SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD.

COWI AS Fosshaugane Campus Trolladalen 30 6856 Sogndal Telefon 02694 www.cowi.no SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. RAPPORT MARS 2014 OPPDRAGSNR. A035365 DATO 02.04.14 UTARBEIDD KONTROLLERT GODKJENT STEINAR NES HELGE HENRIKSEN STEINAR NES

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 1 INNHALD 1 Samandrag 2 2 Innleiing 3 3 Grunnlag 4 4 Generell vurdering av skredfare 5 5 Undersøkingar av skredfare 6 5.1 Grunntilhøve 6 5.2 Topografi 7 5.3 Vegetasjon 7 5.4 Drenering 8 5.5 Tidlegare skredhendingar 9 6 Vurdering av skredfare 10 7 Faresoner og sikringstiltak 18 8 Konklusjon 21 9 Referansar 22 VEDLEGG 1 TEK 10 7.1-7.3 VEDLEGG 2 Simulering med Rocfall

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 1 Samandrag Det skal detaljregulerast for småkraftverk og fritidsbustader med tilhøyrande infrastruktur på Gnr./Bnr. 132/2, Lussand, Granvin Herad. Planområdet ligg heilt innafor aktsemdsgrensene for snøskred og delvis innafor aktsemdsgrensene for steinsprang på www.skrednett.no. Då må det utførast ei nærere undersøking av skredfare. COWI AS vurderer at delar av planområdet ikkje tilfredstiller tryggleikskrava for bygningar i tryggleiksklasse 2 i TEK 10 7.3 i høve skredfare. Utan tiltak kan det ikkje byggjast innafor faresonene i Fig. 15. Føreslegne tiltak frigjer areal, men det kan likevel ikkje byggjast innafor faresonene som er gjevne i Fig. 16. 2

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 2 Innleiing Det skal i detaljreguleringsplan for Gnr./Bnr. 132/2 i Lussand, Granvin Herad, leggjast til rette for småkraftverk og 4 hyttetomter med tilhøyrande infrastruktur (Fig. 1). Planområdet ligg innafor faresonene for snøskred og delvis innafor faresonene for steinsprang på www.skrednett.no. Tiltakshavar må då få undersøkt om skredfaren er reell ved å innhente geologisk rapport frå føretak med sentral godkjenning, ansvarsrett og erfaring frå skredfarevurdering. COWI AS er engasjert til å utføre denne vurderinga. Fig. 1 Kartet viser avgrensinga av planområdet med svartstipla omriss. 3

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 4 3 Grunnlag Planområdet ligg innafor aktsemdsområda for snøskred og delvis innafor aktsemdsområda for steinsprang på www.skrednett.no. Regelverket krev då at det skal gjennomførast ei nærare vurdering av skredfare og at eventuelle omsynssoner skal innarbeidast i plankart. Skredfare går inn under Byggteknisk forskrift (TEK 10; 7.1 og 7.3). Her vert byggverk plasserte i tryggleiksklassar etter konsekvens og største årlege nominelle sannsyn for skred. Fritidsbustader og småkraftverk inngår i tryggleiksklasse S2 der tryggleikskravet er høgst ei skredhending per 1000 år. Følgjande dokument og kjelder nytta i vurderingsarbeidet: - www.skrednett.no - digitale kartdata Skredfaren er vurdert etter retningslinene i NVE sin rettleiar 2/2011 "Flaum og skredfare i arealplanar". Området blei synfart av geolog Steinar Nes den 03.02.14.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 5 4 Generell vurdering av skredfare Skred omfattar steinsprang/steinskred/fjellskred, jordskred, flaumskred, snøskred og snøsørpeskred. I nasjonalt dekkande aktsemdskart for steinsprang og snøskred er det synt område der ein skal vise aktsemd i arealdisponeringa. Aktsemdskarta (www.skrednett.no) for steinsprang vert framstilt på grunnlag av ein digital høgdemodell der område med terrenghelling > 45 grader automatisk vert klassifisert som løysneområde for steinsprang. I aktsemdskarta for snøskred er område med brattare terrenghelling enn 30 grader klassifisert som løysneområde. Påfølgjande datamodelleringar gir utløpsdistansar (rekkevidde) frå løysneområda. Utløpsområda vert berekna automatisk utan omsyn til effekten av lokale faktorar, som for eksempel skog. Aktsemdskarta er basert på ein landsdekkande terrengmodell (Statens kartverk) med oppløysing 25*25 meter, der datagrunnlaget hovudsakleg er basert på 20 meters koter. Det er ikkje gjort feltbefaringar i arbeidet med aktsemdskarta. Aktsemdskarta syner at planområdet ligg delvis innanfor utløpsområdet for steinsprang og heilt innafor utløpsområdet for snøskred (Fig. 7; Fig. 11). For steinskred/fjellskred, jordskred, flaumskred og snøsørpeskred er det ikkje laga landsdekkande aktsemdskart. Her må skredfaren vurderast særskilt. Jordskred kan generelt løysast ut der terrenghellinga er større enn 27 grader. Flaumskred oppstår vanlegvis i samband med ekstreme nedbørssituasjonar som følgje av aktiv erosjon og materialtransport langs bratte vassdrag og bekkeløp med mykje lausmassar. Snøsørpeskred er skredmassar av sterkt vassmetta snø. Dei rører seg i stor fart, og kan også føre med seg noko jord- og steinmateriale. Snøsørpeskred vert løyste frå ei rekke område der vatn blir tilført og akkumulert i snødekket.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 5 Undersøkingar av skredfare Til grunnlag for skredfarevurderinga er ei synfaring av terrenget der vi ser på topografi, grunn- og vegetasjonstilhøve og drenering. I tillegg kjem kartanalysar ved hjelp av IT-verktøy, steinsprangsimuleringar med programmet Rocfall frå RocScience og vurdering av tidlegare skredhendingar. 5.1 Grunntilhøve Bergarten i området er granitt. Ifølgje NGU sitt lausmassekart er det bart fjell med stadvis tynt lausmassedekke og litt tynn morene i nedre del av planområdet (Fig. 2). Dette stemmer godt i høve synfaringa, men det var også observert noko skredmateriale under brattkantene i området. Fig. 2 Lausmassekart (www.ngu.no) som syner at planområdet har bart fjell med stadvis tynt lausmassedekke. I nedre del er det noko tynn morene. Ca. plassering av planområdet er merkt med raudt omriss. 6

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 5.2 Topografi Planområdet ligg ved Fv 7. Aust i planområdet er det ein fjellside med varierande terrenghelling (Fig. 3). Opp mot eit flatt platå er det eit særskild bratt område. Sjølve planområdet har variert terrenghelling stort sett mellom 0 og 45 grader. Nedst mot Fv 7 er det ei vegskjering som gjer at terrenghellinga er over 45 grader. Fig. 3 Terrenghellings- og topografisk kart med ekvidistanse 1 og 5 m. Fargekodar indikerer terrenghelling. Grøn mindre enn 27 grader, gul 27-45 grader, raud 45-90 grader. Ca. plassering av planområdet er merkt med svart omriss. 5.3 Vegetasjon Planområdet ligg heilt nede ved fjorden. Over dette er det ein skråning som delvis er gjengrodd med blandingsskog og delvis opparbeidd med frukthagar (Fig. 4). Over planområdet er ei brattare fjellside som er skogkledd i tillegg til vertikale og nær vertikale brattskrentar utan vegetasjon. Midt oppi i fjellsida aust for planområdet er eit granfelt. 7

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 8 Fig. 4 Bilete viser vegetasjonstilhøva i planområdet og fjellsida bak. 5.4 Drenering Hellerelvi og Tverrelvi samlar seg nord for planområdet og renn gjennom planområdet (Fig. 2). Elva skal byggjast ut til småkraftverk. Hellerelvi har overflatevassmagasin og renn frå Storvatnet og Vetlevatnet oppå fjellet og ned i eit djupt utgreve juv (Fig. 2). Dei to elvene samlast i dette juvet. Ned mot og gjennom planområdet renn dei i felles løp djupt i fast fjell (Fig. 2;Fig. 5). Nedst mot fylkesvegen har elva greve litt i lausmassar. Det er stor lysopning under vegen. Fig. 5 Bilete som viser den nedre delen av elva. Det har erodert seg ned i fast fjell, men i nedre del av biletet har den byrja å grave litt i lausmassar.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 5.5 Tidlegare skredhendingar I den nasjonale skreddatabasen (www.skrednett.no) er det ingen opplysningar om tidlegare skredhendingar innafor planområdet, utanom eit par isnedfall frå vegskjering registrert av Statens Vegvesen. På synfaringa vart det observert nokre potensielle løysneområde for steinsprang frå fjellsida søraust over planområdet. Det ligg gamle steinsprangblokker innafor planområdet (Fig. 6). Det er observert ferske steinsprangblokker høgare oppe i fjellsida, men ikkje innafor planområdet. Fig. 6 Bilete som viser nokre steinsprangblokker søraustlege del av planområdet. 9

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 6 10 Vurdering av skredfare Fjellskred/steinskred Vi har ikkje sett strukturar i berggrunnen som indikerer fare for utgliding av fjellmassar i storleiksorden steinskred eller fjellskred. Steinsprang I aktsemdskartet for steinsprang (www.skrednett.no) ligg store delar av planområdet innanfor potensielt utløpsområde (Fig. 7). Fig. 7 Utsnitt frå aktsemdskart for steinsprang (www.skrednett.no) som viser potensielle løysneområde (svart skravur) og utløpsområde (grå skravur). Planområdet er ca. merkt med raudstipla omriss. Svart omriss viser løysneområde for steinsprang som vi vurderer har potensiale til å nå planområdet. Det er frå den innringa delen av løysneområdet (Fig. 7) som vi etter synfaringa vurderer at steinsprang kan nå planområdet. Frå dei andre delane av potensielt løysneområde vil steinsprang enten ha utløp bort frå planområdet eller ikkje nå planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 11 I aust er det, både innafor og utanfor planområdet, lokale brattkantar med potensiale for utløysing av steinsprang (Fig. 3). For det meste er fjellsida avrunda og iserodert (Fig. 8). Men det er også områder der oppsprekkinga er stor. Desse områda vart grundig synfara og det vart funne mange labile blokker (Fig. 9). Fig. 8 Bilete som viser dei avrunda og iseroderte delane av fjellsida. Fig. 9 Bilete som viser ein oppsprukken del av fjellsida. Lengst sør i fjellsida (aust for planområdet) ligg det mykje blokker rett under fjellskrentane. Dei fleste av desse tolkar vi til å vere lokale utglidingar utan særleg lang utløpslengd (Fig. 6). Ut frå feltsynfaringa der vi har observert potensielle løysneområde og blokker i terrenget konkluderer vi med at det er større sannsyn for utløysing av steinsprang enn 1/1000 per år. På grunn av terrengforma til fjellsida vil delar av planområdet ligge skjerma for steinsprang.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 12 For å sjå kor langt blokker som løysast ut frå brattskrentane kan nå har vi, som eit supplement i vurderinga, utført statistiske simuleringar av steinsprang med dataprogrammet Rocfall frå RocScience. Simuleringane er utførte for terrengprofil konstruerte på grunnlag av digitale kart med 1 og 5 meters høgdekurver. Lokalisering av profila er vist på figur 10, og desse er plasserte på grunnlag av synfaringa og kart. Sjølve profila er viste i VEDLEGG 2. Grunntilhøva langs profilet er bestemt ut frå feltsynfaringa, digitale foto og ortofoto. Vi har skilt mellom, fast fjell, bergskrentar, ur med skog og jord med vegetasjon. Avhengig av underlaget legg ein til kvar seksjon av eit profil bestemte materialeigenskapar (Tabell 1). Dette er restitusjonskoeffisientar som er forholdet mellom hastigheita eller energien til blokka etter og før samanstøyten med underlaget. Koeffisientane skildrar bremsinga ei steinblokk i rørsle får på underlaget. Tabell 1 under syner verdiane for dempingskoeffisientane og friksjonsvinkel som er brukte i simuleringane. Det er nytta standardverdiar (frå Rocfall) for dempingskoeffisientar normalt på underlaget (RN) og tangentielt på underlaget (RT). Desse vert rekna som relativt konservative. Simuleringane er gjort med steinblokker på 2 m3. Storleikane ser me på som realistiske verdiar på grunnlag av synfaringa. Større blokker, som kan nå lenger, vurderer vi til å ha mindre sannsyn enn 1/1000 per år for å løysast ut. Kvar simulering gir ein statistisk fordeling av utløpslengda til 50 steinsprang, der skredbanene for kvar blokk blir oppteikna langs profila. Simuleringane er i utgangspunktet konservative og tek blant anna lite omsyn til bremseeffekten av skog, og at steinblokker vert fragmenterte på veg nedover. Fleire simuleringar gir eit inntrykk av steinspranget sin spretthøgde og utløpsdistanse. Detaljerte dokumentasjonsfiler frå simuleringane kan skaffast ved å kontakte COWI AS. Grunnforhold RN (σ) RT (σ) Friksjonsvinkel Bart fjell Bergskrenter Ur med skog Jord med vegetasjon 0.53 (0.04) 0.35 (0.04) 0.32 (0.04) 0.30 (0.04) 0.99 (0.04) 0.85 (0 04) 0.80 (0.04) 0.80 (0.04) 30 (2) 30 (2) 30 (2) 30 (2) Tabell. 1 Verdiar med standardavvik for dempingskoeffisientar og friksjonsvinklar brukt i simuleringane. Vi har utført 20 simuleringar for kvart løysneområde på profilet. Maksimal utløpslengde for simuleringane med til saman over 1000 enkelthendingar er synt på Figur 10. Desse viser at blokker vil nå fram til planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 13 Fig. 10 Terrenghellingskartet syner lokaliseringa av profila der det er utført simuleringar av steinsprang med Rocfall. Svarte linjer viser profila simuleringane er baserte på. Kvite prikkar syner løysnepunkt for blokker. Kvite stjerner viser maksimal utløpsdistanse for simuleringane. På grunnlag av simuleringane utført i Rocfall, observerte blokker og fagkunnig skjønn vurderer vi ikkje heile planområdet trygt i høve steinsprang med sannsyn 1/1000 per år. Skredfaregrenser og enkle sikringstiltak er vist i Kapittel 7.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 14 Snøskred I aktsemdskartet for snøskred (www.skrednett.no) ligg planområdet innafor teoretisk utløpsområde (Fig. 11). Fig. 11 Utsnitt frå aktsemdskart for snøskred (www.skrednett.no) som viser potensielle løysneområde (raud skravur) og utløpsområde (lys raud skravur). Ca. planområde er merkt med svartstipla omriss. Det er frå det potensielle løysneområdet i aust vi vurderar at snøskred kan ha utløp inn i planområdet. Dei øvrege løysneområda vurderer vi etter synfaringa å ha for lang avstand til planområdet eller ha feil utløpsretning. Store delar av fjellsida i aust er dekka med skog. Dette verkar stabiliserande på snøen. Planområdet har eit mildt fjordklima. Dei næraste målte temperaturane er frå Norheimsund og dei syner at gjennomsnittstemperaturen i januar er litt under 0 C (Fig. 12). Klimaprognosane frå Klima i Norge 2100 (Hanssen-Bauer o.a. 2009) seier ein middeltemperatur på 2-3 C varmare på Vestlandet mot år 2100. Fjellsida vender mot vest. Den dominerande nedbørsførande vindretninga i området er frå vest. Dette er gunstig då det vil samlast opp lite vindtransportert snø/skavlar i fjellsida over planområdet. Sannsynet for at det skal leggja seg mykje snø i fjellsida over planområdet er difor lite. Fig. 12 Månadsnormalar (www.eklima.no) frå 1961-1990 for Norheimsund syner at døgnmiddeltemperaturen ligg like under 0 grader celsius, sjølv i vintermånadane.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 15 Vi har ikkje observert spor av snøskredaktivitet i fjellsida og det er ingen naturlege snøskredbaner ned mot planområdet. Ein kan ikkje utelukke mindre utglidingar av snø oppe i fjellsida, men vi vurderer at desse pga. topografi og avstand ikkje vil nå området. Totalt sett vurderer vi planområdet som trygt for snøskred med sannsyn 1/1000 per år. Dette forutset at ein ikkje avskogar fjellsida over planområdet, noko som vil auka snøskredfaren. Jordskred Fjellsida over planområdet har tynt lausmassedekke. Knausar med fast fjell kan sjåast opp igjennom lia (Fig. 13). Det er eit avgrensa dreneringsområde ned til planområdet sidan det ligg ein fjellrygg over området. Lite nedbørsfelt gjer at det blir mindre vatn i grunnen. Dette reduserar sannsynet for auka poretrykk i massane, noko som er den viktigaste grunnen til utløysing av jordskred. Fast fjell kan sjåast i alle delar av sjølve planområdet og lausmassane som finst er godt vegetert noko som aukar stabiliteten. På grunn av dreneringstilhøva, eit tynt lausmassedekke og busker og trær i fjellsida vurderer vi sannsynet for at større jordskred kan nå planområdet til mindre enn 1 per 1000 år. Flaum- og snøsørpeskred Det er ei elv i tilknyting til planområdet. Dette er opprinneleg to hovudelvar som samlast i juvet over planområdet. Den eine elveforgreininga drenerar frå Vetle- og Storevatnet, den andre drenerar eit mindre nedslagsfelt. Nedbørsfeltet er på 4,4 km 2 og er relativt lite (Fig. 13). Fig. 13 Lågvasskart henta frå NVE sine databasar. Kartet viser nedslagsfeltet til elva. Ein kan også lese ut estimert middelvassføring frå nedbørsfeltet. Svart pil viser juvet. Frå der elva når juvet (Fig. 13, svart pil) renn elva djupt i fast fjell og vil ha liten moglegheit til å hoppe ut av løpet sitt. Det er tynt lausmassedekke i området og elva vil ikkje kunne erodere mykje i elvekantane før heilt nede ved fylkesvegen.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 16 Sjølv om vi ikkje kan sjå tydelege spor etter flaumskredhendingar, så tydar lausmasseoppsamlinga ned mot Fv 7 at det er noko massetransport i elva. I framtida vil det truleg bli ei auke i vassføring på minimum 20% i mindre vassdrag under ekstreme nedbørssituasjonar. Ekstremvær vil truleg også opptre hyppigare og føre til større sjansar for flaumskred (Hanssen-Bauer I.; 2009). På grunnlag av framtidsprognosane, synfaringa og fagleg skjønn vurderer vi at kan flaum/flaumskred kan førekome i vassdraget med større sannsyn enn 1/1000 per år. Vi må difor lage ei omsynssone rundt elva. Å anslå storleik/kraft/fart på flaumskred er vanskeleg. Difor har vi gått ut frå vegleiarar og erfaringsbaserte skred i vurderingane (t.d. SVV 2012). Flytehøgda til flaumskred varierer vanlegvis mellom 1 og 2 meter. Men ein har liten erfaring med kor høgt det vert avsett skredmassar mot sidene i elvene. Sannsynleg verdi er 1-2 meter i terreng med liten oppbremsing av skredfronten, men vesentleg meir der skredmassane vert bremsa opp på grunn av retningsendring. Vi vurderer at elva er djup nok til å halda på eventuelle flaum/flaumskredmassar. Innafor planområdet er det ingen større retningsendringar og løpet er djupt og definert heilt ned til fylkesvegen. Her er ein kulvert med tilstrekkeleg breidde og djupne til å ta imot eventuell flaum ellar flaumskredmassar. Men før kulverten er det tydelege teikn til erodering av lausmassar i flaumsituasjonar (Fig. 14). Fig. 14 Bilete som viser den nedste delen av elva og erodering elva har gjort i lausmassar ved flaumhendingar. Snøsørpeskred vurderer vi som mindre sannsynleg på grunn av lite sjanse for mykje snø i dei nedre delane av elva. Dette gjer at juvet lite truleg kan bli demt opp av snøskred. Ifølgje ortofoto og kart er det heller ikkje langs elva oppå fjellet stader som er typiske proppar i elva i høve snøskred. Dette gjer at vi vurderer snøsørpeskred til å ha mindre omfang enn flaum/flaumskred. Faresoner og sikringstiltak blir lagt fram i Kapittel 7.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 17 Kvikkleireskred Det er ikkje utført geotekniske undersøkingar for kvikkleireskredfare. Men ut frå synfaringa er det ingen indikasjonar på at det skal vera kvikkleire i området sidan lausmasselaget for ein stor del ser tynt ut og at ein langs elva ser fast fjell. I NGU sine lausmassekart er det bart fjell med til dels tynt lausmassedekke eller tynn morene som dominerer i planområdet og ikkje marine avsetningar. På grunnlag av dette ser vi på planområdet som trygt i høve kvikkleireskred med sannsyn 1/1000 per år. Om ein under utbygging likevel kjem inn i leiresoner med betydeleg mektigheit må det gjerast nærare geotekniske undersøkingar.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 18 7 Faresoner og sikringstiltak Ut frå vurderingane i kapittel 6 er det steinsprang frå fjellsida i aust og flaum/flaumskred med opphav i elva som er dimensjonerande skredhendingar (ytre grense for skredutløp) for eit faresonekart. Steinsprang frå brattkantane i aust reknar vi med vil løysne og nå planområdet meir enn ein gong per 1000 år. Flaum/flaumskred som går ut over breiddene til dagens elveløp i nedre del reknar vi med skjer meir enn ein gong per 100 år. Heile planområdet stettar følgjeleg ikkje krava i TEK 10 7.3 om høgst ei skredhending per 1000 år. Faregrensa for steinsprang og flaum/flaumskred med nominelt sannsyn 1/1000 (Fig. 10) har me teikna på grunnlag av: 1) Observerte blokker i terrenget 2) Steinsprangmodelleringar i Rocfall 3) Terreng- og kartanalysar av kvar overfløyming av vatn vil ta vegen 4) Fagleg skjønn

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 19 Observert ur i den austre delen av planområdet tilseier at steinsprang har nådd fram til planområdet. Dette blir også støtta av steinsprangmodelleringar i Rocfall. Elva er vurdert til å ikkje kunne hoppe ut av løpet sitt. Men lengst nede mot kulverten under Fv 7 kan elva fløyme utover løpet sitt og erodere i lausmassar. Faresona for elva må difor omfatte potensielle område som kan overfløymast/eroderast. Vi legg ein omsynssone som er minimum 2 meter over elvebotn og 5-10 meter frå elva som ei generell omsynssone, der høgdeforskjel er viktigaste faktor. Fig. 15 Kartet syner omsynssonene for skred med større årleg sannsyn enn 1/1000 per år (rosa skravur). Omsynssonene gjeld for steinsprang og flaum/flaumskredfare. Planområdet er merkt med lilla omriss.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 20 For å kunne nytte meir av planområdet må det byggjast høgare erosjonssikre elvekantar i nedre del av elva. Aust for elva må ein då heve terrenget minimum to meter for så å erosjonssikre kanten mot elva. I vest må elvekanten erosjonssikrast. Dei nye elvekantane må byggjast slik at vatnet får strøyme så friksjonsfritt som mogleg mot kulverten. Dette for å unngå oppstuving. Denne forbygginga må lagast frå kulverten under Fv 7 og opp til der elva renn på fast fjell (Fig. 16, svart pil). For å redusere faresona for steinsprang i austre delen av planområdet kan ein gjere ein lokal rensk i nedre del av fjellryggen (Fig. 16, svartstipla omriss). Dette vil eliminere steinsprangfaren frå sjølve ryggen, som også fungerar som sikring mot steinsprang frå høgare oppe i terrenget. Dersom desse tiltaka vert utførte kan omsynssonene gjerast mindre (Fig. 16). Fig. 16 Omsynssone for steinsprang og flaum/flaumskred med årleg sannsyn større enn 1/1000 per år (rosa skravur) etter at tiltak er utførte. Lilla linje nord i kartet er ei straumlinje. Svartstipla omriss viser lokalitet for rensk. Pil viser øvre del av erosjonssikring.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 8 21 Konklusjon Delar av planområdet ligg ikkje skredsikkert til i høve krava i TEK10 for bygningar i tryggleiksklasse S2. Utan tiltak må det ikkje byggast innanfor faresonene i Fig. 15. Føreslegne tiltak kan frigjere noko areal for utbygging. Men med tiltak må det likevel ikkje byggast innanfor faresonene i Fig.16.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 9 22 Referansar Hanssen-Bauer I., Drange H., Førland E.J., Roald L.A., Børsheim K.Y., Hisdal H., Lawrence D., Nesje A., Sandven S., Sorteberg A., Sundby S., Vasskog K. & Ådlandsvik B. 2009: Klima i Norge 2100. Bakgrunnsmateriale til NOU Klimatilplassing, Norsk klimasenter, september 2009, Oslo NVE 2011:Kartlegging og vurdering av skredfare i arealplanar. Vegleiar/Vedlegg 2 til NVE retningslinjer 2/2011, Flaum og skredfare i arealplanar. SVV 2012: Flom- og sørpeskred, Høringsutgave til veileder Nr. 73.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 23 Vedlegg 1 TEK 10 Kapittel 7. Sikkerhet mot naturpåkjenninger 7-1. Generelle krav om sikkerhet mot naturpåkjenninger (1) Byggverk skal plasseres, prosjekteres og utføres slik at det oppnås tilfredsstillende sikkerhet mot skade eller vesentlig ulempe fra naturpåkjenninger. (2) Tiltak skal prosjekteres og utføres slik at byggverk, byggegrunn og tilstøtende terreng ikke utsettes for fare for skade eller vesentlig ulempe som følge av tiltaket 7-2. Sikkerhet mot flom og stormflo (1) Byggverk hvor konsekvensen av en flom er særlig stor, skal ikke plasseres i flomutsatt område. (2) For byggverk i flomutsatt område skal sikkerhetsklasse for flom fastsettes. Byggverk skal plasseres, dimensjoneres eller sikres mot flom slik at største nominelle årlige sannsynlighet i tabellen nedenfor ikke overskrides. I de tilfeller hvor det er fare for liv fastsettes sikkerhetsklasse som for skred, jf. 7-3. Sikkerhetsklasse for flom Konsekvens Største nominelle årlige sannsynlighet F1 liten 1/20 F2 middels 1/200 F3 stor 1/1000 Tabell: Sikkerhetsklasser for byggverk i flomutsatt område (3) Første og annet ledd gjelder tilsvarende for stormflo. (4) Byggverk skal plasseres eller sikres slik at det ikke oppstår skade ved erosjon. 7-3. Sikkerhet mot skred (1) Byggverk hvor konsekvensen av et skred, herunder sekundærvirkninger av skred, er særlig stor, skal ikke plasseres i skredfarlig område. (2) For byggverk i skredfareområde skal sikkerhetsklasse for skred fastsettes. Byggverk og tilhørende uteareal skal plasseres, dimensjoneres eller sikres mot skred, herunder sekundærvirkninger av skred, slik at største nominelle årlige sannsynlighet i tabellen nedenfor ikke overskrides. Sikkerhetsklasse for Konsekvens Største nominelle årlige skred sannsynlighet S1 liten 1/100 S2 middels 1/1000 S3 stor 1/5000 Tabell: Sikkerhetsklasser ved plassering av byggverk i skredfareområde

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 24 VEDLEGG 2 Simuleringar med Rocfall Løysnepunkt Utløpslengd Profil 1 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for1000 enkelthendingar basert på 20 simuleringar kvar på 50 enkelthendingar. Heile profilet er innafor planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 25 Løysnepunkt Utløpslengd Profil 2 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for 1000 enkelthendingar basert på 20 simuleringar kvar på 50 enkelthendingar. Heile profilet er innafor planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 26 Løysnepunkt Utløpslengd Profil 3 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for1000 enkelthendingar basert på 20 simuleringar kvar på 50 enkelthendingar. Blå strek og svart pil markerer grensa til planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 27 Løysnepunkt Utløpslengd Profil 4 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for 1000 enkelthendingar basert på 20 simuleringar kvar på 50 enkelthendingar. Blå strek og svart pil markerer grensa til planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 28 Løysnepunkt Utløpslengd Profil 5 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for 1000 enkelthendingar basert på 20 simuleringar kvar på 50 enkelthendingar. Blå strek og svart pil markerer grensa til planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 29 Løysnepunkt Utløpslengd Profil 6 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for1000 enkelthendingar basert på 20 simuleringar kvar på 50 enkelthendingar. Blå strek og svart pil markerer grensa til planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 30 Løysnepunkt Utløpslengd Profil 7 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for 1000 enkelthendingar basert på 20 simuleringar kvar på 50 enkelthendingar. Blå strek og svart pil markerer grensa til planområdet.

SKREDFAREVURDERING FOR REGULERINGSPLAN GNR./BNR. 132/2, LUSSAND, GRANVIN HERAD. 31 Løysnepunkt Utløpslengd Profil 8 Histogrammet syner fordeling av utløpsrekkevidda for blokkene (2m 3 ) langs profilet. Piler syner løysnepunkt og maksimal utløpsdistanse for 1000 enkelthendingar basert på 20 simuleringar kvar på 50 enkelthendingar. Blå og svart pil strek markerer grensa til planområdet.