1 Fylkestinget går inn for å styrke kapitalbasen i Fjord Invest A/S med 15 mill kr.

Transkript

1 FJORD INVEST A/S - EVT. KJØP AV AKSJAR Fylkesrådmannen rår hovudutvalet for plan og næring til å gjere slikt vedtak: Hovudutvalet rår fylkesutvalet til å gjere slikt vedtak: Fylkesutvalet rår fylkestinget til å gjere slikt vedtak: 1 Fylkestinget går inn for å styrke kapitalbasen i Fjord Invest A/S med 15 mill kr. 2 Fylkestinget ber om at styret i Fjord 1 Nordvestlandske A/S kjem med framlegg til finansiering enten ved direkte investering frå Fjord 1 Nordvestlandske A/S i Fjord Invest A/S eller som ekstraordinært utbytte til fylkeskommunen. Prenta vedlegg: 1 Vedtekter for Fjord Invest A/S 2 Fråsegn frå Innovasjon Norge dat Prospekt av Saksframstilling 1. SAMANDRAG Fjord Invest A/S har som føremål å styrke små og mellomstore bedrifter i Sogn og Fjordane gjennom tilføring av eigenkapital og kompetanse. Investeringane til Fjord Invest A/S skjer etter forretningsmessige prinsipp i selskap som er minst 2 år gamle og som er inne i ein vekst- /omstillingsfase og som treng tilføring av ny eigenkapital. Dette aksjekjøpet er eit tiltak for å styrke Fjord Invest A/S sin evne til å utvikla eit investormiljø i fylket. Fylkesrådmannen tilrår å styrke Fjord Invest A/S ved å tilføre kr. 15 mill i ny kapital. 2. BAKGRUNN Bakgrunn for at saka I møte den i finansutvalet fekk fylkesrådmannen i oppdrag å utgrei korleis fylkeskommunen eventuelt kan finansiere eit kjøp av aksjar i Fjord Invest A/S. Dette vart med bakgrunn i korte notat frå fylkesrådmannen drøfta på nytt i fylkesutvalet den og Vi har arbeidd vidare med saka og legg med dette fram sak om kjøp av aksjar i selskapet.

2 Problemanalyse Selskapet Fjord Invest A/S vart skipa den 11. juni 2001, med fylgjande føremål slik desse går fram av 2 i vedtektene: Selskapet sitt føremål er å styrke utviklinga av små og mellomstore bedrifter i Sogn og Fjordane fylke gjennom tilføring av eigenkapital og kompetanse. Selskapet skal arbeide etter forretningsmessinge prinsipp med sikte på å oppnå tilfredsstillande avkastning for eigarane. Vedtektene fylgjer som vedlegg 1 i saka. Av prospektet - som fylgjer som vedlegg 3 - går det fram at selskapet skal basera seg på komersielle krav ved investeringar og med mål om å gi aksjonærane best mogeleg avkastning på investert kapital. I brev av frå Fjord Invest A/S inviterer styret fylkeskommunen til å teikna inntil aksjar til kurs 1010 pr aksje. Vi har den motteke fylgjande notat frå dagleg leiar i selskapet: Notat vedkommande kapital behov for Fjord Invest AS. Ved etableringa av Fjord Invest As var målsettinga å oppnå ein kapital på minimum 100 mill. kroner. Dette målet vart under prosessen endra til 46 mill. for i det heile å komme i gang. Men målsettinga er framleis å kunne passere 100 mill. så fort som mogeleg. Behovet for kapital er stort, og kan nesten seiast å vere uendeleg. Evna vi har som operatør / motor for næringsutvikling er sjølvsagt avhengig av kor mykje kapital som vi til ei kvar tid kan disponere. I samsvar med investeringsstrategien så må vi til ei kvar tid halde att 25 % av investert beløp for å ha beredskap til å kunne auke investeringane for å følgje opp utviklinga av selskapet der vi vert medeigar. Dette medfører at det vi på kort sikt berre kan disponere ca mill. kroner. Fjord Invest As har investeringshorisont på 4-7 år. Dvs at Fjord Invest AS skal vere inne som eigar ein periode (vekst og utvikling) for der etter å gå ut helst med vinst som kan brukast til utbytte til eigarane eller til nye investeringar. Mogelegheitene for exit vert difor svært viktig ved val av investeringsobjekt.

3 Slik det ser ut i dag vil vi bruke opp ca. halve fondet tidleg på nyåret. Utan tilføring av meir kapital, må styret bli svært selektiv med kva investeringar som kan prioriterast. Kostnadane pr. år til administrasjon skal i følgje prospektet ikkje overstige 2 % av fondet. Skal Fjord Invest AS bli ein skikkeleg aktør i utvikling av næringslivet i fylket, så er vi avhengig av ein viss kapasitet både i administrasjon og styret. For å gjennomføre investeringar og på best mogeleg måte sikre desse, er vi avhengig av å bruke rådgjevarar; advokatar, revisorar og andre konsulentar med spiss kompetanse. Dette kostar også pengar. Tilføring av meir kapital er naudsynleg for å kunne investere i fleire selskap og for å kunne bygge opp kompetanse og miljø for dette arbeidet i vårt fylke. Styret i Fjord Invest AS har til ekstraordinær generalforsamling 26. november bede om fullmakt til å utvide aksjekapitalen med 23. mill. som retta emisjon mot nye og eksisterande aksjonærar. Dette for å kunne gå i forhandlingar med enkelt aksjonærar for å auke fondet. 3. VURDERING OG KONSEKVENSAR Med bakgrunn i problemanalysen ovanfor må fylkekommunen no ta stilling til fylgjande spørsmål: Skal fylkeskommunen kjøpe aksjar i selskapet? Forholdet til andre eigenkapitaltiltak? Kor mykje skal fylkeskommunen eventuelt kjøpa? Korleis skal eit eventuelt kjøp finansierast? Bør fylkeskommunen kjøpa aksjar i Fjord Invest A/S? Vi har henta inn fråsegn frå Innovasjon Norge (tidlegare SND) til saka og den fylgjer som vedlegg 2. Av fråsegna kan vi trekka ut fylgjande hovudpoeng: Det er behov for eit investeringsmiljø i fylket som saman med dei industrielle eigarane/grunderane kan vidareutvikle den einskilde bedrifta med tilføring av kapital og kompetanse. 73 % av aksjonærane i industrien har adresse utanfor fylket. Totalt for privat sektor utgjer denne gruppa 44%. Dette betyr at det skjer ein transport av kapital i form av utbyte og konsernbidrag ut av fylket. Forskingsresultat viser at produksjonsbedriftene vert svekka når eigarane og leiarane sit langt borte frå produksjonsstaden. Såkorn Vest (Lokalisert i Stavanger) har kun engasjert seg i ei bedrift i fylket.

4 Fjord Invest A/S kan ha ein viktig navfunksjon for å kanalisera investorkapital til næringslivet i fylke. Innovasjon Norge konkluderer med at fylkeskommunen bør gå inn som aksjonær i selskapet og bidra med eit beløp som styrkar selskapet si evne til å utvikle eit investormiljø i fylket. I Mål-og strategidokumentet for fylkesplan er det under kap 2 - næring og læring, fylgjande strategi som er relevant i denne saka: Organisere eigenkapital og etablere fond til nyskaping. I utkastet pr til fylkesplan er det lagt inn fylgjande strategi under temaet industri: Satse på lokalt eigarskap og god tilgang på lokal risikovillig kapital. Vi kan med bakgrunn i dette konkludera med at det er i samsvar med overordna mål og strategiar å gå inn med midlar i selskapet Fjord Invest A/S. Forholdet mellom Fjord Invest A/S og staten sine såkornmidlar for vestlandet Det fondet som no er etablert av Fjord Invest A/S skal i følgje den vedtekne strategien investere i modne selskap som er i ein vekst eller omstillingsfase. Det er eit hovudkrav at selskapet skal ha vore i drift og avlagt rekneskap i minst to år. Dette inneber at Fjord Invest AS som hovudregel ikkje kan delta i etablering av nye selskap. Såkornmidlane skal styrast inn mot bedrifter som er i utviklingsfasen/kommersialiseringsfasen. Aksjekapital frå Fjord Invest A/S og statens såkornmidlar vil difor utfylle kvarandre. Kor mykje skal fylkeskommunen eventuelt bidra med? Selskapet treng å få auka sin kapitalbase vesentleg i tillegg til 46 mill kr som det har i dag. Dette er nødvendig for å ha tilstrekkeleg med midlar for å kunne gå inn i interessante prosjekt. Dersom fylkeskommunen går inn med kun eit par mill kr, så vil ikkje det bidra til å gi selskapet det naudsynlege løftet. Dette tilseier at fylkeskommunen bør freiste å bidra til ei styrking av selskapet i storleiksorden mill kr. Økonomi-/budsjettkonsekvensar finansiering av kjøpet Fylkeskommunen sin lånegjeld er sterkt aukande. I følgje FT sitt budsjett for 2004 vil gjelda i år auke til 642 mill kr. I tillegg kjem at ei evt rassikring av fv 92 Bjordal - Matre (FT-mars 2004) vil auke sistnemnde beløp - altså lånegjelda pr til 679 mill kr. Øk.planen legg vidare opp til ein ny auke i 2005 på netto 72 mill kr. Dette siste heng m.a saman med prioriteringa av fastlandssambandet i Ytre Gulen. Dette anlegget er i øk.planen

5 kostnadstrekna til 67 mill kr. Samtidig er det kome nye tal som indikerer at kostnadsoverslaget for dette anlegget må aukast til 105 mill kr. Dette inneber i så fall at auken i netto lånegjeld i 2005 vert på 110 mill kr og at lånegjelda ved årsskiftet 2005/06 vil nærme seg 800 mill kr. Og det vil skje før vi har fått prioritert ein einaste ny investering i skuleverket. Denne sterke auken i lånegjelda medfører at fylkesrådmannen ikkje kan tilrå at dette aksjekjøpet vert finansiert med låneopptak. Aksjekapitalen i Fjord Invest A/S vil gi utbyte og på den måten kunne delvis finansiera låneopptaket. Det hefter risiko med kjøp av aksjar i selskapet sjølv om - selskapet skal arbeide etter forretningsmessinge prinsipp med sikte på å oppnå tilfredsstillande avkastning for eigarane. Fylkeskommunen må vera budd på at aksjekapitalen i periodar ikkje vil gi noko særleg utbyte. Etter Fylkesrådmann sitt syn er det mest føremålstenleg å styrke Fjord Invest A/S ved å utfordre Fjor 1 sitt styre enten til eit ekstraordinært utbytte eller til at Fjord 1 investerer direkte i Fjord Invest A/S eller ein kombinasjon. Dette må blir opp til styret å vurdere. Poenget er at Fjord Invest A/S må få ei vesentleg styrkinga av sin kapitalbase. Fylkesrådmann meiner at Fjord 1 bør utfordrast frå fylkestinget til å styrke Fjord Invest med 15 mill kr. totalt. Eventuelt ekstraordinært utbytte må kome i tillegg til dei 9 mill kr. som alt er lagt inn i det fylkeskommunale budsjettet. Fylkestinget må kome nærare attende til dette etter at styret for Fjord 1 har behandla saka på vanleg måte. 4. KONKLUSJON/TILRÅDING Fylkesrådmannen rår fylkestinget til å gå inn for å styrke kapitalbasen i Fjord Invest A/S med 15 mill kr.