Detaljregulering Vegparsell Kjørnesplatået PLANOMTALE. Sist revidert: Plan ID: FRAMLEGGSSTILLAR: Sogndal kommune

Transkript

1 side 1/13 Detaljregulering Vegparsell Kjørnesplatået PLANOMTALE Sist revidert: Plan ID: FRAMLEGGSSTILLAR: Sogndal kommune

2 side 2/13 INNHALDSLISTE 1 Bakgrunn s.3 1. Forslagsstillar 2. Føremål med planen 2 Planprosess s.3 1. Oppstart av planarbeidet 2. Vurdering etter forskrift om konsekvensutgreiingar 3. Konklusjon av ROS-analyse 3 Planstatus og rammer for planarbeidet s.4 4 Skildring av planområdet dagens situasjon s.7 1. Lokalisering 2. Avgrensing av planområdet 3. Busetnad og historikk 4. Terreng, landskap og vegetasjon 5. Grøne interesser 6. Veg- og trafikktilhøve 5 Risiko og sårbarheit s.9 1. ROS-analyse 2. Funn for oppfølging 6 Skildring av planframlegget s Vurdering og val av vegløysing 7 Reguleringsføremål s Køyreveg 2. Anna veggrunn 3. Eigarform 8 Verknadar av planframlegget s Terreng, landskap og vegetasjon 2. Grøne interesser 3. Veg- og trafikktilhøve 4. Risiko og sårbarheit 9 Oppsummering og kommentarar til innkomne merknadar til melding om oppstart. s.13 VEDLEGG Plankart Føresegner datert Illustrasjonar Skredfarevurdering datert Overvassvurdering datert

3 side 3/13 1. Bakgrunn: 1.1 Forslagsstillar Sogndal kommune fremjar detaljregulering for vegparsell på Kjørnesplatået. 1.2 Føremål med planen Føremålet med planarbeidet er å legge til rette for utbygging av tilkomstveg frå Tjødnali over gnr. 1 bnr. 53, 54, 57 og 58 fram til 9 eksisterande einebustadar på Kjørnesplatået. I gjeldande reguleringsplan Kjørnes 2 og 3 frå 1983 er det regulert køyreveg inn i området, frå Tjødnali. Tverrforbindelsen har aldri vore bygd ut og trafikken har gått frå Kjørnessvingen og opp til Kjørnesplatået på ein veg som ikkje er dimensjonert for denne trafikken. Vegen er smal og bratt og svært krevjande vinterstid. Dette planframlegget vert fremja for å oppdatere plangrunnlaget slik at det kan danne nytt grunnlag for gjennomføring av tiltaket. Intensjonen er å regulere ny veg tilnærma lik slik den er regulert i gjeldande plan. Ny tilkomst til Kjørnesplatået vil bidra til å redusere trafikkmengda i Kjørnessvingen, som ikkje er dimensjonert for å ta i mot trafikken til Kjørnesplatået. 2. Planprosess: 2.1 Oppstart av planarbeidet Oppstartsmøte med synfaring på Kjørnesplatået vart gjennomført den Varsel om oppstart av planarbeid vart sendt til naboar, grunneigarar, offentlege og private høyringspartar ved brev den Det vart på same dato kunngjort i Sogn Avis og på kommunen sine nettsider. Frist for merknader vart satt til Til melding om oppstart kom det 8 innspel. Det er ikkje stilt varsel om motsegn til planarbeidet. Mottekne merknadar vart lagt ved i saksframstillinga då planen vart handsama av forvaltningsutvalet i møte sak 64/17. Forvaltningsutvalet vedtok å legge planframlegget dagsett ut til offentleg ettersyn og høyring. Planframlegget låg til høyring i perioden Det kom inn 4 merknadar. Mottekne merknadar vart lagt ved i saksframstillinga då planen vart fremja til ny politisk handsaming. Planframlegget vart endra og Forvaltningsutvalet vedtok i møte sak 27/2018 å legge revidert planframlegg ut til ny høyring og offentleg ettersyn. Endra planframlegg låg ute til høyring i perioden Det kom inn sju merknadar som låg ved i saksframstillinga då planen vart fremja til vidare politisk handsaming og vedtak. Av dei to alternativa som hadde vore på høyring vart alternativ 1 (plankart datert ) fremja av forvaltningsutvalet (møte sak 35/18) til kommunestyret for vedtak med følgjande endringar; Vegen er offentleg og med moglegheit for opparbeiding av avkøyrsle og parkeringsplassar til 1/58 og 1/57. Kommunestyret fatta følgjande vedtak i møte sak 32/18: Kommunestyret vedtek detaljreguleringsplan for vegparsell på Kjørnesplatået, slik den ligg føre i plankart og føresegn datert , i medhald av plan- og bygningslova med følgjande endring: Vegen skal regulerast etter midtlinjeprinsippet. Dersom endra plankart må høyrast, vert saka sendt tilbake til forvaltningsutvalet. 2.2 Vurdering etter forskrift om konsekvensutgreiingar Det er ikkje utarbeidd planprogram i samband med melding om oppstart av planarbeidet. Etter Plan- og bygningslova 4-1 skal det for reguleringsplanar utarbeidast planprogram dersom kommunen vurderer at planframlegget har vesentlege verknadar for miljø og samfunn. Med utgangspunkt i Forskrift om konsekvensutreiing 8 skal reguleringsplanar som omfattar tiltak i vedlegg II til forskrifta konsekvensutgreiast. Vi

4 side 4/13 vurderer ut i frå dette at planen ikkje omfattar tiltak som gjer at planarbeidet fell inn under det saklege verkeområdet for KU-forskrifta, og at planarbeidet difor ikkje utløyser krav om konsekvensutreiing eller planprogram. 3. Planstatus og rammer for planarbeidet I kommuneplanen sin arealdel (arealplan-id ) er området satt av til føremålet noverande bustad (B-U), og sone der gjeldande reguleringsplan framleis skal gjelde. Gjeldande reguleringsplan er eldre reguleringsplan for Kjørnes 2 og 3 (arealplan-id ), vedteken Området er regulert til offentleg køyreveg (veg 4) med 6 meters breidde og vendehammar i enden inne på Kjørnesplatået. Veg 4 heiter Tjødnali, og er ikkje bygd ut heilt i samsvar med slik den er regulert. Etter våre målingar på kart er eksisterande veg noko smalare, 4 meter brei, og den er ikkje bygd heilt ut til Kjørnesplatået. Tjødnali endar i ein snuplass der det er regulert parkering (P) i plankartet. Vegnorm for Sogndal kommune (2015) Sogndal kommune held seg til Statens vegvesen sine handbøker for planlegging og bygging av vegar handbok 017 og 018 (N100 og N200). Statens vegvesen sin Handbok N100 Veg- og gateutforming angir følgjande: Vegen bør utformast som A1 - åtkomstveg i bustadområder, fartsgrense 30 km/t. For ein veg som gir tilkomst til inntil 50 bueiningar i blindveg bør tverrprofil som vist i figur C.20 nyttast. Snuplass bør leggas i enden av vegen og utformast i samsvar med kapittel E.7.6. Avkøyrslar langs vegen fungerer som møteplassar. Ikkje krav til eigne løysingar for gåande og syklande.

5 side 5/13 Vegen bør belysast. Vegen og kryss med andre åtkomstveger bør dimensjonerast for køyretøy type L (lastebil). L bør trafikkere vegen etter køyremåte B. Rettleiar om tilrettelegging for rednings- og sløkkemannskap i distriktet til Sogn brann og redning IKS (2017). Desse retningslinjene er å betrakte som innspel frå brannvesenet, og/eller akseptkriterier for å sikre at SBR IKS vil kunne utføre en effektiv rednings- og sløkkeinnsats utan unødvendig risiko for skader på personell og utstyr. Tilkomsten må dimensjonerast etter tabell 2.1.

6 side 6/13 4. Skildring av planområdet dagens situasjon 4.1 Lokalisering Planområdet ligg på Kjørnes mellom Sogndal sentrum og Kaupanger. Tilkomst til planområdet skjer frå Helgheimsvegen (rv 5), via kommunal veg Kjørnessvingen og enten mot vest opp privat veg Kjørnesplatået, eller vidare aust på kommunal veg Stølen og vidare på kommunal veg Tjødnali. 4.2 Avgrensing av planområdet Ved varsel om oppstart var planområdet om lag 4,4 daa og omfatta gnr. 1, bnr. 1, 39, 57, 63. Det vart varsla ein romsleg planavgrensing for å ha moglegheita til å gjere nærare vurderingar om eigna plassering av vendehammar i tilknyting til ny veg. Etter kvart som det er arbeida med planen har planområdet vorte innskrenka til å omfatte det naudsynte arealet for å etablere valt vegløysing. 4.3 Busetnad og historikk Planområdet ligg i eit bustadområde frå 70-talet. Bustadane ligg spreidd med mykje bevart skog/vegetasjon og terreng rundt. Tomtane er av god storleik. Nokre av husa er av nyare dato. Alle husa har saltak og fleire av husa underrettar seg naturen gjennom fargebruk, plassering og form, og bevaring av trea/vegetasjon.

7 side 7/ Terreng, landskap og vegetasjon Naturen er eit viktig element for området, og bustadtomtane er godt integrert i landskapet. Planområdet er del av uteområdet til tilgrensande bustadar. Særtrekk er natursteinsmur, svaberg, furutrær og anna prydvegetasjon. Det kan sjå ut som det er tilrettelagt for veg gjennom området frå tidlegare av. 4.5 Grøne interesser Planområdet er i hovudsak private hagar, er ikkje tilgjengeleg for ålmenta og har ikkje funksjon for friluftsliv eller som leikeareal. Frå vegen Kjørnesplatået opp mellom gnr/bnr 1/38 og 1/54, går det ein merka «folkesti» som leder opp til friluftsområdet mot Jeiskedalen / Loftesnesfjellet. Det er gjennomført søk i artsdatabanken og naturbasen og det er ikkje registrert noko innanfor planområdet. 4.6 Veg- og trafikktilhøve Eksisterande køyretilkomst til bustadane på Kjørnesplatået er via privat veg Kjørnesplatået frå Kjørnessvingen. Kjørnesplatået er ca. 3 meter bred og har bratt stigning. Vegen er krevjande vinterstid. Tjødnali har køyrebane som er 4 m brei, har langsgåande einsidig fortau og ender i ein snuplass.

8 side 8/13 5. Risiko og sårbarheit 5.1 ROS-analyse Analysen er utarbeida med utgangspunkt i Rettleiar for utarbeiding av reguleringsplanar frå Sogn og Fjordane Fylkeskommune, samt eiga sjekkliste. Analysen er basert på føreliggjande framlegg til detaljregulering. Vurdering for uønskte hendingar er delt i: Svært sannsynleg kan skje regelmessig; tilhøvet er kontinuerleg til stades Ganske sannsynleg kan skje av og til, periodisk hending (årleg) Mindre sannsynleg kan skje (ikkje usannsynleg, ca. kvart 10. år) Lite sannsynleg hending er ikkje kjent frå tilsvarande situasjonar / tilhøve, men er teoretisk sjanse, sjeldnare enn 100år Der ekstern ekspertise / kompetanseorgan er nytta kjem dette fram som ref.: under kommentarfeltet i tabellen under. Konsekvensar og aktuelle tiltak til dei ulike hendingane er ført opp under kommentarfeltet i tabellen. Uønskt hending Aktuelt? Sannsyn Natur- og miljøforhold Snø-eller steinskred? Ja Lite Kommentar/tiltak Innafor NVE aktsemdsområde, ref. skredatlas.nve.no. Skredfarevurdering er utarbeidd. sannsynleg Flodbølgjer som følgje av skred? Utanfor NVE aktsemdsområde, ref. skredatlas.nve.no Kvikkleire eller anna ustabilitet? Utanfor NVE aktsemdsområde for kvikkleire, ref. skredatlas.nve.no Flaum/flaumskred? Utanfor NVE aktsemdsområde, ref. skredatlas.nve.no Overvatn? Ja Ganske sannsynleg Vil planområdet bli påverka av klimaendringar? Ja Ganske sannsynleg Berg (harde overflater), jordlag av varierande tjukkleik, hellande og bratt terreng. Basert på synfaringar. Grunnforhold: Avsmeltingsmorene og bart fjell, ref. skredatlas.nve.no Vil truleg gje auka overvassmengde som må takast omsyn til ved dimensjonering av eventuell overvassplan. Radon? Ikkje aktuelt Skog-/lyngbrann? Ja Føremål bak planen gir betra tilkomst ved brann og redning. Storflo? Vind? Sårbar flora? Ja Ikkje noko registrert i artsdatabanken. Basert på synfaringar: barskog av ein viss alder, av verdi for nærmiljøet; leik/friluftsliv. Verneområde?

9 side 9/13 Vassdragsområde? Kulturminne/-miljø? Verksemdsrisiko Er det i området: Anlegg/verksemd som kan utgjere ein risiko? Lager med farlege stoff (væsker, gassar, eksplosiv, mv)? Medfører planen/tiltaket: Anlegg/verksemd som kan utgjere ein risiko Lager med farlege stoff (væsker, gassar, eksplosiv, mv)? Auka risiko eller andre påkjenningar for sårbare bygg, infrastruktur, aktivitetar? Forureining Er det i området: Fare for akutt forureining Permanent forureining? Støy og støv (industri, trafikk, mv.)? Høgspentlinjer Tekniske installasjonar Ja Sognekraft har ei lågspentlinje med stolpar i planavgrensinga. Medfører planen/tiltaket: Fare for akutt forureining? Permanent forureining? Støy og støv (industri, trafikk, m.v.)? Høgspentlinjer? Anlegg for avfallsbehandling? Beredskap Er det i området: God tilkomst for utrykkingskøyretøy? Ja Intensjon for planen er betra tilkomst til eksisterande bustader. Tilstrekkeleg sløkkevasskapasitet Medfører planen/tiltaket: Behov for nye/auka beredskapstiltak (brann, helse, m.v.)? Infrastruktur Trafikkulykker? Ja Mindre sannsynleg Manglande kapasitet i kraftforsyninga? Manglande kapasitet i tele- /dataforsyninga? I prinsippet inneber planframlegget ein forbetring av køyretilhøve og skal på den måten medverke til lågare risiko for trafikkulukker.

10 side 10/13 Manglande kapasitet i VA-system? Andre forhold Fare for sabotasje/terror Fare for annan kriminalitet Vatn med fare for usikker is Terrengformasjonar som utgjer spesiell fare (stup, skrentar m.m.? Gruver, opne sjakter, steintippar Ja Mindre sannsynleg Ny veg i bratt terreng kan gje moglege vegskjeringar og fyllingar. 5.2 Funn for oppfølging Etter utsjekk i ovanståande diagram vert det ståande igjen to uønskte hendingar som har vore undersøkt nærmare Snø- eller steinskred Ny vegparsell ligg innanfor NVE aktsemdsområde, ref. skrednett.no, med fare for snø- og steinskred. Det er gjennomført skredfarevurdering av Henriksen Geopraksis, datert , som konkluderer som følgjer: Ut frå vurderingane ligg planlagd veg utanfor skredfarleg område. Uteområdet til bustadhuset gnr/bnr1/59 kan rammas av mindre nedfall frå skrenten i bakkant. Det vert ikkje innarbeida sikringstiltak i planframlegget fordi sikring av bustad kjem utanfor planframlegget sitt område Overvatn Det er utarbeidd ein overvassvurdering av Norconsult AS, datert Rapporten konkluderer som følgjer: Nedbørfeltet er såpass lite at det genererer forholdsvis lite overvatn. Auken i avrenning frå vegutbygginga er isolert sett så å seie utan innverknad på nedstraums areal. I dag renn truleg vatnet fritt fordelt fleire stader før det blir samla nede ved dagens veg til Kjørnesplatået. Ulempa med vegutbygginga er at avløpet frå nedbørfeltet blir avskore og konsentrert i veggrøfta på oppsida av vegen. Vi tilrår å etablere Ø400mm stikkrenne i lågaste delen av vegen aust for gnr./bnr. 1/53, 57. Nedstraums stikkrenna ned mot dagens veg til Kjørnesplatået er arealet regulert til friområde. Her kan overvatnet renne fritt ned til veggrøfta til dagens veg til Kjørnesplatået. Avrenningsmønsteret vidare nedover dagens veg til Kjørnesplatået blir ikkje endra ut over at vassføringa aukar, vesentleg grunna klimapåslaget. Tilrådinga i rapporten vert fylgt opp gjennom reguleringsføresegn om at overvassvurderinga skal ligge til grunn for utforming av vegen.

11 side 11/13 6. Skildring av planframlegget 6.1 Vurdering og val av vegløysing Intensjonen i planframlegget er å legge det til rette for utbygging av vegparsell frå snuplass i enda av Tjødnali fram til Kjørnesplatået, tilnærma slik det kjem fram av gjeldande reguleringsplan , Kjørnes 2 og 3. I gjeldande reguleringsplan er vegen regulert som offentleg veg. Det har vore eit mål å regulere for offentleg veg også i denne planen. Det har vist seg å vere svært krevjande å få til ein god løysing for vendehammar i enden av vegen. Vendehammar for lastebil må vere flat og ha ein viss utstrekning i lengde. Tilgjengeleg areal på Kjørnesplatået er smalt og bratt. Etablering av vendehammar i tråd med vegnorma vil innebere store terrenginngrep og endringar av avkøyrslar til eksisterande bustadeigedomar. Av omsyn til eksisterande tilhøve på Kjørnesplatået vert det tilrådd å ikkje planlegge for vendehammar for lastebil (jf. normkrav) i enda av vegen. Det vert tilrådd å legge til rette for tilkomstveg (A1) som koplar seg på eksisterande veg på best høveleg måte, med lokale tilpassingar, utan å lage vendehammar. Etablering av vegen vil uansett innebere forbetra tilkomst. Det er ikkje meininga at vegen skal utløyse vidare utbygging av bustader på Kjørnesplatået. Ein eventuell framtidig utbygging av området vil måtte vurderast gjennom reguleringsplan kor tilkomst vil vere eit tema. 7. Reguleringsføremål 7.1 Køyreveg Føremålet køyreveg er regulert med 3,5 m vegbreidde. Det er i samsvar med tverrprofil for A1, jf. Statens vegvesen sin handbok N100 figur C.20. Vegen skal asfalterast. I samband med byggesakshandsaminga kan kommunen tillate mindre justeringar av plasseringa dersom det vert hensiktsmessig av omsyn til terreng og landskap. Området har tydelege og gode naturgjevne kvalitetar med furuskog, fjell i dagen som bør ivaretakast der det er mogleg. 7.2 Anna veggrunn Areal for naudsynte grøfter, skjeringar, fyllingar, murer og / eller tekniske installasjonar. Areala elles / etter opparbeiding kan nyttast som del av bustadformål. 7.3 Eigarform Vegen skal vere offentleg, kommunal veg. 7.4 Avkøyrsle til parkeringsplassar I plankartet er det teikna inn to avkøyrslepilar, ein til gbnr. 1/58 og ein til gbnr. 1/57. Det kan etablerast avkøyrsle til eigedomane 1/58 og 1/57 for etablering av parkeringsplassar med eventuell garasje. For kvar eigedom kan det etablerast to parkeringsplassar. Utforming og plassering av avkøyrsle skal vere i tråd med vegnorm for Sogndal kommune. Plassering av avkøyrslepil i kartet er retningsgjevande og plassering av avkøyrsle kan justerast for å oppnå best mogleg løysing i høve terreng. Parkeringsplassar og eventuell garasje skal plasserast minimum 2 meter frå kommunal veg. Vi har ikkje opna for at avkøyrslane skal kunne leide til ny utbygging av bustad på dei nemnde tomtane. Eventuell framtidig bustadutbygging i tilknyting til vegen må løysast gjennom eigen søknadsprosess.

12 side 12/13 8. Verknadar av planframlegget 8.1 Terreng, landskap og vegetasjon Å bygge ein veg gjennom hagane vil medføre endring av terreng, vegetasjon og landskap. Vegen er i plankartet regulert etter midtlinjeprinsippet. Det er eigedomsgrensa mellom gbnr. 1/54, 1/53 og 1/57, 1/58 som er førande for plasseringa. Dette inneber at vegen går inn i fjellknausane på 1/58 og 1/63, og at det vert behov for å sprenge bort fjell. Det er vanskeleg å sei kor høg ein slik skjering vil bli, avhengig av eigenskapane til bergarten, og høgdeplasseringa til vegen, men den kan bli opp mot 4 meter høg. Eksakt plassering av vegen i terrenget må løysast i detaljprosjekteringa, kor ein og vil sjå nærare på utforming av fylling, skjering, murar osv. innanfor føremålet anna veggrunn. Sjå 3d-illustrasjonar i vedlegg. I samband med detaljprosjektering og byggesakshandsaming kan kommunen tillate mindre justeringar av plasseringa dersom det vert hensiktsmessig av omsyn til terreng og landskap. Området har tydelege og gode naturgjevne kvalitetar med furuskog, fjell i dagen som bør ivaretakast der regulert veglinje tillèt det. 8.2 Grøne interesser Det leggjast til rette for utbygging av veg gjennom to private hagar der det ikkje er registrert funn av verdifullt eller trua naturmangfald. Innhaldet i planframlegget vil så langt vi kjenner til ikkje påverke friluftsliv, leikeareal, barn og unges interesser eller verdifullt naturmangfald på negativ måte. 8.3 trafikktilhøve Ved utbygging av ny tilkomstveg slik planframlegget opnar for vil tilkomst til dei 9 bustadeigedomane på Kjørnesplatået verte forbetra. Det vil innebere forbetra tilkomstforhold for bebuarar og utrykkingskøyretøy. Kjørnessvingen og Tjødnali har ein betre vegstandard og slakare helling enn Kjørnesplatået. Ny tilkomst til Kjørnesplatået vil bidra til å redusere trafikkmengda i Kjørnessvingen, som ikkje er dimensjonert for å ta i mot trafikken til Kjørnesplatået. 8.4 Risiko og sårbarheit Planframlegget vil ikkje føre til auka risiko og sårbarheit i området. Tilhøva vil verte betre med omsyn til trafikktryggleik og tilkomst for utrykkingskøyretøy. Endringar i avrenningsmønster for overvatn vert ivaretatt ved å etablere Ø400mm stikkrenne for å leide vatnet under og forbi vegen.