SAKSFRAMLEGG Sakshandsamar: Jan Magne Svåi Arkiv: 614 H30 Arkivsaksnr.: 12/1433 Byggerekneskap for utbygging ved Gaupne omsorgssenter. Rådmannen si tilråding: ::: Sett inn innstillingen under denne linja 1. Kommunestyret godkjenner byggjerekneskapen for utbygging ved Gaupne omsorgssenter med samla kostnad på kr 28.500.000. Kostnaden gjeld utbyggingstiltaka ved Gaupne omsorgssenter og oppgradering av avdelingskjøkkena ved omsorgssentera. 2. Meirkostnad, utover det som er finansiert tidlegare, på kr.1.616.000 vert finansiert av ubrukte lånemidlar frå 2015 og auka mva-refusjon. ::: Sett inn innstillingen over denne linja... Sett inn saksutredningen under denne linja
Saksutgreiing: Prenta vedlegg: Uprenta vedlegg: Kommunestyresak 18/12 Kommunestyresak 49/14 Tertialrapport T2 2013 Kommunestyresak 71/15 Samandrag: I saka oppsummerar ein utbygginga ved Gaupne omsorgssenter, inkl den nye kjøkkenløysinga m.m. I tillegg til ubyggingsplanen er det kome til tiltak under vegs i prosjektet som ein har valt å ta med i utbygginga. Totalkostnaden, kr. 28.500.000,- er kr. 1.616.000,- utover siste reviderte kostnadsråme som vert dekka av ubrukte lånemidlar frå 2015. Finansieringa av prosjektet er betra ved at statstilskotet er auka med 4,175 million kroner til kr.10.175.000,- Utval som har vedtaksmynde: Kommunestyret. Fakta: Saka har utgangspunkt i to kommunestyrevedtak; Luster kommunestyre vedtok i k-sak 18/12 den 16. februar 2012 fylgjande: 1. Ny korttidsavdeling i Gaupne: I tråd med kommunen sin helse og omsorgsplan, samt nasjonale føringar og forventningar i samhandlingsreforma, vert det etablert ei korttidsavdeling ved Gaupne omsorgssenter. 2. Langtidsplassar i kommunen: Med grunnlag i nye folketalsframskrivingar og erfaringar vert det vedteke at kommunen skal ha 60 langtidsplassar, ikkje 56 slik det er lagt opp til i helse- og omsorgsplanen. 3. Framtidig augeblikkeleg hjelp tilbod (ØHtilbod): For å møte kravet om augeblikkleg hjelp tilbod (ØHtilbod) frå 2016, vert korttidsavdelinga utvida med 4 pasientrom, mottaksrom og stove, jf saksutgreiinga og vedlagte skisse. 4. Utbyggingsplanar: Det vert med grunnlag i punkta over vedteke ei samla utbygging med 8 nye rom ved Gaupne omsorgssenter, jf. saksutgreiing og vedlagte skisse. a) Rådmannen får fullmakt til å gjennomføre byggjeprosjektet innan dei økonomiske rammer som ligg i B12/ ØP. Endeleg kostnadsråme for utbygginga vert fastsett i B13/ØP. 5. Ev samarbeid i regionen og/eller med nabokommunane på nordsida: Luster kommunestyre vedtok i k-sak 26/14 den 22. mai 2014 fylgjande: 1. Kjøkenorganiseringa i Luster vert lagt om frå dagens løysing med tre små kjøken til ei framtidig løysing med eit sentralkjøken ved Gaupne omsorgssenter. 2. Drifta av det nye sentralkjøkenet vert basert på kok-kjøl/sous-vide metoden. 3. Rådmannen får fullmakt til å gjennomføre omlegginga. Det skal leggjast vekt på å styrkje personalsituasjonen i avdelingane for å hjelpe med servering i ein innkøyringsperiode. 4. Dei økonomiske løyvingane til investeringar og drift av det nye kjøkenet vert handsama i tertialrapporteringa og i kommunen sitt budsjett for 2015.
Det har vore avsett slike budsjettløyvingar til prosjekta: År KA- Gaupne oms.s Kjøkkenbygn Kjøkkenutstyr. Sum B-2012 500.000 500.000 B-2013 10.500.000 10.500.000 B-2014 7.500.000 1.000.000 620.000 9.120.000 B-2015 2.000.000 4.264.000 500.000 6.764.000 Sum 20.500.000 5.264.000 1.120.000 26.884.000 I finansieringa var det lagt til grunn statstilskot på 6. mill kroner og låneopptak på resterande. I løpet av prosessen vart tilskotsprosent og kostnadsgrunnlag for tildeling av statstilskot auka slik at tilsagn på investeringstilskot er kr.10.175.000,- I løpet av planleggings- og byggeprosessen har det kome til div. endringar og utfordringar i byggjearbeidet. Noko av dette, eks høgare anbodssum enn forventa frå entreprenørar, er omsynteke i budsjettsummar ovanfor. Arkitektfirma Jon Vikøren AS frå Vik har vore arkitekt i prosjektet og ivest Consult AS frå Florø har vore rådgivande ingeniør for dei tekniske faga. Entreprenørar i prosjektet har vore Vestlandshus Sogn AS som hovudentreprenør (bygg og betong). Sideentreprenørar har vore GK Norge AS på ventilasjon, Caverion Sogndal AS på røyrfaget og Holen Installasjon AS på elektro. Ulike underentreprenør har vore Øvrebø Målarservice AS på maling og golvbelegg, Geir Husum på grunnarbeid og Årdal Blikk AS på blikkenslagararbeid. Hellevang Kontorsystemer AS har levert inventar i eigen entreprise og Foodtech AS har levert kjøkenutstyr både til sentralkjøken og avd. kjøken i eigne entreprisar. Byggjeprosjekta er gjennomført utan ulykker. Det kan setjast opp fylgjande byggjerekneskap for prosjekta: Gaupne omsorgsenter: FAG Tal frå hovudbokposteringar Hovudentreprise kontraktssum kr 12 889 490 Andre till., kopiering,avgifter,straum,anleggsbidrag,fiber kr 24 162 Utstyr inventar kr 561 700 ENTREPRISEKOSTNAD kr 13 475 352 Administrasjon, byggjeleiing og prosjektering kr 2 955 905 MVA kr 3 955 674 KOSTNAD kr 20 386 931 Kostnader på tiltak utanom sjølve utbygginga, inkl mva Feittutskillar kr 312 396 Carport kr 156 250 Overvatn kr 473 702 TOTALKOSTNAD kr 21 329 279
Sentralkjøkken, inkl utstyr og ombygging avdelingskjøkken: FAG Hovudentreprise kontraktssum kr 2 597 567 Andre till., kopiering,avgifter,straum,anleggsbidrag,fiber kr 14 801 ENTREPRISEKOSTNAD kr 2 612 368 Administrasjon, byggjeleiing og proskjektering kr 521 418 MVA kr 654 285 KOSTNAD kr 3 788 071 Kostnader på tiltak utanom sjølve utbygginga, inkl.mva Utstyr og inventar til sentralkjøkken kr 1 650 868 Utstyr og inventar til avdelingskjøkken kr 893 152 Ombygging avdelingskjøkken kr 677 351 TOTALKOSTNAD kr 7 009 442 Samla oppsett: Kostnad: kr. 28.338.721,- Disp. kr. 161.279,- Budsjett: kr. 26.884.000,- Tillegg: kr. 1.616.000,- Vurdering: Utviding Gaupne omsorgssenter, kortidsavdeling og augeblikkeleghjelp-senger vart ferdig -stilt og teke i bruk i 2014. Sentralkjøkken og avdelingskjøkken i 2015. Me har med utbygginga fått til gode løysingar ved Gaupne omsorgssenter. Utviding med 4 ordinære institusjonsplassar og utviding av kortidsavdelinga med KAD-sengene er kome på plass som planlagt og fungerar godt. Sentralkjøkkenet inkl oppgraderte avdelingskjøkken har og svart til forventningane og ny matordning har kome inn i godt gjenge. Byggjerekneskapet syner noko større negativt økonomisk resultat enn rekna med. Den økonomiske oppfølginga av prosjektet har vore for dårleg og rådmann beklagar dette. Ei forklaring er at det har kome til tiltak undervegs der dei økonomiske konsekvensane ikkje har vore fullt ut klargjorde. Det har og kome til tiltak som det ikkje var rimeleg å forutsjå og tilbygg/ombygging på 4 ulike stadar på omsorgssenteret medfører ekstra tiltak med samanbygging/tilknyting som kostar ekstra. Utviding Gaupne omsorgssenter: I samband med utvidinga av post 2 vart det avdekka at overvatn systemet måtte endrast. Det måtte setjast ned ein ny kum som måtte koplast på ved innkjøringa til omsorgssenteret. Kostnad kr. 473.702,- Aggregatet som er stasjonert ved omsorgssenteret stod ute og var utsatt for vær og vind. Det vart konkludert med at prosjektet skulle bygge ein carport til aggregatet. Kostnad kr. 156.250,- Det vart og klarlagt at brannkrava var strengare enn lagt inn i anbod og noko endringar i postar som var regulerbare, auka massar, og ekstra kostnader.
Kjøkken. Ved bygging av kjøkkenet vart det oppdaga at eksisterande feittutskillar ikkje fungerte og at for å få denne lovleg og funksjonell måtte det etablerast ny feittutskillar, utanfor bygget. Kostnad kr. 312.396,- Det vil vere kjent at kjøkkenløysing var skissert med ulike alternativ. Ved endeleg vedtak vart det lagt til grunn ei løysing der utkøyring av mat skulle vere ein gong pr veke. Dette medførte oppskalering av alle lagerfunksjonar både på sentralkjøkkenet og avdelingskjøkkena. Konsekvensane av dette vart ikkje godt nok omsynteke i planlegginga slik at både det bygningsmessige og spesielt utstyr/inventar har fått høgare kostnader enn skissert. Kostnad med utstyr og inventar kr. 2.544.020,- Dette er inkludert utstyr og inventar og til avdelingskjøkkena. Det vart ikkje nok teke omsyn til ekstra kostnadar vedrørande samanbygging til eksisterande bygg, samt dyre innretningar som kjøl og fryserom. Det vil vere kjent at det var ein del motstand mot tiltaket i organisasjonen. Ved å gjere ting fullstendig og skikkeleg frå start av så har dette endra seg og det er gjort ein flott jobb med å etablere og få i drift ny kjøkkenløysing frå alle involverte. Resultatet er og vorte svært bra og noko auka investeringar betalar seg godt. Ved avslutning av rekneskapen er det avsett ein mindre sum disponibelt til oppfølging i garantitida. Finansiering av utbygginga er /vert gunstigare enn planlagt ved at statstilskotet er 4,175 mill høgare enn lagt inn i budsjett. Dette tilskotet er inntektsført i årsrekneskapen for 2014. Manglande finansiering i 2015 vert dekka av ubrukte lånemidlar og auka mva refusjon. Rådmann tilrår at kommunestyret godkjenner byggjerekneskapane slik den er lagt fram. Dato: 02.12.15. Jarle Skartun rådmann Jan Magne Svåi rådgjevar Særutskrift skal sendast: m/kopi til:... Sett inn saksutredningen over denne linja