Aukra kommune 372014/820-37 L12 Saksbeh:Svein Rune Notøy Dato: 03.03.2015 Saksframlegg Utv.saksnr Utval Møtedato 20/15 Drift og arealutvalet 25.03.2015 Reguleringsplan for Rindarøy (1547201404) 2. offentlege høyring Rådmannen si tilråding: Drift- og arealutvalet viser til plan- og bygningslova 12-10, og godkjenner at forslag til Reguleringsplan for Rindarøy (1547201404) blir lagt ut til 2. offentlege høyring, samstundes vedtek ein å oppheve eksisterande planar innanfor planavgrensinga i medhald av plan- og bygningslova 12-14. slutt på tilråding Saksprotokoll i Drift og arealutvalet - 25.03.2015 Behandling Tilrådinga frå rådmannen vart samrøystes vedtatt Vedtak Drift- og arealutvalet viser til plan- og bygningslova 12-10, og godkjenner at forslag til Reguleringsplan for Rindarøy (1547201404) blir lagt ut til 2. offentlege høyring, samstundes vedtek ein å oppheve eksisterande planar innanfor planavgrensinga i medhald av plan- og bygningslova 12-14. --- slutt på saksprotokoll --- Vedlegg 1 Innkomne merknader etter 1. offentlege høyring 2 Føresegner revidert 04.03.2015 3 Planomtale revidert 03.03.2015 4 Dispensasjon for utsprenging av fjellskjæring 5 Omklassifisering av fylkesveg 6 Plankart revidert 18.03.2015 Særutskrift: Etter adresseliste
Bakgrunn: Det er tidlegare vore meldt oppstart for planarbeidet, først 15.04.2010, og deretter på nytt med eit utvida planområde 15.03.2012. På bakgrunn av dei innkomne merknadane etter den siste oppstartsmeldinga, og at Rindarøy er avhenda som statleg fiskerihamn (jfr. vedtak i Kommunestyret 16.12.2010, sak 107/10), valde ein å melde ny oppstart av planarbeidet, denne gongen med heile Rindarøy inkludert i planforslaget. Føremålet med planarbeidet er å lage ein heilskapleg plan for Rindarøy med omsyn til føremåla natur, bustad, industri, trafikk og turisme. I tillegg ønsker ein å samle eksisterande reguleringsplanar innanfor planområdet i ein ny heilskapleg plan. Eksisterande reguleringsplanar som skal opphevast og erstattast av ny plan er: Reguleringsplan for Rindarøy fiskerihamn (vedteken 19.12.2001), reguleringsplan for Rindarøy fiskerihamn, endring 01 (vedteken 05.11.2009) og reguleringsplan for Rindarøy fiskerihamn, mindre planendringar 02 (vedteken 30.05.2012). Planane som vert oppheva får enkelte av reguleringsføremåla sine vidareført i det nye planforslaget slik at ein oppnår betre oversikt over plansituasjonen i området. Planforslaget låg ute til 1. offentlege høyring i perioda 05.12.2014 19.01.2015, men på bakgrunn av dei innkomne merknadane, og møte med grunneigarane på Rindarøya fann ein det naudsynt å leggje planforslaget ut til 2. offentlege høyring. Utgreiing: Det blei varsla oppstart av planarbeidet gjennom brev til berørte partar, samt i annonse i Romsdals Budstikke. Frist for innspel vart sett til 18.08.2014, og det kom inn totalt 11 merknader. Drift- og arealutvalet vedtok i møte 03.12.2014 å leggje planforslaget ut til 1. offentlege høyring. Planforslaget vart lagt ut til 1. offentlege høyring i perioda 05.12.2014 19.01.2015, og det kom inn totalt 14 merknader, nedanfor er disse kort refererte og kommenterte: 1) Merknad frå Rindarøy velforeining, datert 18.12.2014 Ønsker Karlsholmen inkludert i reguleringsplanen. Ber om at ny tilkomst til industriområdet gjerast på ein skånsom måte for nærmiljøet, og forutset at trafikk til industriområdet kun går her. Vil ha snuplassen for buss flytt frå Roktamonumentet til parkeringsplassen nedanfor Sølvikhaugen, og leikeplassen flytt opp til Roktamonumentet. Ønsker ikkje område til turistformål på Rindarøya og ønskjer at desse områda vert omregulert til småhus/naust. Ønskjer møte med kommunen i forkant av høringsfristen. Karlsholmen vert ikkje inkludert i denne planen då den inngår i eit anna planforslag som er under arbeid. Kommunen ser for seg at den nye tilkomstvegen til industriområdet skal dimensjonerast for å kunne ta imot all nødvendig trafikk. Ein har lagt inn auka radius i svingen inn mot området for å redusere behovet for oppbremsing av tungtrafikk. Av omsyn til besøkande til Roktamonumentet ønskjer kommunen snuplass lokalisert slik den er vist i plankartet. Leikeplassen er flytta til området ved snuplassen slik som ønskt. Det har vore ytra ønskje om moglegheit for hytteutleige på Rindarøya, på andre område enn dei som no er regulert, og kommunen har lagt til rette for dette på dei områda som egnar seg. Det vart avhalde møte med grunneigarar i forkant av høyringsfristen.
2) Merknad frå Rolf Nerbø, datert 07.01.2015 og 14.01.2015 Ønskje om regulering av naust på sin eigedom gnr 8 bnr 14. Han ønskjer ikkje at eigedom gnr 8 bnr 14 vert med i planforslaget. Kommunen har i samband med arbeidet med rullering av kommuneplanen sin arealdel sett på eigna område for naustbygging. Ein ønsker å unngå spreitdte enkeltnaust, for heller å samle disse på betre eigna og meir konsentrerte stader i kommunen. Det medfører ikkje negative konsekvensar at eigedomen er tatt med i planforslaget, grunnen til at ein valte å ta den med er at ein ønskjer ein heilskapleg plan for området. Ein eigen plan for Karlsholmen er under arbeid av ekstern plankonsulent. 3) Merknad frå Inger Karin Tafjord, datert 13.01.2015 Ønsker ikkje den nordvestre delen av Rindarøy regulert til friluftsområde, og at snuplass og leikeplass byter plass. Kommunen har i samband med rullering av kommuneplanen sin arealdel vurdert ønska om utbygging på dei nordvestre delane av Rindarøy, men har kome til at dette ikkje er ønskeleg (jfr. også merknad frå Møre og Romsdal Fylkeskommne, datert 17.09.2014, som rår frå at ein går vidare med planane om bygging av fritidsbustader i dette området.). I samband med rulleringa av kommuneplanen sin arealdel vil det verte etablert ei strandsone, og denne vil gjelde uavhengig av kva som har vore situasjonen tidlegare. Leikeplassen er flytta. Av omsyn til besøkande til Roktamonumentet ønskjer kommunen snuplass lokalisert slik den er vist i plankartet. 4) Merknad frå Rådet for likestilling av funksjonshemma, datert 15.01.2015 Ser det som positivt om leikeplassen flyttast opp til Roktamonumentet. Det bør leggjast til rette for minst ein handicapplass i forslag til parkering. Leikeplassen er flytta til området ved snuplassen slik som ønskt. Parkeringsplassen knytt til Roktamonumentet vil verte opparbeidd etter krava om universell utforming. 5) Merknad frå Statens vegvesen Region Midt, datert 15.01.2015 Grunna omfanget vert det vist til brev datert 15.01.2015 som ligg ved saka i si heilheit, nedanfor er derfor dei viktigaste merknadane tekne med i stikkordsform. Ikkje tilstrekkelig detaljering av plankartet. Byggegrense mot fylkesveg 216. Standardsprang på regulert veglinje. Snuplass i enden av fylkesveg 216. Avkjørsel til Roktamonumentet. Utbygging innenfor B5. Parkering i frisiktsonen på Rindarøy. Kurvatur i kryss mot Årgårdshaugen. Utredning av molo før utbygging. Detaljeringa av plankartet er utbetra etter innspel. Ein har og i samarbeid med Statens Vegvesen funne at ein omklassifiserer fylkesveg 216 på strekninga nytt kryss inn til industriområdet og til vegens ende til kommunal veg, og at kommunen overtek alt ansvar for denne vegen. Fylkesvegen vil dermed stoppe i nemnte kryss på Rindarøya. Omklassifiseringa løyser og
standardspranget, snuplass og avkjøyringa til Roktamonumentet og utbygging på B5. Området i frisiktsona er lagt som anna vegareal grøntområde. Kurvaturen i krysset mot Årgårdshaugen er utbetra, og ein tenkjer at massane frå denne utbetringa og massane frå utbetring av kurvaturen ved Obersthaugen skal nyttast til utbetring av vegen over moloen til Rindarøya. Vi er klar over at ei slik utbetring ikkje ligg inne i Vegvesnet sine planar, og legg til grunn at Kommunen og/eller private verksemder med interesse i området tar på seg denne utbetringa. Kommunen har håp om at Statens Vegvesen kan koste asfaltering når utbetringa er sluttført. Den nye moloen er ikkje utreda, men ein har regulert nødvendig areal for bygging. Ei detaljert prosjektering med grunnundersøkingar må gjerast før utbygging startar. Dette i tråd med det ein vart samde om på telefon. 6) Merknad frå Hans Sølvik, datert 16.01.2015 Den nye avkøyrsla frå fylkesvegen og til industriområdet må leggjast slik at oppbremsing og akselerering for tungtrafikk til anlegget blir så minimal som mogleg. Fylkesmannen har har tilrådd at ein foretek ein konsekvensanalyse, men i planforslaget står det at dette ikkje er nødvendig, dette er merkelig med tanke på omfanget av Vikenco si tenkte utviding. Fylkesmannen har stilt krav om støyvurdering utan at det er blitt teke kontakt for å få målt støynivå innandørs. Kvifor kommenterer ikkje Kystverket reguleringsplanen med tanke på at det vert foreteke store endringar på moloen, samt at det er ankringsplass og almenningskai innanfor planområdet. Vil erstatning for verditap knytt til anlegging av ny veg være en del av reguleringsprosessen? Avkjøyringa til industriområdet er gitt en god svingradie for å redusere behovet for oppbremsing og akselerasjon. Kommunen har foreteke ei vurdering etter forskrift om konsekvensutredninger og har kome til at konsekvensanalyse ikkje er naudsynt i detet planarbeidet. Støyberekningar gjerast teoretisk, ikkje ved innendørs støymålingar. Eventuelle målingar gjerast ved yttervegg. Kystverket har avhenda Rindarøy som Fiskerihamn, og vel sjølve om dei vil kome med uttale. Erstatning for verditap går ikkje inn i reguleringsprosessen. Erstatningsspørsmålet vert vurdert etter eit eventuelt planvedtak. 7) Merknad frå Fylkesmannen i Møre og Romsdal, datert 16.01.2015 For lettare å kunne lese plankart og føresegner vil det være ein fordel om reguleringsformåla hadde kopling mot forkortingane i kartet. Støyrapport må utarbeidast etter krava i T-1442/2012, og eventuelle tiltak må gå fram av plankart og reguleringsføresegner. Støyrapport vert bestilt av konsulent med kompetanse innanfor dette feltet, og er søkt gjennomført i samband med 2. offentlege høyring. Føresegnene har fått forkortningar tilsvarande reguleringsføremåla i kartet, slik at desse plandokumenta no vert lettare å tolke. 8) Merknad frå Petter Rindarøy og Oddmund Oterhals, datert 18.01.2015 Ny tilkomstveg til industriområdet må anleggast på ein slik måte at denne blir minst mogleg til sjenanse for eksisterande busetna, og forutset at trafikk til industriområdet kun går her. Det er ønskeleg at området sør for ny tilkomstveg til industriområdet, som no har fått betegnelsen FT2, vert regulert til friområde. Krav til skjerming og utforming av industrianleggets grense mot fritidsbebyggelse. Lysforurensing er i dag ei stor ulempe for naboane. I staden for å opparbeide ny parkering og snuplass ved Roktamonumentet er det heller ønskeleg at ein nyttar eksisterande område sør for Sølvikhaugen til dette formålet. Leikeplassen bør flyttast til området ved Roktamonumentet i staden.
Fylkesvegen på Rindarøya omklassifiserast til kommunal veg frå krysset inn til industriområdet. Kommunen legg ikkje opp til "rundkjøring" på øya, og planen sin intensjon er at all trafikk til industriområdet skal gå på den nye vegen. Ein forutset at nødvendige skjermingstiltak iverksettast ved behov. Avkjøyringa til industriområdet er gitt en god svingradie for å redusere behovet for oppbremsing og akselerasjon frå tungtrafikk. Området som er betegna som friområde er ønskt regulert til det valde formålet av grunneigar, og ein har i arbeidet med kommuneplanens arealdel vurdert dette som positivt for området, og dermed og tatt formålet inn i planforslaget. Industriområdet har eit sjølvstendig ansvar for å skjerme omgjevnadane for støy og forureining. Vikenco har meldt at dei allereie driv og utbetrar lysproblema, og har og varsla at dei planlegg å forbetre skråningane i bakkant av området, og å plante desse til. Snuplassen for buss er plassert ved Roktamonumentet med tanke på trafikksikkerheit og at mange av dei som kjem for å sjå monumentet kan være dårleg til beins. Ein vel difor å behalde snuplassen på denne staden. Leikeplassen er flytt opp til same område. 9) Merknad frå Eldrerådet, datert 19.01.2015 Det må leggast til rette for toalettanlegg på den foreslegne snuplassen/parkeringsplassen ved Roktamonumentet. Ønske om toalettanlegg er registrert og vil bli vurdert i det vidare planarbeidet. Dersom det er aksept for denne løysinga i høve budsjettet vert toalettbygg oppført i prosjekteringsperioden. 10) Merknad frå Inge Bytingsvik, datert 19.01.2015 Ønsker revurdering av moglegheit for bygging av boligar på nordsida av øya. Kommunen står fast på si innstilling om ikkje å tillate bygging i dette området, sjå også kommentar til merknadden under punkt 3. 11) Merknad frå Møre og Romsdal fylkeskommune, datert 19.01.2015 Grunna omfanget vert det vist til brev datert 19.01.2015 som ligg ved saka i si heilheit, nedanfor er derfor dei viktigaste merknadane tekne med i stikkordsform: Uklar avgrensing av bygging i strandlinja på område S1 g S2 Meir teksting av formål i kartet Formålet Forsvaret Turdrag gjennom F9 og F10 og forholdet til gravrøyser Naustmiljø på Rindarøya Demning på Rindarøya Avgrensinga for bygging i strandlinja på områda S1 og S2 er no vist med byggelinje. Føresegnene har fått forkortningar tilsvarande reguleringsføremåla i kartet slik at desse plandokumenta no vert lettare å tolke. Formålet «forsvaret» (FO1 på plankartet) er videreført frå tidlegare plan, og har same funksjon som før. Turdraget gjennom F9 og F10 er justert slik at det går utanom sikringssonane for dei registrerte gravrøysene. Sikringssonane er og lagt inn slik at dei visast i reguleringskartet som to sirklar. Ein ønsker å unngå spreitdte enkeltnaust, for heller å samle disse på betre eigna og meir konsentrerte stader.
Det er gitt dispensasjon til gjeldande reguleringsplan for Rindarøy fiskerihamn i høve utsprenging av fjellskjæring. Det blir også gitt løyve til å ta ned murkonstruksjonen for dammen heilt eller delvis, jfr. sak 5/15 behandla i Drift- og arealutvalet i møte 21.01.2015. 13) Merknad frå Odd Einar Rindarøy, datert 19.01.2015 Plankartet har ufullstendig teiknforklaring, og fleire av fargekodene er vanskelige å skilje frå kvarandre. Reguleringsplanen vert ikkje fullstendig utan at ein tek med Karlsholmen, Karlsholmskjæret og områda vest for moloen. Kva vurderingar er gjort i høve vassreservoaret på eigedom gnr 8 bnr 8? Ønsker ikkje snuplass ved Roktamonumentet. Det kan i staden etablerast ei busslomme ved innkøyringa til monumentet. Sidan vegvesenet i merknad har tilrådd snuplass i enden av fylkesvegen vil dette være tilstrekkeleg. Leikeplassen må flyttas til området ved Roktamonumentet. For S1 er det viktig at grensa mot I1 blir slik at det blir praktisk mogleg å sikre tilkomst og fortøyning av båtar av ein viss storleik. Den eksisterande småbåthamna vest for kaia må være med i den nye planen. Det bør og vurderast å utvide denne slik at heile austsida av moloen kan brukast som småbåthamn. I planarbeidet må det elles vektleggast å sikre eigna plassar for båtar, naust og sjøbuer. Føresegnene har fått forkortningar tilsvarande reguleringsføremåla i kartet, slik at desse plandokumenta no vert lettare å tolke. Karlsholmen vert ikkje teke med i dette planforslaget då ein eigen privat plan for dette området er under utarbeiding. Det er gitt dispensasjon til gjeldande reguleringsplan for Rindarøy fiskerihamn i høve utsprenging av fjellskjæring. Det blir også gitt løyve til å ta ned murkonstruksjonen for dammen heilt eller delvis, jfr. sak 5/15 behandla i Drift- og arealutvalet i møte 21.01.2015. Snuplassen for buss er plassert ved Roktamonumentet med tanke på trafikksikkerheit og at mange av dei som kjem for å sjå monumentet kan være dårleg til beins. Ein vel difor å behalde snuplassen på denne staden. Fylkesvegen skal omklassifiserast ti lkommunal veg og ønsket frå Statens vegvesen om snuplass i enden av vegen fell derfor bort. Leikeplassen er flytt til området ved Roktamonumentet som ønska. I plankartet er grensa mot I1endra slik at det vert betre tilrettelagt for tilkomst og fortøyning av båtar av ein viss storleik. 14) Merknad frå Vikenco AS, datert 20.01.2015 Planomtale: Under punkt 2.2 vert det vist til masseuttak Obersthaugen (planid 201112) som ligg utanfor planområdet. Det medfører ikkje riktigheit at «fleire» lokale kystfiskebåtar har base på Rindarøy (punkt 3.4). Det vert forutsettt at støykrava er i henhald til gjeldande reglar ved industrianlegget (punkt 5.10). Grøntbuffer mellom industrieigedomen og bakanforliggjande eigedomar må regulerast inn på dei bakanforliggjande eigedomane. Reguleringsføresegner: Maks mønehøgde er foreslått til maksimalt 9 meter over gjennomsnittlig planert terreng. I dispensasjonssøknad frå Odd Småge AS datert 17.10.12 til Aukra Kommune, er det omsøkt med maks mønehøgde ca 13,5 meter. Ny erfaring viser at det kan være behov for inntil 14,0 meter maks mønehøgde for å ta i vare fylgjande bygningsmessige funksjonar: Produksjonshall 6,0 meter, Teknisk himling 3,0 meter, emballasjelager 5,0 meter.
Plankart: Det er teikna inn leikeplass på eigedom gnr 8 bnr 23. Dette er ikkje ok, då det tek for mykje areal av eigedomen og det er planar om vidareutvikling av denne. Eigedom gnr 8 bnr 15 (på moloen) er regulert til formålet «kontor/tenesteyting», dette er ønskt endra til «fritid/turistformål». Gangvegen bør leggast på innsida av moloen for betre beskyttelse mot vind og bølgjer. På strekninga Moloeen frå Karlsholmen til Reitaskjæret bør vegbana utvidast til 2 køyrefelt i same operasjon som gangveg vert etablert. Planomtale, plankart og føresegner er endra i henhald til merknaden. 15) Merknad frå NTNU vitenskapsmuseet (marinarkeologi), datert 05.02.2015 NTNU Vitenskapsmuseet viser til aktsemd- og meldeplikta for skipsfunn slik den går fram av kulturminnelova 14 tredje ledd. Merknaden er teken til vitande. Konklusjon: Innkomne merknader er så langt det let seg gjere tekne til vitande og innarbeidde i planforslaget. Rådmannen vonar at 2. offentlege høyring blir eit godt høve til å kome med utfyllande merknader til planarbeidet. Reguleringsplanen kan derfor tilrådast for 2. offentlege høyring. Økonomiske og administrative konsekvensar: Reguleringsarbeidet inneber nokre økonomiske og administrative kostnader: - Kostnader til kjøp av grunn for å realisere ny veg i planområdet - Innleige av ekstern konsulent til gjennomføring av støyvurdering - Kostnader knytt til annonsering Ingrid Husøy Rimstad Rådmann Kjell Lode Plansjef Rett utskrift 26.03.15 Anita Raknes Otterlei formannskapssekr.