Samanstilling og vurdering etter høyring av reguleringsplan Gang- og sykkelveg inkludert planfri kryssing over Rv13 ved Bjørgum Region vest Leikanger, R.vegktr Planseksjonen Dato: april 2012
Føreord Statens vegvesen la forslag til reguleringsplan Planfri gang- /sykkelveg kryssing ved ved Bjørgum ut til offentleg ettersyn frå 10.februar til 23.mars 2012, etter 3-7 i Plan- og bygningslova. Dette dokumentet er Statens vegvesen si oppsummering av alle merknader som har kome inn i høyringsperioden, vår uttale til desse og eventuelle forslag til endringar i høve innkomne merknader. Til sist i dokumentet er kopi av alle innkomne merknader. Dokumentet vert sendt til Voss kommune saman med reguleringsplan, som grunnlag for politisk handsaming av reguleringsplanen. Samtidig får alle som har kome med innspel i høyringsperioden tilsendt dette dokumentet. 1
1. Generelt 3 2. Referat av merknader med Statens vegvesen sine vurderingar 3 3. Aktuelle endringar på reguleringsplanen 6 3.1 Snuplass langs Bjørgavegen 6 3.2 Eventuelle automatisk freda kulturminne 7 3.3 Midlertidig anleggsområde 4. Oppsummering av andre innspel 7 4.1 Gangvegsystemet 7 4.2 ROS-analyse 8 4.3 Bjørgavegen 8 4.4 Eigedomstilhøve 8 4.5 Gjennomføring av veganlegget 9 4.6 Busshaldeplass 9 Tillegg: Kopi av alle innkomne merknader 10 2
1. Generelt I Statens vegvesen sitt arkivsystem har denne saka dokument nr 2010107743. Under denne saka ligg alle dokument vedrørande det formelle arbeidet med reguleringsplanen, inkludert utgåande og inngåande brev i samband med høyringa av reguleringsplanen. Dei innkomne merknader er nummererte i høve til dokumentnr dei har fått i arkivet. Dei ligg som kopiar bakerst i dette dokumentet. I høyringen av forslag til reguleringsplan kom det inn i alt 5 skriftlege merknader. I kapittel 2 er alle dokumenta som kom inn under høyring av reguleringsplanen refererte, med Statens vegvesen sine svar og innstillingar til innspela. Forslag til endringar på reguleringsplanen på bakgrunn av innspel går fram av kapittel 3. I kapittel 4 er andre innspel samla temavis med våre vurderingar. Etter kapittel 4 ligg kopiar av alle innkomne merknader, nummererte i høve til dokumentnr dei har i Statens vegvesen sitt arkiv. 2. Referat av merknader med Statens vegvesen sine vurderingar Merknadane som kom inn under høyring av reguleringsplanen er i dette kapittelet korfatta refererte med påfølgjande svar eller innstillingar frå Statens vegvesen. Dokument nr 42 Frå Fylkesmannen i Hordaland Fylkesmannen finn at tiltaket er positivt i seg sjølv utan negative konsekvensar av nasjonal eller regional karakter. Fylkesmannen gjer merksam på at ROS-analysen må nytte akseptkriteria som er i tråd med byggteknisk forskrift (TEK 10) og at anlysen må sjå på risiko både innanfor og utanfor planområdet som kan påverke tiltaket, og eventuell risiko som følgje av tiltaket. Statens vegvesen sine svar: Byggteknisk forskrift skal sikre at tiltak vert planlagt, prosjektert og utført ut frå omsynet til god visuell kvalitet, universell utforming og slik at tiltaket oppfyller tekniske krav til tryggleik, miljø, helse og energi. Vi finn at planlagde tiltak ikkje gir fare for ras eller har vegar i områder med fare for ras. Det er avklara at naturelement ikkje vert skada av tiltaka i planen. Grunntilhøva er undersøkte for å sikre at planlagde konstruksjonar kan byggast og driftast, utan fare for utgliding. Veganlegget innanfor reguleringsplanen er utforma i tråd med krava til universell utforming. Vi finn difor at risiko og sårbarhet er klargjort gjennom planarbeidet og er i tråd med byggteknisk forskrift. Dokument nr 43 Frå NVE NVE har ingen merknader til planen. 3
Dokument nr 44 Frå Jarle Bjørgum, Gbnr 175/1 Bjørgum meiner at brua til Bjørgavegen er for smal og er eit problem for store køyretøy. Han ber om at Rv13 vert utvida med ei lomme ved avkøyrsla til Bjørgavegen, på motsatt side enn avkøyrsla, for å gi betre plass til å svinge inn på Bjørgavegen. Bjørgum ynskjer at areal for gammal gangveg vert snuplass, slik at bilar som ikkje kjem opp bakken til Bjørgavegen om vinteren, slepp å rygge ut i Rv13. Statens vegvesen sine svar: Brua er brei nok for store køyretøy, men avstand mellom bru og Rv13 er liten, slik at svingradius inn på brua vert knapp. For å utbetre dette må den kommunale vegen, inkludert brua, byggast om. Vi imøtekjem ikkje Bjørgum sitt ønske om tiltak langs Rv13 med utvida køyrefelt langs riksvegen forbi avkøyrsla til Bjørgavegen for å betre svingradius for store bilar som skal svinge inn/ut på Bjørgavegen. Dette køyremønsteren med å krysse motgåande køyrefelt kan skape farlige situasjonar. Denne lomma kan også oppfattast som eit forbikøyringsfelt når nordgåande bilar står og ventar for å svinge inn på Bjørgavegen. Snuplass for køyretøy kan takast inn i reguleringsplanen, sjå kap 3.1 med forslag til endringar på planen. Dokument nr45 Frå Olav Græe, Gbnr 175/14 Græe meiner at gjennomføring av reguleringsplanen vil få verknader for hans eigedom og vil føre til hindringar for hans bedrift både under og etter at reguleringsplanen er gjennomført. Han viser til storleiken på bedrifta og at bedrifta har verkstad og lagerplass i eit område som er direkte råka av reguleringsplanen. Han seier her er tilkomst for lastebil for av- og pålessing og at dei er avhengig av areal dette og til lagring av materiale og utstyr. Han viser til at arealet alt er for lite til dette og at dei derfor planlegg å bygge ut meir lagerbygg på dette området. Han meiner utbygging av gangvegen må ta omsyn til dette, enklast gjort ved å flytte gangvegen nærare Rv13. Græe ber om alternativt område å lagre/drive på når veganlegget vert bygt. Han finn at dette må dekkast av utbyggar. Græe ber om nytt gjerde eller liknande inntil hans eigedom for å hindre innsyn og tilkomst til denne eigedomen. Han informerer om at utbyggar kan få ta ut masser slik reguleringsplanen viser vederlagsfritt. Græe inforerer om at han vil krevje ulempeserstatning knytt til anleggsperioden og til ferdig veg. Statens vegvesen sine svar: Tiltaka i reguleringsplanen vil ikkje ha innverknad på tilkomst til eigedomen. Grunneigar har rett til å få erstatta arealet i tråd med godkjent bruk. Dette gjeld avgitt areal til veganlegget og eventuelle ulemper i anleggsperioden. Areal på Græe sin eigedom, i nord, vert endra og redusert ved at deler av arealet vert regulert til annan offentleg veggrunn og såleis kan ervervast til dette. I tråd med forslag til 4
reguleringsplan er det mulig å utvide det planerte området noko. Dersom Græe vil sette opp nytt bygg på eigedomen må han søke om dette. Sidan dette området ligg innanfor byggegrensa til Rv13 må Statens vegvesen gi dispensasjon frå denne byggegrensa. Deler av Græe sin eigedom, som i forslag til reguleringsplan er regulert til Næring, er også regulert slik at det kan nyttast til midlertidig anleggsområde medan veganlegget vert bygt. Dette vert erstatta etter vanlege reglar. For å bygge gang- og sykkelvegen må deler av gjerdet langs Græe sin eigedom rivast. Der dette skjer vert det satt opp nytt og tilsvarande gjerde som det som er der i dag. Gangvegen er plassert i høve til best mogeleg tilpassing til eksisterande gangvegar, busshaldeplass, vegar og terrengtilhøve. Den skal hevast opp til brua, forbi Græe sin eigedom. Brua er teoretisk så kort som mulig, fundamentert på fjell. Å strekke ut veglinja forbi Græe sin eigedom, og såleis flytte gangvegen nærare Rv13 ville gitt ei finare veglinje. Det er ikkje mulig å få til utan meir omfattande muring for å bygge gangvegen, då brua og meir av gangvegen ikkje vil ligge på fjell men må murast opp. Gangvegen forbi denne eigedomen er også plassert for å sikre plass til mulig framtidig kanalisering av krysset mellom Rv 13 og Fennavegen. Samla sett held vi difor fast på at gangveg ikkje skal justerast nærare Rv13 forbi Græe sin eigedom. Dokument nr 46 Frå Hordaland fylkeskommune Hordaland fylkeskommune er positivt til planforslaget da dei ser at bruløysinga ser tenleg ut for dagens fotgjengarar og at tilkomst til busshaldeplass er god. Dei viser til at operatør har gitt avviksmelding for bussløysinga i området og ber om at mellombels omlegging av busslomma vert iverksatt og brukt fram til det er på plass ny og regulert løysing for krysset mellom Rv13 og Fennavegen og for busstopp. Dei viser til kapittel 3.3 i planomtalen. Hordaland fylkeskommune kjenner ikkje til at det er automatisk freda kulturminne eller andre verneverdige kulturminne innanfor planområdet, med dei viser til at det er fleire aautomatisk freda kulturminne like utanfor plangrensa. Dei ber difor om at det vert teke inn i føresegnene krav til at gravearbeid straks vert stansa og at fylkeskonservator skal ha melding, for nærare gransking på staden, jf. Kulturminnelova 8, andre ledd. Statens vegvesen sine svar: Ombygging av kryss og busshaldeplass ligg ikkje inne som prioriterte tiltak i forslag til Nasjonal Transportplan. Det er difor usikkert når planarbeid for dette vert starta. Eventuell ombygging av eksisterande busshaldeplass er ei eiga sak som vert handsama uavhengig av denne reguleringsplanen. Vi foreslår å ta inn eit nytt punkt i føresegnene som sikrar ivaretaking av ukjende kulturminne, slik fylkeskommunen ber om. 5
3. Aktuelle endringar på reguleringsplanen I dette kapittelet går Statens vegvesen sine forslag til endringar på reguleringsplanen på bakgrunn av vurderingane som er gjort på bakgrunn innkomne merknader. Det går og fram kva innspel som ligg til grunn for å foreslå endringane. 3.1 Snuplass langs Bjørgavegen Bjørgum ynskjer at areal for gammal gangveg vert snuplass, slik at bilar som ikkje kjem opp bakken til Bjørgavegen om vinteren, slepp å rygge ut i Rv13, sjå dokument nr 44. Vi foreslår å endre planen ved å utvide offentleg køyreveg for Bjørgavegen til å inkludere snuplass, slik teikninga nedanfor viser. Endring på teikningen: Utvide formål offentleg veggrunn til å inkludere snuplass. Utsnitt av reguleringsplanen over viser utvida offentleg veggrunn ved Bjørgavegen, til snuplass. Dette inngrepet krev ingen tiltak da det er på eksisterande jernbanetrase. 6
3.2 Eventuelle automatisk freda kulturminne Hordaland ber om at det vert teke inn i føresegnene krav til at gravearbeid straks vert stansa og at fylkeskonservator skal ha melding, for nærare gransking på staden, jf. Kulturminnelova 8, andre ledd, sjå dokumenr nr 46. Vi foreslår å ta inn eit nytt punkt i føresegnene som sikrar ivaretaking av ukjende kulturminne, slik fylkeskommunen ber om. Tillegg i føresegnene, nytt punkt 2.7: Dersom det i samband med gravearbeid vert avdekka funn eller konstruksjonar som kan vere automatisk freda kulturminne, skal arbeidet straks stansast og det skal meldast til fylkeskonservatoren for nærare gransking på staden, jf. Kulturminnelova 8, andre ledd. 3.3 Midlertidig anleggsområde Vi ser at forslag til reguleringsplan ikkje sikrar tilkomst til mellombels anleggsområde via privat veg PV1. For å lette arbeidet og redusere ulempene for bruk av busslomma anleggsperioden, foreslår vi å følgjande endring: Endring på teikning R1: Formål Midlertidig anleggsområde på den private vegen PV1. 4. Oppsummering av andre innspel I dette kapitlet er innspela samla temavis. Dei som ikkje fører til at Statens vegvesen tilrår endringar og dei som gjeld andre omsyn og punkt enn sjølve reguleringsplanen. Statens vegvesen sine svar til innspela er også med. 4.1 Gangvegsystemet Fylkesmannen finn at tiltaket er positivt i seg sjølv utan negative konsekvensar av nasjonal eller regional karakter, sjå dokument nr 42. Græe meiner at gjennomføring av reguleringsplanen gir ulemper og dårligare løysingar for hans eigedom og bruken av denne. Han ber om at gangvegen vert flytta nærare Rv13, sjå dokument nr 45. Hordaland fylkeskommune er positivt til planforslaget da dei ser at bruløysinga ser tenleg ut for dagens fotgjengarar og at tilkomst til busshaldeplass er god, sjå dokument nr 46. Statens vegvesen sine svar: Gangvegen er plassert i høve til best mogeleg tilpassing til eksisterande gangvegar, busshaldeplass, vegar og terrengtilhøve. Den skal hevast opp til brua, forbi Græe sin eigedom. Brua er teoretisk så kort som mulig, fundamentert på fjell. Å strekke ut veglinja forbi Græe sin eigedom, og såleis flytte gangvegen nærare Rv13 ville gitt ei finare veglinje. Det er ikkje mulig å få til utan meir omfattande muring for å bygge gangvegen, då brua og meir av gangvegen ikkje vil ligge på fjell men må murast opp. Gangvegen forbi denne eigedomen er også plassert for å sikre plass til mulig framtidig kanalisering av krysset mellom Rv 13 og Fennavegen. Samla sett held vi difor fast på at gangveg ikkje skal justerast nærare Rv13 forbi Græe sin eigedom. 7
4.2 ROS-analyse Fylkesmannen gjer i dokument nr 42 merksam på at ROS-analysen må nytte akseptkriteria som er i tråd med byggteknisk forskrift (TEK 10) og at anlysen må sjå på risiko både innanfor og utanfor planområdet som kan påverke tiltaket, og eventuell risiko som følgje av tiltaket. Statens vegvesen sine svar: Byggteknisk forskrift skal sikre at tiltak vert planlagt, prosjektert og utført ut frå omsynet til god visuell kvalitet, universell utforming og slik at tiltaket oppfyller tekniske krav til tryggleik, miljø, helse og energi. Vi finn at planlagde tiltak ikkje gir fare for ras eller har vegar i områder med fare for ras. Det er avklara at naturelement ikkje vert skada av tiltaka i planen. Grunntilhøva er undersøkte for å sikre at planlagde konstruksjonar kan byggast og driftast, utan fare for utgliding. Veganlegget innanfor reguleringsplanen er utforma i tråd med krava til universell utforming. Vi finn difor at risiko og sårbarhet er klargjort gjennom planarbeidet og er i tråd med byggteknisk forskrift. 4.3 Bjørgavegen Bjørgum meiner at brua til Bjørgavegen er for smal og er eit problem for store køyretøy, sjå dokument nr 44. Han ber om at Rv13 vert utvida med ei lomme ved avkøyrsla til Bjørgavegen, på motsatt side enn avkøyrsla, for å gi betre plass til å svinge inn på Bjørgavegen. Statens vegvesen sine svar: Brua er brei nok for store køyretøy, men avstand mellom bru og Rv13 er liten, slik at svingradius inn på brua vert knapp. For å utbetre dette må den kommunale vegen, inkludert brua, byggast om. Vi imøtekjem ikkje Bjørgum sitt ønske om tiltak langs Rv13 med utvida køyrefelt langs riksvegen forbi avkøyrsla til Bjørgavegen for å betre svingradius for store bilar som skal svinge inn/ut på Bjørgavegen. Dette køyremønsteren med å krysse motgåande køyrefelt kan skape farlige situasjonar. Denne lomma kan også oppfattast som eit forbikøyringsfelt når nordgåande bilar står og ventar for å svinge inn på Bjørgavegen. 4.4 Eigedomstilhøve Græe viser i dokument nr 45 til storleiken på bedrifta og at bedrifta har verkstad og lagerplass i eit område som er direkte råka av reguleringsplanen. Han seier her er tilkomst for lastebil for av- og pålessing og at dei er avhengig av areal dette og til lagring av materiale og utstyr. Han viser til at arealet alt er for lite til dette og at dei derfor planlegg å bygge ut meir lagerbygg på dette området. Græe inforerer om at han vil krevje ulempeserstatning knytt til anleggsperioden og til ferdig veg. Statens vegvesen sine svar Tiltaka i reguleringsplanen vil ikkje ha innverknad på tilkomst til eigedomen. Grunneigarar har rett til å få erstatta arealet i tråd med vedteken bruk. Dette gjeld avgitt areal og eventuelle ulemper. 8
4.5 Gjennomføring av veganlegget Græe ber om alternativt område å lagre/drive på når veganlegget vert bygt. Han finn at dette må dekkast av utbyggar. Sjå dokument nr 45. Græe ber om nytt gjerde eller liknande inntil hans eigedom for å hindre innsyn og tilkomst til denne eigedomen. Han informerer om at utbyggar kan få ta ut masser slik reguleringsplanen viser vederlagsfritt. Statens vegvesen sine svar Sjå også svar i kap 4.4 For å bygge gang- og sykkelvegen må deler av gjerdet langs Græe sin eigedom rivast. Der dette skjer vert det satt opp nytt og tilsvarande gjerde som det som er der i dag. 4.6 Busshaldeplass Hordaland fylkeskommune viser i dokument nr 46 til at operatør har gitt avviksmelding for bussløysinga i området og ber om at mellombels omlegging av busslomma vert iverksatt og brukt fram til det er på plass ny og regulert løysing for krysset mellom Rv13 og Fennavegen og for busstopp. Dei viser til kapittel 3.3 i planomtalen. Statens vegvesen sine svar: Ombygging av kryss og busshaldeplass ligg ikkje inne som prioriterte tiltak i forslag til Nasjonal Transportplan. Det er difor usikkert når planarbeid for dette vert starta. Eventuell ombygging av eksisterande busshaldeplass er ei eiga sak som vert handsama uavhengig av denne reguleringsplanen. 9
Dokument nr 42 Frå Fylkesmannen i Hordaland Sakshandsamar, innvalstelefon Marianne Bøe, 5557 2375 Vår dato 21.02.2012 Dykkar dato 05.02.2012 Vår referanse 2012/2208 421.4 Dykkar referanse 10/107743 Statens Vegvesen, Region Vest Askedalen 4 6863 Leikanger Uttale til reguleringsplan for planfri kryssing for mjuke trafikantar- Rv 13 Bjørgum - Voss kommune Vi viser til dykkar brev med melding om planarbeid for planfri kryssing av Rv 13 for mjuke trafikantar på Bjørgum, Voss kommune. Tiltaket er trafikksikring og er positivt i seg sjølv. Det har ikkje negative konsekvensar av nasjonal eller regional karakter. Vi vil også gjere merksam på at ROS-analysen må nytte akseptkriteria som er i tråd med byggteknisk forskrift (TEK 10). Analysen må vidare, som presisert i pbl, sjå på risiko både innanfor og utanfor planområde som kan påverka tiltaket, og eventuell endra risiko som følgje av tiltaket. Fylkesmannen har ingen ytterlegare merknader til planen. Med helsing Berit Karin Rystad e.f. Seksjonsleiar Marianne Bøe rådgjevar Brevet er godkjent elektronisk og har derfor inga underskrift. Statens hus Kaigaten 9, 5020 Bergen Telefon: 55 57 20 00 Telefaks: 55 57 20 09 Kommunal- og samfunnsplanavdelinga Postboks 7310, 5020 Bergen Telefaks: Org.nr: 974760665 E-post: postmottak@fmho.no Internett: www.fylkesmannen.no/hordaland 10
Dokument nr 43 Frå NVE 11
Dokument nr 44 Frå Jarle Bjørgum, Gbnr 175/1 12
Vedlegg til dok nr 44 Frå Jarle Bjørgum 13
Fortset dok nr 45 Frå Olav Græe, Gbnr 175/14 14
Fortset dok nr 46 Frå Hordaland fylkeskommune 15
Fortset dok nr 46 Frå Hordaland fylkeskommune 16
Region vest Askedalen 4 6863 Leikanger firmapost-vest@vegvesen.no ISSN nummer