Reguleringsplan for bustadfelt B1 og areal på gnr. 75 bnr. 5 i Fiksdal

Transkript

1 VESTNES KOMMUNE Saksframlegg Arkiv: L12 Arkivsaksnr.: 2013/352 Saksbehandlar: Jan Rune Jacobsen Dato: Reguleringsplan for bustadfelt B1 og areal på gnr. 75 bnr. 5 i Fiksdal Utval Møtedato Utvalssak Planutvalet /2017 Kommunestyret /2017 Saksprotokoll i Planutvalet Vedtak: Planutvalet legg saka fram for Kommunestyret med slik innstilling: Avrøysting: Innstillinga til administrasjonssjefen vart samrøysta vedteke. Saksprotokoll i Kommunestyret Vedtak: Behandling: Marianne Vike (Sp) bad om å få vurdert sin habilitet då ein av grunneigarane er hennar svoger. Kommunestyret vedtok samrøystes at Marianne Vike (Sp) var inhabil etter Kommunelova 40, pkt. 3 jf. Fvl. 6 b. Det var 22 røysteføre i saka. Avrøysting: Innstillinga frå Planutvalet vart samrøysta vedteken.

2 Administrasjonssjefen si innstilling SAKSUTGREIING: Bakgrunn: Planutvalet vedtok i april 2013 igangsetting av arbeid med privat reguleringsplan for delar av gnr. 76 bnr. 2 og 3 i Fiksdal. Initiativtakarar var grunneigarane Jann Ove Søberg og Sindre Gjelsten Bøe i samarbeid med Jim Solbakken. Målet var mellom anna å legge til rette for nytt og attraktivt bustadfelt i bygda. Parallelt arbeidde Vestnes kommune med ny kommuneplans arealdel. Denne vart vedtatt i oktober 2015, der det aktuelle bustadområdet er lagt inn med namnet B1. Kommuneplanens arealdel tilrår i denne samanheng: Vidareføring av gang-/sykkelveg langs Fv661 Ivaretaking av auka behov (som følgje av nytt bustadfelt) for friluftsområde Vegtilkomst frå søraust ved fabrikken Rekkefølgekrav for utbygginga av omsyn til jordvern. Ettersom det så langt ikkje var kome til avtale med nabo om vegtilkomst frå søraust, vart det halde møte med Fylkesmannen (FM) i mars FM tilrådde å utvide planområdet i søraust for å innlemme både tilkomstveg og muleg bustadbygging på naboeigedomen gnr. 75 bnr. 5. I samsvar med dette vart det meldt ny oppstart av planarbeidet, vedtatt i planutvalet april På denne bakgrunnen og etter innkomne innspel til planarbeidet vedtok planutvalet å legge nytt planforslag ut til offentleg ettersyn. Forslaget med tilhøyrande føresegner og omtale viste plass til totalt 47 nye bustadtomter, 3 mindre areal for fritidsbustader, naustområde, friluftsområde m.v. Av dette ligg 6 bustadtomter, delar av friluftsområdet og det største området for fritidsbustader langs tilkomstvegen på gnr. 75 bnr. 5. Det er mottatt 7 innspel inkludert 1 motsegn (Fylkesmannen) til det nye planforslaget, som alle er omtalt og kommentert nedanfor. I møtet og synfaringa ilag med Fylkesmannen den 30.mai, kom det fram forslag til ei kompromissløysing for arealbruken, som gjer at FM kan trekke motsegna. I det reviderte planforslaget er såleis m.a. naustområdet BN2 tatt ut av planen av omsyn til prioritering av friområde. Også eit område langs fylkesvegen tatt ut som følgje av merknader frå Statens vegvesen. Fylkesmannen hadde også motsegn vedkomande mangelfull utgreiing om samfunnstryggleik. Dette er no nøyare vurdert og det er gjort mindre justeringar/supplering i plankart, føresegner og planomtale som følgje av innspela. Vurdering: Fylkesmannen i Møre og Romsdal (FM) reiste motsegn mot områda for fritidshus (BFF2 og BFF3) og naust (BN2), av omsyn til strandsonevern og allmenne interesser. Spesielt legg FM vekt på at naustområdet BN2 reduserer verdien av strandarealet, ettersom dette er plassert midt i eit område avsett til friareal i kommuneplanens arealdel. Friarealet blir dermed svært lite med tanke på et ein legg til rette for mange nye bustader. Under synfaringa i lag med FM den 30.mai, kom det fram at motsegn mot BFF3 var ei mistyding, sidan dette var avklart i kommuneplanens arealdel. Det vart også signalisert at BFF2 kan vidareførast mot at naustområdet BN2 går ut av planen. Vestnes kommune har i skrivande stund ikkje mottatt formelt brev som stadfestar dette. FM har i tillegg motsegner inntil samfunnstryggleiken er betre vurdert. Dette gjeld avklaring av 2 tema: Det må gjerast ei vurdering som sikrar at tiltaka innafor planen står trygt mot stormflo og

3 havnivåstigning. I tillegg må det avklarast om avstanden frå bekkane i området til planlagde tiltak er tilstrekkeleg. Det må vurderast å legge inn omsynssone i plankartet, med føresegner som sikrar tiltaka mot flaum og erosjon. FM ber også om at føresegnene blir tydelegare på kva for tomter som «soknar til» dei ulike areala avsett til leikeplassar. Vidare gjer FM merksam på at ein ikkje kan kombinere køyring innafor areal sett av til grønstruktur. Dette gjeld dei eksisterande sjøvegane. Adm.sjefen viser til møte/synfaring i lag med FM den 30.mai og at i reviderte plandokument er naustområdet BN2 tatt ut til fordel for friområde og allmenne interesser i denne delen av strandsona. Vidare er samfunnstryggleik nærare vurdert. Det er fastsett at nye fritidsbustader ved sjøen av omsyn til stormflo og havnivåstigning må plasserast på minimum kote 3,0. Med omsyn til muleg fare for flaum eller erosjon i bekkane, er det langs GN2/GT1 ikkje vurdert nødvendig å sikre nærliggande tiltak, utover grønstrukturen som ligg i planforslaget. På areala GN3 og GT2 er det lagt inn omsynssone med føresegner for å sikre at bekkefaret ikkje blir endra og opprettheld kapasiteten. Reviderte føresegner er meir spesifiserte på kva for tomter som «soknar til» dei ulike areala sett av til leikeplassar, samt endra slik at turvegane GT1 og GT 2 ikkje skal vere kjørbare. Med grunnlag i desse endringane kan FM trekke motsegnene. Møre og Romsdal fylkeskommune (MRFK) har ingen motsegner, men saknar ei vurdering av å alternativt regulere delar av området til konsentrert busetnad, for å gjere utbygginga meir arealeffektiv. MRFK stiller spørsmål ved om det er behov eller ønskeleg at gamle sjøvegar, som no blir regulert til turvegar, fortsatt skal vere kjørbare. Planforslaget manglar føresegner til området BF1 (forretningsområde). MRFK rår også til tydelegare føresegner når det gjeld krav til ulike leikeplassar, samt at formuleringa «naturleg soknar til» blir reformulert. Elles viser MRFK til merknader frå Statens vegvesen når det gjeld fortau, haldeplass, avkjørslar etc. Adm.sjefen vurderer at planforslaget alt er arealeffektivt. Spørsmålet om tilrettelegging for meir konsentrert busetnad er likevel relevant. Sett i høve til marknaden generelt, ser vi at for eksempel 4-mannsbustader er blitt meir aktuelt. Om dette gjer seg gjeldande også i Fiksdal er vanskeleg å vite. Adm.sjefen finn det derfor rett å avvente situasjonen og heller vurdere ei mindre reguleringsendring på seinare tidspunkt dersom det blir behov. Føresegnene er endra slik at sjøvegane ikkje skal vere kjørbare. Forretningsområdet BF1 er tatt ut planen, ettersom dette ikkje lenger er rekna som relevant. Reviderte føresegner er meir tydelege når det gjeld leikeplassane. Når det gjeld samferdsel, viser vi til kommentaren under vegvesenet sitt innspel. Eldrerådet og Rådet for funksjonshemma har gitt felles uttale der dei støttar opp om reguleringsplanen for bustadfelt B1 i Fiksdal. Adm.sjefen tek uttalane til vitande. Statens vegvesen (SVV) har ingen motsegner eller innspel til arealbruken, men har merknader av omsyn til trafikktrygging og andre vegrelaterte forhold: Fri sikt i kryss med off. veg må ivareta sikt for syklande i tråd med kap. E.3.3 i N100. Fortau må sikrast bygd samtidig med annan veginfrastruktur Det må regulerast inn «annan veggrunn» langs fylkesvegen Kjørbare turvegar (sjøvegane) vil medføre uheldige kjøremønster og bør stengast Avkjørsel veg 5 (SKV5) er tilrådd knytt til veg 1(SKV 1) eller at den blir sanert. Sanering av avkjørsler generelt bør sikrast ved rekkefølgekrav. For å kunne gjennomføre planen må hus på BF1 (forretningsområdet) sanerast. Det må framgå av planane at det skal gjerast gjennomføringsavtale med SVV for tiltak på veggrunn eller for tiltak som påverkar fylkesvegen på annan måte Adm.sjefen viser til følgjande endringar i revidert planforslag: 1. Arealbruken langs fylkesvegn nord for krysset med veg 1 (SKV 1) er tatt ut av planen. Dette gjeld tomt 1 og 2, Veg 5 (SKV 5), BF1 (Forretningsområdet) og vegareal nord for krysset med veg 1 (SKV 1)

4 2. Forlenging av fortau/gangveg sørfrå og nordover til kryss med Veg 1 (SKV 1) er sikra utbygd samtidig med SKV 1, gjennom rekkefølgekrav i føresegnene. 3. Føresegnene er også endra slik at sjøvegane (turvegane) ikkje lenger blir kjørbare 4. Sanering av avkjørsel til tomt 13 skal gjerast når veg SKV 2 blir bygd (rekkefølgekrav). 5. Krav om gjennomføringsavtale med SVV for tiltak på veggrunn eller som påverkar fylkesvegen er tatt inn i føresegnene. Slik avtale kan også ivareta sikt for syklande. Med dette meiner adm.sjefen at merknadane frå SVV vurderte og i stor grad tekne omsyn til. Norges vassdrags- og energidirektorat (NVE) har ingen merknad til reguleringsplanen Adm.sjefen tek dette til vitande. Kystverket Midt-Norge (KV) sitt planengasjement er først og fremst kopla til sjøareala i planen og dei sjønære areala som kan seiast å ha ein verknad på ferdselstilhøva. KV har få merknader til planen utover at dei ikkje er nøgd med å ikkje har fått varsel om oppstart av planarbeidet. Planen med tilhøyrande tiltak må tuftast på framkome, trygg ferdsel og forsvarleg bruk av farvatnet. I planarbeidet må ein sjå om det er naudsynt å vurdere tryggleik og forureiningsfare knytt til ulukker/uhell på eller i tilknyting til sjøareala og kva dei venta konsekvensane vil vere for næringsinteresser, samfunn og natur. Meir spesifikt må teiknforklaringa sitt føremål «Småbåtanlegg» nemnast som «Småbåthamn» (SOSI-kode 6230), då dette er samsvarande med hovudføremålet: «Bruk og vern av sjø og vassdrag med tilhøyrande strandsone». Adm.sjefen ser ikkje at planen har konsekvensar som medfører konflikt eller risiko i tilknyting til sjøareala og vurderer derfor at det ikkje er relevant med særskilt vurdering av tryggleik eller forureiningsfare. Formålet småbåtanlegg er endra på plankartet si teiknforklaring. Oppsummering Med dei endringane som her er gjort greie for, ligg det etter adm.sjefen sii vurdering godt til rette for at Fylkesmannen trekker sine motsegner. Dette må vere på plass før kommunestyret kan gjere endeleg vedtak. Endringane er ikkje av slik karakter at nytt offentleg ettersyn er vurdert nødvendig. På grunn av tidspress og deadline for framlegging av saka til planutvalet, vil brev frå Fylkesmannen (vedkomande trekking av motsegner) bli ettersendt eller framlagd i møtet. Oppsummering 2 - Tillegg til kommunestyremøtet september 2017: På grunn av at Fylkesmannen overraskande opprettheldt motsegna mot felt BFF2, kunne ikkje planen godkjennast i kommunestyret den 22.juni. Saka vart derfor trekt. Det vart deretter halde ny synfaring 29.juni, der både planutvalet og 2 representantar frå FM deltok i lag med grunneigar. På bakgrunn av drøftingar under synfaringa vart forslag til endringar sendt FM den 30.juni. I svar same dag bad FM om ytterlegare modifikasjonar for å kunne trekke motsegna. Dei reviderte plandokumenta datert 3.juli 2017, som tek omsyn til desse krava, er framlagt for FM som deretter i brev av 4.juli har trekt den siste motsegna. Sjølv om adm.sjefen og FM er ueinig i nødvendigheita av dei siste endringane, er ikkje hovudtrekka eller hovudmåla i planen endra. Grunneigar på BFF2 og initiativakarane har også akseptert endringane. Det ligg såleis no til rette for å kunne gjere eit endeleg planvedtak. Særutskrift til: Etter adresseliste Vedlegg: 1 Reguleringsplan for område B1 og areal på gnr 75 bnr 5 - trekking av motsegn -

5 Fylkesmannen i Møre og Romsdal 2 Re.plan Fiksdal - revidert plankart Planomtale Planføresegner 5 Reguleringsplan Fiksdal - Svar frå Fylkesmannen i Møre og Romsdal vedr. endringsforslag 6 forslag reguleringsplan Fiksdal Reguleringsplan Fiksdal - endringar etter synfaring pga motsegn 9 Fråsegn regplan bustadfelt B1 Fiksdal - Fylkesmannen i Møre og Romsdal 10 Vestnes kommune - detaljregulering - reguleringsplan for bustadfelt B1 - Fiksdal - fråsegn ved offentleg ettersyn 11 Uttale frå Eldrerådet og Rådet for funksjonshemma - Reguleringsplan for bustadfelt B1 i Fiksdal 12 Fv Uttale - Reguleringsplan for nytt bustadfelt B1 i Fiksdal - Vestnes kommune sendt fra Statens vegvesen 13 Ingen merknad til reguleringsplan for nytt boligfelt B1 - Fiksdal - Vestnes kommune 14 Fråsegn og offentleg ettersyn på reguleringsplan for nytt bustadfelt B1 i Fiksdal - frå Kystverket Midt-Norge 15 Forslag til reguleringsplan for bustadfelt B1 i Fiksdal - Melding om offentleg ettersyn 16 Plankart datert Særutskrift - Detaljreguleringsplan B1- Fiksdal