VINDAFJORD KOMMUNE SAKSPAPIR

VINDAFJORD KOMMUNE SAKSPAPIR SAKSGANG Styre, utval, komite m.m. Møtedato Saksnr Sakshands. Formannskapet 11.06.2014 045/14 INJ Kommunestyret 24.06.2014 039/14 INJ Avgjerd av: Saksansv.: Ingrid Johannessen Arkiv: K2-L12, PlanID-1160-13-11, Gnr.Bnr-281/8,12 Objekt: Arkivsaknr 13/821 ANDRE GONGS HANDSAMING AV DETALJREGULERING FOR EIABAKKEN I ØLEN Dokumentliste: Nr T Dok.dato Avsendar/Mottakar Tittel 3 U 16.04.2013 offentlege mynde; Direktoratet for mineralforvaltning; Telenor - Senter for nettutbygging; Haugaland Interkommunale Miljøverk (HIM); DK Haugalandet Mattilsynet; Kolumbus - Rogaland Kollektivtrafikk FKF; Kommunelegen; Rogaland Fylkeskommune - Kulturseksjonen; Rådet for eldre og funksjonshemma v/k. Kolltveit; Ølen Forum c/o Torbjørn Rullestad; Skånevik Ølen Kraftlag; Fylkesmannen i Rogaland; Rogaland Fylkeskommune - Regionalutv.avd.; Statens Vegvesen - Region Vest; Norges Vassdrags- og energidir. VARSEL OM OPPSTART AV REGULERINGSPLANARBEID FOR DELAR AV GNR 281 BNR 8 OG 12, ØLEN I VINDAFJORD KOMMUNE 2 U 16.04.2013 nabo, rettshavar grunneigar VARSEL OM OPPSTART AV REGULERINGSPLANARBEID FOR DELAR AV GNR 281 BNR 8 OG 12 I ØLEN 5 I 26.04.2013 Haugaland Interkommunale MERKNAD TIL PLANFORSLAG Miljøverk (HIM) 4 I 26.04.2013 Norges Vassdrags- og energidir. INNSPEL TIL VARSEL OM OPPSTART AV REGULERINGSPLANARBEID FOR DELER AV GNR 281 BNR 8,12 6 I 02.05.2013 Rogaland Fylkeskommune REGULERINGSPLAN FOR NY BRANN-

OG AMBULANSESENTRAL - MIDLERTIDIG UTTALELSE FRÅ KULTURSEKSJONEN 8 I 07.05.2013 Rogaland Fylkeskommune - Regionalutv.avd. SVAR - DEL AV GNR.281, BNR.8, 12 - REGULERINGSPLAN 7 I 09.05.2013 Geir Rødne MERKNAD TIL REGULERINGSPLAN FOR DELER AV GNR. 281 10 I 15.05.2013 DK Haugalandet Mattilsynet UTTALE TIL REGULERINGSPLAN FOR NY BRANN- OG AMBULANSESENTRAL OG LEGESENTER 9 I 22.05.2013 Rogaland Fylkeskommune - Kulturavd. UTTALE BRANN- OG AMBULANSESTASJON M.M. - REGULERINGSPLAN 11 I 17.06.2013 Statens vegvesen VARSEL OM OPPSTART - REGULERINGSPLAN - GNR. 281 BNR. 8 OG 12 14 I 01.10.2013 Tørres Eide UNDERSKRIFT FRA TØRRES EIDE 13 U 01.10.2013 Tørres Eide Anders Eide; torres.eide@yahoo.no, ARKEOLOGISKE UNDERSØKINGAR I SAMBAND MED REGULERINGSPLANARBEID 15 U 07.10.2013 Rogaland Fylkeskommune - Kulturavd. VEDKOMANDE KRAV OM ARKEOLOGISKE REGISTRERINGAR 16 I 05.11.2013 Anders Eide ARKEOLOGISKE UNDERSØKINGAR I SAMBAND MED REGULERINGSPLANARBEID 17 U 06.11.2013 Rogaland Fylkeskommune ARKEOLOGISKE REGISTRERINGAR, NY BRANN- OG AMBULANSESTASJON OG LEGESENTER 18 I 20.12.2013 Statens vegvesen v/ Kyvik Gro Osmundsen SV: DETALJREGULERING FOR NY BRANN- OG AMBULANSESTASJON OG LEGESENTER I ØLEN 19 U 27.01.2014 nabo, rettshavar grunneigar INNKALLING TIL MØTE OM REGULERINGSPLANARBEID FOR NY BRANN- OG AMBULANSESTASJON OG LEGESENTER 21 I 06.02.2014 Rådet for eldre og funksjonshemma v/karin Kolltve DETALJREGULERING FOR EIABAKKEN I ØLEN 22 U 11.03.2014 Servicetorget KUNNGJERING - OFFENTLEG ETTERSYN 24 U 12.03.2014 Nabo / grunneigar / rettshavar OFFENTLEG ETTERSYN - FRAMLEGG TIL DETALJREGULERING FOR EIABAKKEN I ØLEN 23 U 12.03.2014 Off. mynde m.fl. OFFENTLEG ETTERSYN - FRAMLEGG TIL DETALJREGULERING FOR EIABAKKEN, ØLEN - VINDAFJORD KOMMUNE 35 I 21.03.2014 Statens Vegvesen - Region Vest MERKNAD TIL PLANARBEID 26 I 24.03.2014 DK Haugalandet Mattilsynet INGEN MERKNAD - REGULERINGSPLAN FOR NY BRANN- OG AMBULANSESENTRAL OG LEGESENTER 25 I 25.03.2014 Fylkesmannen i Rogaland UTTALE - DETALJREGULERING EIABAKKEN BRANN- OG AMBULANSESTASJON M.M, ØLEN 27 I 31.03.2014 Rogaland Fylkeskommune - Kulturavd. OPPSTART AV KULTURHISTORISKE REGISTRERINGAR 28 U 03.04.2014 jordleigar grunneigar AKSEPT FOR OPPSTART OG GJENNOMFØRING AV ARKEOLOGISKE UNDERSØKINGAR 29 I 08.04.2014 Norges Vassdrags- og energidirektorat INNSPEL TIL OFFENTLEG ETTERSYN - FRAMLEGG TIL DETALJREGULERING ØLEN -

VINDAFJORD KOMMUNE 31 I 14.04.2014 Harald Litlehamar MERKNAD / INNSPEL TIL PLAN 30 I 14.04.2014 Harald Litlehamar UTTALE ANG EIABAKKEN 32 I 17.04.2014 Adv.firma Responsa AS MERKNAD TIL REG.PLAN 33 I 27.04.2014 Anne Kirsten Eide MERKNAD - EIABAKKEN 36 I 14.05.2014 Rogaland Fylkeskommune - Kulturavd. ENDELEG UTTALE - GNR.281, BNR.8, 12 - REGULERINGSPLAN - EIABAKKEN Aktuelle lovar, forskrifter, avtalar, reglement m.m.: Plan- og bygningslova og naturmangfaldlova Saka gjeld: Andre gongs handsaming av detaljregulering for Eiabakken i Ølen. Saksopplysningar: Vindafjord kommune har fremma reguleringsplan for Eiabakken i Ølen. Planen omfattar eigedomane gnr 281 bnr 106 og deler av bnr 8 og 12. Desse eigedomane er i privat eige, og ei tilrettelegging for offentlege tenestetilbod fordrar kjøp av areal. Formålet med planarbeidet er å legge til rette for bygging av ny brannog ambulansestasjon og legesenter. Planen skal også gi rammer for vidare utbygging og omfattar det arealet som i kommuneplanen er sett av til tenesteyting. Saka vart første gong handsama i formannskapet 04.03.14, sak 011/14, og vart lagt ut til offentleg ettersyn i perioden 12.03 28.04 2014.. Dette vart annonsert i avisene og på kommunen sine nettsider. Grunneigarar, naboar, rettshavarar og offentlege mynde vart tilskrivne. Vurdering: Følgjande merknader er komne inn: Mattilsynet Etter Mattilsynet si vurdering er det ikkje nokon openbare brot på regelverket som Mattilsynet forvaltar. Krava gitt i reguleringsføresegnene 3.6 tilfredsstiller krava i regelverket Mattilsynet forvaltar. Mattilsynet har såleis ingen innvendingar til planen slik han ligg føre. Fylkesmannen i Rogaland Fylkesmannen har ikkje vesentlege merknader til reguleringsplanen. Dei har merka seg at omsynssone for støy er teikna inn på nordre del av plankartet og vist som gul støysone i høve til T-1442. Dette meiner Fylkesmannen er ei god løysing. Dersom aktiviteten i planområdet fører til auka støy utanfor planområdet, burde støysona også vore teikna inn utanfor planområdet, jf at Pbl 12-7 nr 3 gir heimel til dette. Omsynssone for støy er teikna inn på nordre del av plankartet. Aktiviteten som vil foregå innanfor planområdet er vurdert å ikkje vere av eit slikt omfang og slikt støynivå at det vil influere på område utanfor planområdet. Unnataket er bustadeigedom gnr 281 bnr 57 vest for planlagt kryss med E 134. Denne ligg i gul støysone, og vil få ei ytterlegare støybelastning frå trafikken på kommunal veg. Det vil vere behov for å vurdere tiltak for denne bustaden i byggeplanfasen. 7.3 i føresegnene sikrar at dette blir gjort.

I framtida vil E 134 bli lagt om og på dagens E 134 vil fartsgrensa bli sett ned som følgje av tilrettelegging av miljøgate. Det er konkludert med at det ikkje vil vere behov for andre støyskjermande tiltak. NVE NVE skriv: «det er vist til omsynssone skredfare i plankartet og i føresegnene er det stilt krav om naudsynt stabilitet i alle byggeprosjekt. Omtalen i ROS-analysen og føresegnene verkar hovudsakleg å rette seg mot fundamenteringsutfordringar (lokalstabilitet). Vi kan ikkje sjå at det er nokon fagleg grunngjeving eller konklusjon på om det er reell skredfare i planområdet (områdestabilitet). NVE tilrår at reell skredfare utgreiast seinast på reguleringsplannivå og ikkje utsetjast til byggesak.» Planområdet ligg under marin grense og det kan derfor vere fare for kvikkleire. Som det går fram av ROS-analysen har tidlegare grunnboringar i Ølen ikkje påvist kvikkleire, men tidlegare byggetiltak har påvist ustabile grunnforhold. Ved kontroll av NVE sin kartdatabase «Skredatlas», går det ikkje fram at området ligg i risikoområde for kvikkleireskred, men dette skuldast at Vindafjord ikkje er kartlagt. Rådmannen bad om ei utdjuping frå NVE. I e-post d.s. 20.05.14 skriv dei m.a.:» Som tidligere nevnt er det et poeng å få avklart skredfare (områdestabilitet) samlet for hele planområdet. En geoteknisk fagkyndig vil kunne gjøre denne avklaringen enten på grunnlag av eksisterende grunnundersøkelser og befaring/terrengvurderinger eller det kan være behov for ytterligere grunnundersøkelser og stabilitetsanalyser. Vi gir råd om å få avklart om det kan være fare for kvikkleire før plan vedtas, ev. at bestemmelsene til hensynssonene presiseres slik at de sørger for tilstrekkelig sikkerhet, i forhold til TEK 10.» Rådmannen finn det viktig å få avklart skredfare samla for heile planområdet (områdestabilitet) og meiner det ville vore ønskjeleg å ha dette gjennomført før planvedtak. På grunn av tidsaspektet og ønska framdrift i prosjektet foreslår rådmannen at det i føresegnene blir stilt krav om lokal stabilitet og områdestabilitet før det kan bli gitt løyve til nye tiltak. Statens vegvesen skriv følgande: «Det er for tida ei rekke pågåande planprosessar i Ølen, og planframlegget for Eiabakken grenser til to området som er under planlegging: I vest skal det utarbeidast plan for miljøgate på E 134 gjennom Ølen. I aust planlegg Statens vegvesen gangog sykkelveg til Hiksdal. Planane for miljøgate og gangog sykkelveg må koordinerast slik at miljøgata sluttar der gangog sykkelvegen byrjar. Gang- og sykkelvegen til Hiksdal vert truleg liggande på nordsida av E 134. - Planframlegget for Eiabakken må ta omsyn til pågåande planarbeid for miljøgate og gangog sykkelveg. Der E 134 grensar til planområdet må vegen innarbeidast i planframlegget. Vegen må regulerast med same profil som miljøgata. - Det må leggast til rette for sikker kryssing av E 134 frå skulen til nytt utbyggingsområde. På sørsida av E 134 bør gangog sykkelvegen avsluttast ved nytt kryss til brannog ambulansestasjon. Del av gangog sykkelveg som er vist aust for kryss kan takast ut av planen. - Busstoppet på sørsida av E 134 bør ligge like aust for avkøyringa til Rådhuset. Busstoppet må difor takast ut av detaljplan for Eiabakken og inn i detaljplan for miljøgata. - Anlegg for mjuke trafikantar skal vere universelt utforma. - Det må presiserast at teknisk plan for utforming av veganlegget skal vere i samsvar med vegvesenets handbok 139 Tegningsgrunnlag. - I plankartet er det vist gul støysone frå E 134 og inn i byggeområde T3. I føresegnene er det stilt krav til detaljplan for T3. I føresegnene 7.3 står det at T-1442 skal leggast til grunn for handsaming av støy i planområdet. Vidare at utforming av konkrete

støytiltak skal avklarast i byggeplanen. Statens vegvesen vil sterkt tilrå at ein viser konkrete tiltak mot støy i plankartet når byggeområde T3 vert detaljregulert. Planføresegnene må stille konkrete krav til innan- og utandørs støygrense og angje krav til tiltak. Det må sikrast i føresegnene 3.4 at krava til støytiltak vert ivaretekne i samband med detaljregulering av område T3». Rådmannen føresett at detaljregulering for miljøgate gjennom Ølen sentrum skal grense opp til detaljregulering for Eiabakken. Plan for Eiabakken vil bli vedtatt i forkant av plan for miljøgate. Gang- og sykkelveg og rabatt er i plankart teikna med same profil som ligg til grunn for miljøgata. Statens vegvesen sitt innspel om å flytte busslomma vestover mot kryss til rådhuset vil bli avklart i plan for miljøgata. Rådmannen har i plan for Eiabakken lagt ei busslomme i aust. Det vert ikkje stilt rekkefølgekrav til denne, slik at plassering av busslomme kan endeleg avklarast i plan for miljøgate. Det er vidare lagt til rette for sikker kryssing av E 134 ved å vise opning i rabatten ml gangog sykkelvegen og køyrevegen vest for kryss til Eiabakken. Gåande blir såleis leia inn på gangsystem på motsett side av E 134 (framtidig gangog sykkelveg til Hiksdal). I føresegnene har rådmannen innarbeida krav om - universelt utforma anlegg for mjuke trafikantar, - ei presisering av at veganlegg skal vere i samsvar med handbok 139 Tegningsgrunnlag og at - krava til støytiltak vert ivaretekne i samband med detaljregulering av område T3. Rogaland fylkeskommune, seksjon for kulturarv I samband med oppstartsvarsel skreiv kulturseksjonen følgande:»på bakgrunn av vår befaring og landskapsvurdering av planområdet vurderer vi deler av området til å ha potensial for funn av automatisk freda kulturminner under dagens markoverflate jf. vedlagt kart. På omtrent samme høyde kote er det tidligere registrert kulturminner både øst og vest for planområdet.» Dei fann det derfor nødvendig å gjennomføre ei arkeologisk registrering. Denne blei gjennomført i tidsrommet 5. -9. mai 2014. På bakgrunn av resultatet av den ovanfor nemnte registreringen og eksisterande arkiv, finn ikkje kulturseksjonen at tiltaket vil komme i konflikt med automatisk freda kulturminne. På dette grunnlag har Rogaland Fylkeskommune, seksjon for kulturarv ingen merknader til tiltaket. Anne Kristin Eide (grunneigar av gnr. 281 bnr. 106) Grunneigaren skriv at det må sikrast vegløysing til nåverande innkjørsel så lenge eigedomen er i privat eige og at tiltak for støyskjerming må vurderast på lik line med andre eigedomar i gul sone. Planforslaget føreset endra bruk av eigedomen og innløysing vil vere ein naturleg konsekvens av det. Slik eigedomsoverdraging kan ta noko tid, rådmannen har i plankartet regulert avkøyring til eigedomen i samsvar med dagens bruk, men føresegnene stiller krav om at avkøyringa berre kan nyttast inntil eigedomen har endra bruk. Støytiltak skal vurderast i høve til T-1442 då eigedomen ligg i gul støysone. Harald Litlehamar (gnr. 282 bnr.34) og Gunn Skorpe (gnr. 282 bnr 41) Som naboar til planområdet ser desse grunneigarane for seg at det vil bli ein del trafikk inn til ny brannog ambulansestasjon og legesenter. Som naboar ser dei det som ein fordel om

vegen blir lagt på austsida av bygningane, slik vil dei som naboar bli skjerma for både støy og innsyn. Om dette skulle vise seg å vere vanskeleg, bør det settast opp separat skjerming. Og dersom vegen likevel blir liggande på vestsida, ønskjer bnr 34 og 41 å knytte seg til denne vegen med kvar sin avkøyring. Deler av arealet langs tomtegrensene er sett av til grøntareal. Dei peikar på viktigheita av at dette arealet blir stelt og vedlikehalde. Etter utbygging av omsorgssenteret ser det ut for at der er meir fukt i grunnen. Dei oppmodar kommunen sterkt til å handtere dette på ein betre måte for kommande utbygging. Det er også viktig å ta omsyn til omkringliggande eigedomar. Tidleg i planprosessen blei det sett på fleire moglegheiter for plassering av bygningar, vegar, parkeringsareal m.m. Den arealdisponeringa som ligg føre er funne å vere mest optimal. Vegen vil med andre ord bli liggande slik planlagt. Rådmannen er kjent med at avkøyring til E 134 for bustadane vest for planområdet er svært dårleg. Dersom ein skal sjå på ny tilkomst for eigedomane, må dette sjåast i ein samanheng for alle. Dette må handterast som ei eigen sak. Grøntareal som blir sett av, kan nyttast til friområde og dei kan plantast til for å skape ein vegetasjonsskjerm. Dette bør skje i nærare samråd med naboar. Korleis overflatevatn og vatn i grunnen skal handterast, er eit viktig moment som kommunen skal handtere i utbyggingsarbeidet. Geir Rødne (gnr. 281 bnr. 57) Advokatfirma Responsa har på vegne av Geir Rødne sendt inn merknader som gjeld følgande hovudpunkt: - Støy Det blir vist til planskildringa i pkt 5.2 kor følgande står: Det er ikkje gjort støyberekningar for trafikken på kommunal veg i planområdet. Bustaden vest for planlagt kryss med E 134 ligg i gul sone, og vil få ei ytterlegare støybelastning frå trafikken på kommunal veg. Det vil vere behov for å vurdere tiltak for denne bustaden i byggeplanfasen.» Vidare har dei trekt ut følgande setning: «I framtida vil E 134 bli lagt om og på dagens E 134 vil fartsgrensa bli sett ned som følgje av tilrettelegging av miljøgate. Det er konkludert med at det ikkje vil vere behov for andre støyskjermande tiltak. - Renovasjonsareal «Vår klient ønsker ikkje å ha renovasjonsstasjon så nær sin eigedom som det er lagt opp til i detaljplanen. På et tidligere fellesmøte, så ble dette diskutert, og det var ingen av de øvrige deltakere som hadde innvendinger mot at renovasjonsplassen ble flyttet til en annen lokasjon på planområdet. Det ble da opplyst at teknisk etat skulle komme tiltake til saken. Videre stiller man spørsmål til om det ikke er et planmessighets-, driftseffektivitets- og økonomiske perspektiv ville være mer hensiktsmessig å plassere stasjonen mer sentralt i området. «- Vedlikehaldsutgifter til privat veg «Detaljplanen legger opp til at vegstykket fra østgrensen av 281/57 til den kommunale tilkomstvegen skal være privat. Dersom det kommer en avfallsstasjon her, så vil det ikke være naturlig at vår klient bærer utgiftene til vedlikehold alene. Det må i så fall lages en avtale om fordeling av vedlikeholdsutgifter basert på bruk og nytte. Dersom avfallsstasjonen blir lokalisert på annet sted er vår klient naturligvis innstilt på å forestå vedlikeholdet alene.» - Verdireduksjon på eigedomen «Slik planen er utformet per i dag, kan man ikke stille seg bak rådmannens standpunkt om at den planlagte utbyggingen av offentlige tjenester ikke vil føre til en verdireduksjon på vår klients eiendom. For det første synes planen å legge opp til at vår klient må avstå noe av sitt tomteareal. Dette vil normalt redusere omsetningsverdien i seg selv, men særlig også sett hen til at det areal det er tale om har et konkret bruksformål, slik at dagens utnyttelsesmuligheter vil kunne bli redusert. Den bruk det er tale om er blant annet anvendelse og anbringelse av større kjøretøy, aktivitetsplass og øvelses kjøring.

Videre så er det ikke omstridt at effektuering av den foreliggende plan vil føre til økt støyforurensning. Også dette forhold er ordinært omsetningsverdireduserende. Enn videre så ligger det foreløpig inne en plan om å etablere avfallsstasjon tett opptil vår klients eiendomsgrense. Her vil man kunne forvente støy- og luktforurensning så vel som økt trafikk nær boligen.» Føresegnene 7.3 sikrar at tiltak for støyskjerming skal vurderast i byggeplanfasen: «Bygg med støyfølsom bruk som i støyanalysen til reguleringsplanen ligg i gul sone, og som etter dei fastlagte tiltak i planen får eit støynivå som overskrid dei anbefalte støynivåa i T-1442, skal vurderast nærare i byggeplanfasen i forhold til innandørs og utandørs støy. Konkrete tiltak, samt utforming og utførelse av støytiltaka skal avklarast i byggeplan. Det vil vere behov for å vurdere tiltak for denne bustaden i byggeplanfasen.» Næringsverksemder inngår ikkje i same renovasjonsordning som private hushald. Dei står fritt til å velje transportør og såleis er felles renovasjonsplass saman med desse mindre aktuelt. Rådmannen har flytta renovasjonsplassen lenger søraust i området i samsvar med grunneigar sitt ønskje. Denne renovasjonsplassen er felles for husstandane som soknar til Eiabakken. Då renovasjonsplassen er flytta, er spørsmålet om dekking av utgifter til vegvedlikehald ikkje lenger aktuelt. Grunneigar har ein gruslagt parkeringsplass mellom huset og E 134, samt eksisterande avkøyring. Dette arealet utgjer i dag 400 m2. Gjennomføringa av planen fordrar kjøp av grunn for å tilrettelegge for gangog sykkelveg i nordre del av tomta, eit areal i underkant av 70 m2. Rådmannen har tidlegare i saka gjort greie for støyproblematikken. Dette vil bli nærare vurdert i byggeplanfase, og støyskjermande tiltak vil bli sett i verk ved behov. Når det gjeld krav om innløysing og erstatning viser rådmannen til plan- og bygningsloven 15-2 og 15-3. Planstatus Reguleringsplanen er ei oppfølging av kommuneplanen der areala er sett av til tenesteyting. Planområdet er 35 da. Formålet med planarbeidet er å legge til rette for bygging av ny brannog ambulansestasjon og legesenter. Planen skal også gi rammer for vidare utbygging mot aust og omfattar heile arealet som i kommuneplanen er sett av til tenesteyting. Planarbeidet utløyser ikkje krav om konsekvensutgreiing, jf Pbl 4-2. Risiko- og sårbarheitsanalyse Til planforslaget er det utarbeida ein ROS-analyse (som ligg ved saka saman med planskildringa). Den har avdekka risiko for nokre uønska hendingar. I dei tilfeller der det er funne sannsynlegheit for uønska hending samtidig med at konsekvensane av denne hendinga er meir enn ubetydelege (dvs i gult område), har planforslaget lagt opp til førebyggjande og /eller skadeavgrensande tiltak. Rådmannen meiner planforslaget har innarbeidd i plankart og føresegner dei førebyggande og skadeavgrensande tiltak som er lista opp i ROS-analysen. Infrastruktur Vegen inn i planområde frå E 134 fører direkte til brannog ambulansestasjon. Frå denne vegen går ny veg mot vest som fører til legesenter og veg mot aust som fører til eksisterande busetnad i sør. Planen har lagt opp til kort og trafikksikker veg for utrykkingskøyretøy. Det er stilt rekkefølgekrav om at kryss til E 134 og offentlege vegareal skal vere ferdig opparbeidd før løyve til tiltak kan gis. Det er ikkje stilt rekkefølgekrav til opparbeiding av busslomme og gangog sykkelveg fram til denne fordi endleg plassering vil bli avklart i plan for miljøgate gjennom Ølen sentrum. Trafikken til og frå legesenter vil vere størst i området. Nye vegar er planlagt med 5 og 6 m breidde i samsvar med kommunal standard. Det er føresett ny tilkomst til område T2 (bnr 106) ved endra bruk. Det er stilt krav om detaljregulering av område T3.

Område T1 vil ved ferdig opparbeiding ha tilstrekkeleg med parkeringsareal. Alle bygningar skal ha godkjent vatn og avløp. Byggeområde Område T1 skal tilretteleggast for ny brannog ambulansestasjon og legesenter og med tilhøyrande infrastruktur. Utnyttingsgrad er sett til 60 %. Område T2 ligg nært opp til E 134 og vert berørt av ei byggegrense til vegen på 30 m. Utnyttingsgraden vil her maks kunne vere 35 %. Parkeringsareal er ikkje rekna med i denne prosenten. For område T3 er det stilt krav om detaljregulering. Kulturminne Rogaland Fylkeskommune, seksjon for kulturarv, har som det går fram av innkomne merknader gjennomført ei arkeologisk registrering av planområdet, men utan at det vart gjort funn. Grøntstruktur Planområdet er i dag del av eit større og ope kulturlandskap som omkransar Ølensfjorden og Ølen sentrum. Etter utbygging vil arealet bli utbygd i form av bygningar, vegar og parkering. Planforslaget har lagt til rette med gangog sykkelvegar slik at ein kan ta seg ut i større friområde sør for planområdet. Det er sett av areal til grøntstruktur innanfor planområdet som først og fremst skal skape rom, ha visuelle verknader og ev skape vegetasjonsskjerm der det er eit behov. Universell utforming Anlegg for mjuke trafikantar skal vere universelt utforma. Barn og unge Planforslaget legg til rette med gangog sykkelvegar gjennom planområdet og tilkomst til friluftsområde sør for planområdet. Naturmangfaldlova Planen er vurdert etter naturmangfaldlova 8-12 i saka til første gangs handsaming. Oppsummering Planforslaget er i samsvar med kommuneplanen. Dei positive verknadene av planen er at kommunen vil kunne realisere bygging av ny brannog ambulansestasjon og legesenter, noko som vil ha stor betyding for drift av denne kommunale verksemda og det interkommunale samarbeidet. Lokalisering sentralt i Ølen med nærleik til E 134, er positivt. Nokre grunneigarar vil oppleve planen som negativ som følgje av endra arealbruk og behov for innløysing av eigedom. Parallelt med planprosessen har kommunen forhandla om kjøp av areal. Dette har ikkje lukkast og gjennomføringa av planen kan først skje etter ekspropriasjon som må fremmast som eiga sak. Reguleringa fører også til tap av dyrka jord. Planforslaget er vurdert opp mot dei ulike interesser som er i området. Planforslaget opnar for utbygging av tenesteytande næringar. Nokre privatinteresser er særskilt berørt. Rådmannen har forsøkt så langt som råd er å ta omsyn til desse. Når fordelar og ulemper blir vegne opp, finn ein planforslaget akseptabelt. RÅDMANNEN SITT FRAMLEGG TIL VEDTAK: Detaljregulering for Eiabakken i Ølen vert godkjent slik han ligg føre på plankart og føresegner datert 21.05.14.

11.06.2014 FORMANNSKAPET Rådmannen sitt framlegg til vedtak vart samrøystes tilrådd. FS-045/14 TILRÅDING SAMRØYSTES: Detaljregulering for Eiabakken i Ølen vert godkjent slik han ligg føre på plankart og føresegner datert 21.05.14. 24.06.2014 KOMMUNESTYRET Formannskapet si tilråding vart samrøystes vedtatt. KS-039/14 VEDTAK SAMRØYSTES: Detaljregulering for Eiabakken i Ølen vert godkjent slik han ligg føre på plankart og føresegner datert 21.05.14.