NOTAT Samnanger kommune Stabilitet på kommunale vegar Dato: Synfaring

Transkript

1 KVAM HERAD for Samnanger kommune NOTAT Samnanger kommune Stabilitet på kommunale vegar Dato: Synfaring Frå Tore Dolvik, kommunegeolog Vår ref: 16/1597-3/N - 016//TORDOL Samnanger - KV Totrævegen - skred- og flaumfarevurdering av endra vegtrase (30/4) Samnanger kommune er med i eit interkommunalt samarbeid om ein kommunegeolog. Sakshandsamar Nina Fredriksen tok den 8. feb. kontakt med kommunegeologen med spørsmål om flaum og skredvurdering av endra vegtrasè på KV Totrævegen. Nina sendte over ein rapport frå Sweco som vurderte skredfaren av eksisterande vegtrasé, samt bilde av nyleg skredhending og kartutsnitt som viste ny planlagd vegtrase (alt. 1). I etterkant av synfaring har det kome eit ny vegtrasè etter vegnormalen til vurdering (alt. 2). Kommunegeologen var på synfaring den 14. feb. saman med Endre Kullseid og Nina Fredriksen frå Samnanger kommune. Konklusjon Skråninga oppom eksisterande veg viser fleire teikn på ustabilitet og det er på sikt stor fare for nedfall på vegen, noko historikken og viser for dette område. Ein endra vegtrasè er det mest realistiske tiltaket for å sikre seg mot skred.. Skredfaren mot endra vegtrasè vil vere klart mindre enn dagens vegtrasè, men det kan vere ein skredfare mot tiltaket. Flaumfaren er liten, men det er nokon parti som bør sjåast nærmare på. Kommunegeologen rådar derfor Samnanger kommune til å setje krav om prosjektering av eventuelle sikringstiltak mot skred for endra vegtrasé, samt ta omsyn til eventuell flaum- og erosjonsfare frå Kvernelva. Figur 1. Samnanger kommune. Svart sirkel er plassert ved Totrævegen. Figur 2. Svart sirkel er plassert ved innkøyringa til KV Totrævegen. Mottakarar: : Samnanger Kommune v/nina Fredriksen Tyssevegen TYSSE

2 Figur 3. Kartutsnitt som viser lokaliseringa av endringa av vegtrasè frå fylkesveg 134. Høgre kartutsnitt viser noverande situasjon, og raud oval viser område kor det har vore fleire skredhendingar. Kvernelva renn i venstre del av kartutsnittet. Oppgåve Samnanger kommune skal søke om dispensasjon frå kommuneplanen av ein endring av vegtrasè til Totræna skianlegg. Endra vegtrasè vil liggje mellom dagens vegtrasè og Kvernelva. Grunnen til at Samnanger kommune ønskjer ei endring av vegtrasè er stor skredrisiko på eksisterande vegtrasè, frå innkøyringa frå fylkesveg 134 og opp til første sving på den kommunale Totrævegen. Figur 3 viser endra vegtrase (alt. 1 og 2), der den lengste trasèen er innanfor vegnormalen (alt. 2). Det er truleg den lengste vegtrasèen (alt. 2) det vert søkt dispensasjon om. Aktsemdkart Endra vegtrasè (alt. 1 og 2) ligg heilt inne i aktsemdkartet for flaum og for snøskred og delvis i aktsemdkartet for jordskred. Figur 4. Kartutsnitt som viser endra vegtrasèar (alt. 1 og 2) og aktsemdkart. Utsnitt oppe venstre vise aktsemdkart for steinsprang, til høgre aktsemdkart for snøskred, nede til venstre aktsemdkart for jord- og flaumskred og til høgre aktsemdkart for flaum. Side 2 av 8

3 Tidlegare skredhendingar og - vurderingar På skrednett er det ikkje registert nokon skredhendingar på den kommunale Totrævegen, men det er registrert nedfall av stein ca. 150 meter lenger nord på fylkesveg 134 (fig. 5), og nokon fleire skredhendingar på fylkesvegen ca. 1 km sør og nord for vegen til Totræna. Ifølgje Endre Kullseid, Samnanger kommune, så har det vore mange skredhendingar i dette område, sist for ca. ei veke før synfaringa (sjå fig. 6). Kommunegeologen har no registrert desse to skredhendingane på skrednett.no [Objekt ID og 69213]. Figur 5. Utsnitt frå skrednett.no som viser ein skredregistrering på fv. 134, ca. 150 meter nord for krysset til Totrævegen (svart sirkel). Samnanger kommune har tinga ein rapporten frå Sweco, datert 9. mars 2016 (vedlegg 1). Rapporten viser til fleire skredhendingar (ikkje tidsatt) og vurderer faren for nye skred. I konklusjonen står det: «En veistrekning fra krysset mot Totræna og ca. 80 m mot vest er vurdert for skredfare. Det vurderes at skredfaren her er betydelig, og at det må forventes skred i form av steinsprang og nedfall av løsmasser også i fremtiden. Skråningen kan sikres ved hjelp av rensk og bolting, oppsetting av fanggjerde i kombinasjon med rensk og bolting i vest, eller ved å legge om veien. Alle tiltakene vil være omfattende.» Figur 6. Øvst er eit bilde av eit steinsprang i år, og nedste bilde eit større jordskred på omtrent same område. FOTO: Endre Kullseid, Samnanger kommune. Synfaring 14. feb Endre Kullseid, Samnanger kommune, og kommunegeologen var først på plass og gjekk gjennom endra vegtrasè (alt. 1). Nina Fredriksen, Samnanger kommune, kom litt seinare, men var med på deler av synfaringa. Terrenget er veldig kuppert og det er lokalt store forskjellar. Synfaringa er under delt i to, dagens vegtrasè og ny vegtrasè. Ny alternativ vegtrasè (alt. 2) ligg innanfor område som vart synfara. Dagens vegtrasè Frå innkøyringa frå fylkesveg 134 og ca. 100 meter oppover, så ligg dagens veg langs ein lokal skjering. Det har vore mykje aktivitet i denne skråninga, som var godt synleg på synfaringsdagen. I tillegg er det ein del stygge sprekker i fjellet øvst i skråninga, og det kan sjå ut som det òg er aktive sprekker i berget i nokon parti nærmare vegen. Med tanke på tidlegare hendingar og korleis skråninga ser ut, så er det nok stor fare for nedfall frå dette partiet, jf. rapport frå Sweco (vedlegg 1). Side 3 av 8

4 Figur 7. Bilde frå synfaringsdagen av eksisterande vegparti. Svart sirkel viser rester etter steinspranget den 7. feb. 2017, mens raud pil viser ein tidlegare jordskred (sjå fig. 6). Ny vegtrasè (alt. 1) På synfaringa så gjekk me trasèen frå øvre deler og så ned mot ny innkøyring ved fylkesveg 134. Øvst er det kuppert og det er viktig å ta omsyn til første søkket. Her er det planlagt ei stikkrenne som truleg vil ta omsyn til dette (fig. 9). I område kor den nye trasèen vil ta ein sving så er det ein bratt skråning. Her ligger det nokon lause blokkar. Deler av denne skråninga vil truleg bli sprengt vekk for å skaffe massar til vegen (fig. 9). Frå innkøyringa frå fylkesvegen 134 vil vegen liggje på ein relativ stor fylling. I eit søkk er planlagt ein stikkrenne (fig. 8). Figur 8. Bilde til venstre viser Kvernelva (til venstre) og søkket kor grunnen bør sjekkast. Midtre bilde viser omtrent område kor Alt. 1 kjem inn på fv. 134, og høgre bilde viser søkket mellom eksisterande vegtrasè og fylkesvegen. Figur 9. Bilde til venstre viser skråninga mellom eksisterande veg og Kvernelva, midtre bilde oppe kor eksisterande veg tar ein sving, mens bilde til høgre viser terrenget kor vegen skal gå over eit søkk i terrenget. Ny alternativ vegtrasè etter vegnormalen (alt. 2) Denne vegtrasèen vart ikkje synfara i felt, men ligg innanfor område som vart synfara. Vegtrasèen er innanfor vegnorma, og vil liggja nærmare dagens vegtrasè, og nærmare Kvernelva. Side 4 av 8

5 Skredfarevurdering Aktsemdkart Endra vegtrasè (alt. 1 og 2) ligg i aktsemdkartet for snøskred. Som vist på figur 10. så er potensielt losneområde dekka av stor skog, slik at sannsynet for skred vert redusert. I tillegg er det ein naturleg høgde mellom potensielt losneområde og endra vegtrasè (alt. 1 og 2). Aktsemdkartet for snøskred er derfor ikkje aktuelt for endra vegtrasèar (alt. 1 og 2). Som vist på fig. 4 så ligg eit lite søkk nær endra vegtrasè i aktsemdkartet for jord- og flaumskred. Grunnforholda i dette område bør sjekkast ut då området er eit typisk område kor flaumvatn kan erodere i lausmassane og gjere desse ustabile. INTERKOMMUNAL KOMMUNEGEOLOG SAMNANGER Erfaring og skredrapport frå Sweco Som vist i rapport frå Sweco, og teikn på synfaringsdagen, så er det stor skredfare i dagens vegtrasè og tiltak er nødvendig for å redusere skredrisikoen på vegen. Mogleg ny vegtrasè er ikkje vurdert i rapporten. Figur 10. Aktsemdkart for snøskred er ikkje aktuelt for endra vegtrasèar (alt. 1 og 2) då potensielt losneområde er dekka av skog (sjå øvst), og det ligg eit naturleg ås mellom potensielt losneområde og vegen. Demming av elva Skred frå område vest for elva vil stoppe i elva. Elva kan bli demma, men vil likevel lite truleg utgjere noko fare for vegen då terrenget er slik at vatnet vil renne tilbake til elva. Det er eit kritisk punkt ved Kloppastølen kor deler av dagens veg, og ny vegtrasè (alt. 1 og 2), kan bli overfløyma ved ein demming av elva, men sannsynet for dette er liten. Lokal skredfare Eventuelle skred frå skråningar vest for Kvernelva vil ikkje true endra vegtrasèar. Figur 11. Det er ein lokal skredfare frå skråning over og under dagens vegtrasè, samt mogleg usikker grunn i søkk ned mot Kvernelva. I skråninga som truar dagens vegtrasè, så kan eventuelle skred gå forbi vegen og ned i dalbotnen. Endringstrasè etter vegnormalen (alt. 2) ligg i eller nær område som kan bli treft av skred i frå dette område. Det er ein bratt skråning mellom dagens vegtrasè og endringstrasèar. Eventuelle skred frå denne skråninga kan nå begge endringstrasèane. I følgje Endre Kullseid, Samnanger kommune, så vil truleg deler av denne skråninga bli sprengt ned for å få tak i fyllmassar til den nye vegtrasèen. Det bør då sprengast på ein slik måta at skredfaren mot vegen vert redusert. Det vil nok vere ein restrisiko etter sprenging slik at det må vurderast om det skal gjerast sikringstiltak for å hindre skred mot vegen. Side 5 av 8

6 Flaumfarevurdering Ut frå aktsemdkartet så ligg heile den nye vegtrasèen i NVE sitt aktsemdkart for flaum, så flaumfaren bør vurderast. Endra vegtrasèar (alt. 1 og 2) vil òg liggje nærmare elva enn 20 meter og vurdering av faren for erosjon er nødvendig. Enkel flaumberekning For å gjere ein enkel og grov flaumvurdering så er NVE sitt nettverktøy NEVINA bruk for å berekne flaumen. (nevina.nve.no vedlegg 2). Rapporten viser at dreneringsfeltet for elva ned mot tiltaket er 4,2 km årsflaumen med klimapåslag vil ha ein vassføring på 27,5 m 3 /s. Ein 20-årsflaum (F1) vil truleg vere dimensjonerande for ein veg, men sidan vegen er eit sikringstiltak, så er 200-årsflaumen brukt her (aktsemd). Vassføringa er vasshastighet multiplisert med areal (Q = V*A). Ut frå samtale med NVE så vil vassføringa i elva truleg liggje på 1,5 2 m/s, men for å vere konservativ er vasshastigheita 1 m/s brukt i berekninga. Ein 200-årsflaum vil då dekke eit areal på 27,5 meter. Ved å bruke profilar normalt på elva, kan ein ut frå kotene gjere eit overslag kor mykje areal som kan bli råka av ein flaum (fig. 12). Det er i berekninga ikkje tatt omsyn til djupet til elva (konservativt). Nokon av profilane som er brukt for å berekne flaumen er ikkje normalt på elva, men feilmarginen er truleg ikkje så stor at det er avgjerande for konklusjonen. Del av profil 1 Figur 12 Døme på profil brukt for å grovt berekne 200-årsflaumen for Kvernelva, for profil 1. Flaum pga. demminga av elva Om elva vert demma, t.d. på grunn av eit skred, t.d. ved Kloppastølen, så kan nok vegen bli råka av flaum, men terrenget heller slik at vatnet snart vil renne tilbake til elva (så lenge vegen vert bygd slik at vatnet kan renne av vegen og ned mot elva igjen). Lenger nedstraums så vil truleg ikkje ein demming av elva føre til overfløyming mot tiltaket. Erosjon Frå Kloppastølen ligg elva i ein kløft i fjell. Erosjonsfaren er derfor liten, men nye vegtrasèar ligg nær elva og grunnforholda i dette område bør vurderast nærmare. Det kan vere ein viss fare for lausmassar i nedre deler av område, som dermed kan vere utsatt for erosjon under ein flaum. Dette bør sjekkast ut. Oppsummering Overslaget viser at så lenge ikkje elva vert demma, så vil ikkje ein flaum utgjere noko stor fare for dei endra vegtrasèane, men det er nokon usikre område som bør sjekkast ut og takast med i prosjekteringa av endra vegtrasèar (fig. 13). Vidare flaumvurdering meiner kommunegeologen ikkje er naudsynt for tiltaket. Side 6 av 8

7 Figur 13. Grov flaumvurdering for Kvernelva. Stipla blå linje viser berekna 200-årsflaum opphøgd til nærmaste meterskote (sjå fig. 12). Raude sirklar/ovalar viser usikre flaumparti som bør sjekkast ut nærmare. Øvste oval viser område kor eit skred moglegvis kan demme elva som igjen kan føre til flaum (lite sannsynleg), Neste oval viser eit område kor ein 200- årsflaum moglegvis kan nå vegtrasèen, Neste oval igjen er eit område som vil liggje nær elva og tiltak bør vurderast og nedst eit flatare område som ligg i aktsemdområde for jordskred. Her bør det gjerast ein grunnundersøking (prøvegraving/bonitering) for å vurdere om det kan vere fare for utgliding av jordmassar ved flaum. Oppsummering skred- og flaumvurdering Ut frå rapport frå Sweco, synfaring og kartanalyse så konkluderer kommunegeologen med at: *Skredfaren på eksisterande veg er stor og tiltak er nødvendig, t.d. ny vegtrasè. *Skred på eksisterande vegtrasè kan òg nå endra vegtrasè (alt. 2). Skredsikringstiltak bør vurderast og prosjekterast. *Det er ein skredfare frå ein lokal bratt skråning mellom eksisterande veg og ny vegtrasè. Denne skredfaren kan reduserast under byggjefasen (uttak av masse til fylling). Arbeidssikring og permanent sikring av restrisiko bør vurderast undervegs i byggjefasen. *Flaumfaren mot ny vegtrasè er liten. Ein 200-årsflaum kan moglegvis komme nær tiltak et i nokon område som vist i figur 13. Her bør det vurderast om tiltak er nødvendig. *Det er anbefalt å sjekke grunnforholda i dalbotnen/søkket nær fv. 134 (fig. 13). Elva kan erodere i lausmassane og gjere desse ustabile. Det bør derfor sjekkast om det bør gjerast tiltak. *Ein demming av elva ved Kloppastølen kan i verste fall føre til flaum på eksisterande og endra vegtrasèar. Sannsynet er liten, men det kan vurderast å gjere mindre tiltak for å hindre skade på vegen om dette skjer. Side 7 av 8

8 Konklusjon INTERKOMMUNAL KOMMUNEGEOLOG SAMNANGER Skråninga oppom eksisterande veg viser fleire teikn på ustabilitet og det er på sikt stor fare for nedfall på vegen, noko historikken og viser for dette område. Ein endra vegtrasè er det mest realistiske tiltaket for å sikre seg mot skred. Skredfaren mot endra vegtrasè (alt. 1 og 2) vil vere klart mindre enn dagens vegtrasè, men det vil vere ein fare for skred (fig. 11). Kommunegeologen rådar derfor Samnanger kommune til å setje krav om vurdering og prosjektering av eventuelle sikringstiltak mot skred for endra vegtrasé. Flaumfaren mot endra vegtrasè (alt. 1 og 2) vil vere liten, men det er enkelte parti som bør sjåast nærmare på då tiltaket vil kome nær elva (fig. 13). Kommunegeologen rådar derfor Samnanger kommune til å setje krav om at ein eventuell flaumfare og erosjonsfare vert tatt omsyn til i prosjekteringa av endra vegtrasé. Mottakarar: : Samnanger Kommune v/nina Fredriksen Tyssevegen TYSSE Kopi til: Bjørn Vik, Kvam herad Samnanger kommune v/kenth Paul Opheim 5650 TYSSE Vedlegg Vedlegg 1 - Skredvurdering av eksisterande vegtrasè av Sweco Vedlegg 2 Flaumvurdering av Kvernelva (nevina.nve.no) Side 8 av 8