Voss kommune v/planavdelinga Uttrågata 9 5701 Voss postmottak@voss.kommune.no 07.11.2018 www.abo-ark.no post@abo-ark.no Avdeling Os Hamnevegen 53, PB. 291, 5203 Os Tlf: 56 57 00 70 Avdeling Stord Torgbakken 9 PB. 667, 5404 Stord Tlf: 53 40 37 80 PLANINITIATIV Oppstart av planarbeid detaljreguleringsplan Brynalii 102, gnr. 191 bnr. 97, Voss kommune. På vegne av tiltakshavar og grunneigar Narve Gjeraldstveit sender vi inn søknad om oppstart av planarbeid for Brynalii 102, gnr. 191 bnr. 97, Voss kommune. Vi viser til vedlagt planinitiativ utarbeidd i samsvar med Forskrift om behandling av private forslag til detaljregulering etter plan- og bygningsloven (01.01.2018) for nærane skildring av bakgrunn for og føremålet med planarbeid og søker med dette om oppstart av planarbeidet. Med venleg helsing ABO Plan & Arkitektur AS Åshild Blomdal Vedlegg: Planinitiativ F:\Prosjekt\Brynalii regulering\6 Arbeidsområde\6.2 Reguleringsplan\6.2.1 Varsel om oppstart\6.2.1.1 Søknad om oppstart\planinitiativ, Brynalii 06.11.2018.docxhh
PLANINITIATIV Oppstart av planarbeid detaljreguleringsplan Brynalii 102, gnr. 191 bnr. 97, Voss kommune. a) Føremålet med planen Føremålet med planarbeidet er å regulere området frå industri til offentleg tenesteyting, forretning, kontor og handel med tilhøyrande funksjonar. Planområdet omfattar og eksisterande einebustader som vil bli vidareført med bustadføremål i samsvar med dagens situasjon. b) Planområdet og om planarbeidet vil få verknader utanfor planområdet Planområdet ligg ca 2,5 km aust for Voss sentrum og omfattar eigedomen som det gamle Fellesbakeriet ligg på. Denne eigedomen er på ca 8000 m 2. I tillegg er også einebustadane på bnr. 66, 67 og 43 og næringsbygg på bnr. 131 med tilhøyrande tilkomstveg, Brynamoen innlemma i planområdet etter ynskje frå kommunen. Aust for planområdet er det einebustader, mot sør ulike former for næringsverksemd. Nordvest for planområdet ligg Voss handelshus og rett nord for planområde ligg Biltema. Planområdet ligg nær Rv 13. Raskaste tilkomst til planområdet er via Liavegen. Det er og mogleg å koma til området frå vest, via Brynalii direkte frå Rv 13. Planarbeidet vil legge til rette for aktivitet som vil føra til auka trafikk på vegnettet og endra arealbruk frå industri til meir publikumsretta aktivitet. Området er i hovudsak utbygd, det er ledig areal aust på bnr. 191. Heile området er regulert til industri. Eksisterande bustader er regulert til bustadføremål. Figur 1. Oversiktskart. Planområdet er markert med raud ring. 2
Detaljkart som viser forslag til planavgrensing: Figur 2. Forslag til plangrense Figur 3. Flyfoto av planområdet 3
c) Planlagt utbygging, anlegg og andre tiltak Planarbeidet vil legge til rette for utbygging av arealet til offentleg tenesteyting, forretning, kontor og handel. Bakgrunnen for at planarbeidet vert starta opp er at politiet ynskjer å etablera ny politistasjon på Brynalii. Bygget som vart reist for å husa no nedlagde Voss Fellesbakeri, inneheld i dag lokalar for Posten og Voss fellesbryggeri. Bygningsmassen er i god stand, men ytre flater ber preg av tidlegare industri og av elde. Grunneigar overtok bygget i 2015, og planlegg transformasjon av bygget frå eit slitent industribygg til eit moderne kontorbygg. Det skal byggjast på ei høgd, og heis og trappehus vert lagt til bygningsvolumet. Det vert ledig areal i det nye bygget som det er ønskeleg å få fylt med andre funksjonar. Tiltakshavar ynskjer å sjå på moglegheit for andre kontorareal, t.d. eit fellesbygg for fleire konsulentfirma. Det er og ynskje om å vurdere ei form for handel i 1. etasje som har direkte utgang til veg i sør (Brynalii) der fasadane eignar seg for utadretta verksemd med utstilling. Eigedomen har eit stort utviklingspotensial i og med at det er ledig areal i bygningen. I tillegg er austre del av tomta ubygd og det ligg godt til rette for fleire bygg og funksjonar. Tiltakshavar meiner det ligg godt til rette for å samlokalisera ulike utrykkingsetatar, f. eks brannstasjon og ambulanseteneste. Figur 4 Utsnitt situasjonsplan 4
d) utbyggingsvolum og byggehøgder Tomta som bygget ligg på er på 8000 m 2. Eksisterande bygning vil med føreslått ombygging auke i bygningsvolum frå ca 3800 m 2 til ca 5650 m 2. Eit eventuelt nybygg på den delen av tomta som i dag ikkje er bygd ut vil ha eit utbyggingsvolum på ca 5600 m 2, samla for heile tomta i overkant av 11000 m 2. Det er ynskjeleg å auke byggehøgda frå 12 til 15 meter. Dette for å auke fleksibiliteten i mogleg arkitektonisk uttrykk. For dei eksisterande bustadane som er innlemma i planområdet vert det ikkje lagt opp til endringar i utbyggingsvolum og byggehøgder. Desse vert regulert i samsvar med dagens situasjon. e) funksjonell og miljømessig kvalitet Planarbeidet tek sikte på å utvikle område frå eit regulert industriområde til eit område med meir publikumsrett aktivitet. Dagens bygg er prega av slitasje. Ombygginga vil føra til ei oppgradering av området, både med nytt eksteriør og fornying av utomhusareala rundt bygget. f) tiltaket sin verknad på, og tilpassing til, landskap og omgjevnader Planområdet ligg i et utbyggingsområde med stor variasjon i bygningstypar og storleikar. Mot aust er det einebustader, mot nord og vest større næringsbygg med handelsaktivitet og mot sør næringsbygg for delt på litt mindre bygningsvolum. Eksisterande bygning på eigedomen er prega av slitasje og har trong for oppgradering av fasaden. Figur 5 Dagens bygning på eigedomen. 5
Det er laga ein fotomontasje som visar korleis bygget er tenkt utforma etter ombygging: Figur 6 Fotomontasje av bygget sett frå søraust. Figur 7 Modellperspektiv sett frå nordaust. 6
Figur 8 Modellperspektiv sett frå vest. Det er tilgjengeleg areal til nybygg på eigedomen. Dette potensiale er det ynskeleg å få vurdert nærare i planprosessen. Det er difor, i tillegg til ombygging av eksisterande bygning, sett på eit alternativ med brannstasjon og ambulanseteneste i forlenginga av eksisterande bygning. Figur 9 Modellperspektiv med brannstasjon og ambulanseteneste. 7
Skråfoto av planområdet som viser at tomta ligg i eit svært variert bygningsmiljø: Figur 10. Planområdet sett mot nord Figur 11. Planområdet sett mot aust 8
g) forholdet til kommuneplan, eventuelle gjeldande reguleringsplanar og retningslinjer, og pågåande planarbeid Området er i kommuneplanens arealdel sett av til bebyggelse og anlegg: Figur 12 Utdrag i frå kommuneplanens arealdel, plasseringa av planområde er vist med raud sirkel. Planområdet inngår i eit større område som i hovudsak er regulert til industriføremål i eldre reguleringsplan for Brynaflaten-Liahagen, vedtatt 1983. Bygg i dette område kan etter gjeldande plan førast opp med byggjehøgde inntil 12 meter. Bustadane er regulert til bustadføremål (to etasjar pluss loft eller sokkelhøgd). Figur 13 Reguleringsplankart for Brynaflaten-Liahagen, plasseringa av planområde er vist med raud sirkel 9
h) vesentlege interesser som vert råka av planinitiativet Infrastruktur, kapasitet på vegnett for utrykking. Kryss mot Palmafossen, kryss mot Hardangervegen. Kryss Brynalii/Brynamoen. Tilkomst for mjuke trafikantar. Avstand frå sentrum og tilkomst med kollektivtransport. Skuleveg forbi prosjektet. Trafikktryggleik. Tilkomst og parkering for besøkande. På nedsida av tomta mot nord eller på ledig areal i aust. Arkitektur/ estetikk. Utforming av fasadar. Fasade mot nord vert høg. Fasade mot sør vender ut mot trafikkert veg. Tilhøve til naboar i) korleis samfunnssikkerheit skal ivaretakast, mellom anna gjennom å førebygge risiko og sårbarheit Området ligg ikkje utsett for jord, flom eller snøskred. Det er ingen registrerte kulturminneinteresser i eller i nærleiken av området og biologisk mangfald vert ikkje råka. Det vil bli utarbeidd ROS-analyse som ein del av planarbeidet. Trafikktryggleik pga endra trafikkmønster i området vert eit sentral tema. j) kva for råka offentlege organ og andre interesserte som skal varslast om planoppstart Fylkesmannen Hordaland Fylkeskommune NVE Region vest Statens Vegvesen Bane NOR SF Voss lensmannsdistrikt Brannsjefen Kommunale avdelingar som Naboar mfl k) prosesser for samarbeid og medverknad frå råka fagmyndigheiter, grunneigarar, festarar, naboar og andre Naboar og offentleg mynde vert varsla ved oppstart og offentleg ettersyn. Dersom det skulle kome merknader frå naboar eller andre instansar saka vedkjem, vil ein vurdera nabomøte eller møte med aktuell instans. 10
l) vurdering av om planen er omfatta av forskrift om konsekvensutgreiing, og korleis krava i tilfelle vil kunne bli ivaretatt. Området er vurdert etter forskrift om konsekvensutgreiing. Planarbeidet vert ikkje omfatta av 6 a, b og c i forskrift om konsekvensutredning; planar og tiltak som alltid skal konsekvensutgreiast. Forskrifta 8 omtalar planar og tiltak som skal konsekvensutgreiast dersom dei kan får vesentleg verknad for miljø og samfunn, jf vedlegg II. Her fell planarbeidet inn under pkt nr 11j; «Næringsbygg, herunder kjøpesentre som ikke inngår i pkt. 10 b, bygg for offentlig eller privat tjenesteyting og bygg til allmennyttige formål.» og skal vurderast etter kriteria i 10 andre og tredje ledd. Etter andre ledd er det eigenskapar ved planen eller tiltaket som skal vurderast, etter tredje ledd der det lokalisering og påverknad på omgjevnadane som skal vurderast. Planområdet er avgrensa i storleik, jf andre ledd a) og er ikkje lokalisert i eit område der planarbeidet vil kome i konflikt med dei kriteria som er omtala i tredje ledd a-h. Etter dette utløyser ikkje planen ikkje krav om konsekvensutgreiing. Nødvendig utgreiing som skildrar planens konsekvensar for miljø og samfunn vil være ein del av planskildringa med tilhøyrande ROS-analyse. 11