Kviteseid kommune Interkommunalt plankontor Fylkesmannen i Telemark Postboks 2603 3702 SKIEN MELDING OM VEDTAK Dykkar ref: Vår ref Saksbeh: Arkivkode: Dato: 2013/345-49 Sveinung Seljås,35048430 143 13.11.2014 sveinung.seljas@nissedal.kommune.no N - Rullering kommunedelplan - Treungen sentrum - plan til 2.gongs høyring /offentleg ettersyn - særutskrift Her fylgjer særutskrift av formannskapssak 133/14. Endringane som blei vedtatt i møtet, førte til at det blei nødvendig å omarbeide/supplere plankartet, planføresegnene, planomtalen og ROS-analysen. Dette måtte ta si tid. Ønska om avkorta ettersyns/ høyringsperiode, og høyringsfristen som låg i rådmannens tilråding, er difor ikkje lenger aktuelle. Planforslag med tilhøyrande dokument vil ligge på kommunens heimeside, fyrstesida www.nissedal.kommune.no i heile høyringsperioden 18.11.14 05.01.15. Høyringspartar som ikkje har internett-tilgang kan på førespurnad, få tilsendt papirversjon av plandokumenta. (Dette oversendingsbrevet med tilhøyrande dokument er sendt elektronisk til fylkesmannen, fylkeskommunen, NVE og Statens vegvesen, jf. melding av 13.05.13.) Hovudendringane frå forslaget som blei sendt til 1.gongs høyring er ei utviding av utfyllingsgrensa i Nisser for prosjektet Nisser Brygge. Utfyllingsomfanget vil ikkje bli større, men er tilpassa dei konkrete planane som her ligg føre. Planomtalen inneheld nå også ei konsekvensutgreiing av dei to områda ved Evja, på bakgrunn av m.a. nye registreringar av biologisk mangfald i desse områda. Også det nye byggeområdet for bustad/forretning/kontor, kalla Skålestronda, er konsekvensutgreidd på tilsvarande nivå. Frist for merknader/uttale til planforslaget blir sett til 05.01.15. Evt. uttale sendast: Nissedal kommune v/interkommunalt plankontor 3855 TREUNGEN. Med helsing Sveinung Seljås -plansjef Postadresse: 3855 Treungen Telefon: 35048400 Bankgiro: 27140700016 Telefaks: 35048410 Org.nr: 964964343 E-post: info@nissedal.kommune.no www.nissedal.kommune.no
Nissedal kommune Arkiv: Saksmappe: Sakshandsamar: Dato: 143 2013/345-42 Sveinung Seljås 09.10.2014 Saksframlegg Utval Utvalssak Møtedato Formannskapet 133/14 23.10.2014 N - Rullering kommunedelplan - Treungen sentrum - plan til 2.gongs høyring /offentleg ettersyn Vedlegg: - Forslag til plankart, ny høyringsversjon. - Forslag til planføresegner, ny høyringsversjon. - Planomtale, revidert pr 13.10.14 - ROS-analyse, revidert pr 13.10.14 - Faun-rapport 028-2013, med tillegg dat. 07.10.14. - Uttale frå born- og unges representant i plansaker (BRP), dat. 18.10.13 - Høyringsuttale, Nissedal næringslag, dat. 27.03.14. - Høyringsuttale, Telemark fylkeskommune, dat. 27.03.14. - Høyringsuttale, Nisser Brygge AS, dat. 28.03.14. - Rapport Norsk maritimt museum, Prosjekt 2011326, dat. 29.05.13. - Høyringsuttale, Naturvernforbundet i Telemark, dat. 31.03.14. - Høyringsuttale, Statens vegvesen, dat. 01.04.14. - Høyringsuttale, Knut Haugsjå AS, dat. 01.04.14. - Høyringsuttale, Fylkesmannen i Telemark, dat. 01.04.14. - Høyringsuttale, NVE region sør, dat. 02.04.14. - Nytt innspel, Nissedal kyrkjelege fellesråd, dat, 09.10.14. Fakta i saka: Kommunestyret vedtok i januarmøtet 2013 dokumentet Kommunal planstrategi. Her blei det m.a. bestemt at kommunedelplanen for Treungen sentrum skulle rullerast. Ny plan- og bygningslov (pbl) seier at det ved slik rullering og må utarbeidast eit planprogram. Eit slikt planprogram for kommunedelplanrulleringa blei vedteke av kommunestyret i sak 049/13 20.06.13, etter at eit forslag hadde lege til offentleg ettersyn/ vore sendt på høyring. Kommunen valde ved høyringa av planprogrammet samstundes å invitere til innspel til sjølve planrevisjonen. Det kom åtte innspel til dette planarbeidet. Ny plan og bygningslov (pbl) seier og at det til kommunedelplan med arealdel skal fylgje ein planomtale (jf pbl 11-5). Planomtalen med vedlegg svarar på kor langt målsetjingane med planarbeidet, slik desse blei formulert i planprogrammet, er nådd. Her ligg også svara på dei ulike innspela kommunen fekk til planarbeidet. - 2 -
Forslag til revidert kommunedelplan for Treungen sentrum, plankart og planføresegner med tilhøyrande planomtale blei av formannskapet (sak 119/13) lagt ut til offentleg ettersyn/ sendt på høyring. Til fastsett frist, 01.04.14, kom det inn åtte høyringsuttalar. Ein av høyringsuttalane, den frå Nisser Brygge AS, førte til at formannskapet i eiga sak (053/14, 22.04.14) utsette plangodkjenningsprosessen. Vedtaket fekk denne ordlyden: Ønskje frå Nisser Brygge AS om meir-utfylling i Nisser i høve til fyllingsgrensa i gjeldande plan blir tatt til fylgje. Planforslaget må difor omarbeidast og endringa må i nødvendig grad bli konsekvensutgreidd før nytt forslag kan bli lagt ut på ny høyring. Sak om dette blir lagt fram for formannskapet etter sommarferien. I ein annan høyringsuttale, den frå Fylkesmannen, blei det reist motsegn mot eigengodkjenning av planen. Grunnlaget for motsegna var at nye areal til næring (Evja vest og odde nord for Evja) ikkje var konsekvensutgreidd i samsvar med utgreiingskrav i pbl 4-2. Formannskapet fekk i møtet 22.04. også dei andre uttalane til gjennomsyn. Under vurderingsavsnittet er det vist korleis desse uttalane har påverka det nye planutkastet, med ei kort grunngjeving. Desse vurderingane kunne også ha vore venta med til ny sak om godkjenning av planen, men er tatt med for å unngå unødige gjentak av merknader frå 1.høyringsrunde. Nytt planutkast blir nå tilrådd sendt på 2.gongs høyring/ lagt ut til nytt offentleg ettersyn i samsvar med pbl 11-14. Vurdering: Generelt Utarbeidd planomtale med konsekvensutgreiing for føreslått endra arealbruk syner at planrevisjonen denne gongen har hatt eit avgrensa omfang. Utover ei utviding av byggeområdet for heilårsbustader ved Grova, og, etter formannskapsbehandlinga i nov.13, to nye mindre næringsområde ved Evja, er endringane mest å sjå på som tilpassingar og ajourføringar av eksisterande arealbruk. Eit anna og vel så viktig føremål med planrevisjonen har vore å sikre kommunen heimel for å kunne krevje eksisterande fritidsbustader i byggeområde knytt til felles/offentleg vatn- og avløpsanlegg. Dette vil vere mest aktuelt for kommunedelplanområda Kyrkjebygdheia og Gautefallheia, men vil og kunne kome til bruk i dette planområdet, for hyttefeltet Eriksneset. Innkomne høyringssvar 1. Nissedal næringslag Næringslaget har ni merknadspunkt til planutkastet: -Det er ikkje ønskeleg med turveg på industriområdet slik denne er planlagt. Næringslaget peiker på fleire alternativ. -Odden nord for Evja bør framleis ligge som LNF-areal. -Friområde mellom Nisser og Fjonevegen er for delar av arealet endra til næringsbygningar nåverande. Ut frå dagens bruk bør kanskje heile arealet endrast til fritids-og turistføremål. -Utfyllinga i Nisser ved Sagbrukstomta bør fylgje forslaget frå utbyggar Nisser Brygge AS. -Næringslaget ønskjer å synleggjere eit bruprosjekt (gangbru) over Nisser, frå Sommarsletta til kommunehuset. -Det bør leggast ut eit større parkeringsareal innom reguleringsplanen Tveitsund, for å avlaste sentrum. Planføremåla i kommunedelplanen og i reguleringsplanar er ikkje like. Dette er uheldig. -Eit område ovanfor Tveitsund gard langs fv358 bør setjast av som område for bustad/næring. -Eit område (Grautbukta, mellom rv41 og fv358) bør setjast av til brygger og parkeringsplassar. -Eit område langs fv358, mellom området til bustad/næring og eksisterande bustader ved Skålestronda, og området på Øyna bør setjast av til framtidig bustadområde. - 3 -
Formannskapet må ta stilling til turvegen og turvegens plassering. Formannskapet har ønskje om å kunne legge til rette for næringsbygg for kontor/service-bedrifter. Odden nord for Evja er sett på som eigna til dette føremålet. Det som er friområde i kommunal eige bør framleis ligge som friområde. Utfylling ved Sagbrukstomta vil få utforming slik formannskapsvedtaket 22.04. tilseier. Det er neppe realisme i å kunne finansiering endå eit bruprosjekt. Arbeidet må konsentrerast om å få til ei omlegging av rv41. Den freda Tveitsund bru vil etter omlegging fungere som lokalveg/gangveg. Ut frå signala frå vegvesenet er det ikkje sansynleg å få godkjent utbygging langs fv358 før det er etablert g/s-veg på strekninga. Eit slikt prosjekt vil vere nært nytt opp mot ei omlegging av rv41. Det bør difor ligge meir konkrete planar for vegomlegginga før kommunen legg ut nye byggeområde her. Dei endringsforslaga som omfattar areal i reguleringsplanar der desse planane skal gjelde framfor kommunedelplanen, bør takast opp som endringsforslag av reguleringsplanane. (Det vil gjelde strekpunkt 6 og 8). I planutkastet til 2.gongs høyring kan turvegtraseen i industriområdet Sundsmoen bli endra. Utfyllinga ved Sagbrukstomta får utforming i samsvar med utbyggars ønskje, (sjå pkt. 3). Endingar innom reguleringsplanar som skal gjelde framfor denne kommunedelplanen, blir å take opp når desse planane skal endrast. 2. Telemark fylkeskommune Fylkeskommunen ønskjer at det i planføresegnene blir lagt til to nye ledd som omhandlar kulturminneforvaltinga. Fylkeskommunen ønskjer og, for å sikre at omsynet til kulturminne blir teke vare på, ei eiga generell føresegn om at det ved all planlegging og saksbehandling skal lastast ned oppdatert datasett med kulturminne frå Askeladden. Dei formulerte føresegnene er: -Dersom det i samband med tiltak under vatn eller i marka blir funne automatisk freda kulturminne som ikkje er kjent, skal arbeidet straks stansast i den grad det rører kulturminnet eller sikringssona rundt kulturminnet. Alle tiltak som vil eller kan røre slike kulturminne skal leggast fram for kulturminnemynda for godkjenning. Undersøkingsplikta/varslingsplikta i samsvar med kulturminnelova gjeld uavkorta i heile kommunen. -Alle byggesøknader på bygningar eldre enn 1850, som fører til riving eller vesentleg endring, skal sendast fylkeskommunen til uttale før kommunen gjer vedtak i saka. - Ved all planlegging og saksbehandling skal det lastast ned oppdatert datasett med kulturminne frå Askeladden. Delar av innhaldet i desse føreslegne tilleggsføresegnene fylgjer direkte av lovverket, og skulle såleis vere unødvendig å ta opp att. Det blir her likevel ikkje føreslege å endre dei tilrådde formuleringane. Føreslegne tillegg i føresegnene blir tatt med planutkastet til 2.gongs høyring. 3. Nisser Brygge AS Utbyggingsselskapet har varsla planoppstart av privat reguleringsplan for Sagbrukstomta med tilhøyrande område for utfylling i Nisser (02.01.12). Areal til utfylling som kom inn i kommunedelplanen ved rulleringa i 2007, blei vidareført uendra i planforslaget som låg til høyring fram til 01.04.14. Utbyggingsselskapet melder behov for ei justering av dette arealet. Utfylt areal blir om lag som tidlegare, men med ei anna arrondering. I tillegg blir det bedt om at grensene mellom "næringsbygningar-nåverande" og "fritidsbustader-framtidige" blir justert. Vedtaket formannskapet gjorde 22.04. tok nettopp sikte på å innarbeide denne endringa i planen. Men sjølv om utfyllingsarealet vil bli om lag det same, vil utfyllinga gå lenger ut i Nisser, og såleis legge beslag på nytt areal. Utfyllinga vil ikkje bli ei kompakt flate, men får meir form av ein molo med vassareal innanfor. Utbyggar har lagt ved rapport frå arkeologisk registrering som syner at den endra utfyllinga ikkje vil kome i konflikt med kulturminne omfatta av kulturminnelova. Kommunen har ikkje dokumentasjon på andre undersøkingar av området. Det er kjent for utbyggar at området før utbygging vil bli pålagt grunnundersøkingar både på land og sjø for - 4 -
byggegrunn (geoteknikk) og for eventuell forureining (miljøteknikk). Området er som kjent eit eldre industriområde (sagbruk) der tomta i fleire omgangar er utvida med fylling ut i Nisser. Både stabiliteten i desse fyllingane og innhaldet i dei vil vere undersøkingstema. Utbyggar har fått eit prisoverslag for slike undersøkingar på i overkant av kr 500 000 + mva. Utbyggar ber difor om ei overordna avklaring før ein slik kostnad blir tatt; Vil området kunne bli frigitt til føremålet? Det er vanskeleg å sjå at kommunen kan kome nærare ei endeleg avklaring før desse undersøkingane er gjort. Det er derimot ikkje andre tilhøve som kan tilseie at prosjektet ikkje kan gjennomførast. Området er som nemnd ikkje urørt natur, men eit nedlagt industriområde som i lengre tid har stått uskjøtta. Det er heller ikkje noko som tilseier at arealet i framtida vil ha alternativ utnytting utan betydelege grunninvesteringar. Det synest difor rimeleg at utbyggar får den forsikringa det blir bedt om, dvs at det på overordna plannivå blir sagt ja til den skisserte utviklinga. Så får geotekniske og miljøtekniske undersøkingar i detaljplanfasen avgjere om prosjektet er gjennomførbart. Aktuelt utfyllingsareal og nye avgrensingar mellom fritidsbustader og næringsbygningar blir lagt inn i planutkastet til 2. gongs høyring. 4. Naturvernforbundet i Telemark Naturvernforbundet ber om at byggeforbodssona langs Nisser framleis må bli på 100 m, ikkje 50 m slik det låg forslag om i det fyrste høyringsutkastet. Etter høyringsfristen 01.04. er både kommuneplanen og kommunedelplanen for Kyrkjebygda vedtekne med 50-meters byggeforbodssone langs Nisser. (Frå før var det unntak der ei slik sone blei delt av offentleg veg. I slike tilfelle gjeld byggeforbodet bare arealet mellom vegen og Nisser.) Kommunedelplanen for Treungen sentrum har lite areal som ei asvstandsendring får verknad for. Sidan det alt er gjort vedtak for dei to andre planane om 50-meterssone, og då Treungen-området vil ha meir press på desse areala enn elles i kommunen, kan det ikkje vere rett å behalde 100-metersgrensa her. Endringsforslaget om 50-meterssone blir vidareført også ved 2.gongs høyring av planforslaget. 5. Statens vegvesen Vegvesenet kommenterer at planen stort sett er ei vidareføring av gjeldande plan, og der trase for omlegging av rv41 er med. Ingen Inga endring av planutkastet til 2. gongs høyring. 6. Knut Haugsjå AS Entreprenørfirmaet Knut Haugså AS som er etablert med kontor/verkstad/maskinparkering på industriområdet Sundsmoen ønskjer ikkje turveg i dette området. Hovudargumentet for å gå mot etableringa er tryggingsaspektet for menneske og dyr (born, hundar) ved denne kombinasjonen. Eit anna argument er at turvegen vil lette tilgjenge for uønska besøk (drivstofftjuveri etc). Det er fleire kryssande og motstridande interesser i denne saka; folkehelse, kommuneøkonomi, godt naboskap etc. Formannskapet har gjennomført synfaring, og fått synspunkta frå dei aktuelle aktørane presentert. Formannskapet må avgjere om og kor denne turvegen skal inn i planutkastet til 2. gongs høyring. 7. Fylkesmannen i Telemark A) Fylkesmannen har motsegn til at det i planforslaget var lagt inn to nye område som byggeområde for næring utan at desse er konsekvensutgreidd på ein forsvarleg måte. Formannskapet ønska å supplere byggeområde for næring med desse to områda særleg med tanke på etablering av kontor/service-bedrifter. Erfaringane kommunen gjorde seg med vanskane i saka om å skaffe teknologibedrifta Hitec utvidings- og utviklingsmogleghetar sentrumsnært og ikkje i samrøre med tradisjonell industri, gjorde mange betenkt. Områda er nå - 5 -
konsekvens-utgreidd på tilsvarande måten som for dei andre byggeområda, m.a. er rapporten om potensiale for biologisk mangfald supplert med faktaark for begge områda. Konsekvensutgreiinga gir ikkje grunnlag for å endre planforslaget på desse punkta til 2. gongs høyring. B) Fylkesmannen saknar turvegen i plankartet. Det er merkeleg, også sett på bakgrunn av at to andre høyringspartar har uttala seg til turveg-forslaget.det er fleire kryssande og motstridande interesser i denne saka; folkehelse, kommuneøkonomi, godt naboskap etc. Formannskapet har gjennomført synfaring, og fått synspunkta frå dei aktuelle aktørane presentert. Formannskapet må avgjere om og kor denne turvegen skal inn i planutkastet til 2. gongs høyring. C) Fylkesmannen hadde kommentarar til kart med teiknforklaring, føresegner, og retningsliner til kommuneplanens arealdel. Så langt desse er aktuelle for denne kommunedelplanen, er dei også framførte som merknader her. Det blir i tillegg vist til at føresegnene manglar oversikt over dei regulerings- og utbyggingsplanane som er vist i plankartet, og at dette må rettast opp. Det blir vist til kommentarane til desse punkta i saksframstillinga til kommuneplanens arealdel. I den grad det er tatt omsyn til merknadene frå Fylkesmannen der, og dei er aktuelle for denne kommunedelplanen, er endringane også innarbeidde i denne planen. I planføresegnene blir det lista opp gjeldande regulerings- og utbyggingsplanar innom kommunedelplanområdet. 8. Norges vassdrags- og energidirektorat (NVE) NVE har i hovudsak vurdert arealdelen til kommuneplanen, og ikkje i same grad dei fem kommunedelplanane. Direktoratet har likevel eit fagleg råd felles for alle planane om å innarbeide ei generell føresegn om at flaum og skredfare skal vurderast meir detaljert i ROSanalyser for reguleringsplan og ved enkeltsaker. Kommunen har lagt til grunn at flaum- og skredfaren blir vurdert meir detaljert ved utarbeiding av reguleringsplan og i enkeltsaker. Det er derimot ikkje noko i vegen for å innarbeide dette i ei generell føresegn, slik NVE tilrår. Temaet flaum- og skredfare blir omtala i ei generell planføresegn. Nytt innspel frå Nissedal kyrkjelege fellesråd I innspelet frå fellesrådet er det referert til fellesrådsak 036/14 frå 11.09.14. Frå dette blir det spesielt peika på punktet om omlegging av fv 358 som ein del av prosjektet utviding av Treungen kyrkjegard. Omlegginga bør visast som nytt trafikkområde bak bedehuset. Innspelet kom over eitt år etter innspelsfristen, eit halvt år etter høyringsfristen og like før det her blir lagt fram sak om 2. gongs høyring av planen. Det seier seg sjølv at det ikkje har blitt tid til ytterlegare konsekvensvurderingar av forslaget enn det som ligg i informasjonen frå fellesrådet. Mogleg vegomlegging blir vist i plankartet, men temaet må ikkje hindre ei plangodkjenning etter ønska tidsplan. Fører høyringsrunden til motsegn på dette punktet, må planen kunne godkjennast utan at planen får rettsverknad for den skisserte vegomlegginga. Avsluttande merknad Kommunedelplanen Treungen sentrum blir nå lagt ut til 2.gongs høyring /offentleg ettersyn. Sidan planen har vore på høyring tidlegare, då endringane ikkje er særleg store i høve til det fyrste høyringsutkastet, og då høyringspartane med særleg fagansvar for dei aktuelle tema difor må kunne påreknast å ha førehandskunnskap om dette, ber kommunen om at høyringsfristen kan setjast til fire veker, to veker kortare enn lovkravet etter pbl 11-14. Hovudårsaka til dette er eit sterkt ønskje om å kunne sluttbehandle også denne kommunedelplanen i 2014. - 6 -
Dersom nokon av høyringsinstansane ikkje kan halde denne fristen, ber kommunen om ei tilbakemelding på dette så raskt som råd. Rådmannen si tilråding: I medhald av pbl 11-14 legg Nissedal formannskap forslag til revidert kommunedelplan for Treungen sentrum ut til nytt offentleg ettersyn og sender det på 2. gongs høyring. Høyringsfrist blir sett til 21.11.14. Saksprotokoll i Formannskapet - 23.10.2014 Formannskapet einast om at: det kan vere aktuelt med ulike former for skjerming mellom universell sti og industriområdet. Endringsforslag fra AP v/runa Tveit: Eit område ovanfor Tveitsund gard langs fv358 bør setjast av som område for bustad/næring. Votering: Tre røyster for endringsforslaget. To røyster mot. Endringsforslag frå FrP: Eit område langs fv358, mellom området til bustad/næring og eksisterande bustader ved Skålestronda, og området på Øyna bør setjast av til framtidig bustadområde vert lagt inn i planen. Votering: Ei røyst for endringsforslaget. Fire røyster mot. Vedtak: I medhald av pbl 11-14 legg Nissedal formannskap forslag til revidert kommunedelplan for Treungen sentrum med vedtekne endringar ut til nytt offentleg ettersyn og sender det på 2. gongs høyring. - 7 -