurderingsnettverk FØS vurderingsnettverk 9 stk Vedlegg 15
Innhald: - gruppearbeid - møte FAU - Intervjuguide elevar - Intervjuguide lærarar - Intervjuguide rektor - Observasjonsskjema 16
Gruppearbeid møte FAU Korleis blir dei ulike arbeidsmåtane barna nyttar gjort kjende på foreldremøta? I kva grad er ulike arbeidsmåtar tema i utviklingssamtalane? På kva andre måtar blir du informert om kva arbeidsmåtar barna nyttar i skulearbeidet? Vel i kva grad er du samd i påstanden Foreldre/føresette får oppdatert informasjon om kva arbeidsmåtar elevane nyttar I STOR GRAD I NOKO GRAD I LITEN GRAD Kva teikn ser de på at skulen brukar varierte undervisningsformar? Korleis får du kjennskap til elevane sine læringsmål? Vel i kva grad du er samd i påstanden Eg kjenner til læringsmåla I STOR GRAD I NOKO GRAD I LITEN GRAD Korleis veit barna dykkar kva for arbeidsmåtar som fungerer best for seg? Kommentarar: 17
Intervjuguide elevar: Vi startar med å forklare omgrepa vi skal bruke: Gruppearbeid, pararbeid, tavleundervisning, praktisk arbeid, data, sjølvstendig arbeid. Før vi startar: Trivst du på skulen? Veit du kva vi meiner med ulike arbeidsmåtar? Kva for måtar arbeidar de på i klassen din? Korleis førebur læraren din deg på ulike arbeidsmåtar før du startar på ei oppgåve? Korleis får du velje den arbeidsmåten som passar best for deg i dei ulike faga? Kva for fag får de velje arbeidsmåte i? Fortel om korleis de jobbar når de ikkje sit i ro og brukar til dømes arbeidsboka. Korleis får du vite kva du skal lære i dei ulike faga? ( seier læraren noko om det før timen startar?) Korleis gjer læraren deg tilbakemelding på om du har lært det som er målet? Korleis får du vere med på å seie noko om kva du syns du har lært? 18
Korleis merkar du om læraren ser deg kvar dag? Kva trur du rektor veit om korleis de jobbar? Anna: 19
Intervjuguide lærarar Skulen er ein lærande organisasjon Korleis får rektor kjennskap til korleis undervisninga blir gjennomført? Korleis vert resultatet av arbeidsmåtar og aktivitetar vurdert sett i forhold til læringsutbyttet? I kva grad får du tilbakemelding av leiinga basert på observasjon av undervisning? Korleis legg leiinga til rette for erfaringsutveksling og refleksjon? Korleis og i kor stor grad blir det brukt tid på å dele gode arbeidsmåtar/ undervisningsopplegg? Korleis stiller du deg til påstanden: Skulen har ein pedagogisk plattform med undervisningsmetodikk som eit utvald fokusområde? Elevane brukar ulike arbeidsmåtar i skulekvardagen Kva gjer du for at elevane skal få uttrykkje seg gjennom ulike aktivitetar og ta i bruk ulike sansar i alle fag? Korleis vert det gitt rettleiing til elevane i kva arbeidsmåtar som fungerer best for dei? Korleis legg du til rette for at elevane får moglegheit til å velje den arbeidsmåten som passar best for han i alle fag? 20
I kva grad er elevane med og vurderer eiga læring? Lærarane legg opp til varierte arbeidsmåtar Korleis tar du omsyn til at elevane lærer på ulike måtar? Korleis har du fått oppdatering og kunnskap om ulike arbeidsmåtar? Kva legg du vekt på når du vel arbeidsmåtar? Korleis vurderer du tilgongen din til variert undervisningsmateriell? I kva grad er innreiinga av undervisningsromma lagt til rette for variert undervisning? Heimen har kjennskap til dei ulike arbeidsmåtane elevane nyttar Korleis informerer du foreldra om ulike arbeidsmåtar? Korleis stiller du deg til påstanden: Foreldra kjenner til læringsmåla Anna: 21
Intervjuguide rektor Skulen er ein lærande organisasjon I kva grad kjenner du til korleis undervisninga blir gjennomført? I kva grad gir du tilbakemelding til lærarane basert på observasjon av undervisning? Korleis legg du til rette for erfaringsutveksling og refleksjon i personalet? Korleis stiller du deg til påstanden: Skulen har ein overordna pedagogisk plattform med undervisningsmetodikk som eit utvald fokusområde? Korleis er kompetanseutvikling for lærarane prioritert på skulen? Korleis vert resultatet av arbeidsmåtar og aktivitetar vurdert, sett i forhold til læringsutbyttet? I kva grad brukar lærarane tid til å dela gode arbeidsmåtar/undervisningsopplegg? 22
Lærarane legg opp til varierte arbeidsmåtar Korleis tar lærarane omsyn til at elevane lærer på ulike måtar? Korleis sikrar du at lærarane er oppdaterte og har kunnskap om ulike arbeidsmåtar? Korleis vurderer du tilgangen til variert undervisningsmateriell? Heimen har kjennskap til dei ulike arbeidsmåtane elevane nyttar Korleis informerer skulen om ulike arbeidsmåtar? Kva gjer skulen for at foreldra skal oppleve at terskelen for å ta kontakt med skulen er låg? 23
Observasjonsskjema: Korleis er klasserommet tilrettelagt? fleksibelt Kva utstyr er tilgjengeleg? Datamaskiner Bøker å lese i Konkretar anna Kva arbeidsmetodar er i bruk? Individuelt Gruppe Tavle Par Drama Anna Er andre rom tatt i bruk/ tilgjengeleg? Anna 24