Hjartdal kommune Vår referanse: 2018/1599-78 Deres referanse: Løpenummer: 7304/2018 Hjartdal kommune 17.12.2018 Saulandsvegen 414 3692 Sauland Melding om vedtak Melding om vedtak: Høyringsforslag - endra føresegner til kommuneplanen Vedlagt følger sakspapirer med vedtak i saken. Det er ikkje klagerett på vedtaket. Med helsing Maria Fremmerlid Samfunnsutviklar jord/plan Org nr. 964 963 649 www.hjartdal.kommune.no Dokumentet er godkjent elektronisk
Hjartdal kommune Arkivsaksnr: 2018/1599-72 Saksbehandler: Samfunnsutvikling Høyringsforslag - endra føresegner til kommuneplanen Saksnr Utvalg Møtedato 68/2018 Kommunestyret 12.12.2018 Vedtak i Kommunestyret 12.12.2018 I medhald av plan- og bygningslovas 11.14 blir nye føresegner til kommuneplanen lagt ut til offentleg ettersyn i seks veker. Handsaming i Kommunestyret 12.12.2018: Det var 16 medlemmer til stades under handsaming av saka. Inger Øya Grøgård stilte spørsmål ved eigen habilitet. Ho er grunneigar ved Sjåvatn. John Bondal stilte spørsmål ved eigen habilteit. Han har hyttefelt i Tuddal. Begge fråtrådte under drøftinga av habilitet etter kommunelovas 40, bnr. 3, bokstav b. Kommunestyret sa dei begge to habile samrøystes. Inger Øya Grøgård og John Bondal tiltrådte møtet igjen. Votering: Rådmannen si innstilling blei samrøystes vedteke Rådmannens innstilling: I medhald av 11-14 blir nye føresegner til kommuneplanen lagt ut til offentleg ettersyn i seks veker. Sammendrag: Hjartdal kommune har utarbeida forslag til reviderte føresegner til kommuneplanen. Rådmannen tilrår at dei blir lagt ut til offentleg ettersyn. Saksopplysningar:
Hjartdal kommune meldte 21.9.2018 oppstart av planarbeid med det føremål å revidere føresegnene til kommuneplanen. Kommunen har lenge planlagt å endre føresegnene til kommuneplanen. Dette går fram av kommunen sin planstrategi. Etter å ha nytta føresegne ein tid har administrasjonen erfart at det fleire endringar som kunne vere ynskjeleg, bland anna ein justering av plankravet som opplevast som for strengt/omfattande. Det er likevel ikkje til å komme utanom at den viktigaste årsaka til at endringa blir gjennomført no, er lovleghetskontroll gjennomført av Fylkesmannen 12.6.2018. Etter kontroll ble kommunen sitt vedtak om plikt til tilknyting til offentleg vatn og avlaupsleidning i Russmarken reinsedistrikt oppheva grunna manglande heimel i plan. Planprogrammet har vore på høyring samstundes som det vart meldt om oppstart av planarbeid. Det har kome inn 66 innspel; to offentlege og resten frå hytteeigarar og grunneigarar. Vurdering: Rådmannen har tatt utgangspunkt i eksisterande føresegner i arbeidet. Det er lage ein kort planomtale som grunngjer dei endringane som er gjort. I tillegg ligg det ved eit utkast til nye føresegner med «spor endringar» slik at det skal vere lett å sjå kva endringa rådmannen har gjort. Etter handsaminga i kommunestyre vil det bli utarbeida eit endeleg høyringsutkast utan spora endringar. Dei viktigaste endringane er kommentert i tillegg til planomtale, sjå vedlegg. Til dei innkomne innspela har rådmannen følgjande kommentarar: Fylkesmannen i Telemark: Då det i oversendinga ikkje er gjeve nærare beskriving av korleis plankravet skal endrast er det vanskeleg å gje råd om det. Generelt vil dei syne til 12-1 og at kommunen ikkje kan fråvike dette. Dei er skeptisk til å justere plankravet ut frå omsynet til samfunnstryggleik. Syner til at tilkopling etter 27-1 berre kan gjerast gjeldande der bygningen skal knytast til offentleg vassleidning. Kommentar: Det som blir unntatt plankravet no er mindre tiltak, og tilbygg opp til 100 m 2 i byggjeområde. Rådmannen meiner dette ikkje er i strid med 12-1. Det skal framleis vere plankrav for utbygging av ny bustad, fritidsbusetnad og næringsbygg, og frådeling til desse føremåla. Sjå planomtalen. Tilkopling etter 27-1 gjeld berre offentleg vassleidning. Statens vegvesen Av omsyn til planlegging av infrastruktur og forvaltning av avkjørslar bør kommunen ikkje fjerne plankravet for etablering og av bustader og hytter i LNF. Kommentar: Hjartdal har i dag ikkje plankrav for LNF-område, det er plankrav for sprett bustad og hyttebygging i visse tilfelle. Sjå planomtalen for vurdering kring dette.
Hytte- og grunneigarar I innspela frå hytteeigarar og grunneigarar er det mykje det same som går att i dei ulike innspela. Rådmannen har difor laga samandrag av hovudbodskapa under. Alle innspela er samanfatta i vedlegg til saka. Generelt mot plikt til tilkopling, har godt vatn frå brønn/vasspost i dag. Ynskjer kommunalt avlaup, men ikkje kommunalt vatn. Hjartdal kommune har sidan prosessen starta sagt at ein ynskjer ein felles vassforsyning både for dagens hytteeigarar og framtidige hytteeigarar. Det ligg føre arealplanar for framtidig hytteutbygging i Hjartdal kommune som vil føre til behov for nok drikkevatn med god kvalitet og sikker levering. Tiltaket vil gje dagens og framtida sine brukarar av hytteog turistdestinasjonen Tuddal eit sikkert drikkevatn av god kvalitet og kapasitet i samsvar med drikkevassforskrifta sitt krav. Heilskapleg og føreseieleg infrastruktur er nærast ein føresetnad for ei framtidsretta utvikling av Tuddal som hytte og turistdestinasjon. Meiner det er arrogant at kommunen jobbar med endringa av kommuneplanen samstundes som det er anleggsarbeid ved Langetjønn/Sjåvatn. Endring av kommuneplanen gjeld plikt til tilkopling til kommunal V/A leidning. Val av vasskjelde er endeleg avklart og ikkje ein del av endringa, og arbeidet kan av den grunn føregå samstundes. Kostnaden ved prosjektet er for høge, fleire har ikkje økonomi til slike kostnader og det som er naudsynt av ombygging, og må ev. selje hytta. Alle som vil få plikt til tilkopling har allereie vatn inne i hytta i dag, med mellombels utsleppsløyve. Alle politiske parti i Hjartdal kommune har sagt at dei ikkje ynskjer plikt til tilkopling for hytter med låg standard (ikkje vatn inn i hytta). Rådmannen kan forstå at kostnadene kan opplevast som høge. Meiner kommunen og vil krevje lågstandard hytter koplet på V/A-anlegget, og stoler ikkje på at kommunen vil står ved sitt ord om å ikkje gjere det. Alle politiske parti i Hjartdal kommune har sagt at dei ikkje ynskjer plikt til tilkopling for hytter med låg standard. Kommunen nyttar hytteeigarane som mjølkeku; «eigedomsskat, dei høgste kommunale avgiftene i landet, og no store kostander til ei ikkje ynskja VAutbygging» og dei får ikkje noko igjen som ski- og turløyper, sykkelstiar, og ope veg over fjellet. Rådmannen vil peike på at det er semje om eit løypenett, kommunen jobbar mot ope veg over fjellet, og alle som er på hytta har rett til å nytte legevakt og få kommunale helsetenester. Utbygging av VA-nettet er eit ledd i utviklinga av Tuddal som ein reiselivsdestinasjon. Ynskjer å behalde låg standard på hytta, ynskjer forskjell mellom hytta og heime. Alle politiske parti i Hjartdal kommune har sagt at dei ikkje ynskjer plikt til tilkopling for hytter med låg standard. Meiner det har vore dårleg informasjon både ved starten av prosjektet og undervegs.
Kommunen har erkjent at informasjonen kunne vore betre. Leidningen til Sjåvatn øydelegg den vakre naturen ved vatnet. NVE har godkjent detaljplan for miljø og landskap utarbeida av Multiconsult som tar føre seg korleis arbeidet skal utførast, og korleis det skal avsluttast. Jamvel er det klart at det blir bygd ein permanent veg inn til Sjåvatn, og det vil vere eit område som står fram på ein anna måte samanlikna med føre anleggsarbeidet. Det burde vore utarbeida reguleringsplan for leidningen til Sjåvatn jf. pbl 12-1. Leidningen til Sjåvatn er ein eigen prosess knytt til val av vasskjelde, endringa av kommuneplanen gjeld plikt til tilkopling til offentleg V/A-anlegg. Når det er sagt har Hjartdal kommune søkt om konsesjon og også om planendring, desse har begge vore på høyring og regionale organ har uttalt seg til båe søknadene. Naboar er varsla ved båe søknadene. Det er utarbeida landskap og miljøplan som tek for seg tilbakeføring etter anleggsarbeidet. Rådmannen meiner det har vore lagt godt til rette for medverknad frå NVE som ansvarleg for prosessen. I bakgrunn for konsesjon skriv NVE «Vi gjør oppmerksom på at tiltaket ikke må være i strid med kommuneplanen arealdel eller gjeldende reguleringsplaner. Konsesjonæren er ansvarlig for dette, og behovet for dispensasjon fra gjeldende arealplan må være avklart med kommunen før arbeidet kan starte.» Det er gitt dispensasjon til tiltaket. Hjartdal kommune mener ellers at tiltaket er så godt belyst i samband med konsesjonssaka og endring av konsesjonssaka at å behandle tiltaket som en dispensasjon er akseptabelt. Kommunen sin framtidige hytteprognose er for ambisiøs og lite truverdig. Kommunen byggjer for framtida, og har nytta tal for eksisterande hytter og utbyggingsområde i kommuneplanen. Endringane er ikkje «små» når kommunen legg til rette for tvungen tilkopling Kommunen er samd i at endringane ikkje er «små», og nett difor blir dei handsama som «vesentlege» med ein omfattande prosess. Kommunen hadde opphaveleg tenkt å gjere ein mindre endring av føresegnene til kommuneplanen for å justere litt på føresegner som ikkje omhandla V/A, men gjennomfører no full prosess grunna føresegner om V/A og plikt til tilkopling. Konklusjon: Sjølv om mykje fokus naturleg fell på å ta inn føresegner om plikt til tilkopling til offentleg V/A anlegg, vil rådmannen peike på at dei andre endringane vil kunne føre til litt enklare sakshandsaming og litt færre dispensasjonar som er til fordel for dei som ynskjer å bygge i kommunen. Rådmannen vil t.d. nemne at det ikkje lenger vere plankrav i uregulerte byggeområde og langs vassdrag for frådeling av bebygd festetomt. I uregulerte byggeområde vil det heller ikkje vere plankrav for tilbygg opp til 100 m 2 samt fasadeendring, ombygging, underbygging osb. Rådmannen tilrår at kommunestyret legg forslag til nye føresegner ut på høyring i seks veker.