SAKSFRAMLEGG. Sakshandsamar: Olav Grov Arkiv: U64 Arkivsaksnr.: 12/979

Størrelse: px

Begynne med side:

Download "SAKSFRAMLEGG. Sakshandsamar: Olav Grov Arkiv: U64 Arkivsaksnr.: 12/979"

Katrine Nordli
6 år siden
Visninger:

1 SAKSFRAMLEGG Sakshandsamar: Olav Grov Arkiv: U64 Arkivsaksnr.: 12/979 Reiselivsorganisering i Sogn. Fråsegn frå Luster kommune. Rådmannen si tilråding: ::: Sett inn innstillingen under denne linja Luster kommune ser positivt på ei nyorganisering av reiselivsarbeidet i Sogneregionen i tråd med det rapporten «Reiselivsorganisering i Sogn» legg opp til. Innspel til rapporten går elles fram av saksutgreiinga. ::: Sett inn innstillingen over denne linja... Sett inn saksutredningen under denne linja

2 Saksutgreiing: Prenta vedlegg: Uprenta vedlegg: Rapport om reislivsorganisering i Sogn Samandrag: Sogn Regionråd tok i fjor haust initiativ til å få utgreidd alternative organisasjonsmodellar for reiselivet i Sogn. Segel AS vart engasjert til å gjennomføre eit prosjekt der det no føreligg ein rapport. Rapporten gjev kommunane og reiselivsnæringa eit godt grunnlag når det gjeld framtidig organisering av reiselivet i Sogn. Målet er å styrke samarbeid i reisemålsutviklinga og auka lønnsemda i reiselivet i regionen. I tillegg til dei 8 kommunane omfattar rapporten og tilrådinga, også Høyanger kommune. Rådmannen i Luster tilrår at Luster kommune ser positivt på ei nyorganisering av reiselivsarbeidet i Sogneregionen i tråd med det rapporten «Reiselivsorganisering i Sogn» legg opp til. Luster kommune meiner at for å få god oppslutning frå næringa, bør selskapet etablerast med Sogndal som kontoradresse. Dersom det vert etablert eit selskap med to kontor må dei to eksisterande miljøa for reiselivsselskap i Flåm og Gaupne veljast. Utval som har vedtaksmynde: Kommunestyret Fakta: I reiselivsplanen for Sogn og Fjordane er samhandling eit av dei strategiske måla. Det blir i denne samanheng peika på at «ein bør også ha kontinuerleg diskusjon rundt fellesfunksjonar i reiselivet og optimal samhandling for å løyse desse oppgåvene (rolledeling og organisering)». Sogn Regionråd tok i fjor haust initiativ til å få utgreidd alternative organisasjonsmodellar for reiselivet i Sogn. Segel AS vart engasjert til å gjennomføre eit prosjekt som skulle munne ut i ein rapport med framlegg til ein eller fleire modellar. Prosjektleiar har vore Synnøve Aabrekk. Ho har undervegs i arbeidet vore i kontakt med ei rekkje sentrale reiselivsaktørar i Sogn. Rapporten som er vedlagt, skal gje kommunane og reiselivsnæringa eit grunnlag når det gjeld framtidig organisering av reiselivet i Sogn. Målet er å styrke samarbeid i reisemålsutviklinga og auka lønnsemda i reiselivet i regionen. I tillegg til dei 8 kommunane omfattar rapporten og tilrådinga, også Høyanger kommune. Rapporten inneheld ei rad med faktaopplysningar om dagens organisering av reiselivet i Sogn og korleis reisemålsselskapa er finansiert. Luster har hatt eit eige reiselivslag sidan slutten av seksti-talet, etter kvart med eigen sekretær. I ein periode på 90-talet var sekretæren i Luster Reiselivslag kommunalt tilsett. Sidan 2005 har det vore ei felles reiselivsorganisering i Luster og Sogndal, gjennom selskapet Reisemål Sogndal og Luster AS. Selskapet har hatt kontoret sitt på Pyramiden i Gaupne og det har vore to tre tilsette. Reisemål Sogndal og Luster AS har hatt svært god oppslutning frå reiselivsverksemdene i dei to kommunane. Reiselivet i Luster har såleis hatt ei stabil organisering, og har ikkje nytta store ressursar på stadige omkampar om organisasjon. I 2003 vart selskapet Visit Sognefjord AS skipa. Eigarane er i hovudsak reisemålselskapa i regionen. Dette selskapet har hatt ansvar for felles marknadsføring og profilering av regionen. Mykje av ressursane til marknadsaktivitetar frå dei lokale reiselivsorganisasjonane går gjennom dette selskapet. Dette selskapet har hatt svært små administrative ressursar.

3 Når ein skal drøfte reiselivsstatus i ein region er det mange tal som kan nyttast. Eit relativt handfast tal er utviklinga i tal gjestedøgn basert på statistikk som Statistisk Sentralbyrå samlar inn og bearbeider. Ser ein på utviklinga i Sognefjorden, og samanliknar med to av våre naboregionar får ein eit bilete som syner at Sognefjorden har ei god utvikling. Både Nordfjord og Hardanger har valt ei regional organisering av reiselivsarbeidet dei siste 10 åra. Tal gjestedøgn; hotell, camping og hyttegrender (tal henta frå SSB) utvikling Nordfjord gjestedøgn gj døgn +3.2% Hardanger gjestedøgn gj døgn +7.2% Sognefjord gjestedøgn gj døgn +30.8% Sognefjordområdet har ei stor utfordring når det gjeld inntektene på overnatting. Her har naboregionane hatt ei betre utvikling enn Sognefjorden. Rapporten konkluderer med å tilrå skiping av eit aksjeselskap, der dei 8 kommunane i Sogn Regionråd og Høyanger kommune saman med reiselivsnæringa vert aksjonærar. Tilrådd fordeling er 30-40% eigardel til kommunane og 60-70% til næringa, storleiken på aksjekapitalen er tilrådd inntil ein million kroner. Det vert lagt opp til fem faste stillingar i tillegg til guidar, prosjektpersonell og sesongpersonell til turistinformasjonane. Framlegget byggjer på ei grunnfinansiering på om lag 8,3 mill kroner, noko som tilsvarar dagens nivå. Det er også laga eit framlegg til fordelingsnøkkel for den kommunale delen av finansieringa. Luster kommune kjem her ut med ein kostnad på om lag kr pr år. Gjennom noverande avtale med Reisemål Sogndal og Luster AS yter Luster kommune kr pr år til den ordinære aktiviteten i selskapet. Styret i Reisemål Sogndal og Luster AS handsama saka i styremøte i april, i vedtaket heiter det: Styret i RSL har på styremøte i drøfta rapport om reiselivsorganisering i Sogn. Generalforsamlinga i Reisemål Sogndal og Luster AS vil drøfte rapporten på møtet Styret i RSL vil be om at Sogn Regionråd før dei sender rapporten ut til kommunane for tilråding, meiner noko om kvar det nye selskapet skal lokaliserast. RSL vil be Sogn Regionråd straks ta kontakt med nærings- og kommunaldepartementet for å drøfte finansiell medverknad til pilotprosjekt i samband med omorganiseringa av reiselivet i Sogn, i tråd med regjeringa sitt syn i deira reiselivsstrategi. RSL sitt styre meiner at alle tilsette i det nye selskapet skal lokaliserast i Sogndal sentrum, for å utnytte fagleg synergi i høve HiSF, VF, Distriktssenteret, Kunnskapsparken og Sogn Regionråd sin administrasjon. Saka var og drøfta på generalforsamlinga til Reisemål Sogndal og Luster AS, utan at det vart gjort vedtak. Både drøftingane i styret og generalforsamlinga til Reisemål Sogndal og Luster syner at det er grunnleggjande positiv haldning til å sjå på nyorganisering. Vidare er det likevel frå mange understreka at eit selskap som omfattar eit vesentleg større område og med større avstand mellom medlem og leiing/administrasjon, kan det ligge ein fare for å misse medlemmer. Den lokale interessa og lojaliteten til ein stor organisasjon kan bli for liten. Sogn regionråd har i møte gjort slikt vedtak: Sogn regionråd tilrår at kommunane Aurland, Balestrand, Leikanger, Luster, Lærdal, Sogndal, Vik og Årdal gjer prinsippvedtek om å etablera eit regionalt reisemålsselskap i Sogn saman med næringa slik som skissert i rapporten Reiselivsorganisering i Sogn.

4 Med positive prinsippvedtak får Sogn regionråd i oppdrag å arbeida vidare med etablering av selskapet, jf arbeidsmåten som går fram av saksutgreiinga. Høyanger kommune får høve til å delta i selskapet. Kommunane i Sogn vil handsame tilrådinga frå Sogn regionråd i løpet av mai og juni. Sogn regionråd gjer vedtak på bakgrunn av kommunane sine vedtak i møtet i slutten av juni. I løpet av prosessen må også reisemålsselskapa handsame saka. Eit nytt selskap kan vere operativt frå VURDERING Det vil truleg vere heilt avgjerande for eit reiselivsområde si framtidige utvikling, å profesjonalisere og vidareutvikle arbeidet kring profilering og marknadsføring. Til dette trengst det kunnskap og ressursar. Dei reisande sine vanar har endra seg mykje dei siste åra når det gjeld kor dei søker informasjon, kva som påverkar deira val og kor lag tid i førevegen dei bestemmer seg for reisemål. Det vert såleis viktig med samordning, profesjonalitet og styrke til gjennomføring av felles regionale prosjekt og marknadsføringstiltak. Det er og slik at Sogn og Fjordane fylkeskommune har gjeve klare signal om dersom dei skal vere med å yte tilskot til reisemålsselskap i framtida, må tal selskap i fylket verte betydeleg færre enn i dag. I regjeringa sin reiselivsstrategi frå april 2012 er det og stilt spørsmål ved tal destinasjonsselskap i dag. For nokre kommunar er utvikling av reiselivsnæringa kritisk viktig. Luster kommune er ein slik kommune. Reiselivsnæringa i Luster har dei siste åra utvikla seg positivt; nye produkt, nasjonal medieinteresse, spennande arrangement, nye verksemder, store investeringar og auke i tal gjestedøgn og omsetning. I Luster har reiselivsnæringa framleis gode vilkår for ytterlegare vekst og utvikling. Det er ikkje tvil om at ei god og stabil organisering av marknadsarbeid mm er viktig for å halde fram denne utviklinga. Luster har mange små verksemder innan reiselivet. Dersom dei små verksemdene føler at det vert for langt mellom medlem og leiing i reisemålsselskapet, er det grunn til å vere redd for at det kan skje ei avskaling i medlemsmassen. Gratispassasjerproblemet har vore lite i Luster/Sogndal, det kan auke i framtida. Dersom det no vert etablert eit nytt stort reisemålsselskap for Sognefjorden, vil det vere best å etablere dette selskapet i det geografiske midtpunktet i regionen dvs Sogndal. Sogndal har også fagmiljø som kan støtte opp om ei slik etablering; Høgskulen, Kunnskapsparken, Vestlandsforsking. Dersom det vert vedteke å skipe eit selskap med delte kontorløysingar vil det vere naturleg å halde oppe dei to sterke reiselivskontora ein har; Flåm på sørsida og Gaupne på nordsida av fjorden. I Gaupne er dei tilsette i Reisemål Sogndal og Luster, men dei er og ein del av eit større fagleg miljø innan utviklingsarbeid. Det er næringsfagleg tilsette på Rådhuset (både næring generelt og landbruk), og i tillegg er det eit eige miljø på 4-5 personar innan utviklingsarbeid knytt til nasjonalparkar og andre verna område som er i vekst. Dato: Jarle Skartun rådmann Olav Grov næringssjef Særutskrift skal sendast:

5 m/kopi til:... Sett inn saksutredningen over denne linja

Like dokumenter

SAKSFRAMLEGG. Sakshandsamar: Olav Grov Arkiv: U01 Arkivsaksnr.: 14/912

SAKSFRAMLEGG. Sakshandsamar: Olav Grov Arkiv: U01 Arkivsaksnr.: 14/912 SAKSFRAMLEGG Sakshandsamar: Olav Grov Arkiv: U01 Arkivsaksnr.: 14/912 Utviklingsprogrammet for Leikanger, Luster og Sogndal Rådmannen si tilråding: Luster kommune deltek i fase 1 av Utviklingsprogrammet